سلسة نفسي اتجوز 😂 العروسه رقم 2 😂
سلسلة " نفسى أتجوز "
#لعروسة_رقم_2
طبعا بعد زن ماما الكتير انى لازم اروح النهاردة اشوف العروسة الجديدة ، قولت أمرى لله وروحت اشتريت علبة شيكولاته شيك وعلى بيت العروسة ، دخلت بعد شوية مامتها وباباها كانوا قاعدين بعيد شوية سلمت وكانت ماسكة الموبايل فى ايديها
اهلا انسة لبنى
ردت وهى منهمكة فى حاجة على الموبايل اهلا اهلا
قولتلها يظهر انى جيت فى وقت غير مناسب ، واضح انك مش فاضية !
قالتلى ثوانى بس وفضلت متنحة شوية فى الموبايل وبعدين قفلته وبصتلى وقالتلى : تعرف انى ارتاحتلك
بصراحة اتكسفت وقولتلها وانا مبتسم كده : طيب دى حاجة مبشرة
وكملت انت فيك شبه كبير اوى منه
رديت : من مين لا مؤاخذة ؟؟
قالتلى : من محمد صلاح ، بس لو تطول شعرك شوية وتربى دقنك سيكا كده هيبقى تمام
استغربت وقولتلها : وانا اعمل كده ليه يعنى ان شاء الله !
قالتلى : عشان انا بحبه جدا ولعلمك انا مدمنة كووورة تقدر تقول كده متعصبة كرويا والموضوع ده مأثر عليا فى كل جوانب حياتى
قولتلها اه ماهو واضح ، اكيد اللى كنتى بتتفرجى عليه فى الموبايل ده ماتش مش كده ؟
قالتلى : لا واضح انك نبيه كمان ما شاء الله ، لا دى كانت مسابقة بوشكاش والحمد لله صلاح فاز بجائزة احسن هدف كنت مستنية اشوفه وهو بيستلم الجايزة بس
رديت : والله ، طب الحمد لله
استغربت تانى وقولتلها : بس غريبة يعنى ان بنت تبقى مهتمة بالكورة اوى كده المفروض الحوار ده بتاع الشباب ، الرجالة يعنى
ردت وهى بتحط رجل على رجل : لا طبعا مين قال كده ؟ ده كان زمااان يا دكترة ، الا قولى صحيح احنا ينفع نروح لندن فى شهر العسل
لقيتنى بقولها : شهر عسل !!! واضح انك بتنطى مراااحل ، ده احنا لسه بنتعرف
وبعدين قولت فى سرى ( انا لومعايا فلوس اروح لندن اتجوز من هناك اقرب ، انا كبيرى اوديكى المعمرة اصلا )
قالتلى : ايوة مانا عارفة بس عشان اظبط امورى ، انا عايزة اروح لندن ويكون فى شهر 9 عشان يكون الدورى الانجليزى بدأ واتابعه بقى كله لايف من هناك واشوف محمد صلاح فيس تو فيس كده ولقيتها انشكحت كده وهى بتقولها
قولتلها بنرفزة : هو فيه ايه يا انسة انتى هو انتى عايزة تتجوزى كوبرى عشان يوصلك لاحلامك ولا ايه ، ما تروحى تتجوزيه احسن
ردت وهى هايمة : يا ريييييييت بس هو للأسف متجوز ومخلف كمان وبيحب مراته جدا ، وشكله كده مش عايز يتجوز تانى وبنته مكة دى زى العسل ما شاء الله ، وبعدين كملت اوعى تكون مالكش فى الكورة احسن انا موتى وسمى اكون بتفج على ماتش وانفعل كده لما صلاح يجيب جون والحكم يحسبه اوفسايد مثلا ولا حد يوقعه وهو بيجرى بالكورة ، باكون فى حالة يرثى لها ولازم حد يهدينى ويواسينى كده يجيبلى كوباية ليمون بالنعناع ولا حاجة تروّق اعصابى
قومت وقفت وانا بقول لنفسى لأ كده كتير ده انا ماعرفتش يعني ايه اوفسايد اصلا غير من سنتين تلاتة وبعدين وقولتلها : بصى يا ماما واضح انك مش محتاجة عريس انتى محتاجة علاج لانك مريضة بمحمد صلاح ، كلنا بنحبه عشان هو فعلا يتحب لكن بالشكل بتاعك ده ما ينفعش ، نصيحة منى اتعالجى الاول وبعدين ابقى فكرى فى موضوع الجواز ده
لقيتها وقفت واتعصبت كده وقالتلى : يعنى مش هنروح لندن !!
قولتلها وسعيلى عشان اخرج وادى الشيكولاته كمان خسارة فيكي وروحت واخد علبة الشيكولاته وخارج
روحت البيت كلتها انا وماما وسمر وانا بحكيلهم ع اللى حصلى واللى جرالى ، هتخلينى اكره الراجل منها لله
داليا_صلاح_نصار
#لعروسة_رقم_2
طبعا بعد زن ماما الكتير انى لازم اروح النهاردة اشوف العروسة الجديدة ، قولت أمرى لله وروحت اشتريت علبة شيكولاته شيك وعلى بيت العروسة ، دخلت بعد شوية مامتها وباباها كانوا قاعدين بعيد شوية سلمت وكانت ماسكة الموبايل فى ايديها
اهلا انسة لبنى
ردت وهى منهمكة فى حاجة على الموبايل اهلا اهلا
قولتلها يظهر انى جيت فى وقت غير مناسب ، واضح انك مش فاضية !
قالتلى ثوانى بس وفضلت متنحة شوية فى الموبايل وبعدين قفلته وبصتلى وقالتلى : تعرف انى ارتاحتلك
بصراحة اتكسفت وقولتلها وانا مبتسم كده : طيب دى حاجة مبشرة
وكملت انت فيك شبه كبير اوى منه
رديت : من مين لا مؤاخذة ؟؟
قالتلى : من محمد صلاح ، بس لو تطول شعرك شوية وتربى دقنك سيكا كده هيبقى تمام
استغربت وقولتلها : وانا اعمل كده ليه يعنى ان شاء الله !
قالتلى : عشان انا بحبه جدا ولعلمك انا مدمنة كووورة تقدر تقول كده متعصبة كرويا والموضوع ده مأثر عليا فى كل جوانب حياتى
قولتلها اه ماهو واضح ، اكيد اللى كنتى بتتفرجى عليه فى الموبايل ده ماتش مش كده ؟
قالتلى : لا واضح انك نبيه كمان ما شاء الله ، لا دى كانت مسابقة بوشكاش والحمد لله صلاح فاز بجائزة احسن هدف كنت مستنية اشوفه وهو بيستلم الجايزة بس
رديت : والله ، طب الحمد لله
استغربت تانى وقولتلها : بس غريبة يعنى ان بنت تبقى مهتمة بالكورة اوى كده المفروض الحوار ده بتاع الشباب ، الرجالة يعنى
ردت وهى بتحط رجل على رجل : لا طبعا مين قال كده ؟ ده كان زمااان يا دكترة ، الا قولى صحيح احنا ينفع نروح لندن فى شهر العسل
لقيتنى بقولها : شهر عسل !!! واضح انك بتنطى مراااحل ، ده احنا لسه بنتعرف
وبعدين قولت فى سرى ( انا لومعايا فلوس اروح لندن اتجوز من هناك اقرب ، انا كبيرى اوديكى المعمرة اصلا )
قالتلى : ايوة مانا عارفة بس عشان اظبط امورى ، انا عايزة اروح لندن ويكون فى شهر 9 عشان يكون الدورى الانجليزى بدأ واتابعه بقى كله لايف من هناك واشوف محمد صلاح فيس تو فيس كده ولقيتها انشكحت كده وهى بتقولها
قولتلها بنرفزة : هو فيه ايه يا انسة انتى هو انتى عايزة تتجوزى كوبرى عشان يوصلك لاحلامك ولا ايه ، ما تروحى تتجوزيه احسن
ردت وهى هايمة : يا ريييييييت بس هو للأسف متجوز ومخلف كمان وبيحب مراته جدا ، وشكله كده مش عايز يتجوز تانى وبنته مكة دى زى العسل ما شاء الله ، وبعدين كملت اوعى تكون مالكش فى الكورة احسن انا موتى وسمى اكون بتفج على ماتش وانفعل كده لما صلاح يجيب جون والحكم يحسبه اوفسايد مثلا ولا حد يوقعه وهو بيجرى بالكورة ، باكون فى حالة يرثى لها ولازم حد يهدينى ويواسينى كده يجيبلى كوباية ليمون بالنعناع ولا حاجة تروّق اعصابى
قومت وقفت وانا بقول لنفسى لأ كده كتير ده انا ماعرفتش يعني ايه اوفسايد اصلا غير من سنتين تلاتة وبعدين وقولتلها : بصى يا ماما واضح انك مش محتاجة عريس انتى محتاجة علاج لانك مريضة بمحمد صلاح ، كلنا بنحبه عشان هو فعلا يتحب لكن بالشكل بتاعك ده ما ينفعش ، نصيحة منى اتعالجى الاول وبعدين ابقى فكرى فى موضوع الجواز ده
لقيتها وقفت واتعصبت كده وقالتلى : يعنى مش هنروح لندن !!
قولتلها وسعيلى عشان اخرج وادى الشيكولاته كمان خسارة فيكي وروحت واخد علبة الشيكولاته وخارج
روحت البيت كلتها انا وماما وسمر وانا بحكيلهم ع اللى حصلى واللى جرالى ، هتخلينى اكره الراجل منها لله
داليا_صلاح_نصار
التعليقات على الموضوع