كبرياء الصمت (الحلقه السابعه)

الفصل السابع ( كبرياء الصمت  )
خرجت بوسي من الغرفة  و احمد بينظر علي الارض كان فيه شريط برشام واقع ( منع الحمل )
احمد بعصبية : بوووسي
بوسي بخضة: ايه في ايه بزعق ليه
احمد جذبها من شعرها بقوة
بوسي : في ايه يا احمد مالك
احمد بنرفزة:ايه ده
بوسي بخوف :ده ... ده
احمد :هو انتي مش قولتيلي انك متابعة مع الدكتور و قال ان مفيش مشاكل و هتخلفي تاني
بوسي بألم : يا احمد حرام عليك سيب شعري
احمد :ليه بتكدبي عليا و من امتي بتاخديه
بوسي : من سنة
احمد : ليه
بوسي : يا احمد انت مش حاسس بأي مسؤلية و انا شايلة كل حاجة انت مش محتاج حاجة انت خلصت تعليمك وانا اخر سنة مش عارفة اخدها ولا عارفة اتخرج و كل حاجة انا بعملها حتي مش عارفة اذاكر  بسبب بنتك قولتلي نخلف في اول سنة جواز و هتخليني اكمل اخدت سنة 3  بالعافية و تقدير زي الزفت و رابعة مش عارفة اخدها لحد دلوقتي
احمد :و مين قالك ان الشهادة دي محتاجينها عادي مش مهم
بوسي : يعني ايه مش مهم لا انا مش كنت بتعلم طول السنين دي عشان الشهادة دي مش اخدها و  غير كدا بنتك كمان سنة لما تيجي تدخل مدرسة انترناشونال مش هينفع لان المدارس دي بيشترطوا ان الاب و الام خريجين كليات
احمد : بس ده مش مبرر انك تمنعيني من اني اكون اب تاني
بوسي : هو احنا قادرين نتحمل مسؤلية واحدة لما نجيب تاني تضمنلي ان انت اللي هتربيهم و تاكلهم و تغير و تغسل و تغير و تعمل الاكل و تذاكرلهم طبعا مش هتقدر تعمل كدا وانا كمان مش هقدر يا احمد
احمد : انا عايز اخ  لبنتي او اخت
بوسي : ممكن نتفاهم بهدوء يا احمد انا قولت نأجل  شوية
احمد : مش مكفيكي 4 سنين تأجيل .... يا تمنعي البرشام ده و تعقلي يا اما مش هقولك روحي بيت اهلك انا اللي هروح عند ماما و اقعد هناك كام يوم بدل القرف ده
بوسي : عشان تعرف انك اناني و مبتفكرش غير في نفسك و بس
احمد : وانتي كمان انانية لو كنتي بتحبيني مكنتيش عملتي كدا
بوسي : يا احمد استني عشان خاطري
__________________________________
ايسل : ممكن افهم ايه اللي انت عملته ده و ازاي ازاي اصلا تقول كدا
عاصم بعصبية :وانتي بتستهبلي صح فرحانة اوي بكلامه
ايسل : علي فكرة انا مش بستهبل انت اللي كل شوية بتتخانق معايا علي أسباب تافهة
عاصم : ياريت تتلمي بقا مش كل ما نروح مكان نتخانق
ايسل : روحني يا عاصم
عاصم : لا
ايسل : انت كل شوية بتزعقلي علي حاجات انا مش بيكون قصدي اعملها

جنة بنرفزة: بس بقااا كفاية خناق باربي مش عارفة تنام منكو
_________________________________

تاني يوم
عاصم بيكلم بوسي في الموبايل  : ايه يا بنتي اهدي طيب .... ولله رايحله اهو خلاص بقا ما انتي اللي غلطانة بصراحة ... ماشي هقوله ... باااي

عاصم بيخبط على الباب و بيرن الجرس
فتحتله روان : دكتور عاصم ازيك ....
عاصم : ازيك يا روان
روان : أحمد جوة انا نازلة ....  ادخله مفيش حد ماما بتشتري حاجات
عاصم : ماشي
____________________________________
في مطعم KFC (كنتاكي ) في 6 أكتوبر
سيف : يلهوي كفاية بقا انا غلطان اصلا اني نزلت اشتري معاكو حاجة
ايسل بتضحك : هو احنا علي فكرة لسة مخلصناش
روان : أيوة لسة هنجيب حاجات تانية
سيف : حراام عليكو بقا كفاية كدا انهاردة
ايسل : مش انت الراجل يرضيك يعني حد يعاكسنا و احنا قمرات كدا
روان : هقوم اشوف الويتر اتأخر  كدا ليه انا جوعت

روان بتدور علي الجرسون تطلب منه المنيو
روان : لو سمحتي هو الويتر اتأخر عندنا
البنت : شوفي انتي محتاجة ايه و انا هبعتهولك
روان بتنظر جنبها باستغراب : ايه ده عمرو صح
عمرو : انتي ... رنا
روان : لا روان
عمرو: اه ازيك يا قمر
روان : تمام وانت
عمرو: الحمدلله تمام انتي بتعملي ايه هنا
روان : جاية مع صحابي
عمرو : اهلا بيكي نورتي
روان: ميرسي .... لو تحب تيجي تقعد معانا و اعرفك عليهم و بالمرة اعزمك معانا
عمرو بيضحك : شكلك بترديلي هدية الجراب صح
روان: لا خالص بس اعتبرها شكر ليك ع الهدية
عمرو : خلاص موافق بس انا اللي اعزمكم
روان: لالا ده كدا كفاية اووي احنا اللي المفروض نعزمك
عمرو  للبنت: لو سمحتي روان صحابك كام حد
روان : 2
عمرو : 4 وجبات من فضلك
____________________________________
عاصم يجلس علي ترابيزة السفرة بجوار احمد و أمامهم الاكل ( مكرونة و فراخ )
عاصم بياخد ملعقة من المكرونة و بيتذوقها في فمه و بيلتفت ل احمد
احمد  : ايه رايك 
عاصم : لا فعلا طباخ مية مية
ضحكو و استمروا في الاكل مع لحظة صمت
عاصم : أحمد ممكن نكمل كلامنا
احمد : مش عايز اتكلم في الموضوع ده
عاصم : طب بنتك مش وحشتك حرام عليك يابني
احمد : و هي مش حرام عليها تكدب عليا سنة بحالها
عاصم : هي كانت خايفة ترفض
احمد : هو مش من حقي يا عاصم
عاصم: من حقك بس مش كدا يا احمد بالتفاهم
احمد : وانا مش هرجع غير لما هي تبطل البرشام ده
عاصم: انت عارفها مش بتيجي بلوي الدراع ده
احمد : مش فارقة ع الأقل هرتاح شوية من خناق  كل يوم
عاصم  :مش عارف اقول ايه عيال ولله
احمد :طب بقولك ايه بما اني مخنوق تعالي نطلع اسكندرية و لا شرم و اهو بالمرة اغير جو
عاصم : غريبة يعني مش انت مكنتش عايز تيجي
احمد : لا رجعت في كلامي يلا بينا هنسافر الليلة دي و نقفل الموبايلات
عاصم : اشطا انا كمان متخانق مع ايسل
____________________________________
منار بتتصل ب عاصم
منار : االلي مبيسالش
عاصم : رايح اسكندرية و برتب الشنطة
منار : ايه ده بجد ايه القرار السريع ده
عاصم : مفيش بريح دماغي من الصداع و المشاكل
منار : تصدق نفسي اروح اسكندرية عمتو ساكنة هناك
عاصم : بجد طب ما تيجي انا قاعد يومين هناك مش انتي كدا كدا عندك اسبوع اجازة من الامتحانات و اهو بالمرة نغير جو
منار : مش عارفة بس هشوف ماما كدا و اقولك

ايسل بترن علي عاصم

عاصم : طب ثواني يا منار معايا مكالمة .... ايه يا ايسل في ايه ... انتي مش شايفة أسلوبك من اخر مرة كنا مع بعض ولله براحتك انتي اللي انتي شايفاه ..... ايسل انا اصلا مسافر اسكندرية دلوقتي ماشي هكلمك تاني سلام
_________________________________
شاطيء العجمي ... في شاليه مختار العدوي
احمد و سيف يجلسوا  أمام نار مشتعلة و احمد  بيشوي اللحم علي الشواية

دخل عاصم عندهم و معاه بعض زجاج البيرة
عاصم : الجو برد اووي
احمد : حط البيرة دي في الفريزر تسقع
سيف : ايه يابني انت و هو بيرة ليه
عاصم : ايه يا مولانا ده يومين يعني ترويق دماغ من كل حاجة
سيف : أخبار اللحمة ايه انا هموت من الجوع
احمد بيقلب قطع اللحمة : دقائق بس و و هتستوي
__________________________________
عمرو بيكلم روان علي الماسنجر
عمرو : اخيرا بقا انا زهقت من الكلام علي ابليكشن اوليكس
روان : 😂😂 اه كدا احسن فعلا
عمرو: علي فكرة احنا لحد دلوقتي متعرفناش
روان : اه فعلا انا روان 21 سنة في 3 حقوق من عين شمس وانت ؟
عمرو : وانا عمرو 24 سنة خريج هندسة ميكانيكا من 6 أكتوبر .... مبسوط اني شوفتك تاني
روان ::وانا كمان
عمرو: صحابك حلوين جدا ماشاء الله روحهم حلوة
روان : اه جدا هما  كمان قالو عنك كلام كويس
___________________________
ايسل : اخيرا رديت
عاصم : ايه يا بنتي
ايسل : مالك يا عاصم انت مبتكلمنيش ليه  هو انت زعلان مني
عاصم : انتي شايفة ايه يعني
ايسل : طب طمني عليك انت كويس
عاصم : يعني
ايسل : مالك
عاصم:مفيش مخنوق شوية
ايسل : انا اسفة
عاصم : انتي اللي بتستفزيني و بترجعي تقولي انا اسفة
ايسل : انت مسافر عشان اتخنقت مني
عاصم : انا تعبت بجد
ايسل : طب عشان خاطري خلي بالك من نفسك و متشربش حاجة
عاصم : حاضر هكلمك تاني عشان مع صحابي
ايسل : ماشي بس عشان خاطري متقفلش موبايلك تاني
عاصم : حاضر
___________________________________
عاصم : معلش اتاخرت عليكو
سيف : اومال البحر مالو فاضي كدا ليه
احمد : اه فعلا
عاصم : مش قولتلك يا عم انت نروح شرم
احمد : ايه اللي يودينا للزحمة مش كفاية زحمة القاهرة
سيف : علي رايك بس سيبك  الماية شكلها يجنن بجد
_______________________________
منار قاعدة في البلكونة بتطل علي البحر و بتتصل علي عاصم
منار : ايه فينك
عاصم : اهو  ع البحر
منار : انا في اليكس
عاصم : بجد
منار : أيوة هنزل دلوقتي و نتقابل
عاصم :تمام
________________________________
روان و عمرو في كافيه
عمرو : علي قد ما انا عايز اسافر لكن مش عايز اسيب ماما و بابا لوحدهم
روان : انا كمان نفسي اووي اسافر
عمرو : اه فعلا الحياة برة  مصر اجمل بكتير من  الحياة برة  نضيفة
روان : صحيح انت بتشتغل هنا
عمرو : اه في أكتوبر
روان : انا كمان نفسي اسافر حتي جاتلي منحة اسافر برة مصر و ادرس لكن أخويا موافقش
عمرو : اكيد عشان خايف عليكي و انتي بنت و زي القمر كدا و لوحدك
روان بخجل: اه هو بيخاف عليا
___________________________________
عاصم : ايه يا بنتي انتي تهتي ولا ايه
منار : توهت ايه بس
عاصم : تحبي نروح  فين
منار : نتمشي ع البحر شكل الماية حلو اووي
عاصم : ماشي
و هما بيتمشوا قعدوا بالقرب من الشاطيء و منار بدأت ترسم
عاصم : رسمك حلو جدا انا كمان كنت برسم وانا صغير
منار : و دلوقتي بطلت
عاصم : مش فاكر
منار : مالك يا عاصم
عاصم : مخنوق شوية
منار : لو حابب يعني تحكي ياريت
عاصم : انا  و ايسل شبه متخانقين
منار : ليه
عاصم : هي مستفزة وانا بجد اتخنقت  من كتر خناقنا ده
منار : انت ايه اللي خلاك تاخد قرار سريع كدا كدا تنزل اسكندرية بسرعة ايه هربان من القاهرة شكلك
عاصم بيضحك : لا بس عندي شوية أمور لازم افهمها و احسمها مع نفسي
_________________________________
بعد مرور يومين من رجوعهم من اسكندرية
بوسي بتفتح الباب اتفاجات بوجود احمد
احمد بجدية:انا جيت عشان اطمن علي جنة هي نامت
بوسي  وهى ترتمى فى حضنه
بوسي :وحشتنى اوى .... يا احمد حرام عليك كل ده
_______________________________

ايسل : انت بتتريق عليا ممكن تتلم بقا
عاصم : و انا اقدر برضو اتريق على القمر بتاعي ده
ايسل بحدة: عاصم
عاصم : احم احم مش احنا أصحاب و الصحاب بيعاكسو بعض عادي
ايسل : لا والنبي
عاصم : اه
ايسل : اتلم عشان متزعلش مني
عاصم : بتخوفينى منك يعنى
ايسل: اه بخوفك عشان تحرم
عاصم : مبخافش علي فكرة
ايسل :ده انت مش ناوى تتلم صح
عاصم : لا
ايسل خبطته علي كتفه جامد
عاصم : ااه ايديك تقيلة يا بت انتى اهدي بقا
ايسل : تستاهل عشان تتلم و تبطل قلة أدب و معاكسة

عاصم بدهشة : ايييه ده حاسبي اوعي تتحركي خليكي زي ما انتي
ايسل : يلهوووي ايه ده ايجا منين ده

رايكم ؟؟

مين اللي غلطان احمد ولا بوسي