رواية احببت طباخة 💠الحلقه الثامنه💠

الحلقة 8 (أحببت طباخة )
وقفنا عند
تاني يوم الصبح
صحيت شهد و صلت و لبست و فطرت كالعادة و ركبت تاكسي عشان توصل شغلها قابلت حمزة (مدير المطعم  )
شهد:صباح الخير يا استاذ حمزة
حمزة :صباح النور يا شهد
انا متاسف جدا بس حصل حاجة
شهد بقلق :خير يا استاذ حمزة قلقتني
حمزة :بصراحة الشيف طارق حصلتله ظروف مراته تعبانة جدا و قربت تولد و هو لازم يكون جمبها الفترة دي لان محدش معاها
شهد :مش فاهمة يعني هو مش هيجي الأيام دي ولا ايه
حمزة :هو اتصل بيا امبارح وانا مقدر الظروف و قالي ان شهد بتعرف تعمل الاكلات اللي في المنيو لو هتقدري يا شهد تمسكي مكانه ياريت
شهد بسعادة :اه طبعا اقدر
حمزة :تمام يبقا انتي هتكوني الشيف المؤقت الشهر ده لحد ما طارق يجي
شهد بملامح حزن :اه طيب ماشي بعد اذن حضرتك اعمل الطلبات اللي في المنيو
حمزة :اتفضلي
دخلت شهد المطبخ وكلمت نفسها:يعني انا فرحانة ليه ده انا شيف (طباخة )مؤقت مش علي طول
بس لا مش مهم اي حاجة يعني اهو احسن من مفيش برضو
____________
اما ريماس كانت قاعدة مع دادة فاطمة لان زياد راح الشركة و مامتها راحت شرم عشان حفلة هناك و باباها راح القاهرة عشان شغل هناك
ريماس :عارفة يا دادة من غيرك مكنتش عارفة هحب البيت ده ازاي
دادة فاطمة :ليه يا ريمو ده كلنا بنحبك
ريماس:لكن محدش موجود معايا يا دادة
كلو مشغول
دادة فاطمة :معلش يا حبيبتي عشان زياد و شاهر بيه و شغله اخد وقتهم و رباب هانم
ريماس :رباب هانم معندهاش حاجة مهمة تعملها كل حاجة في حياتها تافهة حتي شغلها تافه
فاطمة :متزعليش يا حبيبتي هي ولله كدا لكن مامتك دي طيبة جدا صدقيني
_________
في شرم الشيخ
كانت رباب (مامت زياد ) و نوال(مامت ميار ) و ماهي صديقتهم التالتة وصلو الي الفندق و طلعو اوضتهم يرتاحو و اتقابلو علي الشاطىء
كانت رباب و نوال قاعدين و كانت ماهي لسة منزلتش
نوال و هي بتشرب عصير :ايه يا رباب اومال زياد هيفضل معلق بنتي كدا
رباب:مين اللي قال كدا يا ناني طب ده زياد بنفسه هو قالي افاتحك في الموضوع ده
نوال بفرحة :بجد طب الخطوبة امتي بقا
رباب حست أنها اتحطت في أمر واقع من غير ما زياد يعرف :ها ... الخميس الجاي
نوال :بجد يعني كلها 7 أيام خلاص
بعدها ماهي جات عليهم و اتكلمو
_______

اما احمد صاحب زياد
احمد دخل مكتب رامي :بقولك ايه يا رامي انا جعان ما تيجي نطلب اكل
رامي وهو ماسك ملف ف ايده:انت اتعديت من مازن ولا ايه و بعدين انا مش جعان عايز تطلب اطلب انت كفاية سمعت كلامك قبل كدا انا و زياد و كنا هنروح المستشفي بسبب المطعم اللي يقرف اللي خليتنا نروحلها
احمد بيضحك :يا عم ما انا روحت معاكو و اكلت زيكو و بعدين ده موضوع عدي عليه شهر قلبك ابيض بقا
رامي:انسي ايه بس ده كان يوم اسود و قال ايه ده انا هاكلكو اكل هتاكلو صوابعكو وراها و خليت معدتنا قلبت و قعدنا يومين مناكلش بسبب غباءك
احمد :خلاص يا روميو بقا انا جعان انسي المطعم ده
رامي :مش عايز روح انت
احمد :طيب انا هستاذن بابا و اروح اي مطعم قريب من هنا بس لو الاكل حلو و قولتلي عايز اكل مش هطلبلك ولا هاكلك معايا انت حر
سلام
خرج أحمد
رامي :ابو شكلك عيل رخم
بس انا جعان اوي خد يلا يا احمد
____________
احمد كان برة الشركة و ركب عربيته عشان يشوف اي مطعم قريب من الشركة
و شاف مطعم Hello اللي بتشتغل فيه شهد
ركن العربية و نزل و دخل المطعم
ايجا الويتر :حضرتك تطلب ايه يا فندم
احمد :المنيو من فضلك
الويتر قدمله المينيو:اتفضل يا فندم
احمد :امممم عايز فرخة مشوية و نجرسكو و سلطة و .......
الويتر:تمام يا فندم تؤمر بحاجة تاني
احمد :لا شكرا
الويتر :تمام
_______
تعالو نشوف إبراهيم بقالنا فترة متكلمناش عنه خالص
إبراهيم كان في البنك و فاتن زميلته جاتله المكتب
فاتن :زميلة إبراهيم في البنك بتشتغل محاسبة و عندها 25 سنة و كانت زميلته في الجامعة خريجة تجارة انجلش
شعرها بني فاتح و عينيها عسلي فاتح و عندها غمازات
فاتن :ايه يا هيما مستر كرم بيقولك خلصت الكشف بتاع الحسابات
إبراهيم :قوليلو ربع ساعة بالظبط و هقدمهوله
فاتن ابتسمت :ماشي يا هيما بعد ازنك هروح أقوله
و خرجت فاتن
إبراهيم ابتسم و قرر يفاتحها في الموضوع
(هنعرفه بعدين )
__________
اما عند شهد كانت خلصت طلبات الزبائن و احمد كان بياكل و عجبه الاكل جدا و اخد  و رامي معاه
احمد :لو سمحت عايز زي اللي انا طلبته ده تاني بس ديلفيري مش هنا
الويتر :تحت امرك يا فندم
حمزة مدير المطعم :بيكلم الكاشير وليد
حمزة :وليد مش ملاحظ حاجة
وليد :اه ملاحظ ان كل الزبائن اخدت طلبات ديلفيري و دي عمرها ما حصلت
حمزة :تفتكر اكل شهد عجبهم اوي كدا
وليد :اكيد طبعا شهد دي وشها حلو علي المطعم جدا
حمزة :عموما لسة شهر اما نشوف شغلها كويس ولا ايه
يلا شوف شغلك انت
_____________
احمد وصل الشركة و راح مكتب رامي
رامي :انت كلت
احمد :الاكل يجنن يا بني يجنن
رامي :الريحة باينة انه الاكل حلو انت طلبتلي صح
احمد بخبث:انت عبيط انت مش قولت مش عايز اكل منك و مش عايز اروح المستشفي
فتح احمد الوجبات و بدأت ياكل
رامي قام من مكتبه و قعد قدامه :حمادة
احمد :نعم
رامي :أحمد انا جعان و الأكل شكله حلو
احمد :امممم عايز ايه يعني مش كنت من ساعة وحش
رامي :حبيبي يا احمد عيب عليك
احمد بصله :بهزر معاك يا عم انا جايبلك ده ليك انت بس مفيش مانع اكل معاك عشان جعان جداااا
بدأ رامي ياكل
رامي :يا احمد م انت كلت هناك سيبني اكل انا بقا الاكل روعة منين المطعم ده
احمد :ده مطعم جمب الشركة قريب من  هنا
لكن تقريبا غيره الشيف عشان الاكل مكنش بالطعامة دي انا خلاص هخليه المطعم المفضل ليا و هجيب الواد مازن و زياد و نتغدا هناك بكرة
رامي :بالذات مازن ده مش هيمشي من هناك اصلا
احمد بيضحك : اه فعلا
___________
اما كريم و ملك كانو في المدرسة في الفسحة
ملك :يا كريم تعالى نلعب مع جني و شادي و سيف
كريم :انا مبحبش سيف ده و مش عايز العب معاه
ملك :ملكش دعوة بيه يا كريم احنا هنلعب مع صحابنا شادي و جني
كريم :يوووه بقا يا ملك خلاص مش هنلعب معاهم
ملك :انت بتزعق ليه يا كريم
في اللحظة دي الجرس رن وقت الفسحة خلص
كريم :يلا ندخل الفصل بقا
ملك :ماشي
__________
اما مازن كان مع رانيا في الشغل و كانو بيلمو كل حاجة عشان الحلقة خلصت
مازن :منورة يا روكا  كنت متسوح من غيرك ولله
رانيا بتضحك :عشان تعرف بس ان كل حاجة من غيري مش متظبطة
مازن :طب بس بس متاخديش مقلب في نفسك اوي كدا ده انا بجاملك
رانيا :ولله بقا كدا
مازن :صحيح خالد عامل ايه
رانيا :الحمدلله بقا كويس ماما هتاخدله اجازة أسبوع عشان الدكتور قال عايز راحة
مازن :ربنا يقومه بالسلامة يارب
في اللحظة دي ناصر (ابن صاحب القناة ايجا )
ناصر :ازيك يا مازن
مازن :اهلا ازيك يا ناصر عامل ايه
ناصر :مين دي اول مرة اشوفها معانا هنا
مازن :اه دي رانيا بس كانت في إجازة يوم م انت جيت قابلتني
و ده يا رانيا ناصر ابن رئيس القناة
رانيا :اه حضرتك أستاذ ناصر
اهلا بيك نورت القناة
ناصر ابتسم :اهلا بيكي يا رانيا
مازن :و باباك عامل ايه صحيح
وحشنا ولله
ناصر :هو كويس الحمدلله
________________
شهد كانت خلصت الشيفت بتاعها و حمزة اتبسط جدا لان الناس عجبها الاكل جدا
و هي خارجة حد وقفها
يا انسة لو سمحتي
بتبص شهد :أيوة
...........
_______________
عند شيماء و وفاء
وفاء كانت واقفة في البلكونة و كانت حنان مامت إبراهيم في البلكونة اللي جمبها لان إبراهيم و شيماء شقتهم جمب بعض
حنان:ازيك يا وفاء
وفاء :اهلا يا حنان ازيك عاش من شافك
حنان :انا برضو اومال لو مش جيران يعني و الشقة جمب الشقة
وفاء :علي رايك إبراهيم عامل ايه صحيح
حنان :الحمدلله بخير
بصي بقا انا عازماكي بكرة انتي و شيماء عندنا علي الغدا عشان هي وحشاني و بقالي كتير ما شوفتهاش
وفاء:ماشي يا حنان هقولها و نيجي
حنان :ياريت ولله بقالنا كتير مقعدناش مع بعض
______________
عند زياد كان في الشركة و السكرتيرة ندى دخلت
ندي : باشمهندس زياد انا خلصت كل التصميمات و حطتهم علي CD زي ما حضرتك قولت
زياد :تمام يا ندي لو عايزة تروحي دلوقتي ماشي انا كمان ربع ساعة و اروح
ندي :تمام يا باشمهندس
بعد ازنك
زياد :اتفضلي
____________
اما شهد كانت روحت البيت و كانت بتحضر الغدا لباباها و مامتها و اختها
____________
اما رامي و احمد
كانو خلصو شغل و في العريية بيتكلمو
احمد :طالما انت بتحبها من زمان ليه معترفتلهاش يا بني
رامي ب حزن :هقولها ازاي انت عايزني اخسر صاحبي و اخونه
احمد :انت غبي يا رامي
انت كنت هتخطبها
رامي :مكنش هيفهم كدا و كنت خايف تجرحني و مترضاش تحبني زي مانا بحبها
احمد :فاكر لما قعدت اقولك قولها انك بتحبها و هي هتفهم و يمكن تكون بتحبك
رامي بعصبية :أحمد كفاية بقا هي مش بتحبني خلاص كفاية
نزلني هنا عشان مخنوق
احمد :انزلك فين يا بني عربيتك أسامة السواق هيروحها اهدي انت بس عشان خاطري
رامي سكت
احمد في سره :ربنا يجعلها من نصيبك يا صاحبي يارب
استوووب
تفتكره مين صاحبه و بيحب مين رامي؟؟؟