رواية كبرياء الصمت (الحلقه الرابعه)
الفصل الرابع ( كبرياء الصمت )
عاصم بضحكة باردة و غمزلها: ايه عجبك حضني ولا ايه
ايسل بصدمة ضغطت بجزمتها علي جزمته جامد و زقته ع الحيطة
عاصم بتألم : ايه اللي عملتيه ده انتي غبية
ايسل : انت اللي قليل الأدب
عاصم : اوووف
عاصم رجله وجعته و كان بيمشي بالعافية
ايسل دخلت و وراها عاصم
ايسل : بوسي هو دكتور عاصم بيعمل ايه هنا انتي تعرفيه
بوسي :هااا لا ده
ايسل : لا ايه
عاصم : انتي اللي تعرفي اختي منين اصلا
ايسل بصدمة: اختك ... اختك ازاي يعني سيف هو ده اخوك
عاصم : هو انتي متعرفيش يعني طبعا و هتعرفي منين بلسانك ده
ايسل لسة متنحة و مش مستوعبة الموقف
ايسل : يعني انت اخو سيف و بوسي بس انت مش قولتلي يا سيف ان ده اخوك
سيف: ماليش دعوة بوسي اللي قالتلي
جنة في اللحظة دي لما شافت ايسل
جنة: سيلا انتي جيتي يلا عشان نطفي الشمع انتي اتاخرتي كدا ليه
ايسل : لا ابدا تعالي نطفي الشمع ... اه كل سنة وانتي طيبة يا جنة و عقبال 100 سنة
بوسي : تعبتي نفسك قوليلها thanks يا جوجو
جنة قبلتها من خديها : thanks يا سيلا
عاصم : مش هنطفي الشمع ولا هنقضيها كدا مش كفاية ساعة متعطلين بسبب حضرتك
بصتله سيلا بسخرية : بتهيألي لو كانت جنة عايزة تطفيه مكنتش هتستني صح ي جوجو
جنة : انا كنت مش هعرف اطفي الشمع قبل ما تيجي
ايسل اخرجتله لسانها : ريح نفسك بقا
عاصم لنفسه: اريح نفسي ؟ ايه ده
دخلت روان في الوقت ده عندهم
روان : كل سنة وانتي طيبة يا جوجو
و قبلتها و اعطتها هديتها
جنة:thanks يا عمتو
روان : كدا كنتو هتطفو الشمع من غيري
بوسي :انتي اللي دايما متأخرة
روان : يا بوسي انتي عارفة
بوسي: أيوة الزحمة صح
ايسل و هي بتسلم عليها : يا بنتي دي لو متاخرتش متبقاش روان
بوسي : طب يلا يا جماعة التورتة جهزت
احمد : انا هصور يلا اتجمعو عشان نبدأ
عاصم شده من ايديه علي جنب : لا بقولك ايه انا عايز اصور انا
احمد باستغراب: اشمعنا يعني
عاصم : كدا يعني عايز اجرب و بعدين يابني ده عيد ميلاد بنتك لازم تقف جنبها ولا ايه
احمد : احلى حاجة فيك انك بتقنعني دايما بكلامك
عاصم : روح انت بقا اقف جنب جنة و بوسي
اتناول عاصم الكاميرا من احمد و اتجه ناحيتهم كانوا واقفين كلهم حول التورتة ايسل واقفة بجانب سيف و جنة و بوسي واحمد جنبها من الناحية التانية ثبت الكاميرا علي صورة ايسل و هو ضاغط pause ( توقف ) لفترة التقط الصورة كانت ايسل بتضحك و اول مرة ياخد باله من ضحكتها لانها تقريبا اول مرة تضحك قدامه سكت لحظات و التقطت الصورة و رجع يشغل الفيديو بدأت تتحرك عدسة الكاميرا حول شكل التورتة عليه صورة جنة و الشمع المضاء حواليها
الكل : هابي بيرث ذاي تو يو جنة
وضع احمد ايديه حول كتف بوسي بعد ما أطفأت بنته الشمع
احمد ل بوسي و جنة: كل سنة وانتو معايا
بوسي :ربنا يخليك لينا يا حبيبي
_____________________________
اغلق عاصم الكاميرا و بعت الصورة لنفسه و بدأ يتأمل فيها لحظات
عاصم بابتسامة : يخربيت ضحكتك ما هي حلوة اهي اومال مالها بقا
______________________________
كانت واقفة ايسل مع سيف و روان و بيتخانقوا
ايسل : اااه يا سيف خليك فاكرها بقا
سيف : قلبك كاروهات يا بت انتي ولله خلاص بقا
ايسل: انا برضو ماشي وانتي وانتي كنتي عارفة
روان: كنت عاملاهالك مفاجأة يا بيبي
ايسل : اتنيلي انتي كمان
ضحكت روان و سيف
سيف مسك طبق و بياكل
ايسل : انتو مستفزين علي فكرة اوعو كدا
_________________
بوسي : سيف ممكن تروح بعربيتك تجيبلي الاوردر ده عشان خاطري لان مفيش ديلفري فاضي عندهم دلوقتي
سيف : لالا انسي
بوسي : يلا سيف بقا عشان الضيوف دول و الاكل مش هيكفي كدا
سيف : لما يخلص هروح اجيبلك
بوسي : طب خد معاك ايسل و روان
سيف : لا انسي قولت
بوسي في سرها : طيب انا عارفة مين هيعرف يقنعك
بوسي راحت لايسل كانت واقفة مع روان و جنة
بوسي :ايسل بليز انقذيني
ايسل : ايه ي قلبي مالك
بوسي : الواد سيف مش راضي يجيبلي الاوردر ده و مفيش ديلفري في المحل دلوقتي و قالولي ابعتي حد ياخد الاوردر و هو مش عايز يروح ممكن تروحي انتي و سيف و روان و اقنعيه عشان مكسل
روان :غصب عنه هيروح وانا هروح معاه بس هخليه يوصلني في طريق البيت بالمرة لان عايزة اروح انام
ايسل: انتي لحقتي تنامي
روان : شوفي سيف بس الأول عشان انا مصدعة جدا
ايسل : 5 ( دقايق ) بس يا قلبي و هقنعلك الواد ده يروح
بوسي : حبيبتي كنت عارفة انك هتنقذيني يلا خدي الورقة دي اديهاله وانا هروح اشوف الضيوف
___________________________________
سيف كان واقف مع عاصم و ايسل كانت هترجع في كلامها و متتكلمش معاه لكن قررت تكلمه و تتجاهل عاصم
ايسل : انت يابني بدور عليك تعالي عايزاك
سيف و ايسل وقفو بعيد عن عاصم و ده ضايق عاصم جدا
ايسل : عشان خاطري يا سيف روح بقا ولله بوسي زعلانة منك
سيف :لا سيبك انتي من بوسي و قوليلي ايه القمر ده
ايسل ضحكت : يا واد بطل تثبتني بقا و روح بدل ما اصوت و ألم عليك الناس و اقول بيعاكسني و بيتحرش بيا
سيف ضحك : مجنونة و تعمليها و اتدبس و اتجوزك ياااه بقا
ايسل : هتروح ولا ..
سيف : خلاص خلاص Luck of best baby
ايسل بتضحك: بیبى في عینك يلا روح بقا و خد معاك روان وصلها
سيف : السواق اللي جابهولكو دادي صح
ايسل : عندك اعتراض ولا ايه
سيف رفع ايديه و ضحك بغمزة: لا يا معلم انا اقدر برضو
ايسل : يلا روح بقا
_________________________________
ايسل كانت قاعدة في البلكونة مع جنة و بتاكل حلويات و جاتوه
ايسل بتضحك : حرام عليكي يا جوجو ده انتي بهدلتي احمد و بوسي خالص ليه كدا الشر ده
جنة ببراءة:انا مش بعملهم حاجة هما اللي بيزعلو
ايسل بتضحك : يا روحي انتي
عاصم دخل عندهم البلكونة
عاصم : نونا مامي عايزاكي
جنة : عايزاني ليه
عاصم : مش عارف قالتلي شوفلي جنة
جنة : ماشي هروح اشوفها و ارجعلك اتفقنا
ايسل : اوكيه اتفقنا
ايسل بصتله من فوق لتحت و كملت اكل
عاصم:كفاية اكل بقا ارحمي يا بنتي خلصتي نص التورتة
ايسل:وانت مالك هو انا باكل من بوقك يعني
عاصم لنفسه : ااه دي مش هتبطل طولة لسان بقا
عاصم همس بالقرب من ودنها: ياريت بس مش هتعرفي تشبعي لما تجربي
ايسل تنحت من كلامه و جراءته :علي فكرة انت قليل الأدب و جدا يعني
عاصم بضحكة استفزتها : اول مرة تعرفي
ايسل : اااه الا صحيح رجلك عاملة ايه يا حرام بجد صعبت عليا مكنتش قادر تمشي عليها
عاصم : نفسي اعرف الاكل ده بيروح فين ده انتي اوزعه وتقريبا كدة 50 كيلو
ايسل: 60 علي فكرة اه قول بقا انك غيران علشان انا سمباتك وانت
بتبص علي شكل جسمه تطلع غلطة مش لاقية
عاصم ضحك: مش لاقية صح
ايسل : لا عندك كرش
حسس عاصم ع بطنه: كرش .. دا عضلات بطن يا جاهلة
ايسل فتحت موبايلها و مسكت طبق الجاتوه و الحلويات و بدأت تاكل تاني : بقولك ايه ممكن ترغي بعيد عني و ياريت متتكلمش معايا عشان مش فاضية
عاصم :ايوه صح مش فاضيه وراها اكل
ايسل : انت علي طول كدا لسانك بيرمي دبش
عاصم : وانتي يعني اللي بترمي جاتوه
ايسل : ما تتلم بقا انا ساكتالك من الصبح
عاصم:وريني كده هتعملي ايه ها ... ايه هتدوسي علي رجلي ههههه قديمة يا بنتي خلاص مش هتقدري
ايسل:ولا حاجة بس هديك قلم اخلي وشك مكان قفاك
خرجت ايسل من البلكونة و عاصم واقف مصدوم و بيضحك لأنه لاول مرة في حياته يسمع الكلام ده و الطريقة دي من بنت
______________________________
جنة : مامي انا بدور عليكي من بدري انتي فين
بوسي : ايه يا حبيبتي كنت مع الضيوف
جنة : خالو قالي انك عايزاني
بوسي :لا مش عايزاكي هو خالك فين
جنة : مع سيلا في البلكونة
بوسي في سرها : مااشي يا عاصم بقا بتزحلق البت الصغيرة
جنة : ايه يا مامي
بوسي: ااه يا حبيبتي انا كنت عايزاكي عشان تسلمي علي طنط سالي لانها جات بسرعة و مشيت
جنة : اوكيه هروح اشوف سيلا
__________________________________
ايسل : بوسي هو سيف لسة مرجعش
بوسي: اه لسة 10 دقايق و يوصل
ايسل : طب انا لازم امشي ماما اتصلت وانتي عارفة بقا زعقلتي عشان اتأخرت
بوسي : طب استني يا بنتي سيف هيوصلك
ايسل : لالا مش مهم انا كنت عايزاه يوقفلي تاكسي بس
بوسي : لا استني هو جاي
ايسل: مش مهم يا بنتي يلا انا نازلة عايزة حاجة
بوسي : عايزة سلامتك يا حبيبتي
خرجت ايسل و عاصم كان سمع الحوار بينهم من بعيد لان صوتهم كان عالي و عاصم كان لسة هيخرج وقفه صوت بوسي
بوسي :عاصم تعالى عايزاك
عاصم : ثواني و جايلك
بوسي وقفت في البلكونة تتابع عاصم رايح فين
عاصم نزل وراها من غير ما هي تشوفه و بعدين هي وقفت توقف تاكسي عاصم راحلها
عاصم :ايه ده انتي هتمشي لوحدك كدا مش هتمشي مع صحابك
ايسل : روان روحت و سيف اتأخر و لازم اروح عشان ماما
عاصم: لو تحبي اوصلك يعني معنديش اي مانع
ايسل ظنت انه بيعاكس
ردت بسخرية: ميرسي حضرتك
عاصم : لا دي مش عزومة مراكبية ده بجد
ايسل : عادي كدا
عاصم باستغراب : ايه اللي عادي
ايسل : اركب معاك يعني و توصلني
عاصم : اه فيها ايه
ايسل : مفيهاش بس ترضي أن اختك ...
قاطعها : اختي اتجوزت علي فكرة و قديم اوووي الجو ده غيري
ايسل شاورت لتاكسي و وقف : سلام يا دكتور عاصم
____________________________________
مر أسبوعين و ايسل بتشوف عاصم و طبعا علاقتهم ببعض زي ماهي و اوقات مش بيشوفها
و في يوم كلمتها بوسي تروحلها تتغدا عندها
ايسل كانت عند بوسي في المطبخ بتساعدها في تحضير الغداء
بوسي : قطعي السلطة وانا هشوف الرز
ايسل : ماشي
احمد دخل في الوقت ده المطبخ هو و عاصم
احمد وهو بيحضن بوسي : وحشتيني
بوسي: وانت كمان
ايسل : ايه انت و هي عيب ميحصش كدا لا
احمد بيضحك : عيب في عينك دي مراتي عادي
ايسل: ااه صحيح كنت ناسية
عاصم ضحك : يلهوي ع الكسفة اللي انت فيها يا حازم
ايسل :ملكش دعوة علي فكرة
____________________________________
منار دخلت غرفة والدتها كانت فاتحة البوم الصور و بتتفرج و عيونها دمعت
منار : ماما
سميرة و هي بتمسح دموعها : ايه يا حبيبتي انتي صحيتي
منار و هي ماسكة صورة باباها و مامتها : الله يرحمه وحشني اوي
سميرة : ربنا يرحمه
منار : لسة فاكراه
سميرة : وانا من امتي نسيته
منار : عشان كدا رفضتي تتجوزي بعده
سميرة : عشان عشت ع الذكريات و الصور بتاعتنا و معاكي
منار : ربنا يرحمه انا مش مسامحة اللي كان السبب بجد في موته
سميرة بعصبية : لالا محدش كان السبب عمره كان انتهي يا بنتي لحد هنا
منار دموعها نزلت : عمره انتهي... بتضحكي عليا ولا بتضحكي علي نفسك .... عارفة يعني ايه واحدة اتحرمت من ابويا وانا طفلة عمري مكملش 10 سنين عارفة يعني ايه نفسي اقول كلمة بابا نفسي في حضنه نفسي في حاجات كتير اوووي زي كل صحابي
سميرة : ايسل برضو معندهاش اب مبتعملش زيك
منار: بس ربنا معوضها بجدها انما حتي عمي ميعرفش عني اي حاجة
سميرة : و حارمها من حنان امها يا بنتي مفيش حد كامل انتي احسن من غيرك بصي للحياة بالشكل الحلو الموت ده الحقيقة اللي محدش يقدر يتهرب منها كلنا في النهاية في القبر
منار بوجع :صعب اوووي ابص للحياة بالشكل الحلو و استمتع بيها بعد ما راح اللي كان عندي هو معني الحياة
سميرة ضمتها لحضنها: يا حبيبتي استغفري ربنا و اهدي بس تيجي نزوره يوم الخميس
منار : ياريت بجد
سميرة : بجد
منار : بس اللي كان السبب في موته عايش يا ماما و متهني بحياته
سميرة : محدش كان السبب يا بنتي ده نصيب ابوكي مات موتة ربنا ولله متسمعيش كلام حد ابوكي مات موتة ربنا العادية
______________________
بوسي و ايسل و احمد و عاصم قاعدين علي السفرة بياكلو
بوسي : احم احم بصراحة كدا انا قصدت اعزمكم في يوم واحد عشان ...
عاصم : ها
بوسي : عاصم مش كفاية بقا ممكن تدخل ايسل المحاضرات حرام عليك كدا كتير
ايسل : نعم انتي بتهزري صح انا ادخل مكان في ده
عاصم : شايفة طولة لسانها ... طب ايه رايك ان ده اللي مش عاجبك في ايده مستقبلك
ايسل بثقة: ولا يفرق معايا اصلا
احمد :و بعدين بقا ممكن تعقلوا شوية وانتي يا ايسل ده الدكتور بتاعك احترميه و انت كمان برضو نفس الكلام من بكرة تدخلي محاضراتك عادي ومفيش حاجة تمام
عاصم : عشان خاطرك بس يا احمد و كلمة كمان منها هحلف مش هتدخل
ايسل : انا شبعت خلاص
عاصم ضحك: لو دخلتي بعدي ب دقيقة بس مش هدخلك انا قولت اهو
ايسل : رخم ولله
عاصم : سمعتك علي فكرة
___________________________
عاصم : الحمدلله انا شبعت
احمد : كمل اكلك يابني
عاصم : لا الحمد لله هقوم اغسل ايدي
بوسي : شبعت برضو
عاصم : ايه يا بت انتي هو انا مفجوع زيك
ايسل كانت غسلت ايديها و خارجة من الحمام
عاصم : قولتلك قبل كدا متطوليش لسانك ده عليا صح
ايسل : براحتي علي فكرة
عاصم شدها عليه و بص لعينيها لحظات كانت اول مرة تشوف عينيه من قرب
ايسل : اوعي كدا انت اتجننت صح
عاصم :لا مش هوعي وقوليلي هتعملي ايه
ايسل بخنقة : يوووه بقا
عاصم شدها عليه اكتر و رفع دقنها لفوق و حاسة ان قلبها بيدق ضربات سريعة قرب منها و هي بتقاومه و كان قرب يبوسها عضته ايسل في ايديه و زقته علي الحيطة رأسه اتخبطت وقتها وقدرت تفلت منه وقفت بعيد عنه
ايسل : بقولك ايه انا مش زي اللي تعرفهم و مش كل الطير اللي يتاكل لحمه علي فكرة
عاصم كان واقف مستغرب ازاي بنت زي دي بتعمل كدا معاه هو مش عارف أتصرف ازاي بالطريقة دي بيبص علي ايديه اللي عضتها
اما ايسل قعدت في البلكونة و هي خايفة و جسمها بيترعش جدا و قلبها لسة بيدق جامد غمضت عينيها افتكرت الموقف اللي حصل افتكرت قربه منها و نفسه اللي كان قريب منها جدا و كان خلاص هيبوسها بتشم هدومها كان ريحة البيرفيوم بتاعته فيها لكن فجأة ضربت نفسها قلم
ايسل : فوقي بقا يا هبلة انتي ازاي تسمحي لواحد زي ده يقرب منك كدا انا بعد كدا هديله بالجزمة علي دماغه
_________________________
احمد كان داخل الحمام يغسل ايديه
احمد :عاصم.... انت يابني مالك
عاصم : ها مفيش لا
احمد : انت بقالك ساعة واقف عندك
عاصم :لا لا مفيش
________________________________
عاصم :انا اسف بجد مش قصدي اعمل كدا ولله بس انتي بتستفزيني و دي الطريقة الوحيدة اللي قولت اردلك استفزازك ده
ايسل : دكتور عاصم ياريت بعد كدا متتعاملش معايا ب الطريقة الزبالة بتاعتك دي و الا متعرفش اللي هيحصلك
عاصم : ايسل انا بجد اسف انا مش عارف عملت كدا ازاي
ايسل : أتمني متكررش
عاصم : وانتي تبطلي طولة لسان
ايسل : ماشي هشوف الموضوع ده
عاصم ضحك :برضو
ايسل : اه
عاصم : انتي مبتاكليش لحمة ايدي وجعاني لحد دلوقتي
ايسل :احسن تستاهل
عاصم : حرام عليكي ايدي و رجلي و راسي كمان وجعتني انتي ايه هتخلصي عليا كدا
ايسل : عشان تحترم نفسك
عاصم : انا خلاص حرمت بجد
ايسل : دي قرصة ودن بس عشان تحترم نفسك
عاصم : دخلي شعرك بقا اللي خارج من الطرحة ده
ايسل: وانت مالك
عاصم : تاني
ايسل : ملكش دعوة هو شعرك انت يعني
بوسي دخلت عندهم في الوقت ده
بوسي: ايه في ايه بتتخانقو تاني
ايسل :لا ابدا
بوسي: طيب يلا بقا عشان ناكل الكيك اللي انا عاملاه
ايسل : استني هقطعه معاكي
بوسي: تعالي
___________________________
في الجامعة
ايسل كانت قاعدة لوحدها علي السلم و عاصم شافها بتعيط راح يشوفها و دي كانت أول مرة تبكي ايسل قدامه
عاصم : ايسل مالك انتي بتعيطي ليه
ايسل : ايه مفيش لا ده حاجة دخلت في عيني
عاصم : طب ممكن تهدي و تفهميني في ايه ... طب حد زعلك
ايسل : مفيش يا دكتور
قامت من مكانها عاصم مسكها من ايديها
عاصم : لازم اعرف في ايه
ايسل دموعها نزلت تاني : انا .....
التعليقات على الموضوع