كبرياء الصمت (الحلقه التاسعه)
الفصل التاسع ( كبرياء الصمت )
سيف : أحمد .... عايزك
احمد : ايه يا بني اهو بقينا لوحدنا
سيف و هو بيبص علي عاصم و ايسل و هما بيتكلموا و شايف الفرحة في عينيها
سيف : ضحي.....
احمد :مالها مش جاية
سيف بعصبية : اه لان مفيش ضحى اصلا ضحي هي ايسل
احمد بصدمة:انت متاكد يعني ايه
سيف بوجع : أيوة يا احمد
احمد : ليه يا سيف ليه سكت كل ده ليه متكلمتش
سيف : كنت خايف يا احمد كنت خايف اخسرها ملعون ابو السكوت اللي ضيعها مني
احمد : فاكر لما كنا بننصحك و تسيبنا و تمشي مش عارف اقولك تستاهل لانك السبب في ضياعها ولا متزعلش يا صاحبي لأن ده نصيب و رزق مكتوب لكل واحد فينا انا كان بيصعب عليا وجعك
سيف : حبي ليها كان من طرف واحد يا احمد اوقات كنت بحس أنها بتحبني و اوقات تانية لا عارف يا احمد الحب من طرف واحد ده عامل زي ايه
احمد :ايه
سيف بحزن: زي المريض اللي بيتعمله عملية جراحية صعبة و مؤلمة من غير بنج و بيموت كل دقيقة من الألم اللي بيحسه
احمد : سيف ممكن تهدي هو انت مكنتش تعرف ان عاصم بيحبها ؟
سيف : انت كنت عارف يا احمد
احمد : أيوة للاسف بس كنت فاكر أنها نزوة زيها زي غيرها معرفش انه حبها بجد و هي كمان شكلها بتحبه
سيف : مش قادر أصدق معقولة اخويا كان بيحبها و هي كمان دي كانت مش بتخبي عليا اي حاجة اكيد كانت بتخاف تحكيلي عشان بتخانق معاها
احمد : هقولك حاجة محدش عارف نصيبه فين و اللي جاي ايه اجمل جملة في الكون (اللي ربنا عايزه هيكون )
سيف : عارف نفسي في ايه
احمد : ايه
سيف دموعه بتنزل منه: نفسي اطلع عقلي و قلبي و اولع فيهم عشان يبطلوا يفكروا فيها هي هتكون مرات اخويا عارف يعني ايه يعني هتكون قصادي طول الوقت يعني هفضل فاكرها ياريت اللي بيحبها كان حد تاني كنت هنساها بالبعد
احمد : انا لغايه دلوقتي مش قادر اصدق
سيف : الموضوع ده سر بيني و بينك يا احمد اوعي يطلع لاي حد حتي بوسي
احمد : مستحيل حد يعرف متقلقش
سيف : انا هروح البيت قولهم اني تعبت و مصدع هروح
احمد : استنى يا سيف هاجي معاك
سيف : عايز اكون لوحدي ي احمد معلش
احمد : سيف .... هتنساها يا سيف عارف ليه عشان الصاحب و الاخ عمرهم ما بيتعوضو هتنساها عشان صداقتكو تستمر و متخسرش اخوك لان عاصم و ايسل ميتعوضوش
سيف :انا همشي ممكن نمشي احنا كمان هما شكلهم مبسوطين مع بعض نسيب المكان ليهم احسن
احمد : طيب انت متاكد هتعرف تسوق لوحدك بص انا كدا كدا هاخد روان معايا اوصلها تعالي و اوصلك معانا
سيف : لا محتاج اكون لوحدي
____________________________________
ايسل : ايه بقا و ازاي يعني
عاصم : مش عارف بس حسيت اني مش هقدر اخبي اكتر من كدا يعني تقدري تقولي كدا حب من اول نظرة
ايسل :لا وانت الصادق ده حب من اول تهزيق
عاصم بيضحك : انا حبيتك عشان كدا لانك مش بتتصنعي عشان تعجبيني ولا تلفتي نظري لانك تلقائية جدا و طبيعية لان ضحكتك خطفتني تعرفي بتمني ايه
ايسل: ايه
عاصم قرب اید ايسل ناحیته و قبلها : بتمني اني اكون في عالم مفيش فيه غير سيلا .... انا لما سافرت اسكندرية كنت عايز ابعد عنك و انسي و استغربت ازاي فكرت في كدا كنت بقاوح مع نفسي كنت بتمني انك انتي اللي متسيبنيش كنت بقول اشمعنا هي اللي فكرت معاها كدا و من بعدها بقيت عاوز اشوفك ع طول و اسمع صوتك دايما عايز اكون موجود في كل مكان انتي موجودة فيه و أتنفس الهوا اللي انتي بتتنفسيه
لان معاكي كل حاجة بتكون حلوة عارفة يا سيلا انا بجد اتاكدت ان ربنا بعتلي عايز يسعدني لما بعتك ليا لانك انضف حاجة شوفتها في حياتي
ايسل : لكن انت لما سافرت قفلت موبايلك و كنت مخنوق مني
عاصم :لكن مقدرتش ايسل انا شوفتك في كل مكان اروحله حسيت ان مفيش حاجة ليها طعم غير معاكي و مستحمتلش و كلمتك و جيت بعد يومين
عاصم قبل ايد ايسل : انا لو كنت بعدت عنك يا سيلا كانت هتروح مني كل حاجة حلوة بجد كانت هتروح مني نفسي .... بحبك
ايسل بخجل شدت ايديها من ايديه : احم ممكن نرجع لصحابنا
عاصم بابتسامة: علي فكرة هما شكلهم مشيو
ايسل : طيب انا لازم اروح
عاصم : لا طبعا تعالي معايا هقولك حاجة
ايسل : عاصم
عاصم : ها
ايسل قلبها بيدق جامد : بحبك
عاصم : بموت فيكي ولله
عاصم وقف عند DG المطعم
عاصم : لو سمحت ممكن المايك هنغني اغنية مع بعض ممكن
عاصم : انا مش عارف صوتي هيكون حلو ولا لا لكن
عايز اهدي الأغنية دي بمناسبة اول اعتراف بحبي ل
my queen and my everything ❤ love you more than anyone can imagine my life
( اغنية بعترف عمرو دياب )
بعترف قدام عينيك
م النهارده أنا عمري ليك
سبني أحبك يا حبيبي
وأنسى روحي بين أيديك
هو دا اللي حلمت بيه ضحكته نظرة عينيه
يا حبيبي و أنت جنبي تفتكر أنا هعمل إيه
هوا دا اللي حلمت بيه هو دا اللي حلمت بيه
يا حبيب قلبي الوحيد
هات أيديك نبعد بعيد
كل ما عيونك تاخدني
يتولد أحساس جديد
هو دا اللي حلمت بيه ضحكته نظرة عينيه
يا حبيبي و أنت جنبي تفتكر أنا هعمل إيه
هوا دا اللي حلمت بيه هو دا اللي حلمت بيه
( و فعلا كان صوته حلو جدا و كان احساسه حلو و هو بيغنيها )
_______________________________________________________________________
سيف ركب عربيته و دموعه بتنزل منه بالبطيء و بيسمع اغنية ( مش كل حاجة بنلقاها )
مش كل حاجة بنلقاها ,, زى احنا ما بنتمناها
فى الف حاجة تفرحنا ,, وقصادها مليون يجرحنا
وتملى بنعلق روحنا ,, بحاجات بعيدة ونهواها
واهو طبع مش راضى يسيبنا ,, ما نحسش اللى قصاد ايدينا
والسهل مبقاش عاجب ,, وكأنه تقضية واجب
منفوقش غير بعد تجارب ,, او خبطة جامدة تعذبنا
وحاجات كتيرة نصدقها ,, عارفنها كدب من الاول
نتعب فى روحنا ونعشقها ,, وجروحنا بعديها تطول
غير الندم وحبة الم ,, فى قلوبنا دى اللى ظلمناها
______________________________________________________________
في الجامعة
ايسل وضعت سماعة الموبايل في اذنيها و بتسمع اغنية
اخيراً قالها قال أحبك قالها
وأنا قلبي قلبي قلبي قلبي توقف بعدها
أخيراً قالها قال أحبك قالها
من فديت أنا العيون قال أحبك وبجنون
ود أطير ود أعيش في الدنيا بقربها
واحد أحبه من زمان ما يحس أحبه كان
وأنا كنت اعاني من زمان اتاني حس بوقتها
أخيراً قالها قال أحبك قالها
الفرحة يمه لقيتها صعب جداً وصفها
هو قلبي وهو نبضه وأحلى نبضه قلبي يدقها
الفرحة يمه لقيتها قال احبك قالها
روان : كفاية ياختي الأغنية دي كررتيها 100 مرة لحد دلوقتي
ايسل : متفصلنيش يا غبية بقا
روان : ياختي عرفنا أنه اتنيل قالها خلاص
ايسل : رورو انا جعانة
روان : اتنيلي بعدين ناكل
ايسل : طيب
روان : هو احنا المفروض نعمل ايه دلوقتي
ايسل : تقريبا لازم نذاكر زي الناس الدحيحة اللي هناك دي
روان :تفتكري
ايسل: شوور بقولك ايه تعالي نرخم شوية ع مارينا و بيتر
ايسل : يا بيتر ايه يا مان فينك
بيتر: ايه يا سيلا ازيك
ايسل : تمام يا معلم ازيك يا ماري
مارينا : تمام يا قلبي ازيك يا رونا
روان : البت دي قالت نيجي نرخم عليكو
ايسل بتضحك : قولت نذاكر معاهم يا رخمة
بيتر بيهزر معاها بايديه بتلقائية : يا رخمة
عاصم شدها من ايديها و وقفها وراء ضهره و مسك بيتر من الجاكيت بتاعه من عند رقبته و كان هيخنقه
ايسل : عاصم سيبو في ايه يا عاصم
عاصم بنرفزة : متلمسهاش تاني بعد كدا فاهم المرة دي هعديهالك بس
خبطه عاصم بايديه في وجهه بقوة و شدها من ايديها من غير ما يعطيها فرصة ترفض
__________________________________
ايسل بنرفزة: انت اتجننت في مخك انت مشوفتش انت ضربته ازاي ولا نظرة الشك اللي كانت في عينيك ده انت كان ناقص تجيبني من شعري علي ايه ده كلو يعني
عاصم : انا مشيكتش فيكي لحظة واحدة و مظنش ان غيرتي عليكي تضايقك
ايسل : لا يا حبيبي ده زميلي و اعرفه من قبل ما اعرفك ده غير انه مسيحي اصلا يعني مستحيل يكون في بيني و بينه حاجة
عاصم شدها من ايديها بقوة : مسيحي ايه انتي كمان مسيحي يعني مش من حقي اغير عليكي منه مش راجل هو
ايسل : هقول ايه ما هو اللي زيك طول عمره بتاع بنات بياخد كل حاجة بطريقته لكن لو كنت راجل عادي هتاخد كل حاجة عادية مش كفاية منظري بقا زفت قدام الناس
عاصم :ياستي ملعون ابو الناس اللي بتتكلمي عنهم و بعدين بتاع البنات اللي بتكلمي عليه ده يبقى زفت حبيبك و عايز اقولك اني بثق فيكي ثقة عمياء ثقة مالهاش حدود
ايسل : بقولك ايه يا عاصم .... بيتر ده زميلي من سنة اولي و دايما بيقف جنبنا في كل حاجة في الكلية من بعد ما سيف اتخرج كون ان انت بتغيير عليا منه بقا ف ده اسمه جنان ولا انت بقا مش بتحبني اللي بيحب حد علي فكرة بيثق فيه جدا
عاصم بنرفزة: الغيرة دي أكبر اثبات اني بعشقك مش شك زي ما انتي فاهمة
ايسل : أيوة بس انت تصرفاتك عنيفة اووي
عاصم : بما اني عنيف بقا ... عايز اخطفك لحضني دقيقة
عاصم ضمها لصدره غصب عنها كان قلبها بيدق جامد إحساس خوف مع سعادة
ايسل ضربته بالقلم علي وجهه: انت حيوان صح اوعي كدا
______________________________
بوسي في غرفة جنة بتذاكرلها
بوسي : قولي ورايا (ب ) بقرة
جنة :( ب ) برقة
بوسي : بقرة يا حبيبتي
جنة : برقة يا مامي
بوسي : والنبي انتي اللي بقرة
جنة بنرفزة : لا انا مش برقة انا شطورة
بوسي : انتي مش برقة
جنة : أيوة انا شطورة يا مامي
بوسي : طيب يا شطورة بصي انا هعملك نقط تمشي عليها عشان تتعودي تكتبي الكلمة صح
بدأت بوسي ترسم نقط بحروف كلمة ( بقرة )
بوسي : يلا يا روح مامي انا عملت لك النقط اهي علي الكلمة امشي عليها
قامت جنة من مكانها و وضعت الكراسة علي الارض و مشيت عليها برجلها
بوسي بصراخ : يا بنت البقرة بقولك امشي عليها بالقلم مش برجلك
______________________________________________________________________
روان بتكلم ايسل في الموبايل
روان : يا بنتي حد يطول ان حد يغيير عليه في حد لاقي يا غبية
ايسل : لا يا روني انتي مش فاهمة بجد عاصم بيغيير اوفر ده بيغيير من الهوا
روان : بجد يا سيلا عاصم ده كيوت اوووي انتي مشوفتيش امبارح كان بيغيير عليكي ازاي بجد يا بختك
ايسل : نعم يا روح مامي مالك الغيرة دي رخمة اووي بجد بالذات مع عاصم هو اي نعم انا بفرح بس اوقات بيزودها over
روان : بصي يا حبيبتي هقولك حاجة نزار قباني قال ايه ( اذا ثار الرجل غيرة .. فاعلمي يا حواء انك امتلكتي عاشقا )
ايسل : أيوة بس ده بيغيير بطريقة مستفزة و تخنق
روان : انتي متستاهليش النعمة دي اقسم بالله
__________________________________
عاصم : بوسي هاتيلي ماية عايز اشرب
جنة : هقوم اجيبلك انا يا خالو
عاصم : حبيبة قلب خالو ايه الدلع ده يا ناس
قامت جنة بسرعة و اعطته كوب الماء و عاصم شرب
عاصم باستغراب :اومال انتي ليه بقيتي محترمة كدا و بتسمعي الكلام مش عوايدك يعني
جنة ببراء: ميس رضوي انهاردة قالت ان في واحد دخل الجنة عشان سقي كلب
عاصم بدهشة : قومي يا بنت الجزمة من هنا
بوسي بتضحك : عيب يا جوجو ده خالو
جنة: يا مامي هو بيحب الكلاب
عاصم : يعني كدا بقيت كلب
جنة : وانا قطة و سيلا قطة وانت كلب يا خالو
عاصم : لا كلب دي وحشة بصي انا اسد حلو
جنة : اوكيه يا خالو
_______________________________
ايسل و هي داخلة شقتها
ايسل : مااماااا يا ماما
صفاء بعصبية : عايزة ايه يا بنت الموكوسة
ايسل: بصي يا موكوسة
حدفتها صفاء بالشبشب
ايسل :... سوري قصدي يا ماما ولله قصدي يا ماما
صفاء : عايزة ايه
ايسل: عايزة اكل يا ماما عاملة ايه اكل انهاردة
صفاء : وانتي ياختي متكسحة ما تقومي تعملي لنفسك ولا مستنياني اعملك
ايسل:طب ولله بروح الكلية دي وردة مفتحة كدا و برجع بطة متكسحة والنعمة .... ماشي يا صافي خليكي فاكراها
___________________________
هند : اومال يا حبايبي مش ناويين تجيبو اخ ولا اخت لبنتكو اصل قولتو يعني لما تكمل 3 سنين و اهي المدة طولت يعني
بوسي : ااه يا ماما ماهو احنا مأجلين الموضوع ده شوية انتي عارفة لحد ما أتخرج
هند : أيوة بس انا من حقي يكون عندي احفاد تانية يعني ولد و بنت كمان كدا معاهم ولا ايه يا احمد
احمد : قوليلها يا ماما ان كان عليا انا موافق
بوسي باستغراب : قوليلها يا ماما في ايه يا احمد هو ده اتفاقنا
هند : هو الخلفة بالاتفاق يا حبيبتي ده في ناس مش طايلة ضافر حتة عيل وانتو بتتبطرو ع النعمة و النعمة عندكو
احمد : يا ماما بوسي السنة الجاية هتكمل دراستها في اخر سنة وانتي عارفة كليتها صعبة يا ماما و السنة اللي بعدها هتحمل
هند : طب لو كدا يا حبببتي انل اربيلك العيال بس انتو هاتولي عيال كتير
احمد : شوفتي مالكيش حجة اهو ماما هتشيل عنك ياستي
بوسي : يا ماما حضرتك اكيد مش هتقدري علي طفل لسة مولود لأنه محتاج عناية علي طول و رضاعة و حمل و تعب ده غير جنة لوحدها و دراستها و مذاكرة و شغل البيت و شقاوة بنتي اللي بروق وراها
هند : يا حبيبتي طالما انتي مش قد الجواز و المسؤلية مكنتيش اتجوزتي ولا خلفتي بس انت قعدت تقولي يا احمد نتجوز بدري و اهي النتيجة
بوسي: نعم حضرتك بتقولي اني مش قد المسؤلية لا تتكلم أنت بقا و تقولها انا بعمل ايه معلش
احمد : يا ماما ممكن تهدي بقا حضرتك متعرفيش بنتي بتعمل ايه فيها و بوسي بتعمل مكانها
هند : ليه يا حبيبتي تعب ده انتي كل حاجة عندك أجهزة كهربائية ده حتي العجانة جايباها و عندك غسالة اطباق و كل حاجة عندك ع الجاهز أحمدي ربنا غيرك بيعمل كل حاجة بايده
بوسي : ولله حضرتك كل ده اوقات بيخرب و بعمل بايدي حتي الغسيل اسألي ابنك اوقات بغسل علي أيدي لان غسالتي خربانة دايما بسبب بنتي ثانيا بقا الدنيا اتقدمت و مبقاش حد مش بيجيب الأجهزة دي
هند : طيب استأذن انا بقا عموما يا حبيبتي متتبطريش ع النعمة عشان ربنا ميحرمكيش منها خالص
__________________________________
عاصم : ايه يا حبيبتي عاملة ايه
ايسل: الحمد لله وانت؟
عاصم : تمام الحمدلله
ايسل: بقولك خليك معايا ثواني ماما بتنادي عليا
عاصم : اوكيه اتفضلي
خرجت ايسل في المطبخ لوالدتها
ايسل : ايه يا ماما عايزة حاجة
صفاء : بتكلمي مين
ايسل بسخرية : ما انتي عارفة يا صافي موبايلي كلو عليه أرقام رجالة اكيد بكلم واحد منهم يعني
صفاء بعصبية : غوري من وشي يا بنت الجزمة
ايسل : طب كنتي عايزة ايه مني
صفاء: اتصليلي بالزفت ده شوفيه هيجيب اللحمة امتي اتأخر اوووي
ايسل : قصدك محروس؟ ؟
صفاء : محروس ولا منحوس اتصلي و خلصيني
ايسل : اوكيه يا مامتي رقمه على تليفون طارق هشوفه ثواني
صفاء :طارق لسة مرجعش من الشغل شوفيه على موبايلي في اوضتي انا ايدي مش فاضية و خلصي رغي في الزفت ده و تعالي ساعديني
دخلت ايسل غرفة والدتها تبحث عن موبايل طارق
ايسل بتنظر للموبايل و كانت مكالمة عاصم مازالت مفتوحة :يلهووي انت لسة معايا ع الخط صح
عاصم بعصبية: رجالة مين اللي علي تليفونك يا روح امك
ايسل: يا عاصم ولله بهزر ده سيم بيني و بين ماما كدا يعني بالعقل كدا لو كلامي صح كان الشبشب اشتغل علي دماغي طبعا
عاصم بيضحك : طب اقفلي معايا و روحي ساعدي مامتك و اتعلمي الاكل ها مش عايز اجيب خدامة
ايسل : لا يا روحي مش هنجيب خدامة عشان تخوني معاها صح
عاصم : خلاص اقفلي و روحي ساعدي مامتك بقا ....سيلا
ايسل : ها
عاصم : بحبك
ايسل : وانا كمان
_____________________________________
بوسي : عاجبك الطريقة اللي مامتك كلمتني بيها دي
احمد : انا من حقي اخلف تاني يا بوسي انا تعبت بجد من كتر النقاش معاكي في الحاجة دي و عنادك
بوسي : طبعا ما هي لما مامتك بتيجي عندنا او انت تروحلها لازم تنكد عليا بسبب الموضوع ده
احمد : مش فاهم انا انتي عايزة ايه و قصدك ايه
بوسي : مقصدش ... هروح احضرلك العشا ثواني
احمد مسك ايديها : استنى قصدك ايه لما ماما بتيجي بنتخانق
بوسي : قصدي ان هي السبب و بتطلع الموضوع في دماغك و دايما تحسسني ان انا مش بعمل حاجة ده انت حتي مش بتدافع عني قدامها يا احمد
احمد : ماما عندها حق علي فكرة ولو ع بنتك هي قالت ممكن تاخدها
__________________________________
عاصم : الو
ايسل : ثواني يا عاصم ثواني اما اشوف منار بترن
عاصم بنرفزة : لما انتي مش عارفة تكلميني و مش فاضية متصلة ليه عايز افهم
ايسل بهدوء : عشان اسمع صوتك
عاصم : ليه هتسمعي صوت عبدالحليم
ايسل : اه
عاصم : جاتك اوة .... بني ادمة مستفزة ولله
ايسل بتضحك : مالك بس في ايه
عاصم : انا مش فاهم يعني هي منار مهمة تردي عليها يعني ولا انا
ايسل :يا حبيبي خلاص انا مطولتش ولله دول 3 دقايق ع فكرة اصل هي مجتش الجامعة بقالها كام يوم و قلقانة عليها
عاصم : طيب و بعد كدا
ايسل: طارق الرخم كان عايزني اعمله شاي
عاصم :ماشي
_________________________________
ايسل فاتحة الانستجرام و بتفتح الاستوري لاكونت سيف
كان سيف رافع فيديو قصير 30 ثانية فيه كوبليه من اغنية ( آدم اشمعنا انا )
عينى خلصت من الدموع ما بقتش ببكى اكمنى ما تعودتش انى لحد اشكى لو حد قالى عامل اية بضحك فى سرى ما انا لو يفيدنى بحاجة كنت هقول واحكى
اشمعنا انا مستقصدانى وجاية لية ديما عاليا
اشمعنا انا دة انتى بقيتى بتفرحى فى دموع عنايا
************
ايسل قلبها وجعها عليه وقررت تتصل بيه رغم أن كان الساعة عدت 12 لكن مقدرتش تستني للصبح
ايسل :سوفي مالك
سيف : ايه يا بنتي غريبة يعني الساعة 12 و نص مش عوايدك تتصلي
ايسل : ايه الفيديو اللي انت حاطه في ستوري علي الانستجرام ده
سيف : مفيش يا ايسل ده فيديو عجبني بس
ايسل : لا يا سيف انا حاسة ان فيك حاجة انت لسة زعلان عشان ضحي مجتش
سيف : عايز انام يا ايسل ممكن
ايسل : لا لازم اعرف في ايه
سيف : مفيش محتاج اكون لوحدي شوية هحكيلك بعدين
ايسل بحزن: انت بقيت بعيد عني ليه هو انا مزعلاك
سيف : مفيش يا ايسل مخنوق بس من شوية حاجات عندي هحكيلك بعدين
ايسل : ماشي يا سيف براحتك لما تحب تحكي انا موجودة
سيف : ماشي سلام
ايسل : للدرجة دي مش طايقني
سيف بعصبية: يوووه بقا ي ايسل قولتلك هكلمك تاني في ايه
ايسل :مفيش بس كل ما اكلمك متردش عليا يا اما نتخانق
__________________________________
ايسل : اااه .. خلاص عاوزه رأيي ؟؟
روان : طبعا يا غبية اومال انا بحكيلك ليه
ايسل : تقابليه بكره اوكيه لكن مش توعديه بأي حاجه و حاولي علي قد ما تقدري اساليه في شويه حاجات يمكن توضحلك حاجه عنه اوكيه؟
روان : اوك يا حبيبه قلبي ربنا يخليكي ليا
ايسل : بس اوعي يا رورو توعديه بحاجه خليها زي جلسه تعارف بسيطة كدا لاننا منعرفش عمرو ده كويس
__________________________________
تاني يوم كان عاصم و ايسل خارجين في المطعم المفضل ليهم
ايسل: بقولك ايه يا حبيبي
عاصم : ايه يا قطتي
ايسل : مش ملاحظ حاجة يا قلب قطتك
عاصم : حاجة ايه
ايسل :احنا اخر مرة اتخانقنا فيها امتي
عاصم : يعني الحمد لله اللهم لا حسد يعني من 3 ايام
ايسل بحزن: يلهوي 3 ايام بحالهم متخانقناش
عاصم بدهشة: الله أكبر مالك في ايه انتي عايزة نكد يعني
ايسل: ايه ده انت مش بتحب الخناق و النكد
عاصم : نعم يا روح امك انتي عايزة انكد عليكي يعني
ايسل: اه يا حبيبي النكد ده أسلوب حياة بينا
عاصم : ده صداع و هم و وجع قلب و انا خلاص تعبت بجد من كتر الخناق ده
ايسل : لا يا عصومي انت مبقتش تحبني اصلا
عاصم : نعم يا روح امك مالك في ايه انتي عيانة صح
ايسل : لا يا عاصم انت مبقتش تحبني بجد انا وحشني خناقنا اوووي
عاصم :و ضحكتك المستفزة وسط خناقنا صح
ايسل : عاصم انت لو منكدتش عليا دلوقتي حالا يبقا انا كدا اتأكدت انك مش بتحبني و كدا بقا ....
عاصم قاطعها : انتي عايزة ايه دلوقتي
ايسل : نكد عليا انا بقالي 3 ايام متنكدش عليا
عاصم : يا بت انتي متستفزنيش ..... اقولك حاجة
مسك عاصم كوب الماء و سكبه علي وشها
عاصم بنفرزة: مش عاوز اعرف اهلك تاني
ايسل : أيوة كدا يا حبيبي بعشقك اقسم بالله
عاصم بيضحك : بحبك يا مجنونتي
مظعم الناس اللي قاعدين في المطعم مستغربين و بييضحكو
عاصم بصوت عالي : يا مجنونة فضحتينا الحمدلله
ايسل بصوت عالي ليسمعه الناس : في ايه جماعة اصل بقالي 3 ايام جعانة نكد و خناق ولله
عاصم بصوت هاديء: عارفة نفسي في ايه يا حبيبتي
ايسل : في ايه يا حبيبي
عاصم : نفسي اكون ازازة برفان عشان كل ما تدوسي علي دماغي اتف في وشك
__________________
روان مع عمرو في كافيه
عمرو : ده انا قولت مش هتكلميني تاني كل ده يا روان ولا حتي بتردي علي مسجاتي
روان : مفيش بس كان في كام حوار كدا مع صحابي
عمرو : امممم .. طب و حوارنا احنا ؟
روان بتوتر : ماله ؟
عمرو : اتمني اسمع رايك ؟
روان حاولت تتماسك و بدأت تتكلم
روان : عمرو انت قولتلي لو هيبقي في امل و لو بنسبه 1 % اجي اقابلك و اديني جيت
عمرو بابتسامه : افهم من كده انك موافقه علي اننا نرتبط ؟
روان بكسوف : انا منكرش اني معجبه بيك و حاسه انك انسان كويس بس ده ميمنعش اني محتاجه وقت اكتر من كده عشان افكر و عشان كمان اتعرف عليك اكتر
اختفت ابتسامة عمرو و مبقاش فاهم حاجه من كلامها المتناقض
عمرو : طيب و بعدين يا روان ؟
روان : مش عارفة بس يعني احنا هنتكلم شات ولو ارتاحنا لبعض هنكمل ولو مفيش
قاطعها عمرو : فهمتك .. و انا حاسس ان ربنا هيقربنا من بعض و قريب اوي هتلاقيني بطلب ايدك عشان اخطبك
روان اتكسفت
عمرو بابتسامه : تعرفي انك بتبقي جميله اوي و انتي مكسوفه كده
روان : ميرسي يا عمرو
عمرو : لا بجد و الله بتكوني زي القمر
___________________________
ايسل كانت عند منار في البيت و حكتلها عن علاقتها ب عاصم
منار : كل ده في الأيام اللي انا غبتها حصل
ايسل : اعمل ايه مانا كان لازم احكيلك وانا معاكي مش في الموبايل
منار : بس انتي لازم تبعدي عنه انا مش مرتاحة ل عاصم ده
ايسل بعصبية : بطلي تعامليني علي انك وليه امري انا حره اعمل اللي انا عايزاه و مش محتاجة نصايحك و لا وصايتك عليا
منار بحزن : كده يا ايسل كل ده عشان خايفة عليكي
ايسل بعصبية : خوف ايه اللي مخليكي تعامليني علي اني طفلة صغيرة و ماليش مخ افكر بيه لا يا منار انا زيي زيك و اقدر اواجه اي موقف يقابلني و للمره التانيه بقولهالك انا مش مش محتاجه نصايحك و لا وصايتك عليا
منار زعلت من كلام ايسل و انهارت في البكاء وقتها ايسل شعرت بالذنب و شعرت قد ايه هي كان كلامها قاسي عليها و قربت منها و دموعها نزلت منها و حضنتها
ايسل :موني انا اسفة متزعليش مني
منار لسه منهارة كانت شايفة قدامها وجع امها و موت باباها و خوفها علي صاحبتها
ايسل : انا حبيته يا منار بشوف فيه حنية بابا اللي اتحرمت منها تعرفي هو بيحبني اووي انا عارفة انه بتاع بنات بس هو بيتغير
منار : صدقيني كلهم بيبانو كدا في الأول و هيقولك انه بيحبك لكن هو ولا بيحبك ولا حاجة اللي زي عاصم ده انتي بالنسبة له مجرد نزوة
ايسل : ارجوكي يا منار متحاوليش تشككيني فيه علي الاقل دلوقتي
منار : اومال عايزاني أنصحك امتي لما تتوجعي ده انتي لما بتقرصك ناموسة بتعيطي و تتوجعي ما بالك بقا قرصة الحب و الوجع هتقدري تداويها لو جرحك
ايسل : منار هو بيحبني صدقيني عاصم طيب جدا و حنين عاصم مش زي ما انتي شايفة خالص
منار : انتي حره يا ايسل
ايسل : لا انا و انتي طول عمرنا بناخد راي بعض في كل حاجه تخصنا مينفعش تتخلي عني دلوقتي
_____________________________________
دخلت روان الشقة و هي داخلة شافت احمد اخوها في وجهها
روان : أحمد انت هنا
احمد بحدة : اه احمد يا انسة روان ايه مالك اتخضيتي كده ليه و كأنك بتعملي جريمة
روان بلخبطة : جريمة جريمة ايه .. و بعدين انا متخضتش انا داخلة انام
احمد : و الولد اللي كنتي معاه روح ولا استنيتي معاه شوية
روان بخوف : ولد مين ؟
احمد : متستهبليش
روان :قصدك عمرو ده ده زميلي في الجامعة و كان
تفتكره احمد هيتنقع بكلام روان و هيعملها ايه ؟؟؟
و تفتكره ايسل هتسمع كلام منار ولا لا؟
التعليقات على الموضوع