كبرياء الصمت (الحلقه السادسه)
الفصل السادس ( كبرياء الصمت )
لو لقيت تفاعل بلاش متابعة ف صمت هنزل الجديدة بدري
ايسل :انت ازاي تتعامل معايا كدا
طارق : و اكسر ايدك كمان لو مكنتيش رضيتي تطلعي معايا
ايسل : انا عايزة اعرف ايه هو الغلط اللي انا عملته ده
صفاء خرجت من غرفتها
صفاء : في ايه مالكو بتزعقو ليه
ايسل : تعالي شوفي جوزك اللي فاكر نفسه ليه حكم عليا ده
طارق : ليا غصب عنك اومال اسيبك تمشي علي حل شعرك
ايسل صرخت : كفاية بقا حرام عليكو مش كفاية اتجوزتيه من غير ما تاخدي رأيي هو خلاص فاكر نفسه ايه
صفاء : يوووه بقا انتي عايزة ايه دلوقتي
ايسل : انت مش كنت مسافر ايه رجعك تاني
طارق :اصل صافي وحشتني و بعدين انتي فاكرة ان انا هفضل مسافر كتير يدوب خلصت شغلي و جيت
ايسل : بقولك ايه انت تبعد عني خالص فاهم و ملكش دعوة بحياتي لو شوفتني بعمل الغلط نفسه انت اخر واحد يجي يقولي ايه الصح و ايه الغلط
دخلت ايسل غرفتها و اغلقت الباب وراءها بقوة
صفاء :انتي يا بت انتي خدي هنا ..
ثم التفت لزوجها : هو في ايه يا طارق هي عملت ايه
طارق : مفيش لقيت الواد اللي اسمه سيف ده و معاه واحد تاني و بنت اخته عند جدها تحت و بيضحكو و بيهزرو
صفاء : خضتني يا طارق هي عملت ايه يعني ما هو سيف بيجي اوقات
طارق : ازاي يجي يعني انتي عايزة الناس تقول ايه علينا
صفاء :طارق كفاية بقا بلاش الطريقة دي معاها
طارق : لا لازم تتربي
ايسل خرجت من غرفتها
ايسل : مش لما تربي نفسك الأول اللي بيته من ازاز ميحدفش الناس بالطوب و بعدين انا معملتش حاجة غلط ده كان بيجيبلي ملزمة طبعهالي عشان عليا امتحان بكرة
طارق : شايفة طولة لسانها
صفاء : عيب كدا يا ايسل
ايسل : ده اللي ربنا قدرك عليه يا ماما ده بدل ما تقوليلو ملكش دعوة بيها انا واثقة فيها دي بقت عيشة تقرف
___________________________________
عاصم كان سهران طول الليل بيحاول يعرف مين طارق ده قلقان يكون طارق بيحبها مش قادر يقرر هو خايف من ايه
____________________________________
بعد يومين كان عاصم بيحاول يقابلها مش عارف و كانت بتتهرب من الرد عليه خايفة يعرف مين طارق
قابلها في الجامعة و هي خارجة من الامتحان
عاصم : ايسل
ايسل : أيوة دكتور عاصم
عاصم : ممكن نتقابل انهاردة في المطعم اللي اتقابلنا فيه أول مرة
ايسل : اصل انا هروح مع منار و
عاصم قاطعها :انتي بتتهربي مني ليه يا ايسل
ايسل : مش بتهرب منك ولله بس يعني
عاصم : هنتقابل ماشي ع الساعة 2 هستناكي هناك
انصرف قبل ان ينتظر ردها لكن ايسل كانت واقفة لوحدها و خايفة
روان : انتي يا بت مالك واقفة لوحدك كدا ليه مشي علي فكرة من 10 دقايق
ايسل :ها .. مفيش
روان : مالك يا سيلا
منار: ايه واقفين كدا ليه
ايسل : عايز يقابلني كمان ساعة
روان بسعادة : بجد
منار : عاصم
ايسل :اه
روان : طب تعالي بقا عندي في البيت و نتكلم هناك كدا كدا الشقة قريبة من الجامعة يعني و بالمرة نحكي و كمان اظبطلك شكلك كدا
ايسل : طيب يلا بينا
_________________________________
في شقة احمد
احمد قاعد بيلعب بلايستيشن
بوسي : أحمد مش كفاية بقا
احمد بضيق : يوووه بقا في ايه
بوسي : في ان انت 24 ساعة قدام الزفت ده بتلعب وانا زهقت
احمد : يعني لما اخرج تقوليلي متخرجش عشان بتتاخر و لما اقعد في البيت العب هنا تقوليلي لا انتي عايزة ايه مش فاهم
احمد أغلق اللعبة و اتخنق
بوسي : انت عارف كويس اوي ان البلايستيشن ده بيضايقني بحسه بياخدك مني
احمد : طب ما انا قولتلك قبل كدا اعلمك و نلعب مع بعض و هتحبيه جدا
بوسي بنرفزة : ده رخم انا مستحيل اتعلم اللعبة دي
احمد : مش احسن ما اقعد ع النت يعني هو انا بعمل حاجة غلط مش فاهم انا بجد
بوسي : ما انت اصلا مبتحسش بحد و مش عارفة هتشيل مسؤلية امتي بجد ده حتي بنتك لما بتغلط مش بتزعقلها
احمد : بنتك دي طفلة المفروض اعمل ايه اضربها هي دي التربية الصح من وجهة نظرك صح
بوسي بعصبية : دي مش طفلة مش طفلة لا انا بسببها معرفتش اكمل اخر سنة ليا في الجامعة و كل شوية نأجل
احمد : اوف دي بقت عيشة نكد ولله انا مش فاهم انتي بتحبي النكد ليه يعني
تركته و دخلت غرفتها
____________________________________
في شقة روان
روان : يعني انتي دلوقتي علاقتكو دي عبارة عن ايه مش فاهمة برضو
ايسل : صحاب
روان : بس هو شكله معجب بيكي
ايسل : لا اللي زي عاصم ده مبيحبش
منار :هو مش سيف قالك ابعدي عنه عشان بتاع بنات
ايسل :وانا يعني عملت ايه
منار : في انك بتستهبلي يا ايسل في انك عارفة انه وحش و بتقربي منه و هو بالنسبة له عادي زيك زي غيرك يا ايسل انتي نضيفة بلاش توسخي نفسك مع واحد زي ده
روان : مش كدا يا منار بالراحة عليها
منار : خلاص انا مش قصدي بس خايفة عليها
ايسل : انا عارفة انا بعمل ايه كويس اوي
روان : المهم دلوقتي يلا عشان تلحقي تقابليه و تفهميه موضوع طارق ده
منار قربت منها و حضنتها : حبيبتي أنا مش قصدي انا خايفة عليكي
ايسل :عارفة ولله انا مش بزعل منك يا هبلة
منار : يلا بقا عشان اظبطلك الطرحة و البت دي تعملك الميكب يلا يا ميكب ارتيست بتاعتنا
روان بتضحك : بصي انتي اعمليلها الطرحة دي عشان مش بعرف اظبطها وانا هحطلها الميكب
بعد 5 دقايق قربو ينتهي ترتيب كل شيء
ايسل : ده بيتصل
روان : كنسلي و تعالي بس عشان فاضل اخر حاجة
ايسل : مش بحب البلاشر ( احمر الخدود )
روان : امسكيها يا منار غصب عنها هتحطيه
ايسل : بس انتي و هي مش بحبه لا يا بت انتي و هي خلاص استسلمت
_____________________________________
في مطعم
عاصم : اتاخرتي كدا ليه
ايسل: لا كنت عند روان و الوقت خدني
عاصم بابتسامة : انتي حاطة ميكب
ايسل بتلمس شفتاها : ها لا ده ليب بالم ( زبدة كاكاو )
عاصم بيضحك : اللي علي خدودك ده برضو ليب بالم
ايسل : لا ده بلاشر
عاصم : شكلك احلي من غير ميكب اصلا
ايسل : ميرسي
عاصم : تحبي تاكلي ايه
ايسل : لالا مش عايزة اكل ممكن عصير مانجا
عاصم : مانجا ؟
ايسل : امممم بحبها جدا
عاصم : وانا بعشقها بصراحة
ايسل بتضحك : لا بجد
عاصم : اسألي سيف بس انا بحب المانجا نفسها اكتر من العصير لدرجة ان الدكتور كان بيطلب مني ابطلها لاني كنت مدمن مانجا
ايسل : لا انا بحبها كعصير بس
عاصم ل الويتر : لو سمحت 2 عصير مانجا
الويتر: حاضر يا فندم
عاصم : ها بقا مالك بتتهربي مني ليه
ايسل : مفيش مش بتهرب
عاصم : طمنيني عملتي ايه في الامتحانات
ايسل : لحد دلوقتي ماشية تمام
الويتر: اتفضل يا فندم
عاصم : شكرا اشربي
ايسل : اوكيه
عاصم : قوليلي بقا مين طارق ده
ايسل : طارق ده يبقا
عاصم بضيق : ااه خلاص فهمت حبيبك يعني
ايسل :لالا خالص
عاصم : اومال ايه
ايسل بخنقة: جوز ماما
عاصم بدهشة : معقولة بس ده شكله في التلاتينات يعني
ايسل : ماما اصلا صغيرة عندها 40 سنة و هو أصغر منها ب 3 سنين عنده 37 سنة و شكله كانه في 30 هو شكله اصغر من سنه
عاصم : طب و انتي كنتي بتتهربي من كدا ليه ايه العيب في كدا
ايسل: محدش يعرف موضوع طارق ده غير صحابي القريبين مني مش بحب اسمع من حد كلمة هي مامتك اتجوزت و ياريته راجل عدل
عاصم : ايه العيب في كدا من حقها تتجوز عادي
ايسل :حقها بس مش اي حد تتجوزه
عاصم : طب و هو بيضايقك كتير
ايسل : هو فاكر نفسه راجل البيت بجد و علي طول بيتحكم فيا و خناقات و ماما بتصدقه دايما و في صفه علي طول لما بجد زهقت
عاصم : طب كويس
ايسل : نعم
عاصم : لا بقول كويس انه جوز مامتك بس يعني ....
انتبه لكلامه .... اصل لو كان بيحبك كان خنيق اوي بصراحة بقولك ايه اشربي المانجا
ايسل ضحكت: اوكيه
____________________________________
منار بترسم والدها و شاردة في ذكرياتها معاه
فلاش باك
عبدالله : انا معملتش حاجة ممكن حد يفهمني انا في القسم ليه
الظابط : حضرتك متهم بأنك عليك مبلغ 5 مليون جنيه مطلوبين من السيد مختار العدوي
عبدالله بصدمة : انا ماخدتش منه فلوس ده انا شريك معاه في شركة ده انا اللي اديتله الفلوس اصلا
الظابط : ازاي اللي قدامي غير كدا هو ده مش خطك برضو
عبدلله بينظر للورقة : مش ممكن ده خطي لكن انا ممضتش ازاي ده
الظابط : مش مشكلتي حضرتك تقدر تسأله هو و لو وافق يتنازل مفيش مشاكل او انك تدفع الفلوس دي
عبدللله بعصبية : ادفع فلوس انا اصلا ماخدتهاش
بعد مرور ايام علي حجزه
سميرة و معاها منار في القسم منتظرين عبدلله برة
العسكري : اتفضلي ادخليله
سميرة:ايه يا عبدلله شوفت مش قولتلك ان مختار مش سهل
عبدلله : ابن الكلب خلاني امضي علي ورقة فيها 5 مليون جنيه يعني سرق فلوسي و مش مكفيه لا و عايز كمان يسجني
منار :يا بابا انت هترجع معانا البيت امتي
عبدلله : قريب يا حبيبتي اهدي متعطيش
سميرة : و بعدين يا عبدلله هنديله الفلوس دي ازاي
عبدلله : انتي عارفة ان دول كانو شقي عمري مش معايا غيرهم تخيلي ابن ال**** .... بيقولي هيتنازل مقابل انه يتجوزك
سميرة : يلهوي كان مستخبيلنا فين ده كلو بس ياربي
عبدلله : انا مش عارف اعمل ايه يا سميرة انا حاسس اني هيحصلي حاجة من الصدمة
فاقت من شرودها علي صوت والدتها
سميرة: يلا يا حبيبتي الغدا جاهز
____________________________
بوسي :جوجو هاتي يا حبيبتي الكشاكيل بتاعتك عشان نعمل الهوم ورك
جنة وقعت مرة علي الارض لدرجة هزت الارض من الوقعة
بوسي اتخضت: يلهوي .... جنة حبيبتي قومي يا حبيبتي انتي مبترديش ليه ... ايه اللي حصل بس ياربي ... انتي كنتي كويسة .. فوقي يا جنة
بوسي قلبها وجعها من الخوف و بنتها مبتردش عليها فجأة و هي قاعدة مرة واحدة جنة قامت و بصوت عالي: عووووووووو
بوسي : يا بنت الجزمة خضتيني عليكي
جنة : بهزر معاكي يا مامي
__________________________________
منار بتتصل ب عاصم
منار :عاصم ازيك
عاصم : تمام وانتي
منار : تمام بقولك فاضي نخرج
عاصم:اه يعني
منار :تمام انا نازلة اشتري حاجات هقابلك بعد ما اخلص اشطا
عاصم : تمام
____________________________________
ايسل في غرفتها بترتب كتبها الغير المرتبة ... بيدخل طارق بدون ما يخبط الباب و ايسل اتخضت و التفتت بسرعة ف اتجاه الباب
ايسل بعصبية: ايه انت ده مش تخبط
طارق ببرود: و اخبط ليه انتي بتعملي حاجة غلط يعني
ايسل: تخبط عشان انا بنت...وبعدين لو انا عايزة اعمل حاجة غلط اكيد هقفل الباب عليا و بعدين انت مالك اصلا بتتحكم فيا كدا انت جاي ليه اصلا
طارق : انتي اخدتي الشاحن بتاعي
ايسل : اووف اهو الزفت
طارق : بعد كدا ابقي استاذني قبل ما تاخدي حاجة مش بتاعتك تاني
__________________________________
سيف بيكلم ايسل في الموبايل
ايسل : يعني بجد يا سيف هي هتيجي مصر و انت خلاص هتعترفلها
سيف : اه اخيرا قررت اخد الخطوة دي
ايسل : أيوة بقا و عايزة اتعرف عليها
سيف : اكيد طبعا
ايسل : عامل ايه في شغلك صحيح طمني عليك
سيف : اهو شوية مشاغل مع بابا بس ولله ماشي
ايسل :ربنا معاك
سيف : عاصم بيكلمك
ايسل : ها اه بنتكلم
سيف : ايسل انتي مخبية عني حاجة
ايسل : لا هخبي عليك ايه اه صح احنا خارجين بكرة كلنا
سيف : ماشي
___________________________________
عاصم كان خارج هو و سيف و ايسل و روان و منار في مطعم جديد و كان فيه فقرة في المطعم
الشاب : بصو يا جماعة احنا هنعمل فقرة حلوة كدا و جديدة كام حد هيطلع هنا و يمسك المايك و يتكلم عن شخص مهم جدا في حياته ميقدرش يستغني عنه مهما حصل في الاخر هتقولو شكرا انك في حياتي
سيف : سيبولي انا الطلعة دي بقا
سيف وقف جنب الشاب اللي معاه المايك و اخده منه
سيف : فى علاقة بین ولد وبنت الكل ممكن یشوفوها حب لكن معناھا الحقیقى صداقة
الاتنین عارفین حدودھم وعایشین حیاتھم ومتمسكین ببعض ... اوقات بتبقى صداقة البنت لولد اجدع من100 ولد وصداقة الولد لبنت اقرب من 100 بنت مش سهل تلاقوها لكن هي موجودة الصداقة دي
هتكلم عن حد مهم جدا في حياتي هي اللي تستحق اني اتكلم عنها غالبا بيكون عندنا صديقة بتساوي عمرك كلو هي اللي بتكلمها تقولها التقرير اليومي بتاعك و تحكيلها كل حاجة عنك
بتاخد رأيها ف كل خطوة هتاخدها بتكره اي حد هي مبتحبوش بتفهموا كل حاجة بعينيكو لو مش عارفين تتكلموا قدام حد مش محتاجة تقول انا تعبانة او مخنوقة لأنك بتحس بيها الصديقة اللي
لما بحكيلها عن خناقة بيني و بين اللي بحبها تقف في صفها و تقولي انا عارفة انك محدش يستحملك اصلا انا عارفاك وعارفه طباعك زفت ، وبتخاف عليك زي ابنها ، بتحبك جدا بس عمرها ماهترتبط بيه لان علاقتكو مستحيل تكون حاجة غير الصداقة و الاخوة بس مابتحبش حد ياخدك منها ولو شغلك ، اول واحدة بتحكيلها انك معجب بحد بتكون هي ، لازم اهلكو يكون عارفين علاقتكو حتي لو مامتك مشافتهاش لكن بتسمع عنها منك ، انا عاوز اقولكم عن الصاحبه دي انها شيء كبير وعظيم و ميتقدرش بتمن عايز اقولها انك نمبر 1 في حياتي انك غلاوتك عندي زي اخواتي بالظبط
عايز اقولك شكرا انك في حياتي يا ايسل
ايسل دموعها نزلت من كلامه و وقفت قدامه
ايسل : ايه يا واد الكلام الحلو ده كلو ليا
سيف : انا حاسس اني مقولتش حاجة ولله
ايسل : ربنا يخليك ليا انت اجمل و احلى صاحب في الدنيا دي بجد
كل اللي كانو في المطعم بيصفقو عليهم علي صداقتهم العظيمة دي و بيتمنو أنها تستمر لان الأصدقاء سهل تفريقهم
___________________________________
عاصم قاعد في كافيه هو و احمد و احمد لاحظ أن عاصم سرحان و علي وجهه ابتسامة و هو ماسك الموبايل
احمد : بتكلم مين مخليك مبتسم كدا
عاصم : ايسل
احمد :اللي يشوفك كدا يقول انك بتحب
عاصم : مش عارف
احمد :مش عارف ايه
عاصم: انا مش عارف احدد بس اللى متأكد منه انى مبسوط
احمد : امممممم احكيلى بقا ازاي یعنى
عاصم: لما ببقى معاھا ببقى مبسوط ببقى
مستعجل تانى یوم یجى علشان اشوفھا واقعد معاھا و نتكلم لما بحس أنها مخنوقة بكون عايز افرحها بأي طريقة
احمد : يعني بتحبها
عاصم : لا مفتكرش انت عارف اني مش بحب ... بس عارف يا احمد ... ايسل مختلفة عنهم كلهم
الوحيدة اللي بحكيلها كل حاجة ... اقولك حاجة مجنونة كدا بس متضحكش عليا
احمد : قول
عاصم : لما بتكون معايا و حد بيبصلها بكون عايز احطها في جيبي و اخبيها و اقولهم خلاص هي ضاعت
احمد بيضحك : بتغيير عليها اوي كدا
عاصم : اه بس بحاول امسك نفسي لما حد يعاكسها يا بنخرج من المكان يا بتخانق معاها و بطلع عصبييتي كلها عليها
احمد : طب و هي بتستحملك و مش بتسالك انت بتتعصب ليه
عاصم : بتستحمل بس اوقات بحسها بتستهبل و بتكون قاصدة تغيظني
احمد : عاصم انت بتحبها
عاصم : لا هو ممكن يكون إعجاب لكن حب لا معتقدش
___________________________________
بعد مرور ايام
ايسل كانت قاعدة هي و عاصم في المطعم المفضل بالنسبة ليهم في البلكونة اللي في المطعم لأنها اهدي مكان فيه و محدش بيقعد فيها
ايسل : انت مش قريب من باباك و مامتك
عاصم بتنهيدة: ماما طيبة جدا بتحبني انا يمكن اكتر واحد في اخواتي اما بابا مش هقولك انه مش بيحبني لا اكيد بيحبني لكن هو كان جزء من اللي انا وصلتله .... انا كنت بهرب من مشاكل حياتي معاه و خناقنا باني اعرف بنات و اسهر برة و اشرب ...
لاحظ استغراب علي وجهها من صراحته
لا ما هو انا مش هزينلك شكلي قدامك و اقولك اني ملاك لا انا اه اوقات بشرب
ايسل : احلى حاجة فيك انك صريح جدا ... كمل يا عاصم
عاصم : كنت دايما اسمع خناقه مع ماما يا بسبب مشاكل في شغله يا بسبب ستات تخيلي لدرجة أن بابا كان يعرف واحدة زمان رفضت تتجوزه و اتجوزت صاحبه لأنه مكنتش بتحب بابا و غير كدا كان بابا متجوز اصلا و عايز يتجوزها علي ماما اشتغل مع جوزها و قالو في شغل عالي جدا هنعمله مع بعض ضحك عليه و اخد كل فلوسه و مضاه علي شيك مزور بنفس الفلوس اللي اخدها منه و للاسف الراجل مكنش معاه يدفع الفلوس دي بعد كدا دخله السجن الراجل مستحملش الصدمات دي كلها تخيلي شقا عمره كلو راح بدل ما كانو عايشين في جاردن سيتي اتنقلو شبرا او مكان تاني مش فاكر المهم انه الراجل ده مات و حاول بعد كدا يتجوز مراته و هي رفضت لانها كانت عارفة اللي حصل لجوزها بسببه لكن هي مقدرتش تتكلم لانها خافت منه اخدت بنتها و سافرت بلدهم الصعيد و من وقتها و الست دي اختفت و بابا نسي الموضوع ابويا دايما بتاع مصلحته مبيفكرش غير في نفسه و بس منكرش ان حياته دلوقتي بقت سليمة مفيهاش غلطة و يمكن تاب بس لسة لحد دلوقتي بسمع خناقاتهم مع بعض خناقات تافهة جدا ماما علي طول بتزعق و بابا يقولها تربيتك اومال انا ليه بشرب و اسهر و اعرفلي كام بنت عشان انسي
أستوعب لحظات كلامه : ايسل انا مش عارف اصلا انا ازاي اقولك كلام زي ده بس انا اول مرة احكي مع حد كدا يمكن ارتاحت مع ان اي واحدة معايا اخرها أسبوع او يومين و خلاص
ايسل قاطعته:مش اتفقنا اننا صحاب انا هفضل اسمعك يا عاصم حتي لو بتعمل أكبر حاجة غلط و هقولك انت صح ولا لا
عاصم : انا مبسوط اوي اني عرفتك اول مرة اصلا يكون عندي بيست فريند
ايسل : تحب نكمل كلامنا
عاصم : كلامي عايز سنين احكي انتي مش بتزهقي يا بنتي
ايسل بابتسامة : لا خالص انا بحب اوي أسمعك ... صحيح انت اخر مرة باباك حضنك امتي
عاصم ضحك : ممكن اشرب سيجارة
ايسل : اوكيه واحدة بس
عاصم بيشعل سيجارته و بدأ يتكلم : من حوالي 18 سنة كدا كنت في 4 او 3 ابتدائي أعتقد كان سيف لسة مدخلش المدرسة و بوسي كانت في اولي ابتدائي
فلاش باك
عاصم و بوسي يرتديان زي المدرسة و يحملان حقيبتهما علي ظهرهم ووالدة عاصم تقترب منهم و تقبلهم و تحتضنهم
بوسي : عايزة حاجة يا ماما عشان اتاخرنا
عاصم قبل ان يخرج تجذبه والدته اتجاهها و تعطيه قطع الشوكولاتة
عبير : خد يا عاصم .... مش ده النوع االلي انت بتحبه
بياخد عاصم الشوكولاتة و يبدو عليه البهجة و السعادة
عاصم بيقترب من والده و ينظر اتجاهه متردد كأنه ياخد الإذن قبل ان يقبله بيقف علي طرفيه قدميه حتي يستطيع ان يصل الي خد والده و لكن والده يوقفه و يبتعد عنه
مختار بعصبية : 100 مرة قولتلك الرجالة مبيبوسوش بعض فاهم
باك
******************
ايسل : معقولة كان بيقولك كدا
عاصم : كانت حجته عشان كدا معرفش حاجة عن حضنه يا ايسل كان دائما بيعاملنا وحش اهم حاجة عنده شغله و فلوسه و بس و كان اناني عشان كدا كنت بسافر عشان اهرب منه
ايسل : بجد مش عارفة اقولك ايه بس فعلا اللي يشوف بلاوي الناس يهون عليه بلوته عارف انا بقالي 7 سنين نفسي بابا يرجع وحشني حضنه اوي بس بابا كان حنين اوي ربنا يرحمه أيوة بس ده مش مبرر قوي انك تعمل كل حاجة غلط في حياتك
عاصم بيطفيء سيجارته اللي كادت ان تنتهي :كنتي عايزاني اطلع ايه يعني وانا عشت طفولتي كلها قرف في قرف عيشت مع اب كل فترة مع واحدة شكل بياخد حقه من اللي بيزعله حتى امي كانت بتعدي كل حاجة عشان تعيش و خلاص ايسل انا كان ابويا بياخدني معاه شقة كدا و بيروح شقة واحدة معرفهاش و كان بيسيبني في الصالة و لما دخلت مرة واحدة عنده يعدلو قعدتهم و يقولي مالك يا حبيبي عايز لعب تانية
بيضحك بسخرية : علي اساس انه فاكرني لما أكبر مش هعمل زيه و اعرفلي كام واحدة تخيلي يا ايسل انه كان بيضربني عشان متكلمش
فلاش باك *****
عاصم جالس علي الارض و هو سامع خناقهم
عبير : حرام عليك يا مختار ده ابنك ازاي تضربه بالطريقة دي
مختار: و حياتك انتي محدش هيبوظ الواد ده غيرك انا مش فاهم انتي ازاي مش فاضية لعيالك وراكي ايه يعني
عبير : انا مش فاضية لعيالي انا علي طول جنبهم حرام عليك بقا و بعدين لما انت بتشك فيا كدا ما تطلقني بقا و ترحمني من القرف بتاعك ده من ساء ظنه ساء فعله يا سيادة المحامى فاكر كل الناس خاينة زيك ده انا واحدة غيري مكنتش استحملت كل ده انا بستحمل عشان عيالي مش اكتر
مختار بسخرية : هما يعني عيالي لوحدي ماهو عيالك انتي كمان
عبير : ده ابنك عارف يعني ايه ابنك بدل ما تتطشر عليه و تضربه ربيه تربية كويسة خده جامع يصلي ما تطلعش كل عقدك عليه انا بحذرك
مختار: هتعملي ايه يعني
عبير : هاخدهم و اسيبلك البيت
مختار :وحياة امك عتبي بس باب البيت بيهم وانتي مش هتشوفي ضافرهم بعد كدا ... و والولد ده لو مبقاش راجل و عاقل انا هربيه و اعلمه بطريقتي
عبير بصراخ : كفاية بقا حرام عليك كفاية انا زهقت
باك
********
ايسل : ياااه مامتك استحملت كل ده عشانكو
عاصم : ماما طيبة جدا كانت بتضحي عشانا للاسف
ايسل : هما كانو متجوزين عن حب ولا
عاصم : مش عارف مفكرتش اسال ماما سؤال زي ده لاني اللي شوفته منه اكدلي أنهم مش بيطيقو بعض هي عايشة عشانا بتهيالي لو انا و بوسي و سيف مش موجودين في حياتهم مكنش كملوا مع بعض
ايسل :ربنا هو سندك يا عاصم انسي كل اللي حصلك ده و توب لربنا و خليك معاه و هو هيعوضك خير و اوعي تكون مختار رقم 2 انا معاك انك عيشت في بلاء كبير من وانت طفل بس ده مش مبرر يخليك تغلط كتير يعني قرب منه و صلي باستمرار هو انت بتصلي يا عاصم ؟
عاصم : صدقيني مش هكدب عليكي و اقولك اني بصلي و مبسبش فرض لا انا مش بصلي غير يوم الجمعة و اوقات لا كمان انا بخاف يا ايسل بحس اني لما بصلي ربنا مش راضي عني بقول هو ممكن يقبل صلاة من واحد زيي
ايسل بابتسامة : عاصم هو ينفع تزور حد 5 مرات في اليوم و تحكيله كل مشاكلك
عاصم : اكيد لا طبعا هيزهق مني ده كفاية مرة كل أسبوع
ايسل : اهو الصلاة كدا بتزور ربنا 5 مرات في اليوم و ممكن اكتر لو عايز و ربنا مبيزهقش منك بيسمعكخليك عارف ان لو كل الأبواب اتقفلت في وشك ف باب ربنا مفتوح دايما ربنا عارف عامل زي ايه
عاصم : ايه
ايسل : زي فاعل الخير كدا فعل الخير او الصدقة مبتتقبلش من المتدين بس لا ده لو كنت غرقان من المعاصي لما تعمل حاجة خير و تطلب من ربنا المغفرة ربنا مش هيقفل باب رحمته في وشك بالعكس ده اكيد عايزك تقرب منه اسمع الأغنية دي كدا لاحمد مكي انا بحبها جدا لما بحس اني بعيدة عن ربنا بتكون زي إشارة اني أقرب منه تاني ثواني هشغلهالك
(شغلت ايسل اغنية : طرقت باباك يالله لاحمد مكي )
👇👇
ولو حسيتها قفلت و همومك كترت عليك
ماتقولش ربي غضبان يمكن من حبه فيك
قفلها جامد عاوزك تفتكره اصلك نسيت
لو مش بيحبك كان سابك ماكان خلاك صحيت
عاوزك ترجعله أصلك وحشته و تقول يارب
ربك عظيم مجيب كريم مابيرفضش الطلب
بس أنت روحله خطوه هايجيلك خطوتين
خلق مفهوم الرحمه و اسمه رحمن رحيم
كله بيعدي العمر بيجري أسرع من النسيم
سلمله أمرك و اتوكل و ارضي هاتدوق نعيم
طرقت بابك يا الله
________________
روان فاتحة ابليكشن اوليكس Olx ( ده برنامج علي جوجل بلاي اللي بيكون عنده حاجة مش محتاجها بينزلها عليه و اللي عايز حاجة معينة منك بيكلمك و يشتريها و تتقابله )
روان شهقت بصرخة: الجراب أخيرا لقيته مش مصدقة
روان بعتت رسالة للشخص اللي عارض جراب ايفون 6 بلص اللي هي كان نفسها فيه
روان: لو سمحت الجراب ده available
الشخص: اه يا فندم هو حضرتك عايزاه ؟
روان : اه بليز انت منين
الشخص : انا من 6 أكتوبر وانتي ؟
روان : من عين شمس
الشخص : اوكيه شوفي نتقابل امتي
روان :تمام بكرة الساعة 3 مناسب انا رايحة سيتي ستارز اقابلك هناك
الشخص : اوكيه مفيش مشاكل
____________________________________
ايسل و روان في شقة بوسي
ايسل :بصراحة انتي زودتيها يا بوسي
بوسي : يا بنتي انا تعبت بجد هو عارف اني بكره الزفت ده و رغم كدا بيلعب عليه
روان : بس يا بت انتي هو فيه احسن من كدا ده انا نفسي بقا اتجوز عشان العب مع جوزي بلايستيشن و كل ما اخسر نتراهن علي بوسة و حضن بقا و كدا
بوسي بتضحك : يا بت انتي سيبك من الأحلام الوردي دي الواقع غير كدا ياختي
روان : بت فصيلة ولله بس هو عنده حق يا بوسي مش احسن ما يخرج و يسيبك ولا يقعد ع النت
بوسي : طبعا و مين يشهد للعروسة ما هو عشان اخوكي لازم تدافعي عنه
روان : لا ولله انتي عارفة كويس اوي اني بدافع عنك دائما و غلطته لما حكالي
بوسي : بس هو عارف اني بكره اللعبة دي اوي معظم الرجالة بيكونو عارفين اللي بيضايقك كويس اوي بس بيعملوه و بعدين يتهمك بالنكد و يقولك كفاية دراما بقا
ايسل : ما تجربي تتعلميها يا بوسي دي حلوة ولله
بوسي : اتنيلي انتي كمان علي اساس انك جربتيها
ايسل بتضحك: لا بس بشوفها في الافلام حلوة اووي اه صحيح انا هاخد جنة عشان خارجة انا و عاصم اشتريلها لعبة هي كانت طالباها مني
بوسي : مش شايفة خروجاتكو كترت يعني
ايسل : عادي يعني
بوسي : ايسل انتي بتحبيه
ايسل : لالا بتهزري صح
روان : وانا نازلة دلوقتي عشان اروح اجيب الجراب
ايسل : يا مجنونة انتي في حد يشتري جراب من اوليكس
روان : لا الجراب ده مخصوص كان نفسي فيه وانتي عارفة مصدقت لقيته اصلا
بوسي : طيب روحي انتي مشوارك و تعالي يا ايسل معايا عشان البس جنة علي ما عاصم يرنلك
___________________________________
روان : انت عمرو صح
عمرو : اه انتي روان
روان: اصل بقالي ساعة بشوف مين لابس جاكيت أزرق
عمرو ضحك : اه اتفضلي الجراب
روان : ميرسي اووي اتفضل الفلوس
عمرو: لا ابدا اعتبريه هدية
روان : افندم
عمرو: عادي انا كدا كدا مش محتاجه بصراحة كنت حابب أفرح بيه حد يكون محتاجه لكن مش بفلوس
روان : معقولة بس لا شكرا لو مش هتاخد الفلوس انا مش هاخده
عمرو: ولله دي الحقيقة انا فعلا مكنتش هبيعه عادي يعني
روان : اوكيه انا مش فاهمة بس عموما ميرسي
عمرو : تمام اتفضلي .... انا لازم امشي عشان عندي كورس كمان نص ساعة
روان : ميرسي
و بالفعل كان عمرو وضع الجراب في علبة هدية ملفوفة بشريط بنفسجي
_______________________
في محل لعب اطفال
البائعة تحضر لعبة من علي رف عالي
جنة: لا مش دي التانية فيها السا وانا ) elsa and anna
عاصم : يا جنة دي حلوة ولله
جنة : لا انا عايزة السا وانا
ايسل : حاضر يا روحي هنجيبهوملك
يأتي صاحب المحل شاب وسيم في أواخر العشرينات
صاحب المحل : روحي انتي يا نيرمين واطلبيلي محل مدينة نصر وانا هجيب للبنوتة الامورة دي اللي هي عايزاه
ابتسمت نرمين و انصرفت تطلب المحل التاني
صاحب المحل : امري يا ست البنات عايزة السا وانا ولا تحبي اجيبلك باربي دلوقتي مؤقت
جنة بابتسامة :اااه باربي
احضر صاحب المحل لعبة من علي احد الارفف
نيرمين: محل مدينة نصر ع التليفون يا مدحت باشا
مدحت : أيوة يا سعيد ... ثواني طب خدي لفة مع البنوتة و شوفي لو عجبتها حاجة
ايسل ضحكت : اوكيه ميرسي اووي
عاصم بخنقة: هو كان بيبصلك كدا ليه
ايسل : بيبصلي ازاي يعني
عاصم بعصبية : ايسل ... متستهبليش ...
ايسل : عاصم مفيش حاجة تعالي نشوف حاجة لجنة
مدحت: أيوة يا سعد هو عزيز جابلك البضاعة الجديدة صح طيب ال price list معاهم حط السعر علي كل لعبة و رصهم وانا هجيلك بكرة باي
اقترب من ايسل و جنة و هما بيختارو اللعب
مدحت : تمام اللعبة هتكون موجودة عندها بكرة
ايسل : لا هي استقرت علي دول
مدحت : لا طبعا دي يعتبر هدية من المحل للبنوتة دي
ايسل ضحكت :ايه الدلع ده كلو يا جوجو أيوة بقا يا عم
مدحت : ضحكتك حلوة جدا
عاصم كان واقف بعيد عنهم و سمع آخر جملة اقترب منهم
عاصم بعصبية : مش يلا اتأخرت
ايسل : طب جوجو حبيبتي اشكري انكل
جنة : thanks uncle
مدحت : طب ده الكارت بتاع المحل حضرتك تقدري تشرفي في اي وقت يا ...
ايسل : ايسل ...
مدحت : اسمك حلو جدا
عاصم و هو بيقطع الكارت بعصبية : متشكرين اوي لخدمات حضرتك يا فندم ... دي خطيبتي
مسكه عاصم من قميصه و هو بينطق : دي خطيبتي
مدحت باحراج :انا ...اسف مقصدش خالص
عاصم شدها من ايديها و خرجو لدرجة ان ايسل مقدرتش تنطق و دخل لوحده يحاسب الكاشير و خرجلها
ايسل : ممكن افهم ايه اللي انت عملته ده و ازاي ازاي اصلا تقول كدا
___________________________________
بوسي بضيق : الاكل جاهز لو عايز تاكل يعني
فقام و جلس على السفرة لكن هي دخلت غرفتها و أغلقت الباب خلفها دخل عندها الغرفة و جلس بجانبها
احمد : بوسي
بوسي بصوت باكى : نعم
احمد : بطلى عياط
بوسي ببكاء : أنا مش بعيط
احمد : يعنى الجيران هى اللى بتعيط
بوسي : احمد لو سمحت سيبنى لوحدى مش انا نكد
احمد بحنان : قومى كلي معايا
بوسي : لا ماليش نفس
احمد : طيب انا مش هاكل غير لما انتي تاكلي يرضيكي يعني اموت من الجوع
بوسي : لا انا مش عايزة اكل يا احمد
احمد : للدرجة دي مش طيقاني .... انا عارف اني اوقات بضايقك و انك بتستحملي كل حاجة عشاني بس كل إنسان مننا بيغلط
بوسي : وانا مش مجبرة يا احمد استحمل حد قدامه يعمل اللي يريحني و معملوش
احمد: طب ممكن تبطلي عياط انا مبحبش اشوفك مكسورة كدا ولا بتعيطي انتي سندي ❤ بصي صدقيني انا هحاول مزعلكيش تاني بس انتي كمان بطلي عصبية ممكن
بوسي : ماشي
احمد : يلا عشان ناكل بقا انا مش هاكل لوحدي
بوسي : اوكيه هقوم اسخن الاكل تاني لانه شكله برد
خرجت بوسي من الغرفة و احمد بينظر علي الارض كان فيه شريط برشام واقع ( منع الحمل )
احمد بعصبية : بوووسي
التعليقات على الموضوع