الضحية ... الجزء الثاني
( الضحيه 2 )
الساعه 8
"خلصت اخر لمساتى ... حطيت ميكب خفيف ...ونزلت لبدايه حياه جديده ...
____
-انا منه .. الموظفه الجديده ... عندك خلفيه عن الموضوع
=ايوه يافندم .. الدكتور مستنيكى ف مكتبه
-ماشى ..
____
"خبطت ع الباب وسمحلى بالدخول
-صباح الخير يامنه
=صباح الفل يا.. محمد
-هههه ايوه كده الحقى نفسك ..
=الحمدلله كنت هقع ف الفخ ... المهم انا كلى حماس للشغل حابه اعرف كل حاجه
-بس كده تعالى بينا عند مكتب استاذ احمد وهو هيفهمك كل حاجه ...
=ماشى يامحمد .. يلا بينا
____
"روحنا لااستاذ احمد عرفنى ع كل حاجه ... استلمت شغلى ومكتبى عجبنى ديكوره كان سيمبل وانا بحب الحاجات السيمبل جدا ..
_____
الساعه 9 بليل
-انا كنت مرهقه جدا ... ملفات كتيره مطلوب منى اظبطها ... فضلت ارص فيها ف المكتبه
"انا تعبت جدا ... يعنى انا كنت مرتاحه ف بيتنا انا مالى ومال العذاب ده ...
"لقيت حد بيخبط ع ضهرى وبيقولى ياانسه ...
يالهوى ده صوت محمد اكيد سمعنى يامصيبتى السوده ..
بلتفت ليه .. روحت اتصدمت فيه ...
ببصله وبيبصلى ... عينه جذبتنى ... وشه زى القمر .. شفايفه كريزى ... ايه الحلاوه دى يخربيت حلاوتك ...انا مكنتش باخد بالى من الحلاوه دى ليه ؟!
-انتى كويسه ...
.....
-يامنه !!
=ها ها يادكتور انا معاك بتقول ايه
-بقولك انتى كويسه ..
-اه كويسه .. وبعدت عنه
=طيب شكلك تعبانه كفايه عليكى كده ...
-لا مافيش تعب ولاحاجه ... بس انا جعانه ف الجوع هو اللى تعبنى
=ايه ده انتى ماكلتيش ...ايه الاستهتار ده ازاى متاكليش
-الشغل شغلنى والله .. بس انا همشى واكل ف البيت
=لا طبعا مينفعش تنزلى من غير متاكلى ... احسن تهبطى ف الطريق ... خليكى هنا وخمس دقايق واجى اوعى تمشى
"ازاى امشى واسيب العيون الحلوه دى ... مش عارفه ازاى مكنتش باخد بالى منهم ...
-لا متخافش مش همشى
_____
"الباب خبط ودخل ومعاه وجبه بيج ماك ...
-الله ده انا بحبها اوى
=طيب الحمدلله .. يلا هتاكليها كلها
-كلها ايه بس مش هقدر اخلصها
=اسمعى الكلام واكلى
-حاضر
"اكلت كنت هموت من الجوع
-بس بس مش قادره اكمل
=بقولك اكلى عايز الاكل ده كله يتسفح
-حاضر هخلصه بس متبرقش
_____
"خلصت الاكل ...
-بس بس انا هطرشق
=الف هنا ع قلبك ... ومن هنا ورايح اول لما اجى اكل هنادى عليكى تاكلى معايا ... اهتمى بصحتك بعد اذنك انتى مش صغيره
-ايه الراجل الحمش ده .. كلامه بيخوفنى بس بيفرحنى .. هو مش مجبور انه يهتم بيا اصلا
=حاضر يامحمد ... هستأذن بقى علشان متاخرش
-ماشى .. خلى بالك من نفسك .. اول لما توصلى رنى عليا
"انتا هتوصينى انا بحب اسمع صوتك الحنين ده ..
=حاضر .. وانت كمان
____
"وصلت بيتنا .. دخلت اوضتى .. ريحه برفانه موجوده لسه ف هدومى .. ريحه مميزه بتخليك تحب ع نفسك ... صورته مبتغبش عن عينى .. شكلى هبدا احب الموكوس ده ولا ايه ... ده انا ملحقتش افوق من الصدمه الاولى اقوم ادخل ف عاصفه مع دكتور بشفايف كريزى .. بس ايه جاب الجحش للقمر ده .. حبه ياقلبى متخافش .. كلمته زى م قالى وطمنته عليا وقفلت منه وبعدها نومت كنت عايزه اخر صوت اسمعه هو صوته ...
"محستش بنفسى غير لما سمعت صوت امى هى وبتصحينى
_____
"روحت المستشفى ...
"طلب منى افطر معاه ... ياربى ده قلبه حاسس انا فعلا مفطرتش علشان خوفت اتأخر ..
-بحب ابدأ يومى بشوفتك يامنه
=ايه ده الكلام ده عليا
-ايوه .. مين غيرك ف المكتب اسمه منه
=شالله يخليك يامحمد
-شالله يخليك ؟! مسالتنيش يعنى عن السبب واشمعنى انتى
-اشمعنا انا يامحمد
=علشان ملامحك لسه فيها البراءه .. وطيبه قلبك طاغيه ع ملامحك وده بيدينى امل ان ابدا يومى بكل طاقه ...
"هو انا اجى ايه جنب ملامحك ... ده انا قرده قصادك ...
-وده شئ يسعدنى يامحمد
=ممكن اسألك سؤال ؟!
-اكيد طبعا
=هو انتى لسه بتحبى او بتفكرى ف شادى
"ايه السيره اللى تعكر المزاج دى ..
-لا طبعا انا محيته من حياتى بمجرد م شوفته ... حبى ليه اتحول لكره ..
"هم وانزاح
-بتقول ايه ؟!
=بقول الحمدلله .. الاهم انك بخير .. تقدرى تروحى مكتبك
-ماشى يامحمد ..
_____
"عدت ايام وشهور..وحبى لمحمد بيزيد .. عجبنى فيه رجولته معايا .. عجبنى فيه انه مش مجرد دكتور للمرضى هو مصدر البهجه ليهم ..انا وهو قربنا من بعض جدا اصبحت خزنة اسراره .. وهو اصبح خزنة اسرارى
_____
-الو يامنه ..
=الو يامحمد
-عايز اشوفك ضرورى
=خير ف ايه ؟
-لما اشوفك هتعرفى..
=ماشى ..
-اول لما ارن عليكى تنزلى ..
=حاضر
-سلام
=سلام
"كلاكيت تانى مره .. المشهد ده بيتكرر للمره التانيه .. بس ده مافيش بينى وبينه غير صداقه وشغل بيجمعنا .. ياترى عايزنى ف ايه يامحمد .. ربنا يستر لانى مش حمل صدمات تانى.......
التعليقات على الموضوع