نقطة و سطر جديد (الحلقه 11 و الاخيرة)
الفصل الحادي عشر و الأخير
المستشار :بعد الاطلاع علي اقوال الشهود حكمت المحكمة حضوريا علي المتهم عمرو أحمد ماجد السعدني لتحويل أوراقه الي فضيلة المفتي بتهمة القتل العمد
دخلت نور في اللحظة دي قاعة المحكمة
نور : لو سمحت يا سيادة القاضي .. عندي دليل يثبت براءة عمرو من التهمة دي
أصوات كتير في المحكمة
المستشار : انتي مين الأول ؟ و ايه الدليل اللي معاكي
نور : انا نور خطيبة عمرو
المستشار :ايه الدليل ؟
نور شغلت موبايلها و فتحت تسجيل فيديو لكن مش واضح صورة سمر ولا حسام باين ان الصورة مش متصورة حلو لكن صورة سمر بتيجي احيانا و تختفي و صوتها و هي بتقتل حسام و هي بتندم علي قتله
نور :حضرتك ده فيديو بكل اللي حصل في اليوم ده
المستشار : فعلا دي صورتك يا مدام سمر و دي صورة جوزك مش كدا ؟
سمر اتجننت لما شافت الفيديو و مسكت نور من شعرها و كانت هتخنقها لكن اسلام و ياسين شدوها من ايديها و المستشار امر بحجزها
سمر : انتي جبتي الفيديو ده منين يا بنت *****
ياسين : أعتقد ان كدا عمرو بريء يا سيادة القاضي
نور : و مش بس كدا كمان حضرتك فيه تسجيل لمدام سمر بيثبت ان هي اللي اشترت السم
و سمعته التسجيل و فعلا كان صوت سمر
المستشار :ده صورتك و صوتك يا سمر مش كدا ؟ أعتقد مفيش مبرر للإنكار كل حاجة واضحة
سمر : أيوة انا اللي قتلته .. عشان هو كان يستحق القتل لو مكنش اتقتل كنت انا اللي هموت نفسي كان لازم تموت يا حساااام
المستشار: بعد الاطلاع علي الأدلة و تحويل أوراق المتهمة سمر محمود عبداللطيف الي فضيلة المفتي و حبس الشاهدتين مروة و صفية و عمرو أحمد ماجد السعدني بالبراءة من تهمة القتل الموجهة إليه
كلهم صرخوا بفرحة
و عمرو كان بيدعي ربنا علي إنقاذه و بيسأل نفسه هي نور ازاي قدرت توصل للدليل ده ؟
_____________________________________
بعد ما عمرو خرج
اتجمعوا كلهم في بيت حسان
اسلام : كفارة يا ابو نسب
عمرو ضحك: الحمدلله يا اسلام
نور :ياااه أخيرا بقي
عمرو :تعالي هنا انتي جبتي الفيديو ده منين و التسجيل
عدي: انا هقولك جبناه ازاي .. بص يا معلم يوم ما هكرنا موبايل و اللاب بتاع سمر الابليكشن ده بيقدر يتحكم في الموبايل و يسجل و يصور و اراقب كل حاجة خاصة بيها من حسن حظك ان انا كنت مشغل خاصية التسجيل دي و من حسن حظك برضو ان الموبايل كان معاها راجعت كل حاجة اتصورت و اتسجلت لحد مشهد القتل قصيته و روحنا المحكمة و نور طبعا وريتهم الفيديو و التسجيل
عمرو : انا مش عارف اقولك ايه يا عدي بجد شكرا اوي
عدي :شكرا ايه بس انت اللي ربنا بيحبك عشان انقذك علي اخر لحظة
عمرو :فيه حد مهم جدا عايز ازوره
نور :بهاء صح؟
عمرو :اه انا بقالي شهرين مشوفتوش
_____________________________________
بعد مرور كام يوم
في فيلا ندي
كان اسلام قاعد مع باباها في مكتبه
حسين : ازيك يا اسلام
اسلام : الحمد لله تمام
حسين : انا طلبت اقابلك عشان اول حاجة أشكرك علي وقفتك جنب ندي و تاني حاجة اعتذرلك عن اني كنت السبب في رفدك .. بسببك قدرت افوق لبنتي و اخد بالي منها
اسلام :ندي بتحبكم جدا هي بس كانت محتاجة لاهتمامكم بيها
حسين : وانا بدأت في الخطوة دي .. و كمان انا عرفت انك كنت مدرس فرنساوي شاطر و عشان حابب اعوضك عن شغلك اللي خسرته ايه رأيك تشتغل عندي في قسم الترجمة في شركتي
اسلام اندهش: معقولة !
حسين :اه طبعا عادي .. موافق ولا ؟
اسلام :و دي فيها موافق ولا لا اكيد طبعا موافق
_____________________________________
في السجن
كانت سمر لابسة بدلة الإعدام الحمراء و طلبت تقابل عمرو راحلها و معاه جوري
عمرو : سلمي علي ماما يا جوري
جوري سلمت عليها و سمر بتحضنها و تعيط
سمر : سامحيني يا حبيبتي ياريتني ما كنت قصرت معاكي و فضلت معاكي .. ولا عملت كل ده
عمرو : كنتي طلبتي تقابليني يا سمر
سمر : ااه .. كنت عايزة اقولك سامحني يا عمرو انا خلاص نهايتي الموت مع ان والله العظيم نفسي يعدموني من دلوقتي أصعب حاجة لما تكون مستني الموت و الوقت بيعدي بالبطيء مع انك عارف انك هتموت لكن دماغك و تفكيرك هيتشل انا مش عارفة ليه حصلي كل ده
عمرو : انا مش عايز اعاتبك بس محدش ظلمك يا سمر انتي اللي ظلمتي نفسك
سمر دموعها بتنزل منها :انا مش طالبة غير انك تخلي بالك من جوري .. و تسامحني ابوس ايديك سامحني انا خلاص هموت والله العظيم عارفة انك مستحيل تسامحني و مستحيل قلبك يصفي
عمرو : وانا مسامحك و عمري ما هكره جوري فيكي .. و بعدين مش مهم انا اسامحك المهم ربنا استغلي الوقت ده بإنك تصلي و تقري قرآن كتير يمكن ربنا يغفرلك .. هسامحك عشان انا مش زيك .. و عشان جبتيلي احلى بنت في الدنيا جوري .. و هسامحك عشان كنتي السبب في اني أتعرف علي نور ..
سمر : تفتكر هو ممكن يتقبل مني صلاة ؟
عمرو :ربنا رحمته واسعة يا سمر
جوري بتعيط : مامي انا بحبك .. انتي هتمشي
سمر :ياريت كانت قدامي الفرصة اني اثبتلك فيها بحبك قد ايه خلي بالك من نفسك عايزاكي تكونى احسن بنت في الدنيا عايزاكي متتعقديش من حياتك بسببي افتكريلي اي حاجة حلوة شوفتيها مني .. خدها يا عمرو انا بس كان نفسي اشوفها خدها عشان مش عايزة اشوف دموعها
عمرو:يلا يا جوري عشان نمشي
____________________________________
و تعدي الأيام و بيجي اول يوم رمضان
الله أكبر .. الله أكبر
اسلام : اول مرة عدي ميفطرش معانا في رمضان
نور : بيفطر عند خطيبته بقي
شاهيناز : اومال عمرو لسة مجاش
نور : مش عارفة بكلمه مبيردش
جوري : هو اتأخر كدا ليه
حسان :بقولكم ايه اشربوا ماية و اكسروا صيامكم و قوموا صلوا لحد ما يجي
اسلام بيشرب ماية و بياخد محشي ورق عنب ياكله :ربنا يستر بس و منصليش التراويح بالمرة
نور :بتقول حاجة يا اسلام
اسلام :لا ابدا
نور ضربته علي ايديه :بابا قال اشربوا مش كلوا
حسان : يلا قوموا صلوا علي ما عمرو يجي
_____________________________________
و عدي كان بيفطر في بيت فاطمة
مامتها : ادي خطيبك فراخ يا فاطمة
فاطمة :حاضر يا ماما
أخوها ( حازم ) : هي فاطمة اصلا لما بتاكل مبتعرفش حد
فاطمة بسخرية : هاهاها ظريف اوي
عدي : ربنا يخليكي يا طنط انا مش هقدر اكل ده كلو
مامتها : بالهنا و الشفا انت دلوقتي مش غريب
_____________________________________
وصل عمرو في اللحظة دي و معاه فانوس كبير
عمرو : كل رمضان وانتي معايا يا حبيبتي
نور :الله ده حلو اوي
عمرو :عجبك ؟
نور :اوي بجد تحفة
اسلام : انت يابني يلا عشان ناكل
عمرو و نور قعدوا علي السفرة
اسلام :مستنيك ده كلو مرضتش اكل غير لما تيجي
عمرو :أصيل يا لوما بس امسح جنب شفايفك يا حبيبي عليها اكل
اسلام باحراج : اوبس علي الكسفة
شاهيناز : اتفضل يا عمرو دوق المكرونة بالبشاميل دي نور اللي عاملاها
جوري : بقي نور اللي عاملاها .. ده احنا في رمضان حرام الكدب
عمرو ضحك : تسلم ايدك يا طنط
نور : اتفضل يا حبيبي كل
_____________________________________
خلصوا الفطار
و بيتفرجوا علي برنامج رامز تحت الأرض
كان شغال اعلان
_احجز شقـتك في التجمع الخامس حالا
نور بصوت عالي :ماما والنبي ناوليني مليون جنيه من الـدرج
شاهيناز :ده هناولك بالشبشب حاضر
عمرو ضحك
نور مسكت الفون و فاتحة فيسبوك
نور :يعني كل رمضان تكتبي "عاوزه فانوس" وبرضو محدش بيعبرك، مش هتبطلي جو الشحاته اللي بيجري ف دمك دا !
اشتري فانوس لنفسك بـ15ج وارحمينا
اسلام : ما تبطلي انانية بقي يعني عشان جالك فانوس قدك هتتنكي علي الناس
نور : ملكش دعوة
_____________________________________
تاني يوم
اسلام :ادعيلي يا ماما ده اول يوم شغل ليا
شاهيناز :ربنا معاك يا حبيبي
اسلام: يلا انا نازل عشان ندي هتعدي عليا و نروح سوا
نزل اسلام و وقف تحت العمارة مستني ندي و ندي نزلت من التاكسي
ندي : ده ايه العسل ده يا بيبي
اسلام : ايه رأيك
ندي : قمر بجد بالبدلة دي
اسلام : عايز انام ولله
ندي : لالا مفيش حاجة اسمها كدا انت عايز بابا يرفدك من قبل ما تشتغل
اسلام : انا مش اخد علي اني اصحي بدري .. كنت اتعودت على النوم بقي .. ده لولا انك اتصلتي ب نور تصحيني كانت راحت عليا نومة
ندي :يا روحي معلش هتتعود .. المهم اسمع بقي .. واحدة تقولك عايزة اسألك علي حاجة عايزة منك حاجة واحدة تهزر معاك .. الكلام ده لو حصل هنزعل من بعض
اسلام : و لو هزرت هتعملي ايه ؟
ندي : متسألش هعمل ايه .. اسمع الكلام و خلاص
_____________________________________
كان رمضان قرب يخلص
و عمرو كان معزوم عند نور
اسلام : صايمة ولا فاطرة
نور :صايمة الحمدلله .... ماااما تحبي اساعدك في حاجة
شاهيناز : يا حبيبتي صاحية قبل المغرب ما يأدن ب 10 دقايق و تقوليلي عايزة حاجة .. روحي اضربي المدفع بس
نور : ربنا يخليكي يا ست الكل
شاهيناز بصوت عالي من المطبخ : نور تعالي دوقي الشوربه عاوزه ملح ولا لا
اسلام ضحك
عمرو : اومال ايه صايمة بقي شكلك بقي وحش اوي علي فكرة
نور : انتوا رخمين علي فكرة .. ماشي يا ماما هو ده السر اللي مأمناكي عليه
******************
بعد الفطار بيتفرجوا علي برنامج رامز تحت الارض
عدي : البت اللي بتصوت في رامز دي رخمة اوي صوتها مزعج
نور : اهي البت دي نفسي امسكها وانتف شعرها شعرة شعرة من صوتها المزعج دا
اسلام ضحك :اهم حاجة ان كل الرجالة بتقلع التيشرتات لما بتتخانق إلا محمود حميده قلع البنطلون
_____________________________________
تاني يوم
في المستشفى
عدي دخل المكتب اللي فيه فاطمة و معاه هدية
عدي :كل سنة وانتي طيبة
فاطمة : ايه ده؟
عدي :بمناسبة عيد ميلادك
فاطمة بسعادة : الله .. تصدق كنت ناسية انت الوحيد اللي افتكرتني
عدي: ليه معندكيش نتيجة
فاطمة ضحكت :يا رخم
عدي : و بعدين اليوم ده انا عمري في حياتي ما هنساه لأنه اتولدت فيه روح قلبي
فاطمة بكسوف : عدي احنا في مكان شغل اتلم
_____________________________________
نور و عمرو كانوا لسة داخلين الشقة و معاهم شنط و حاجات
عمرو : بمناسبة أننا لوحدنا و البيت شكله فاضي ما تجيبي بوسة بقي
نور خبطته علي كتفه : اتلم يا عمرو
عمرو : انتي هبلة كلها كام يوم و نتجوز
نور : لسة يا بيبي لما نتجوز
شاهيناز طلعت من المطبخ
شاهيناز : انتوا جيتو
عمرو :الحقيني يا طنط شاهي بنتك بتستغل أننا لوحدنا و بتقولي هات بوسة
شاهيناز:يا سلام وانت قولتلها ايه ؟
عمرو : قولتلها طبعا حرام اصبري كلها كام يوم و نتجوز و ساعتها هنبوس بعض براحتنا
نور :يا كدااب متصدقيهوش يا ماما
شاهيناز ضحكت :اتلم يا واد ..
عمرو : الصراحة انا اللي طلبت و هي رفضت
شاهيناز :طب ما انا عارفة
نور :ايه ده عرفتي ازاي
شاهيناز : واثقة فيكي طبعا
نور :قد ايه انتي ام عظيمة
شاهيناز : طب يلا ادخلي اغسلي المواعين و ساعديني في الاكل
نور :قد ايه انتي ام ظالمة
شاهيناز : يلا يا بت كفاية كسل
نور :خلاص هتجوز و حبيبي مش هيخليني اشيل معلقة
عمرو :لا ده عند مامتك ده يا حبيبتي .. معنديش الكلام ده
شاهيناز :أيوة كدا خليك حمش
نور : ماما ايه الأكياس دي
شاهيناز : عدي جاب كحك و بسكويت العيد
نور : يعني البيوت كلها تتملی بهجة والناس تفرح وهی بتعمل كحك العيد ، إلا إحنا نجيبه جاهز ياربی
شاهيناز : ادخلي اغسلي المواعين و بطلي لماضة
نور : بجد رمضان عدي بسرعة اهو باقي 6 ايام وينتهي الإسلام عند الناس.. وترجع حياة قريش لطبيعتها
_____________________________________
في الشارع
كانت ندي بتتمشي مع اسلام و بياكلوا شيبسي
ندي :عارف يا حبيبي بجد وانا معاك رغم أننا أوقات بنروح أماكن بسيطة لكن والله العظيم احلى من مليون مكان غالي
اسلام :بجد يا ندي
ندي : بجد طبعا
اسلام :انتي عارفة .. زمان من قبل ما أعرفك كان نفسي اتعين معيد في جامعتي و متعينتش بسبب العميد عين ولاد الدكاترة لكن عرفت بعد كدا ان ربنا كان له حكمة اني اشتغل مدرس عشان اشوفك و احبك
ندي : مش عارفة من غيرك كانت حياتي هتبقي عاملة ازاي .. انا بحبك اوي علي فكرة
_____________________________________
يوم فرح نور و عمرو
في فندق
في غرفة في الفندق ( شهيرة ) مامت ندي كانت بتحط الميكب لنور
شهيرة : زي القمر يا حبيبتي
نور : انا بجد مش مصدقة انك انتي اللي عملتيلي الميكب بتاعي
شهيرة : يا روحي متقوليش كدا اول ما ندي قالتلي فضيت ميعاد علي طول ليومك ... ها راضية عن نفسك
نور بصت لمامتها :ايه رأيك يا ماما
شاهيناز : و دي محتاجة كلام انتي زي القمر يا حبيبة ماما .. بجد تسلم ايدك يا مدام شهيرة
شهيرة : هي اللي زي القمر و مش محتاجة حاجة اصلا .. راضية عن نفسك ؟ ولا عايزة تغيري حاجة
نور :لا راضية عن نفسي
دخلت ميار صاحبتها هي و اسلام في اللحظة دي
ميار: مبروك یا نونا زى القمر ماشاء الله علیكى
نور : انا كنت اسمع عن احساس البنت لما تلبس
الفستان الابیض بس مكنتش اتخیل انه
میتوصفش كده وكمان البسه للشخص اللى بحبه
وھعیش عمرى معاه ... بجد مكنتش اتخیل
انه حلو كدا
اسلام بغمزلها و بيصفر:ده انا اللي مكنتش أتخيل انك تطلعي حلوة اوي كدا
نور : إسلام حبيبي .. اهو انت اللي حلو
اسلام : طب يلا عشان عمرو قالي لو خلصتي تنزلي
نور لاحظت ان اسلام متضايق :ماشي .. اسلام انت متضايق ليه؟
اسلام : مفيش يا حبيبتي بس مش مصدق اني هروح البيت مش هلاقيكي .. هتوحشيني اوي
عدي دخل في اللحظة دي
عدي : متقلقش يابني هتغضب كتير و هنشوفها
شاهيناز ضحكت :بس يا واد .. ربنا يسعدها يارب
عدي :بسم الله ماشاء الله يا نور .. ربنا يسعدكم يا حبيبتي
نور : بجد يا عدي حلوة ؟
عدي : جميلة جدا
نور :إسلام مالك يا حبيبي ..
اسلام : مفيش يا حبيبتي متشغليش بالك بيا انهاردة اسعد يوم في حياتك
نور : انت لو عيطت انا هعيط ولله وانت عارفني لما بعيط
اسلام حضنها جامد و غصب عنه دموعه نزلت : لا متعيطيش اوعي تعيطي .. عايزك تضحكي و بس
نور : انت كمان هتوحشني .. و كلكم هتوحشوني اوي
عدي :عمرو بيرنلي يلا عشان تنزلي
نور مسكت ايد اسلام
نور : إسلام هينزلي ..
نزلت نور علي زفة( دقوا المزاهر ) و هي في ايد اسلام و سلمها لعمرو و دخلوا القاعة .. قعدوا في الكوشة
عمرو : ایه الجمال دا كله فهميني
نور بكسوف: ميرسي
عمرو: دا انا ربنا بیحبنى انه خلى بعد كل اللي شوفته وحش ..كل الجمال دا
نور : یا بكاش اى عروسة یوم فرحها بتبقى
حلوه
عمرو: یا حبیببتى انا بتكلم ع جمالك الداخلى
اللى ربنا ظھره علیكى مع جمالك الطبیعى بجد
انت كنز من السما لیا
نور : بس ياريت تفضل علي طول كده ومتتغيرش بعد الجواز و كل الكلام الحلو ده يخلص
عمرو مسك ايديها و باسها : اوعدك انى هحبك طول العمر
و لآخر لحظة فيا
اسلام كان واقف قريب منهم
اسلام :ايه يا عم الرومانسي انت خف شوية
ندي : أتعلم منه
اسلام : بت هو انا مش قولتلك بحبك انهاردة
ندي : امتي ده مش فاكرة
اسلام : متستهبليش قولتها ولله .. طب بحبك
ندي ضحكت : بصراحة كنت بستعبط عشان تقولها تاني
عمرو :طب روحوا بعيد عننا بقي عشان عايز اقول كلام ل مراتى حبیبة قلبى
نور بغضب : لالا متقوليش مراتي دي
اسلام و عمرو اندهشوا
عمرو :ليه يا حبيبتي مالها
نور :انت كدا بتكبرني وانا لسة صغيرة
اسلام ضحك : قابل يا معلم بقي .. يلا يا ندي علي الترابيزة اللي هناك دي
مشيت ندي و اسلام
نور :انا بحبك اوي يا عمرو ربنا يخليك ليا يا حبيبي
عمرو : ویخلیكى لیا یا احلى مراتي لالا سوري يا احلي نور فى العالم شافتها عنیا و اللي هعيش معاها عمري اللي جاي
نور: بحبك
عمرو : بعشقك
شاهيناز قربت منهم و سلمت عليهم
شاهيناز :كبرتي يا نور و بقيتي عروسة .. ربنا يسعدك يا حبيبتي معاه يارب
نور : مالك يا ماما انتي مش فرحانة
شاهيناز : بالعكس يا حبيبتي ده انا فرحانة اوي و مبسوطة وانا شايفاكي احلي عروسة في الدنيا
نور : ربنا يخليكي ليا
شاهيناز : تعالي في حضني عشان دي اول مرة هتسيبني بس هتسيبني وانا فرحانة
نور حضنتها
رقصوا علي اغنية سلو ( عارفة )
عارفة من يوم ما قبلتك انتى
و احتل هواكى مدينتى
وبقيتى فى لحظة اميرتى
ايوة اميرتى اميرتى
عارفة انا نفسى تكونى حلالى
وحبيبتى وام عيالى
ونعيش العمر انا وانتى بس
انا وانتى انا وانتى انا وانتى
عارفة
انا هفضل طول العمر معاكى
مهما الايام طالت ويا كى
هو انا مجنون عشان انساكى
اة يااول فرحة تمسح
دمعة عينى استغرب لية طولتى عليا
لا متجاوبيش استنى شوية شوية
اصل انا بردان دفيلى ايديا
وخدينى فى حضنك وبوسينى على جبينى
خلص الفرح وسط سعادة نور و عمرو و صحابهم و روحوا البيت
_____________________________________
بعد ما روحوا الفيلا
غيرت نور الفستان و لبست فستان احمر قصير و فردت شعرها
دخل عمرو الأوضة و حضنها من ضهرها و هي قاعدة قدام التسريحة
نور اتوترت : حبيبي .. كان شكلي حلو انهاردة
عمرو :كنتي قمر يا روحي
نور : بكاش انت
عمرو ضحك : تعرفي ان انهاردة كان فرحنا و دلوقتي ليلة دخلتنا
نور : ها .. ااه اه عارفة
عمرو قرب منها و لسة هيبوسها نور بعدت عنه
نور : انت فاكر ان انا خايفة يعني اني مش عايزاك تبوسني
عمرو ضحك اوي : اصل كان فيه واحدة بتقولي قبل الجواز لما نتجوز ههريك بوس و دلوقتي مكسوفة ابوسها
نور : انا مش مكسوفة .. طب بص انا موافقة بس في خدي
عمرو :في خدك؟
نور :ااه
عمرو قرب منهم : ماشي
باسها من خدها و مرة واحدة قرب من شفايفها و باسها بوسة طويلة كانت بتحاول تقاومه و تبعد عنه و بتضربه بايديه شد ايديها حواليه و حضنها و استسلمت للبوسة الطويلة شالها و قعدها علي السرير و هي نامت علي صدره و هو حاضنها
نور : عمرو
عمرو : ايه
نور : بحبك
عمرو : وانا بموت فيكي
نور : بس انا بعشقك
عمرو : انا بقيت واصل لمرحلة أكبر من العشق
نور : ايه هي
عمرو و هو بيبوسها من شفايفها و هي مندمجة معاه :بقيت حاسس اني بتنفسك ..
شدها اكتر لحضنه
عمرو : بقيت حاسس ان انتي انا وانا انتي
_____________________________________
ناموا و قضوا احلى ليلة في حياتهم
و تاني يوم صحيت نور و كان عمرو صاحي لكن ثابت في مكان و هي نايمة في حضنه و هو بيتأملها و بيلمس شعرها بايديه بحنية عشان هي متصحاش
نور : عمرو .. انت صاحي
عمرو بيبوسها من خدها : ااه
نور : مقومتش ليه
عمرو :مش عايز اصحيكي و بعدين انا مرتاح وانتي في حضني
نور : هتجيب جوري من عند ماما
عمرو :لا جوري هتقعد عندها أسبوعين عايزين نقضي ايام حلوة بقي لوحدنا
***********************
مرت سنتين علي جوازهم و عاشوا حياة سعيدة مع بعض و معاهم حمزة عنده سنة
___________________________________
يوم عيد ميلاد حمزة
كان ملاحظ انهم واقفين متضايقين
عمرو :مالك انت و هي قالبين وشكوا كدا ليه؟
ندي : مفيش متخانقين
اسلام :قولتلك متلبسيش الطقم ده عشان ضيق وانتي صممتي
ندي : مانا ملحقتش اغيره خلاص بقي
اسلام : خلاص بقي انا رايح لنور
ندي بحزن : ماشي يا اسلام
عمرو : انتي عارفة انه مبيحبش العند
ندي : غصب عني مكنش قصدي اضايقه ولله
عمرو وقف مع اسلام دقائق و اسلام رجع لندي و شدها من ايديها و خرجوا
ندي : ممكن افهم انت اخدني علي فين ...
تجاهل كلامها و طلع برة في الحديقة
اسلام : تعرفي تهدي شوية
ندي :فهمني رايحين فين
اسلام : قولت يعني نطلع برة عشان نعرف نتكلم براحتنا بعيد عن الدوشة .. بس ايه الطقم الحلو ده
ندي : مش ده اللي كان مش عاجبك
اسلام : لا حلو بس ميتلبسش تاني
ندي : لا حلو
اسلام : ندي انتي هتفضلي طفلة كدا لحد امتي اكبري بقي و شيلي مسؤلية شوية
ندي : هو انت مينفعش تفضل حلو كدا علي طول لازم شوية نكد ... طب خلاص متزعلش مش هلبسه تاني و هسمع كلامك
اسلام : آخر مرة يا ندي
ندي : أخر مرة .. بحبك
اسلام بتنهيدة و حضنها :وانا بحبك ياللي تعباني معاكي
ندي ضحكت :وانا بموت فيك ولله
اسلام : يا بت اكبري بقي حتي ضحكتك ضحكة طفلة
_____________________________________
فاطمة : يلا ساعدني بقي في الفستان ده مش عارفة اقفل السوستة
عدي: حاضر يا حبيبتي ...
بيشيل شعرها و حطه علي جنب و ضهرها نصه باين .. حط راسه علي كتفها و هو بيبوسها من خدودها
عدي : بحبك
فاطمة : لسة كتير ؟
عدي : هو عيد الميلاد ده مهمة اوي كدا يعني ؟
فاطمة : أيوة طبعا مهم
عدي :ما تيجي ننفض و منروحش .. اصلك وحشاني اوي
فاطمة : اتلم
عدي : وانا عملت ايه ؟
فاطمة: معملتش بس بتفكر تعمل
عدي : بفكر اعمل ايه بقي
فاطمة لفت وشها ناحيته و خبطته علي كتفه:بطل قلة أدب بقي هنتأخر علي صاحبك
عدي : اعمل ايه بس ما انتي اللي كل يوم بتحلوي قدامي
_____________________________________
في المساء
نور : ولله انت بتستهبل يا عمرو ... انت بتقعد مع جوري اكتر مني
عمرو : ولله هي اللي قالتلي نام في اوضتي
نور بنرفزة: 3 ايام عندها ماليش دعوة خليك معايا .. ايه خلاص اتركنت علي الرف صح
عمرو :مين دي اللي تتركن علي الرف ده انتي روح قلبي برضو
لمست بايديها دقنه : طب خليها تسيبك ليا شوية ..
عمرو حط ايديه علي وسطها و شدها لحضنه : اللي تؤمر بيه نوري
نور :ايدك
عمرو : مالها
نور :رجعها مكانها
عمرو : ااه سوري
شالها علي ايديه و نيمها علي السرير
نور : ايه االلي انت عملته ده
عمرو :قي ايه مالك
نور : بطل قلة أدب بقي
عمرو : وانا اللي كنت فاكرة اني وحشتك زي ما انت وحشتني
نور :لا انا عايزة اخرج
عمرو : انسي مش هسيبك
نور : عمور نفسي اركب مركب ...
عمرو قاطعها: انتي فقر اسكتي مش فاكرة يوم الموتوسيكل
نور بغضب :انا فقر
عمرو بيبوسها: لا انتي حياتي و عمري
الباب اتفتح في اللحظة دي و عمرو قام من حضنها
عمرو : مش الباب معمول عشان الاستئذان
جوري : حمزة بيعيط يا بابي ..
عمرو: وقت حمزة دلوقتي
نور :هاتيه يا جوجو ... حبيب مامي تعالي
عمرو: مش بقولك انتي فقر
نور ضحكت و طلعت لسانها : احسن عشان تبطل قلة أدب
___________________________________
و في يوم كان عمرو و نور في حمام السباحة بيعوموا و جوري و حمزة ابنهم الصغير عنده سنة بيلعبوا مع بعض
و اسلام و ندي قاعدين علي الشازلونج
و جنبهم عدي و فاطمة
عدي : يابني انتوا مش بردانين ؟
عمرو :لا طبعا ده الماية حلوة دلوقتي
اسلام :حلوة ايه يابني ده انا سقعان
ندي : يارب تتجمد يا عمرو
نور :بعد الشر عليه
فاطمة ضحكت : طب يارب تتجمدوا انتوا الاتنين بقي
عمرو :هتتجوزوا امتي يابني
اسلام : بعد سنتين كدا
ندي : احنا ما صدقنا بابا يوافق اصلا اتخطب دلوقتي
اسلام : علي رأيك
نور : ما تيجو ناخد سيلفي كلنا
عدي بص لفاطمة:يلا .. يا كعبورتي
فاطمة بغضب: بتتريق عليا وانا حامل
عدي : ولله ما بتريق ده انتي قمر وانتي حامل
كلهم اتجمعوا و عمرو و نور قعدوا علي حرف البيسين
و اسلام مسك الموبايل
اسلام : يلا 3 .. 2
جوري و حمزة جريوا عليهم
جوري : واحنا كمان
نور : يلا تعالوا
اسلام :يلا 3..2..1 Smile
عمرو حضن حمزة و جوري : حبایب بابي
انتوا
نور بضيق : ومامتهم مالهاش نصیب
عمرو حضن نور :لا طبعا دي مامتهم الخیر والبركة هي الأصل برضو .. ربنا یخلیكى لیا یا حبیبتى
نور : ویخلیك لیا یا حبیبى
النهاية
تمت بحمدلله
_____________________________________
*ملحوظة * جزء من القصة حقيقي حدث بالفعل منهم قصة عدي و فاطمة فيه جزء منه حقيقي و كمان اسلام و ندي جزء من حكايتهم حقيقية و فيه بعض المشاهد حقيقية حدثت بالفعل
*الغرض من القصة :
1_حياتنا مليانه مشاكل وهموم كتيره اوعي تسمح ليها
تسيطر علي حياتنا لازم نواجهها ومنستسلمش حتى لو تعبنا نرجع نحارب تاني
2_ الحب مرتبط بالخوف لكن لو العلاقة صح
ومتماسكين ببعض مهما كانت الظروف هيقدروا هيكملوا
3_ البنت لما بتحب و ترتبط بإنسان بتخاف بتكون دايما محتاجة اللي يطمنها و يحسسها بالأمان وانه مش هيسبها ودا مش
من خلال الكلام ده من الأفعال لان البنت لما بتحب بتحب بكل مشاعرها ولما بتتصدم بيبقى الوجع قاسى عليها
4_ لكل حاجه ليها وقت فى حياتنا وليها ميعاد تحصل
فمهما طالت المده متيأسش
5 _فكري الف مرة قبل ما تكلمي متعمليش زي ندي
6_مش غلط تفشل في تجربة حب الصح أننا منكررش اختيارنا الغلط مرة تانية و نختار صح
7 _في رجالة بتحب بجد و بتتعلق بالبنت و بتوفي بوعدها ياريت البنت متستغلش انه بيحبها و تتسلي بالمشاعر لان جرحها بيوجع و ممكن يدمر نفسية الإنسان
8 _ كل أزمة ربنا بيحطنا فيها بيبقي وراها درس لازم نتعلمه
9 _ربنا كريم اوي و عوضه احسن بكتير من حاجات كنا فاكرينها مش هتتعوض .. ربنا بيجبر القلوب
10 _ لما تكونوا جاهزين نفسيا و قادرين ماديا و معنويا ارتبطوا و خدوا خطوة بلاش استعجال
11_ المشورة في بعض الأمور و المشاكل بتساعدك توصل للقرار الصح ، و اسمع نصائح اللي حواليك و ده مش معناه ان انت صح و هما غلط لا اسمع نصائحهم ممكن رأيهم يوصلوك لحاجة كانت صح انت مش شايفها
12_ خد وقتك في قرارك لانك انت اللي هتشيل نتيجته لوحدك
13 _ الأخ .. سند وضهر للبنت
14_ الأب و الام اللي بيكون تفكيرهم الفلوس و الشغل و يهملوا أولادهم ميعتبوش علي بنتهم لما تروح لواحد حسسها ب اهتمام هى
محرومه منه
15_ السعاده فى ابسط الاشياء مش بالفلوس الكتير ولا الأماكن الغالية ممكن قعده في كافيه بسيط أو حتي في الشارع مع انسان
بترتاحله وبتحبه هتحس بسعاده و كأنك في عالم تاني اكتر من اللي قاعد فى مطعم كبير و غالي ... يعني مش بالمكان تحدد انبساطك
16 _الحياة مش سهلة و مطباتها أكبر اختبارتها .. كل ما تقع قاوح معاها و قوم تاني لان الحياة كدا كدا هتعيشها
17_ الفرق في المستوى المادي او الفقر مش عيب .. لكن عدم التكافؤ بالمستوى الاجتماعي بيعمل مشاكل كتير بعد الجواز لأنك مش بتناسب فرد انت بتناسب عيلة كاملة
18_ اللي بيفكر في الانتحار .. هتعيش حياة ابدية في عذاب لو انتحرت .. يعني لا دنيا ولا اخرة كمان ؛ ده احنا بنتحمل قرف الدنيا عشان نوصل للاخرة و ربنا يعوضنا عن الدنيا
19 _متقارنش حياتك بحياة غيرك لان غيرك هو كمان بيتمني حياتك
20_ الأزمات في حياتنا بتعرفنا مين الشخص المخلص و مين المجامل ..مين اللي بيحبنا بجد و مين اللي بيبيع
21_الإصرار و العزيمة انك توصل لهدفك..مهما قابلت عقوبات مفيش مستحيل لان دايما فيه حلول كتير الاهم انك اوعي تستسلم
22_ متحكمش علي حد غير لما تعامله و تعرفه او تديله فرصة تعرفه
23_اللي بیحب بجد مبیفكرش غیر في سعادة الطرف اللي معاه مش بیحسب مع بعض لامتى وھنفضل مع بعض ولا لا لانه قرر یفضل معاه ویعمل المستحیل علشان یفضل معاه من غیر استسلام
24 _ فشلك في علاقة حب اى كان الأسباب مش نهاية الدنيا .. هتتأثر وهتتوجع وهتتألم .. دا لانك كنت صادق خد فترتها
وفوق لنفسك و متستسلمش لوجعك دا ..
25_ مينفعش نهزر بكلام ربنا و الدين يبقي هزار.. اتحسبوا هينا و هو عند الله عظيم
26_ معظمنا في حياتنا او ممكن حد فينا جواه " نور " البنت الجدعة اللي بتقف جنب اي حد اللي باسلوبها بتقدر تهون عليك وجعك أو زعلك يمكن فيها عيوب لان محدش فينا كامل ...
و اخيرا عايزة اقول
🌸" قبل ما تبدأ سطر الجديد أتأكد 100 % إنك قريت السطور اللي قبله كويس جدا و اتعلمت منهم الأخطاء و شطبت عليه عشان تبدأ سطرك الجديد بنظافة "
تمت 💚
التعليقات على الموضوع