رواية النمر🤔الحلقة 20
الحلقة ال ٢٠
معاذ / خلى بالك من نفسك
بسمة / متقلقش عليا و الف مبرووك
بسمة بتمشى وبتوقف تاكسى وبيتحركو كلهم وبيروحو على كافية على النيل وبيقاعدو كلهم مع بعض و ماهر باين علية مدايق و شهد بتبص للؤلؤة علشان ماهر و شهد بيجلها تلفون
و ماهر بيشوف الاسم وبيكون عادل وبيدايق اكتر و شهد بترد على التلفون بنعم ولا بس علشان ماهر وماهر بيقف وبيروح بعيد وبيتفرج على النيل و شهد بتخلص تلفونها
لؤلؤة / شهد خليكى هدية شوية
شهد بتروح تقف مع ماهر و معاذ سرحان
لؤلؤة / سرحان فى اية وانا جمبك
معاذ / شكلى هندم
لؤلؤة / نعم تندم انت ندمان
معاذ بيضحك على شكل لؤلؤة الى اتغير وبان عليها القلق
معاذ / انا ندمان انى ضيعت وقت كتر لحد ما قولتلك انى بحبك
لؤلؤة/ ابو شكلك
معاذ بيمسك ايد لؤلؤة اوى
لؤلؤة / انت تعرف باة انى حبيتك من اول يوم عرفتك فية من اليوم الى انقذت حياتى وانا كنت بفكر فيك ولما كانو المجرميين مسكوك وفضلو يضربو فيك بالبكس ويعزبوك ولما عمار ضربك بالقلم
معاذ / خلاص اية انتى مبتفتكريش غير الضرب
لؤلؤة بتضحك اوى
لؤلؤة / بحبك اوى
معاذ / وانا كمان بس بلاش تفتكرى اللحظات الجميلة دى
لؤلؤة بتضحك اوى هى و معاذ
ماهر / انتى مبتفكريش فى مشاعرى ابدا المفروض انى قولتلك اكتر من مرة انى مش حابب الانسان دة يكون قريب منك وانتى لا بالعكس بتقربى منو اكتر وكمان بيتصل بيكى فى اى وقت عادى
شهد / ماهر انت عارفنى وعارف اخلاقى كويس
ماهر / انتى عرفة انى مقصدش حاجة
شهد / انا لو مكنتش متاكدة انك متقصدش حاجة من الكلام دة انا كنت قطعت علاقتى بيك حالا بس انا متاكدة انك بتخاف عليا اكتر من نفسك بس الغيرة دى ممكن تدمر كل حاجة جوانا ارجوك بلاش انا مش عوزة حاجة تفرقنا تانى
شهد دموعها بتنزل و ماهر بيشفها
ماهر / انا قولتلك اكتر من مرة مش عاوز اشوف دموع فى عنيكى تانى
شهد / انا مش بعيط
ماهر بيبصلها
ماهر/ الله تصدقى ان عيونك بتكون حلوة اوى وانتى بتعيطي
شهد بتبصلو وبتبتسم
ماهر / ابوكى فاضى بكرة
شهد بتمسح دموعها وبتبصلو
شهد / نعم
ماهر / بقولك ابوكى فاضى بكرة عاوز اطلب ايدك
شهد / اولا اسمو والدك مش ابوكى ثانيا شوف الوقت الى ينسبك وبابا هيكون مستني
ماهر بيبصلها اوى وبيضحكو هم الاتنين اوى
ماهر / معرفش انك وقعة اوى كدة
شهد / بصراحة اة
ايات بتبص و لؤلؤة و معاذ قاعدين مسكيين ايد بعض ومبسوطيين و ماهر ر شهد وقفيين بيتكلمو مع بعض وبيضحكو
ايات / اية هتفضل قاعد كدة تشرب فى العصير
علاء / العصير هنا يجنن نباة نيجى هنا تانى بيعملو عصير مانجا تحفة
ايات / صبرنى يااارب اية انت مفيش حاجة عاوز تقولهالى
علاء / انا حاجة اية يعنى
ايات / احنا فى مكان هادى وجمبنا النيل وكدة يعنى
علاء/ كدة يعنى اية اة عوزة عصير مانجا
ايات / لا يباة انط فى النيل وانتحر احسن
علاء / واهون عليكى تسبينى لوحدى يا روحى
ايات / اخيرا اتكلمت
علاء / تخدى مانجا
ايات / اة هتلى مانجا احسن انا ممكن اتشل وانا كدة
علاء بيبصلها وبيضحك
علاء / خلاص كنت بهزر معاكى بيتهيقلى كدة خلاص كل المشاكل الى عندكو اتحلت ممكن باة نحدد ميعاد الفرح
ماهر بيجى من وراهم
ماهر / فرح ميين الى بيتكلم عن الفرح
معاذ و لؤلؤة بيبصلهم
علاء / انا و ايات بيتهيقلى اننا لزم نخدد ميعاد الفرح باة
لؤلؤة شهد / مبرووك يا ايات
ماهر / انا كمان اتفقت مع شهد بكرة هروح اطلب اديها من ابوها
شهد / اسمو والدك
علاء / الف مبرووك يا ماهر مبروك يا شهد
والكل بيبارك لهم والكل فرحان
علاء / طيب متخلوها فرح على طول
ماهر / والله فكرة ملهوش لزم الخطوبة والدبديب والورد والكلام الفاضى دة
ماريا / نعم يعنى بعد الجواز مش هتجبلى ورد ودباديب
ماهر / اة حاضر ان شاء الله
والكل بيضحك عليهم
لؤلؤة / فكرة حلوة جدا وكمان انتو والاربعة يباة فرحكو فى يوم واحد
معاذ / نخليها احنا ال٦
لؤلؤة بتبص لمعاذ اوى
معاذ / دة لو معندكيش مانع يعنى
لؤلؤة / لا طبعا هيكون اسعد يوم فى حياتى
معاذ و لؤلؤة بيبصو لبعض اوى ومبسوطيين والكل مبسووط اوى وبيضحكو
معاذ بيجيلو رسالة وبيقراها وبيمسحها من الموبيل
لؤلؤة/ من ميين الرسالة دى
معاذ / ثوانى هعمل تلفون وراجع
معاذ بيبعد بعيد عنهم و لؤلؤة بتبص علية من بعيد وباين علية بيتكلم فى حاجة مهمة واخد وقت و لؤلؤة بتروح علية معاذ بيقفل التلفون
لؤلؤة / كنت بتكلم ميين مخليك متوتر كدة
معاذ / طلبونى فى المركز بكرة الصبح
لؤلؤة / اية طلبوك انت بس الحرب انتهت خلاص بس انت هو
معاذ بيمسك ايد لؤلؤة وبيهديها
معاذ / لؤلؤة ممكن تهدى شوية هى الحرب خلصت خلاص بس اعداء البلد الى مستنين اى فرصة علشان يدمروها فى كل مكان وانا من واجبى انى احميها
لؤلؤة / لااا بس هو اكيد فى ضباط غيرك ممكن تعمل الى انت بتعملو
ماهر بيروح عليهم وهم وقفيين
ماهر/ اية مالكو فى اية
لؤلؤة بتمسح دموعها
ماهر / اية دة انت لحقت تزعل اختى من اولها
معاذ / الادارة طلبتنى بكرة الصبح
ماهر / وفيها اية دة واجبك واكيد لؤلؤة هتقدر حاجة زى دى
لؤلؤة بتبص لماهر اوى
لؤلؤة/ عوزة امشى
معاذ / خلينا نتكلم الاول
لؤلؤة / ماهر ممكن توصلنى
معاذ / لؤلؤة انا بكلمك خلينا نتفاهم مع بعض بهدوء
لؤلؤة / ماهر لو مش هتوصلنى هروح اخد تاكسى
و لؤلؤة وبتسبهم
ماهر / دى مجنونة هروح اوصلها خليها شوية تفكر لوحدها
معاذ مدايق اوى والكل بيروح لماهر وبيسالو عن لؤلؤة ملها فى اية
ماهر / معلش يا علاء لؤلؤة دمغها بتوجعها ولزم نمشى يلا بينا يا شهد اوصلك معايا
ماهر بياخد شهد وبيخرجو و لؤلؤة وقفة بتعيط واول ما بتشوف شهد بتحضنها وبتعيط و معاذ واقف بيبص عليها من بعيد ومدايق اوى علشان بتعيط
شهد / فى اية لؤلؤة مالك
ماهر بيخدها وبيروحو على البيت و لؤلؤة بتروح على اوضتها فى بيت اهلها هى و ماهر وبتعيط وبعد شوية ماهر بيدخل للؤلؤة
ماهر / ممكن نتكلم مع بعض
ماهر بيدخل وبيقاعد حمبها على السرير و لؤلؤة بتمسح دموعها
ماهر / الاحسن انكو تتكلمو مع بعض معاذ برة
لؤلؤة بتبص لماهر اوى
ماهر / بس قبل ما تتكلمى فكرى كويس علشان متندميش
لؤلؤة بتخرج مع ماهر وبتشوف معاذ قاعد فى الصالة و معاذ الله بيبصلها
ماهر / هروح اعملكو عصير
ماهر طبعا عاوز يسبهم لوحدهم يتكلمو و لؤلؤة بتروح تقاعد قدم معاذ ومش بتتكلم و معاذ عيونو عليها
معاذ / محبتش اروح على البيت من غير ما اشوفك
لؤلؤة / انا تعبت فى حياتى اوى وانت عارف كدة ولما السعادة تدخل حياتى
معاذ بيوقف لؤلؤة من الكلام
معاذ / دة شغلى يا لؤلؤة ومستحيل استغنا عنو
لؤلؤة / انا مقلتش تستغنا عنو انت ممكن تقدم طلب انهم يعفوك من الماموريات دى مش لزم اموت كل ثانية من القلق عليك
معاذ / يعنى عوزة تمشينى زى ما انتى عوزة مش زى ما انا عاوز
لؤلؤة / انت عارف انى مقصدش كدة بس انا انسانة بسيطة جدا وعوزة اعيش حياتى معاك وتكون بسيطة وهدية
معاذ / ميين قالك ان حيتنا مش هتكون هدية ممكن اة فعلا نفضل كام يوم بعيد عن بعض بس انا
لؤلؤة / معاذ متنساش انى كنت مامورية من مامورياتك دى
وياريت تختار بينى وبين المهمات الخاصة
معاذ / انا مش عارف ازاى بتفكرى بالاسلوب دة انتى فعلا خلتينى اندم انى خطيت خطوة فى حيتنا مع بعض بس اكيد مش ندمان انى حبيتك
لؤلؤة دموعها بتنزل
لؤلؤة / انا قولتلك كدة علشان بحبك وعوزاك تفضل جمبى على طول
معاذ / دى انانية يا لؤلؤة
لؤلؤة بتعيط و معاذ بيقلع الدبلة الى فى ايدو وبيحطها على التربيظة قدمها وبيبص للؤلؤة اوى و لؤلؤة بتبصلو و معاذ بيهرب من عنيها بسرعة وبيمشى و ماهر بيكون واقف بعيد
وسامع كل حاجة و لؤلؤة بتقاعد على الارض وبتنهار من العياط و ماهر بيروح عليها وبيحضنها اوى
*******************.
بعد يومين الباب بيخبط و ماهر بيروح يفتح وبتكون ايات
ماهر / ايات كويس انك جيتى انا عندى مشوار مهم خليكى انتى مع لؤلؤة
ايات / هى لسة رفضة تخرج من اوضتها
ماهر / مش عارف اعمل معاها اية وضعفت اوى ومش عوزة تاكل ولا تشرب ولا حتى بتنام
ايات / معرفتش توصل لمعاذ
ماهر / الى عرفتو انو سافر مامورية سرية ومش عارف هيرجع امتى
ايات / خلاص روح انت مشوارك وانا هفضل مع لؤلؤة
ماهر بيخرج و ايات بتروح على المطبخ وبتجيب كوبية لبن كبيرة وبتروح لاوضة لؤلؤة و لؤلؤة قاعدة فى البلكونة لوحدها سرحانة وعنيها على دبلة معاذ
ايات / لؤلؤة حببتى عملة اية دلوقتى
لؤلؤة مبتردش عليها
ايات / طيب علشان خاطرى خدى اللبن دى علشان خاطرى يا لؤلؤة
لؤلؤة دموعها بتنزل ومبتردش عليها
ايات / شوفى شكلك عامل ازاى دة حتى شفيفك بيضة اوى وعنيكى انتى كدة بتموتى نفسك
لؤلؤة مبتردش عليها و ايات بتتعصب اوى عليها وبتمسكها من اديها جامد وبتشدها وبتخدها قدم المرايا.
ايات / شوفى شوفى بعينك انتى عاملة ازاى حرام عليكى
فوقى باة فوقى
لؤلؤة بتبص لشكلها فى المرايا وبتعيط اوى وبيغما عليها
و ايات بتصرخ
ايات / لؤلؤة لؤلؤة
ايات بتجرى على التلفون بسرعة وبتحاول تكلم ماهر و ماهر
بيسوق ومبيطلعش الموبيل يشوف ميين و ايات مش عرفة تعمل اية والموبيل بيرن وبتجرى علية
ايات / ماهر ماهر
علاء / ايات فى اية انتى كويسة
ايات / علاء الحقنى لؤلؤة تعبانة اوى ومبتتحركش انا خايفة وبكلم ماهر مبيردش وبابا وماما مش موجوديين
علاء / خليكى معاها وانا هتصل بالاسعاف وهاجى حالا
ايات / بسرعة ونبى يا علاء خايفة
ايات بتجرى على لؤلؤة بسرعة وبتحاول تفوقها بس لؤلؤة مبتتحركش خالص و بعد ربع ساعة الاسعاف بتوصل وبينقلو لؤلؤة على العربية بسرعة و علاء بيوصل و ايات بتجرى علية
ايات / علاء لؤلؤة لؤلؤة
علاء بياخد ايات على العربية وبيروحو وره عربية الاسعاف الى فيها لؤلؤة
علاء / اتصلى بماهر تانى
ايات بتكلم ماهر
ماهر / ايات
ايات/ ماهر لؤلؤة لؤلؤة تعبت واحنا فى طرقنا للمستشفى تعال بسرعة
ماهر بيكون مع شهد وبيخدها وبيروحو على المستشفى بسرعة وبتكون لؤلؤة فى اوضة والدكتور معاها جوة و ماهر بيوصل
ماهر / ايات لؤلؤة فيين حصلها اية
علاء / اهدى الدكتور معاها جوة
وبعد دقايق الدكتور بيخرج
ماهر / دكتور اختى فيها اية
الدكتور / قلة تغذية مع اكتئاب ولزم تفضل تحت العنايا لمدة ٢٤ ساعة وممنوع الزيارة عنها لحد ما تتحسن
شهد / يعنى هتكون بخير مفيش اى خطر على حيتها
الدكتور / هو الخطر موجوود فى كل الحالات بس هى محتاجة اهتمام
والدكتور بيمشى و ماهر مدايق اوى
شهد/ متقلقش اكيد ماهر هتكون بخير
ماهر / لاول مرة تباة ايدى متكتفة ومش عارف اعمل حاجة
بسمة بتشفهم وقفيين بتروح عليهم بسرعة
بسمة / ايات ماهر فى اية انتو هنا لية
ايات بتحكلها على الى حصل و بسمة بتدخل هى للؤلؤة وبتتطمن عليها وبتروح عليها وهى نايمة
بسمة / قد اية الحب ممكن يحيى الانسان من جديد وممكن يموت كمان
بسمة بتمسك ايد لؤلؤة وبتطبطب عليها وبتخرج برة
*****************.
معاذ فى حوارى المغرب الضيقة بيجرى وره مجرم بين الحوارى وبيضربو عليه نار و معاذ بينط وره سور صغير وبيطلع سلاحو وبيضربهم بالرصاص هم كمان بيرضو علية الضرب
معاذ بيشوف المجرم الى هو عوزو من بعيد وبيشوف عربية نقل بضايع جاية بيجري عليها وبينط جواها بسرعة علشان يوصل للمجرم دة وبينط علية بقلب قوى وبيضرب فية
والمجرم بيضرب فى معاذ و معاذ مناخيرو بتنزف وبيضربو بعض بقوة
وبيروح علية المجرميين وبيحولو يضربة بالرصاص و معاذ
بياخد المجرم الى مطلوب منو وبيركبو العربية النقل وبيهرب بية والمجرميين بيفضلو يطردوة من مكان لمكان
لحد ما بيقدر يهرب منهم وبيسلم المجرم للسلطات المصرية فى المغرب
جميلة جدا
ردحذف