رواية احببت طباخة💠الحلقه السابعه💠

الحلقة 7 (أحببت طباخة  )
دول صور الشخصيات القصة عشان تتخيلوهم افتحو الصور عشان مكتوب علي كل صورة
شهد:جميلة عوض
امل مامت شهد:دلال عبدالعزيز
عبدلله بابا شهد:أحمد عبدالعزيز
____
شيماء :علياء عساف
وفاء مامت شيماء :سلوي خطاب
____
زياد:عمرو يوسف
رباب مامت زياد :رانيا فريد شوقي
شاهر بابا زياد:ماجد المصري
ريماس اخت زياد:الهام عبداللطيف
دادة فاطمة :عفاف شعيب
_____
مازن:حسن الرداد
______
رانيا معدة البرامج :دينا فؤاد
مروة مامت رانيا :انتصار
_______
رامي صاحب زياد:إسلام جمال
احمد صاحب زياد:كريم عبد الجواد
_______
رودينا صاحبة ميار:مي القاضي
_____
ناصر ابن صاحب القناة :أسر ياسين
____
كريم وملك :الواد و البت في فيلم هيبتا
ملك :اخت شهد
كريم:اخو شمياء
ميس دينا مدرسة اللغة العربية ل كريم و ملك : سهر الصايغ
____
إبراهيم :أحمد مالك
حنان مامت ابراهيم:بثينة رشوان
______
ميار:سارة سلامة
نوال (ناني )مامت ميار : علا غانم
___________
الحلقة 7 (أحببت طباخة )
وقفنا عند عند كريم و ملك وهما في المدرسة
دخلت الميس دينا( مدرسة اللغة العربية )
ميس دينا :السلام عليكم
الكل :و عليكم السلام
دينا:اتفضلو اقعدو
يلا طلعو كتاب العربي عشان ناخد الدرس الجديد
ملك بتكلم جني:يا جني الحقيني مش لاقية الكتاب
جني:طب دوري كويس يا ملك
ملك :شكلي نسيته وانا بحط السندويشات الصبح
جني:ربنا يستر دي ميس دينا ممكن تضربك زي ما عملت مع رحمة  المرة اللي فاتت
(كريم كان سامعهم لانه قاعد قدامهم و طلع استيكر لزقه علي الاسم بتاعه ) و حط الكتاب علي الديسك بتاع ملك
ملك :ايه ده يا كريم ده مش كتابي
كريم :خديه انتي عشان متتضربيش
جني و ملك  استغربو
ميس دينا :سكووت بقا مش عايزة صوت
مين مجابش الكتاب
كريم وقف :انا يا ميس مجبتوش
ميس دينا :نسيته ليه يا كريم اول مرة تنساه يعني
كريم:وانا بحضر الشنطة الصبح نسيته علي السرير غصب عني يا ميس
ميس دينا :اممممم ماشي يا كريم افتح ايدك
ملك كانت هتقوم تقولها لا لكن خافت الميس تعرف انهم بيكدبو
____________
شهد كانت روحت البيت و بتحضر الغدا في المطبخ و كانت سعيدة جدا مامتها دخلت
امل:الله علي السعادة الجميلة دي اللي عليكي
شهد :ماما انا مبسوطة اوي اني اتقبلت في المطعم
امل:ربنا يديمها عليكي يا حبيبة ماما هتروحي بكرة
شهد :اه يا ماما ان شاء الله ادعيلي
امل:بدعيلك يا حبيبتي ولله
شهد باست ايدها :ربنا يخليكي ليا يا ست الكل
باباها دخل في الوقت ده و سمع اخر جملة
عبدلله :ومفيش ربنا يخليك ليا يا بابا
شهد جريت عليه حضنته و باسته :ربنا يخليك ليا يا احلي بابا في الدنيا
بحبكو ولله
عبدلله :و يخليكي لينا يارب
الله انا شامم ريحة حاجات حلوة
شهد :بعملكو اكلة روعة نص ساعة و اخلص و زمان ملك جاية من المدرسة و ناكل كلنا
__________
كريم و ملك و هما مروحين
كريم :خلاص يا ملك متزعليش
ملك:ليه كدا يا كريم اهو اتضربت بسببي و لو ميس دينا عرفت انك كدبت عليها كانت هتزعل مننا جامد
كريم :متزعليش يا لوكا يلا انا طالع الشقة لما تخلصي مذاكرة نلعب
ملك :ماشي يا كريم ..باي
________
ملك طلعت خبطت و مامتها فتحتلها و شهد كانت وقتها بتحط الاكل علي السفرة و هما بياكلو
باباها :عملتي ايه يا شهد في الشغل اتقبلتي
شهد :اه يا بابا الحمد لله
مامتها :ربنا معاكي يا حبيبتي و تحققي كل اللي بتتمنيه يارب
شهد :يارب يا امي يارب
________
مازن وصل الشقة عند رانيا و بيرن الجرس
رانيا فتحت و هي مبسوطة :مستر مازن اتفضل
مازن بيضحك :لا مستر دي في الشغل إنما هنا مشيها مازن عادي
رانيا ضحكت :عندك حق اتفضل يا مازن ماما مستنياك
مازن دخل سلم علي مامتها
مروة مامت رانيا :اهلا يا حبيبي ازيك د
مازن :وحشاني يا ماما
مروة :بكاش يا واد
لازم ابعتلك عشان تيجي
مازن:ولله اسألي رانيا مضغوط جدا في الشغل
رانيا :5 دقايق و الاكل يكون ع السفرة بعد ازنكو
مازن :انا جعان جدا ولله بسرعة يا روكا
رانيا و هي في المطبخ :حاضر يا مازن
__________
زياد كان لسة داخل الفيلا
لاحظ أن ريماس قاعدة في الليفنج مش بتضحك و دي مش عادتها و بتتفرج علي tv و هي سرحانة
قرب منها و قعد جمبها
ريماس بصتله :أبيه انت جيت انتي
زياد :من ساعة م انتي كنتي سرحانة
ريماس :انا زهقانة مش بخرج من ساعة ما اخدت الاجازة مخرجتش
زياد :وايه كمان  مزعلك و مضايقك كدا
ريماس:انا اكتر واحدة مظلومة في البيت ده ماما و متعرفش عني اي حاجة و بابا وانت علي طول في الشغل و معنديش صحاب انا اه عندي كل حاجة و اي حاجة نفسي فيها بجيبها و مش بتتاخرو عليا لكن انا نفسي احس اني مش وحيدة
زياد اخدها في حضنه و طبطب عليها
زياد :اوعدك يا حبيبتي اني هفضي نفسي و اخرجك متزعليش مني
اما ماما دي عادتها ولا تشتريها
ريماس :انا مش زعلانة منك عارفة انه غصب عنك لكن انا زهقت مفيش غير دادة بس اللي بتكون معايا و مهتمة بيا
زياد :صحيح هيا دادة فاطمة فين
ريماس :بتحضر الغدا و جاية
___________
بابا زياد ايجا و مامته كانت في النادي مع صحباتها و دادة فاطمة كانت جهزت الأكل و هما قاعدين ع السفرة بياكلو
زياد :بابا انا بكرة اجازة
شاهر :ليه في حاجة
زياد :رايح النادي واحتمال اروح الجيم مع رامي و احمد و مازن
شاهر: ماشي يا حبيبي روح ولو عايز اجازة تاني موافق
زياد :متشكر اوي يا بابا
رباب في اللحظة دي جاتلها فكرة أنها تقول ل ميار تروح النادي عشان تقرب اكتر من زياد
__________
شيماء كانت بتكلم شهد و هما واقفين في البلكونة في الموبايل
شيماء :شهد ما تيجي نخرج بكرة بعد ما تخلصي الشيفت بتاعك
شهد :هنروح فين يعني
شيماء :تعالي نروح البحر او النادي نقعد شوية هناك نغير جو ان شاء الله حتي نروح و نرجع تاني المهم نخرج
شهد :ههههه حاضر بكرة تعدي عليا الساعة 1 و نروح مع بعض
شيماء :اشطا بقا و اخيرا هنخرج
شهد :طب يلا بقا هقفل وانام عشان اصحي بدري اروح الشغل
شيماء :ماشي يا قلبي تصبحي علي خير
شهد :وانتي من اهله
_________
رباب (مامت زياد  ) بتتصل علي ميار
رباب:هاي ميار
ميار:هاي طنط ازيك
رباب :Fine
المهم اسمعيني كويس زياد رايح النادي بكرة تجهزي نفسك و تروحي و تقربي منه و تتكلمي معاه فاهمة 
ميار:بس يا طنط ده محاولش يصالحني حتي
رباب:مش مهم دلوقتي المهم تعملي اللي بقولك عليه
ميار:حاضر يا طنط
رباب:باي
و قفلت معاها
__________
صحيت شهد الصبح ركبت وصلت المطعم و لبست اليونيفورم و بدأت في مساعدة الشيف طارق في تحضير الأكل
________
اما زياد راح الجيم مع صحابه أحمد و رامي  و قرر بعد ما يخلص يروحو النادي لأن مازن كان عنده تصوير حلقة و هيخلص علي الظهر
كابتن عمرو المدرب بتاع الجيم:اهلا و انا اقول الجيم منور ليه
زياد :ازيك يا عمرو عامل ايه
عمرو:تمام يا باشمهندس متغبش كدا تاني عشان بتوحشنا ولله
زياد :ان شاء الله
عمرو :طب هسيبك تكمل تمرين
زياد :تمام يا كابتن

احمد :اخيرا بقا يا زياد كررها تاني يا عم
رامي:لا انسي شاهر بيه مستحيل يكررهها
زياد :ههههه يا عم ان شاء الله هتتكرر
_________
شهد كانت بتحضر السلطة و شيماء رنت عليها و ردت
شهد :ايه يا شيمو
شيماء :في ايه يا بنتي
شهد :5 دقايق و هخلص الشيفت بتاعي
انتي فين
شيماء :انا برة المطعم
متتاخريش
شهد: حاضر اقفلي و هطلعلك
بعدها شهد كانت خلصت و سلمت اليونيفورم
و خرجت ل شيماء
__________
شيماء :ايه بتموتي جوة انجزي يا بنتي الخروجة هتضييع
شهد :طب وقفي تاكسي عشان نروح يلا
_________
مازن كان لسة مخلص شغل و زياد اتصل
مازن :ايه يا عم ازيك
زياد :تعالي علي النادي هنتغدا هناك
مازن :حاضر يا زياد هلم حاجتي و اجيلك
سلام
___________
زياد بص لاحمد و رامي و هو في النادي
زياد:هروح أجري شوية في النادي و راجعلكم لحد ما مازن يجي
احمد و كريم :ماشي يا معلم بس متتاخرش
_________
شيماء و شهد وصلو و دخلو النادي
شيماء :تعالي نطلب اكل و ناكل انا جعانة اوووي
شهد:اشطا يلا بينا
و زياد كان بيجري ومش اخد باله و هو بيجري خبط في شهد من كتفها
زياد :انا اسف اسف بجد مكنش قصدي ولله
شهد :ايه ده مش تفتح
هو انت
زياد :مش انتي اللي كنتي في الجامعة
شهد :اه انا
ياريت بعد كدا يا استاذ تبص قدامك مش تمشي تخبط  في الناس كدا
زياد:اسف جدا ولله بس ممكن اسأل سؤال
شهد :نعم اتفضل
زياد :انتي في كلية إعلام صح
شهد استغربت :انا لا انا ... انا لسة في 3 ثانوي  بس كنت رايحة ادفع مصاريف لأختي عشان كانت تعبانة
شيماء تنحت لكلامها و كتمت ضحكتها
زياد :بجد
شيماء:اه بجد اومال هنهزر معاك ليه يعني
زياد :طيب فرصة سعيدة و اتشرفت بيكي جدا .... ياا
هو حضرتك اسمك ايه؟
شهد :شه شيماء إسمي شيماء
و بصت ل شيماء و غمزتلها
زياد :امممممم قصدك شاي ماء حاجة ساقعة بيبسي
شهد سمعت كدا و فطست من الضحك و بتبص ل شيماء و تضحك
زياد في سره (يخربيت جمال ضحكتك ايه ده انا اول مرة في حياتي اوقف بنت و اتكلم معاها اشمعنا انتي اللي حبيت اعرف اسمك يمكن فضول مني )
شيماء:ايه يا ظريف منك ليها في ايه
زياد :وانتي مضايقة ليه انا بهزر معاها
شيماء :وانت بقا حضرتك اسمك ايه ان شاء الله
زياد :زياد إسمي زياد
شيماء :زياد و لا ناقص
شهد :ههههههه بس بقا عيب كدا ... اتشرفت  بيك يا استاذ زياد
زياد :الشرف ليا و بعدين ايه أستاذ زياد دي انا مش كبير اوي كدا
شهد :ماشي ... علي العموم انا اسمي شهد و دي اسمها شيماء و احنا كنا بندفع مصاريف الجامعة عشان داخلين اولي إعلام انجلش
زياد اتصدم و اندهش جدا :اوبس يعني انا اتضحك عليا بقا صح
شهد :اه حاجة زي كدا تقريبا
زياد و شيماء ضحكو
شهد :يلا كفاية جدا عن ازنك بقا
زياد :تمام باي
و مشيت شهد و زياد فضل باصص عليها اوي و بعدين نده عليها
زياد:شهد
شهد لفت بضهرها لزياد و هي من بعيد شوية
شهد :نعم
زياد :هشوفك تاني
شهد استغربت :سيبها بظروفها
لو لينا نصيب نتقابل هنتقابل اكيد سلام
___________
زياد فضل واقف سرحان من لماضتها و ضحكتها وانه النصيب خلاهم يتقابلو للمرة التانية
و زياد مش طبعه أنه يتكلم مع بنت او يعامل بنت كويس بس استغرب من اللي عمله و قال لنفسه يمكن فضول مني او مش عارفة و قرر يجري شوية و يرجع لصحابه
_________
اما شهد و شيماء
شهد:يخربيت جمال ضحكته و عينيه تجنن تجنن يا شيمو
شيماء :بس بس اهدي انتي مشوفتيهوش غير مرة واحدة و دي التانية ايه وقعتي ولا ايه
شهد :لا طبعا بس مش عارفة انا عملت كدا ازاي انا ازاي مش هزقته و مشيت و اتكلمت معاه
شيماء :طيب يلا بقا نروح نقعد و ناكل عشان جعانة
شهد :يلا يا قلبي
و قعدو علي ترابيزة و الويتر ايجا طلبو اكل
___________
عند زياد و صحابه
بعد ما زياد انتهي من الجري راح لصحابه و قعد معاهم
احمد :كل ده يا زياد ده احنا كنا هنمشي خلاص
زياد مسك زجاجة المياه و شرب منها :بقالي كتير مجرتش ... اومال انتو هتفضلو قاعدين كدا مش هتجرو
رامي :يا عم براحة علينا .... احنا مهدودين من الشغل
في اللحظة دي ايجا الويتر قدم العصائر اللي طلبها احمد
احمد :هو مازن اتأخر ليه كدا
زياد :مش عارف بتصل بيه مش بيرد و قالي انه جاى في الطريق
رامي :الباشا ايجا اهو
احمد :ياريتنا جبنا في سيرة ربع جنيه
مازن :كنتو بتتكلمو عليا
وانا بقول انا بكح ليه اكيد حد  جاب في سيرتي
زياد :ايه اللي اخرك كدا
مازن:اعمل ايه كنت بجهز لحلقة بكرة و اتأخرت شوية في التصوير
مازن مسك كباية العصير بتاعة زياد و شربها مرة واحدة
بصله زياد :انت غبي يا مازن مش كباية بتاعتي دي قوم روح يلا
مازن: لما اكل الأول
احمد :أنت دائما كدا انك علي بطنك
مازن :اومال همي علي بطنك انت
انا هقوم اطلب اكل حد عايز حاجة
اللي عايز يجيب لنفسه عشان مش هجيب ماشي
و سابهم مازن و مشي
احمد بيضحك:الواد ده مجنون
زياد:ايه الجديد ماهو علي طول كدا
بعد ربع ساعة مازن ايجا و معاه صينية كبيرة مليانة اكل و 3 كوبايات عصير
رامي باستغراب:هو الاكل ده ليك لوحدك يا مازن
مازن و هو بياكل :اومال هجيب 8 ياكلو معايا يعني
زياد:سيبك منه يا رامي ده ممكن ياكلك انت كمان
مازن :ولله لو هتفضلو تتريقو كدا هاخد اكلي و اسيبكم و امشي
زياد قام من الترابيزة:طيب هروح الكافيتيريا اجيب حاجة اشربها بدل اللي شربها
_______
زياد و هو ماشي
ميار شافته و كانت قاعدة مع رودينا
ميار:رودي زياد زياد انا
رودينا :اه طب اندهي عليه
ميار :زيااد زياد
زياد سمعها و راحلها
ميار :زياد انت بتعمل ايه هنا
زياد :عادي بتمشي و بشم هوا في حاجة
و بص ل رودينا
ازيك يا رودينا
رودينا :تمام
زياد بص لميار:عايزة حاجة انا ماشي
ميار :طيب ما تقعد معايا .. انت ماشي دلوقتي
زياد :مش هينفع قاعد مع صحابي
يلا اشوفك بعدين باي
و سابها و مشي
_________
اما شهد كانت خلصت اكل هي و شيماء و ندهت علي الويتر تحاسب و تمشي
_________
اما زياد رجع قعد علي الترابيزة مع صحابه
صحابه
زياد بص ل مازن :انت لسة بتاكل
مازن :احتمال اطلب تاني علي فكرة
رامي :سيبك منه يا زياد
الويتر ايجا قدم الاكل
رامي :شكرا
انا طلبتلك من الاكل اللي بتحبه معانا يلا ناكل
________
اما رودينا و ميار
كانت ميار متضايقة عشان زياد مرضيش يقعد معاها
ميار:هو ليه بيعاملني كدا يا رودي انا تعبت بجد تعبت ولله
رودينا :معلش يا ميار متزعليش هو زياد كدا دي عادته م انتي عارفة
ميار :نفسي يحس اني بجد بحبه نفسي احس انه بيحبني بجد
_________
اما زياد و رامي و احمد و مازن كانو خلصو اكل و حاسبو و مشيو
_________
في فيلا زياد
شاهر :مش هينفع يا حبيبتي انا رايح القاهرة بكرة شغل... المرة الجاية هفسحك
ريماس :و النبي يا بابا انا ماليش دعوة عايزة اخرج مانا مش هفضل قاعدة لوحدي هنا
شاهر:ليه هتفضلي لوحدك مامتك مش رايحة الاتيليه غير بعد يومين و بتروح و ترجع تاني
رباب:انا رايحة مع ماهي و ناني شرم الشيخ عشان في بارتي (يعني حفلة ) هناك تجنن
شاهر بعصبية :يعني ايه تروحي حفلة من غير ما اعرف ولا تقوليلي
رباب :اديك عرفت و بعدين م انت كنت كدا كدا هتسافر القاهرة هقعد هنا اعمل ايه
شاهر:ايه اللي تعملي ايه تقعدي مع بنتك يا هانم
رباب ببرود:ليه يعني هي صغيرة عشان اقعد معاها
شاهر:مش هتروحي الزفت ده قولت
رباب:انا خلاص حجزت التذاكر و هسافر
ريماس :يا بابا ولله هسمع كلام حضرتك و هقعد
وانا مخرجتش من يوم ما اخدت الاجازة
شاهر :بصي يا حبيبتي ولله ليكي عليا هخرجك لما ارجع
ريماس :خلاص يا بابا مش مهم بعد اذنك
و طلعت اوضتها فوق
رباب :هه ما هو دلعك ده اللي هيبوظها
و سابته و مشيت
_________
في المساء
كانت شهد قاعدة في اوضتها بتفكر في زياد و مبتسمة و بتقول لنفسها:يا ترى هشوفك تاني يا زياد
________
في فيلا زياد
ريماس كانت في الليفنج بتتفرج علي Tv
رباب راحتلها
رباب:يلا يا ريماس اطلعي أوضتك نامي
ريماس:هستني زياد يا ماما
رباب:طيب تصبحي علي خير
بعد مرور ساعة
زياد دخل سوف ريماس بتتفرج علي tv
قعد جمبها
زياد:سهرانة ليه يا حبيبتي لحد دلوقتي
ريماس:كنت مستنياك يا ابيه اتأخرت ليه كدا
زياد :كنت في النادي
ريماس:و قال ايه مش فاضيلك يا ريمو معلش يا ريمو مضغوط في الشغل يا ريمو
زياد بيضحك:روحت عشان بقالي كتير مشوفتش صحابي ولله
ريماس:طيب دادة فاطمة دخلت نامت. ..احضرلك العشا
زياد:لا يا حبيبتي انا كلت في النادي.... ادخلي يلا نامي بقا
قفلت ريماس ال Tv
و باسته من خده :يلا تصبح علي خير يا ابيه
______________
تاني يوم الصبح
صحيت شهد و صلت و لبست و فطرت كالعادة و ركبت تاكسي عشان توصل شغلها قابلت حمزة (مدير المطعم  )
شهد:صباح الخير يا استاذ حمزة
حمزة :صباح النور يا شهد
انا متاسف جدا بس حصل حاجة. ............
استوووب تفتكره حصل ايه