الضحيه .... الجزء الثالث
( الضحيه 3 )
"رن عليا زى مقالى ... نزلت وانا قلبى نبضاته بتزيد كل لما اقرب من باب العماره .. لحد مشوفته
-ايه ده .. محمد الدكتور العاقل .. بقى مجنون ..
"ماسك بلونه ع شكل قلب مكتوب عليها تتجوزينى ؟! وراكع ع الارض وماسك ف ايده خاتم فضه ...
انا حطيت ايدى ع وشى .. وفضلت اصرخ واعيط من الفرحه .. انا مصدومه ... ده عمره محسسنى انه بيحبنى .. انا مش مصدقه نفسى ...
-محمد .. ايه ده
=ششششش .. محمد بيحبك
-وانا بحبه ..
"وحضنته وانا عماله اعيط .. انا مش مصدقه نفسى ..
مسكت ف جاكيته جامد علشان اشوف ده حلم ولا حقيقه ...
=تقبلى تجوزينى ...
-بس
=مامتك عارفه بكل حاجه حتى بصى ع البلكونه هتلاقيها بتعيط وبتشورلك
-حتى انتى ياماما ...
"لقيتها بتعملى براسها وافقى
=انا موافقه علشان مافيش راى بعد راى ماما
-يسلام ع التقل ...
"ضربته ع كتفه ...
- بس بقى
"لبسنى الدبله ...
=ممكن ياطنط اخدها نصايه مكان وراجع ...
-ماشى ياحبيبى .. ربنا يحميكم
=نصايه ؟! انتا متاكد انك دكتور محمد المحترم صاحب اكبر مستشفى ف مصر ..
-يابنتى انا جود بوى من بره وباد بوى من جوه .. ده انا اعجبك اوى ..
=سبحان الله بجد ..
-هنفضل نرغى كتير .. يلا اركبى يابت
=اركب فين انا مش لابسه لبس شيك
-انا راضى بيكى كده ... يلا
"ركبت ف العربيه لان العند مبينفعش معاه ..
____
"طول الطريق كان مغمضلى عينى ...
=انتا مجنون يامحمد
-اتجنيت بسببك ياقلب محمد
=وانا بحب قلبك
-وقلبى بيحبك ... يلا بينا وصلنا
"نزلنى من العربيه ..
=انا مش شايفه حاجه
-متخافيش ..
=بتعمل ايه يامجنون نزلنى احسن اصوت ...
-صوتى محدش هيسمعك ...
=اديتله بوكسات ف كتفه وهو حلوف مش بيحس ...
-انزلى
=فك طيب اللى ع عينى ده مش شايفه
-لا مش دلوقتى هتفتحى لسه شويه
=هفضل كتير كده مش شايفه النور ولا شايفه جمالك
-متستعجليش ياهانم .. اصبرى ع رزقك
=يامسهل ... ادينى صابره .
-تعرفى انى فرحان وانا شايفك كده ...
=فرحان وانتا شايفنى متكتفه .. مش بقول مجنون
-بس بس ... يلا فتحى
=ياظريف فكه انتا مش هعرف ..
-ماشى ياست الكل ..
"بالتدريج فتحت عينى ... بفتح لقيت نفسى قاعده ف يخت ف نص البحر ...
-الله بجد انتا ازاى عرفت انى نفسى اركب يخت بليل ...
=من العصفوره
-العصفوره اللى هى ماما .. ده انا اتغرطست ف البيت ده ..ماشى ياست ماما حسابك معايا بعدين ..
=ممكن تسكتى وتستمتعى باللحظه ..
-تعرف انا نفسى ف ايه دلوقتى
=نفسك ف ايه ؟!
-نفسى احضنك وتلف بيها لحد م ادوخ واقع
=انتى هبله يابنتى
-لا مش هبله بس نفسى ف كده
=وطالما نفسك ف انا هحققهالك ..يلا
-يلا ايه
=هحضنك !!
"حضنى ولف بيا ... لحد م وقعنا انا وهو فضلنا نضحك بصوت عالى ...
=يااه .. اول مره اعرف انك مجنونه كده
-وانا اول مره اعرف انك مجنون كده ..
=من اول نظره انا حبيتك .. كنت بتعذب وانا بشوف تعبك وعذابك ..خوفت لضيعى منى .. خوفت لتفضلى تحبيه ... عيونك صارحتنى بحبك ليا زى مصرحتنى بكرهك ليه ... براءتك دى خلتنى اتسحر فيكى..
-انا حبيت اهتمامك بيا .. حبيت طيبت قلبك .. انا ممتنه للقدر اللى جمعنى بيك ...
=هتفضلى معايا العمر كله مش كده
-معنديش خيار تانى لان عمرى من غيرك ميسواش .. الجواب اه من غير تفكير ... قلبى بينادى عليك وبيقولك حبنى بزياده ومتكرهنيش لو حصل ايه
=وقلبى بيقوله حبى ليك مينتهيش مهما كانت الظروف
-بحبك يامحمد
=ومحمد بيحبك
"فضلنا نتغزل ف بعض ..والبحر والسماء ونجومها كانوا شاهدين ع قصه حبنا ...
____
وصلنى البيت ... طلعت شقتنا زى الفراشه اللى مبسوطه بلم الرحيق ... حكيت لماما كل حاجه فرحتلى جدا ... استأذنت منها انى هروح انام .. اتمنيت من ربنا ان محمد يكون ف حياتى واحلامى ... غمضت عينى ع امل انه هيكون ف حلمى الليله ...
____
"كل يوم بيعدى قصه حبنا بتزيد وبتكبر .. كل الناس كانوا بيحسدونا ع حبى ليه وحبه ليا ...
____
"حددنا ميعاد الفرح ... الصحف نشرت الخبر .. والتجهيزات مستمره ... لكن مافيش حاجه بدوم
-ايه يعنى مش موجوده .. يعنى راحت فين ؟!
=نزلت يابنى تجيب شويه حاجات من الصبح ولحد دلوقتى مرجعتش تليفونها مقفول ...
-ماشى يا امى اقفلى وانا اول لما الاقيها هرن عليكى ..
=ماشى يابنى .. سلام
-سلام
"ياترى حصلك ايه ياحبيبتى ...روحتى فين ..يوم اسافر فيه يحصل كل ده ...
"عملت اتصالاتى... علشان يدوروا عليها لحد مارجع .. طلبت منهم يحضروا الطياره الخاصه علشان ارجع اشوف حصل ايه ...
___
"وصلت القاهره ...
-ها مافيش جديد
=لا يافندم .. مافيش اى جديد .. سالنا ف المحلات وقولنا ع اوصفها محدش شافها ف اليوم ده ...
-طيب نزلوا خبر ان الفرح اتأجل بسبب ظروف ...
= ماشى يافندم
"كل يوم بيعدى بدور عليها ... قلبت مصر عليها الشرطه عاجزه وانا عاجز ... شكوك كتير صاحبتنى ... اكيد سابتنى لانها محبتنيش وحبت تجرحنى زى م جرحها شادى ... ولا اصابها مكروه وانا عاجز ف وجودها ... مفقدتش الامل لحظه انى ادور عليها ... بس كل محاولاتى بتنتهى بالفشل
______
"مرت سنين ومحدش عارف عنها اى خبر ... مامتها اتوفت من زعلها عليها ..
انا حالاتى ادهورت .. بس كنت بكابر علشان مستقبلى ميضيعش مينفعش اللى بنيته ف سنين يتهد ف لحظه ...استسلمت للواقع .. بس قلبى كان رافض ..
_____
-هتفضلى تعيطى كتير كده ...
=انا تعبت ياسلوى .. كل اللى بحبهم بيروحوا منى .. حتى ماما مشيت وسابتنى ... انا السبب
-متقوليش كده ده قضاء ربنا ...
=ونعم بالله .. ربنا يرحمك يا امى
-يارب ..
=انا محتاجه انزل دلوقتى اشم شويه هواء
-خلاص هاجى معاكى علشان مش هتقدرى ...
=لا حابه انزل لوحدى ...
-ماشى ياحبيبتى
____
نزلت المكان اللى كنت بحبه انا وهو ..
لمحته ... ايه الصدفه دى ...
"قررت انى امشى .. بس للاسف لمحنى
=استنى هنا رايحه فين
-محمد !!
=لا كويس انك لسه فاكره اسمى ... عملتى فيا ليه كده
-ربنا يعلم انا عملت كده ليه
=ربنا يعلم انك كدابه وعملتى فيا كده علشان تحسى بنفس الاحساس اللى حسه شادى
-ربنا يسامحك
=لا البراءه دى مبقتش تاكل معايا ...
-كفايه حرام عليك ارحمنى ...
"فجأه بنوته صغيره ظهرت قصادنا
-مش ناوى تاجى تلعب معايا ولا ايه
=سلمى ع طنط ياحنين ...حنين تبقى بنتى
-بنتك ؟!
=اه بنتى اتجوزت من غير شوشره علشان متفضحش زى متفضحت بسببك
-ربنا يحفظها ليك بعد اذنك همشى
"قلبى كان مشروخ .. سهام الحب شرخته نصين ..
احيانا القدر والنصيب يجتمعان معا ليفرقا الاحباء !!
التعليقات على الموضوع