الضحية ... الجزء الاول
( الضحيه 1 )
- الو يامنه
=الو ياحبيبى .. وحشتنى
-وانتى كمان .. عايز اشوفك
=مال صوتك فيك حاجه ..
-لا مافيش بس عايز اشوفك
=حاضر
-نص ساعه وهكون تحت بيتك
=ماشى ياحبيبى ... سلام
-سلام
"نبره صوته مش مطمنانى .. يارب يكون خير
____
-ايه التأخير ده ...هى ده نص ساعه وهكون تحت البيت
=معلش الطريق كان زحمه ..
-طيب هنفضل واقفين تعالى بينا نقعد فى الاستراحه
=ماشى يلا بينا
"قعدنا ف الاستراحه زى مقولتله
-خير ياحبيبى مالك مش ع بعضك كده ..
=مش عارف ابدا من فين .. بس انا مش قادر اكمل
-تكمل ايه ياحبيبى .. شغلك الجديد مش عارف تكمل فيه مش كده !!
=منه .. احنا لازم نسيب بعض
-نسيب بعض !! انت بتهزر مش كده !! انا عارفه ان هزارك رخم زيك ..
=مش بهزر بتكلم بجد .. احنا مننفعش لبعض.. بحاول احبك بس معرفتش ... حبيت اكمل معاكى علشان مكونش السنجل الوحيد ف الشله ... وكنت بتصنع بحبى ليكى ع امل انى هقدر ف يوم احبك .... انتى تستاهلى الاحسن منى انا مستاهلكيش ...
-انتا بتقول ايه انتا استحاله تكون شادى حبيبى .. وغلاوه مامتك قولى ان كل ده هزار ومش جد ..
=وغلاوه امى كل كلمه بقولها جد .. مينفعش افضل كتير خادعك ...
- ا .. انا مش عارفه اعيط ع قلبى ولا اضحك ع سذاجتى ... انا روحى متعلقه بيك يرضيك اعيش من غير روح ..
=انا اسف .. ربنا هيرزقك باللى احسن منى ..
- اسف !! هو انتا كسرت طبق بأسفك هيتصلح انتا كسرت قلبى ..خلتنى احبك واتعلق بيك ليه .. حسبى الله ونعم الوكيل فيك ع حرقه قلبى ...
______
-يادكتور كل يوم حالتها بتسوء عن اليوم اللى قبله ...
=انا عايزه شادى .. شادى هيرجعلى هو كان بيهزر معايا .... عايزه اروحله زمانه مستنينى ف الاستراحه
-اديها حقنه مهدئه يامنال
=ماشى يادكتور
-شادى .. انا بحبك ياشادى متسبنيش
"وتفقد شعورها بمجرد اعطاها الممرضه الحقنه
___
=بنتى ضاعت منى يادكتور ..
-احنا بنعمل كل اللى نقدر عليه .. انا قدامى حل واحد.. اه هو صعب بس مافيش غيره
=اعمل يادكتور كل اللى تقدر عليه .. ربنا يرجعك ليا يامنه ياحبيبتى ويجازى اللى كان السبب فى رقدتك دى
_____
"مافيش قدامى حل غير انى اواجها بالحقيقه ...
-استاذه منه ... محتاج اتكلم معاكى شويه
.....
=انا عارف ان الصدمه كبيره عليكى بس ف حاجات كتيره مفروض تعرفيها .. ربنا اخدلك حقك ...شادى حب واتكسر زى م كسرك ... حبيبته خانته مع اقرب صديق ليه ...ودلوقتى عايش ومش عايش بيسهر ف الكباريهات وبيسكر وحالته صعبه جدا ..احمدى ربنا انه بعد عنك ..
"بصتله باستغراب... ربنا اخدلى حقى .. كلمات الدكتور عليه حسستنى بالاستحقار ليه .. شادى ده من الشخصيات اللى كان هيكون ليها مستقبل ...ساعدنى الدكتور انى اروح اشوفه بالرغم رفضه بس انا كنت مصممه .. استحقارى زاد ليه اول لما شوفته وهو سكران والستات محوطاه ... صورته كانت بتفوقنى وبتساعدنى انى ارجع لحياتى الطبيعيه اتحول حبى ليه لكره وايقنت ان كل اللى كنت بعمله ده للشخص الغلط .. الدكتور ساعدنى انى ارجع لحياتى الطبيعيه ساعتها عرفت انى اد ايه كنت ساذجه فى تضيع وقتى فى الزعل ع الشخص الغلط ...
_______
بعد مرور شهور
-انا مش عارفه اشكرك ازاى يادكتور
=لا شكر ع واجب .. انا كنت خايف انك متتقبليش الصدمه لان ف حالات بتقابل المواجهه بنكسه وانتى الحمدلله اتقبلتيها ..ممكن لما شوفتيه بحالته دى اتحسنتى اكتر ...
-الحمدلله ... انا كنت غبيه ف الاول كنت فاكره انه ممكن يرجع بس للاسف كنت غلطانه مستنيه رجوع الشخص الغلط عقلى كان بيحاول يخلينى اكره وقلبى كان رافض بس لما شوفته قلبى كمان كره
=الحمدلله ع كل حال .. المهم انك رجعتى زى الاول
-واحسن من الاول باذن الله ... اقدر اخرج النهارده
=تقدرى ... بس تتابعى معايا اول باول وياريت متعرضيش نفسك لاى صدمه تانى لان هيكون غلط عليكى ...
-باذن الله انا هكون اقوى من الاول ...
=باذن الله ... هكتبلك ع الخروج تكون الست الوالده وصلت
-لا يادكتور انا همشى دلوقتى عايزه اعملهالها مفأجاه ...
=خلاص براحتك ... رتبى شنطتك لحد م اكتبلك الخروج.. ولو احتجتى اى حاجه اتصلى بيا انا من النهارده مش مجرد دكتور وبس انا صديق ليكى
-ليا الشرف يادكتور طبعا ...
=تمام .. بعد اذنك
-اتفضل
_____
"نسمات الهواء رجعتلى روحى من تانى .. الشوارع كانت وحشانى ... كنت بتمشى زى الفراشه اللى لقيت حريتها ...
وصلت الحاره ... تفاصيل كتيره كنت مفتقداها .. خبطت ع باب بيتنا
-ايوه مين؟ ..
"مردتش عليها
"فتحت الباب
=يعنى انا مش بقول مين ... ايه ده بنتى حبيبتى
-ماما وحشتينى ... وحضنتها ..
=ادخلى ياحبيبتى بيتك ....
"اخدتنى من ايدى وقعدتنى ع الكرسى
-مش كنتى قولتى يابنتى انك هتطلعى النهارده كان زمانى مجهزالك كل الاكل اللى نفسك فيه
=عايزه اعملهالك مفأجاه ياست الكل ..
-احلى مفاجاه والله .. دلوقتى ادخلى غيرى وانا هروح اعملك كل اللى نفسك فيه ..
=ماشى ياحبيبتى
"دخلت اوضتى .. كنت مفتقداها ... اوضتى شهدت ع حبى لشادى ... وجه الوقت انها تشهد ع كرهى ليه ... نمت على سريرى كنت حاسه بشغور الغربه .. وبمجرد نومتى عليه .. حسيت بالامان والانتماء ...
_____
"اكلت مع امى .. هزرنا وحكينا مع بعض .. عملتلى كل حاجه كان نفسى فيها ... لحد م الليل ليل وكل واحد فينا دخل غرفته ...نمت محسيتش بنفسى من ارهاق اليوم
____
"تانى يوم .. صحيت وكلى حيويه ... فطرت مع امى ونزلت علشان ادور ع شغل ..... دورت ف معظم الشركات بس للاسف كنت بترفض بحكم انى معنديش واسطه ....رجعت البيت وانا كلى يأس ماما حاولت تشجعنى وطمنتنى ان دعاويها ليا محوطانى .... دخلت اوضتى .. لمحت الكارت الشخصى للدكتور محمد ..قررت انى اتصل بيه علشان يساعدنى انى الاقى وظيفه مناسبه بحكم معارفه الكتير ....
_____
-الو يادكتور محمد ... انا منه
=اهلا بيكى يااستاذه منه .. اخبار صحتك ايه
-الحمدلله بخير .. وحضرتك عامل ايه
=بخير الحمدلله
-حضرتك فاضى .. هعطلك خمس دقايق
=طبعا فاضى ولو مش فاضى افضى ...
-تسلم جدا ... كنت عايزه حضرتك تساعدنى انى الاقى وظيفه انا خريجه تجاره قسم محاسبه .. خريجه السنه دى ..
=تعرفى ان حظك حلو جدا ..الموظفه هتتجوز وقدمت استقالتها شايفه انها مش هتقدر توفق بين الشغل والجواز ... وانا مش هلاقى احسن منك .. من بكره تقدرى تستلمى الشغل
-مش عارفه اقولك لحضرتك ايه بجد شكرا ...
=وحضرته مش عايزه حاجه غير انك تنادى عليه بإسمه
-بس يادكتور
=من غير بس .. مش احنا اتفقنا هنكون صحاب ..وعمر الصحوبيه كان فيه تكاليف ... انا هقولك منه وانتى تقولى محمد اتفقنا ؟!
-اتفقنا يامحمد ...هقفل علشان معطلكش
=ماشى يامنه .. مستنيكى بكره
-باذن الله ... سلام
=سلام
"انا فرحانه جدا ... معقوله حياتى بدات تتيسر بالسهوله دى عوض ربنا حلو جدا ... اللى زى الدكتور ده انقرضوا بيساعدنى من غير اى مقابل ... الف حمد وشكر ليك يارب
"خرجت اقول لماما الخبر .. انبسطت جدا وفضلت تدعى للدكتور ...وانا دخلت انام علشان اصحى فايقه للشغل ... دعيت ربنا ان بكره يكون بدايه لحياه جديده ... حياه جديده اكون فيها الطرف الاقوى .. واثقه ان عوض الله اذا احل سينسينى مراره الحياه ..
التعليقات على الموضوع