رواية احببت طباخه💠الحلقه التاسعه💠
الحلقة 9 (أحببت طباخة )
قولولي انهي غلاف احلى من الصورتين دول
وقفنا عند اما رامي و احمد
كانو خلصو شغل و في العريية بيتكلمو
احمد :طالما انت بتحبها من زمان ليه معترفتلهاش يا بني
رامي ب حزن :هقولها ازاي انت عايزني اخسر صاحبي و اخونه
احمد :انت غبي يا رامي
انت كنت هتخطبها
رامي :مكنش هيفهم كدا و كنت خايف تجرحني و مترضاش تحبني زي مانا بحبها
احمد :فاكر لما قعدت اقولك قولها انك بتحبها و هي هتفهم و يمكن تكون بتحبك
رامي بعصبية :أحمد كفاية بقا هي مش بتحبني خلاص كفاية
نزلني هنا عشان مخنوق
احمد :انزلك فين يا بني عربيتك أسامة السواق هيروحها اهدي انت بس عشان خاطري
رامي سكت
احمد في سره :ربنا يجعلها من نصيبك يا صاحبي يارب
و بعدها وصلو لحد الشقة بتاعته
و احمد راح الفيلا بتاعته
ملحوظة (احمد ابن خال رامي)
لكن احمد مستواه المادي اعلي و رامي مستواه المادي اقل و بيشتغل في شركة خالو بابا احمد
_____________
عند شيماء في البيت كانو بياكلو هي و مامتها وفاء و كريم
وفاء مامتها:بت يا شوشو اعملي حسابك احنا معزومين بكرة
شيماء بصتلها :فين يا ماما
وفاء:عند خالتك حنان أم إبراهيم
شيماء قامت من علي السفرة و حضنت امها و باستها :يخليكي ليا يا ست الكل يا نبع الحنان انتي
وفاء :ايه يا بت كل ده عشان معزومة ع الغدا اومال لو قالتلك تتجوزيه هتعملي ايه
شيماء اتكسفت و بصت للاكل :هو مين يا ماما
وفاء :الاكل يا روح امك كلي يا بت كلي
شيماء بصت ل كريم :كوكي عايزاك تنزل تجيبلي حاجات من المكتبة
كريم :عايز 5 جنيه تمن المشوار
وفاء :جرا ايه يا واد يا كريم هو كل حاجة عايز تمنها ايه في ايه
كريم :طب شوفي مين يجيبلك بقا
__________
شهد كانت اتغدت هي و مامتها و باباها و ملك كانت بتتفرج علي Tv مع مامتها و باباها و ملك و تليفونها رن كانت شيماء
و دخلت ترد عليها و وقفت في البلكونة
شيماء بسعادة:الو يا جزمة
شهد :ايه يا فردتي
شيماء بتضحك :ولله ماشي يا حيوانة
شهد :ليه سر السعادة دي بقا
شيماء :انا معزومة عند طنط نونا (مامت إبراهيم)
شهد:أيوة بقا يا عم
شيماء :اتنيلي ده لما بياكل معايا مش بعرف اكل و بحب ابصله و نظراتي بتكون فضحاني
خايفة اوي يا شهد ميكنش بيحبني
شهد :متقوليش كدا انا واثقة ان هيما بيحبك ولله
شيماء :تفتكري ولا ده وهم انا عايشة فيه
شهد :ولله انا متأكدة باين عليه يا بنتي
شيماء :لكن ده عمره ما اعترف ولا قالي بحبك
واخدت نفس طويل :يا شهد خايفة يكون حب من طرف واحد
شهد :سيبيها علي ربنا و بعدين ما طنط حنان موجبة معاكي اهي و هتخليكي تشوفيه
شيماء :انا مبسوطة اوي يا بت يا شهد مبسوطة لو يعرف بحبه قد ايه
ده لو ابو الهول كان نطق ولله العظيم
شهد بتضحك :طب بصي جمبك كدا
شيماء بتبص جمبها كان إبراهيم واقف في البلكونة و في اللحظة دي بصلها
شيماء :طب يا شهد هكلمك تاني
سلام
شهد :يا بنت الجزمة بتنفضيلي عشان المز ايجا
سلام ياختي
و قفلت معاها
شيماء بصت لإبراهيم :احم احم...ازيك يا هيما
إبراهيم :تمام وانتي
شيماء :تمام الحمدلله
إبراهيم :يارب دايما
شيماء حاولت تفتح موضوع معاه
شيماء :صحيح ده فرح صلاح صاحبك كان امبارح انت روحت
إبراهيم :اه روحت
عقبالك
شيماء : ميرسي و عقبالك انت كمان
إبراهيم سرح في حاجة لمدة دقيقة و قالها :قريب قريب اوي ان شاء الله
شيماء فرحت عشان حست ان الكلام عليها
إبراهيم :عن إذنك داخل جوة
شيماء :ها ... اه اتفضل انا كمان داخلة
شيماء دخلت و قالت لنفسها :يارب تكون انا يارب تكون انا
__________
إبراهيم قرر انه يتصل علي فاتن زميلته و يشوف ردها ايه علي الموضوع اللي فاتحها فيه
إبراهيم :فاتن ازيك
فاتن :تمام يا هيما وانت اخبارك ايه ؟
إبراهيم: تمام الحمدلله
سكتو دقيقة
إبراهيم :فاتن
فاتن :ها
إبراهيم :قولتي ايه علي الموضوع اللي قولتلك عليه انهاردة في الشغل
فاتن بارتباك:انا انا موافقة يا هيما
إبراهيم بسعادة كبيرة :أيوة بقا
كدا تمام انا هفاتح ماما في موضوعنا ده و هعملها مفاجأة عشان دي عايزة تخلص مني اصلا و ما هتصدق
___________
اما شيماء اتصلت علي شهد
شيماء :انا فرحانة اوي يا شهد
شهد :من ايه يا بت يا شوشو
ابو الهول نطق ولا ايه
شيماء :لا لسة يا اختي
شهد :اومال ايه اللي حصل
شيماء حكتلها اللي حصل
شهد :بجد يارب يكون اللي في بالي
شيماء :يارب تفتكري قصده عليا انا
شهد :اكيد طبعا اومال هيكون قصده مين
شيماء :يارب
المهم الواد كوكي مرضيش يجيبلي حاجات من المكتبة عايزة انزل بكرة أشتري حاجات ناقصة عندي عدي عليا و بالمرة اشوفك قبل ما تروحي الشغل عشان انتي وحشاني ولله
شهد :حاضر يا قلبي هعدي عليكي الصبح بس اصحي بدري عشان متاخرش
شيماء :حاضر
__________
بالليل
كانت نوال و ماهي و رباب رجعو من شرم
و رباب مامت اتدبست و مش عارفة تتصرف ازاي
____
اما نوال كانت مبسوطة اوي أنها حققت إللى نفسها فيه
و دخلت اوضة ميار صحتها
نوال :ميار حبيبتي اصحى
ميار :ايه يا مامي سيبيني انام بقا بليز
نوال:عندي ليكي خبر بمليون جنيه
ميار :يا مامي بكرة
نوال :طيب خطوبتك علي زياد يوم الخميس الجاي
ميار قامت من السرير :ايه بتهزري يا مامي صح
نوال :لا طبعا رباب اللي قالتلي و اخيرا يا حبيبة قلبي هفرح بيكي لا و مش اي حد ده زياد
ميار كانت في قمة السعادة :مامي انا فرحانة اوي اوي بجد مش مصدقة
________
الصبح
كانت شهد صحيت و رايحة بيت شيماء و بترن الجرس
ترن ترن ترن
فتحت وفاء
شهد حضنتها :حبيبة قلبي وحشتيني
وفاء :يا بت يا بكاشة لو وحشتك برضو كنتي تسألي ياختي و تيجي تشوفيني
شهد :ولله يا فوفا الشغل م انتي عارفة
صحيح هي شيماء لبست ولا لسة
وفاء :نايمة يا اختي شوفيها
شهد :بتهزري انا داخلة اصحيها
شهد دخلت تصحي شيماء :زفتة اصحي يلا
و فتحت شهد الستارة و البلكونة
شيماء مفتحة نص عين و عين لا :بس بس اقفلي الستاير و النبي
وفاء :كفاية نوم بقا شهد هتتاخر علي الشغل و كمان عشان تلحقي تجيبي اللي ناقصك و تيجي بدري عشان حنان عزمانا علي الغدا
شيماء:يووووه عايزة انام بقا
ايه قولتي ايه انا صحيت اصلا و قامت باست مامتها و بتلبس
____________
عند إبراهيم
حنان :يلا يا هيما اصحي بقا عندي ليك مفاجأة
إبراهيم :يووووه بقا انت هتقرفيني انا ليه عايز انام شوية
حنان :اخص عليك وانا اللي بفكر في مصلحتك
إبراهيم :لا متفكريش سيبيني انام و النبي شوية
حنان :يا حبيبي في ضيوف جايين انهاردة ولازم تصحي بدري
إبراهيم :هو كل شوية ضيوف ضيوف ايه ده
و رحمة ابويا تسيبيني انام شوية
حنان :طب قوم و بعدين هتتاخر علي الشغل
إبراهيم قام :هي الساعة كام انا هتاخر
حنان :اول مرة تصحي متأخر يعني كنت سهران امبارح شكلك كدا
ابراهيم ابتسم و افتكر انه كان سهران بيكلم فاتن
_______
بعد ربع ساعة كانت شيماء خلصت و جهزت و إبراهيم كان خلص و كانو واقفين جمب الباب بيتكلمو
شيماء :بقيت اقلق من مرة غدا ده و مبعرفش امسك نفسب قدام هيما بحب علي طول ابصله يا شهد مش عارفة اعمل ايه
شهد :ما قولتلك امبارح طنط نونا هتوجب معاكي ... و بصيله براحتك يا مزة
شيماء :انا بحبه اوي و بتكسف جدا لما بشوفه و بلاقيه بصصلي كدا خايفة ميكونش بيحبني يا شهد
شهد :يوووه تاني يا شيماء
لا هبلة انتي انا واثقة انه بيحبك هو كمان مش لازم يقول
شيماء و هي بتكلم الباب بتاع إبراهيم اتفتح و هي مش واخدة بالها
شيماء :ملاقيش كدا هيما خارج من الشقة و بيقولي صباح الخير يا حبيبتي
شهد في اللحظة دي خبطت في رجل شيماء جامد
شيماء :ااااااه في ايه يا جاموسة
إبراهيم ضحك :صباح الخير يا بنات
شيماء وشها احمر من الكسوف و شهد مش قادرة تتكلم و مش قادرة تمسك نفسها و إبراهيم بيضحك علي كلامها
شهد :احم صباح الخير يا إبراهيم
إبراهيم :صباح النور علي فين كدا بدري
شهد : علي الشغل بتاعي و شيماء هتجيب حاجات من المكتبة
إبراهيم :انتي بتشتغلي يا شهد
شهد :اه في مطعم
إبراهيم :ربنا معاكي يارب تحبو اوصلكو
شهد :لا ربنا يخليك تسلم يارب
إبراهيم بيضحك :شيماء مش هتصبحي
شيماء لسة ساكتة و مكسوفة
إبراهيم و شهد :شيماء
شيماء :ها. ... مش اتاخرنا يلا بينا بقا
شيماء شدت ايد شهد و مشيت بسرعة و قلبها كان عمال يدق جامد اووووووي
شهد :خلاص اهدي براحة
شيماء :يلهوي يلهوي يلهوي
شهد :بس بس في ايه اهدي
شيماء :ايه اللي انا قولته ده سمعني و اكيد عرف اني بحبه
كنت بقول في سري:يا ارض انشقي و ابلعيني
شهد بتضحك :بصراحة كنتي مسخرة
شيماء :اكيد فهمني غلط و قال اني مش كويسة
شهد :ايه اللي بتقوليه ده يا هبلة انتي
انا وانتي عارفين كويس اوي ان هيما بيحبك
شيماء :بجد يا دودو
شهد :اه بجد يا قلب دودو
شيماء كانت وصلت المكتبة
شيماء :طيب وقفي التاكسي ده
شهد :تاكسي
_______
شهد كانت وصلت المطعم و الغريبة أنه المطعم كان في زباين كتير و ده مش بيحصل خالص
دخلت لبست اليونيفورم
و بدأت تحضر الأصناف
________
اما ميار كانت قاعدة في الفيلا بتاعتها جنب البيسين (حمام السباحة ) و فاتحة اللاب توب و فاتحة أكونت زياد بتتفرج علي صوره و بتشرب العصير
ايجت مامتها نوال
نوال :Good Morning Mayar
(صباح الخير يا ميار )
ميار :Good Morning Mamy
(صباح الخير يا مامي)
ايه رايحة فين كدا
نوال : رايحة انا و رباب النادي تيجي معانا
ميار : لا يا مامي انا هخرج مع رودي صاحبتي
نوال:ما تتصلي ب زياد خليه يخرجك
ميار :في ايه يا مامي انتي دايما كدا مخلياني انا اللي اتصل بيه
نوال :انتي حرة بس انتي كدا هتطيريه من ايدك انتي عارفة احنا مصدقنا يوافق علي الخطوبة
و كمان انتي عارفة الناس دي معاها فلوس قد ايه
ميار ب حزن :ايه يا مامي انتي مش مكفيكي الفلوس دي كلها اللي بابي سايبهالنا
نوال :هههه فلوس هه انتي مسمية شوية الملاليم دي فلوس ما انتي فقر زي ابوكي
يلا انا ماشية سلام
ميار دموعها نزلت:الله يرحمك يا بابا وحشتني أوي
___________
زياد كان خرج راح الشركة هو و باباه
ريماس كانت بتتفرج علي التليفزيون
شافت مامتها بتتكلم جمبها في الموبايل مع نوال صاحبتها و سمعت أنها خارجة
ريماس :ماما انتي خارجة
رباب :اه رايحة النادي
ريماس : والنبي يا ماما خديني معاكي انا زهقت من القعدة دي
رباب :انا مروح مع أصحابي و انتي اصلا بتزهقي منهم
ريماس :لا ولله يا ماما مش هزهق
رباب :طيب روحي تلبسي بسرعة بس ياريت يا حبيبتي تقوليلي يا مامي قدامهم ماشي يا روحي
ريماس كتمت ضحكتها :حاضر يا ماما قصدي يا مامي
رباب :برافو عليكي يا حبيبتي يلا انا هطلع استناكي في العريية
____________
في الوقت ده كان إبراهيم و فاتن بيهزرو مع بعض و بيضحكو
إبراهيم :ياااه بجد انا مبسوط اوي انك وافقتي
فاتن:صحيح هتعرفني علي مامتك امتي و هتفاتحها في الموضوع بتاعنا
إبراهيم :يومين كدا عشان انهاردة عندنا عزومة
فاتن بابتسامة :تمام هروح اكمل شغل
إبراهيم : ماشي يا تونا وانا كمان
___________
وقت الظهر اتصل احمد علي مازن و اتفق يروح علي الشركة بتاعة زياد و اخد رامي و راحو مع بعض علي الشركة
ندي السكرتيرة دخلت ل زياد :باشمهندس زياد
زياد :أيوة يا ندى في حاجة
ندي :حضرتك الأستاذ رامي و احمد برة عايزين حضرتك
زياد :دخليهم طبعا يا بنتي دول صحابي يدخلو عاظؤ
طلعت ندي قالتلهم
دخلو المكتب
احمد :ايه يا باشمهندس يلا قوم
زياد :في ايه و على فين
رامي:هنروح نتغدا في مطعم جامد جدا
زياد :أحمد اللي هيودينا لا كفاية الشهر اللي فات كنت هموت
احمد :يا عم المرة دي علي ضمانتي اسأل رامي اكل منه روعة و عايزين نتجمع بقا
في اللحظة دي مازن وصل و دخلهم
مازن :انا سامع كلمة اكل في الحوار يلا بينا
زياد و احمد و رامي ضحكو
زياد:انت دايما همك علي الأكل ارحم شوية و ياريت باين عليك
مازن :ياعم أنجز العزومة هتطير احمد ممكن يرجع في كلامه
زياد :ماشي يلا بينا
و خرج معاهم للمطعم
________
اما شيماء كانت بتكلم شهد في الموبايل
و شهد كانت بتحضر الاكل في المطعم
شيماء كانت قالبة الدولاب كلو و مش عارفة تلبس ايه
شيماء :يا بت قوليلي البس ايه
شهد :اممممم
شيماء:ايه يا دودو مكنش غدا ده .... قولي البس ايه بقا
شهد :البسي البسي هدوم ههههههههه
شيماء :يخربيت ظرف اهلك. .. لا بجد من غيرك مكنتش عارفة هروح ازاي
شهد :كنتي هتروحي من غير هدوم
شيماء :بس يا حيوانة بقا .... بجد البس ايه
شهد :البسي الفستان الموف
شيماء :اممممممم ولا الطقم الأزرق الجديد
شهد : لا الفستان احلي
شيماء:طيب اقفلي أجهز
باي
___________
زياد و رامي و احمد و مازن وصلو المطعم و احمد اختارلهم من المنيو الاكل
و كانت بعدها ب نص ساعة شهد خلصت الاوردر بتاعهم
و هما بياكلو
مازن طلب 3 وجبات تاني ليه لوحده من جمال الاكل
و زياد طلب تاني و رامي و احمد برضو
زياد :الاكل روعة يا احمد اول مرة تعمل حاجة عدلة
مازن :اممممممم بجد ايه الجمال ده انا كدا همشي دادة سحر و اجيب الشيف اللي بيطبخ ده يشتغل عندي
احمد بيضحك :مش قولتلكو الاكل هنا تحفة
رامي :انا كل يوم هنا هاجي اصلا
كلهم :واحنا كمان دايسين معاك
كان حمزة (مدير المطعم )معدي و سمعهم :اتمنى الاكل يكون عجبكم
زياد :عجبنا بس دي كلمة عجبنا دي قليلة احنا هنيجي كل يوم اصلا هنا
حمزة بابتسامة: ميرسي جدا يا فندم الحقيقة الفضل كلو يرجع للشيف
مازن و هو بياكل :اشكروهلنا طبعا
زياد :من فضلك عايز 5 وجبات تاني ديلفري زي دول
حمزة :حاضر يا فندم هنحضر الاوردر لحضرتك نورتونا
حمزة راح عند شهد
حمزة :شهد معلش انتي هتتاخري شوية انهاردة ينفع تكلمي والدك تقوليلة عشان الزبائن و الطلبات كتيرة اوي انهاردة و الشيف أيمن (ده اللي ماسك شيفت بالليل ) مش بيعمل اكل زيك
شهد :امممم خلاص هكلم بابا اقوله
حمزة :ماشي و جهزي من الطلب ده 5 وجبات
شهد :حاضر يا مستر حمزة
و خرج حمزة
مكنش في شبكة في المطبخ شهد خرجت شهد برة و هي بتكلم باباها تقوله
شهد :ها يا بابا قولت ايه
عبدلله:ماشي يا حبيبتي بس خلي بالك من نفسك وانتي خارجة رني عليا
شهد:ماشي يا بابا سلام
و قفلت معاه و هي بتقفل معاه شافت زياد و فضلت متنحة شوية و دخلت
و كانت مبسوطة اوي أنها شافته بالرغم انه مشافهاش لكن كانت مبسوطة اوي
_________
اما شيماء كانت جهزت و رايحة هي و مامتها و كريم عند إبراهيم يتغدو
رن الجرس
حنان فتحت الباب: اهلا يا وفاء اتفضلي
ازيك يا شوشو عاملة ايه
شيماء :ازيك يا طنط حنان حضرتك عاملة ايه
حنان : تمام يا حبيبتي ادخلي
وفاء :اومال إبراهيم فين
إبراهيم خرج وقتها من اوضته
إبراهيم :فوفا وحشتيني اوي ولله
وفاء :ماهو باين يا هيما كل ده مبتسالش عليا
إبراهيم :كنت مضغوط في الشغل ولله غصب عني
حنان :سلم علي شوشو يا هيما
إبراهيم سلم علي شيماء :عاملة ايه
شيماء :تمام الحمدلله
وانت يا هيما ازيك
إبراهيم :تمام الحمدلله
و بص لكريم أزيك يا كوكي عامل ايه
كريم:تمام الحمدلله
حنان دخلت المطبخ تحضر الأكل علي السفرة و شيماء دخلت تحضره معاها
و بدؤ ياكلو
شيماء كانت مش بتاكل يعتبر و باصة لإبراهيم
و هو مكنش مركز و بياكل
______________
انا شهد كانت خلصت طلبات زياد
و احمد حاسب و خرجو برة المطعم
زياد :بقولكو ايه ما تيجو نروح نتمشي عند البحر اللي قريب من هنا بحر إسكندرية وحشني عايشين فيها بس مش بنروح نتمشي علي البحر
رامي :عندك حق المكان ده وحشني جدا
مازن و احمد :يلا بينا
وصلو عند الشاطيء و جريو ورا بعض بهزار و ضحك و كانو في قمة السعادة
(احلي حاجة في الدنيا لما يكون عندك صحاب بجد احمد لما اكل اكلة حلوة في مطعم حلو جمعهم كلهم ياكلو مع بعض حاجة بسيطة لكن جميلة جدا لو عندكو الصاحب اللي بجد تبتو فيه و اوعي تسيبوهم)
رامي :تعالو نقعد علي الشاطيء هناك علي الكراسي اللي قدام البحر دي
كلهم :يلا بينا
و قعدو كلهم و اتفقو يجو كتير المكان ده و كانو مبسوطين جدا
في الوقت ده كان الليل ايجا و قامو مشيو و كل واحد ركب عربيته اما زياد مكنش لاقي المفاتيح
___________
في الوقت ده كانت شهد خلصت الشيفت بتاعها و سلمت اليونيفورم
و هي خارجة من المطعم ماشية من نفس شارع اللي كان فيه زياد و صحابه
___________
زياد :انا شكلي نسيتهم و احنا قاعدين
رامي :طب تعالو نروح نجيبهم
زياد :لا اطلعو انتو وانا هروح اشوف المفاتيح و انا كدا كدا هجيب حاجة ل ريماس و هروح الفيلا
مازن واحمد و رامي :ماشي يلا بينا
مازن :ابقي طمني عليك لو لقيتهم
زياد :حاضر
_________
شهد وهي ماشية لاقت شابين ويبدأو يتكلمو معاهاا
_______
اما زياد لقي مفاتيحه في نفس المكان اللي كانو قاعدين فيه و هو ماشي شاف بنت و ولدين بيرخمو عليها
الشاب1:ايه ياقمر مالك ماشية لوحدك ليه😱
الشاب2:بس مالكش دعوة بيها
شهد بصتلهم بقرف
الشاب1:طب ماتيجي معانا واحنا هنظبطك
شهد: سابتهم ومشيت
الشاب2:مسك ايد شهد وشدها جامد قولتلك تعالي معانا واحنا هنظبطك
شهد ضربته بالقلم ع وشو
شهد :انت حيوان ايه القرف ده
هوووب الشاب لسة هيضربها بالقلم لكن يجي زياد ويمسك ايدو :انت مالك ب اختي
شهد لما شافت زياد استغربت و استخبت ورا ضهرو ومسكت في قميصه
زياد :انت بتتجرأ وتمت ايديك عليها هووب ضربه زياد بالبوكس ف وشه ووقع الشاب1 علي الارض
الشاب2 حاول يضرب زياد بس زياد ضربو بالبوكس وقعو هو كمان
الشاب1:قام من ع الارض وهو بقو مليان دم وبيضحك😂و ضرب زياد بالبوكس بس زياد موقعش
زياد :ضربه برجليه ف بطنو وشاطو برجليه لبعيد ووقع ع الارض والشاب2فضل يضرب زياد و زياد يضرب فيه((شهد كانت واقفه منهارة من العيااط ع زياد وخايفه عليه))
الشاب1:يطلع مطوة من جيبو ولسه هيجي يضرب زياد شهد تجري عليه: زيااااد
زياد :اوعي يا شهد
وفاجأة..............
تفتكره ايه اللي حصل
و الرواية لحد دلوقتي حلوة ولا بايخه 🙄
التعليقات على الموضوع