نقطة و سطر جديد (الحلقه التاسعه)
الفصل التاسع
عمرو بيفتح عينيه كان مرمي علي الأسفلت و فيه آثار كدمات و جرح سطحي علي ايديه و نور قريبة منه و فاقدة الوعي .. قرب منها و بيحاول يفوقها مبتردش عليه ، خرج تليفونه من جيبه و اتصل بالاسعاف
____________________________________
شاهيناز بقلق : موبايلها مقفول بنتي فيها حاجة انا حاسة
عدي : عمرو مش في شقته .. تفتكري هي معاه
شاهيناز بعصبية : مش وقته نطمن عليها الأول
اسلام : اهدي يا ماما .. ان شاء الله خير يمكن خرجت مع واحدة صاحبتها و موبايلها فصل شحن
شاهيناز كانت خايفة تقول قدام عدي أنها عارفة. و خصوصا كلهم هيغلطوها
____________________________________
في سيارة الإسعاف
نور نايمة علي سرير داخل سيارة الإسعاف و علي فمها جهاز تنفس و الممرضة اللي معاهم بتراقب المؤشرات ،عمرو جنبها و ماسك ايديها و دموعه بتنزل منه
_____________________________________
بعد ربع ساعة كانت السيارة وصلت المستشفي و دخلت الطوارئ
الدكتور : لازم تتنقل غرفة العناية المركزة ضروري
عمرو :هي كويسة ؟
الدكتور : ادعيلها .. انت متأكد انك كويس و ايديك بخير ؟
عمرو : مش مهم انا .. المهم هي و بعدين اشوف ايدي مالها .. للأسف الحمل كلو جه عليها انا متجرحتش اوي و هي اتحدفت بعيد علي الأسفلت
_____________________________________
شاهيناز : انا نازلة ادور عليها حرام عليكو بقي
حسان : هتدوري عليها فين يا شاهيناز
اسلام ايديه علي رأسه : يا ماما كفاية بقي حرام عليكي متخوفينيش اكتر ما انا خايف
في اللحظة دي موبايل اسلام بيرن كلهم انتبهوا معاه
اسلام : ده عمرو ..
رد عليه
اسلام : أيوة يا عمرو .. هي نور معاك ؟ .. ايه طيب هي كويسة .. ماشي ماشي انا جاي سلام
عدي بنرفزة:يعني هي كانت معاه شايفة بنتك يا ماما
شاهيناز :مش وقته دلوقتي .. طمني فيها ايه
اسلام : عملوا حادثة
_____________________________________
عمرو كان واقف برة غرفة العناية المركزة
و في اللحظة دي كان وصل اسلام و عدي و حسان و شاهيناز
عدي مسكه من قميصه بعنف
عدي :انت عملت فيها ايه
اسلام بيشد عمرو من عدي
اسلام :حرام عليك انت مش شايف شكله عامل ازاي سيبه بقي يا اخي
حسان:مش وقته يابني خلينا نطمن علي اختك
خرجت ممرضة من الممر
الممرضة :لو سمحتوا ممنوع الصوت العالي هنا الخناقات دي في البيت مش هنا
خرج الدكتور في اللحظة دي
شاهيناز : خير يا دكتور بنتي كويسة
الدكتور : متقلقوش شوية كدمات و جروح بسيطة و هتخف بسرعة
_____________________________________
تاني يوم
في المستشفي
عمرو للممرضة اللي في الممر :لو سمحتي
الممرضة ( هناء ): أيوة
عمرو : هي نور اللي في الأوضة قبل الأخيرة دي في حد عندها في الأوضة
هناء :مز زيك هيسأل عليا انا مثلا
عمرو بضيق : طيب في حد معاها ؟
هناء : يلهوي
عمرو اتخض:في ايه ؟
هناء :عينيك .. تجنن يخربيتك دي بتنور في الشمس ولله
عمرو بخنقة : يا ستي انجزي بقي في حد معاها ولا لا ؟
هناء :ستك؟ ست ايه .. انا بنوتة و اصغر من نور دي علي فكرة .. بس انا اللي تخينة حبتين و بحب الاكل جدا بس من انهاردة هبدأ دايت خلاص
عمرو : وانا مالي تبدأي دايت يخصني في ايه !
هناء غمزتله: مش انت بتحب البنات السمباتيك
عمرو :اووف ... انا داخلها و خلاص
هناء :استني بس يا ...
دخل عمرو عند نور كان اسلام قاعد معاها
عمرو :فيه ممرضة رخمة اوي برة
اسلام ضحك :اكيد هناء
دخلت هناء في اللحظة دي
هناء : ازيك يا نور ..
نور ضحكت: كويسة
هناء : تشرب حاجة يا استاذ
نور شاورتلها علي اسلام : ركزي مع ده يا هناء .. عشان ده مش أخويا ها
هناء و هي بتبص لاسلام و عمرو :نفسي اعرف الرجالة الحلوة دي جاية منين .. حسرة عليا الا ما عرفتلي واحد مز كدا
دكتور من برة : يا هناااء
هناء : يلا سلام دلوقتي اما اشوف الدكتور
نور : انا زهقانة اوي ..
اسلام : من ايه بس يا حبيبتي
نور : مش عارفة .. سلوني يلا
عمرو ضحك : نعم ؟
نور : قولولي نكت او مواقف بتضحك حصلت معاكم اي حاجة
اسلام : طب اسمعي دي مرة ظابط فتح محل حلويات سماه التورتة في خدمة الشعب
نور :هاهاهاها تافهة قول واحدة حلوة
عمرو :مرة واحد في الطيارة المضيفة قالتله اجيبلك فطار كامل ؟ قالها ليه كامل مش هيفطر ؟
نور : ههههه لا مش بتضحك اوي قولوا واحدة كمان
اسلام :مدرس رياضة خلف عيلين و استنتج التالت
نور :تن تررااررن تن تن .. خلاص قولوا فوازير احلها
عمرو : ليه الغواصين مش بيتكلموا تحت الماية ؟
نور : عشان .. مش عارفة قول انت
عمرو: عشان الحيتان ليها ودان
اسلام ضحك : لا حلوة دي
نور : هقطع علاقتي بيك
اسلام: ليه القطر بيعدي كل يوم من قدام الصيدلية ؟
نور : ليه؟
اسلام : عشان يعاكس القطرة
نور : انتوا مش مسليين خالص
عمرو : واضح انك بقيتي كويسة و رجعتي تهزري
نور طلعت لسانها :انا زي القطط اتطمنوا ..
اسلام : هروح اجيب عصير و راجع
خرج اسلام
نور : انا نفسي في مهلبية بالمكسرات و الفاكهة بس الدكتور الرخم ده مش موافق بيقولي عشان العلاج بتاعك
عمرو : خلاص نشوف دكتور طيب و نسأله لو ينفع اجيبلك
_____________________________________
بعد مرور ايام
في المستشفي
دخل عمرو الممر اللي فيه اوضة نور و معاه جوري و ماسكة بوكيه ورد
عمرو :استني هنا دقيقة بس و راجعلك اشوف اسلام
اتصل عمرو علي اسلام
عمرو :عدي عندها؟
اسلام :لا تعالي
عمرو : اومال انت فين
اسلام :انا تحت و طالع
دخل عمرو عند نور و نسي جوري برة
عمرو : عاملة ايه
نور :الحمد لله وحشتني اوي
عمرو : وانتي كمان
ندي : اييه انت و هي انا هنا علي فكرة
عمرو بصلها :مين دي ؟
نور : دي ندي اللي اسلام مرتبط بيها
عمرو : اه اهلا و سهلا ازيك يا ندي عاملة ايه ؟
_____________________________________
اسلام كان داخل الأوضة اللي فيها نور لمح جوري واقفة و بتبص للناس بغضب
اسلام :ايه ده مالك يا عسل واقفة كدا ليه
جوري بنرزفزة: انا مش عسل
اسلام :خلاص انتي قمر
جوري : هوووف
اسلام : مالك بس متعصبة كدا ليه ؟
جوري : كل شوية حد يعاكسني و بابي سابني و دخل
اسلام : بابي فين طيب
جوري : هنا في الأوضة دي
اسلام :انهي اوضة .. معقولة اوضة نور
دخلت جوري عند نور في الأوضة هي و اسلام
جوري بعصبية :انت سايبني كل ده برة و اللي رايح و اللي جاي بيعاكسني
عمرو :والله ابدا يا جوجو يا حبيبتي انا كنت لسة طالعلك بس كنت بطمن علي نور
جوري : يعني نور اهم من بنتك مثلا
عمرو : لا طبعا يا جوجو بنتي اهم حد في الدنيا
اسلام : بنتك؟ ايه ده يا عمرو انت عندك بنت ؟
عمرو : اه كنت متجوز بس طلقتها و دي بنتي
نور بحدة: انت قولت جوري أهم مني
عمرو غمزلها : ااه
جوري :بتعملها كدا و كدا .. ماااشي
عمرو :لالا انا اسف مش قصدى ده انا بغمزلها بس عشان عيني وجعاني
جوري : لا انت بتكدب عليا
عمرو : طب قوليلي اتعاكستي ؟
جوري : اااه كتييير
عمرو : قالولك ايه ؟
جوري : واحد قالي يا روحي
عمرو بعصبية : و عملتي في ايه ؟
جوري : ضربته بالقلم
عمرو : جدعة
جوري بصت لاسلام :و واحد تاني قالي يا قمر .. الواد ده
عمرو :إسلام عاكسك
ندي :لا ولله و مفهمني انك نازل الحمام و حضرتك رايح تعاكس
اسلام : يا جماعة انا معاكستهاش .. طب ما انتي زي القمر يا جوجو هو انا كدا بعاكسك ده انا بقولك انتي زي القمر
ندي بحدة: اسلااام
جوري : هي مين دي اللي كل شوية تقولك اسلام
اسلام : دي ندي
جوري :سكتها
_____________________________________
تاني يوم
في المستشفي
عمرو دخل لنور الأوضة و معاه شنطة
نور :ايه اللي في ايدك ده
عمرو :مهلبية بالموز و الفراولة و المكسرات
نور : عليه جوز الهند
عمرو :عليها
نور :هييييح
عمرو قعد جنبها و فتح طبق و بيأكلها
عمرو : حلوة المهلبية ؟
نور بتنقط علي شفايفها و دقنها مهلبية :امممم اوووي ... بحبك
عمرو : طب ايه مفيش حاجة للغلبان اللي راح جابلك مهلبية
نور : عايز ايه
عمرو قرب منها و غمزلها: ما تجيبي بوسة بالمهلبية
نور :بص هو عرض مغري
عمرو : شوفتي
نور : و عجبني و اكيد طعمه حلو بس يعني مينفعش
عمرو : بس ايه علي فكرة انتي قطاعة ارزاق
نور : لما نتجوز ههريك بوس
عمرو مسك منديل و بيمسح شفايفها : وانا موافق استني بس اللي يرجع في كلامه
نور : لالا متخافش
عمرو : اما نشوف
_____________________________________
في المساء
في شقة حسان
عمرو كان قاعد مع عدي و شاهيناز في الصالون
عمرو :انا جيت عشان اقولكم ان انا بحب نور و عايز اخطبها
عدي : بس احنا منعرفش عنك حاجة لا نعرف عنك أهل ولا حد
عمرو :انا كنت متجوز و طلقت مراتي و والدي و والدتي متوفيين و معايا بنت بس هاخدها تعيش معايا
شاهيناز بدهشة : كنت متجوز ؟ نور مقالتليش حاجة زي كدا
و كأن إجابته نزلت عليها زي الصاعقة متوقعتش ابدا انه كان متجوز و معاه بنت
عمرو :أيوة
عدي :و يا تري بقي بنتك دي نور هتربيها مش كدا
عمرو : انا هربيها بس هي هتعيش معانا
عدي وقف : اسف يا استاذ عمرو طلبك مرفوض معندناش بنات للجواز
عمرو :انا ...
شاهيناز : شوف يا عمرو .. نور بنتي دي من ساعة ما عرفتك و هي بتكدب عليا و عمرها ما كدبت و وصلت بيها لدرجة أنها كانت بتروحلك شقتك .. لو كنت فعلا شخص كويس كنت قولتلها ان كدا غلط و مينفعش لكن هقول ايه انا اعتبرتك ابن زي ولادي و عاملتك زيهم
عمرو :صدقيني انا و نور كنا بنتقابل عادي ولله و مفيش اي حاجة
عدي بعصبية : انت لو عندك اخت ترضي أن هي تقابل واحد و تروحله شقته .. لو سمحت يا عمرو ابعد عن نور .. ابعد عنها و شوف حالك انا مستحيل اجوز اختي لواحد زيك
عمرو : انا عارف ان ده كان غلط بس صدقني احنا بنحب بعض و أكبر دليل اننا بنحب بعض دلوقتي بطلب منكم اتقدملها
عدي :وانا قولت طلبك مرفوض و ياريت لو تيجي منك و تسيبها كفاية بقي ..
_____________________________________
مر يومين و خرجت نور من المستشفي و في خلال اليومين كانت نور بتحاول تتصل بيه مبيردش ولا كان بيروحلها المستشفى
في شقة عمرو
دخلت نور عنده كان قاعد في الصالون و نايم علي الكنبة
نور قعدت جنبه : مبتردش عليا ليه بقالك يومين ؟
عمرو :مبقاش ينفع نكون مع بعض اخوكي و مامتك رفضوني خلاص
نور بنرفزة: و الحل انك تهرب و تستخبي صح ؟
عمرو قام من علي الكرسي و وقف بعيد : ده احسن ليكي عشان تنسيني
نور دموعها اتجمعت في عينيها : عايزة أفضل شايفة الإنسان اللي حبيته اللي كان بيخاف عليا .. مش عايزة اشوفك ضعيف و تسمع كلامهم متخليهومش يكسروا حبنا
عمرو بعصبية :اخوكي رفضني يا نور رفض
نور : زعلت من كلمتين اخويا قالهم .. طب ما انا اتبهدلت منه خناق و ضرب
عمرو : اطلعي برة يا نور .. اطلعي برة و متجيش هنا تاني انا اصلا عمري ما قولتلك بحبك
نور :يعني ايه ؟ كنت بتتسلي
عمرو : افهميها كدا عشان تنسيني
نور : بس انا بحبك
عمرو : وانا مش عارف انا لحد دلوقتي لسة مستقرتش لسة ماخدتش كل حقي
نور :وانا فين في كل ده هو انا مش حقك برضو ؟
عمرو : انتي الحاجة الوحيدة اللي كانت مخلياني عندي امل في الدنيا .. بس الظاهر ان الدنيا ليها رأي تاني
نور : لو سيبتني امشي هوافق علي ياسين
عمرو :لو ده هيريحك وافقي
خرجت من عنده و هي مقررة تكلم ياسين و توافق علي طلبه
_____________________________________
و بعد كام يوم اتحددت خطوبتهم
يوم خطوبة نور و ياسين
أصرت نور ان الخطوبة تكون في البيت عشان عمرو يسمع و يشوفها
شغال اغنية دبلة الخطوبة مع الزغاريط من صحابها و جيرانها
يا دبلة الخطوبه عقبالنا كلنا
ونبني طوبه طوبه في عش حبنا
نتهنى بالخطوبه ونقول من قلبنا
يادبلة الخطوبه
شاهيناز بتناول ياسين علبة الشبكة
مسك ياسين ايديها .. كانت ايد نور رافضة تلبس أي حاجة و ياسين اخد باله .. بصتله و تخيلت أنه عمرو و اسلام لاحظ قرب منها
اسلام :نور انتي كويسة ؟
نور : ها ااه
اسلام باسها من رأسها : حبيبتي البسي الشبكة
نور : حاضر
ياسين مسك ايديها و لبسها الدهب
اسلام : الف مبروك يا حبيبتي .. مبروك يا ياسين
نور &ياسين :الله يبارك فيك
شاهيناز حضنتها : الف مبروك يا حبيبتي
نور :الله يبارك فيكي يا ماما
شاهيناز :مبروك يا ياسين
ياسين : الله يبارك فيكي يا طنط
تيسير :مبروك يا ياسين .. مبروك يا نور
نور & ياسين : الله يبارك فيكي
_____________________________________
كان واقف في البلكونة و سامع الزغاريط و دموعه بتنزل منه بالبطيء و بيسأل نفسه
هو السبب ؟ و لا الظروف هي اللي عملت فيهم كدا ! ولا هو فعلا اتخلي عنها زي ما هي اتهمته ..
_____________________________________
بعد مرور اسبوع
في الصباح
في الورشة اللي كان بيشتغل فيها عمرو
عمرو : ها عملتوا ايه يا رجالة
ماندو : احنا راقبنا الباشا ده طول الفترة اللي فاتت و اخدناله شوية صور عسل
خيري: و كمان معانا فيديو ليه من جوة مكتبه يعني ظبطتلك حد من اللي شغالين في شركته و زرعله كاميرا هناك و صورناه
عمرو خرج من جيبه فلوس :الله ينور يا رجالة ..خد ده نصيبك يا ماندو ..و ده كمان يا خيري ليك
عمرو : و باسل؟
ماندو :الواد ده بقي زقينا عليه البت سامية بندق
عمرو:وعمل ايه ؟
خيري: حصل يا باشمهندز و الفيديو جوة الكارت الميموري برضو
عمرو : حلو اوي الرجالة اللي اشتغلوا معاكو خدو فلوسهم
خيري:كل حاجة و البنات كمان
_____________________________________
في فيلا سمر
كانت نور خارجة من باب الفيلا هي و جوري و سمر قاعدة عند حمام السباحة و حسام بيعوم في حمام السباحة
سمر من بعيد : نوور تعالي
نور قربت منهم : انا ماشية عشان خلصت
سمر :خليكي قاعدة شوية
نور : عشان متأخرش بس
سمر : ده حسام جوزي .. و دي نور مدرسة الفرينش
نور : اهلا و سهلا ازيك يا استاذ حسام
حسام : ازيك انتي .. جوري عاملة ايه معاكي
جوري : انا شطورة خليك في حالك
سمر : جوجو حبيبتي روحي ذاكري
جوري بعناد:لا
سمر بحدة:قولتلك روحي ذاكري عيب اوي كدا، عشان بعد كدا تردي علي حسام بأدب
جوري : اووف انا بكرهك يا حسام .. انت رخم
حسام : شايفة
سمر :خلاص سيبك منها .. اقعدي يا نور
نور قعدت جنبها و دخلت جوري الفيلا
سمر غمزت لحسام
حسام :ما تنزلي يا حبيبتي الماية تجنن
سمر :لا
حسام : براحتك
بعد لحظات حسام شد سمر من ايديها و هي مسكت ايد نور و شدتها معاها
نور شهقت : يلهوي انا اتغرقت
سمر :سوري يا نور بجد عشان شديتك غصب عني حسام السبب
نور طلعت علي حرف البيسين :هروح ازاي طيب
سمر : طيب بصي انا ممكن اديلك طقم من عندي تروحي بيه و هاتيه في اي وقت عادي
نور : طيب
خرجت سمر من البيسين
سمر :تعالي معايا فوق
_____________________________________
طلعت نور مع سمر اوضتها و حضرتلها طقم تلبسه و خرجت من الغرفة
حسام : ها طمنيني ؟
سمر ضحكت : كل حاجة تمام
_____________________________________
عمرو : هاني باشا ازيك
هاني ماسك ملف في ايديه و من غير ما يبصله: خير مش فاضي قالولي انك عايز تقابلني
عمرو : حلوة شركتك الجديدة دي
هاني : شوفت .. بقيت فين
عمرو :اه شوفت
هاني ساب الملف اللي في ايديه : خير يا عمور عايز ايه ؟
عمرو قعد علي الكرسي: سمعت انك بقيت عضو في مجلس الشعب
هاني بيولع سيجارة و حط رجل علي رجل بثقة : ااه طبعا
عمرو : اممممم طيب ممكن استعين باللاب بتاعك 5 دقايق
هاني بسخرية : انت عايز ايه و ياريت تنجز عشان مش فاضيلك
عمرو :هتعرف دلوقتي
دخل الفلاشة في اللاب و فتح فولدر فيه مجموعة صور لهاني مع بنات و هاني وشه عرق و جاب 100 لون
هاني : انت .. انت جبت الصور دي منين ؟
عمرو :بس بس اهدي كدا و شوف الفيديو ده
بيفتح الفيديو
هاني : بس الشحنة المرة دي تقيلة اوي عايزين واسطة حلوة تعديها
..... : متقلقش يا هاني بيه
هاني : انت عارف ان المرة دي مزود كوكايين و كيميكال و دي انواع تقيلة يعني مش عايز اي خساير
..... : كل حاجة هتعدي و بعدين انت دلوقتي سيادة النائب يعني
هاني : سيادة النائب يعني اخد بالي اكتر مش عايز اي غلطة ده انا دافع 3 مليون عشان اخد الكرسي ده
..... :بس هيظبطنا و هيرجعهولك أضعاف اضعافهم من حبايبنا
قفل عمرو الفيديو و شال الفلاشة من اللاب
عمرو : اظن كدا كفاية اوي الفيديو و الصور دول يوصلوا للبوليس يتشال منك الحصانة و تتسجن
هاني بعصبية : انت صورت الفيديو ده ازاي
عمرو : مش مهم ازاي
هاني :هات الفلاشة دي
عمرو : خدها معايا منها نسخ كتير
هاني حط ايديه علي رأسه الي هتنفجر من الصداع :عمرو انا ممكن اديك اي فلوس عايزها بس تمسح الحاجات دي
عمرو : مش عايز فلوس
هاني :طب عايز ايه ؟
عمرو : سمر .. عايز حقي من سمر
هاني: ماشي بس ازاي
عمرو:هقولك ازاي .. دلوقتي انت هتقول لسمر ان فيه صفقة جديدة هتدخلوها اللي هي دي طبعا و تضربلها مبلغ كبير اوي تكسبه و هي ما هتصدق و هتدفع
هاني:ما هي عرضت عليا تشاركني فيها بس انا اللي رفضت بحجة ان الصفقة غالية جدا عليها
عمرو:وافق و قولها أنها هتدخل مثلا بالتلت
هاني: طيب و بعدين؟
عمرو :طبعا ده هيكون وهمي .. و تخليها تدفع كل الفلوس اللي معاها و مش بس كدا تخليها تاخد قرض كبير من البنك
هاني: و افرض رفضت
عمرو : هي دي اول صفقة يعني ما انتوا عملتوا كتير قبل كدا يعني هي مجرباك وانت قولت بنفسك أن هي عايزة تدخل معاك بس انت رفضت
هاني : و بعدين ؟
عمرو : كل الفلوس اللي هتاخدها منها هتديهالي بس اسمع يا هاني .. هتتصل بيا وانت معاها عشان اسمع عدد الفلوس كام حتي القرض هتصورلي الورق بتاعه لو أخدت جنيه واحد ساعتها الفلاشة
هاني قاطعه:متقلقش مش هاخد اي حاجة
عمرو : اما اشوف
هاني : طب و الحاجات دي هتمسحها ؟
عمرو : انت عارفني كلمتي واحدة لو كنت عايز اضرك كنت عملت من زمان اوي لكن انا عايز حقي و بس
هاني : وانا موافق
_____________________________________
في مكتب سمر
راحلها هاني في نفس اليوم
هاني : انا كنت عايز اقولك ان انا موافق تدخلي معايا شريكة في الصفقة الجديدة
سمر :بتتكلم بجد بس ده المبلغ بتاعها غالي اوي
هاني : هخليكي شريكة بالتلت و باقي المبلغ اللي مش معاكي تاخدي بيه قرض من البنك
سمر :لا قرض ايه بس
هاني : كدا كدا هيرجعلك اضعاف الاضعاف يعني تقدري تسددي قرضين زيه انا قولت اقولك انتي بدل ما اشوف حد غريب
سمر : طيب موافقة
_____________________________________
في كافيه
هاني : الفيديو يتمسح الأول و بعدين تاخد فلوسك
عمرو مسح قدامه الفيديو والصور
هاني : متأكد مفيش نسخ تانية
عمرو :مفيش
هاني :لو طلع فيه متزعلش من اللي هيحصلك
عمرو :الفلوس فين
هاني بيناوله شيك: ده شيك اصرفه فيه المبلغ كلو
عمرو : ماشي
_____________________________________
في نادي
كان قاعد ياسين مع نور و بيتكلم معاها و في نص الكلام مسك ايديها و هي سحبتها
نور بغضب: ياسين
ياسين :مالك يا نور
نور : ياسين انا مش عارفة
ياسين :مش عارفة ايه
نور :مش عارفة اقولك ايه
ياسين بضيق: مش اتفقنا هديكي فرصة تحبيني وانتي وافقتي
نور : انت شخص كويس جدا يا ياسين وانا معاك بكون مبسوطة بس يعني فيه حاجة مخلياني مش عارفة ادي نفسي فرصة
ياسين : و ايه هي الحاجة دي
نور : ممكن تروحني انا مخنوقة
_____________________________________
في شركة سمر
سمر: يعني ايه ؟
هاني : يعني الفلوس راحت حد نصب علينا
سمر : انت بتقول ايه ؟ نصب علينا ازاي يعني
هاني :قولتلك معرفش
عمرو دخل المكتب في اللحظة دي و وراه السكرتيرة
عمرو :انا هقولك مين اللي نصب عليكي يا سمر و خد منك كل الفلوس
سمر بصدمة : عمرو .. روحي انتي يا نجلاء دلوقتي
خرجت السكرتيرة
هاني: كان لازم الحق يرجع لصحابه عمرو هو اللي اخد مني كل الفلوس دي يعني ببساطة الصفقة اصلا وهمية
سمر بصدمة :ايه اللي انت بتقوله ده
هاني خرج من المكتب : اسيبك دلوقتي بقي سلام
عمرو : لا تكوني فاكرة ان انا غبي و كنت هسكت كل ده .. انا بس كنت مستني يكون معايا فلوس عشان اعرف اخد حقي منك و اشتري اي حد قريب منك
سمر مسكته من قميصه : اخدت كل الفلوس مني كل الفلوس اخدتها
عمرو شال ايديها : بس يا بت فوقي كدا و شيلي ايدك .. انا اخدت حقي و فلوسي انتي اللي خونتيني و روحتي اتجوزتي واحد معفن متجيش بقي دلوقتي تعاتبيني روحي يا حبيبتي عاتبي الناس اللي باعوكي ... ههه سلام يا سوسو
خرج عمرو من المكتب و سمر قعدت علي الارض من صدمتها و دموعها بتنزل
سمر : ليييه .. ليه حصلي كدا هو انا استاهل يحصلي كدا .. بعد ما كنت في سااابع سما نزلت وقعت علي الارض .. اعمل ايه انا دلوقتي .. اعمل ايه ؟ كل الفلوس راحت خلاص .. طب و القرض
لطمت علي وشها
سمر : و القرض .... ادفعه ازاي
سرحت لحظات و افتكرت
سمر :الفيديو .. ههههه الفيديو اقسم بالله ما هسيبك يا عمرو
_____________________________________
في المساء
في الفيلا
سمر :شوفت الكلب الواطي اللي اسمه هاني خسرنا كل حاجة
حسام :بس هاني احنا عارفين عنه حاجات كتير يعني ممكن نفضحه هو و كل اللي معاه
سمر : حتي لو عملنا كدا مش هيرجعلنا فلوسنا اللي عمرو خدها
حسام بعصبية :يعني ايه هنقعد نتفرج عليهم
سمر : انت ناسي الفيديو .. بتاع البت صاحبة عمرو هنهدده بالفيديو
_____________________________________
تاني يوم
في مكتب سمر
طلبت عمرو يروحلها
سمر :اتفضل يا عمرو
عمرو : خير ؟ مش انتهينا خلاص
سمر ضحكت : هننتهي .. هينتهي كل حاجة فعلا
فتحت اللاب و حركته ناحيته
سمر : بص كدا هنا
فتحت فيديو ل نور و هي بتغير هدومها المبلولة في أوضة سمر بهدوم سمر
عمرو بصدمة :ايه ده ؟
سمر : مفاجأة مش كدا .. عجبتك ؟
عمرو : حد شاف الفيديو ده ؟
سمر ضحكت : لا متقلقش حسام مشافهوش .. اصلها حلوة اوي و بصراحة هغير علي حسام لو شافها بس طبعا لو انت مرجعتليش الفلوس مش حسام بس اللي هيشوف لا ده كل الناس هيشوفوه لو نزل ع النت
عمرو وقف : انتي مش هتعملي حاجة .. مش هتنزلي حاجة
سمر وقفت قدامه و بنظرة ثقة: لا هعمل
عمرو :هتنزليه ؟
سمر :امممم
عمرو سكت لحظات مقدرش يتحكم في أعصابه شد كل حاجة علي المكتب الزجاج اللي قدامه كان كله زجاج كسره
دخل حسام و معاه الامن و كذا موظف
حسام: طلعوه برة
_____________________________________
في كافيه
كان عدي قاعد مع فاطمة و بياكلوا ايس كريم
عدي :هاا يلا بقي
ابتسمت و بصت للشباك : لا
عدي :قوليها بقي
فاطمة : طب ما انت فاهم
عدي : طب ما انتي كمان فاهمة قوليها بقى
فاطمة : طيب بس متبصليش كدا
عدي :حاضر
سكتت دقيقة و هي مكسوفة
عدي :نستني لحد بكرة ولا ايه ؟
فاطمة : بحبك
عدي :قولتي ايه
فاطمة : لا متستهبلش انا قولت خلاص
عدي ضحك : وانا كمان بحبك
_____________________________________
في فيلا سمر
كانت نور لسة مخلصة الدرس لجوري و سمر طلبت منها تتكلم معاها بعد الدرس
سمر : اقعدي يا نور عايزاكي .. روحي يا جوري
جوري : اوكيه
نور : اتفضلي
سمر مسكت اللاب و شغلت فيديو لنور و هي بتغير كل هدومها و بتلبس الهدوم التانية اللي كانت سمر مجهزاهلها و جسمها كلو كان باين
نور بصدمة و دموعها بتنزل :ايييه ده ؟
سمر بتضحك: جسمك حلو تصدقي
نور بعصبية : انتي عملتي كدا ليه
سمر :لا يا حلوة زي ما عمرو بعتك ليا عشان يعرف يشوف جوري و الله اعلم وصل لحاجات تانية و خسرني كل حاجة .. انا كمان حبيت استخدم نقطة ضعفه و اخسره كل حاجة و الفيديو ده ينزل علي النت و يجيله شير كتير و مشاهدات عالية تخيلي كدا يا حلوة
نور : حرام عليكي .. امسحي الفيديو ده
سمر : مش همسح حاجة غير لما عمرو يرجعلي كل فلوسي
نور : صدقيني والله ما اعرف حاجة عنه انا و هو سيبنا بعض و اتخطبت خلاص .. انا ماليش دعوة بمشاكلكم مع بعض
سمر قفلت اللاب :روحي قوليلو الكلام ده يا حبيبتي و انا همسحه لو رجعلي فلوسي
____________________________________
دخلت نور شقتها و دموعها بتنزل منها و مسحتها قبل ما حد يشوفها
كان اسلام و عدي و مامتها و باباها قاعدين في الريسبشن
اسلام : نور .. انتي تعبانة ؟
دخلت من غير ما تتكلم ولا تبصلهم
كانوا هيدخلوا يشوفها اسلام وقفهم
اسلام : خليكو انتوا انا هدخل اشوفها هي مش هتتكلم مع حد و هي متضايقة غيري
دخل اسلام وراها و من قبل ما يسألها مالك اخدها في حضنه و هي ما صدقت اترمت في حضنه و بتعيط
اسلام : نور .. مالك يا حبيبتي .. ايه اللي حصل
نور : انا خايفة
اسلام : انا معاكي متخافيش عشان خاطري اهدي
نور حكتله كل حاجة
اسلام بصدمة :بنت الكلب دي هي اللي عملت كدا
نور : انا معملتش حاجة
اسلام : عمرو لازم يعرف
نور : انا خايفة .. هي ممكن تنزل الفيديو ؟
اسلام : لا ان شاء الله مش هينزل بس انتي اهدي كدا و نامي و كل حاجة هتتحل
نور مسكته من التيشرت بتاعه جامد : خليك جنبي
اسلام : يا حبيبتي انا جنبك
_____________________________________
تاني يوم
دخلت نور شقة عمرو و دخلت اوضته كان نايم لكن مفتح عينيه و بيفكر هيعمل ايه مع سمر كان اخر حاجة يتوقعها أن سمر تعمل كدا في نور .. بيبص قدامه شاف نور كانت عينيها حمرة من كتر العياط و وشها مرهق .. دخلت عنده و وقفت قدامه و هو اتعدل و قعد
عمرو :إسلام قالي علي اللي سمر عملته .. انا السبب في كل اللي حصل ده .. بس صدقيني الفيديو هيتمسح و
نور قاطعته : هششش .. شوف الرسالة دي .. سمر بتقولي لو عمرو منفذش اللي عايزاه الفيديو هينزل علي النت و هتعمله إعلان ممول يوصل للآلاف من الناس
عمرو : اهدي مش هتعمل حاجة
نور بنرفزة: بص .. بقولك شوف هي بتقول ايه .. شايف انت عملت فيا ايه .. شايف! انت السبب في كل اللي حصل ده
عمرو :اسكتي كفاية
نور : عملتلك ايه عشان تعمل فيا كل ده ؟ .. وجعتني و سيبتني و دلوقتي بسببك حياتي هتدمر
عمرو: كفاية حرام عليكي .. انا مكنتش اعرف ان هي هتعمل كل ده
نور قعدت علي الارض : انا كنت بعمل اللي بتقولي عليه عشان بحبك .. ليه ؟ليه هي هتعمل فيا كدا .. انا مش لابسة حاجة في الفيديو .. مش لابسة حاجة خالص
عمرو قعد جنبها و بيحاول يهديها اول ما لمس ايديها هي خبطته جامد و بعدت عنه
نور : ملكش دعوة بيا ... ابعد عني ... وانا معاك كنت بعمل كل حاجة بتطلبها مني عشان بحبك .. حتي لو هعمل ايه بعمله
عمرو : حرام عليكي كفاية ..
نور : سيبتني و اتخطبت لغيرك وانت عادي بالنسبة ليك .. انت حتي عمرك ما قولتلي بحبك انا اللي كنت بقولها ..
خرجت نور من الأوضة و هو حاول يخرج وراها هي منعته
قعد علي الارض و سمع صوت الباب بيتقفل
عمرو : عمري ما قولتلك بحبك .. لأني بعشقك
_____________________________________
في المساء
في شقة عمرو كان موجود عدي و اسلام
عدي :و بعدين ؟ الفيديو ده لازم يتمسح
عمرو :انا حكتلك كل حاجة عشان تكون عارف أننا مش بنخبي حاجة عليك
عدي : و عشان كلنا نفكر مع بعض .. انا هتجنن بس اقسم بالله لو اللي اسمها سمر دي عملت حاجة لاختي ما هسيبها
عمرو : اهدي يا عدي الموضوع مش بيتاخد كدا
اسلام : لازم نفكر بالعقل
عدي :لو أمسك موبايلها بس والله العظيم اي حاجة امسحها من عليه
عمرو بصله: انت متأكد؟
عدي : أيوة طبعا انا معايا برامج قوية جدا في الهكر
عمرو : انا اقدر اوصل عن طريق حد اعرفه بيشتغل في الشركة يوصل لموبايلها بس ازاي .. اصل مش معقول هياخد الموبايل ينزل الابليكشن ده كأنه هيعمل مكالمة و في حد تاني هخليه ياخد اللاب بتاعها
عدي : الحوار يكون عن طريق فلاشة موبايل ، هتتحط في الفون و يثبت الابليكشن بس وانا عليا الباقي
عمرو : بس هي حطاه علي اللاب كمان
عدي: طيب يعمل نفس الحوار في اللاب
عمرو: تمام اديني بقي الابليكشن ده و نزلهولي علي فلاشة
_____________________________________
في شقة باسل
كان راجع البيت من البيت و اتصدم لما شاف عمرو في الصالون
باسل : طب ادخلي انتي يا حبيبتي دلوقتي
هبة:ماشي يا حبيبي انا اصلا كنت خارجة عايز حاجة قبل ما أنزل
باسل: لا
خرجت مراته و باسل قعد جنب عمرو
باسل : خير يا عمرو عايز ايه ؟
عمرو : بقي دي مقابلة تقابلني بيها .. اخس ما هي الوطينة دي منهج وانت كنت دحيح ماشاء الله عليك
باسل : عايز ايه يا عمرو و ايه فكرك بيا بعد كل ده
عمرو بيفتح موبايله و شغل فيديو ل باسل مع واحدة في السرير
عمرو :اللي فكرني الفيلم الحلو ده .. لالا بس انت طلعت جامد ههه
باسل وشه احمر و هو بيحاول يستوعب اللي شايفه
باسل :امسح الزفت ده
عمرو :بيتهيألي يا بوب لو هبة مراتك شافته مش بعيد تخلعك
باسل بنرفزة:بقولك امسحه
عمرو : مش قبل ما تعمل اللي هقولك عليه
باسل : عايز ايه ؟
عمرو : امممممم هقولك تعمل ايه ... دلوقتي انت هتاخد الفلاشة دي و تدخلها في الموبايل بتاع سمر كأنك هتعمل مكالمة من عندها و تثبت الابليكشن اللي فيها جوة الفون و بس
باسل :و بعدين ؟
عمرو :و بعدين دي ملكش دعوة بيها اهم حاجة ان الفيديو اللي معايا هيتمسح مجرد ما تعمل كدا
باسل : ماشي
_____________________________________
في كافيه
عمرو : بس هو ده اللي حصل و دلوقتي بقي عايز امسح الفيديو ده و زي ما فهمتك طريقة إلى تخلينا نمسحه
ميار: طب انا هتصرف
عمرو خرج من جيبه فلوس : خلي دول معاكي و شوفي اي حد في الشركة سمر بتثق فيه يطلب منها اللاب ينقل عليه شغل مثلا
ميار : تمام بس ممكن يرفضوا
عمرو : الفلوس هتخليهم يوافقوا
_____________________________________
تاني يوم
في الشركة
ميار دخلت مكتب زميلها سامح
ميار : سامح عايزاك
سامح : أيوة .. اتفضلي يا ميار
ميار :دلوقتي فيه بنت غلبانة جدا سمر هانم صورتها فيديو و هي مش لابسة حاجة ده بسبب حسام كان معجب بيها و عايز يكلمها و سمر قررت تعمل فيها كدا عشان تبعد عن حسام لان حسام فهمها أن هي اللي بتجري وراه و البنت ولله العظيم طيبة جدا و معملتش حاجة
سامح : حسام ده حيوان اصلا
ميار : طب هتعمل ايه هتساعدنا نمسحه ؟
سامح : اكيد بس ازاي
ميار : بالفلاشة دي هتقول لسمر ان انت هتنقل شغل عندها
سامح : لالا يا ستي وانا مالي
ميار خرجت الفلوس اللي معاها : طيب و دول هيخلوك توافق ؟
سامح مسكهم منها: كام دول ؟
ميار ضحكت : موافق ؟
سامح بيعد الفلوس :اكيد طبعا موافق دي بنت غلبانة برضو
_____________________________________
دخل سامح مكتب سمر
سامح : مدام سمر .. انا اسف بس اللاب بتاعي بايظ و عايز انقل شغل علي الفلاشة عند حضرتك و اخده بعدين
سمر : طيب بس متطولش
سامح : لا ده بسرعة
دخل سامح الفلاشة و ثبت الابليكشن
____________________________________
ميار اتصلت ب عمرو
ميار :أيوة يا باشمهندس عمرو .. كل حاجة تمام و الابليكشن اتثبت علي اللاب
عمرو :بجد طب تمام جدا ... مش عارف اقولك ايه انا متشكر اوي يا ميار
ميار : متقولش كدا نور دي اختي
قفل معاها و بص لعدي اللي كان معاه
عمرو : هتعمل ايه ؟ خلاص كدا باسل كلمني و قال انه ثبت الابليكشن علي الفون و ميار كمان
عدي : دلوقتي بقي انا هقدر اتحكم في موبايلها و اللاب و نمسح اي حاجة علي جهازها
___________________________________
في مدرسة ندي
والدها و والدتها في أوضة المدير و اسلام و ندي
المدير : انا سمعت و اتاكدت بنفسي و كذا حد هنا قالي ان حضرتك مرتبط ب ندي يا اسلام
اسلام :يا استاذ علاء اللي قال حضرتك هو نفس الشخص اللي عمل تمثيلية الموبايل
حسين ( والد ندي ) :وانتي حسابك معايا في البيت مش هنا .. شايفة يا هانم مش تنتبهي لبنتك
شهيرة :يوووه هتجيبها فيا انا و بعدين ما انت كمان متعرفش عنها حاجة
ندي :بس بقي كفاية انا داخلة الفصل بتاعي
حسين: لا انتي هتروحي معانا
المدير :حضرتك موقوف عن العمل يا استاذ اسلام بسبب اللي حصل ده
____________________________________
في كافيه
عمرو : عدي انا عارف ان انا كنت غلطان بس ولله العظيم انا بحبها جدا .. و مستعد اعمل اي حاجة تثبتلك
عدي : بس هي دلوقتي مخطوبة
عمرو : بس مبتحبوش
عدي :هي قالتلك ؟
عمرو : اقسم بالله ما كلمتها من اخر مرة شوفتها فيها قبل ما تتخطب لما انت طلبت مني ابعد عنها
عدي: بس هي دلوقتي مخطوبة اسف مش هينفع
عمرو : بس انت كمان حبيت و اكيد فاهمني .. انا جيت تاني عشان بحبها و مش قادر ابعد عنها و لا قادر اشوفها مع غيري ..
عدي :بتحبها لسة ؟
عمرو : لو مش بحبها هجيلك ليه
عدي : هسالها لو هي موافقة ماشي لو مش موافقة خلاص
عمرو :لالا متسالهاش انا هقولك هعمل ايه
_____________________________________
في فيلا ندي
حسين :بقي حتة عيلة زيك تخليني اروح المدرسة باستدعاء ولي أمر عشان سيادتك مرتبطة بالمدرس بتاعك
شهيرة : مش قادرة أصدق انك بتحبي اصلا او تعرفي يعني ايه حب
ندي : ياااه وانتوا كنتوا عملتولي ايه عشان احبكم او عشان اعمل حساب اللحظة ده انتوا عمركم ما سألتوني عن اي حاجة في حياتي
حسين : ليه يا ندي وأحنا قصرنا معاكي في ايه
شهيرة : ده انتي اي حاجة بتطلبيها بتكون عندك
ندي: هو الحب بالنسبة ليكم عايزة ايه يا ندي .. تاخدي فلوس كام .. تشتري ايه يا ندي .. اكلتي يا ندي ... الاكل و الشرب و الفلوس عمرها ما كانت بتعوضني عن حنانكم و حنيتكم اللي فقدتها
شهيرة بسخرية : و اسلام بقي اللي عوضك يا حبيبتي
ندي :اه اسلام اللي عوضني عرفني يعني ايه حنية و يعني ايه حب و بيخاف عليا ... عوضني عن حسين باشا و مدام شهيرة .. خليته يترفد من شغله عشان مشوفهوش و منعته يديني درس
حسين : عشان هو ده اللي المفروض يحصل
ندي بعصبية : طب و ليه تأذيه في شغله انت اصلا محبتنيش قد اسلام
شهيرة :ندي وطي صوتك
ندي : وانتي كمان يا ماما محبتينيش قد اسلام .. علي طول مشغولة عني .. بتفضي ساعة واحدة في الاسبوع ههههه لا ساعة ايه بس انتي عمرك ما قعدتي معايا والله ولا انت كمان يا بابا زعلانين دلوقتي ان انا حبيت ايه مالكم زعلانين ليه بتبصولي كدا ليه .. اه بحبه اكتر منكم
طلعت اوضتها و دموعها مغرقة وشها و هما بيبصوا لبعض و كل واحد جواه كلام كتير عايز يعاتب التاني لكن مش قادر لان الطرف التاني هيغلطه
_____________________________________
سمر بنرفزة :يا نهار اسود
حسام :في ايه؟
سمر : الفيديو بتاع نور مش لاقياه علي الفون
حسام :طب شوفيه علي اللاب
سمر فتحت اللاب بتدور علي الفولدر مش لاقياه
سمر : مش لاقية الفولدر
حسام : يا نهار اسود .. يعني ايه ؟
سمر : معرفش .. معرفش
حسام : دوري تاني اتصرفي ده هو الخيط الوحيد اللي هيوصلنا للفلوس
سمر لطمت علي وشها: فلوس خلاص الفلوس راحت و كل حاجة راحت خلاص
حسام : اسكتي بقي كفاية يعني مين اللي مسحه في حد مسك موبايلك ؟
سمر :لا محدش بيمسكه .. بس من كام يوم سامح قالي هينزل شغل علي اللاب و باسل طلب مني يتكلم في الموبايل
حسام ضحك : الله يخربيت غباءك اكيد اداله فلوس و مسح الفيديو
سمر : هنعمل ايه
حسام :فضلت اقولك سيبي الفيديو معايا
قعدتي تقولي لا بغير عليك .. اشربي بقي .. احنا خلاص معناش اي حاجة و الموظفين عمالين يطالبوا بمرتبهم و الشغل كلوا واقف
_____________________________________
في صباح اليوم التالي
كانت نور في الفصل بتشرح و دخل عمرو و معاه جوري و ايديه ورا ضهره
عمرو : اسف بجد .. علي تأخير جوري بس كنت بذاكرلها برة و بحل معاها حاجات
نور : لا ابدا ادخلي يا جوري
دخلت جوري الفصل
عمرو : لو سمحتي يا مادموزيل نور
نور : أيوة
عمرو :وانا بحل مع جوري كان فيه كلمات وقفت قدامي معرفتهاش ممكن اعرف ترجمتها
نور : اتفضل
عمرو :انا اسف
نور :Je suis désolé
عمرو :سامحيني
نور : Pardonne
عمرو : وحشتيني
نور :Tu me manques ... خلاص كدا ولا فيه حاجة تاني ؟
انتبه الأطفال ان عمرو بيوجه كلامه ل نور لكن نور مفهمتش
عمرو قرب منها : ندخل علي التقيل بقي .. بحبك يعني ايه
نور : نعم ؟
عمرو : يعني ايه ؟
نور : Je t'aime
عمرو : Je t'aime Nour
نور تنحت لحظات : ها
عمرو بيعد علي صوابعه: أولا : Je suis désolé _ ثانيا : Pardonne _ ثالثا :Tu me manques _ رابعا بقي
الأطفال : Je t'aime
عمرو ضحك : لا طبعا Je t'adore يعني انا بعشقك ... متعمليش فيها عبيطة بقي .. بحبك
مسك الورد اللي ورا ضهره و قدمهولها و كل الأطفال اللي في الفصل صفقولهم
نور: يااااه أخيرا قولتها
عمرو : متعرفيش انا فضلت احفظ في الكلمات دي قد ايه .. الصراحة الواد اسلام ساعدني كتير احفظهم
نور ضحكت
_____________________________________
في المساء
في الريسبشن
كانت شاهيناز قاعدة هي و نور بيتفرجوا علي التلفزيون و نور بتحكيلها علي اللي عمرو عملوا
عدي :ماما انا عايز اخطب
شاهيناز : بجد اخيرا اقتنعت .. خلاص انا هكلم صفا و اقولها اني عايزة اخطب بنتها ليك
عدي :ماما انا عايز اخطب بنت تانية مش بنت صاحبتك
شاهيناز : مين دي ؟
عدي : فاطمة الممرضة بتاعتي وانا في المستشفي كنت معجب بيها و بعدين ارتبطنا و قررت اخطبها
شاهيناز :تاني يا عدي مش كفاية اللي حصل زمان انا مستحيل اكرر اللي حصل زمان و اسيبك انت تختار
عدي : في ايه يا ماما انا مبقتش صغير و فاطمة محترمة جدا هي اه مستواها بسيط لكن عينيها مليانة و عمرها ما طلبت مني حاجة
شاهيناز بسخرية :هيام برضو كانت كدا يا حبيبي و بعد كدا بانت علي حقيقتها قدامك
عدي :يا ماما حرام عليكي بقي
شاهيناز : انسي مش هخطبلك غير واحدة انا اعرفها كويس اوي غير كدا لا انا داخلة اوضتي
دخلت شاهيناز اوضتها و عدي بص لنور
عدي: نور ما تحاولي تقنعي ماما والنبي
نور : لالا ابعدني انا يا عم عدي انت عارف ماما هتقولي كفاية سمعت كلامك المرة اللي فاتت و وقفت جنبك المرة دي مش هينفع
عدي : عشان خاطري يا نور
نور :طب هجرب بس صدقني مش هتوافق انا عارفة ماما
_____________________________________
عدي اتصل بفاطمة و حكالها رفض مامته
فاطمة : طب و هنعمل ايه يا حبيبي
عدي : مش عارف
فاطمة :عدي هي مامتك بتشتغل في مستشفى ايه ؟
عدي :ليه ؟ هتعملي ايه ؟
_____________________________________
تاني يوم
في كافيه
نور :ياسين انت شاب كويس جدا و ....
ياسين :اتكلمي علي طول
نور : انا حاولت ولله احبك بس معرفتش
ياسين :لسة بتحبيه ؟
نور هزت رأسها : اه
ياسين : من يوم ما اتخطبنا وانا حاسس انك لسة بتحبيه و قلبك رافض يتفتح لحد تاني ..
نور مسكت علبة الشبكة و قدمتهاله: ان شاء الله نصیبك ھیكون مع اللي تستاھلك وتحبك وتحبها
ياسين : بس ينفع نفضل صحاب صح ؟
نور بابتسامة :ينفع
_____________________________________
في نادي
روان : هااي .. ندوش
ندي : ايه ده كلو يا روان كل ده تأخير ولله كنت همشي
روان : سوري يا نودي ولله علي ما اقنعت بابا و ماما ما انتي عارفاهم اتخانقنا كتير و زعقولي عشان اجي و بالعافية وافقوا
ندي سكتت و كانت بتتمني مامتها و باباها يكونو زي بابا و مامت روان
روان: هااي انتي فين .. سرحانة في ايه عودي يا ندي
ندي : ايه يا روان أنتي عاملة دوشة ليه فرجتي علينا النادي
حطت روان ايديها علي خدها تتأمل ندي
روان : وحياة مامتك بقي انا اقنع ماما و بابا بالعافية عشان جاية اخرج مع حضرتك علشان اتملى في جمالك وأنتى سرحانة...
دمعت عيون ندي
روان :مالك يا ندي بتعيطي ليه انتي دايما بتضحكي و بتهزري .. طب اسلام زعلك ؟ يا بت قولي مالك بقي متخلينيش اعيط زيك
ندي بعصبية : وانتي واحدة زيك هتعيط ليه عندك اب و ام بيحبوكي و بيسألو عليكي دايما و مهتمين بيكي و بيزعقولك لو اتأخرتي
روان ضحكت : ايه الحقد ده يا بت بقي في واحدة في الدنيا تحقد صاحبتها عشان باباها و مامتها بيزعقولها علي التأخير
ندي بعصبية : يا بختك ياريتهم زي باباكي و مامتك ياريت و اه انا بحقد عليكي و غيرت منك
روان : انا عارفة أنك بتقولي الكلام دا من ورا
قلبك انتي عمرك ما تغيري مني يا ندي ولا تحقدي عليا
ندي : يااااه يا روان حتي بعد كل اللي قولته ده و مفهمتنيش غلط
روان قعدت جنبها و حضنتها: عشان انتي مش صاحبتي انتي اختي .. و انا اكتر واحدة حاسة بيكي ولله
ندي : لا اسلام بيحس بيا اكتر
روان : تصدقي انك واحدة واطية والنعمة
ندي ضحكت
روان:أيوة بقي اضحكي محدش واخد منها حاجة ولله
_____________________________________
في الشارع
كان عمرو بيتمشي هو و نور و لاحظت انه مخنوق
نور :مالك يا حبيبي
عمرو :مخنوق اوي
نور : طب ما الفيديو اتمسح و حقك نصه رجعلك و فاضل حاجات بسيطة .. مخنوق من ايه بس
عمرو : خايف عليكي .. خايف يأذوني فيكي تاني
نور : اوعى تخاف و احنا مع بعض ... يا عمرو انا بقوي و انت معايا
عمرو :لكن انا لخبطتلك حاجات كتير اوي في حياتك .. بس انتي خليتي حياتي جنة
نور : مش مهم كل اللي فات المهم جاي و احنا مع بعض و متمسكين ببعض
عمرو مسك ايديها و باسها : بحبك
_____________________________________
في كافيه
مرام : يا معتز هو مش هيكرهها مانا حاولت و منفعش لكن هي لما تكرهه هيكون احلي
معتز : طب هشوف بس البرشام ده مش خطر عليه ؟
مرام :لا طبعا و بعدين ده حباية واحدة بس هتديهاله في العصير و تخليه يقابلها في المكان ده و هو ما هيصدق لأنهم مش عارفين يتقابلوا
_____________________________________
في المقطم
ندي كانت قاعدة جنب اسلام علي الرمل
ندي : بس انا خوفت هي تفهم أن انا بغير منها
اسلام : لا يا حبيبي انتي مش بتغيري منها انتي بس حسيتي ان حد مختلف عنك و كان نفسك تكوني زيها
اسلام رفع دقنها: و بعدين ايه ده ؟
ندي بقلق : في ايه
اسلام : أول مرة اخد بالي من لون عينيكي انه حلو جدا
ندي مالت رأسها علي كتفه : انا بحبك اوي
اسلام ضمها لحضنه:وانا بموت فيكي
ندي : انا مش عارفة هنتقابل تاني ازاي بابا هيخلي السواق بعد كدا يوصلني
اسلام :متقلقيش هتصرف و هنلاقي مكان نتقابل فيه
_____________________________________
تاني يوم
في شقة معتز
اسلام :مش عارف اقولك ايه يا معتز بجد شكرا جدا على انك هتخليني اقابلها هنا
متعز:متقولش كدا احنا صحاب برضو .. خد اشرب عصير جوافة
اسلام اخد الكوباية و بيشرب: بقولك ايه بعد ما تشرب عصيرك أنزل قبل ما ندي تيجي
معتز :حاضر يا لوما
بعد دقايق كان الجرس بيرن فتح اسلام لندي
معتز: طيب انا نازل لو عوزت حاجة رنلي
اسلام : ماشي
خرج معتز
ندي : وحشتني جدا
اسلام : وانتي كمان
_____________________________________
كانت جوري قاعدة في الريسبشن بتتفرج علي فيلم كرتون Frozen
حسام :جوري .. حبيبتي
جوري : اسكت عايزة اتفرج
حسام : طب بصي جايبلك ايه معايا
جوري :ايه ده كل ده شوكليت و ايس كريم
حسام : عشان تعرفي بس ان حسام بيحبك .. بس اوعي حد يعرف هناكلهم مع بعض و نلعب و من انهاردة هنكون صحاب اشطا
جوري : بس ممكن مامي تزعقلي و اتعب
حسام : هتاخدي حقنة وانا جبتلك حقنة و اهي مرة من نفسك و الدكتور قالي عادي
جوري بدأت تاكل معظم الشوكليت و الايس كريم و تشرب العصائر تركيز السكر كان عالي فيهم
_____________________________________
ندي :انا اتأخرت اوي لازم اكلم السواق عشان يجي
اسلام شدها و بيحضنها : لا خليكي
ندي : يا حبيبي هاجي تاني اكيد بس لازم امشي
اسلام بيفتح زرار القميص اللي لابساه و ندي زقته
ندي بخوف : في ايه يا اسلام
اسلام شدها : خليكي قريبة مني
ندي جريت منه و اسلام مسكها من ايديها
ندي صرخت : إسلام انت هتعمل ايه ؟ عشان خاطري سيبني انت عمرك ما كنت كدا ايه اللي حصلك
اسلام مرة واحدة قطع هدومها
_____________________________________
كانت صباح لسة راجعة من برة شافت جوري فاقدة الوعي جريت عليها و صرخت .. و سمر كانت نايمة نزلت علي صراخ صباح
صباح بتحضنها و بتصرخ: جوري .. ردي عليا
سمر : ايه ده .. انتي ازاي تاكليها كل ده
صباح : ولله العظيم ما اكلتها معرفش كلت ده ازاي
سمر بتفوقها : جوري .. انطقي .. ردي عليا
صباح : جوري
سمر بعصبية : مين اللي اكلها كل الشكولاتة دي
صباح : والله معرفش انا رجعت من برة لقيتها بتاكل و اغمي عليها
سمر حضنتها: جوري .. ردي علي مامي
سمعتهم واحدة من الشغالات و جريت عليهم
شغالة : ربنا يستر دي كانت لسة بتلعب و كويسة
دخل حسام في اللحظة دي من باب الفيلا
حسام : في ايه يا سمر
صباح : معرفش لقيتها اكلت شوكولاتة و ايس كريم كتير و اغمي عليها
سمر بتصرخ:جوري ردي عليا .. هاتي حقنة انسولين بسرعة ..
حسام بصوت عالي :انتي لسة واقفة عندك روحي هاتي الحقنة
الشغالة جريت بسرعة علي المطبخ
صباح : بسرعة يا مروة بسرعة
سمر :حبيبتي ردي علي مامي .. ردي عليا يا جوري
مروة (الشغالة ) : الحقي يا هانم الحقن خلصانة
يتبع .......
🌸جوري ممكن تموت؟ ولا هتعيش ؟
🌸ندي و اسلام هيحصل بينهم حاجة؟
و لو فيه اي أخطاء في الكلمات الفرنساوي حد يقولي
التعليقات على الموضوع