حبك اقتحم حياتي🌸الحلقه18🌸
الحلقة 18
فى الصباح
ضحى بتجهز الفطار فى المطبخ
ضحى / على يلاا الفطار جاهز
و على مبيردش عليها و ضحى بترجع تنادى علية تانى ومبيردش و بتروح اوضة على وبيكون لسة نايم
و بتروح تفتح الشباك والنور بيدخل
على / ضحى خلينى اناام
و ضحى بتروح علية
ضحى / على انا عرفة انك مش نايم اصحى نتكلم شوية
و على مبيردش عليهاا و ضحى بتقاعد جمبو وبتبوسو من خدو
ضحى / انت عارف ان انا معااك لو حبيت تتكلم
و ضحى لسة هتخرج
على / ضحى
و ضحى بتبصلو
على / بحبك
و ضحى بتبتسم اوى وبتروح علية وبتبوسو من جبينو وهو نايم
انس بيلعب رياضة فى الجنينة و عبد الرحمن فى البلكونة بيفطر و كريمة بتروح علية وبتحط قدمه عصير
عبد الرحمن / انس متغير النهاردة مش كدة
كريمة / متغير فى اية بعد الشر علية الله اكبر علية زى الاسد اهو
و عبد الرحمن بيبص للجريدة الى على التربيظة وفيهاا صورة ضحى و انس وهم حضنين بعض وهم بيجرو من الصحافة وبيضحكو
عبد الرحمن / امير فين مشفتوش من امبارح لية
كريمة / فى اوضته باين كدة انو زعلان علشان مطلبش كوبية اللبن بالموز الى بيطلبها منى
انس / بتتكلمو عن مين انتو الاتنين
كريمة / اية الى انت عملو دة يا ابنى هتاخد برد كدة استر يارب
و انس بيضحك وبيبوس عبد الرحمن من جبينو وكريمة بتخرج وبتسبهم
انس / صباح الخيير
عبد الرحمن / صباح النور يا ابنى الجرايد كتبين عنكو كلام حلو اوى
و انس بيبص للجريدة
انس / بيبلغو اوى فى كلامهم
عبد الرحمن / كل واحد ليه راى وهم شيفين ان انتو الاتنين ثنائى الجيل
انس / باين كدة ان هاخد برد هروح اخد دوش وخلى الجريدة دى معايا علشان صحتك كدة هتتعب
و انس و عبد الرحمن بيضحكو اوى
عبد الرحمن / انس
و انس بيبصلو
عبد الرحمن / شوف اخوك مختفى لية فى اوضته من امبارح
انس / حاضر يا فندم
و انس بيخرج وبيروح على اوضته وبيقاعد على السرير
وبيبص للجريدة اوى وبيبص لصورتو هو ضحى وبيدخل ياخد شور وبيخرج وبيشوف دادة كريمة دخلة بالقهوة
كريمة / فيهاا اية لو اكلت اى حااجة قبل القهوة المرة دى
و انس بيشرب من القهوة
انس / دادة انتى عرفة انى مش بفطر كفاية عليا فنجان القهوة دة وبس
كريمة. / يا ابنى علشان صحتك دة فى الفطار بركة
انس / دادة كريمة كفاية باة امير فى اوضته ولا خرج
كريمة / مخرجش من امبارح وهو فى اوضته
و انس بياخد فنجان القهوة وبيروح لامير وبيدخل علية االاوير قاعد على السرير وبيخبى وشو بايدو
انس / امير فى اية مالك انت
امير / مفيش حاجة بس باين عليا اخد برد خلينى ادفة شوية
ولسة امير بيتغطى و انس بيمسك ايدو وبيرفع عيون امير لفوق
انس / مين الى عمل فيك كدة
و امير بيبعد ايد انس عنو ومبيتكلمش
انس / امير انا سالت سؤال
امير / انس انا كويس محصلش حاجة دى حاجة بسيطة
و انس بيضغط على خد امير و امير بيتوجع
انس / فعلاا حاجة بسيطة
امير / ادهم
و انس بيتنهد اوى وبيقاعد قدم امير
انس / احكيلى حصل اية بالضبط
ضحى لسة هتشرب من الكوبية الى فى اديها و الباب بيرن
وبتروح تفتح وبيكون محمد
ضحى / محمد صباح الخير تعال انا عملة شاى بالبن توحفة
محمد / لا انتى يلاا تعالى خلينى اوصلك مع كنزة
ضحى/ هو موضوع كنزة دة جديد بس هنتكلم فية بعديين
محمد / ضحى يلاا
ضحى / يلاا اية روح انت وصلها انا لسة على ميعاد شغلى شوية كنزة بما انها السكرتيرة بتروح قبل الموظفيين وانا موظفة عاية مش هروح الشركة دلوقتى ابيع لبن يعنى
محمد / ضحى دقيقتين تكونى قدمى تحت
و محمد بينزل وبيسبهاا
ضحى / ياربى
و بتدخل وبتروح تاخد شنطتهاا وبتبص للمج بتعهاا
ضحى / الشاى بلبن معلش اعمل اية حكم القوى على الضعيف
و بتنزل وبتركب مع محمد التاكسى وهى مديقة
محمد / اكيد مش هسيبك تروحى الشغل لوحدك بعد الاخبار الى انتشرت فى الجرايد دى
ضحى / هو انت من امتى بتقرا جرايد اصلاا
و محمد بيضربها على دمغهاا
محمد / من اليوم الى حضرتك اشتغلتى فية بصراحة حاجة تفرح
ضحى/دة فتوشوب على فكرة
و محمد بيشغل العربية ومتعصب و ضحى بتبعد نفسها لاخر الكرسى بقلق و محمد بيبصلها بغضب وبيتحرك بالعربية
انس بيخرج من الفيلا وبيركب عربيتو وبيتخض لما بيشوف سالى فى العربية
سالى / اية للدرجة دى بخوف يعنى
انس / سالى انتى ازاى جيتى هناا ودخلتى العربية
و سالى بتفتحلو جريدة قدمه
سالى / وانت ازااى تعمل كدة
انس / سالى ممكن تهدى شوية ونروح من هناا الاول
و انس بيشغل العربية وبيمشى
سالى / انت قولتلى انها مخرد خدعة وانا صدقتك ووثقت فيك وضغطت على قلبى وسكت
وسالى بتعيط و انس بيوقف العربية وبيتنهد و بيحكلها كل الى حصل بينو وبين ضحى
سالى / صدقنى البنت دى بتخدعك علشان تكون قريبة منك
وكمان ازااى الصحفيين عرفو مكنكو وانتو خرجتو كل واحد لوحدو وكمان من الباب الخلفى اكيد مش صدفة
انس / ممكن بلاش نكبر الحكاية وممكن مشفش دموعك دى تانى
سالى / على اساس ان دموعى دى بتفرق معاك اوى يعنى
و انس بيمسك اديها وبيبسهاا
سالى / انس انا بحبك اوى
و انس بيضمهاا اوى
انس / خلينى اوصلك للبيت عندى اجتماع مهم لازم اروح الشركة
سالى / لا هتوصلنى للاستوديو عندى تسجيل هناك
انس / هتتاخرى هنااك
سالى / يعنى لية
انس / وحشتينى خلينى احضر الاجتماع ونقاعد انا وانتى ونتكلم شوية
سالى / افكر
و انس بيشدها من اديهاا
انس / هاا اية هتفكرى
و سالى بتضحك اوى وبتبوسو من خدو
سالى / يلاا هنتاخر
و انس بيتحرك بالعربية وبيمشى
كنزة بتركب مع ضحى و محمد
كنزة / صباح الخيير
ضحى / صباح النور كنزة
و محمد باين علية مدايق وكنزة بتشاور لضحى على محمد و ضحى بتشاور على الجريدة وكنزة بتضحك وبعد شوية بيوصلو الشركة وبينزلو من التاكسى
كنزة / ضحى روحى انتى نسيت حاجة فى التاكسى
ضحى / اة فعلا اخت بالى انك نسيتى حاجة مهمة اروح انا باة ربنا معاكى
كنزة / انتى الوحيدة الى مش مسمحلك انك تتكلمى هاا
ضحى / هششش خلاص
و ضحى بتروح على الشركة وكنزة بترجع لمحمد
كنزة/ نقول من تانى صباح الخيير
محمد / صباح الخير
كنزة / باين عليك مدايق اوى محبتش اسالك قدم ضحى
و محمد بيبص للشركة اوى وبيتنهد
محمد / خايف عليها يا كنزة
كنزة / خايف عليها من اية بس انت شايف هى سعيدة ازااى
محمد / يمكن علشان اول مرة اشفها مبسوطة كدة
و كنزة بتمسك ايد محمد و محمد بيبصلها اوى
كنزة / سبهاا على ربناا
و محمد بيبصلهاا اوى وبيبتسم وكنزة بترتبك
كنزة / لازم اروح اشوفك بعد الشغل
وكنزة بتروح على الشركة و محمد بيبص عليها وهى ماشية
و كنزة بتروح مكتبها وبتكون ضحى هنااك
كنزة / بم ان حضرتك فضية ومش وراكى حااجة دلوقتى
هتسعدينى هتوزعى الجوابات دى على مكاتب الموظفيين
ضحى/ اوف محمد يخلينى اجى بدرى من غير ما اشرب الشاى بلبن بتاعى وانتى هناا تشغلينى كمان
كنزة/ يلاا يا حضرة العاشقة الولهانة
ضحى / كنزة
كنزة بتضحك و ضحى بتضربها بالجوابات الى فى اديهاا وبتخرج من المكتب و بتروح توزع الجوابات على المكاتب
وبتدخل مكتب انس وبتحط علية ظرف ولسة هتخرج
بتشوف جمب المكتب جهاز قديم جرامافون وبتقرب منو وبتحط الابرة علية وبيشتغل و ضحى بتضحك اوى وبتشتغل اغنية اسمهان اشتقتلك يا حبيبى وضحى مبسوطة اوى وبتلف فى الاوضة وهى بتلف بتلمح انس
واقف عند الباب وبتتخض وبتتكعبل و انس بيلحقهاا
و بتبصلو اوى بخووف و انس مسكها من خصرهاا
انس / انتى بتعملى اية
وكنزة بتدخل المكتب بسرعة على صرخة انس وبتشوف انس ماسك ضحى من خصرهاا وبتتوتر اوى و ضحى بتظبط وقفتها بسرعة وبتبعد عن انس وانس بيشيل الابرة من على الاسطوانة وبيبص لضحى
ضحى / اسفة وكنتش اعرف انو بيشتغل انا كنت بوزع الجوابات الى وصلت وانا كنت
انس / مش دة شغل كنزة بردو
كنزة / اسفة بس ضحى حبت تساعدنى شوية
و ضحى بتبص لكنزة
انس / كنزة هتيلى ملف المناقصة اشوفو قبل الاجتماع
وكنزة بتخرج ولسة ضحى هتخرج
انس / جهزى نفسك هتدخلى معايا الاجتماع
ضحى / انا
انس / اة انتى مش حضرتك مهندسة هناا بردو ولا اية
ضحى / حاضر يافندم
انس / انتى كويسة
و ضحى بتبصلو اوى وبتهز رسها بنعم
انس / ممكن تتفضلى علشان تجهزى للاجتماع
ضحى / حاضر
انس / قولى لكنزة تحضر نسخة تانية من الملف لاحمد بية
و ضحى بتتصدم لما بتعرف انو موجوود
ضحى / يعنى هو هيكون فى الاجتماع
انس / اة طبعا هو الشريك الرئيسى فى كل المشاريع للشركة
اكيد لازم يكون موجوود
و ضحى بتدايق اوى وبتحاول تسيطر على اعصبهاا و بتخرج
و بتشوف كنزة بتتكلم فى التلفون وبتسمعها
كنزة / لا هى لسة جوة عند البش مهندس حااضر حاضر هنقل كل اخبرهاا
و ضحى بتقرب منها بسرعة
ضحى / انتى بتكلمى ميين
التعليقات على الموضوع