احببت طباخة 💠الحلقه 32💠
الحلقة 32 رواية _ أحببت طباخة
وقفنا عند
عبدلله :يابني قولي سبب اللي حصل ده ايه
زياد بنرفزة :بنتك يا عمي
عبدلله:مالها يا زياد
زياد كان لسة هيقول كل حاجة لكن مقدرش كان خايف والدها يقتلها او كان خايف عليها مش قادر يحدد مشاعره وقتها لكن مقدرش ينطق
شهد قلبها كان هيقف و خايفة يقول لان باباها ممكن يصدق
عبدلله :زياد ... ما تتكلم يابني ايه اللي حصل
زياد :يا عمي دي مشكلة بينا حصلت و مالوش داعي اقول احنا دايما بنحل مشاكلنا مع بعض لكن المرة دي متفاهمناش مع بعض عن اذنك يا عمي انا لازم امشي
زياد كان لسة هيخرج عبدلله وقفه
عبدلله :استني يا بني انا من حقي اعرف انت عملت ايه ما تقول
زياد :صدقني مالوش لزوم
عبدلله :لكن انت وعدتني انك هتحافظ عليها و مش هتخلي دموعها تنزل مش انك تخليها متنطقش تاني مشكلة ايه دي يا بني اللي تخليها تسيب البيت و تقعد برة لحد بعد نص الليل انا من حقي اعرف
وفاء :ما تتكلم مش كفاية اللي عملته في البنت حرام عليك بقا
امل :احنا لازم نفهم مش كفاية ان بنتي مش هتتكلم تاني
زياد وضع ايديه في جيبه و بص لعبدلله
زياد :بنتك عندك أسألها و خلاص كل شيء قسمة و نصيب عن اذنكو
و خرج من غير ما يرد عليه
ملك كانت نايمة صحيت و مامتها فهمتها ان شهد تعبانة و مش بتتكلم
ملك حضنت شهد ونامت جنبها : شهد انتي مش هتتكلمي تاني بجد هما قالولي كدا
شهد بصتلها و هزت راسها
ريماس :طب احنا هنمشي يا شهد و نجيلك بكرة نطمن عليكي
عبدلله :لا يا بنتي خليكي خدي الشبكة بتاعة اخوكي
ريماس :انا لا مش هينفع
عبدلله :خدهم انت يا مازن
مازن :ماشي
عبدلله بص لشهد :اقلعي يا شهد الخاتم اللي في ايدك و الدبلة و هاتي يا امل باقي الشبكة
شهد و هي بتقلعهم افتكرت زياد
فلاش باك
زياد :يوووه بقا روحت كذا محل في المول انا تقريبا لفيت المول ده كلو و اني ألاقي خاتم مقاسك مش لاقيين ايه صوابعك دي صغيرة اوي
شهد بتضحك : مش دي اللي كنت بتحبها
زياد مسك ايديها و باسها :ده انا بعشقها اصلا بس تعبت من كتر ما بندور على خاتم و دبلة و لسة الطقم التاني السلسة و الانسيال و الحلق و الخاتم اللي مع بعض
شهد :يابني انا عايزة دهب مش شرط يعني يكون الماظ و غالي
زياد :لا طبعا انتي متلبسيش دهب
شهد :زياد بجد انا مش عايزة غير دهب و ده كتير عليا كمان
زياد :مفيش حاجة كتيرة عليكي و متقوليش كدا تاني
شهد :بص في محل اهو احنا مدخلنهوش
زياد :لا لا انا تعبت مش قادر
شهد :يلا يا بيبي مش فاضل غيره
دخلو المحل و بيتفرجو علي الاطقم
زياد :بصي الطقم ده يا حبيبتي
شهد :حلو اوي
زياد :طيب لو سمحت انا عايز ده و عايز اشوف خواتم الخطوبة
صاحب المحل :اتفضل دول احدث حاجة
شهد :حلو ده يا زياد
زياد :اخيرا لقينا مقاسك يلا علشان نحاسب
شهد :ماشي
وصلو عند المحاسب يدفعوا الفلوس زياد طلع الفيزا
كان المحاسب بيبص علي شهد و شهد مش اخدة بالها لأنها كانت فرحانة جدا انهم اشتروا الشبكة
زياد اخد باله ان المحاسب ده بيبص علي خطيبته
زياد :مش ناوي تنجز حضرتك
زياد مال رأسه علي شهد وشوشها:وانتي اتلمي شوية و بطلي تضحكي بقا
شهد :وانا ضحكت فين انا فرحانة
زياد :طيب لما نطلع بس
نرجع لشهد
عبدلله :ايه يا شهد كل ده بتقلعي يا بنتي الخاتم و الدبلة
شهد دموعها نزلت و هي بتشيله من ايديها
شهد بصتله و كان نفسها تتكلم
ريماس حضنتها :شهد انتي كويسة
شهد هزت راسها
__
عند زياد مازن طلع اوضته و كان صاحي
مازن :زياد اتفضل عمو عبدلله باعتلك شبكتك
زياد :مش عايز حاجة منها
مازن :خلاص يا زياد اتفضل
زياد مسك العلبة و بيفتحها و بيفتكر
فلاش باك
المحاسب :اتفضل يا فندم الفيزا
و بص لشهد :مبروك لحضرتك
شهد بابتسامة :الله يبارك فيك عقبالك
زياد جز علي اسنانة و بعصبية :يلا قدامي
شهد :حاضر
و خرجو برة المحل لحد ما وصلو العربية و ركبت معاه
شهد :مز اوي المحاسب ده
زياد :ده ايه يا روح امك
شهد :مز يا بيبي يخربيت حلاوته
زياد مسك شعرها جامد
زياد :وانتي بقا عاجبك صح
شهد :لا بهزر ولله خلاص اخر مرة
زياد :اقولك بطلي تضحكي تضحكي و تقوليله عقبالك وانتي مالك اصلا
شهد مسكت خدوده :بتغيير عليا يا بيبي سيب شعري بيوجع ولله
زياد بعد ايده :تاني مرة لو حصل حاجة زي كدا وانتي معايا ما هاخدك معايا مكان تاني
شهد :لا هاجي و بعدين هو عمل ايه يعني سيبك منه بقا
زياد :طالما انتي معايا تبقي بتاعتي وبس و محدش غيري يبصلك فاهمة
شهد :اه يلا بقا اتحرك بالعربية عشان اتاخرنا
نرجع ل زياد
مازن :زياد ... زياد انت معايا
زياد :عايز ايه
مازن :بقالي ساعة بكلمك مالك يابني انت كويس
زياد :اه اطلع يا مازن عشان عايز انام
مازن :ماشي
________
تاني يوم
عند زياد في الفيلا كان قاعد مع باباه و مامته و ريماس و مازن في الحديقة
زياد :انا قررت امسك فرع شركتنا اللي في القاهرة و اتابع المشاريع الجديدة اللي هناك
رباب : ازاي طب و خطيبتك و بعدين انت فرحك بعد يومين انا مش شايفاك بتجهز لحاجة يعني
زياد :مفيش فرح انا و شهد فركشنا
رباب بدهشة :ليه ايه اللي حصل
زياد :مش ده اللي انتي كنتي عايزاه و مكنتتيش طايقاها اصلا مش مهم حد يعرف اللي حصل
شاهر :مش مهم ازاي يابني ما تقول حصل ايه عايزين نعرف هو انا مش ابوك طب قولي انا امك مش شمتانة فيك يا زياد ده لو انتو متخانقين نصالحكم
زياد بعصبية :بابا محدش يجيب سيرتها تاني اقفل علي الموضوع ده خلاص بعد اذنك
ريماس :طب خلاص مش هنفتح الموضوع تاني بس علي الأقل متسافرش القاهرة
زياد :هو انا قولت مسافر برة مصر ده القاهرة
رباب :هي مين دي اصلا عشان بسببها تبعد عننا و تسيبنا مين دي ايه يعني كانت خطيبتك انساها بقا خلاص مش كفاية مش عارفة اللي حصل
زياد بنرفزة و حزن :دي بقا قدري قدري اللي عمري ما هنساه و هعيش عمري كلو اتعذب بسببها
شاهر :اهدي يا بني ما هو لو كل واحد ساب خطيبته ولا حبيبته و ساب بيته و راح محافظة تانية كانت الدنيا خربت
زياد :انا خلاص قررت و مش مستني رأى حد و هاجي هنا مرة كل أسبوع مش هسيبكم خالص يعني عن اذنكم هطلع احضر شنطتي
زياد طلع اوضته
رباب :عاجبك يعني ابنك و اللي بيعمله ده
شاهر :ابنك عنيد مش هيسمع كلام حد سيبيه كام يوم و هيرجع مش هيقدر علي القاهرة هيرجع تاني و هتوحشه اسكندرية
رباب :انت السبب قولتلك دول ناس مش من مستوانا روحت حلفت عليا بالطلاق
شاهر :كنتي عايزاني اعمل ايه اعمل زيك يعني اخطبله بنت لا بيحبها ولا بتحبه
ريماس :يا ماما خلاص بقا اهو سابها خلاص اقفلي علي الموضوع ده
رباب :ريماس متعرفيش سابو بعض ليه
ريماس :معرفش هعرف منين يعني
رباب :يعني هي مش قالتلك ما هي صاحبتك
ريماس :لا هو قالي و لا هي قالتلي
رباب : بقا كدا بس برضو هعرف
________
بعد أسبوع مازن كان داخل الفيلا ريماس كانت منتظراه
ريماس :بيبي احنا كام في الفيلا
مازن :احنا اتنين
ريماس:و لو قولتلك هنكون 3
مازن بدهشة:بجد انتي ..
ريماس:أيوة انا حامل
مازن حضنها :بجد انا مش مصدق نفسي يعني انا هكون اب
ريماس :شوفت بقا الحمد لله
________
بعد مرور شهرين
شهد كانت دموعها مبتبطلش تنزل كانت جسد من غير روح كانت عايشة علي الحقن و المهدءات و دايما نايمة في اوضتها و ساكتة و مبتتكلمش
_______
زياد كان مركز في شغله في القاهرة و بيحاول ينساها كان حاسس ان روحه انسحبت منه كان حاسس انه عايش لكن مش مع الناس
__________
شهد كانت قاعدة علي السرير زي كل يوم دخلت امل مامتها و معاها صينية الاكل
امل :شهد ... لسه برضو مش عاوزة تاكلى انا عملتلك الفراخ و ورق العنب اللى بتحبيهم
شهد مبتبصش ليها كأنها فى عالم تاني غايبة عن الوعى ولكن فاتحة عينيها
امل طبطبت عليها و مسحت على شعرها
امل :طيب اشربى العصير حتى عشان خاطرى ..
شهد بعدت عنها و حركت رأسها بالرفض
امل :ربنا يهديكي يا بنتي مش كفاية مش عارفين السبب و النبي كلي حاجة يا بنتي عاجبك حالك ده
_______
خرجت امل و كان عبدلله قاعد برة في الصالة
عبدلله:شهد عاملة ايه دلوقتي لسة برضو مش عايزة تاكل
امل :أيوة لسة بنتي هتضيع مني دي يا عيني مبتاكلش الا وقت الحقنة لقمة واحدة عشان تاخدها و بالعافية حتي العصير مش بتدوقه
عبدلله؛:وحشني صوتها اوي انا مش عارف ايه اللي حصلها ده ياربي
امل :انت السبب يا عبده
عبدلله :انا يا امل
امل ببكاء :ايوه انت ..انت اللى وافقت عليه و قولت هيسعدها و هيحافظ عليها و البنت لسة صغيرة..ان شاء الله عنها ما اتجوزت طالما هيحصلها كده و أدى النتيجة سابها ومنعرفش ايه اللى حصل لكل ده..ويكون فى علمك لو بنتى حصلها حاجة اكتر من كدا مش هسيب الواد ده
_______
شيماء كانت في البيت و هي بتعمل الاكل اغمي عليها
إبراهيم :شيمو .... ايه كل ده بتعملي الملوخية انجزي جعان ولله .... انتي مش بتردي ليه
إبراهيم دخل المطبخ اتفاجأ لما شافها واقعة علي الارض
إبراهيم بخضة :شيماء حبيبتي انتي مش بتردي ليه ... اعمل ايه يا ربي ااه هكلم الدكتور يجي
_______
زياد في شركته الجديدة في القاهرة
دخلت السكرتيرة أروي و معاها ملفات
اروي :اتفضل يا باشمهندس زياد دي كل التصميمات طبعتهم و موجودين علي الفلاشة دي
زياد :متشكر اوي يا اروي اتفضلي انتي دلوقتي
اروي :طيب حضرتك تأمر بحاجة تانية
زياد :شكرا لو عايزة تروحي روحي
اروي :حاضر يا فندم عن اذنك
__________
الدكتور انتهي من الكشف علي شيماء و عطاها حقنة و فاقت
إبراهيم بقلق:خير يا دكتور شيماء مالها
الدكتور:لا متتخضش اوي كدا المدام حامل
إبراهيم :بتهزر صح حامل بجد
الدكتور بيضحك :ههزر في حاجة زي كدا ازاي الف مبروك يا مدام و مبروك ليك بس مش عايز اي مجهود جامد و مبروك مرة تانية عن اذنكم
شيماء بابتسامة :حاضر يا دكتور
إبراهيم خرج مع الدكتور و حاسبه
__________
نوال شافت بنتها بتكلم في الموبايل
نوال :كنتي بتكلمي مين
ميار :ده رامي كان بيسالني اذا كنتي غيرتي رايك و وافقتي عليه ولا لا
نوال :لا ولا هوافق قولتلك ده مش من مستواكي
ميار بتضحك :مستوايا هو فين مستوايا ده انتي مصدقة العربية و الفيلا بتاعتنا دي لكن مستوانا عادي جدا يمكن رامي أفضل كمان ماما رودينا قالتلي ان انتي و سلمي ليكو علاقة باللي حصل ل زياد و شهد و انهم فركشو
نوال بارتباك:انا ... وانا مالي بكل ده وانا اللي كنت السبب يعني
ميار :ماما مبتكدبيش عليا انتي السبب و يكون في علمك بقا انا لو الدنيا اتهدت مش هسمع كلامك تاني و مش هرجع لزياد تاني و هو مش هيرجعلي و اللي انتي عملتيه ده هد كل حاجة وانا واثقة ان انتي اللي عملتي كدا و كمان زياد سابلك اليكس كلها و راح كايرو و استقر هناك خلاص
نوال :زياد ساب اليكس هو للدرجة دي كان بيحبها
ميار :اه عن اذنك
نوال :بس برضو مش هوافق علي رامي بتاعك ده
ميار :مش مهم بس برضو هفضل متمسكة بيه
_________
شيماء خرجت من الأوضة و طلعت لإبراهيم في الصالة ابراهيم حمل شيماء علي ايديه
شيماء : هيما نزلني
ابراهيم : لا انسي ، انتي مش هتمشي علي رجليكي بعد كدا ابداا
شيماء بتضحك : امال همشي علي ايه ؟؟
إبراهيم وضعها علي السرير بحنية
إبراهيم :انا اللي هشيلك بعد كدا يا ام ابني
شيماء بابتسامة : مبسوط يا هيما
إبراهيم : اسعد واحد ف الدنيا
شيماء : طب مش هنفرح مامتي و مامتك بقا
إبراهيم : لااا مش هينفع الخبر دا في التليفون خالص ، بكرة ان شاء الله هاخدك و نروح البيت عندك و عندي نفرحهم
إبراهيم قرب منها ووضع يديه فوق بطنها
ابراهيم :ربنا يخليكوا ليا يا رب و تيجي بالسلامة يا صغنن انت
__________
شهد كانت قاعدة علي السرير و حاطة الهاند فري بتسمع اغنية :أصالة _ حبة ظروف
حبة ظروف اتجمعت على شكل واحده قلبها مجروح
حبت تعيش بين البشر مالقتش بينهم اي باب مفتوح
كل اللي جاي جاي بوجع ياخد مكانه وفرحها يروح ومن النهارده ياروح مافي بعدك روح
ويعيني علي لف السنين بتهد مين وتعلي مين علي التاني شر الحليم مش من مافيش
وهعيش لمين لو مش هعيش علشاني حررني من كل الحاجات والخوف في قلبي لما زاد قواني
كل شئ باوانه والنهارده اوانه
اسرار في قلبي لا تتكتم ولا تتحكي ولا يفهموها الناس بس اللى لازم يتعرف كتر الالم بيموت الاحساس
مش كل ماضي بنعشقه في ماضي لازم يتنسي ويتداس وكفايه انه اتعاش وقت ماسبناش
شيماء دخلت ل شهد الأوضة و حضنتها
شهد بصتلها و عيونها بتدمع شهد قفلت الأغنية
شيماء وضعت ايد شهد على بطنها :بيسلم عليكى
شهد بصتلها و كأنها عايزة ثقولها انا مش فاهمة لكن شيماء فهمت
شيماء :انا حامل
شهد بصتلها و ابتسمت و حضنتها
شيماء :اه انا حامل فرحانة اوي نفسي اسمع صوتك يا شهد حاولي تتكلمي طب بصي خدي النوتة و القلم دول و اكتبي اكتبي اي حاجة عايزة تقوليها وانا هفهمك
شهد مسكت النوتة و بدأت تكتب و لما انتهت عطت المذكرة الصغيرة ل شيماء تقرا و كانت كاتبة
شهد :نفسي اصرخ و اعيط اعيط بصوت عالي عارفة إحساس الخنقة الظلم احساس ان محدش مصدقك احساس انك مش قادرة تنطقي ولا تتكلمي حتي الكلام مش عارفة اقوله مخنوقة اوي نفسي اعيط و اتكلم وحشني صوتي اوي
فى حاجات كتيرة اوى عايزة احكيهالك ..بجد واحشنى كلامنا وقعدتنا مع بعض وحشني هزارنا وحشتني ضحكتي بتاعة زمان
حتي الإنسان اللي حبيته مش مصدق اني مظلومة و هو اكتر واحد عارفني علي ايه
شيماء بتقرا كلامها و دموعها نزلت و حضنت شهد و طبطت عليها
شيماء : انسيه عشان خاطرى ..انا حاسة بيكى والله ..بس عشان خاطرى انسيه ..ده بنى ادم معندهوش دم ولا يستاهلك ولا يستحق التفكير فيه
شهد اتكلمت مرة واحدة :مش قادرة مش قادرة انساه انسي عمري حد بينسي روحه يا شيماء
شيماء تنحت لما سمعت صوتها
شيماء :شهد انتي ب تت كلمي بجد
شهد :مش هقدر انساه مش هقدر
شيماء حضنتها :يا ماما يا طنط أمل شهد بتتكلم بتتكلم
امل و وفاء دخلو الأوضة
امل :بتتكلمي يا شهد سمعيني صوتك
شهد :اه يا ماما اتكلمت
وفاء :وحشني صوتك يا شهد الحمد لله يا رب ولله لاوزع رز بلبن و مهلبية علي الشارع كلو
شهد ضحكت
امل :أيوة كدا يا حبيبتي اضحكي ولله ما يستاهلك
شيماء :انا هكلم ريماس دي هتفرح اوي لما تعرف
_______
زياد كان قاعد في اوضته و ماسك الموبايل و بيتفرج علي صوره مع شهد و هو بيتفرج علي صورة كانت شهد بتضحك فيها افتكر
فلاش باك
شهد :ما تخلص بقا يا زياد مكنتش صورة دي انا زهقت
زياد ماسك الكاميرا و بيصورها و هما قاعدين علي البحر:ما هو انتي مكشرة و الصورة مش عايزة تيجي
شهد :مانا مش عارفة أضحك
زياد :اقولك نكتة طيب
شهد :لا
زياد بيغمزلها:طب ايه اجي ازغزك طيب
شهد بتضحك :اتلم بقا
زياد :ما هو يا حبيبتي بصراحة مش عارف طب يلا بقا هاخدها كدا و خلاص مكشرة مكشرة مش مهم يلا
شهد :يلا
زياد :شهد
شهد :ها
زياد :بحبك
في اللحظة دي شهد ضحكت و زياد لقط الصورة
زياد :حلوة اوي كدا خلاص اخدتها
نرجع ل زياد
ابتسم لما افتكر و كأنه شايف ضحكتها قدامه بجد و فتح التليفزيون كان شغال اغنية كل حاجة بينا - تامر حسني
من يوم شمسه ما غابت عني
عيني ما شافت نور
بمشي وبرجع نفس مكاني
مهما بلف وأدور
احساس بالعجز بيخنقني
متكتف مسجون
زي الطير اللي بيتمنى
يطير بجناح مكسور
كل حاجة بينا لسه بتفكرني بيه
ضحكته اللي فوق شفايفه وسلام ايديه
فاكر الكلام اللي قولته ليه
والشوق في عنيه
آه مش عارف اعيش من بعده
انا مش عارف اموت
والناس حواليا بتتكلم
وانا مش سامع صوت
زي ما اكون تمثال من شمع
تشوفه تقول انسان
ممكن تبقى ملامحه بتضحك
ومن جواه بيموت تعبان
كل حاجة بينا لسه بتفكرني بيه
ضحكته اللي فوق شفايفه وسلام ايديه
فاكر الكلام اللي قولته ليه
والشوق في عنيه
بعد ما الأغنية خلصت زياد كان حاسس ان كل حرف في الأغنية بيحكي عنه
_________
تاني يوم ريماس و مازن كانو عند شهد بيتغدو
مازن :شهد انتي ناوية تعملي ايه
شهد :الدراسة هتبدا بكرة هروح الجامعة بكرة و هحاول ارجع المطعم تاني
مازن :طيب بس انسي حوار المطعم ده خالص
شهد :ليه يا مازن
مازن :بصراحة يا شهد عايزك ترجعي تاني تكوني مذيعة انا مقدرتش اقولك عشان الظروف اللي انتي كنتي فيها و كان لازم اسيبك شوية لحد ما تخفي
شهد :صدقني مالوش لازمة مش هقدر ارجع زي الأول مبقاش عندي هدف لأي حاجة
ريماس :ليه يا شهد هو الإنسان لازم يتعود علي كل صدمة و خبطة في حياته أنه يكمل مش يقف اللي بيقف ده بيكون جبان و مش عايز يكمل و انتي عندك موهبة جميلة جدا يا شهد ليه مش عايزة تستغليها طب افتحي كدا الفيسبوك هتلاقي كل الفانز عايزينك ترجعي تاني ولا ايه يا عمو
عبدلله :ولله يا بنتي ده مستقبلها و شغلها مقدرش اغصبها علي حاجة
شهد :صدقوني مش هقدر مش هقدر
مازن :يا شهد لازم تقدري و تكملي واحنا كلنا معاكي و هنقف جنبك و صدقيني ممكن ده اللي يرجعك زي زمان و ينسيكي كل ده لازم تشتغلي مش تعيطي لازم تنجحي و تثبتي لكل الناس نجاحك و انك تقدري مش معني انه سابك ان حياتك هتقف لا الحياة مبتقفش علي حد صدقيني الحياة بتمشي ولله زياد اهو ساب اسكندرية و نقل كل شغله هناك في كايرو بس دلوقتي شركته دي بقت افضل و افضل من اللي في إسكندرية عشان هو عايز يكون ناجح هو معملش زيك انتي كمان لازم تعملي زيه
شهد :ماشي يا مازن تحب نبدأ امتي
مازن :من بكرة ان شاء الله انهاردة هنزل اعلان انك هترجعي تعملي برنامج جديد
امل :أيوة كدا يا بنتي ربنا يكرمك يا مازن و يهديكي يا شهد
_________
مر 4 شهور
شهد رجعت الجامعة و رجعت تذاكر كويس جدا و افضل من الأول و البرنامج كملته و كان عندها معجبين من جميع المحافظات و من لبنان و أمريكا و سوريا و كذا محافظة
________
شيماء اتصلت ب شهد كانت لسة مخلصة الحلقة
شيماء :عندي ليكي خبر حلو جدا
شهد :ها .... قولي
شيماء :طلعتي الأولي علي الدفعة و بتقدير امتياز كمان
شهد بسعادة : بجد الحمدلله يارب بصي بقا
امل ندهت علي شهد :يا شهد
شهد :شوشو هكلمك تاني امولة بتنده عليا
شيماء :ماشي يا قلبي سلام
امل دخلت الأوضة لشهد:حبيبتي انا بغسل لو عندك هدوم عايزة تغسليها حضريها
شهد :حاضر يا ماما بس ملك الغبية دي بتحط هدومي اللي مش نضيفة في الدولاب اما اشوفها
ملك في اللحظة دي دخلت و حطت ايديها علي بعض و بصت ل شهد
ملك :مين بيجيب في سيرة ملك دلوقتي
شهد :يا بت انتي عندك كام سنة يخربيت اللماضة
ملك :عندي 8 سنين ياختي
شهد :قصدك 88 سنة يا اروبة
امل بتضحك :طيب يا شهد حضري الهدوم هغسلهالك
شهد فتحت الدولاب و كانت بتشوف هدوم في الدولاب محتاجة تتغسل و هي بتدور شافت شيميز off Shoulder لونه احمر جديد
ملك :حلو اوي ده يا شهد البسيه
شهد بصتله و هي مبتسمة و افتكرت لما كانت ...
فلاش باك
كانت شهد مع زياد بتشتري هدوم و هو بيختارلها
شهد :زياد بص هدخل اقيس دول جوة
زياد :ماشي و الدريس ده كمان حلو
شهد :مش مقفل شوية كدا
زياد :وانتي عايزاه عريان يعني
شهد بتضحك :لا طبعا يا بيبي مش قصدي بس مقفل اوي انت مش شايف طويل اوي و خنيق كدا
زياد :انا مش بحب القصير طيب شوفي و نختار في الاخر
شهد دخلت تقيس شيميز اوف شولدر احمر بيكون عبارة عن شيميز (يعني بلوزة او قميص و مفتوح من عند الكتف او بمعني أنه مالوش كتف اصلا ) و خرجت
شهد :ها ايه رأيك
زياد بعصبية:يا نهارك اسود ايه اللي انتي لابساه ده
شهد :ده اوف شولدر يا بيبي
زياد :ده كتفك كلو باين
شهد :ما هو ده موضة
زياد :لا طبعا مش موافق ادخلي غيري
شهد :لا انا عايزاه ده شكله حلو
زياد :ما هو حلو عليكي بس مرضاش ان خطيبتي تلبس كدا انتي عايزة الناس تقول عليا ايه مش راجل
شهد :انت سيد الرجالة كلها يا روحي بس عشان خاطري بليز عايزة اخده
زياد :قولت لا يعني لا
شهد :بليز بقا
زياد :طيب بصي تاخديه بس محدش يشوفه عليكي غيري يعني تلبسيه لما نتجوز و احنا في بيتنا بس
شهد :بس ده خروج
زياد :خلاص مش هاخده انا قولت اللي عندي ده محدش يشوفه عليكي
شهد :طيب ماشي اهو اي حاجة و خلاص المهم اخده
نرجع لشهد
ملك :شهد بتعيطي ليه
شهد :ايه يا ملك لا مش بعيط ده حاجة دخلت في عيني ادي الهدوم دي لماما
ملك :ماشي
ملك باستها من خدها و خرجت
_______
في المساء
________
زياد كان في إسكندرية سهران مع رامي و احمد و مازن صحابه
مازن :ايه يابني مش ناوي بقا تستقر هنا
زياد :لا انا خلاص قررت اكون في القاهرة زي ما انا
احمد :يا زياد خليك بقا يا بني هنا
رامي :طب ولله اسكندرية وحشة من غيرك
مازن :طب بقولكو ايه الساعة عدت 12 و يلا نروح بقا
زياد افتكر شهد
فلاش باك
زياد و شهد بيتكلمو في الموبايل
شهد : لا الوقت اتأخر هنحب ف بعض ولا ايه
زياد بيضحك: وماله مش عيب مش عدت الساعه 12 هذا وقت الحبيببه وانتي حبيبتي و خطيبتي
شهد: عندك نجوم اف ام حب فيها يلا عاوزه انام عندي محاضرة بدري الساعة 8
زياد : متزقيش طيب... نتقابل بكره الساعه 1 بعد الكلية هاجى اخدك
شهد : ان شاء الله تصبح علي خير بقا
زياد :وانتي من اهلي
شهد: وانا من ايه
زياد : من اهل الجيران
شهد بتضحك: يا خفه يلا سلام
نرجع ل زياد
رامي :زياد مالك يابني سرحان ليه
زياد :ها لا ابدا انا مروح عايزين حاجة
زياد خرج و ساق العربية و شغل اغنية احساس فظيع _محمد حماقي
امبارح كان معايا وعدني بالف وعد .. وقالي من البدايه هنعيش ونموت لبعض
حبيته بكل قلبي اكتر من اي حد .. وفي يوم وفي ليله سابني انا خايف اموت بجد
احساس فظيع ان اللي روحك فيه يضيع .. واللي اشتريته في يوم يبع
وتتوه ويا السنين ..
افتح عنيك تتلما احزانك عليه .. تتهدا احلامك فوقيه
وتقسمك نصين ..
امبارح كان معايا وعدني بالف وعد ..
علمني ازاي احبه وازاي علشانه اعيش .. لكن ان انسى حبه دي اللي معلمهليش
عايش على ذكرياتي الوقت منسنيش .. ودى مئسات حياتي اللي مبتنتهيش
احساس فظيع ان اللي روحك فيه يضيع .. واللي اشتريته في يوم يبع
وتتوه ويا السنين ..
افتح عنيك تتلما احزانك عليه .. تتهدا احلامك فوقيه
وتقسمك نصين ..
زياد كان مع كل كلمة دموعه بتنزل و حاسس ان قلبه وجعه بيمر شهور و مش قادر ينسي ولا قادر يعيش
_____
اما فارس و سلمي عايشين حياتهم جدا و مش هاممهم شيء
______
رامز كان عند بيت فارس و قاعد مع منة في الصالة
رامز :منة انتي متأكدة ان فارس مش هيرجع دلوقتي
منة:اه ولله قالي انا خارج اقابل عاصم و سلمي و مش بيرجع من معاهم غير الساعة 1 او 2 زي كل يوم
______
فارس و هو بيركب العربية
فارس لنفسه :يوووه نسيت الفلوس و الموبايل فوق اما اطلع اجيبهم
______
فارس طلع الشقة و فتح الباب لكن من و رامز كانو في الصالون من جوة مسمعوش فاس شاف حد قاعد مع منة دخل براحة يشوف مين ده
_____
منة :رامز انت هتقول لباباك امتي بقا علي جوازنا
رامز :يوووه يا منة بقا قولتلك يا حبيبي هقوله بس مستني لما يكون مزاجه رايق
منة:6 شهور مزاجه مش رايق يا رامز حرام عليك بقا انا زهقت و قرفت من نفسي كل ما بكون معاك
رامز : و بعدين بقا يا منة ما هو ده جواز برضو
منة :عرفي مش شرعي يعني حرام
في اللحظة دي فارس دخل المطبخ و حضر سكينة و دخل عندهم
منة و رامز اتصدمو لما شافو فارس
منة بخوف :فارس
فارس شدها من شعرها جامد و ضربها :وديني لاقتلك و هيكون اخر يوم في عمرك
منة :حرام عليك يا فارس الحقني يا رامز هيقتلني
رامز :فارس انت فاهم غلط سيبها دلوقتي بس
فارس :و هقتلك انت كمان بتخوني يا صاحبي و مع اختي كمان
فارس رمي منة علي الأرض و مسك رامز من قميصه جامد و ضربه
فارس بعصبية:ولله لاقتلكو انتو الاتنين بقا بتستغفلني و بتكلم اختي لآ و عاملي شيخ متكلمش بنات متعاكسش بنات انت عندك اخت حرام عليك و انت مقضيها مع اختي
رامز :فارس بقولك ايه اللي عنده معزة يلمها و بعدين كل حاجة كانت بمزاجها
منة اتصدمت لما سمعت كدا من رامز و دموعها نزلت
رامز :أيوة كنت بقولك كدا عشان افوقك عشان تعرف ان عندك اخت بنت عشان تعرف ان كما تدين تدان من اعمالكم سلط عليكم افعل ماشئت فكما تدين تدان
فارس :كنت فاكرك محترمة و محافظة علي نفسك كنت بقول ابويا و امي ماتو بس سايبينك أمانة كنت بقول انا حافظت على الأمانة يا بابا مكنتش اعرف انك هتعملي حاجة زي كدا
رامز :فاكر يا فارس فاكر لما كنت بحظرك كنت بتقولي اختي مش زيهم ماهو يا معلم بنات الناس مش خط فودافون و اتصالات و اختك هي اللي خط احمر لا ده كاس و داير علي الكل فاكر شهد اللي ظلمتها أنت و سلمي و فاكر غيرها و غيرها
فارس :بس انا ملمستش شهد اه لمست غيرها لكن كان بمزاجها
رامز :علي فكرة اليوم اللي انت كنت هتعمل كدا في شهد كانت اختك معايا برضو بس الفرق انه كان بمزاجها مش غصب عنها زي شهد
فارس بعصبية :بقولك ما لمستهاش ملمستهاش
رامز :بس ظلمتها فرحها اتلغي و خطيبها سابها بسبب تفاهتك انت و سلمي عن اذنك انا ماشي
منة :رامز انت هتسيبني و مش هتتجوزني
رامز ضحك :اتجوزك ضحكتيني ولله يا بنتي انا متجوزش واحدة غلط معاها
رامز فتح الباب و خرج
فارس شدها من شعرها و ضربها بقوة لحد ما نزفت دم
منة دخلت اوضتها و قفلت بالمفتاح فارس خبط علي الباب بقوة
فارس بعصبية : افتحي يابنت الكلب .. افتحي بقولك .. قسما بالله نهايتك على ايدي يا ...... افتحي بدل ما اكسر الباب
منة خافت و فتحت
فارس بعصبيه وصوت عالي : وديني ل اقتلك .. حتة عيلة في 3 جامعة تجيب راسي الأرض
منة : و رحمة أبوك و امك يا فارس ما تضربني تاني
فارس: دا بعدك دا اخر يوم ليكي في الدنيا انا معرفتش اربيكي وهربيكي من اول وجديد
فارس مسك منة من شعرها و بيضربها بالقلم علي وشها
فارس : بتستغفليني كل يوم وبتطلعي من الكلية وتخرجي مع ابن الـ****** دا ؟
وكمان تلاقيكي لما كنت بوصلك ل صاحبتك اكيد مبتطلعيش عندها وبتخرجي معاه و تروحي شقته
منة : هوا حلال عليك وحرام عليا ؟ ما انت بتخرج مع البنات ليه مرحتش قتلتهم ؟
فارس شدها من شعرها اكتر: انا راجل واعمل اللي انا عاوزه
منة : وانا بنت وعاوزه اعمل اللي انا عايزاه كنت فاكراه بيحبني بجد و هيتجوزني .. مترضاش بحاجه ليك وتمنعها عليا
فارس: بتقارني نفسك بيا يابنت ***********
منة : ومقارنش ليه ؟؟ ولا هوا عشان انت راجل يبقى هتخش الجنه وانا عشان بنت هخش النار مبسوط اوي من البنات اللي ليل نهار بتخرج معاهم ومخنوق من اللي بترفض تكلمك ونسيت ان انت عاوز اختك ترفض تكلم ولاد .. ليه يعني على اساس ايه
________
زياد دخل الفيلا و فاطمة كانت مستنياه ياكل
فاطمة :انت كويس يا زياد
زياد : انا كويس متقلقيش عليا كنت سهران مع صحابي
فاطمة : طب الحمد الله
زياد :اومال بابا و ماما فين
فاطمة :والدك نايم فوق والهانم قالت انها مسافرة عندها ديفليه ف شرم الشيخ الا هو ايه ديفليه ده يابني
زياد بيضحك: ديفليه ياداده زي عرض ازياء كده
تعرفي عرض الأزياء
فاطمة بتضحك : وانا ايه عرفني يابني يلا بقي تعالي احضرلك العشا
زياد :اتعشيت مع صحابي انا هطلع انام شويه
فاطمة : ماشي ياحبيبي نوم الهنا
_______
فارس كان حاسس ان كل كلام رامز بيتكرر في ودانه مش قادر حاسس انه مخنوق قرر ينزل يتمشي
فارس دخل الديسكو اللي متعودين يسهروا فيه هو و سلمي و عاصم و أحيانا رامز
عاصم شاف فارس قاعد علي البار وصل ناحيته
عاصم : واد يا فارس
فارس : عايز ايه ؟
عاصم : ايه ياعم مالك قافش كدا ليه .. فرفش كدا دي الليله لسه مبتدتش
فارس : هو انت مش قرفان يلا من عيشتك دي
عاصم ب غمزة : قرفان ايه ياعم مالها عيشتنا ياعم .. حد طايل ياعم الفرفشه اللي احنا فيها دي .. بيرة ونسوان ودماغ
فارس بنرفزه : ماهو دا قررررف .. يعني انا اما اتجوز واخلف الناس تقول ايه لولادي ؟ ابوكو بيشرب وبتاع نسوان
عاصم بشك : ايه ياعم اللهجة الجديده دي ياعم .. ابوس راسك يا شيخ ماتفوقني من الدماغاللي عاملها
فارس : انا ماشي
عاصم : استنى ياعم انت ياعم .. رايح فين ..طب والبنات يا عم .. يا فارس
فارس ركب عربيته وطلع على البحر .. نزل الميه و كان بيبعد وهو مش قادر يعوم .. وكان احساسه انه غرقان في الذنوب زي غرقه في الميه كدا .. وكل شوية يزق جسمه ل فوق عشان ياخد نفس ويرجع يغرق تاني .. كان عارف انه عشان يتنفس من اول وجديد لازم يجاهد ويزق نفسه ل قدام فارس مكنش غرضه انه يغرق نفسه او ينتحر .. كان ايمانه انه لما ينزل البحر ذنوبه كلها متطلعش معاه لحد ما فاق و خرج من البحر يتمشي و فضل ماشي لحد ما وصل قدام مسجد والفجر اذن في اللحظة دي
الله أكبر ...... الله أكبر
لأول مرة من سنين فارس يقف قدام جامع مش عارف يدخل ولا يمشي كان عقله بيشاوره يدخل لحد ما شيخ وقف قدامه
______
الشيخ :مالك يا بني ادخل عشان تلحق تتوضي و تصلي
فارس :ها ... لا شكرا مرة تانية ان شاء الله
الشيخ :مرة تانية ايه يابني هو انا بعزمك علي غدا تعالي يابني تعالي صدقني هترتاح لما تدخل بيت ربنا
فارس دخل مع الشيخ و اتوضي معاه و صلي م افتكر من 4 سنين لما باباه كان معاه و بياخده يصلي و من بعدها لما باباه كان مسافر و هو راجع هو و والدته السيارة اتقلبت بيهم و ماتو من وقتها و فارس مدخلش الجامع ولا صلي تاني
الشيخ :قولي يابني مالك
فارس :مخنوق اوي حاسس ان الدنيا كسرتني كسرة قوية جدا
الشيخ :احكيلي يابني يمكن اقدر اساعدك
فارس :حاضر
_______
منة بتحاول تتصل ب رامز و رد عليها
رامز بعصبية:عايزة ايه
منة :مش قادرة أصدق انت عملت فيا كدا ليه كنت بتنتقم لاخويا يعني طب وانا ذنبي ايه حرام عليك انت فاكر ان ده مش هيترد في اختك يعني
رامز قلبه وجعه لما سمع كدا :وانتي كان عقلك فين و انا بقولك نتجوز
منة :كنت بحبك كنت فاكراك راجل بجد و بتحبني زي ما انا بحبك موت فاكراك مش بتضحك عليا
رامز :وانا كنت بقرف من نفسي برضو بعد كل مرة بنتقابل فيها كنت بكره نفسي اوي اقفلي يا منة و متحاوليش تتصلي بيا تاني ولو اتصلتي هقول لفارس
منة :رامز انت مكنتش بتحبني طب السنتين و نص دول كانو ايه يعني انا كنت بالنسبة ليك ايه
رامز :شوفي يا منة بصراحة انا مشيت معاكى و انتي حبيتيني انتي بالنسبه ليا نزوه شهوه فراغ وسوسة شيطان أما بقا حب اكيد لا
منة :نزوة و فراغ يعني كنت بتتسلي يا رامز
رامز : فاكره حلفناتي ..اقسم بالله انتي بتاعتي و الكلام ده كانو كدب و قلقي عليكي لما تتعبي و بعد الشر عليكي يا روحي و ان شاء الله انا مكانك برضو كان كذب و تمثيل اول مرة اتقابلنا فيها كنت قايل لصاحبي فاكره صورك اللي بعتيها وحلفتلك همسحها لسه عندى علي فكره .و صاحبي شافها لما اتصلتي بيا كنت waiting) قولتلك ده صاحبي كان كذب ..دى واحده شبهك
طيب و فاكرة يوم ما مضيتي علي جوازنا العرفي و قولتلك تعالي في حضني و كنتي في الاول رافضة المسك و لما قولتلك خلاص هسيبك و قولتي خلاص موافقة و سالتيني هتشوفني رخيصة قولتلك لا
وحلفلتك انك مراتي بجد اقسم بالله من وقتها شفتك أرخص بنت خلقها ربنا
منة ببكاء و صدمة :انت إنسان زباله وواطي و سافل و حيوان ربنا ينتقم منك و فاكر ان ده مش هيترد لاختك لا ان شاء الله يترد و هفضل ادعي عليك طول عمري
رامز ببرود :امممم واطي و حيوان و زبالة طيب وانتي ايه ملاك مثلا فين دماغك لما طلبت منك نتجوز عرفي ؟ فين عقلك ؟ فين دينك ؟ فين اخلاقك اللي اتعلمتيها و اتربيتي عليها ؟ كنتي عاوزاني أعمل ايه ؟ أحافظ عليكي
منة:كنت فاكراك راجل مكنتش اعرف انك بتطعني في ضهري بالسكينة كل يوم و بتخوني
فارس :لا فوقي يا حلوة زى ما انا خونتك ف يوم انتي خونتى اخوكي و ابوكي و امك الله يرحمهم كل يوم خنتي ربنا سبتي كل حاجه حلوه ومحترمه ف حياتك وجيتيلي ف متزعليش بقا و تحمليني الغلط لان الغلط كان منك و مني فمتعشيش دور البريئة ..ربنا اداكي عقل ..كنتى تستخدميه صح كنتي تفهمي صح عرفتي بقا انتي كنتي بالنسبة لي ايه
منة قفلت معاه و حدفت الموبايل و دموعها بتنزل مش قادرة تصدق ان ده اللي هي حبته بجد ده واحد غير اللي هي عرفته سنتين و نص كانت مخدوعة فيه
________
فارس و هو في المسجد
الشيخ :عايز الحق يا بني
فارس :ياريت
الشيخ :انت ظلمت بنات كتير يابني و خصوصا اخر واحدة اللي اسمها شهد صاحبك عنده حق يابني كما تدين تدان ولو بعد حين و متفكرش يابني ان ربنا هيسيب حق شهد لا كان لازم تتوجع قدها و تدوق اللي هي داقته
فارس :كنت غبي و مش فاهم ولا قادر افهم مكنتش عارف اني هتكسر من اختي دي الوحيدة اللي ليا في الدنيا دي الأمانة اللي سابهالي ابويا و مقدرتش احافظ عليها
الشيخ :و ناوي تعمل ايه يابني
فارس :مش عارف ولا عارف اعمل ايه
الشيخ :قولتلي يا فارس انت خريج السنة اللي فاتت صح
فارس :أيوة
الشيخ :بتقدير كام
فارس :جيد
الشيخ :طيب انا هشوفلك شغل بدل الفلوس اللي انت قربت تخلصها اللي سايبهالك ابوك و انت لازم تعتمد علي نفسك يا فارس قولي انت كنن قسم ايه في أعلام
فارس :علاقات عامة و اعلان
الشيخ :ماشي يابني انا هشوفلك شغل في شركة اخويا هما باين طالبين حاجة زي كدا
فارس :صحيح يا حاج انت اسمك ايه
الشيخ :مصطفي ... شوف يا فارس بما انك عايز تتغير تقطع علاقتك بكل صحابك الفاسدين و البنات اللي كنت تعرفهم و متفوتش فرض من الصلاة
فارس :حاضر
الشيخ مصطفي :توعدني يا فارس بس خليك فاكر وعد الحر دين عليه
فارس :اوعدك
_________
تاني يوم
عند مازن في القناة
ناصر :مازن مش تباركلنا
مازن :ايه هتتجوزو
رانيا :اه الاسبوع الجاي
مازن :مبروك يا روكا اخيرا بقا
خد بالك منها يا ناصر
________
ادم كان قاعد في مطعم و شاف سما بنت خالة دينا آدم كان في قرار عنده انه معجب بدينا لكن قرر انه يخطبها
ادم :سما ممكن اقعد عندك
سما بدهشة :دكتور آدم ... اتفضل طبعا
ادم :بصي يا سما انا عايزك في موضوع
سما :اتفضل
_________
في منزل فارس
منة شافت فارس قاعد سرحان في الصالة دخلت قعدت جنبه
منة ببكاء:فارس انا عارفة انك زعلان مني بس ولله العظيم يا فارس صدقني انا كنت فاكراه بيحبني و فهمني ان احنا لما نعمل كدا باباه هيوافق و نتجوز لان باباه كان عايز يجوزه مكنش عايز يجوزه الا بنت شريكه في الشركة
فارس بصلها: رامز اصلا باباه عمره ما غصبه علي حاجة و حتي دي كدب عليكي فيها
منة :انت اسفة يا اخويا اسفة اني خونتك
فارس :ياريت كلمة اسف دي ترجع اللي راح
عارفة يا منة انتي كسرتيني اوي عارفة كسرتي ايه كسرتي فرحتي بيكي كان نفسي يا منة اخدك من ايدك و اسلمك لعريسك بأيدي و اقوله حافظ عليها كان نفسي أفرح بيكي زي كل البنات كان نفسي لما ازور أبويا و امي اقوله يا بابا منة كبرت و اتجوزت مش اتجوزت عرفي كان عقلك فين
فارس كان هيضربها منة خبت وشها
فارس :مش هضربك لان الضرب مش هيجيب نتيجة ولا هيرجع اللي راح انا نازل اصلي
_______
عند آدم و سما
سما :يا دكتور حضرتك بقالك ساعة بتحكي و مس فاهمة انت عايز ايه
ادم :سما من الاخر كدا انا عايز اخطب دينا بنت خالتك بصراحة مش عارف امتي و إزاي كل اللي عارفه اني مشدود ليها و حاسس ان هي كمان كدا
سما اتصدمت :بجد طب انا هكلمها و ارد عليك
ادم :طيب خدي رقم موبايلى عشان تقوليلي ردها
________
شهد كانت قاعدة علي السرير بتتفرج علي صورهم مع بعض
مسكت الصورة وقربتها من قلبها وبدات دموعها تنزل
شهد لنفسها :اه ياقلبي انت فين بقي ارجعلي عشان خاطري انت وعدتني انك مش هتسبني كفايه كده انت بعدت عني كتير كده عشان خاطري ارجعلي
وبعدت الصورة عن قلبها وبصت فيها بصت كسرة و وجع و رمتها علي الارض
________
عند دينا في البيت
دينا:بجد يا سما هو قال بجد بجد
سما بخبث :و مالك فرحانة كدا ليه
دينا بتوتر:ها .... لا ابدا ولا فرحانة ولا حاجة انا بس اتفجات
سما :ديينا
دينا :ايه
سما:مش عليا انتي حبيتي آدم صح
دينا:ايه حبيته لا لا طبعا انتي بتهزري
سما:يا دودي مش عليا حبيتيه صح
دينا :بصراحة أه
سما :بجد مبروووك يا دندن هكلم دكتور ادم اقوله عشان يجي و نحدد ميعاد مع باباكي
________
في يوم مازن كان مع شهد بيتناقشو في الحلقات اللي جاية
شهد :مازن انا محوشة مبلغ كنت هعمل مشروع بيه و بفكر افتح مطعم في إسكندرية ..انا محتاجه ابعد عن كل حاجه تفكرنى بالفتره اللي فاتت ..عاوزه ادخل دنيا جديده اعرف ناس جديده ... انا عاوزه ابدء بدايه جديده وقفلت الصفحه القديمه ... ولو بتعزنى بجد متجبش لا سيره ولا اخبار زياد المهم هتساعدني ولا لا
مازن :طبعا هشوف المكان و كل حاجة قوليلي بقا اختارتي اسم المطعم ايه
**Chocolate World **: شهد
مازن :واضح انك بتحبي الشوكليت جدا
شهد :مانا هعمل جزء للحلويات يكون فيه شوكليت و كل حاجة
________
مر 6 شهور
_ادم و دينا اتجوزو
_زياد مازال مركز في شغله فقط و كان من اشطر المهندسين في مصر و شركته كانت ناجحة
_شهد فتحت 3 فروع في إسكندرية و كانو من افضل المطاعم في إسكندرية كلها و كانت من افضل الشيف في مصر و قررت أنها تنجح اكتر و لكن و بالذات في مجالها و كانت من افضل الإعلاميين في مصر و اخدت سهرة عالية في فترة قصيرة و الفانز و المتابعين زادو جدا عن الأول شهد اتغيرت شكليا .. غيرت لون شعرها غيرت اللون الأسود و لونه الحالي عسلي فاتح و غيرت قصة شعرها وطريقه لبسها .. بقت حاجه تانيه خالص وبقت شخصيه بيزنس مشهوره و إعلامية ممتازة و شيف شاطرة
_فارس اتغير 180 درجة و كان مش بيسيب فرض صلاة و بعد عن عاصم و سلمي و ركز في شغله الجديد
_منة قربت اكتر من ربنا و اتغيرت 180 درجة و اللي حصلها كان درس كبير ليها
_شيماء ولدت و جابت بنوتة قمر اسمها لمار
_ريماس ولدت و جابت اياد
_______
مرت مده ومطعم **Chocolate world** الكل سمع بيه وعجبه فكرته واكلاته و الشوكليت الي فيه و زياد كان مستغرب من نجاحها في الفترة الصغيرة دي و كان كل ما يشوفها في ال Tv يغير القناة
_________
في يوم فارس قابل الشيخ مصطفي بعد شغله و هما بيتمشو مع بعض
مصطفي :مالك يا فارس يابني
فارس :مش عارف يا شيخ انا كل يوم بحلم بحاجة بتخنقني و اصحي من النوم و احس اني مش قادر انام و اصلي ركعتين و اقرأ قران لكن برضو كل يوم الموضوع ده بيتكرر
مصطفى :طب انت مش محافظ علي صلاتك يا فارس
فارس :ولله ما بسيب فرض حتي قيام الليل محافظ عليها
مصطفي :قولي يا فارس هي شهد سامحتك ولا لسة زي ما هي
فارس :ولله يا أبويا بقالي 4 شهور بحاول مش راضية تسامحني و لا حتي بتديني فرصة اتكلم معاها
مصطفي :بصراحة يا بني انت ظلمت البنت دي جدا كنت متوقع ايه يابني منها اسمع انت مش قولتلي ان خطيبها سابها و هو اخد عنها فكرة وحشة
فارس :أيوة
مصطفي :يبقا لازم يابني تروح للي كان خطيبها ده و تطلب منه يسامحك و تفهمه الحقيقة
فارس :مانا سألت عنه عرفت انه ساب اسكندرية كلها و عايش دلوقتي في القاهرة و مش بيجي غير كل فترة هنا
مصطفي :تحاول تشوفه هيرجع امتي و تقابله و تفهمه كل حاجة انت فاهم
فارس :حاضر
__________
منة قررت أنها تروح الفيلا عند رامز و تكلم باباه
منة وصلت قدام الفيلا و دخلت
الشغالة:الأستاذ كمال نازل دلوقتي لحضرتك
بعد 5 دقايق كان كمال والد رامز نزل
كمال :أيوة انتي مين
منة بتوتر:انا منة
كمال :انتي تعرفيني
منة عطت الورقة ل كمال (ورقة جوازها العرفي هي و رامز )
كمال اتصدم:دي ورقة جواز و عرفي كمان بينك و بين رامز
منة بحزن :أيوة
و فجأة
تفتكره تصرف كمال ايه و منة و رامز هيتجوزه ولا لا
اسفة علي التأخير لكن ولله كنت مشغولة جدا و مش في البيت و مكنتش بعرف اكتب حاجة ولله
التعليقات على الموضوع