سلسلة نفسي اتجوز 😂
سلسلة " نفسى أتجوز "
عروسة_رقم_1
إسمى سليم محمود عندى 33 سنة ، ماجستير طب عام وجراحة ، أعمل فى إحدى المستشفيات الخاصة ، أعيش مع اختى الصغيرة سمر وابى وامى التى لا تكل ولا تمل من الحديث عن الزواج وانها ترغب فى ان تفرح بى وأن ترى احفادها قبل ان يتوفاها الله - بعد عمر طويل إن شاء لله - وكل يومين تقولى شوفتلك عروسة يلا عشان تروح تشوفها ، يا ماما يا حبيبتى الجواز مش كده ، مش سلق بيض هو ، والله انا عايز أتجوز واستقر بس مش بالطريقة دى كده يا ماما يا حبيبتى
وطبعا مش مقتنعة فأنا بريحها وبريح دماغى وبروح اقابل العروسة وأخلص يمكن يحصل قبول و يبقى فيه نصيب لكن للأسف ....
ما تيجوا نشوف
العروسة : اهلا دكتور سليم
أنا : أهلا آنسة هالة ، عاملة ايه ؟
ردت وهى تتفحصنى : زى ما انت شايف كده ، تخينة
ارتبكت قبل ان انطق : لا يا فندم عاد...
قاطعتنى بأسلوب حاد قائلة : بّص بقى انت شكل بتروح الجيم وعامل فيها هيرقليز ، بس انا مش هاخس ودايت ما بعملش
وحوار لازم تخسى ده ما اسمعوش خالص
رديت : والله انا ما نطقت لسه ،وبعدين انا مش هيرقليز ولا حاجة ، ماحدش قال يا ستى انك ....
قاطعتنى للمرة الثانية بنفس الأسلوب : انا بحب الاكل وهافضل أكل كل اللى بحبه لحد ما اموت ، اه عايزة بيتزا اكل ، عايزة محشى اكل ، انت عارف ماما عاملة ممبار اتغدينا من شوية ودلوقتى جوعت تانى، ايه رأيك تدوق ؟
قمت وقفت : لأ ممبار ايه الساعه 10 بالليل ده ؟ انا اصلا اتعشيت الحمد لله ، الف هنا وشفا على قلبك انتى
قامت وقفت هى كمان وقالت : أنا قولت هتدوق يعنى هتدوق ، اّقعد
قولت فى سرى ( ايه المجنونة دى مالها ، لا تكون حاطالى سم فى الأكل عشان تخلص منى دى شكلها مّعقدة نفسيا )
قومت مطلع موبايلى وفتحت النغمات قال يعنى حد بيتصل بيا ورديت على مكالمة وهمية وكلمت نفسى وقولت
" ايوة يا هشام ، عامل ايه ؟
ايه ؟؟؟؟ لا حول ولا قوة الا بالله ، عملت حادثة ع الطريق ! فييين ؟
لا أزاى هاجيلك طبعا دلوقتى حالا ، مسافة السكة حبيبى ، خد بالك من نفسك سلام "
وقولتلها لازم امشى دلوقتى حالا للأسف صاحبى عامل حادثة على الطريق ولازم الحقه فى اسرع وقت
فرصه سعيدة ، وخرجت وانا بجرى وهى بتقولى ، طيب شوف صاحبك وتعالى انا هاشيلك طبق ممبار على جنب
داليا_صلاح_نصار
إسمى سليم محمود عندى 33 سنة ، ماجستير طب عام وجراحة ، أعمل فى إحدى المستشفيات الخاصة ، أعيش مع اختى الصغيرة سمر وابى وامى التى لا تكل ولا تمل من الحديث عن الزواج وانها ترغب فى ان تفرح بى وأن ترى احفادها قبل ان يتوفاها الله - بعد عمر طويل إن شاء لله - وكل يومين تقولى شوفتلك عروسة يلا عشان تروح تشوفها ، يا ماما يا حبيبتى الجواز مش كده ، مش سلق بيض هو ، والله انا عايز أتجوز واستقر بس مش بالطريقة دى كده يا ماما يا حبيبتى
وطبعا مش مقتنعة فأنا بريحها وبريح دماغى وبروح اقابل العروسة وأخلص يمكن يحصل قبول و يبقى فيه نصيب لكن للأسف ....
ما تيجوا نشوف
العروسة : اهلا دكتور سليم
أنا : أهلا آنسة هالة ، عاملة ايه ؟
ردت وهى تتفحصنى : زى ما انت شايف كده ، تخينة
ارتبكت قبل ان انطق : لا يا فندم عاد...
قاطعتنى بأسلوب حاد قائلة : بّص بقى انت شكل بتروح الجيم وعامل فيها هيرقليز ، بس انا مش هاخس ودايت ما بعملش
وحوار لازم تخسى ده ما اسمعوش خالص
رديت : والله انا ما نطقت لسه ،وبعدين انا مش هيرقليز ولا حاجة ، ماحدش قال يا ستى انك ....
قاطعتنى للمرة الثانية بنفس الأسلوب : انا بحب الاكل وهافضل أكل كل اللى بحبه لحد ما اموت ، اه عايزة بيتزا اكل ، عايزة محشى اكل ، انت عارف ماما عاملة ممبار اتغدينا من شوية ودلوقتى جوعت تانى، ايه رأيك تدوق ؟
قمت وقفت : لأ ممبار ايه الساعه 10 بالليل ده ؟ انا اصلا اتعشيت الحمد لله ، الف هنا وشفا على قلبك انتى
قامت وقفت هى كمان وقالت : أنا قولت هتدوق يعنى هتدوق ، اّقعد
قولت فى سرى ( ايه المجنونة دى مالها ، لا تكون حاطالى سم فى الأكل عشان تخلص منى دى شكلها مّعقدة نفسيا )
قومت مطلع موبايلى وفتحت النغمات قال يعنى حد بيتصل بيا ورديت على مكالمة وهمية وكلمت نفسى وقولت
" ايوة يا هشام ، عامل ايه ؟
ايه ؟؟؟؟ لا حول ولا قوة الا بالله ، عملت حادثة ع الطريق ! فييين ؟
لا أزاى هاجيلك طبعا دلوقتى حالا ، مسافة السكة حبيبى ، خد بالك من نفسك سلام "
وقولتلها لازم امشى دلوقتى حالا للأسف صاحبى عامل حادثة على الطريق ولازم الحقه فى اسرع وقت
فرصه سعيدة ، وخرجت وانا بجرى وهى بتقولى ، طيب شوف صاحبك وتعالى انا هاشيلك طبق ممبار على جنب
داليا_صلاح_نصار
التعليقات على الموضوع