احببت طفلة 💠الحلقة 34💠
الحلقة 34 و الأخيرة رواية _ أحببت طباخة
وقفنا عند
زياد دخل اوضة العمليات و والدته و والده و أخته و مازن و شيماء و إبراهيم و امها و ابوها
بعد ساعتين
الدكتور خرج من اوضة العمليات : البقاء لله .. للاسف قدرنا نعمل كل اللي نقدر عليه لكن ده قضاء ربنا و عمره انتهى علي كدا و الرصاصة كانت في قلبه
شهد : ها يا دكتور زياد لسه عايش وهيبقي كويس مش كده
الدكتور :للاسف مات
كلهم صرخو : لاااااااااااا
شهد : لالالالالالالالالالالالالالالالالالالالالالالالالا
دا وعدني انه يكون معايا
وعدني اننا نعيش ابننا احسن عيشه
وعدني يربيه معايازياد انا نسيت اقولك اني حامل أيوة حامل و كنت عاملهالك مفجاة
امل بتحضن شهد .. و شهد بتزقها وبتمشي خطوات سريعه ناحية اوضة العمليات
عبدلله مسك شهد و هو بيعيط من انهيار شهد ..
شهد بعياط جامد : ممتش يا بابا .. بيضحكو عليا صح .. هوا لسه عايش انا حاسه بكدا .. زياد عايش يا بابا .. هو قالي هنروح لا هو اكيد روح البيت
شهد : انتوا بتعيطو ليه زياد مامتش انا عارفة بطلوا تعيطو انا عارفة زياد بيحب يهزر معايا كده
ودخلت اوضه العمليات كانوا مغطيين وش زياد
شهد شال الغطا
شهد عينيها بتدمع وعقلها رافض يصدق أن زياد خلاص سابها وماتت
شهد بابتسامه : زياد قوم بقا بطل تهزر كدا
يلا علشان نروح البيت بتعنا ..............
وبدأت تعيط : حرام عليك بقا يا زياد انت شايفني بعيط ازاى ومش راضي تصحي
عبدلله وهو بيزعقلها : زياد مات يا شهد افهمي بقا
شهد قعدت علي الارض: لا متسبنيش يا زياد
حرام عليك كنت خدني معاك قبل ما تمشي انا مقدرش أعيش من غيرك طب بلاش عشاني عشان خاطر ابننا عشان عمر يا زياد
عبدلله : يابنتي اترحمي عليك .. حرام اللي بتقوليه دا .. دا اعتراض على قضاء ربنا
شهد فضلت تعيط في حضن ابوها وفجأة
شهد بتصرخ :زياااد متسيبنيش
امل :شهد انتي بتحلمي
شهد قامت من النوم :زياد فين يا ماما
امل :لسة مخرجش من اوضة العمليات
شهد بفرحة:يعني زياد عايش
امل :أيوة يا بنتي لسة الدكتور مخرجش يطمنا بس انتي مالك كنتي بتصرخي ليه
شهد :شوفت حلم لا كابوس وحش اوي يا ماما هو انا نمت امتي
امل :ساعة ما احنا جينا انتي اغمي عليكي و دخلتك الأوضة و الدكتور قال انك كويسة بس نسيبك ترتاحي
شيماء:متقلقيش يا شهد زياد هيبقي كويس ان شاء الله
في اللحظة دي الدكتور خرج شهد جريت عليه
شهد بلهفه : ها يا دكتور زياد بخير وهتبقي كويس مش كده
الدكتور : الحمد لله الرصاصة كانت بعيدة عن قلبه و خرجناها و العمليه نجحت وهننقله لغرفة عاديه
شهد : بجد الحمدلله الحمدلله يارب
رباب:بجد الحمدلله يعني ابني بقا كويس
شهد بعد ما سمعت الخبر رجلها مكنتش شيلاها من كتر الفرحه
شيماء : مش قولتلك يا شهد زياد هيبقي كويس
مازن :الحمدلله يا صاحبي بس محدش يعرف مين اللي عمل فيهم كدا
إبراهيم :بس هي ميار صحيح ايه اللي جابها عندكم محدش يعرف
ريماس : الدكتور لسة مخرجش من عندها
شاهر كان بيصلي و لسة راجع عندهم
شاهر بخوف : الدكتور طلع
ريماس بابتسامه : زياد عايش و بخير يا بابا
شاهر : اشكرك وأحمد فضلك يارب
عبدلله :الحمدلله يا رب
وبعد ما نقلوا زياد لغرفة عاديه
كلهم دخلو الأوضة لزياد
شهد قعدت علي الكرسي الي جنب السرير بتاعه
و الباقي قعدوا علي الكنبة الي فالغرفه نفسها
الدكتور دخل :طب يا جماعة هو مش هيفوق غير الصبح تقدرو تروحو دلوقتي و تيجو بكرة تتطمنو عليه
شهد :لا مستحيل نسيبه
كلهم :واحنا كمان
الدكتور :طيب شخص واحد بس يفضل معاه
شهد :انا يا دكتور انا مراته
الدكتور :طيب انتي هتقعدي معاه
مازن :من فضلك يا دكتور هي الآنسة اللي ايجت مع زياد اسمها ميار كويسة ولا حصلها ايه
الدكتور :اه لكن
في اللحظة دي سمعو صوت حد بيصرخ طلعو
كلهم برة يشوفه
شافو نوال بتصرخ :بنتي فين حصلها ايه
الدكتور :اهدي يا مدام بنتك كويسة و هي فاقت دلوقتي لو عايزة تشوفيها
نوال دخلت بلهفة و كلهم دخلو وراها
ميار :انا فين شهد و زياد حصلهم حاجة
شهد :انا كويسة بس زياد اتصاب و الحمدلله العملية نجحت
نوال :انتي كويسة يا ميار
في اللحظة دي رامي دخل الأوضة :ميار انتي كويسة
ميار بحزن:اه كويسة بس حاسة ان جسمي تقيل
الدكتور :حضرتك مامتها ممكن كلمة برة
ميار بعصبية :لو سمحت قولي هنا مش لازم تعمل زي الافلام و تاخدها برة
الدكتور :ميار للاسف الرصاصة جاتلك في الرحم و كان لازم نستأصل الرحم
ميار بصدمة و صراخ :يعني ايه ... يعني انا مش هكون ام ... وانت ازاي تعمل كدا اصلا ازاي تشيله
الدكتور :للاسف مكنش فيه وقت كان خطر علي حياتك و لازم نشيل الرحم
نوال بصدمة:لا بنتي مستحيل طب اسفرها برة مصر اعمل اي حاجة
الدكتور :للأسف مفيش اي حل ده اتشال خالص
ميار بتضحك و صرخت :انتي السبب انتي اللي عملتي فيا كدا
نوال :انا يا ميار
ميار :أيوة انا سمعتك وانتي بتكلمي سلمي و بتقوليلها اقتلي شهد و هما خارجين من الاستوديو و انا روحت عشان انقذها بسببك مش هكون ام بسببك مش هيكون عندي بيبي عملتلك ايه الفلوس قوليلي عملتلك ايه اهو حرمتني من كل حاجة
الضابط وصل في اللحظة دي يحقق مين اللي ضرب نار عليهم
الرائد عامر:انا الرائد عامر كنت عايز اخد اقوالكم مين اللي كان موجود ساعة وقوع الحادث
شهد :انا و دي و زياد لكن زياد مش هيفوق غير الصبح
ميار :حضرتك امي هي اللي كانت باعتة واحدة تقتل شهد دي لأنها هي اللي كانت مقصودة مش انا ولا زياد
نوال :انا يا ميار بتبلغي عني
ميار :أيوة و ياريت حضرتك تفتح المحضر و خد اقوالي
بعد ما ميار حكت ل عمر كل شيء و كل اللي سمعته أمر بحجز نوال في القسم
عامر :أسر عايزك تستدعي اللي اسمها سلمي دي
أسر :حاضر
مازن :انا اعرف حد ممكن يساعدنا نوصل ل سلمي
عامر :مين بسرعة
مازن :فارس معايا رقمه لأنه كان بيكلمني عشان يوصل ل زياد وقت ما كان متخانق مع شهد و متخاصمين عشان يفهم زياد الحقيقة
عامر :طب بسرعة يا استاذ مازن وصلنا بيه
مازن :طيب هكلمه و هخليه يجي
________
رامي :ميار انتي كويسة
ميار :اه كويسة رامي من غير ما تتكلم انا فاهمة انك عايز تسيبني
رامي :ايه الهبل اللي بتقوليه ده
ميار :اومال يعني هتعيش مع واحدة مش هتجيبلك بيبي
رامي :صدقيني انا مش عايز بيبي انا عايزك انتي
ميار:يعني مش نفسك تكون اب
رامي:اكيد نفسي اكون اب بس انتي عندي احسن من 100 عيل
ميار بعياط:كنت بحلم نسمي ابننا و بنتنا آدم و رؤي
رامي بيضحك رغم وجعه :طب عارفة احسن حاجة بلا عيال بلا وجع دماغ
ميار :بس مامتك و اهلك كش هيوافقو تتجوز واحدة مستحيل تخلف
رامي :محدش ليه عندي حاجة انا بحبك انتي و عايزك انتي مش مهم بقا ولا عيال ولا غيره
ميار :كان نفسي اكون ام كنت بحلم بكل حاجة كان نفسي في ابن شبهك
رامي ضمها لحضنه :عايزك تهدي و الحمدلله اكيد ربنا ليه حكمة في كدا
______
في اللحظة دي فارس ايجا
مازن :اهو ده فارس
عامر :فارس انا الرائد عامر احنا محتاجين نوصل ل سلمي ضروري
فارس :انا قاطع علاقتي بيها من زمان بس ممكن اكلم عاصم و اسأله عنها فين
عامر :طيب تمام جدا فارس خلي معاك المسجل ده حطه في جيبك عشان نسمع اعترافها
فارس :طب هو زياد كويس
عامر :اه زياد بخير ولله
فارس :طيب انا هكلم عاصم و اشوفه فين
__________
شهد :ميار انا مش عارفة اقولك ايه عشان انقذتي حياتي انا و زياد
ميار :متقوليش كدا انا بحبكم جدا
شهد حضنتها :ميار انا عايزة اقولك علي حاجة اوعي تزعلي انك مش هتكوني ام عارفة انا ولادي هيكونو ولادك ولله و هخليهم معاكي وقت ما تحبي
ميار :الحمدلله الحمد لله
_______
فارس اتصل علي عاصم
فارس :عاصم ازيك انا فارس
عاصم :فارس ايه ياعمنا .. فايتنا كدا ومبقتش بتخرج معانا .. وغيرت نمرتك و بقيت بشوفك بتروح المسجدكتير و مصاحب عيال متدينة
فارس بيضحك : ربك هداني بقى يا عاصم .. ايه بقى اخبارك ايه ؟؟
عاصم : خرمان اوي يالا .. حاجه بنت ******** .. ومن ساعت ما سبتنا مفيش سجاره متروقة شربتها
فارس : ممممممممممم ربنا يتوب عليك يا عاصم
عاصم :يارب يا اسطا
فارس :بقولك بتشوف سلمي
عاصم :اه يا عم احنا عند المكان اللي كنا بنسهر فيه زمان
فارس :طيب ماشي
عاصم :ليه في حاجة
فارس :لا يا اسطا بسال بس
عاصم : طب بقولك ايه
فارس : قول يا عصوم
عاصم : معكش ألفين جنيه كدا امشي بيهم حالي
فارس : هتعمل بيهم ايه
عاصم : مانت سيد العارفين يا اسطا .. ليلة فل كدا تنسيني الكحرته اللي عايش فيها بقالي 10 شهورمن بعدك
فارس : معلش انا اسف مقدرش
عاصم : بقى كدا ياصاحبي
فارس : مبقاش صاحبك بجد لو اذيتك يا عاصم ..
عاصم : خلاص ياعم الشيخ .. بناقصك خالص ياعم سلام
______
فارس :انا كلمت عاصم و قالي ان سلمي معاه
عامر :فين
فارس :عند شاطيء كدا بيسهرو عندو أعتقد ان سلمي مش عارفة أنها هيتقبض عليها
عامر :فارس انت لو مش مستعد للمهمة دي قول و انا
فارس قاطعه :نفسي اعمل حاجة صح في حياتي انا اه اتغيرت لكن نفسي اعمل حاجة صح يلا بينا
أسر :يلا احنا هنكون وراك يا فارس
_________
شهد كانت في أوضة زياد صاحية مستنية زياد يصحي
________
فارس راح قابل سلمي كانت قاعدة لوحدها
فارس :سوسو
سلمي :فارس عاش من شافك
فارس:مالك يا سلمي قاعدة كدا ليه أول مرة تقعدي لوحدك
سلمي :مفيش
فارس :سلمي انا شوفتك وانتي بتقتلي زياد
سلمي اتصدمت:انت شوفتني ازاي
فارس :شوفتك وانا واقف بعيد و بالإمارة كمان كنتي مغمية وشك
سلمي :هششششش اسكت حد يسمع
فارس :قتلتيه ليه يا سلمي
سلمي :مش كان قصدي زياد كان قصدي شهد و كمان في رصاصة جات في ميار
فارس :أيوة ليه كنتي عايزة تقتليها
سلمي :نوال مامت خطيبته الأولي قالتلي هديكي 100 الف و وافقت
فارس بعصبية :ملعون ابو الفلوس اللي تعمل كدا في الواحد
سلمي:اول مرة أسمعك بتقول كدا عن الفلوس بس ايه التغيير ده يا فارس و بقا عندك علامة صلاة كمان و غيرت شكلك و استايلك
فارس :قصدك نضفت من اشكالكو بقيت بصلي و بخاف ربنا
سلمي بتضحك :و لما انت بقيت شيخ ايه رجعك تاني عندنا
فارس :جيت عشان اسلمك للبوليس اه نسيت اقولك يا سلمي كل كلامنا ده اتسجل و البوليس محاصر المكان كلو
سلمي بعصبية خرجت المسدس اللي معاها:يا بن الكلب بتسلمني
سلمي ضربت طلقة المسدس في فارس جنب قلبه و مرة في كتفه
عامر دخل في اللحظة دي
عامر :سلمي نفسك يا سلمي المكان كلو محاصر
سلمي بتضحك :مبقاش فارق معايا
اسر غمز ل عامر و رمي سلاح سلمي في الأرض و اخدها في البوكس
عامر :فارس انت كويس إسعاف بسرعة يا أسر
فارس بصوت ضعيف:كان نفسي اعمل حاجة صح في حياتي و الحمدلله
عامر :هتقوم بالسلامة يا فارس
فارس :اتصل باختي عايز اشوفها قبل ما اموت خد تليفوني من جيبي و اتصل ب منة اختي
عامر :هتعيش يا فارس ولله هتعيش
_________
شهد كانت سهرانة في أوضة زياد لحد الفجر طلع زياد فتح عينيه
بيبص شاف شهد بتبصله و ضحكت و بعد كدا عيطت
زياد بابتسامه خفيفه : وحشتيني علي فكره
شهد وهي بتعيط : تعرف لو خضتني عليك تاني كده مش هسامحك تاني ابدا
زياد : كنتي هتعملي ايه لو كنت مت
شهد : كنت هستني لغايه لما اموت علشان نتقابل مع بعض فالجنه
زياد : انا بحبك اوى يا شهد
شهد : وانا كمان بموت فيكي
زياد :هو مين اللي ضربني بالنار و ميار كمان فاكر أنها اتضربت زيي
شهد :هحكيلك
__________
عند فارس في المستشفي
منة وصلت هي و رامز
منة بعياط:لو سمحت فارس فين
عامر :انتي منة اخته
رامز :فارس فين انت اللي كلمتنا
عامر :فارس بقاله ساعتين في العمليات الدكتور لسة مخرجش
منة :استر يا رب ماليش غيره بعد بابا و ماما يا رب ده أخويا الوحيد
رامز :حبيبتي اهدي أن شاء الله فارس هيقوم بالسلامة
منة :هو مين اللي ضربه بالنار
عامر :سلمي وليد الجارحي
منة &رامز :سلمي
منة :سلمي ازاي ده فارس قطع علاقته بيها من زمان
عامر :هحكيلكم كل حاجة
_________
ريماس و مازن و رباب و شاهر ايجو ل زياد
رباب :يا حبيبي انت كويس
زياد :الحمدلله يا ماما
رباب :الحمدلله يا حبيبي
شاهر :كدا يا زياد تخضنا عليك
ريماس :انا كنت هموت
زياد :كنت عايز اخضكم عليا
مازن :وحشتني يا ابن خالتي
زياد :وانت كمان يا ميزو
مازن :زياد هي المستشفي دي فيها اكل
ريماس خبطته علي كتفه :بطل بقا يا مازن
زياد بيضحك:انتي شكلك بتجوعي الواد ولله
ريماس :ولله ده بياكل كل ساعة
اياد ابنها بدأ يعيط
ريماس :ايه يا لوحي (روحي بتعيط ليه يا لوح (روح ) مامي
مازن بيضحك:علي اساس ان الواد فاهم يعني
ريماس :بابي مزحلك (مزعلك)
مازن :متجوز هبلة معلش
زياد :انا بجد صعبان عليا ميار هي نوال للدرجة دي الشر بيجري جواها هي دي يا ماما اللي كنتي عايزة تناسبيها
رباب بحزن:انا اسفة يا زياد كنت فاكراها صاحبة بجد
_______
عند فارس
منة :ربنا ينتقم منك يا سلمي و انت يا فارس مكنتش روحتلها
رامز :بجد فارس اتغير اوي ربنا يحميه و ينجيه
في اللحظة دي الدكتور خرج من غرفة العمليات
منة و عامر و رامز جريو عليه
منة :ها يا دكتور اخويا كويس دلوقتي صح
الدكتور :احنا عملنا كل اللي نقدر عليه الرصاصة قريبة من قلبه و الحمد لله انكتبله عمر جديد لكن حالته لسة مستقرتش
منة :يعني هو كويس دلوقتي و فاق
الدكتور :اه فاق و تقدره تطمنو عليه لكن مش عايز كلام كتير عشان ميتعبش
رامز و منة دخلو ل فارس
منة قعدت جنبه :فارس
رامز بتوتر و خوف : ايه يا صاحبي قوم كده و روق
منة بعياط : فارس انت كويس
فارس بصوت ضعيف : كوويس يا حبيبتي بتعيطي ليه بس ... فارس مش هوصيك علي منة دي امانه ف رقبتك متزعلهاش دي بتحبك اوي
رامز : منة ف عيني يا فارس عيب عليك يا صااحبي قووم بس انت بالسلامه
منة :فارس انت بتقول كدا ليه
فارس :انا عايزك تتصل يا رامز ب ابويا الشيخ مصطفي الراجل اللي كان السبب في تغييري اتصل عليه تليفوني معاك صح يا عمر
عامر :أيوة انا هتصل بيه
فارس :و عايز شهد يا عامر عايز اشوفها بالله عليك عايزها تسامحني
منة بتمسك ايد رامز و بتعيط
رامز :اهدي يا منة حاضر يا فارس هنجهملك
عامر :شهد هنا في المستشفي دي برضو انا هروح أجيبها و هتصل علي الشيخ مصطفي
________
شهد كانت قاعدة جنب زياد
و في اللحظة دي دخل عامر عندهم
عامر :مدام شهد بعد اذنك ممكن طلب
شهد :اتفضل
عامر:احنا خلاص قبضنا علي سلمي و السبب فارس أنه ساعدنا
زياد :بجد الحمدلله بس طلب ايه
عامر :فارس طلب يشوف شهد
زياد :لا طبعا مستحيل
عامر :استاذ زياد حضرتك فارس بين الحيا و الموت و طالب انه يشوف مدام شهد يقولها و يطلب منها تسامحه و بعد كدا هترجع تاني
شهد :خلاص يا زياد انا هروح عشان مش اشيل ذنبه
_________
عند فارس
الشيخ مصطفي وصل عنده
مصطفي :ايه يا فارس بتخضني عليك
فارس :وحشتني يا أبويا
مصطفي :انت كويس يا فارس
في اللحظة دي دخلت شهد
عامر : اهي شهد يا سيدي جبتهالك
فارس :سامحيني يا شهد بالله عليكي سامحيني انا ظلمتك
شهد :مسامحاك يا فارس
فارس بيبص ل مصطفى :تفتكر هيسامحني
مصطفي :هو مين يا فارس
فارس :ربنا هيسامحني انا عملت حاجات كتير غلط في حياتي
مصطفي:ربك رحيم يا فارس و انت اخر سنة ليك اتغيرت بجد و عملت حاجات كتير صح في حياتك
فارس :انا مش خايف من الموت بس خايف اقابله و هو مش راضي عني
منة بتقرب من فارس و بتمسك ايده و هو بيحط ايده علي وشها
فارس : بتعيطي ليه بقي دموعك ديه مش عاايز اشوفها،فهمااني و ضحكتك الحلوة دي مش عايزك تشليها من علي وشك و عايزك تعرفي اني بحبك بجد انتي اختي الصغيرة و سامحيني لو كنت ضربتك قبل كدا و سامحيني لما كنت ببعد عنك و مخوفتش عليكي
منة :لا يا فارس متتكلمش عشان مش تتعب بص قوم معايا و اضربني بس خليك معايا يا فارس انت الوحيد اللي فاضلي بعد بابا و ماما الله يرحمهم
فارس :انا مكنش ليا غيرك ادعيلي اشوف بابا و ماما هناك
منة بتصرخ :لا متقولش كدا انت أخويا و صاحبي و حبيبي انا بحبك اوي يا اخويا
فارس بيبص ل رامز : خلي بالك منها يا رامز عارف انك راجل حافظ عليها دي هي الحاجة الوحيدة اللي فاضلة ليا هي دلوقتي ملهاش حد غيرك يا رامز
منة بعيااط جامد و ضيق : فارس متسبنيش و تمشي
فارس : مش بايدي بس هكون جمبك و انتي مش حاسة بيا
منة : متقولش كده انت هتعييش و هتيجي معايا طب بص قوم معايا و اوعدك اني هخليك تعيش معايا انا و رامز او نيجي نقعد عندك
رامز :قوم يا صاحبي ولله هتقوم و هتكون كويس صح ولله هحافظ عليها بس قوم انت
فارس : منة خلي بالك من نفسك و متزعليش عليا يا منة
اشهد ان لا اله الا الله و ان محمد رسول الله
و سكت فارس مرة واحدة و جهاز القلب أصدر صوت انه وقف
منة بصوت عااالي : فاااااارس
الصوت سمع المستشفي كلها من كتر الوجع
شهد دموعها نزلت
منة : مش ماات صح يا رامز اخويا مش مااات
رامز : راح للي احسن مني و منك
مصطفي :الذين اذا اصابتهم مصيبة قالوا انا لله وانا اليه راجعون
انا لله وانا اليه راجعون
ربنا يرحمك يا فارس
الدكتور دخل في اللحظة دي و غطا فارس
منة بتزقه :انت بتعمل ايه
رامز :اهدي يا منة
منة :اخويا مش مات صح
شهد :ربنا يرحمه اهدي يا منة
منة :فارس قوم يا فارس اصحي معايا عشان نروح انا هاجى معاك ولله و مش هسيبك تاني
رامز :اهدي يا منة
منة :فارس يلا قوم معايا انتو بتكدبو عليا يلا نروح مستشفى تانية
مصطفي :اهدي يا بنتي اخوكي راح عند اللي خلقه يا بنتي حرام اللي بتقوليه ده
منة :انتو بتعيطو ليه هو فارس كدا بيحب يهزر معايا دايما و احنا صغيرين كان بيخضني واحنا بنلعب و يقولي انا موت و هو عايش يلا فارس اصحي عشان تعرفهم اني مش كدابة و انك عايش بجد ..... انت مش بتصحي ليه و مش بترد عليا
منة قعدت علي الارض و انهارت بالدموع :عرفت بقا انك انت كدبت عليا و مش بتحبني فعلا عشان مش عايز تصحى ولا تقوم معايا
رامز قعد جنبها و ضمها لحضنه :اهدي يا منة
منة :فارس مات خليه يقوم و يضربني ولله ما هزعل منه بس يقوم و النبي يا رامز
رامز :ادعيله بالرحمة يا حبيبتي ادعيله
عامر :ربنا يرحمك يا فارس بس حقك هيجي من سلمي و هقوملك أكبر محامي و لازم تاخد جزاءها
________
شهد دخلت عند زياد و دموعها نازلة
زياد :شهد مالك
شهد :فارس مات
زياد :لا اله الا الله ربنا يرحمه و يغفرله
شهد :يارب اول مرة اشوف حد بيموت قدام عينيا إحساس وحش اوي و صعب و اخته صعبت عليا
________
مرت الايام و ايجا يوم الجلسة في المحكمة
نوال و سلمي في الحجز
و شيماء و إبراهيم و رباب و شاهر و ريماس و مازن و منة و رامز و زياد و شهد حاضرين الجلسة
______
رامز :ان شاء الله حق فارس هيرجع
منة :ربنا ينتقم منها
_____
رودينا بتعيط:ليه يا سلمي ليه عملتي كدا عشان ايه الفلوس ملعون ابو الفلوس اللي تعمل كدا
سلمي :انا خايفة سامحيني يا ماما
مامت سلمي :اسامحك انا خلاص بنتي ماتت ياما نصحتك تتغيري و فضلتي زي ما انتي
رودينا :متقلقيش يا سلمي ان شاء الله يكون الحكم خفيف
_____
عند نوال
ميار :ليه عملتي كدا فينا ليه اهي الفلوس اللي كان نفسك فيها مش هتخليني ام شوفتي بقا
نوال :خلي بالك منها يا رامي انا موافقة تتجوزو
رامي :ميار في عينيا
_____
المستشار :محكمة
الكل قعد مكانه
المستشار :بعد الإطلاع علي الأوراق و سماع أقوال الشهود حكمت المحكمة حضوريا علي كل من :سلمي وليد الجارحي و نوال السيد عبدالعزيز بتحويل أوراقهم الي فضيلة المفتي
سلمي و نوال صرخو
سلمي :لالاللالا
نوال صرخت :لالالالا
المستشار بيكمل كلامه :سلمي بتهمة القتل العمد للمجني عليه فارس و الشروع في قتل زياد شاهر سليم و شهد عبدلله المنشاوي
و السيدة نوال بتهمة الشروع في قتل زياد شاهر سليم و شهد عبدلله المنشاوي
رفعت الجلسة
_______
ميار دموعها نزلت
رامي :زعلانة
ميار :دي امي مهما كانت وحشة هي اسمها إم برضو امي يا رامي امي
رامي :اهدي يا ميار
_____
منة :الحمد لله حق فارس رجع
رامز :ربنا يرحمك يا صاحبي
________
تاني يوم
في فيلا شاهر و رباب مازن و ريماس كانو عندهم
رباب :انا اسفة يا شاهر انا فعلا كنت تافهة جدا
شاهر :يارب تتعلمي من غلطك ده و تختاري صحاب كويسين
رباب :شاهر انا قررت اسيب الاتيليه و اكون معاك انت دايما و ولادنا
شاهر :و ده قرار بجد ولا هترجعي في كلامك
رباب :لا ده بجد
شاهر :ياااه بجد وحشتيني جدا يا رباب وحشتني رباب بتاعة زمان
رباب :طب يلا تعالي استريح فوق شكلك مرهق و تعبان من الشغل
مازن :ايوه ياعم الله يسهلوه
رباب بصتله :ولد عيب كده
ريماس ضحكت:بتحط نفسك فى مواقف بايخة
مازن حدفها بمخدة الانتريه:متهمدى بقى يا بت
ريماس :اوعي كدا اما ارضع اياد
_______
في فيلا زياد كانت شهد لابسة فستان قصير و حاطة ميكب و عملت تسريحة جديدة لشعرها و عملت تورتة و حطت عليها 3 شمعات و عملت بلالين دبل فيس و زينة في الفيلا
( زياد كان راجع من الشغل في شركته وبيفتح باب الفيلا .. شاف شهد واقفة ورا الباب ومخبيه حاجه ورا ظهرها )
شهد :ان ان ان
زياد اتخض:ايه عاملالي مفاجأه ولا ايه ؟؟؟؟
شهد بتهز راسها ب آه
شهد مسكت ايد زياد وبتشده ل السفره : عملتلك تورته
زياد : وااااو حلوة اوي وكمان 3 شموع .. لالالالا كتير عليا .. تسلم ايدك ياعمري
شهد قطعت التورتة و مسكت الشوكة بتاكل زياد
شهد : طعمها حلو
زياد وهو بياكل : تجنن يا حياتي .. بس ايه المناسبة بقى واشمعنا عليها 3 شموع ؟
شهد : انت ملاحظ ايه علي الشموع ؟
زياد وهو بيبلع : اتنين كبار وواحده صغيره
شهد بتعض على شفايفها : طب فهمت حاجه
زياد : ولا الهوا .. هوا انا فاضي .. آكل ولا افكر ؟
شهد قعدت جمب زياد على نفس الكرسي بتاعه و زياد اخدها علي رجله
شهد :الشمعه الاولى .. دا انت
والشمعه التانيه .. انا طبعا
اما الثالثه ..
شهد اخدت ايد زياد وحطتها على بطنها
زياد بصدمة: ايه ؟ بجد؟؟
شهد هزت رأسها ب اه
زياد : حامل ؟
شهد : ااااه هتبقى بابا يا زياد و هيكون عندنا عمر و لينا و ميرنا
( زياد شال شهد وفضل يلف بيها )
شهد : نزلني يامجنون بدوووخ
زياد نزل شهد : مش مصدق انك حامل .. يعني انا هيبقى عندي كائنات نوتيلا كدا زي مامتهم تقولي بابا
شهد بتضحك : انت فرحان للدرجادي
زياد : قولي هموت من الفرحه .. قولي هتجيني سكته قلبيه م الفرحة .. قولي...
شهد بتقاطعه : بس بس بس بعد الشر عنك .. ربنا مايحرمني منك
زياد : ولا يحرمني من ام عياالي .. انا مش هسيب حد الا اما اقوله
زياد بيفتح باب الفيلا وبينادي على البواب : يا عم اشرف يا عم اشرف .. شهد حاااااامل
شهد بتشد زياد من التيشرت : يانهار اسود .. ادخل يا مجنون الجيران تسمع
زياد : خليهم يسمعه
( وبيمسك بطن شهد )
زياد : انا هيتقالي يا بابا ..
طبعا الجيران كلها سمعت الفيلا و كل الناس فرحت ليهم
________
كريم و ملك قاعدين في الحديقة و جنب وردتهم
ملك :شوفت يا كريم وردتنا بتكبر كل ما احنا بنكبر ازاي
كريم :اكيد طبعا
ملك :كريم انت ليه بتلعب كارتيه
كريم :عشان يا لوكة اقدر ادافع عنك لو حد عاكسك
________
زياد و شهد قعدو أسبوعين مبيرودش علي مكالمات حد ولا بيفتحو الباب لحد و دي أوامر زياد باشا و اخد إجازة من شركته
زياد كان بياخد شاور في الحمام و شهد قاعدة في رخامة المطبخ و لابسة فستان قصير و بتاخد شوكليت سايح و منقط علي شفايفها و رقبتها و بتغني
و زياد انتهى من الشاور و لبس بنطلون ترنج من غير تيشرت و بيسرح شعره و تليفونه رن و قرر انه يرد لأنه زهق
و كان مازن اللي بيتصل
زياد :عايز ايه يا زفت
مازن :حبيب قلبي وحشتني ولله أخيرا يا عم طلعتو عايشين
زياد :أنجز عايز ايه
مازن :حبيبي بنطمن عليكم بس
زياد :انا لسة في شهر العسل هكون مش برد ليه
مازن :انت يابني مش لسة مخلص شهر العسل في باريس و أمريكا
زياد :ما احنا هنعمل شهر عسل تاني عندك مانع
مازن :لا يا عم
زياد :طب اقفل دلوقتي عشان مش فاضيلك
زياد نزل تحت لشهد
________
زياد قرب من شهد و حاوطها بايديه و حضنها و هي قاعدة
زياد :بتعملي ايه
شهد :باكل شوكليت
زياد :امممم حلوة ولا ايه
شهد : روعة يا بيبي ... تحب تجرب ؟
زياد غمزلها : احب اوي
شهد اخدت معلقة من كوب الشوكليت و بتضعها في بوق زياد و بتاكله
زياد :لا مش عايز اكل من ده
شهد :اومال من ايه
زياد شاورلها علي شفايفها و دقنها و رقبتها و باسها و بدأ ياكل الشوكليت من عليها
شهد متنحة :انت بتعمل ايه
زياد :Chocolate Kiss ( يعني بوسة الشوكليت )
شهد تنحت من اللي زياد عمله و استسلمت لبوسة الشوكليت
و بعد 10 دقايق زياد شالها علي ايديه و طلع فوق اوضتهم و اول ما فتح الباب و دخل
شهد صرخت : لا يا زياد كفاية حرام عليك انا زهقت من الاوضة
زياد : بلاش جنان و سيبي الباب
شهد : مش سايباه مستحيل ادخل الاوضة دى غير وقت النوم بالليل بس .... حرام عليك ما شوفتش شكل الشوارع بقالى يومين
زياد : بعدين
شهد : لا دلوقتى
زياد بعصبية :يوووه كلامي مش بيتسمع ليه
شهد : لا يعنى لا ........ كفاااية اوي الأسبوعين اللى فاتو
زياد بيمثل الحزن : خلاص زي ما تحبي
شهد مسكت خدوده :حبيبي من غير زعل بس بجد خلينا النهاردة برة الاوضة نتفرج على فيلم او نتكلم فى اى حاجة ... تغيير يعنى
و فجأة زياد قفل الباب برجله و وضعها علي السرير بحنية و قفل الباب بالمفتاح
شهد بعصبية : بتشتغلنى يا زياد حرام عليك بقا
زياد بيقرب منها :مالك بس انا عملت ايه
شهد : زياد بلاش بقا ... خلينا نخرج النهاردة انا متفسحتش من اسبوعين
زياد : بلاش ايه و بعدين الخروج ده بعدين مش وقته
شهد جريت منه : طب نخرج نتمشي بس و نرجع تاني
زياد قرب منها : بلاش لعب عيال بقا
شهد : طب نروح البحر
زياد : البحر بتاعنا المفضل
شهد :اه يا بيبي
زياد شدها لحضنه و باسها من شفايفها بوسة طويلة و شهد حاولت تفلت منه مش قادرة تقاومه
شهد بتنهيدة: ابعد بقى كفاية كدا
زياد : تؤتؤ
شهد بدلع: زياد
زياد : عيون زياد
شهد : عايزة اروح البحر.....
قاطعها زياد ببوسة تانية
زياد : هجبهولك لغاية عندك .... بس بعديييييين
و شدها لحضنه اكتر
_______
بعد مرور 3 شهور
يوم زفاف رامي و ميار
عند فيلا زياد
شهد بتلبس الفستان و بطنها كبرت شوية و زياد كان بيظبط شعره
شهد بعصبية : يوووه قولتلك خليهم يأجلو فرحهم مينفعش اروح الفرح بالمنظر ده الناس تقول عليا ايه؟
زياد بيضحك : يأجلو ايه ده انا لو جبت ل رامي سيرة التأجيل دي كان ولع فيا دول بقالهم سنين صابرين عشان اليوم ده.... و بعدين مال شكلك يا قلبي مانتى زي العسل اهو بكرشك ده
شهد: كرش .... مسمي عيالك كرش ..... تصدق خساره فيك انى مستحملة قرفهم عشانك
زياد : قرفهم؟و عشانك؟ فى واحدة تقول على التوأم بتوعها انهم قرف .... امال فين حنان الام و بعدين انا مالى ... عشانى ليه
شهد :طبعا عشانك هما مش ولادك
زياد : هو انا كنت جبتهم لوحدى
شهد : كمان مش طايقنى و مش مستحمل كلمة مني يعنى مش كفاية انت و منظرى ده كمان...... اعمل ايه ياربي
زياد:يا حبيبتي انتي من ساعة ما بقيتي حامل و مزاجك بقا مش حلو
شهد بدأت تعيط
زياد حضنها و قعدها جمبه : حبيبي بلاش عياط وبعدين ماله الفستان مانتى طالعة زي القمر اهو و الناس هتعاكسك و شكلى هرتكب جريمة النهاردة ... يلا يا دودي يا حبيبتي خلينا نخلص لبس اتأخرنا عليهم
شهد بصتله : بجد شكلى حلو
زياد :قمر يا روحي ولله
شهد قامت من حضنه و باسته من خده
شهد :اوعي طيب هكمل لبس الفستان عشان لسة مخلصتش
زياد :طيب انا نازل اجيب الموبايل بتاعي من تحت
شهد بتقفل السوستة مش راضية تتقفل
شهد بصراخ : زيااااد زيااااد
زياد : ايه ايه هتولدي مالك بتزعقي ليه ؟
شهد : اولد ايه يا غبي فى واحدة بتولد فى الرابع
زياد : امال فى ايه
شهد : السوستة ..... عايزاك تقفلى السوستة
زياد بيقفل السوستة
زياد: الله يرحم لما كنتي بتتكسفى تغيري قدامي...... لالا يا شهد اتغيرتي ... بقيتي منحرفة
شهد بصتله و رفعت حاجبيها و ضربته علي كتفه
شهد : اتلم
زياد : اتلميت اهو ... لا بس الفستان بقا جامد عليكي بعد ما خلصتي
شهد :طبعا يا بيبي طول عمري اصلا مزة
زياد :صبرني يا ربي يلا قدامي هنتاخر
______
راحو الفرح كان في قاعة جميلة و رامي و ميار كانو فرحانين جدا
زياد : شايفة رامي طاير من الفرحة ازاى
شهد : ميار زي القمر ما شاء الله
زياد :اه فعلا
شهد ضربته علي كتفه :ما تتلم ايه زي القمر دي
زياد :مش انتي بتقولي رديت قولت اه
شهد :انا اقول انت متقولش
زياد :رحمتك يارب
في اللحظة دي ريماس و مازن و شيماء و إبراهيم ايجو
شيماء و ريماس حضنو شهد
شيماء:بطيختي الصغننة
شهد ضربتها
شيماء :بس يا بت البيبي في الشهر الثاني كدا يموت
ريماس :وانا في الشهر الثاني برضو متضربنيش
شهد :انتو بتحملو ورا بعض دايما كدا
شيماء بتضحك :شوفتي بقا
_______
بعد مرور 5 شهور
شهد :الدكتور قال ان البيبي التوأم طلعو ولد و بنت اخيرا قدر يعرف
زياد :صحيح هتسميهم ايه
شهد :عمر و لينا
زياد : انتي عارفه لو الواد و البت اللي في بطنك دول اول مايتولدو مش قالولي يا بابا انا هعمل فيهم ايه ؟
شهد بتضحك : هتعمل ايه يعني ؟؟؟ ماهو كدا كدا قدامهم بتاع 6 شهور عشان يعرفو يقولو باء بس مش بابا
زياد بيقرب منها : ولا هعمل اي حاجة
شهد ضحكت
زياد :هيجو امتي بقا انتي في التاسع و حاسس انك داخلة علي العاشر
شهد بتتألم :آآآآه آآآآآآآه
زياد بخضه : هتعمليها ولا ايه
شهد بصريخ : آآآآآآآآآآآآآآآآآآآآآآآآآآآه اتصلي على ماما آآآآآآآآآآآآآآه
زياد شال شهد : هنبقى نكلمها واحنا في طريقنا للمستشفى
________
زياد و شهد في العربية و زياد سائق
شهد : اااااااااه أنا بموت انا خلاص مش هخلف تاني
زياد : مش لما تخلفي اولاني اصلا
شهد بتصرخ : انت بتتريق .......... قاعد بتتريق دا وقته
زياد بعصبية: طبله ودني اتخرمت أهدى قربنا نوصل
شهد بتصرخ : أهدى انت بتقولي أهدى انا بموت هنا وانت بتقولي أهدى
زياد : والله هتبقى كويسه انا الي هبقا أطرش
و بعد 10 دقايق وصلوا المستشفي
زياد خرج شهد من العربية و شالها علي ايديه ودخلوا المستشفي و المسعفين اخدوها علي غرفه العمليات
________
ف المستشفى :
زياد قلقان:يارب ولد ... ولد ايه ما هي حامل في ولد و بنت ايه الغباء ده
يارب يااااارب يارب سهل ولادتها يا رب .. يارب يارب
ريماس و شيماء و إبراهيم و مازن وصلو عند زياد
ريماس : هي شهد فين
زياد : جوه في اوضه العمليات
شيماء : انت اول ما مكلمتني مصدقتش ولبست بسرعه وجيت
ولسه بيتكلمو سمعوا صوت البيبي بيبكو
شيماء: مبروك يا عم بقيت آب
زياد : الله يبارك فيكي عقبالك
شيماء : عقبالي لما ابقا اب يعني
زياد : قصدى عقبالك لما تبقي أم
الدكتور خرج : فين زياد
زياد : انا زياد في حاجه يا دكتور شهد كويسه ؟؟
الدكتور :مبروووك جالك ولد و بنت توأم زي القمر
زياد: منا عارف انهم ولد و بنت .. و ايه زي القمر ده انت ازاي تقول علي بنتي أنها زي القمر
الدكتور استغرب
مازن :سوري يا دكتور ده بيهزر
زياد مسك في قميص الدكتور :تاني مرة متقولش كدا تاني
الدكتور :حاضر حاضر
زياد :المهم شهد صحتها عامله ايه كويسة؟؟
الدكتور : شهد كويسه وصحتها زي الفل وولدت طبيعي .. ووشها منور مفهوش اي ارهاقات حتى
زياد بصله جامد :نعم ايه وشها منور دي
الدكتور : قصدي يتربو في عزك ان شاء الله
زياد : اقدر ادخل اطمن عليها ؟؟
الدكتور : الممرضه بتجهزها هيا والبيبي وبعدها تقدر تطمن عليها
______
ودخلوا عند شهد
ريماس بتضحك : اسكتي يا شهد متعرفيش ايه اللي حصل برا
شهد : ايه الي حصل
شيماء : الدكتور خرج وقال ل زياد انك جيبتي ولد وبنت زى القمر زياد كان هيضربه
شهد بصت ل زياد
زياد : يعني عايزه واحد يقول لبنتي انها زى القمر واسكت
ريماس و شيماء بيبصو للبيبي باعجاب
ريماس : الله زى القمر يا دودو شبهك انتي و زياد
شيماء :اخدين عيون باباهم و ملامح مامتهم
زياد بيشيل عمر علي ايديه
زياد :بسم الله ماشاء الله بجد حلوين اوي
هما صغيرين اوى كده ليه
مازن بيضحك: هما لازم يبقو كده
زياد مسك ايد عمر
زياد : بصي ايده صغيره ازاى
إبراهيم :ايه يا عم لسة هيكبرو
( بعد خروج شهد من المستشفى .. قررو يسمو التوأم عمر و لينا)
________
زياد عمل سبوع ل عمر و لينا و كان طابع تيشرتات مكتوب عليها I Love You Dad Zeyad &Mamy Shahd
و عليهم صورة عمر و لينا
و عمل حفلة كبيرة ليهم و بداو كلهم يغنو اغنية السبوع من فيلم الحفيد
________
و ميار فرحانة ليهم لكن كانت بتبصلهم بحزن
رامي :مالك يا حبيبي
ميار :كان نفسي يكون عندي بيبي زيهم
رامي :يا روحي ده نصيب و وعسى ان تكرهوا شيئا وهو خير لكم
متعرفيش ربنا كاتبلنا الخير في ايه
ميار :بستغرب اوي يا رامي انك مش عايز تتجوز و حارم نفسك تكون اب و مش بتسمع كلام حد من اهلك من كتر زنهم
رامي :دي حاجة مش في ايدينا و ده نصيب و انا ياستي مش عايز عيال انا عايزك انتي و بحبك انا ولله العظيم سيبك منهم بقا
________
بعد مرور شهرين
ريماس قاعدة بتتفرج علي مسلسل هندي
مازن: يوووه بقا انا زهقت من المسلسلات الهندي دي ده انتي حامل و قربتي تولدي و المسلسل لسة مخلصش
ريماس : بتزعق فيا وانا حامل طب ولله لاروح عند ماما علي الأقل هيخلوني اسمع هندي براحتي
مازن : ايوه انا كل ما اقولك حاجه تقوليلي نفس الجملة دى
ريماس : ايوه زعق
مازن : طب قومي سخنيلي المحشي و الفراخ جعان اوي عايز اكل
ريماس :انت ايه علي طول كدا جعان مبتشبعش ابدا
________
عند شيماء و إبراهيم
شيماء :هيما هات قناة Mbc مصر فيه برنامج حلو تامر حسني جاي فيه
إبراهيم :استني الماتش شغال
شيماء:بقا كدا عايز تسمع الماتش و بتزعقلي و مش عايزني اسمع البرنامج يا ميلة بختك يا شيماء
إبراهيم :يادي النيلة خلاص يا حبيبتي اهو البرنامج ارتاحتي
شيماء بتضحك :اه ارتاحت
إبراهيم :شيمو ما تعمليلي فشار
شيماء : هتسيب مراتك الحامل تعمل الفشار وانت قاعد مكانك حسبي الله ونعم الوكيل
إبراهيم : تعالي كده يا شيمو
و شدها من ودنها
ابراهيم : مين الي بقاله تسع شهور هو الي بيعمل الأكل فطار وغدا وعشا
شيماء : انت
ابراهيم : ومين الي بيغسل وبيكنس وساعات بيمسح
شيماء : انت برضوا يا حبيبي
إبراهيم : بقا تروحي تعملي فشار ولا اقلعلك ودنك دي
شيماء : خلاص هقوم هقوم
إبراهيم :انتي هتخديني فالكلام يلا قومي اعملي الفشار
شيماء : قايمه قايمه
و دخلت علي المطبخ
ابراهيم : خلينا نغير البرنامج دا و اجيب الماتش بقا
_________
عند مازن
مازن :يلا يا ريمو بقا قومي اعمليلي اكل عشان جعان
ريماس :حاضر قايمة اهو بس استنى يجي إعلان
مازن :قومي يا ريماس بقا
ريماس صرخت:ااااااه
مازن :لا مش كل يوم كدا تخضيني عليكي و تعملي نفس الحركة و في الاخر انا اللي بسخن الاكل
ريماس :اااااااه هولد يا مازن ولله العظيم بجد اتصل ب ماما
مازن :بجد هتولدي
ريماس :أيوة بسرعة ااااااه
_________
عند إبراهيم و هو بيتفرج علي الماتش
إبراهيم :ايووووة بقا جوول يا معلم يا معلم و هييييح بقا
شيماء كانت بتعمل الفشار و صرخت و صوتت
ابراهيم : يوووه هتقعد تقرفني علشان هتعمل شويه فشار جاي جاي
و دخل المطبخ
ابراهيم : خلاص روحي اقعدى وانا هعمل الفشار
شيماء بتصرخ : انا بولد يا إبراهيم
إبراهيم : مقولتلك هعمل الفشار خلاص بقا
شيماء بتزعق : بقولك انا بولد انت مبتفهمش
إبراهيم : بتولدى طب انا اعمل ايه المرة اللي فاتت امك كانت عندنا و هي اللي اخدتك للدكتور
شيماء بتصرخ : مش عارفه أتصرف
إبراهيم فضل يلف فالشقه وهو مش عارف يعمل ايه
شيماء بتصرخ : انت بتعمل ايه
إبراهيم بتوتر: بدور علي مفاتيح العربيه
شيماء بتصرخ : المفاتيح فجيبك
إبراهيم اخد شيماء ونزلوا تحت وركبها العربيه وراحوا علي المستشفي
و في اللحظة دي مازن و ريماس وصلو نفس المستشفى
و مازن و إبراهيم رايحين جايين و بيدعو ربنا
و بعد كام ساعة سمعو صراخ بيبي
و خرج دكتور من غرفة شيماء
الدكتور :مدام شيماء جابت ولد زي القمر
و خرج دكتور من غرفة ريماس
الدكتور :مدام ريماس جابت بنت زي القمر تتربي في عزك
إبراهيم :هتسمي بنتك ايه
مازن :سارة وانت هتسمي ابنك ايه
إبراهيم :مروان
________
مر شهور و بدأت الدراسة آخر سنة ل ريماس و شهد و شيماء سنة رابعة في الجامعة
_______
عند زياد في الفيلا
زياد :عايز امتياز زي كل سنة
شهد :حاضر يا بيبي
زياد :و متقلقيش دادة مني بتاخد بالها منهم وقت ما بتروحي الجامعة
______
مرت سنة و شهد اتعينت معيدة في الجامعة و مازالت مذيعة زي ماهي و في نجاح أعلى و زياد دايما بيشجعها
______
بعد مرور سنتين
عند مازن في الفيلا
ريماس قاعدة بتاكل طبق موز و تفاح وهى بتتفرج علي التليفزيون علي المسلسلات الهندي
دخل مازن و هو شايل ابنهم إياد عنده 4 سنين
ريماس:اوعى من وشى يا مازن عايزة اتفرج على الحلقة الاخيرة
مازن :ياشيخة ارحمى امي بقى ..خدى ابنك جننى ..واوعى تخليه يطلعلى فى الاوضة يا اما هرميهولك من فوق
و سابها و طلع اوضته
ريماس بتضحك و بصت لابنها و باسته و قعدته جنبها:تعالى يا حبيبى انت عملت ل بابي ايه
اياد ببراءه :معملتث حاجة يا مامى انا جبت الولق بتاعه من على مكتبه وعملت بيه ملكب عثان احطه فى الميه بس والله مس عملت حاجة
ضحكت على براءته و باسته
ريماس :طيب اقعد هنا جانبى عشان اتفرج على المسلسل
اياد:انا عاوز العب مع بابى
ريماس :بابى مشغول دلوقتي ..يلا اقعد ساكت بقى و شوية و هينزل
_______
عند زياد و شهد
زياد و شهد قاعدين بيتفرجو علي Tv و جنبهم عمر و لينا
زياد :لينا ... عمر
عمر &لينا:نعم يا بابي
زياد :مامي فين يا حبايبي
شهد :انت بتهزر مانا قاعدة معاك اهو
زياد :ها يا حبايبي مامي فين
عمر &لينا شاوره ل باباهم علي قلبه :مامي هنا يا بابي
زياد :وانا قولتلكو ايه
عمر&لينا :قولتلنا لما أسألكم مامي فين نشاور علي قلبك و نقول مامي هنا
زياد :برافو يا حبايبي
شهد بتضحك :بحبك اوي يا زياد
زياد :وانا بعشقك يا قلب زياد
______
في بيت منة و رامز
منة :يا فارس تعالي هنا
رامز :مالك يا حبيبتي
منة :فارس مش عارفة اغيرله كل شوية بيجري مني
رامز شال ابنه فارس الصغير :ايه يا بطل كبرت اهو يلا بقا عشان مامي عايزة تغيرلك
_______
بعد مرور 4 سنوات
ملك و كريم كبرو و داخلين اولي كلية هندسة و اتفقو يعملو خطوبتهم بعد كام يوم
______
و في يوم شخص قابل زياد و شهد في الفيلا بتاعتهم
الشخص :انا السيناريست وائل شكري مؤلف شاب و بكتب سيناريوهات الأفلام لو تسمعو عني
زياد :اه طبعا بس حضرتك تعرفنا منين
وائل :بصراحة انا كنت متابعكم من فترة من أيام ما عملت لشهد 4 افراح و اتقدمتلها في الجامعة و تاني مرة تحت الماية و كانت عاجباني قصة حبكم و قررت اعرف عنوانكم و اتفق معاكم انكم تحكو قصة حياتهم و اكتبها سيناريو و يتعمل فيلم وانا واثق أنه هيكسر الدنيا و هيكون فيلم جامد جدا
شهد :بجد دي فكرة كويسة جدا ما توافق يا زياد
زياد :انا معنديش مانع بس ينفع صحابنا كمان لان قصتهم معانا برضو
وائل :طبعا احنا هنقعد مع بعض كلنا كذا قعدة و انا هكتب الفيلم و هيتصور ايه رأيكم
زياد & شهد : موافقين طبعا
_________
يوم خطوبة ملك و كريم كانت خطوبة بسيطة لكن كانت حلوة جدا و ملك و كريم كانو زي القمر
______
في الفيلا عند زياد
شهد كانت قدام التسريحة بتسرح شعرها
زياد قرب منها و فتح علبة فيها عقد الماظ روعة و لبسه لشهد و شال شعرها علي جنب
شهد :وااااو ده يجنن
زياد :ده انتي اللي تجنني ايه رايك
شهد :تحفة يا بيبي
زياد :ممكن انا اسرحلك شعرك
شهد :امممم ماشي
زياد بدأ يسرحلها شعرها:شعرك حلو اوي
شهد :انت احلي
زياد :شهد حبيبتي نفسك في ايه صحيح بفكر نسافر باريس
شهد :امممم لا نفسي نسافر مكان تاني خالص
زياد :ايه هو يا قلبي
شهد :نفسي نزور الكعبة بيت ربنا و معاك حلمت باليوم ده كتير اوي
زياد :بس كدا خلاص نسافر السعودية
________
وائل انتهى من كتابة سيناريو الفيلم
وائل:ها هنسمي الفيلم ايه
شهد :نسميه احببتك إلى الأبد
زياد :لا نسميه أحببت طباخة
وائل:حلو جدا أحببت طباخة اسم شيق
_______
ايجا يوم العرض الخاص من الفيلم و حضرو ابطالنا الحقيقين و نال اعجاب كثير من الناس و حقق نسبة مشاهدة عالية في السينيمات
و كان في يوم مذيع استضاف كل أبطال روايتنا
المذيع :اهلا بيكم معانا و انهاردة معانا جميع الابطال الحقيقين مش اللي كانو بيمثلو الفيلم أهلا بيكم معانا
كلهم :اهلا بحضرتك
المذيع :كريم و ملك منورينا
كريم &ملك :ده نور حضرتك
المذيع :كريم و ملك تعرفو انكم كنتو اكتر كابلز عجبته المشاهدين و الجمهور بعد زياد و شهد
_________
مرت أيام و الفيلم كل يوم بيزيد نجاحه و عجب كثير من الناس
______
زياد رجع من شغله و كانت شهد رجعت قبله بساعة لان كان عندها سكشن بدري و كانت قاعدة في اوضتها و دخل وهو حاطط ايده ورا ظهره
زياد : دودو حبيبتي .. تفتكري زياد جايبلك ايه
شهد بتضحك: انت بتلعب مع بنتك ؟
زياد : انتي مراتي وبنتي وحبيبتي واختي وامي وخالتي و.....
شهد بتقاطعه : بااااس وريني جايب ايه
زياد بيطلع لسانه : لاااااء
شهد : اطلع باللي ورا ظهرك احسن لك
زياد : طب خمني الاول في ايه ورا ظهري ؟؟؟
شهد : شوكليت ؟
زياد : تؤ تؤ
شهد : مممممم هديه ؟؟؟
زياد :لا
شهد : قول بقى انا خلقي ضيق
زياد : دي تذاكر السفر ... هنروح السعودية
شهد من فرحتها حضنت زياد : بجد
زياد : بجد ياحبيبتي هنسافر بكرة
_________
سافر زياد و شهد السعودية و سابو عمر و لينا مع باباها و مامتها و يوم عند مامته و باباه و كانت شهد فرحانة أنها في السعودية و مع جوزها و حبيب عمرها و بيزوره الكعبة كان اجمل إحساس في الدنيا
بعد ما رجعو من السعودية في يوم زياد راجع من الشغل عمر و لينا جريو عليه
زياد:حبايب بابي عاملين ايه
عمر &لينا :في مفجاة يا بابي
زياد :مفجاة ايه
عمر &لينا غمضو عيون زياد و شهد نزلت من فوق و شالو ايديهم
و كانت المفاجاة شهد ف غاية الجمال لابسه طرحة
زياد قرب منها و بيبوس راسها : بجد الطرحة منورااكي هو ده بجد هتلبسيها علي طول
شهد :أيوة ايه رايك حبيت اعمل حاجه تفرحك
زياد : بحبك لا بعشقك ولله العظيم
عمر &لينا جريو علي باباهم و حضنهم و كانو فرحانين باليوم ده
The End
و توتة توتة خلصت الحدوتة
و انتهت الرواية و أتمني تكون عجبتكم بطلب من كل اللي تابعها حتي اللي كانو بيتابعو في صمت يقولو رأيهم في الرواية سواء كانت حلوة او وحشة و ايه رايكم في النهاية بالنسبة لموت زياد انتو اتعودتو مني علي المفاجات دايما كان لازم تفهمو ان دي مفجاة و اصلا زياد مينفعش يموت لأنه اللي محلي الرواية
و لو قدرت اكتب حاجة جديدة اكيد هكتب هتوحشوني كلكم بجد بحبكم جدا وكفاية اني اتعرفت على بنات كتير حلوة و جميلة زيكم
استنو رايحين فين ؟
تعالو بقا نعرف ايه الهدف من كتابة الرواية دي:
_مبدئيا عايزة اقول لكل بنت ان الراجل الحنين رزق فعلا اتجوزى اللي يسيب صحابه ويقوم يتصل بيكي يطمن عليكي الراجل اللي تحسي معاه بالامان اللي ميتكسفش يقولك انا اسف و سامحيني لو غلطان اللي ميسبكيش يوم تنامي زعلانه او دموعك علي خدك اللي یعافر ويتعب بس عشان يوصلك اللي یحققلك لو جزء صغير من حلم بتتمنيه اللي يحسسك انك ملكة ف عينه خليكي اللي يفرحك مش اللي ينكد عليكي
من الاخر يكون راجل بجد و في النهاية مفيش زي زياد او اكيد فيه بس قليل و ربنا يرزقنا بواحد زيه
_ الام والاب اشخاص مش بيتكرروا فى حياتنا فقدانهم بيسبب وجع ووجودهم جنه تقدريهم ومصالحتهم واجب لانهم بيحبوا اولادهم اكتر من نفسهم ... نتفهم غضبهم .. عصبيتهم... لان مفيش حد هيحبنا ف الدنيا زيهم لغه الحوار تفرق بين الاباء والامهات وابنائهم اصنعو لغه حوار معاهم واكسبوهم مش تتجنبوهم لان ممكن ف لحظه مش تلاقوهم معاكوا وساعتها مش هينفع الندم واسأل اللي فقد امه او ابوه او الاتنين
_الاب اول حب للبنت و غياب الاب يعنى غياب الامان والوحده ف الدنيا لبنت او الولد فقدان الاب احساس مفيش حد هيفهمه غير الا جربه ...
قربوا لامكم وابوكم فقدانهم اصعب مما فى الخيال
_البنت لما بترتبط وتتجوز بتدور ع الشخص ال يكون ابوها ف احتواءه وحنانه قبل ما يبقى جوزها والولد لما بيرتبط ببنت بيدور ع تكون زى مامته فى حنانها وعطفها واحتواءها قبل ما تبقى مراته .. لان الام والاب مش بيتكرروا
_علاقة رانيا و مازن الاتنين عارفين حدودهم وعايشين حياتهم ومتمسكين ببعض ... اوقات بتبقى صداقه البنت لولد اجدع من ميت ولد وصداقه الولد لبنت اقرب من ميت بنت مش سهل تلاقيها بس موجوده الصداقه دى
_ ال بيحب بجد مش بينسى .. بيتعود مع احتفاظه بذكرياته لنفسه
واللي بيحب بجد مهما غاب عنه حبيبه بيفضل فى باله لانه ف قلبه ...
_ الحياه اختبارات والحب اكبر اختبار نتعلم منه لما نخطئ الاختيار انه ميتكررش
_ بيحب بجد مبيفكرش غير ف سعاده الطرف ال معاه مش بيحسب مع بعض لامتى وهنفضل مع بعض لامتى ... لانه قرر يفضل معاه ويعمل المستحيل علشان يفضل معاه من غير استسلام بيبقى دنيته وحياته
_ الحب حياه بايدك تقرر تعيش او تموت
لما تفشل فى اختيارك دا مش ذنب الحب ولا ذنب الشخص ال ارتبطت بيه ..بيبقى نتيجه اختيارك وقرارك انت المسئول عنه ..علشان كده عيش ف حياتك الطبيعيه بالحب علشان تقدر تعيش الحب ال انت عاوزه مش تتوهم به...
_اياكم والكراهيه ..
الكراهيه هتضرك وهتضر اقرب ناس ليك قبل ما تضر ال بتكرهم و ده اللي حصل ل نوال و سلمي
_الفلوس مش كل حاجة و ده كان نتيجة سلمي و نوال
_ لماربنا يكتب لااتتنين يبقوا مع بعض قدرهم مع بعض
مهما طال الزمن هيجمعهم مع بعض
لان ال بيختارهم رب الاقدار صعب يفرقهم الاشخاص ...
فاارضى بقدرك وسيب امورك لربنا لانه اعلم بيك عنك وعن غيرك
_ريماس صبرت و نالت مازن و هو مكتشفش انه بيحبها غير بعد 18 سنة
_شيماء و إبراهيم حبها لحد ما كبرت و معترفلهاش الا لما دخل البيت من بابه
_ اوعي تبدأ علاقة بدايتها كدب لانها هتتدمر
_كما تدين تدان و لو بعد حين و ده نفس اللي حصل مع فارس
_بالنسبة للي حصل مع منة ده مش موجود في الواقع مفيش واحد هيجوز واحدة لابنه اتجوزت من ورا أهلها و يوافق بالسهولة لأنه كان ممكن يقول وانا مالي اوعي تسلمي نفسك لشخص مهما كان درجة عشقك للشخص ده و توافقي تتجوزي زي طريقة منة
_كريم و ملك حب الطفولة كريم كان بيحوش كل مصروفه عشان يشتري الشوكليت الغالي اللي ملك بتحبه و كان بيتعلم الكارتيه عشان يدافع عنها و كان بيتضرب مكانها في الفصل
_اوعي تبطلي تحلمي الرواية بدايتها كانت حلم و اتحقق بحاجة اكبر
_ اتجوزي اللي يشجعك تنجحي مش اللي يقولك سيبي دراستك و شغلك اللي يساعدك تكوني ناجحة ومتفوقة في مجال هوايتك و دراستك حتي لو غيرك كان شايف ان هوايتك حاجة تافهة
__الصحاب اللي بجد رزق لو عندك الصاحبة اللي زي شيماء و ريماس اوعي تسيبيهم الصاحبة الي تحس بوجع صاحبتها اللي بتخفف عنها وجعها اللي معاها في الحلوة و المرة
النهاية
التعليقات على الموضوع