احببت طفلة 💠الحلقة 33💠
الحلقة 33 قبل الأخيرة رواية أحببت طباخة
وقفنا عند
منة قررت أنها تروح الفيلا عند رامز و تكلم باباه
منة وصلت قدام الفيلا و دخلت
الشغالة:الأستاذ كمال نازل دلوقتي لحضرتك
بعد 5 دقايق كان كمال والد رامز نزل
كمال :أيوة انتي مين
منة بتوتر:انا منة
كمال :انتي تعرفيني
منة عطت الورقة ل كمال (ورقة جوازها العرفي هي و رامز )
كمال اتصدم:دي ورقة جواز و عرفي كمان بينك و بين رامز
منة بحزن :أيوة
كمال :مستحيل انتي اكيد جاية تتبلي علي ابني انا ابني محترم
منة :حضرتك دي امضته و ده خطه
كمال :رااامز
رامز نزل من علي السلم و اتصدم لما شاف منة
كمال :الورقة دي بتاعتك و انت متجوز البنت دي فعلا
رامز بارتباك:ايه انا معرفهاش اصلا
كمال :يعني ده مش خطك رامز متكدبش
منة دموعها نزلت :مش هقول غير حسبي الله و نعم الوكيل فيك بعدت 6 شهور و قولت يمكن يعقل يمكن يوفي بوعده
كمال :وانتي كان عقلك فين وانتي بتتجوزي كدا
منة :كنت فاكرة ابنك راجل
كمال :يا خسارة تربيتي فيك كنت فاكرك راجل بجد اعتمد عليه انت ايه معندكش اخت بنت مش خايف يحصلها زي اللي عملته في البنت دي
رامز :لا مش خايف و ده كان بمزاجها ولله
كمال ضرب ابنه بالقلم :اسمع يا رامز هي كلمة تتجوز البنت دي يا اما احرمك من الميراث و من عربيتك و الفيزا اللي معاك هاخدها منك و مش هيكون معاك فلوس و تعتمد علي نفسك
رامز :مستحيل اتجوزها دي لو اخر بنت في الدنيا مش هتجوزها
كمال :ليه
رامز :عشان انا مش هتجوز واحدة غلطت معاها مش دي اول تنفع تكون ام لعيالي
كمال :و انت بقا تنفع تكون اب انت و هي غلطته ولازم تتعلمو من غلطكو شوفي يا بنتي ده الكارت بتاعي و اكلمك تحددي ميعاد مع اهلك و هتتجوزها شهر بس
منة :بس يكون علي الورق بس
رامز :و مين قالك اصلا اني عايز ابصلك ولا المسك
كمال :بس انت و هي حدديلي يا بنتي ميعاد مع اهلك انا عملت كدا عشان عندي بنت هي اه لسة صغيرة لكن يا بنتي خايف لما تكبر تدفع تمن غلطة أخوها و انتي يعتبر زي بنتي و لازم استر عليكي حتي لو شهرين و بعد كدا تتطلقو
منة :ربنا يكرمك يارب و يباركلك زي ما سترتني جميلك ده فوق رأسي
________
بعد يومين فارس عرف ان زياد في إسكندرية و قرر يقابله و مشي وراه لحد ما زياد وقف عند البحر المكان اللي ما شهد بتحبه و هو رايح شاف شهد هناك زياد و شهد بعد سنة من فراقهم اتقايلو
اول ما عيونهم جات في عيون بعض هي بصتله بصة كلها حزن و وجع و بتبص وراها شافت فارس
فارس :زياد
زياد بيضحك باستهزاء :و كمان لسة بتتقابلو ده انا قولت بعد اللي حصلك تتعلمي و تتغيري بس واضح ان ديل الكلب عمره ما بيتغير
شهد بعصبية :انت مين عشان تحكم علي الناس بمزاجك مين انت عشان تحكم عليا بالظلم انا عمري ما كنت علي علاقة بفارس اه شوفت و سمعت بس كل ده كان كدب ولله العظيم كدب انا عمري ما كلمت فارس
فارس :زياد شهد كلامها صح شهد مظلومة فعلا و انا و سلمي اللي عملنا اللعبة دي ولله
زياد ضحك :و دي كدبة جديدة بقا عشان تستغلفني تاني صح
فارس: لا اقسملك بالله لا و هسمعك حاجة و عارف انك مش هتصدق بس اسمع دي و شوف المحادثات دي و دي مسدجات من الخط نفسه يعني مفيهاش تزوير ولا حاجة بيني و بين سلمي و شوف بنفسك بس اسمع التسجيل ده وقتها كنت عارف ان سلمي ممكن تبيعيني عشان كدا قررت اسجلها و هي مش شايفة بالموبايل اسمع كدا ده واحنا في العربية ساعة ما انت طلعت و شهد و كنت هتضربها :
سلمي :ها هتطلع معايا ولا لا
فارس :انتي اتجننتي يا سلمي ده ممكن يقتلني
سلمي :كنت عارفة ان رودي هتعمل كدا و كنت عاملة حساب ان زياد مش هيصدقنا عشان كدا عملت حسابي كويس اوي يا فارس معايا دليلين هيخلو زياد مش بعيد يقتل شهد
فارس :تؤ تؤ .... انا مش عايزها تموت مش كفاية معرفتش ادوق حاجة منها
سلمي :فارس مش وقته المهم هتطلع ولا لا
فارس :بس قوليلي صحيح انتي جبتي الحاجات دي ازاي
سلمي :بعدين اقولك انا طالعة دلوقتي لو الحوار اتظبط و زياد صدق هقولك عملت كل ده ازاي يلا عن اذنك
_____
فارس :و ده كمان بقا لما انت اخدت شهد و نزلت اسمعه عشان تتأكد أن كل ده كان كدب
فارس :ها عملتي ايه صدق ولا
سلمي :صاحبتك قول عليها يا رحمان يا رحيم
فارس :ليه كدا زعلتيني
سلمي:ده انا مستغربة هدوءه ده لكن زياد مش هيسكت
فارس :بس قوليلي يا سلمي انتي عملتي كل ده ازاي ده انا قربت اصدق ان ده صوت شهد بجد
سلمي :ما هو ده صوتها يا غبي
فارس :نعم ياختي صوتها ازاي ايه كانت بتتكلم و هي متخدرة لا جديدة دي
سلمي :لا يا ظريف هقولك انا روحت لاشطر مبرمج و مهندس كمبيوتر في مصر و اتفقت معاه ياخد اللي يطلبه مقابل انه يركب صورها و كدا معاك قالي انه اتهرس في 500 فيلم عربي و مش هيصدق و الواد كان ذكي قالي انه معاه برنامج لسة منزلش مصر هو اشتراه من برة مصر و الابليكشن ده ممكن يغير صوت أي حد ل صوت اي حد يعني صوت شهد لكن الكلام انا اتكلمته و هو غير نبرة الصوت و بقا شهد اللي اتكلمت
فارس :يا بنت الايه ده انتي جامدة طب و شات الواتس ازاي فبركتيه
سلمي :عنده ابليكشن برضو بيفبرك اي شات بين أي حد
فارس :علي النعمة يا سوسو انتي جامدة
___
زياد مسك فارس من قميصه و ضربه بالبوكس كذا مرة لحد ما فارس نزف دم من شفايفه
زياد بعصبية :ليه يا غبي ليه عملتو فيا كدا انت و بنت الكلب سلمى و نوال ليه
فارس :اضربني عشان انا استاهل
شهد :وانت بقا ايه اللي فوقك كدا
فارس:نفس اللي كنت هعمله فيكي اتعمل في اختي بس الفرق انه كان بمزاجها و الفرق التاني ان انا ملمستكيش و هي اتلمست
شهد :كنت عارفة ان ربنا عمره ما هيضيع حقي حتي لو بعد سنة كنت بدعي عليك كل يوم انت و سلمي و نوال
فارس :سامحيني يا شهد ابوس ايديك سامحيني انا بسببك بتعذب كل يوم في حياتي
شهد بعصبية :انا عمري ما هسامحك فاهم عمري ما هسامحك
شهد كانت هتمشي زياد وقفها
زياد :شهد انا اسف
شهد بتضحك :اسف
شهد ضربته علي صدره جامد و بالقلم علي وشه
شهد بعصبية :ضيعت من عمري سنة على حاجة غلط بسبب غباءك وتسرعك
زياد دموعه نزلت :كنتي عاوزانى اعمل ايه يعنى وانا كل ده فكرتك علي علاقة بيه كنتي عايزاني اعمل ايه و انا شايفك في حضنه وانا بقرأ شات معرفش انه متفبرك وانا بسمع صوتك و انتي بتكلميه قولى كنتي عاوازني اعمل ايه
شهد :كنت تواجهني مش تسيبني قبل فرحي ب 3 أيام كنت المفروض انك واثق فيا..عارف بسببك انا قعدت اد ايه مبتكلمش اكتر من شهرين و نص وكل ده بسبب غباءك ..
زياد :وانا بسببك سبت اسكندرية باللى فيها عشان مفتكرش اى حاجة ليها علاقة بيكي
شهد بعياط:بجد حرام عليك .. عارف انا مش طايقة ابص فى وشك ولا اسمع سيرتك ..بس انت السبب في كسرة قلبي و وجعي سنة بحالها سنة عايشة و كاني مش عايشة
زياد عيط بصوت عالي و صرخ :عارفة حاسس اني زي الطفل التايه اللي ضاعت منه امه و رجعتله لكن مش قادر انسي اني ظلمتك و ضربتك مش قادر انسي كسرة و وجع عينيكي
مش قادر انسي كلمتك انت بتظلمنى من غير ما اعمل حاجة ... يالله للدرجة دي كنت غبي
شهد :عمري ما هسامحك
شهد سابته و مشيت و زياد قعد علي الرملة و كان بيلعن نفسه مازن اتصل عليه
زياد :ايه يا مازن
مازن :مال صوتك
زياد :مفيش
مازن :طيب انت فين
زياد :انا عند البحر في ....
مازن :طيب انا جايلك
_______
فارس روح البيت و منة قالتله علي اللي حصل
فارس:مش احنا اتفقنا يا منة انك متعمليش حاجة من غير ما تقوليلي
منة :مكنش قدامي حل غيره الرقم اهو كلمه و حدد ميعاد معاه
فارس :طيب
_______
مازن وصل عند زياد و زياد حكاله اللي حصل زياد اتصدم لما مازن ضربه بالبوكس في وشه
زياد :انت اتجننت يا مازن
مازن بعصبية :أيوة اتجننت
زياد بيبكي:مازن كفاية اللي فيا شهد مش عايزة تسامحني
مازن بصله و هو اول مرة يشوف صاحبه بيبكي بالطريقة دي و في الحالة دي
حضنه مازن و قعد جنبه
مازن :خلاص يا زياد ياريت كان العياط بيفيد بحاجة او بيرجع اللى فات
زياد :انا عاوز اكلمها تاني ساعدنى يا مازن هي سابتني و مشيت مدتنيش فرصة تسامحني
مازن :صدقنى لو ينفع كنت ساعدتك ..بس الموضوع مش بالسهولة دى ..اللى انت عملته فيها مش سهل يتنسى او تسامحك عليه ..ده غير أبوها و امها مخنوقين منك و مستحيل يسامحوك
زياد :مش مهم بس ساعدنى ..عاوزها تسامحنى ومستعد اعمل اى حاجة
مازن :هحاول اعمل اللى اقدر عليه بس صدقنى هيبقى صعب اوى ومحتاج صبر طب بالنسبة لابوها و امها
زياد :انا هحاول اصلح اللى انا هببته وهتكلم مع عمي عبدلله و طنط امل و انا هكلمهم وعارف رد فعلهم هتبقى عاملة ازاى بس عشان خاطرها هعمل اى حاجة
مازن :انا اسف بجد عشان ضربتك بس انت بصراحة تستاهل اكتر
زياد :فعلا استاهل اكتر ..بس فوقت
________
تاني يوم مازن قابل شهد بعد الحلقة
مازن :شهد في خبر تحفة عايز اقولك عليه
شهد :خير يا مازن
مازن :في مسابقة هتتعمل علي مستوى العالم و اختاروكي تمثلي مصر فيها مسابقة افضل شيف في العالم
شهد بابتسامة :بجد
مازن :بجد طبعا هي بعد شهر و قدامك شهر نخلص في الورق و الفيزا و كل حاجة عشان تسافري
شهد :هو هيكون فين
مازن :في لبنان و هتقعدي أسبوع هناك علي مدة المسابقة ... شهد انا عايز اتكلم معاكي في موضوع .. بصي هو زياد
شهد قاطعته :لو سمحت يا مازن ياريت متكملش انا مستحيل اسامح البني آدم ده ابدا
_______
كمال أتفق مع فارس علي ان رامز و منة يتجوزه لمدة شهرين و وافق
______
زياد راح الفيلا عند نوال و سلمي كانت هناك مسك سلمي من شعرها و ضربها
زياد :يا بنت الكلب بقا بتتفقي مع دي علي خطيبتي يا بنت الجزمة عشان ايه عشان خاطر ايه فلوس معلون ابو الفلوس اللي تعمل كدا و انتي اوعي تفكري اني هتجوز بنتك ده عشم ابليس في الجنة فاهمة
سلمي :اااه سيب شعري انا ماليش دعوة دي أوامر ناني هانم
نوال :زياد انت عايز ايه
زياد :ابعدي عن شهد لاخر مرة هقولك شهد خط احمر فاهمين
______
منة و رامز اتجوزو و عملت فرح
منة :انا هقعد في أوضة الأطفال
رامز:طيب انا هنام هنا و يكون في علمك اوعي تفكري انك تتكلمي معايا ولا تدخلي اوضتي دي نهائي فاهمة
منة بحزن :فاهمة
منة دخلت الأوضة و كانت دموعها مبطلتش تنزل علي حبها اللي كان كلو كدب
_____
تاني يوم بابا رامز اتصل علي تليفون منة و منة ردت
كمال :أيوة يا بنتي معلش انا بتصل علي رامز و مبيردش و هو بيعمله سايلنت لما بيكون نايم ممكن تصحيه يكلمني ضروري لاني عايزه يجي الشركة دلوقتي
منة :حاضر يا عمو
منة دخلت الأوضة ل رامز تصحيه
منة :رامز اصحي باباك علي التليفون عايزك
رامز فاق من النوم و بعصبية :انتي ازاي تدخلي اوضتي اصلا مش كفاية اني هستحملك شهرين ولا عايزة ايه انتي كمان
منة دموعها نزلت منها :باباك عايزك علي الموبايل كلمه
و عطته الموبايل و خرجت
رامز :أيوة يا بابا
كمال :ايه اللي انت عملته ده يا رامز ليه بتزعق للبنت انا اللي طلبت منها كدا
رامز :بجد يا بابا
كمال :أيوة بجد انت فاكر أنها لسة بتحبك بعد اللي عملته فيها ده
رامز :طيب حضرتك كنت عايز ايه
كمال :عايزك تجيلي الشركة دلوقتي في ورق مهم عايزه منك
______
في يوم كانت منة بتصلي و رامز راجع و لما شافها كان مبسوط
منة :انت اكيد جعان احضرلك الغدا
رامز :منة انتي بتصلي
منة :اه ثواني احضرلك الغدا
رامز :بس بشرط تاكلي معايا منة احنا من ساعة ما اتجوزنا وانتي خايفة مني و مبتاكليش معايا خالص
منة :كدا أفضل عن اذنك
رامز مسك ايد منة :منة استني
منة سحبت ايديها :نعم
رامز :اسف علي اللي عملته الصبح فيكي صدقيني مكنتش اعرف ان بابا اللي طلب منك
منة:عادي محصلش حاجة انا هحضرلك الاكل
رامز :و هتاكلي معايا
منة :طيب
______
مر شهر و زياد بيحاول يصالح شهد و صالح مامتها و باباها بالعافية لكن شهد لا حاول يصالحها بكل الطرق و مفيش اي فايدة
مازن خلص كل الورق السفر لشهد و كان ميعاد طيارتها كمان ساعة
و باباها و مامتها معاها في المطار
عبدلله :خلي بالك من نفسك يا شهد
امل :خلي معاكي المصحف ده يا شهد عشان ربنا يحفظك يا بنتي و ان شاء الله تكسبي و تشرفينا في المسابقة دي
شهد :حاضر يا ماما
ركبت شهد الطيارة و كانت خايفة لأنها اول مرة تركبها و وصلت لبنان و اول ما دخلت المطار قابلتها بنت جميلة و مرحة اسمها لارا عندها 25 سنة
لارا :انتي شهد عبدلله صح
شهد :أيوة انتي مين
لارا:معك لارا من هون ب لبنان و انا المسؤلة عنك طيلة فترة وجودك هون ب لبنان
شهد :يا اهلا بيكي لارا
لارا: يا هلا فيكي و بكل لبنان نورتي
شهد :منورة باهلها
لارا:تعي معي شهد نركب مواصلة مشان خاطر ترتاحي بغرفتك في الاوتيل و انا راح اكون معك دايما
شهد :تمام يلا
شهد ركبت مع لارا مواصلة و دخلت اوضتها
لارا :احكي شهد عنك شوي ما بعرف عنك شيء و
غير انه اسمك شهد
شهد :لا خليها بكرة لارا
لارا :لاااا شهد بنوبة (ابدا ) لازم تحكي مشان خاطري يا شهد بترجاكي كتير
شهد :طيب بصي يا ستي
لارا :طيب استني وقفي ها الحين انتي اتروقتي ولا مو اتروقتي
شهد :ايه اتروقت دي
لارا :يعني ... افطرتي ولا مو افطرتي
شهد :طب ما تقولي فطرتي ايه اتروقتي دي كمان لا يا ستي مفطرتش
لارا :اي تمام راح اطلب الي و الك فطور و علي ما تحكي عنك
_________
في المساء شهد كانت قاعدة في البلكونة بتبص علي القمر وبتفتكر
فلاش باك
زياد و شهد و هما قاعدين علي البحر
زياد بعصبية :ايه دا ياهانم
شهد : في ايه ياحبيبي
زياد : حلوه صورتك اللي في الشارع دي اللي رايح والجاي يتفرج عليها
شهد: صورتي والله ما حصل اكيد واحدة شبهي
زياد: وانا هتلخبط فيكي برضو قومي ياهانم شوفي و ردي عليا
شهد : فين دي ؟
زياد: بصي في السما كدا انتي دي ولا مش انتي اللي بتنور فوق دي
شهد : والله العظيم انت رخم
زياد : والله العظيم بحبك
شهد : وانا كمان
زياد : تعرفي انا لما ببص للقمر بفتكرك علي طول
شهد :حلوة الفكره دي عشان لما اموت تبص للقمر و تفتكرني
زياد بعصبية : متقوليش كده تاني فاهمة
شهد :براحه بس ما احنا كلنا هنموت
زياد :ده لو حصل انا مش هبقي موجود عشان ابص للقمر هموت وراكي مش هسيبك برضو
شهد :عارف لو جسمي مات قلبي هيفضل ينبض فيك
زياد :بحبك
شهد :وانا بموت فيكي
شهد بتبص في السما علي القمر
انت سبتني اهو وانا اللي ببص علي القمر لوحدي انت قولت مش هتسبني بس انت اللي حكمت اننا مينفعش نبعد عن بعض يارب قويني يارب و اقدر انساه يارب
شهد كانت حاسة ان نفسها تغني و غنت اغنية
حبيت دلوقتي _كارول سماحة
انا قلبي ليه حاسس قوي بشكل دا
هوه الهوا بيعلي احساسنا كده
صدقني خلاص صدقت
ان انا حبيت دلوقت
ومكنتش اعرف قلبي حيحبك كده
وكنت فين انت وكل الحب ده
وليه سايبني لوحدي طول العمر ده
انا قلبي شايفك من زمان
في الحلم بدور عليه
بس مهما اتخيلك
مش زي مانا شايفه بعنيا
يمكن انا بحكلم وزمن الحلم طار
توهتني بين الحقيقه والخيال
المسني خليني اكون متاكده
انا قلبي ليه حاسس قوي بشكل دا
هوه الهوا بيعلي احسسنا كده
صدقني خلاص صدقت
ان انا حبيت دلوقت
ومكنتش اعرف قلبي حيحبك كده
وكنت فين انت وكل الحب ده
وليه سايبني لوحدي طول العمر ده
في اللحظة دي لارا سمعتها بتغني و صحيت من النوم و دخلتلها
لارا :ماشاء الله صوتك حلو كتير مو قولتيلي يعني انك بتغني و صوتك كتير حلو هيك
شهد بتضحك :بطلي مجاملة
لارا :لا مو بجاملك هيدي حقيقة عن جد صوتك كتير حلو و بيجنن ولله
_______
في يوم شهد كانت قاعدة و لارا جنبها
شهد :لارا
لارا:ايه
شهد بصوت عالي:لارا
لارا :ايه شهد
شهد بصوت عالي اكتر :لااااراا
لارا اتخضت :ايه شهد مالك فيكي شيء
شهد :بنده عليكي مش بتردي عليا
لارا :كيف يعني عم بقولك ايه ايه مو عم تفهمي
شهد :ما انتي بتقولي ايه فكرتك طرشة مش سامعة
لارا :ايه يعني برد عليكي ايه يعني أيوة مثل عندكم بمصر افهمتي شهد
_______
في منزل رامز و منة
منة :رامز العشا جاهز
رامز كان مرهق و باين عليه الارهاق :طيب يا منة
منة :مالك يا رامز
رامز :مش عارف بس تعبان شوية
و مسك راسه
منة بقلق:رامز انت كويس
رامز :مش عارف راسي سخنة باين عندي سخونية
منة :طب ادخل ارتاح شوية وانا هنزل اجيب الدكتور اللي في الصيدلية اللي تحت
_______
_______
لارا :لسة عم بتفتكري في الماضي
شهد بابتسامة : الواحد من غير ماضى ملوش مستقبل
لارا:تعرفي شهد لما بشوفك قاعدة في الغرفة او البلكونة هيك لوحدك و سرحانة بقول انك عم بتفكري في زياد لسة بتحبيه يا شهد
شهد: وانا من امتى نسيته
لارا:تعرفي انه حلو كتير زياد مثل القمر
شهد بصتلها :نعم يا لارا مالك يا ماما فيه ايه
لارا بتضحك :انتي بتغييري ... عن جد بتغيري انا بمزح معك اختي
شهد :اممممم ماشي حبي
لارا بابتسامه: ماهو الجميل مش بيختار غير الجميل زيه يا شهد
شهد :انتي اللي جميلة يا لارا
لارا :تعرفي شهد انتي كتير حلوة و كتير محبوبة بحس لما اشوفك بالاطمئنان كده و لما بشوف سعادتك بحس اني كتير سعيدة مثلك بس بتخنق لما بشوفك زعلانة و بتبصي لصوركم لكن بحس بنقاء الحب بينكم من حكيك عن زياد بحس ان اختياركم مثل بعض
شهد :اختيارنا كان غير اختيار القدر والقدر فرق بينا خلي كل واحد عاش حياته بعيد عن التانى
لارا:بس انتي عايشة و عيشتي حياتك
شهد بتنهيده:قدرت اعيش واتأقلم ..سهم قدرى انضرب ولازم ارضى بيه بس مش كل اللي بيتنفس بيبقى عايش فى ارواح فارقه جسد عايش
لارا: مشان هيك انتي معرفتيش تحبي تانى
شهد: مقدرتش زياد ده حب عمري كلو ده عمري اللي راح و اللي جاي زياد رغم اللي عمله فيا مقدرتش انساه ولا هنساه حتي لما رجعلي مش قدرت اسامحه
________
منة كانت قاعدة جنب رامز علي السرير و بتعطيله الدواء
رامز :متشكر اوي يا منة
منة عيونها دمعت :متشكر علي ايه كفاية انك وافقت تتجوزني
رامز :طب انتي بتعيطي ليه دلوقتي
منة :لا ابدا انا كويسة انا هسيبك تنام و الدواء جنبك لو احتاجت حاجة انده عليا انا صاحية
رامز مسك ايدها :منة
منة :نعم
رامز :عارفة انا اكتشفت حاجات كتير حلوة فيكي انتي جميلة اوي غير ما كنت شايفك
منة :شكرا
رامز :انا عارف انك زعلانة مني عشان جرحتك بس صدقيني كنت تافه و كنت فاكرك زيهم معرفش انك حبيتيني بجد منة انا بحبك اوي و علي فكرة بقا انا مش فارق معايا الشهرين مدة انا عايزك مراتي بجد
منة دموعها نزلت اكتر:رامز متكلمش مش انت بتقرف مني و كنت بتقرف من نفسك
رامز حضنها:بس اهدي بتعيطي ليه
منة جسمها اترعش و بعدتت عنه
رامز :مالك خوفتي ليه
منة :ده غلط
رامز :هو ايه اللي غلط يا حبيبتي
منة :حضنك من غلط
رامز:بس انتي مراتي انتي ناسية
منة :مراتك علي ورق بس اتفقنا انك متلمسنيش
رامز :بس انا عايزك مراتي بجد انا بكرة هكلم بابا و اقوله كدا منة انا بجد بحبك ولله
منة :ليه يا رامز ليه عملت فيا كدا ليه
رامز ضمها لحضنه:هشششش بحبك
منة :هتسيبني تاني
رامز :اوعدك اني عمري ما هبعد عنك تاني
______
شهد كانت بتتعشا هي و لارا وقعدوا يتفرجوا ع التليفزيون مع بعض و بيتفرجو علي فيلم قديم ابيض و اسود
لارا: عن جد افلام زمان دى ميتزهقش منها و خصوصا الأفلام المصرية بحب فاتن حمامة و سعاد حسني كتير
شهد : فعلا قصص تحفه واداء ممثلين كمان تحفة
لارا: لا واحساسهم بالحب والمشاعر تصدقيهم بجد ..حب زمان دا مفيش زيه اوعدنا يا الله
شهد بتضحك: حب زمان ايه بس يا بنتي .. الحب ملوش زمن ..الحب محتاج توقيت صح واشخاص صح علشان يبقى صح ..زمان الاختيار مش كان عشوائى وارضاء رغبه كان ارضاء احساس واحتياج ..طول ما انتى حاسه بااحتياجك لطرف التانى وهو كمان حاسس بكده هتلاقوا الحب جامعكم مش كان فى انانيه زى ال موجوده دلوقتى الواحد لما يرتبط بالواحد او العكس بيتقل ويبقى بارد كده والعلاقه بتموت بسرعه اسرع من بدءت وغير اللي بيتسلى واللي بيقضى وقت فراغ
لارا: لانه مشان اللي بتحكى عنهم مو بيعرفو معنى الحب ايه و هما كل اللي بدهم يعملوه انهم يتسلو و بس
شهد :و كمان الحب بيتعاش بلحظاته ودقايقه ..الحب حياه للي عاوز يعيش وموت للي مش عارف يعيشه وبيخسره ...الحب اكتشاف
لارا :الله عليكي يا دودو اللي يسمعك وانتي عم بتمدحي هيك بالحب يقول انك عايشة قصة حب كتير حلوة
شهد بحزن :مش شرط اكون عايشة قصة حب زياد خلاص مات بالنسبة لي لكن فاكرة كل حاجة كانت بينا يلا بقا نامي عشان نصحي بدري ورانا مشاوير كتيرة
لارا :راح اخليكي تبرمي لبنان كلها شهد
شهد :ابرم ايه ابرم دي
لارا :تبرمي شهد يعني .... عندكم بمصر تبرم يعني يعني ايه ايه يعني تلفي تخرجي لبنان كلها
شهد :طب ما تقولي هخرجك
حدفتها شهد بالمخدة
لارا :هيك انا راح ارويكي كيف تفعلي هيك فيا
_______
تاني يوم الصبح كانت لارا بتتمشي مع شهد الصبح بدري قعدت شهد هي و لارا في مكان هادي و هى بتراقب شروق الشمس
شهد بحزن:عارفة يا لارا شروق الشمس بنستناه عشان نشوفه بس فى ناس برغم انها شايفاه لكن مبتحسش بجماله طلاما قلبها مطفى وحزين
ياريتنا نقدر نتحكم فى قلوبنا ..بس مفيش الا هو اللى بيتعبنا
لارا :معك حق منظره كتير حلو جدا بياخد العقل مو تقولي هيك شهد بطلي تفكري كتير و انتي راح ترتاحي
شهد :عندك حق ياريت لو اقدر ابطل تفكير ..ساعات الحب الغلط بيكسر القلب
لارا :بس حبك ل زياد مو غلط الغلط فيه انه صدق شهد انتي ليش مو موافقة ترجعي ل زياد زياد بيحبك
شهد :لارا زياد وجعني اوي
لارا :بس شهد زياد عم بيحبك ولله ليش انتي هيك مو موافقة تسامحيه اللي بيحب بيسامح شهد
شهد :مش كل حاجة ينفع نسامح عليها المهم بكرة لازم استعد للمسابقة و يلا نجهز عشان الحفلة بتاعة بالليل متعرفيش مين اللي عامل الحفلة دي
لارا :هيدا رجال أعمال عامل الحفلة مشانك ليحتفل بيكي و كترحيب بيكي ب لبنان
شهد:أمممممم طيب يلا نجهز
_______
شهد كانت في الحفلة و واقفة مع لارا
شهد :لارا انا زهقت الحفلة دي هتخلص امتي
لارا :ولله ما بعرف شهد كل اللي بعرفه انه ايجت ل الك دعوة من رجال أعمال مشان يعزمك علي هيك الحفلة
شهد :طيب انا زهقت اوي
في اللحظة دي كان في حوض كبير قدام شهد فيه ماية الحوض ده في ناس بتعوم فيه 3 أشخاص
كل الموجودين في الحفلة ركزو معاهم
شهد بتبص و كان فيه يافطة بتتفتح بتبص مكتوب عليها )Marry Me (
و تحت :شهد عبدلله المنشاوي تتجوزيني
زياد شاهر سليم
شهد كانت متنحة و كل اللي حواليها بيصو عليها و كان فيه كاميرات بتصورها و شهد مندهشة من اللي زياد عملو و اتفجات و بعدها ب 10 دقايق زياد خرج من الماية و غير هدومه و لبس بدلة و مسك علبة و راح عند شهد و فتح العلبة و ركع علي ركبته
زياد :شهد تتجوزيني
شهد دموعها نزلت
زياد :شهد انا اسف انا عارف اني ظلمتك بس صدقيني انا بحبك ولله تتجوزيني
شهد هزت راسها
زياد حضنها :وحشتيني اوي يا شهد
شهد :وانا كمان
________
تاني يوم كانت المسابقة و شهد كانت متوترة و زياد بيحاول يهديها
زياد :حبيبي اهدي بس شوية ولله ان شاء الله انتي اللي هتكسبي
شهد بتوتر:انا خايفة اوي يا زياد حاسة اني مش هعرف اعمل اي حاجة و هخسر
المتحدث باسم المسابقة رن الجرس يبدؤو
زياد :شهد يلا اقفي مكانك عشان تتطبخي
شهد وقفت مكانها و زياد باصصلها و بيحاول يطمنها بعينيه
شهد انتهت من تحضير الأكلة و المتحدث رن الجرس يقدمو الاكل ل لجنة التحكيم
و كل ده بيتصور علي التليفزيون
ايجت لحظة النتيجة و بدأ الشخص يتكلم و شهد كانت علي أعصابها و زياد واقف بعيد و بيدعي ربنا تكسب
الشخص :الفائز بجائزة افضل شيف علي مستوى العالم كلو هي شهد عبدلله المنشاوي من مصر محافظة إسكندرية
شهد صرخت و جريت علي زياد حضنها و شالها و استلمت الجائزة و قالت كلمة لكل الموجودين
شهد :انا من سنتين بالظبط حلمت حلم اني اخدت جائزة أفضل شيف في مصر و انهاردة اخدت الجائزة لكن علي مستوى العالم كرم ربنا جميل اوي اوعو تبطلو تحلمو
كلهم صفقو لشهد و مامتها و باباها و صحابها في مصر بيتفرجو و مبسوطين و مصر كلها فرحانة لأنها كانت بتمثل مصر علي مستوى العالم
______
عايزة اقولكم حاجة
اوعو تفكرو ان الدنيا دى جاية عليكو
وان حياتـكو مـش بايـديكو
وانكم عايشين فيهـا مصـير
فكر كدا جايز انت محتاج تتغـير
ربك جابك كدا للدنيا مش وخلاص
جواك ميزة اكيد تفرق عن باقى الناس
دور كدا من تانى عليك واعرف ذاتك
لاقى وجودك واثبت نفسـك
وابنى قصور من الاحلام
اوعى تخاف ولا تكون حد جبان
بكرة هتوصل للاحلام مش اوهام
بس اتاكد انك فيها مش وخلاص
______
شهد رجعت اسكندرية مع زياد و ودعت لارا و اتفقت مع زياد ان فرحها بعد يومين
_____
يوم الحنة كانت شهد بتحتفل مع صحابها في البيت
شيماء :ايوه بقي يا دودي بكره فرحك يا معلم
شهد : شيماء انا مبسوطه اوووي ومتوتره علي قلقانه مش فاهمه بجد في ايه ..خايفه اووي
ريماس : حيلك حيلك ..انتى هتبقي مرات زياد حبيبك يابت
شهد : ياااااااااااااه اخيرا حلم حياتى هيتحقق
شهد كانت فرحـانه اووي بوجود صحابهـا جمبهـا
شيماء : سمع هوووووس ...
(الكل سكت واستغرب شيماء طلعت فوق السفره )
شيماء: العروسه ..
الكل بص وقال: يا مجنونه
ريماس : العروسه
شيماء : وكمان مره العروسه
ريماس : وكمان مره العروسه
شيماء : العروسه يعنى صحبتى واختى وحبيبتى والنهـارده حنتهـا ومادام النهـارده حنتهـا اكيد بكره فرحهـا ..ورقصنى يا جدع
..(الكل قعد يضحك عليهـا وكلهم رقصو)
واشتغلت اغنيه ماتزوقينى يا ماما
ماتزوقينى ياماما اوام يا ماما
دا عريسى حياخدنى بالسلامة يا ماما
الكحل اكتر اكتر عشان عيوني تبقي جميله
برموش كحيله
وشعري عاوزه يكون ضفاير حلوه طويله
بشريط مزوق ولونه يبروء
دا عريسى حياخدنى بالسلامة يا ماما
سامعه؟ سامعه يا ماما
الناس بترقص علشاني
شايفه؟ شايفه يا ماما
طويل اوي فستاني
رقص ومزازيك
سد الشبابيك
وخططي حاجتي شويه
دا عريسى حياخدنى بالسلامة يا ماما
عريسي جه
انا جايه اهوه
انا شكلي جميل فستاني طويل
وباقيلي ساعه واحده يا ماما
دا عريسى حياخدنى بالسلامة يا ماما
ماتزوقينى ياماما اوام يا ماما
دا عريسى حياخدنى بالسلامة يا ماما
وكلهم رقصوا و شهد مبطلتش هي و شيماء و ريماس
ريماس غمزت ل شيماء تشغل اغنيه _متحسبوش يابنات
متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره ما كان عمره ما كان راحة
قولوا لنا يا نصاح
مين فى الحياة مرتاح
حتى الحمام اللى طاير
عنده تعب فى الجناح
حلم السعادة الجميل
من منبعه السلسبيل
ميهموش لو يسيل
على صخر أو تفاح
ومهما نتعب نقول
تعب الحبيب راحة
متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره ما كان عمره ما كان راحة
مهما تقولوا لنا عليه
رجلينا رايحة اليه
و اللى يحب الحلاوة
لابد يرجع اليه
لا بد من بعض نار
ونص درهم مرار
ولما ييجوا الصغار
القلب ترقص عنيه
ومهما نتعب نقول
تعب الحبيب راحة
متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره ما كان عمره ما كان راحة
_______
يوم الفرح الصبح زياد اتصل علي شهد
زياد : ألو صباح الخير يا عروستى
شهد :بتضحك صباح النور يا عريسى
زياد :عاملة ايه ؟
شهد: الحمد لله تمام
زياد: هتعملى ايه دلوقتى ؟
شهد: مفيش مستنية ماما تجهز و شيماء و ريماس و نروح الاوتيل و نستني الهير دريسر و الميكب ارتيست
زياد:. طب تمام أكيد هكلمك كل شوية
شهد: طيب وأنت هتعمل أية دلوقتى ؟
زياد: و أنا كمان هنزل أظبط نفسى أشمعنى انتي يعنى
شهد بتضحك: .. يا حبيبى أنت قمر أصلا
زياد: لأ برضوا لازم أعمل أى منظر عشان لما أقف جنب القمر
شهد: ماشى يا حبيبى هقفل دلوقتى عشان ماما خلصت
زياد :لحقت لبست بسرعه كدة !!
شهد: دى لابسة من ساعه أصلا
هو أنت ساكت لية ؟
زياد: مش عايز أقفل بصراحة .. عايزك معايا على طول
شهد :خلاص يا حبيبى كلها كام ساعة وأبقى معاك لحد ما تزهق منى
زياد : أنا عمرى ما أزهق منك أبدا
شهد: ربنا يخليك ليا
زياد ويخليكى ليا يا عمري
شهد :يلا سلام دلوقتي لان شيماء معايا علي wait
_______
شهد بعد ما خلصت مكالمة مع زياد ردت علي شيماء و بعد ما خلصت شافت
عبدلله واقف على باب اوضة شهد
عبدلله : خلاص هتتجوزي وتسيبينا
شهد بابتسامه : انا عمري ماهسيبكو .. انا هطلب من زياد بعد شهر العسل انه يجيبكو تعيشو معايا
عبدلله بيضحك : كلهم بيقولو كدا .. انا نفسي قلت كدا لأمي
شهد بتضحك : بس انا ماليش غيركم والله .. وعمري ما هنسى التضحيات اللي عملتوها عشاني وعشان سعادتي .. شعرك الأبيض دا انا عمري ماهنسى إبيض ليه ..
شهد باست ايد باباها و راسه
عبدلله : تراني تأثرت لحظه لحظه ابكي
شهد بتحضن باباها و بتضحك
شهد : انتو اللي هتوحشوني بجد
عبدلله : طب يالا بقى عشان شيماء مستنية تحت مع امك عشان تروحو الاوتيل
شهد :بابا متعرفش القاعة فين زياد مش عايز يقولي اي تفاصيل عن الفرح
عبدالله :هو قالي في القاهرة
شهد : القاهرة !! طب وصحابي ؟؟ هييجو ازاي كدا
عبدلله : سألته نفس السؤال .. قال انه مأجر اتوبيس كبير وهيودي كل اللي مش هيعرفو يجو ويرجعهم تاني
شهد : الواد دا مجنون وربنا
عبدلله: عيب بقى .. خلاص هيبقى جوزك لازم تحترميه في وجوده وفي غيابه
شهد بتضحك : حاضر يا بابا ... ماشي يلا انا نازلالهم بقى
_______
شهد كانت خلصت الميكب و زياد تنح من جمالها
شهد خرجت ل زياد برة و زياد تنح من جمالها
زياد ايه القمر اللى أنا شايفة دة
شهد: ايه الشياكة والحلاوة دي
زياد :والله انتي أحلى
شهد: أحلى عشان معاك
______
زياد و شهد وصلو القاهرة
زياد : ايه يابت الحلاوه دي
شهد : بس بقي الله بتكسف
الفرح كـان في سفينة علي النيـل الصبح
ومكتوب علي السفينة زياد و شهد
و عليها صورهم
الفرح ده حلم كل بنت تلبسه للانسـان اللي بتتمنـاه
و شهد لبسته لحبيبهـا واللي بقي جوزهـا وهيملي حياتهـا كلهـا
امل عيطت عشان بنتهـا خلاص اتجوزت ..
بدا كتب الكتاب
المأذون:قول ورايا وانا قبلت زواجها
اول ما زياد نطق الكلمة دي شهد عيونها لمعت من الفرحة و فاقت لما
المأذون قال : بارك الله لكما وعليكما وجمعا بينكم في خير
همس زياد في ودان شهد : بارك الله لنـا وعلينـا وجمع بيننـا في حلال وخير
شهد : (بصتله وعيونهـا بتلمع ) : بحبك
زياد حضنها جامد :ياااه اخيرا بقيتي حلالي و من حقي
شهد نامت علي كتف زياد ومسكت ايديه جامد وعيونهـا دمعت من الفرحة
شهد :بحبك اووي يا زياد
زياد : وانا بحبك اووي
شهد بصت في عيونه وعملت بمناخيرها في مناخيره زي القطط كده
زياد فرح اووي من الحركه دي واستغرب جنانهـا وسط النـاس
بداؤ يرقصو سلو علي اغنية :تيجي نحلم
تيجي نحلم انا وانتا بس لوحدنا
نحضن هوانا يكبر معانا يضمنا
تيجي نحلم انا وانت بس لوحدنا
نحضن هوانا يكبر معنا يضمنا
نسيني كل الناس في عنيك قربني ليك ضمني باديك انا من زمان و انا بحلم بيك
يا روح قلبي انا
تيجي نحلم
اااااااااااه ااااااااااااااااه
عيشني عمري اللي معشتوش علمني ايه طعم الهوا
وريني حب انا معرفتوش دوبني دوب فيا انا
فيا انااااااااااااااااا
نسيني كل الناس في عنيك قربني ليك ضمني باديك انا من زمان و انا بحلم بيك
يا روح قلبي انا
تيجي نحلم
شهد مسكت المايك الصغير و لزقته في الفستان و غنت اغنية :60 دقيقة حياة
ممكن تخليني في حضنك
محتاجه اني اسمع صوت قلبك
نبضه بيحييني نبضة بيحييني
اصل انا لما بكون متشافه
بتوتر اصل انا خوافه
في حضنك احميني في حضنك احميني
والساعه اللى بعيشها في قربك
60 دقيقة حياة
والوقت الضايع طول بعدك
من عمري انا مش حسباه
في ناس يوميا بقابلها
مضطره اني اضحك واجاملها
وفي اول فرصه اسرق نفسي
واخد نفسي اما اقابلك
ممكن تخليني في حضنك
محتاجه اني اسمع صوت قلبك
نبضه بيحييني نبضة بيحييني
قدامك انا ببقى خجوله
صعب انى اعبر بسهوله
بوصف جوايا بوصف جوايا
فى حاجات بينقص معناها
لو بالشفايف قولناها
احساسها كفاية احساسها كفاية
والساعه اللى بعيشها في قربك
60 دقيقة حياة
والوقت الضايع طول بعدك
من عمري انا مش حسباه
في ناس يوميا بقابلها
مضطره اني اضحك واجاملها
وفي اول فرصه اسرق نفسي
واخد نفسي اما اقابلك
ممكن تخليني في حضنك
محتاجه اني اسمع صوت قلبك
نبضه بيحييني نبضة بيحييني
زياد شد شهد من ايديها و طلعت معاه علي حرف السفينة و حضنها و ضهرها و شهد سابت ايديها و باس رأسها و حضنها اوي و اشتغلت اغنية تيتانك في اللحظة دي
و انتهى الفرح
_________
و زياد و شهد في العربية و راجعين اسكندرية
زياد: يخربيت جمال اهلك..انا الموزه دى بقت بتاعتى خلاص
شهد بكسوف :احم .... احم ..ايه رايك فيا ..حلوة بجد ؟
زياد:جميله وشطوره ..نفذتى كل اللى اتفقنا عليه انتى كده حبيبى وكفاءه
شهد: كفاءه .......ماشى يا ريس ..شكرا شكرا
زياد : طب يلاا اجهزى خلاص قربنا ..نوصل
شهد :نوصل فين تاني مش احنا هنروح بيتنا
زياد :الساعة 4 العصر بيتنا ازاي ده هنروح
فرحنا بس الأول هنطلع علي الاوتيل تغيري الفستان لاني مجهز فستان تاني
شهد :اومال اللي لسة خلصان ده فرح مين
زياد :ده فرحنا الاولاني ما هو انا عامل فرح تاني
(وصلو وقدام باب القاعه )
زياد :يلاا انزلى يا عروستى
شهد : لااا انزل فين ...كل الناس اللى واقفه دى هتتفرج عليا ..لا مش لاعبة
زياد: انزلى يا ياما الله يهديكى ..الناس مستنيه ..هيقولوا غصبينك ع الجواز
شهد : لا يا عم ..لف بينا وارجع تانى ..انا مكسوفه
زياد :مكسوفه ..اومال فين هرقص وشيلنى وهبهدل الفرح
شهد :كنت بهزر يا رمضان ...هو انت مبتهزرش
زياد :طب يلا الناس مستنيه والزفه واقفه
شهد :رجلى مش شيلانى ..هعيط انا حاسة اني هعيط
زياد : خلااص خليكى هنا بقا ...يااه كل دول موزز فى الفرح ...اروح اختار واحده انا بقا ..واكمل فرحى ..دى فلوس ناس ياامه
شهد :استنى هنا رايح فين ....هنهزر ولا ايه
دخلو القاعة علي اغنية طلي بالأبيض
_____
في القاعه :
( زياد كان معلق على حيطان القاعه من اليمين .. صوره اما كان صغير لحد صورته وهو كبير جمب الكوشة .. ومن ناحية الشمال صور شهد وهي صغيره بالتدريج لحد صورتها حاليا جمب الكوشه برضو .. وكان محضر أطباق نحاس مكتوب عليهم اسمه واسم شهد وتاريخ الفرح .. وجوا الطبق ورود صغيره متعلق فيها شوكولاتهات صغيره .. وكان جايب اضاءات ومشكلها على اسمه واسمها ومثبتها على الحيطان .. الكل كان مبسوط وفرحان بالجو الجديد اللي ظيتد كان عامله.. أو بمعنى أصح الكل كان بيحقد على شهد .. )
شهد مسكت المايك و غنت اغنية _انا بعشقه
أَنا بِعِشْقهُ لَلَدُنِيّا ايوه هقولها أَنا مُتَفائِلَة بِيه
دِي فَرْحَة الدُنْيا وَما فِيها جاتلي فِيهِ
وَبِدْعِي رُبّنا كُلّ يَوْم يُخَلِّينِي لَيّهُ
أَنا بِعِشْقهُ بِكَوْن ضَعِيفَة بِشَوْفَة أَنا بستقوى بِيه
ده حَدَّ مَن نُوَعّ اللَيّ مَرَّة بِتَلاقِيهُ
أَنا حَبَّة نَفَسِي تطول ما هية مُلْك لَيّهُ
مَلَّكَنِي بِكُلّ إِحْساسَيْ فَآكَرَنِي تُمِلِّي مِشّ ناسِي
بَقّا لُيَ هُوَ ده ناسِي مليش بُعْدَيْهُ
ڤِي وَقَتَّ ما يجي إِدامِي بتبدأ كُلّ أَحْلامِي
وَتَحْضُن صَوَّرتَهُ أَيّامِي بِمَوْت أَنا فِيهِ
أَنا بِعِشْقهُ معرفش لَمّا بِقابِلَة يَوْمها أَنا بِبَقِّى مَيْن
بياخدني مَن رُوحِيّ وَحَياَتَيَ بِكَلِمَتَيْنِ
دة اللَيّ زِيّهُ نَفَسِي أَعْرِف راحو فَيِن
مَلَّكَنِي بِكُلّ إِحْساسَيْ فَآكَرَنِي تُمِلِّي مِشّ ناسِي
بَقّا لُيَ هُوَ ده ناسِي مليش بُعْدَيْهُ
ڤِي وَقَتَّ ما يجي إِدامِي
بتبدأ كُلّ أَحْلامِي وَتَحْضُن صَوَّرتَهُ أَيّامِي بِمَوْت أَنا فِيهِ
و رقصو سلو علي اغاني :دي اللي خدتني مني _ سيبي روحك _ بيت حبيبي _ لمستك _ من قد ايه _ بحلم بيك_ روحي وخداني _انا كلي ملكك_ عبالي حبيبي_بحس بيه _جنبك علي طول
______
كانت شهد زى القمر بالفستان وهى و زياد اسعد اتنين ف الدنيا زياد مسك مايك وطلب من الكل ينتبه لكلامه
زياد : لو سمحت انتبهوا هنا لدقيقه
انا من موقعى هذا عاوزكم تشهدوا ع كلامى دا
شهد .... اوعدك انى مش هسيبك ابدا ابدا ومش هيفرقنا الا الموت ❤
شهد.... اوعدك هفضل جنبك لغايه ما تبقى عجوزة وسنانك تقع...انا محبتش ولا هحب ولا حبيتك غيرك ❤
شهد.... قدرى و نصيبي انى احبك انتى ربنا كاتبك ليا ..
انتى قدرى واجمل هديه ربنا بعتهالى
... بحبــك لالالالا بعشقك موووووووووووووت
الكل صفر و هيص و شهد مشيت ناحيته
زياد :بعشقك يا مراتى يا ام عيالى
شهد : يخليك ليا يا احلى حب واحن شخص واطيب قلب عرفته وحبيته
_______
و زياد كان جايب عمرو دياب و احمد فهمي
يغنو
_______
زياد مسك الميكروفون و بدأ يتكلم تاني
زياد : انا حابب أعرف الكل .. اني مجنون
( المعازيم بيضحكو )
زياد بيكمل : لا بجد حقيقي انا مجنونوعشان اثبتلكو اني مجنون
زياد بيشد شهد عشان يقومها وبيكمل : وعشان انا مجنون بقى .. الفرح مش هيكمل في القاعه ..
( مشي زياد هو و شهد خطوات سريعه خارجين من باب القاعه ومتجهين لـ شط اسكندرية شط المفضل ليهم .. والمعازيم و الشباب خرجو وراه بيهيصو )
زياد بيكمل : الفرح هيكمل هنا
الشباب والبنات : هيييييييييح
زياد : هااا ايه رأيك ؟؟
شهد بتضحك : انت مجنون
( زياد كان مجهز قاعده تانيه على البحر بـ كوشة عباره عن كرسيين على شكل صدف .. وكان حاطط شموع صناعيه وعامل بيها ممر لـ الكوشة الجديده .. )
زياد اخد شهد و غيرت فستانها و لبست الفستان التالت في اوضة الاوتيلو نزلت تاني
شهد: هما باصين علينا كدة لية؟
زياد بيغمزلها: أكيد ما أنا أمور بقى
شهد بتضحك : منا عرفة
و خلص الفرح .. اللي محدش عارف يوصف جماله و ذوق زياد في انه يوضب حاجه على البحر
_________
زياد و شهد دخلو الفيلا بتاعتهم
زياد: ياااااة أخيراااا روحنا
شهد : أيوة
زياد شال شهد علي ايديه
شهد : أية ده بتعمل أية ؟
زياد :هشيلك عشان متقوليش حرمتك من حاجة
شهد: أنا عايزة أقولك على حاجة
زياد :قولى على حاجة
شهد : عايزة أقولك أنى بحبك
وهفضل على طول جنبك
ولو فى يوم غصب عنى زعلتك
سامحني عشان دة والله اكيد هيكون غصب عني
زياد : و أنا كمان عايز أقولك
أنى بموووت فيكى وهفضل
أحبك وأخاف عليكى وأحميكى
وهشيلك فى عيني
______
شهد : اخيرا انا وانت في بيت واحد
زياد : انا وانتى خلاص هنبقي واحد
شهد : بحبك يا جوزي
زياد : بحبك يا ام عيالي
زياد بيقرب من شهد و شهد خافت منه و بعدت
زياد :مالك
شهد بتوتر:ها ... لا مفيش
زياد :شهد تحبي اساعدك و انتي بتغيري الفستان
شهد :لا لم نفسك
زياد :ألم نفسي ايه يا هبلة انا جوزك و بعدين مش قصدي
شهد :طيب هدخل اغير وانت اطلع برة عشان بتكسف
زياد :طيب انا هغير في الحمام
شهد :اوك
زياد : يلا بقى عاوزك تتوضي وتستنيني نصلي ركعتين سوا
شهد :بجد ده نفس تفكيري
زياد : دا عشان دخولنا للبيت اللي هنعيش فيه العمر كله
شهد دخلت الاوضه غيرت و اتوضت..و زياد دخل الحمـام غير هدومه و لبس جلابية و اتوضي
هم الاتنين خرجو سوا ومبتسمين من منظرهم انهم فاهمين بعض
زياد : شاطره يا دودي كويس انك فكرتي نفس تفكيري
شهد : محبتش يعدي اليوم ده كدة من غير ما نبدا صح
زياد : قمر وانتى بالحجاب و الاسدال وانا هبقي الامام بتاعك كده
شهد : ده يوم كان نفسي فيه من زمـان
زياد : يلا نصلي
زياد & شهد : الله اكبر
بعد الصلاة
زياد بص ل شهد وهي بتصلي جمبه : تقبل الله
شهد : منا ومنكم
زياد قام قعد على ركبته وحط ايده على جبين شهد وقال :
اللهم ألف بين قلبي وقلبها كما الفت بين قلوب عبادك...اللهم سخرها لي كما سخرت البحر لموسى... اللهم اجعل بيننا المودة والرحمة..وارزقنا الصبر والحلم ..واجعلنا على منابر من نور.وأسعدني معها وبقربها..في الدنيا وفي جنة السرور..وأهدنا يا الله لما فيه الخير والصلاح...وارحمنا يا رحيم يا كريم..وصلي على سيدنا محمد وعلى آله وصحبه أجمعين.
مسح زياد بـ كف ايديه على وشها : آمين آمين
شهد بإعجاب : آمين
زياد : ربنا يباركلي فيكي يا شهد .. ويهديكي عليا ويلين قلبك عليا .. آميــن يارب
شهد : آميـن
______
حاجه حلوه اووي لما تحب حد وتلاقيه بيقربك من ربنا
بعد ما زياد و شهد انتهو من الصلاة زياد مسك ايد شهد و بدأ يسبح علي ايديها و قراو سورة ياسين
_______
زياد :عايزين ننام بدري عشان نلحق ننام عشان هنصحى 9 الصبح
شهد بفضول : ليه ؟
زياد : هنروح أمريكا و بعدين باريس نقضي شهر العسل اومال انتي فكرك هنقضيه فـ مصر ؟؟
شهد : وايه لازمته المصاريف دي كلها ؟؟؟؟
زياد بيقاطعها بفرحه : انا قايل لأبوكي وامك وخدت جواز سفرك وعملتلك تذكره .. وكل حاجه مرتبها ..
شهد : ماشي .. يلا ناكل بقى ؟
زياد بيضحك : ناكل يا حبيبتي بس شوية كدا
زياد شال شهد علي ايديه
شهد :نزلني
زياد :لا طبعا انهاردة ليلة فرحنا
و دخل بيها اوضة النوم
_______
تاني يوم زياد و شهد سافرو أمريكا و هما في الاوتيل
زياد احضر ل شهد فستان فرح جديد و جابلها ميكب ارتيست و هير دريسر و جهزوها و نزلو و وصلو مدينة ديزني لاند اللي موجود فيها سندريلا و سنو وايت و بيلا و كل شخصيات الكرتون و لكن علي الحقيقة و عمل فرح هناك و ده كان الفرح رقم 4
شهد :زياد انت ليه عملتلي 4 أفراح ب أربع فساتين
زياد :عشان الشرع محللي 4 وانتي الأربعة اللي الشرع محللهوملي
شهد حضنته :بحبك اوي يا زياد
_____
قضو مع بعض شهد العسل و رجعو مصر و لما رجعو مذيع في قناة طلب منهم يصورو معاه حلقة مباشرة
و شهد راحت معاه و بدأت الحلقة
المذيع :زياد الشاب اللي اتقدم لحبيبته في الماية و اول مرة في الجامعة و عملتلها فرح 4 مرات و ب أربع فساتين ايه يا عم كل ده بتحبها اوي كدا
زياد ضحك و بص ل شهد :شهد دي عيني من جوة بص مهما احكي مش هقدر اوصف بحبها قد ايه
المذيع :الشيف شهد قوليلي بقا يا شهد كان ايه شعورك وانتي بيتعملك كل ده
شهد :مبدئيا انا من اول يوم عرفت فيه زياد وانا اتعودت علي جنان و مفجات كتير منه زياد ده احلي حاجة حصلتلي في حياتي و بدعي ربنا يخليه ليا
______
ميار كانت راكبة العربية و بتسوق بسرعة عشان توصل الاستوديو في القناة
ميار بتفتكر
نوال كانت بتكلم سلمي في الموبايل
نوال :أيوة يا سلمي خلاص هتنفذي كمان ساعة بعد ما يخرجو من القناة هتضربي المسدس اللي ايدتهولك علي شهد اوعي يا سلمي تيجي في زياد
______
المذيع :و دي كانت نهاية حلقتنا شرفتونا زياد و شهد
انتهت الحلقة و سلمي مستنياهم يخرجو و مخبية وشها و صوبت المسدس علي شهد
و في اللحظة دي ميار كانت رايحة ناحيتهم و زياد و شهد خارجين بيضحكو
سلمي بتضرب المسدس ميار بتجري ناحيتهم و زياد في اللحظة دي وقف قدام شهد و الرصاصة جات في زياد و بتضرب تاني جات في ميار
و للاسف مقدرتش تضرب شهد لان كل الناس اتلمت
شهد بتصرخ :اسعاااف بسرعة انتو واقفين بتتفرجو
زياد دخل اوضة العمليات و والدته و والده و أخته و مازن و شيماء و إبراهيم و امها و ابوها
بعد ساعتين
الدكتور خرج من اوضة العمليات : البقاء لله .. للاسف قدرنا نعمل كل اللي نقدر عليه لكن ده قضاء ربنا و عمره انتهى علي كدا و الرصاصة كانت في قلبه
شهد : ها يا دكتور زياد لسه عايش وهيبقي كويس مش كده
الدكتور :للاسف مات
كلهم صرخو : لاااااااااااا
شهد : لالالالالالالالالالالالالالالالالالالالالالالالالا
دا وعدني انه يكون معايا
وعدني اننا نعيش ابننا احسن عيشه
وعدني يربيه معايازياد انا نسيت اقولك اني حامل أيوة حامل و كنت عاملهالك مفجاة
امل بتحضن شهد .. و شهد بتزقها وبتمشي خطوات سريعه ناحية اوضة العمليات
عبدلله مسك شهد و هو بيعيط من انهيار شهد ..
شهد بعياط جامد : ممتش يا بابا .. بيضحكو عليا صح .. هوا لسه عايش انا حاسه بكدا .. زياد عايش يا بابا .. هو قالي هنروح لا هو اكيد روح البيت
شهد : انتوا بتعيطو ليه زياد مامتش انا عارفة بطلوا تعيطو انا عارفة زياد بيحب يهزر معايا كده
ودخلت اوضه العمليات كانوا مغطيين وش زياد
شهد شال الغطا
شهد عينيها بتدمع وعقلها رافض يصدق أن زياد خلاص سابها ومات
شهد بابتسامه : زياد قوم بقا بطل تهزر كدا
يلا علشان نروح البيت بتعنا ..............
وبدأت تعيط : حرام عليك بقا يا زياد انت شايفني بعيط ازاى ومش راضي تصحي
عبدلله وهو بيزعقلها : زياد مات يا شهد افهمي بقا
شهد قعدت علي الارض: لا متسبنيش يا زياد
حرام عليك كنت خدني معاك قبل ما تمشي انا مقدرش أعيش من غيرك طب بلاش عشاني عشان خاطر ابننا عشان عمر يا زياد
عبدلله : يابنتي ارتحمي عليك .. حرام اللي بتقوليه دا .. دا اعتراض على قضاء ربنا
شهد فضلت تعيط في حضن ابوها وفجأة شهد .....
تفتكره حصل ل شهد ايه
التعليقات على الموضوع