ليله مرعبه

ليله مرعبه

انا علياء عندى ٤٥ سنه مديره بنك كبير متجوزه وعندى ثلاث بنات وزوجى اسمه عبد الله  كمان مدير بنك تانى انا اتجوزت صغيره اوى يمكن ١٧ سنه كنت لسه  ف سنه ثالثه كليه التجاره . 

جوزى يبقى ابن خالى وكان مستواه الاجتماعى اقل من اهلى بس علشان احنا عيله واحده والدى الله يرحمه معملش فرق وقصاد الحاجه اللى كان عبد الله بيجبها والدى كان بيجيب عشر حجات المهم اتجوزنا ووواجهنا مصاعب الحياه سوا وزوجى كان عنده مشكله ف الانجاب استمرت حوالى ١٠ سنين واتحملت معاه كل ده وربنا كرمنا بالبنات الحلوين والحمدلله .
حياتى كانت مستقره حدا لحد مدخلت حياتنا زميله عمل مطلقه ومعاها ولدين وقربت منى ومن زوجى وانا اعتبرتها اكتر من اخت لحد مخطفت جوزى منى واما واجهتو قالى اه هتجوزها نفسى ف ولد يشيل اسمى وياخد شقايا من بعدى ايييييييه حرام ؟؟؟؟؟
حاولت اتكلم كتير وادخل اهلى بس للاسف مفيش اى محاولات او ضغط نفع معاه هو مصمم على موقفه وفعلا اتجوز وخلف الولد اللى كان نفسه فيه اى ست بتقرا حكايتى هتفهم احساسي وقهرتى خصوصا انه بقى بيسمع كلام مراته ومنع عننا المصاريف بحجه ان اهلى مبسوطين ومعاهم فلوس ومش محتاجه فلوس للبنات وسكت علشان مش هجررجر ابو ولادى ف المحكمه وكنت بصرف من مرتبي بس ومساعدات اهلى ربنا يحفظهم . ابوهم كلن بياخدهم لمراته علشان يعرفو اخوهم مكنتش بعترض والله بس كان بيصعب عليا اوى كسره قلبهم اما بيرجعو يتملمو عن بيت ابوهم قد ايه فخم ومليان لعب واكل وحلويات وكنت بكتمرف قلبي واسكت .
كل ده مش مشكله بس مشكلتى الحقيقيه هى ان بشوف لكل بنت من بناتى تؤام يعنى انا معايا ثلاث بنات انا بشوف ف البيت ست بنات الكبيره اسمها ليلى ومنه ومى انا مش مجنونه والله مش مجنونه بدات مشكلتى ان انيم البنات ف اوضتهم واقفل الباب واخرج القيهم قاعدين ف الصاله قدام الكرتون فركت ف عينى المنظر قدامى مين بناتى ف دول انا مش عارفه؟؟؟؟
قولت ايه ده ايه اللى ده لاقيت البنات بيضحكو عليا والضحك كان مرعب اوى فتحت عينى وغمضتها اختفو فتحت الباب لاقيت البنات ف سرايرهم .
قلت يمكن اعصابي تعبت مهو انا مشفتش قليل بردو .
وصلتنى خطابات من المدرسه ان اولادى مش بيروحو المدرسه بقالهم فتره استغربت واتعصبت جدا ازاى يعنى وانا كل يوم بوصلهم بنفسي لحد المدرسه وارجع اجبهم طبعا شكيت ان البنات بيخرجو بعد مبمشى بس مش ممكن ده بناتى متربين اوى مش ممكن يعملو كده ؟؟؟
وطبعا سالتهم انكرو ده انا صدقتهم اكيد فى غلط ولا حاجه من المدرسه.
الاكل اللى بطبخو ليا وللبنات مش بينقص بالرغم انى والله العظيم باكل البنات بنفسي وارجع المطبخ ادخل الاطباق بلاقى الاكل زى مهو كده فى حاجه غلط .
انا بقالى تقريبا اسبوع مش عارفه انام ولا اعمل حاجه حتى شغلى اخدت اجازه مش عارفه خالص اركز مثلا بنتى ليلى جت اول امبارح طلبت منى اعملها كوبايه عصير موز قولت حاضر قمت عملتها وجيت ادتهالها قالتلى انها مطلبتش منى حاجه اصلا وانها كانت ف سابع نومه ؟؟؟؟؟؟
بسمع ضحكهم صوت لعبهم بالرغم انهم بيكونو ف المدرسه انا بكون صاحيه والله مش نايمه شفتهم بيلعبو وبيجرو ورا بعض وانا جريت وراهم بس اختفو من قدامى كلمت المدرسه محدش رد طب مين البنات اللى انا بشوفهم دول لازم اعرف ؟؟؟؟؟
كلمت جوزى يجى يتصرف رد ببرود وقالى ربنا معاكى ؟؟؟
يعنى ايه ربنا معاكى دى ؟؟؟؟
رحت لدكتور نفسي وسبت البنات ف البيت لوحدهم مش عاوزاهم يخافو وقالى مفيش حاجه وخدت مهدى وبردو بشوف نفس البنات تانى لحد مفمره كنت هتجنن لما لاقيت بناتى بيلعبو مع البنات التانين دول فضلت اصرخ لخد موقعت من طولى صحيت وبناتى حواليا طمنتهم انى بخير انا يس اعصابي تعبت شويه وف مره
كنت نمت بعد يوم طويل من شغل البيت وطلبات البنات ويومها صممت انام مع البنات وصحيت على صوت صريخ لينتى الصغيره منه قمت مفزوعه بس لاقيت منه نايمه ومنه تانى واقفه جنب السرير تصرخ قمت بسرعه مسكتها من ايدها وفضلت اصرخ فيها انتى مين ؟؟؟
وهى بتصرخ ف وشي بس وجسمها كان بارررررررررد مديت ايدى على بنتى كانت بارده جدا هى كمان ، لاقيت بناتى كلهم نايمين جنبي مش بيتحركو وفى ثلاث بنات تانى قدامهم واقفين بيصرخو ويندهو عليا مين فيهم ولادى فضلت اصرخ اصرخ لحد مفتحت عينى ف المستشفى واهلى  جنبي وكلهم بيقولو ليا كلام غريب اجمدى ، ربنا يصبرك ؟؟؟
اجمد على ايه وربنا يصبرنى على ايه ؟؟؟
عملت نفسي مصدقاهم ورجعت بيتى وصممت ابقى لوحدى بس الغريب ان البنات مش ف البيت انا دورت كويس مش لاقيتهم كلهم اتصلت بجوزى اساله عليهم فضل يبكى ويقولى ادعيلهم وربنا يصبرنا قفلت ف وشه السكه وانا مش فهمه كل حد يشفنى يقولى ربنا يصبرك على ايه مش فهمه .
بس خلاص الحمد لله البنات اهم ياااااه كان كابوس ده ولا ايه ؟؟
البنات عملو دايره حواليا وكانو لابسين فساتين العيد بتاعتهم وفضلو يغنو ويلعبو وخدونى من ايدى لاوضه الالعاب بتاعتهم وبعدين لاقيت نفسي ف بيت جوزى التانى وكانو بناتى معزومين هناك على عيد ميلاد اخوهم ومشيت زى مكون طايره كده وشفت مرات ابوهم وهى بتحط سم ع العصير ثلاث كوبايات وعلمتهم بلون مختلف عن باقى اكواب الاطفال وادتهم لبناتى يشربو فضلت اصرخ وابعد الكوبايات عن البنات بس كنت مجرد خيال ؟؟؟؟؟
افتكرت خلاص يومها بناتى رجعو تعبانين وتوفو بالتسمم خلال ثلاث ايام ومحدش جاله تفكير ان مرات ابوهم السبب التحقيقات قالت تلوث ف الاكل ويمكن كلو حاجه بره البيت وانا كل ده لانى مش مصدقه انها تموتهم علشان يبقى جوزى لوحده ليها  ؟؟؟
انهارت ودخلت المستشفى وفضلت فاقده النطق فتره لحد موقفت على رجلى و
بلغت البوليس وخدت حق بناتى ولسه البنات عايشين معايا انا عارفه انهم اشباح بس انا عمرى مهتخلص منهم ابدا