رواية كبرياء الصمت (الحلقه الخامسه)
الفصل الخامس ( كبرياء الصمت )
عاصم : ايسل مالك انتي بتعيطي ليه
ايسل : ايه مفيش لا ده حاجة دخلت في عيني
عاصم : طب ممكن تهدي و تفهميني في ايه ... طب حد زعلك
ايسل : مفيش يا دكتور
قامت من مكانها عاصم مسكها من ايديها
عاصم : لازم اعرف في ايه
ايسل دموعها نزلت تاني : انا .... و انت مالك اصلا و بعدين انت مين يعني عشان تكلمني و تسألني مالك
عاصم : تاني طيب ممكن تهدي بس
ايسل : انت غبي صح ولا مبتفهمش انت
عاصم :لولا انك في حالتك دي كنت علمتك ازاي تقولي كدا
ايسل :اه بطريقتك الزبالة صح
عاصم : طريقتك .... و زبالة؟ ؟
ايسل بسخرية : ايه زعلت من كلمة طريقتك ولا زبالة
عاصم بسخرية: لا من طريقتك طبعا يا خفيفة ... ربنا يسامحك انا مش زبالة علي فكرة انا بس مش مصدق و مستغرب اصل شكلك ميجيبش انك بطلعي من بوقك برميل زبالة كدا
ايسل بدهشة :انا زبالة يا حيوان انت
عاصم شدها من ايديها و دخلها مكتبه و قفل الباب وراه
عاصم : الحمدلله يعني ان محدش كان في الطرقة
ايسل : انت حيوان ايه اللي عملته ده
عاصم قرب منها و مسك ايديها : ما هو انتي لازم تقوليلي مالك بدل ما ابوسك بجد المرة دي و مش هتقدري تفلتي مني و اقسم بالله لو ما عرفت مالك هعمل اللي انتي بتكرههيه و هعلمك ازاي لسانك ده يطول عليا تاني كدا انا بجد مستغرب انا شوفت عيوب في بنات كتير اوووي اول مرة اشوف واحدة لسانها فالت منها زيك كدا
ايسل : انا مش فاهمة انت عايز تعرف ليه بعيط ليه انت مالك بيا يعني
عاصم بعد عنها وقعد علي الكرسي: مش عارف بس شوفتي خوفك مني لما قربت منك اهو انا حسيت احساس مختلف شخصيتك مختلفة عن اي بنت عرفتها قبل كدا طولة لسانك عنادك دايما معايا .. طريقة كلامك .. ضحكتك ...
ايسل بحدة : هاا هنعاكس ولا ايه
عاصم بيضحك : لا بجد مختلفة جدا
ايسل : انت عايز ايه برضو مش فاهمة
عاصم : عايز نكون صحاب ممكن
ايسل : مفتكرش غير كدا انا عندي سيف ده صاحبي و اخويا و مش عايزة حد تاني
عاصم : طيب اديني فرصة تعرفيني حتي
ايسل : انا عايزة امشي
عاصم : قولتلك مش هتمشي غير لما اعرف السبب و الا بقا اعتبرها موافقة ع البوسة
ايسل :لالا هقولك السبب ... السبب اني خايفة جدا الامتحانات قربت و المحاضرات اللي فاتتني مش عارفة أفهمها ولا اذاكرها و خايفة و حاسة اني هشيل المادة بتاعتك ومادة تانية برضو خايفة منها لأني مش مذاكراها اوووي
عاصم : بس كدا بسيطة اعتبري نفسك نجحتي فيها
ايسل بنرفزة : نعم انت بتهزر صح لا طبعا مستحيل انا مش بنجح بالطريقة دي طبعا انا اشيل مادتك لكن انجح كدا لا لا طبعا مستحيل
عاصم : اممممم غريبة يعني ده انا فكرتك هتفرحي عموما انا كنت بشوفك هتعملي ايه اكيد مكنتش اتوقع انك تقولي كدا بصي طيب انا عندي فكرة تانية و هتظبطلك كل اللي فات جدا
ايسل : ايه هي
عاصم : بصي انا ممكن يعني اشوف كدا ساعتين يومين في الاسبوع اشرحلك حاجات من اللي فاتتك و متخافيش هيكون فري من غير فلوس
ايسل :لا طبعا مينفعش
عاصم : لما اقول كلمة تتسمع بقا كفاية مناقرة
ايسل : طيب هو ممكن يكون معايا صحابي
عاصم بابتسامة : ااه عادي
ايسل : اوكيه هقولهم و اقولك
عاصم : استني طب هنتفق امتي ع الميعاد و كدا
ايسل : لا ممكن تكلم بوسي تقولها بااااي
____________________________
ايسل : انت عارف ان انا مش بخبي عليك حاجة صح
سيف : اكيد طبعا في ايه حصل
ايسل : طب هتزعقلي
سيف : عملتي ايه من ورايا يا بت انتي
ايسل بجدية: سيف بطل هزار و اتكلم بجد انا عايزة احكيلك ع حاجات كتير حصلت و عارفة انك هتزعقلي بس لازم احكيلك
سيف: ایه حصل طیب
حكت ايسل ل سيف علي موقف عاصم يوم العيد ميلاد جنة
سيف بعصبية: ومش اديتيلو بالجزمة ع دماغه لیه
ايسل: مانا هزقته يا سيف و بعدين فلت منه و خبطت رجله بالجزمة بتاعتي
سيف: وانتي يعني مش عارفة تقوليلي كنت جبتلك حقك انا مش فاهم بجد انتي ازاي سكتي لما قال كدا قال ايه عجبك حضني
ايسل :اھدى یا سيف انا برضو بعرف اتصرف متقلقش عليا
سيف بنرفزة: ايسل
ايسل حست ان ه اتعصب: یعنى انا محكتش لبوسي ولا حد ع اللي حصل وقولت احكیلك
یبقى كان غلط ان احكى ومش ھحكيلك تانى
سيف بعصبیة اكتر : كنتى اعملى یا ايسل كده كانت لیلتك سوده معایا
ايسل بتحاول تغیر الموضوع: ایه یا واد الحمشنة دى تعالي اضربني قلمين احسن
سيف : مش وقت هزار يا ايسل انا عارف أخويا كويس اوي يا سيلا عشان خاطري مش عايزك تحتكي بيه تاني
ايسل : حاضر و بعدين متقلقش عليا انا سيلا برضو سيف متقولوش اني قولتلك حاجة
سيف : لا طبعا مش هقولو بس لو ضايقك تاني مش هسكت
ايسل : ماشي انا لازم انام دلوقتي
سيف :طيب رنیلى الصبح اول ما تنزلى الجامعة عشان اصحي يعني ع 8 كدا
ايسل: اوك یلا تصبح ع خیر LUCK OF BEST
سيف
سيف : الله يرحم ابوكي ياختي
ايسل: متنساش بكرة التقریر الیومى بتاعك بكرة عايزة اعرف عملت ايه مع ضحي
سيف : متقلقیش مقدرش مقولش التقرير اليومي ده انتي سيلا يا بنتي
ايسل : ماشى یا اللي بتثبتني يلا بقا روح نام
____________________________________
(مر أسبوعين و عاصم اعطي ايسل و روان و منار دروس أسبوعية )
عاصم كان قاعد منتظر ايسل و روان و منار يشرحلهم في كافيه هاديء
منار :دكتور عاصم ازيك
عاصم : ازيك يا منار هي ايسل اتأخرت كدا ليه
منار : لا زمانها جاية
عاصم : و روان
منار : جاية برضو معاها متقلقش
عاصم : تمام تحبي تشربي ايه
منار : اي حاجة ممكن عصير جوافة
عاصم : اوكيه ... لو سمحت 1 جوافة
منار : ممكن اوري حضرتك حاجة
عاصم : اتفضلي
منار خرجت اسكتش من شنطتها و فتحت اول صفحة
منار : ايه رايك
عاصم اندهش من جمال الرسمة كانت منار راسمة عاصم و كأنها حافظة ملامحه كويس
عاصم : انتي اللي راسماها معقول
منار ضحكت : اه وحشة يعني
عاصم : وحشة ايه بس دي تجنن برافو عليكي بجد ايه الإبداع ده
منار : ميرسي اووي اتفضل
عاصم : بس ازاي قدرتي تحفظي ملامحي كدا واضح انك ذكية كمان
منار : عادي انا كنت كل ما اشوفك اركز مع ملامحك و ابدأ أكمل لحد ما خلصتها
عاصم : بجد فنانة ولله انا متشكر اوووي بجد
منار :العفو
عاصم : صحيح يا منار انتي ازاي صاحبة ايسل
منار : ازاي يعني
عاصم: اصلك مش زيها يعني هادية كدا عنها هي لمضة جدا
منار : لا ايسل لمضة مع اللي بيضايقها بس لكن هي طيبة جدا
عاصم : لالا ده مع كلو
منار : ايسل ايجت هي و روان
عاصم : اوكيه نكمل كلامنا بعدين
________________________________
عاصم في اوضته فاتح اللاب بتاعه و بيشرب سيجارة دخل عنده سيف
سيف : ايه يابني كنت عايز ايه
عاصم : اااه كنت عايز الشاحن بتاع اللاب وانت مردتش عليا
سيف : كنت بتوضي و معرفتش ارد عليك
عاصم : حرما يا مولانا
سيف بيضحك : حرما دي بتتقال بعد الصلاة مش بعد الوضوء يا مؤمن
عاصم : ااه ماشي يا سيف حرما مقدما يعني
سيف بيضحك : طيب انا هروح اجيبلك الشاحن و اصلي .... عاصم
عاصم : نعم
سيف : متنساش تصلي العصر
عاصم : ربنا يهدينا يا مولانا سيف يلا اخرج بقا هاتلي الشاحن
__________________________________
ايسل كانت قاعدة عند بوسي في البيت
بوسي : ايه بقا
ايسل :ايه انتي
بوسي : لا ما انا عايزة اعرف ايه سر التغيير ده بينكو و دروس خصوصي بقا لالا الموضوع اتطور خالص
ايسل : مفيش حاجة ولله ما انا بحكيلك كل حاجة
بوسي : يعني هو ملمحش بحاجة خالص
ايسل : يا بنتي هيلمح بايه بس ما انتي عارفة هو بيساعدني
بوسي: بس انا عندي احساس غير كدا حاسة ان عاصم اتغير و شكله يعني
ايسل : شكله ايه
بوسي : لالا ده شكله ايجا هقوم افتحله
عاصم : تمام لحد هنا
ايسل : اااها تمام جدا
عاصم باندهاش : ايه ده انتي بتلبسي نضارة
ايسل بتعدل نضارتها: ااه اوقات يعني بس مش كتير .... احم هي وحشة
عاصم بابتسامة : لا خالص بالعكس حلوة جدااا
ايسل بابتسامة: ميرسي
عاصم موبايله رن في الوقت ده و رد
عاصم : مايا يا بنت الايه .... ميس يو تو ... ههههه ياريت ولله انا زهقت من مصر اصلا .....
ايسل نظرتله بتعجب
عاصم بيكمل كلامه: بس بصراحة مزهقتش اووي يعني .... فيها حاجات حلوة جدا .... انتي اخبارك ايه طمنيني ..... اااه بجد بيسالوكي عليا هههههه لا يا بنتي انتي عارفة بنات لازقة كدا ماشي يا مايا طب هكلمك تاني .... اوكيه بااي
قفل معاها و نظر ل ايسل
عاصم : سوري يا ايسل مرضتش اطول حتي عشان متاخرتش عليكي
ايسل : ولله فيك الخير برضو
عاصم : يلا نكمل
ايسل :هي مين مايا دي
عاصم : مايا دي صاحبتي من لندن
ايسل : مش مصرية يعني
عاصم : لا لا مصرية و مسلمة كمان
ايسل : امممم هو انتو يعني
عاصم : احنا ايه
ايسل : لا ولا حاجة ممكن اشوف صورتها
عاصم : اه طبعا هوريكي صورنا سوا
فتح الموبايل و فتح ألبوم صورهم مع بعض و معظم الصور مايا مقربة منه جدا
ايسل بضيق : ايه ده بقا
عاصم : ايه
ايسل : هو ايه اللي ايه هي ازاي مقربة منك كدا ما تبوسك من بوقك بالمرة
عاصم ضحك : عادي يعني صاحبتي
ايسل : صاحبتك تقرب منك كدا عادي
عاصم : اه فيها ايه يعني
ايسل : طب و هي كل لبسها كدا مش كامل كتفها باين كدا و من تحت انت متأكد ان دي مسلمة
عاصم : عادي على فكرة لبسها كدا اصلا
ايسل : اه بس مش كدا ده مارينا صاحبتي مع أنها مسيحية بس مش بتلبس كدا ده هوت شورت يعتبر
عاصم مسك دقنها و رفعه لفوق و نظر لعينيها لحظات
عاصم : بتغيري؟
ايسل نزلت ايديه و هزت رأسها بالنفي و نظرت في الاتجاه التاني ... وقف قدامها و رفع وجهها قدامه
عاصم بیغمز ل ايسل: بتغیيرى ولا ایه
ايسل بتلقائية : انا واغیر لیه ھو فى زيي اصلا
عاصم : وانا مش ھسیبك
ايسل مفهتمش معني كلمته و كملت كلامها بتوتر :و بعدين هي ازاي انت و هي اخدين علي بعض كدا
عاصم : لا هي مايا اوبن مايندد عشان كدا لبسها و طريقتها كدا
ايسل : امممم اوبن مايندد قولتلي
_________________________________
منار قاعدة في اوضتها بتبص علي صور والدها و صورها معاه بتفتكر لما كان
فلاش باك:
****
سميرة : يا عبدالله انا مش مرتاحة للشغل مع مختار ده قلبي مقبوض
عبدالله : يووه بقا يا سميرة فيه ايه انتي عارفة ان مختار محامي يعني هيكون فاهم ايه الصح و ايه الغلط و عنده خبرة طبعا
سميرة : أيوة بس انا مش مرتاحة ما بلاش منها الشراكة دي احنا كدا كويسين جدا
عبدالله : عايز أامن مستقبلنا و مستقبل البنت لما تكبر
سميرة : يا عبده
عبدالله : خلاص بقا يا سميرة مفيش حاجة الشغل ماشي كويس جدا و هنمضي العقود مع الناس
بعد مرور ايام خبط جامد علي باب الشقة
الضابط : لو سمحت دي شقة عبدالله العمري
سميرة بخضة : أيوة في ايه حضرتك
الضابط: هتعرفي لما يجي معانا فتش الشقة يا بني انت وهو
سميرة بصرخة: لو سمحت في ايه ممكن تفهمنا لو سمحت
فاقت منار من ذكرياتها و دموعها بتنزل منها علي اشتياقها لوالدها
___________________________________
تاني يوم في الجامعة
في مكتب دكتور عاصم
عاصم: ايه الجمال ده؟
ايسل :رهيب صح
عاصم : كل حاجة اتعملت مظبوط جدا من غير ولا غلطة بجد
ايسل :ده انا تعبت فيه جدا عشان اعمله كدا
عاصم: كل حاجة بيرفكت فعلا انا عمري ما شوفت كدا
ايسل :بجد طب و ايه رأيك في Design
عاصم: إبداع بجد
نظرت اليه و ضحكت : مالك معجب بيه كدا ليه مش للدرجة دي يا دكتور عاصم هو اي نعم انا عارفة ان البحث بتاعي حلو بس شايفة انك مبالغ بزيادة
عاصم بيضحك : انا مبتكلمش عن البحث اصلا
استوعبت و فكرت قليلا في كلامه لكن مفهتمش قصده
ايسل باستغراب: اومال حضرتك بتتكلم عن ايه
عاصم بيغمزلها و بيضحك : بتكلم عن القمر اللي واقف قدامي ده
ايسل بتوتر و خجل : ها امممم ده انت بتعاكس بقا
كانت هتخرج من المكان لكن هو لحقها و وقفها : لا انا مش بعاكس بس ده بجد
ايسل بسخرية : بقولك ايه فوكك من الحركات دي ولا انت عشان جايب بدلة جديدة جاي تعاكس
نفضت ايسل علي كتف بدلة عاصم و مشيت .... عاصم وقف لوحده و يبدو عليه السعادة من ابتسامته
عاصم لنفسه : فوكك .... و بدلة جديدة مجنونة البت دي اكيد ؟!!
_____________________________
في الجامعة
ايسل : يا سيف اسمع كلامي بقا و لو لمرة واحدة
سيف:احتمال يكون حب من طرف واحد
ايسل:واحتمال لأ
سيف:النتيجة واحدة في الاخر هخسرها
ايسل:انت يائس ليه يابني كدا
سيف :الدنيا عمرها مابتدي حد كل اللي عايزه
ايسل:وبعدين بقا معاك يا سيف قولها انك بتحبها شوف رد فعلها هيكون ايه
سيف : مش هينفع صدقيني
_________________________________
بعد مرور ايام
عاصم : متشكر اوي علي انك وافقتي علي العزومة بتاعتي دي
ايسل : وافقت عشان أشكرك علي اللي عملته معايا و كمان احنا يعتبر بقينا صحاب مش كدا
عاصم : اه فعلا
ايسل : عندي سؤؤال بقا عايزة اعرف إجابته و بصراحة مستغربة اوووي
عاصم : اسألي طبعا
ايسل : عايز تفهمني ان كل البنات اللي انت عرفتهم دول محبتش ولا واحدة فيهم يعني ولا واحدة قدرت تغير فكرتك عنهم و تخليك تستقر و تتجوز
عاصم بيمسك السكينة و يقطع اللحمة و ياكل : اه عادي جدا
ايسل : ازاااي بس
عاصم : طب كملي اكل و هقولك ازاي لأني جعان بصراحة
ايسل :بس انا عندي فضول رهيب اعرف
عاصم : حاضر هقولك .... بصي ببساطة ... ما تاكلي يا بنتي انا هاكل لوحدي
ايسل : حاضر هاكل بس كمل انا سامعاك
عاصم مستغرب اهتمامها : طيب بصي مبدئيا كدا ولا واحدة فيهم حققت المقاييس المهمة اللي انا عايزها
ايسل باستغراب :مقياس ... اهم مقياس هو الحب مفيش حاجة اسمها مقاييس اكيد مش هتحب وانت بتنقي يعني
عاصم : عندك حق بس الواحد المفروض انه بيلاقي المواصفات اللي هو عايزها بعدين يفكر يحب
ايسل : لا يا دكتور عاصم كلامك ده غلط اللي بيحب مبيعرفش انه هيحب لأنه بيجي فجأة كدا ... و بعدين الواحد بيحب الأول و بعدين لو فيه وحش الحب هيحليه طبعا ... متستغربش انا اه محبتش بس دي معلوماتي و خبراتي من اللي حبوا
عاصم : طب ما دي احلي حاجة انك محبتيش قبل كدا ...بصي يا ايسل الحب مبيحليش الوحش ... الحب بس بيخلي الحاجات الحلوة احلي
ايسل بعدم اقتناع : طيب و ايه هي بقا المقاييس و الشروط بتاعتك
عاصم : يعني تكون جميلة .. مؤدبة طبعا بس معايا عكس كدا
ايسل بصتله بنظرة استحقار
عاصم بيضحك : قصدي لما هتكون مراتي يعني بلاش البصة دي
ايسل : طيب كمل
عاصم : تكون شخصيتها جذابة ... مثقفة. ... لمضة ... دمها خفيف بس مش اوي يعني متعاندش معايا يعني لما اقولها حاجة تسمع الكلام و من عيلة محترمة ميهمنيش بقا مستوي المادي و الجو ده و طبعا اهم حاجة ها تكون محترمة جدااا
ايسل ضحكت :ده انت عايز واحدة تفصيل مستحيل تلاقي كل ده في واحدة بس لان مفيش محدش كامل
عاصم : لا مش مستعجل اكيد هلاقيها كنت دايما بلاقي في كل واحدة حاجة منهم لكن كنت بحس كلهم زي بعض ملقتش اهم حاجة للاسف
ايسل: ايه هي
عاصم : الثقة ... عايزاني اتجوز واحدة هي اللي رمت نفسها عليا و لما قولتلها تيجي معايا الشقة وافقت بكل سهولة و طبعا مخليتهاش تيجيلي لكن كنت بشوف رد فعلهم كل واحدة فيهم اخري معاها سهرة حلوة في ديسكو خروجة عادي غير كدا مفيش كنت دايما بتحجج بأي حاجة
ايسل: ااه طيب انا لازم امشي لاني اتأخرت جدا احنا كدا خلصنا صح
عاصم : اه صح
_________________________________
ايسل كانت خارجة هي و منار و سيف و عاصم لان سيف كان محتاج يطمن عليها الفترة اللي كان مشغول جدا بشغله عنها
عاصم : اوكيه بعتلك ادد
ايسل: طیب تمام هكلمك ع النت بقى ابقي اعمل جروب بينا يا سيف
عاصم : تمام ھتلاقینى ع طول اونلاین ابعتیلى waveوھتلاقینى بكلمك
سيف : نفضلها يابني دى رغایة لو فتحت فى الكلام مش ھتفصل صدقني
ايسل: ملكش دعوه انا و عاصم بقینا اصحاب
وھیستحملنى صح یا عاصم
عاصم بیضحك: اكيد طبعا
سيف : ايسل تعالي كدا ثواني
سيف اخد ايسل بعيد عن عاصم
سيف : ايه الحوار
ايسل : حوار ايه
سيف : ايه اللي لم توم ع جيري و بقيتو زي السمنة ع العسل يعني
ايسل بتضحك : عادي يابني بس بصراحة انا كان عندي فضول اعرف شخصية عاصم دي ايه و بعدين استجدعته جدا لما ساعدني في الحصص الخصوصي دي و وقفته جنبي و بس يعني
سيف : مش هقولك ايه الصح و ايه الغلط بس بلاش عاصم و انتي عارفة انا حظرتك وانتي خدي بالك يا ايسل لاني اكتر واحد عارف عاصم
________________________________
منار شافت عاصم واقف لوحده قربت منه و وقفت جنبه
منار :ازيك يا دكتور عاصم
عاصم : اهلا ازيك يا منار
منار: تمام الحمدلله
عاصم : ايه أخبار الرسم
منار :تمام ماشي الحال
عاصم كان بيبص علي ايسل و هي بتكلم مع سيف و منار لاحظت كدا
منار :هي عاجباك
عاصم : هي مين
منار : ايسل
عاصم : لا طبعا
منار : متخبيش يا دكتور بس باين جدا عليك من اهتمامك بيها عموما انا ممكن أساعدك و اقولك تفاصيل كتير عن ايسل
عاصم :انا نفسي اكون قريب منها بنفس درجة سيف احنا اه صحاب لكن صحاب سطحيين
منار : متأكد؟ صحاب بس
عاصم :اه صحاب بس انا اصلا مش من النوع اللي بيحب و كدا
منار : امممم تمام يبقا اتفقنا
_______________________________
قبل اول امتحان ليهم بيوم
ايسل نايمة و موبايلها بيرن و جانبها الكتب و المذكرات علي الارض واقعة و كوب نسكافيه مسكوب علي الارض
ايسل بتقوم من النوم و ترد علي المتصل
ايسل : أيوة يا موني
منار : ايه يا بنتي نايمة صح
ايسل : اه لسة صاحية
منار : لا يا روحي ده انتي تفوقي كدا عندنا امتحان بكرة
ايسل : ابو شكلك جاية تعكنني عليا يعني ولا ايه
منار : علي اساس اني مش نفس النيلة بتاعتك يعني كان لازم نتزنق في اخر يوم صح
ايسل : يقطع حقوق علي اللي عايز يدخلها حراام بجد انا تعبت
منار بتضحك :متقوليش كدا قدام روان بس هتضربك .... اه صحيح الملزمة بتاعتي خلصتي فيها مذاكرة ولا ايه
ايسل : اااه الملزمة ثانية كدا
ايسل بتدور ع المذكرة جنبها لاقتها مرمية علي الارض و مسكوب عليها كوب النسكافيه
ايسل بدهشة : بصي هي من ناحية خلصت فهي خلصت خااااالص يعني
منار :طب تمام كويس جدا هاتيهالي بقا عشان اذاكرها هتعدي عليا امتي
ايسل : بصراحة كدا يا موني
منار : هاا في ايه
ايسل : الملزمة اتكب عليها نسكافيه
منار : نعم يا روح امك و هنذاكر ازاي
ايسل : مش عارفة انا ملحقتش اخلصها اصلا
منار : و حد يشرب نسكافيه و هو نايم يا غبية
ايسل : ولله ما عارفة ده كان بيفوق ولا بينيم اصلا
منار : غوري من وشي
ايسل : طب هتذاكري ازاي
منار : pdf بقا و امري لله
ايسل : بس انا مش بعرف أذاكر pdf
منار : كنت خلفتك و نسيتك انا صح اتنيلي ذاكري منه بقا هنعمل ايه يعني
ايسل : اوكيه
قفلت ايسل و ماسكة الملزمة و كانت قربت تعيط من منظرها جات في بالها فكرة أنها تعملها
___________________________
سيف قاعد مع بوسي و عاصم في اوضته
بوسي :أحمد كان عايز ياكل كيك و بسبوسة ف اشتري كل الطلبات المهم اني كنت مسيحة شوكولاتة و حطاها تبرد علي الرخامة لحد ما روحت الأوضة بتاعتي بس مكملتش 30 ثانية و رجعت لقيت جنة حبيبة مامي قاعدة ع الرخامة و راسها كلها جوة الشوكليت و بترسم علي الحيط و المطبخ بالشوكولاتة
عاصم بيضحك : يلهوي بنتك دي مفترية ولله
بوسي: لا و احمد بقا بدل ما يزعقلها راح مصورها ماهو اللي هو خلاص بقا مفيش حاجة
سيف : وريني كدا الصورة
بوسي: اهي
سيف : ياااه كل ده بيطلع منها
بوسي: يابني ياريتها جات علي كدا بس طبعا بعد ما اكلنا الكيك سادة و نضفت الارض و المطبخ من الشوكولاتة كنت بعمل البسبوسة المهم كنت سايبة شربات علي الرخامة شدت الحلة و استحمت فيها و الحمد لله و للاسف طبعا كنت انا شيلت السجاد بتاع المطبخ عشان اغسله مكان الشوكولاتة و طبعا المطبخ بتاعتي الارض بتاعته سيراميك ف طلع عين اهلي تنضيف بالماية و الصابون و برضو الارض لسة بتزحلق
عاصم و سيف كانو بيضحكو علي كلامها عن بنتها مش مصدقين جنانها ده كلو
بوسي :اما بقا الموقف الأسرع و الادق
سيف : استني كدا هو لسة فيه تاني
بوسي :قول تالت عاشر 100 متعدش يابني
عاصم : كملي 😂😂
بوسي : مفيش لقيتها فتحت التلاجة و طلعت كرتونة البيض و كسرته ع الموكيت عادي جدا فداها طبعا بس ليه انا يطلع عين امي فيه تنضيف الموكيت من هذا البيض اللزج و طبعا أشياء كتير لا تعد ولا تحصي و انا انهار انهيار لا مثيل له
سيف :بنتك دي مشكلة ولله
بوسي : انا خلاص تعبت يابني بجد ...
سيف موبايله رن في الوقت ده
سيف : ثواني اما ارد ع الموبايل
بوسي: ايسل
سيف : اه ..... ايه يا سيلا ... ايه مال صوتك انتي كنتي بتعيطي .... طب اهدي بس و فهميني مالك ..... ههههه يا بنتي مش مستاهلة انا معنديش دم ماشي يا بت انتي .... ااه طب ابعتيلي الملف ده ع الواتس وانا هنزل اطبعهولك
.. لا طبعا متقوليش كدا عادي يا بنتي الجو مش برد اوي يعني و بعدين حتي لو برد يعني انزلك يا معلم ..... ماشي هكلمك لما انزل .... اوكيه باي
بوسي : ايه يا سيف مالها ايسل
سيف : مفيش عندها امتحان بكرة و عايزة تتطبع ملف بتاع ملزمة عشان اتكب عليها نسكافيه و هي معندهاش محل طباعة جنبها و هنزل اطبعهولها
عاصم : انا عندي طابعة يابني انت نسيت
سيف : ااه صحيح طب ممكن تطبعلها يا عاصم
عاصم :اه طبعا عادي بس انت هتبعتهولها ازاي مع شركة شحن يعني
سيف بيضحك : لا شركة شحن ايه مش مستاهلة هروح انا و جوجو البيت عندها لان الوقت متأخر مش هينفع اروح لوحدي
عاصم باستغراب: ايه ده عادي يعني
سيف : اه يابني عادي احنا أخوات اصلا و بعدين جدها و مامتها موجودين انا مش بروحلها غالبا الا لما بتكون تعبانة او جدها عايز يشوفني او عازمني يلا بس اطبعلي الورق ده عشان الحق اروحلها عشان تذاكر
عاصم : ماشي ابعتلي الملف ع الواتس و تعالي ورايا
_____________________________________
سيف كان قاعد مع بوسي و بيكلم ايسل
ايسل : ايه بقا جنة مش عايزة تيجي معاك شكلك هتطفشها يا واد صح
سيف بيضحك: مش مهم انا عاوز اجى لوحدى اصلا
ايسل بتضحك: ايه ھتخطبنى
سيف: لسة ھخطب ھجیب مأذون ع طول مش فاضي انا
ايسل : طب أنجز بقا شوف اخوك ده عشان عايزة أذاكر
سيف : طيب اقفلي أشوفه و اشوف جنة و هجيلك
ايسل : بااي
*********
عاصم دخل هو و جنة عندهم في الوقت ده
عاصم :انا خلصت يلا بينا
بوسي باستغراب :ايه ده انت رايح معاه
عاصم : ااه اصل جنة كانت عايزاني اشتريلها حاجات من السوبر ماركت هجيبهم بالمرة بقا
بوسي : لا ولله
عاصم : احم مش كدا يا جوجو
جنة: اه يا مامي خالو هيجبلي حلويات
عاصم : وربنا انتي الحلويات كلها
سيف : ايه انت و هي ازاي يعني لا طبعا مينفعش يا عاصم
عاصم : مينفعش ايه يابني ...
سيف : جدها و مامتها متعرفكش و هي صعبة جدا ده انا هديلها الملزمة و هنزل علي طول
عاصم بيصطنع الحزن: يعني يرضيك يعني جوجو متاكلش حلويات انهاردة و بعدين انا مش هطلع معاك اصلا انا هستني تحت عادي
جنة : لا يا سيف هيروح معانا و لو خالو عاصم مجاش انا اش هاجي معاك
عاصم : حياتي يا ناس
سيف : واضح انك محفظها الكلام كويس
عاصم : انا محفظها ايه يابني الكلام ده انا هستناك تحت قولتلك فيها ايه دي
سيف : يلا طيب عشان هنتاخر
____________________________________
سيف بيرن الجرس
سيف : برضو مسمعتش كلامي و استنيت تحت
عاصم :يا سيف يعني يرضيك اقعد تحت لوحدي في البرد ده
سيف : ربنا يستر بقا
فتحت ايسل و اندهشت لما شافت عاصم معاه
جدها : سيف ده يا أيسل
أيسل بتوتر: اه يا جدو
جدها : طب خليه يتفضل
عاصم :ايه مش هتقوليلنا اتفضلو
ايسل : هاا اه طبعا اتفضل ... ايه ده ازيك يا جوجو سوري يا حبي ماخدتش بالي منك ولله
سيف :خدي ياللي ممرطاني معاكي دايما
ايسل : ليا مين غيرك امرمطه يعني
سيف : مش عارف انا ولله ازيك يا جدو
جدها : ازيك يا سيف عامل ايه
سيف : الحمدلله ولله
جدها : مين اللي معاك ده
سيف : ده اخويا عاصم و يبقا الدكتور بتاع ايسل في الجامعة
جدها : اتفضل يابني واقف ليه عندك
دخل عاصم و قعد في الصالون مع سيف و جنة دخلت وراءهم
جدها : اهلا بيك يابني سيلا قومي اعملي حاجة يشربوها
أيسل : ها. .. اه حاضر يا جدو
جدها : شوفي المستر بتاعك يشرب ايه الأول
عاصم بابتسامة : لا ابدا مش لازم
ايسل بإحراج : ياجدو ده مش المدرس بتاعي ده دكتور يا جدو
جدها : لامؤاخذة يابني مكنتش اعرف
عاصم : ولا يهمك طبعا اللي حضرتك شايفه
جدها : يلا يا ايسل انتي واقفة متنحة عندك كدا ليه
دخلت ايسل المطبخ تعمل عصير ل عاصم و سيف و هي مستغربة و مبسوطة
كان عاصم بيتكلم مع جدها و اتعرف عليه و خرجت ايسل شاركتهم الحوار و هما بيتكلمو دخل شخص مرة واحدة كانو بيهزرو وقتها كلهم
الشخص : الله ... هو انا مش قولتلك متكلميش الواد سيف ده تاني واضح اووي ان كلامي مبيتسمعش
ايسل اتخضت لما سمعت صوته و شافته
ايسل : طارق ؟ انت جيت امتي
طارق بسخرية: ايه و كمان مكنتيش عايزاني اجي طبعا عشان مشوفش المسخرة دي
جدها : احترم نفسك يا طارق و لآ انت ناسي اني موجود
طارق : علي ايه يعني وانت كنت عارف تربيها
ايسل كانت خايفة منه و خايفة تتحرك من مكانها
طارق : يلا اطلعي قدامي علي فوق حسابنا مش هنا
ايسل :وطي صوتك بقا كفاية فضائح قدام الناس و عيب اوي كدا
سيف : عاصم يلا نمشي احنا دلوقتي
عاصم : هو حضرتك فاهم ايه معلش و ...
قاطعه سيف : بعدين يا عاصم يلا بينا
طارق شد ايسل من ايديها جامد : يلا نطلع فوق عشان احنا حسابنا مش هنا
جدها : لما اموت وقتها تبقا تحاسبها انت و بعدين انت بصفتك ايه اصلا تتدخل ممكن كفاية بقا فضائح لحد هنا و اطلع انت فوق
طارق : يوووه بقا يلا يا ايسل اطلعي معايا
عاصم : جرا ايه يا عم انت مالك ف ايه و بعدين انت تطلع مين اصلا
ايسل شاورت ل سيف ميقولش لعاصم ده مين و سيف فهم
طارق : بقولك ايه يا كابتن انت ياريت تاخده يا سيف و تروح احسن وانتي قدامي علي فوق يلا حسابنا مش هنا
تفتكره مين طارق ده؟ ؟؟
التعليقات على الموضوع