حبك اقتحم حياتي🌸 الحلقه 13🌸
الحلقة 13
فى الشركة
ضحى فى مكتبهاا وبتحدف ملف قدمها وبتتنهد بتعب وبتمسح جبنهاا بارهاق
مصطفى / مبرووك الخطوبة
و ضحى بتبص لمصطفى وبتبص للدبلة الى فى اديهاا
ضحى / مصطفى مبرووك اية بس انت عارف كل حاجة
مصطفى / وعلشان عارف كل حاجة بقولك مبرووك انا مش مصدق انك وافقتى تلعبى اللعبة دى معاهم
ضحى / مصطفى ارجوك انا تعبانة ومش نقصة
مصطفى / الظاهر انى تعديت حدودى معاكى انا اسف بعد ازنك
و ضحى بتروح وره بسرعة وبتمسك ايدو
ضحى / مصطفى استنى انا اسفة بس انا مش عرفة انت لية
بتحاول تضغط علياا بالشكل دة انا تعبانة
و مصطفى بيبصلهاا اوى وبيبعدلها شعرهاا عن عيونها وضحى بتبصلو اوى
مصطفى / انا الى اسف عندك حق انا ضغطت عليكى اسف
و انس واقف بيبصلهم اوى وبيروح عليهم
انس / بش مهندسة ضحى عوزك فى مكتبى حالاا
و انس بيروح على مكتبو بعصبية وبغضب
ضحى / يكون عمى عبد الرحمن حصلو حااجة
مصطفى / كلمة عمى طلعة منك طبيعية اوى
ضحى / مصطفى
مصطفى / خلاص خلاص من غير عصبية اهدى يلاا روحى شوفي زوج المستقبل عاوز اية
ضحى / مصطفى انت مصر انك تدايقنى
مصطفى بيضحك و ضحى بتروح على مكتب انس ولسة هتخبط
كنزة / ضحى استنى بلاش تدخلى
ضحى / لية
كنزة /البش مهندس عصبى جدا وعيونو بتخرج شرار صدقينى انا شفت الشرار بيخرج من عيونو تفتكرى اطلب المطافى ولا الاسعاف
ضحى / كنزة اطلبى واحد ليمون احسن
و ضحى بتدق الباب وبتدخل المكتب و انس واقف قدم شباك وضهرو لضحى وحاطط ايدو فى جيبو
ضحى / حضرتك طلبتنى
و انس بيلف وبيبصلهاا
انس / اية الى انا شفتو فى الممر دة
ضحى / شفت اية مش فهمة
انس / هتعملى نفسك مش فهمة طبعاا
ضحى / بجد انا مش فهمة حضرتك تقصد اية
انس / اجواء الرومنسية الى فى الممرات مع البش مهندس مصطفى انتى نسيتى اننا مخطوبين قدم الناس وحضرتك بكل بساطة وقفة تتغزلو فى بعض وكل الموظفيين بيتفرجو عليكو
ضحى / اولا احنا مكناش بنتغزل ولا حاجة احنا كنا بنتناقش مع بعض وبس وكمان احنا
انس/ انا شفتو بنفسى بيملس على شعرك
و ضحى بتتوتر
ضحى / هو بس كان بيرفع خصلة شعرى يعنى
انس / لا بجد اية شغل الثانوية الى انتى بتقولية دة احنا بينا اتفاق ولازم تحترمية انتى فهمة ولو على البش مهندس دى امور شخصية مليش اى حق انى اتكلم فيهاا بس مش قدم الناس الكل لازم يصدق اننا مخطوبين وبنحب بعض وجدا كماان
و ضحى لسة هتتكلم والباب بيخبط وكنزة بتدخل
كنزة / بش مهندس انس احمد بية وصل
انس / خلية يتفضل طبعاا
و ضحى لسة هتخرج وبتشوف والدهاا بيدخل المكتب وبتقف مكنهاا ومصدومة ومتوترة من وجودو
احمد / اهلا ضحى
و ضحى بتبص لانس وبتبص لاحمد وبتخرج بسرعة من المكتب واحمد بيبتسم اوى وبيروح على انس وبيسلمو على بعض وبيبدا يتكلم فى الشغل
على فى الكلية واقف مع اتنين زميلو بيتكلمو وفجاة بيظهر خالد
على / خااالد
وخالد بيروح عليهم ولسة على هيكلمو فجاة خالد بيضربو بالبكس والكل بيتجمع وبيبعد خالد عن على
على / انت اتجننت
خالد /انا فعلاا اتجننت لما اتخيلت انك تكون صحبى انت انت احقر حد عرفتو فى حياتى مكنتش اعرف ان جشعك وانانيتك ممكن تخليك تعمل حاجة زى دى
على / خالد انت بتقول اية انا مش فاهم حااجة
و خالد بيبعد عن على وبيمشى وهو غضبان اوى على بيروح وره بسرعة وبيوقفو
على / انت رايح فيين
خالد / اى مكان بعيد عنك انا مش عارف لو فضلت قدمى ممكن اعمل فيك اية
على / خالد سيبك من الهبل دة وفهمنى
وخالد بيضرب على بالبكس بس على بيمسك ايد خالد
على/ خالد كفاية
و خالد بينهاار
خالد / انت الى كفااية عاوز اية تاانى انت كنت عارف ان الارض دى كانت امنية ابويا الله يرحمو وكنت بتلعب بياا ومفهمنى انك صحبى وبتخاف علياا انا عرفت كل حااجة
عرفت اتفاقك مع عمى انو يرفض انو يتنازل عن نصيبو فى الارض وانو يجبرنى انى ابيع نصيبى انا واخواتى ودة كلو لية علشان تاخد انت الارض انا مش مصدق انك تعمل كدة
على / انت اكيد مجنون اتفاق اية وارض اية الى انت بتتكلم عنو دة
خالد / انت مش هتقدر تنكر ابدا انا كنت عند السمسار الى بعنالو الارض وشفت صورة العقد بنفسى واسمك مكتبوب بالخط العريض براافو عليك يا صحبى براافو
وخالد بيمشى ومنهار و على واقف مصدووم من الى سمعو
و بيخرج من الجامعة بسرعة
ضحى فى مكتبهاا وباين عليها التوتر
مصطفى / ضحى دى باقى التصميم الى طلبتيهاا بس خدى بالك ان المخطط الاخير مش كامل
ضحى/ شكرا
مصطفى بيبصلهاا اوى وبيحط التصميم على المكتب وبيقرب عليها
مصطفى / ضحى فى اية مالك انتى كويسة
ضحى/مش عرفة
مصطفى بيقرب منها وبيمسك اديهاا
مصطفى / انتى ايدك متلجة
وبيدخل انس المكتب ومعاة احمد والد ضحى
وضحى بتبعد عن مصطفى و انس بيبصلهاا ااوى و بيتجاهل الى شافو
انس / ودى اوضة المهندسين الى بيشتغلو على المشروع
احمد / ومش غريبة ان البش مهندسة ضحى بتكون خطبتك وفى نفس الوقت ليهاا مكتب صغير زى دة
انس / عندنا فى الشغل مفيش وصايت اة ضحى خطبتى وحببتى بس دة برة الشغل
و ضحى بتبص لانس و انس بيبتسم لضحى و احمد بيبص لمصطفى اوى وبيخرج هو و انس من المكتب
مصطفى / الراجل دة مش مرتحلو ابدا مش عارف نظراتو غريبة
و مصطفى بيبص لضحى و ضحى سرحانة
مصطفى / ضحى مالك فى اية
ضحى/ لا مفيش انا تعبانة شوية
انس بيوصل احمد للعربية وبيرجع على مكتبو كنزة بتدخل وره
كنزة / المؤتمر الصحفى جاهز يا بش مهندس
انس / المؤتمر انا ازاى نسيت حاجة زى دى
كنزة / تحب ااجل كمان خمس دقايق
انس / ماشى اتصرفى ابعتيلى المهندسة ضحى بسرعة
وكنزة بتخرج من المكتب وبتشوف ضحى من بعيد
و كنزة بتجرى عليها بسرعة
كنزة / ضحى ضحى
ضحى / كنزة فى اية اهدى
كنزة / البش مهندس انس طلبك بسرعة فى المكتب
ضحى / اوووف اووف اكيد هيدينى شوية نصائح ومواعظ كنزة بلييز قوليلو ان انا مش هنا او بصى قوليلو ماتت
و ضحى بتدخل على الحمام وبتقفل الباب بالمفتاح وبتحاول تاخد نفسها وبتقلع الجاكيد بتعهاا وبتغسل وشهاا بالمياة البردة
انس بيتصل بسالى وسالى فى الاستوديو بتسجل اغنية ومبتردش علية و انس بيتعصب
انس / سالى ردى علياا باة
على عند السمسار وبيشوف فعلاا صورة العقد وان الارض
كلها مكتوبة باسمو
على / ميين مين الى طلب منك ان الارض تتكتب باسمى
السمسار / يا باشا انا مليش دعوة فى واحد جالى وطلب منى
اشترى الارض واكتبها باسمك وانا عملت كدة دة حتى اشتراهاا بضعف سعرهاا كمان حتى انا قلتلو ان فى عندى اراضى كتيير احسن منها بس هو رفض وطلب الارض دى بالزاد
على / ميين هو
السمسار بيدور بين الورق
السمسار / كان الكارت بتااعو هناا مش عارف راح فيين
كنزة بتدخل على انس المكتب
كنزة / يافندم الصحفيين اديقو جدا ورفضين انهم ينتظرو وعوزين يهجمو هناا على المكتب بقالهم نصف ساعة منتظرين
و انس متعصب اوى
انس / وفيين البش مهندسة ضحى هتيهاا من تحت الارض
كنزة / يافندم والله انا تعبت هى فى الحمام ومش عوزة تخرج وحضرتك بتتعصب عليا والصحفيين منفعلين جدا
انس بيخرج من المكتب وبيروح على الحمامات بسرعة وعصبية وبيخبط بقوة والموظفين بيبصو علية
ضحى / كنزة قوليلو ان اناا خرجت من الشركة خالص
انس / افتحى الباب
و ضحى بتتخض لما بتسمع صوتو
ضحى / لاا انا مش هفتح انا خلاص رجعت فى كلامى مش هكمل انا تعبت
انس / دة مش وقت التراجع ابدا افتحى الباب فورا واخرجى
وهتيجى معااياا المؤتمر حالا
و ضحى بتعيط
ضحى / لااا ارجوك انا خايفة
انس بيتعصب وبيخبط على الباب بقوة
انس / افتحى البااااب بدل ما اكسرووو
ضحى / لااا
و انس فجاة بيضرب الباب بكتفو بقوة وبرجلو وبيكسر الباب
وبيبص لضحى اوى و ضحى وقفة خايفة اوى وبتعيط وانس بغضب بيروح عليهاا وبيمسكهاا من اديها بقوة
انس / انتى مفكرة نفسك اية انتى الى بداتى اللعبة ولازم تنهيهاا للاخر انتى فهمة
التعليقات على الموضوع