جنيه المقابر

_بسم_الله_الرحمن_الرحيم_
جنيه المقابر💔
مكنتش اعرف ان كلام ستي ممكن يطلع صح انا دلوقتي جوه المقبره واكيد هموت ومحدش هيعرفلي طريق.....!💔
انا محمد من اسوان
عندنا ف اسوان منتشر قصه غريبه
ان ف مقبره ف وسط المقابر ال بيروح عندها بليل مبيرجعش تاني ...
زمان ستي كانت بتخوفنا انا وولاد عمي ب الموضوع ده
يعني مثلا مش عايزين ناكل
ف تقولنا هتاكلوا ولا اوديكوا المقبره الملعونه
كنا اطفال ومنعرفش يعني اي مقبره ملعونه؟؟....
ومش ستي بس ده كان كل القريه بتاعتي معهاش غير حكايه المقبره الملعونه...!
جمعت ولاد عمي الاتنين احمد ومصطفي
وقولتلهم لازم نعرف من ستنا اي قصه المقبره الملعونه دي ...!
وفعلا اتجمعنا وقررنا نقول ل ستي
اول م قولتلها : هيا اي قصه المقبره الملعونه دي ياستي ؟
وشها اتغير بان عليه علامات الرعب والخوف
زعقت فينا وقالتلنا ملكوش دعوه ب الحاجات دي !!!
لسه هتكلم قطعت كلامي وقالتلي ملكش دعوه ب المقبره دي خالص يامحمد!!
ده ال خلاني ابقا عايز اعرف اكتر اي قصه المقبره الملعونه دي ؟
وليه ستي خافت منها كده؟
قولت ل ولاد عمي مصطفي واحمد :احنا لازم نعرف اي قصه المقبره دي ال ستنا بتخوفنا منها
من واحنا اطفال صغيره
وكل القريه بتتكلم عنها
وكلوا بيخاف منها ...
الاتنين خافوا ف البدايه
بس فضلت اقنع فيهم ان احنا لازم نروح واكيد مفيش حاجه
وكل ده خرافات وهناخد كاميرا معانا علشان نثبت ان كل ده كلام خرافه مش اكتر ...
ومفيش حاجه اسمها مقبره ملعونه...!
اقتنع مصطفي واحمد ب كلامي
وخلاص اتفقنا ان احنا هنروح عند المقبره الملعونه...!
فضلت ادور ع اسوء معاد ل دخولنا المقابر لقيت ان هو بعد العشاء...!
خلاص اتفقت ان انا ومصطفي واحمد هنتقابل ف مكان محدد بعد العشاء
طبعا مقولتش لاي حد احنا رايحين فين
ونبهت ع احمد ومصطفي ان محدش فيهم يتكلم برضو ..!
خدت كاميرا وكشاف معايا وع صوت صلاه العشاء كنت انا بتحرك ف طريق مقابر القريه
ف الاول هوصفلكم المقابر
مكان واسع جدا كلوا ضلمه....!!
الهدوء مسيطر ع المكان
ابتديت اتوجهه نحيه المقبره ال بيقولوا عليها ...
مش هنكر ان انا كنت خايف من منظر المقابر ساعتها
ومكنش ف حد غيرنا اصلا
وصلنا قدام المقبره خلاص..!
كانت مقبره عاديه مفهاش اي اختلاف
فضلنا قاعدين قدامها 10دقايق
ومفيش حاجه حصلت
بصيت ل ولاد عمي وقولتلهم :
شوفتوا مفيش اي حاجه ازاي وان كل ده خرافات وكلام فاضي
وجهت الكشاف ناحيه باب المقبره لقيت ان هو مفتوح!..
مش عليه اي قفل
ف قولتلهم احنا لازم ندخل نشوف المقبره من جوه !..
طبعا ولاد عمي رفضوا يدخلوا معايا المقبره
ف انا قولتلهم خلاص خليكم انتوا هنا وانا هدخل لوحدي
فتحت باب المقبره ودخلت فعلا
اول م دخلت باب المقبره قفل عليا !!..
كان ف ضلمه وهدوء غير طبيعيه
فتحت الكشاف وانا بترعش جوه
فضلت اشوف خيالات ف المقبره
وحاسس ان ف حد بيتنفس حوليا
اكن ف حد قاعد معايا جوه..
وسخونه رهيبه ف المكان...
شويه وبدأت اشوف حاجه بتقرب مني
وجهت الكشاف ناحيتها..
شوفت واحده ست
لابسه عبايه سوده وشها اسود جدا مفهوش ملامح معينه وضوافرها طويله جدا وشها كان بينزل دم!...
وبتصدر صوت اشبه ب صوت الحيوانات
وبتمشي زي الحيوانات ع ايديها ورجليها!...
فضلت اصرخ واخبط ع باب المقبره علشان حد يلحقني
وهيا بتقرب مني اكتر
انا الرعب كان مسيطر عليا واتخنقت  علشان قله الهواء جوه
لحد م قربت مني ووقفت قدامي
وشوفت كل حاجه..!
وعرفت قصه الست دي
كانت شغاله في السحر الاسود والاعمال
وكل الناس بتكرها وبتخاف منها
من شرها وقوتها وتعاملها المستمر مع الجن والعفاريت
لحد م ف يوم لقوها ميته ومتعلقه ف شقتها
ومن ساعت م دفنوها وروحها مش بتفارق المقبره....!
واطفال كتير وناس كتير كانت بتشوفها ف المقابر....
ف اللحظه دي افتكرت ان كلام ستي صح وانا دلوقتي جوه المقبره💔وهموت اكيد
بس محستش ب اي حاجه غير ان احمد ومصطفي بيفوقوا فيا...
قولتلهم هو انا خرجت ازاي ؟؟
قالولي انت دخلت المقبره وشويه ولقناك خرجت بس اغمي عليك
هو اي ال حصلك ....!
حكتلهم ع كل حاجه
ندموا طبعا انهم سمعوا كلامي ف الاول ....
وخافوا من ال انا قولتوا.!
روحت معاهم وللاسف ستي عرفت ال انا عملتوا ....
وقالتلي حاجه خلتني بموت من الرعب
قالتلي :ال بيدخل المقبره وبيعرف سرها مش بيعيش تاني حتي لو خرج منها....!
قالتلي : كل ال دخل المقبره دي قبل كده كان بيخرج
بس بعديها ب فتره بنلاقيه ميت ...!
وعلشان كده كنت بقولك ابعد عن المقبره الملعونه....
وانت مسمعتش كلامي ي محمد!!.
ربنا يسترها عليك منها ...!
انا بكتبلكم الرساله دلوقتي...
علشان انا من الصبح بشوف الست دي معايا ف الاوضه
بنفس شكلها المرعب ...
هو انا كده هموت صح ؟؟
تمت**
WRITER:AhmedNasser🔥