احببت طباخة 💠الحلقة 30💠
الحلقة 30 أحببت_طباخة
وقفنا عند
نوال شافت سلمي وقفت جنبها
نوال :سلمي عملتي اللي قولتلك عليه
سلمي :طبعا يا هانم و متقلقيش هيسيبها و هتقولي سلمي قالت
نوال :طب ابقي عدي عليا بكرة اديلك نص الفلوس و نصها بعد ما الموضوع ده يتم
يلا انا همشي دلوقتي من جنبك عشان محدش ياخد باله
________
بدات الزفة و دخلو العرسان القاعة
علي اغنية (طلي بالأبيض)
مازن و ريماس قعدو علي كوشة و شيماء و إبراهيم علي كوشة لوحدهم
ابراهيم : اجمل عروسة شوفتها ف حياتي
شيماء بكسوف : بجد شكلي حلو ؟؟
إبراهيم : اوي اوي انا حاسس ان مفيش حد اسعد مني انهاردة
_______
مازن :اخيرا بقيتي مراتي
ريماس :شوفت بقا
مازن :بقولك ايه ما تيجي نهرب من الفرح ده و نروح بيتنا
ريماس :بس بقا يا مازن اتلم
_____
بدأت رقصة السلو علي اغنية (لمستك )_عمرو مصطفي
ريماس و مازن رقصو مع بعض و شيماء و إبراهيم و زياد و شهد و ناصر و رانيا خطيبته
لمستك نسيت الحياة وانت اللى بحلم اعيش يوم معاه
والليلة هيا البداية وخليك معايا ده عمرى الليلة دى ابتدي
ولازم نعيش يلا قرب كمان تعالى حبيبي لابعد مكان
ننسي اللى ضاع من ايدينا نعيش بس لينا خلاص اللى جوانا بان
سرحت بعيونك لفين ايوة انت جنبي وهعيشلك سنين
وحياتى قرب عليا يا عمرى وعنيا نعيش الحياة لو يومين
____________
ادم كان واقف سرحان مش قادر يعرف هو مبسوط ولا زعلان لكن كل اللي حاسه انه مبسوط عشان ريماس فرحانة
بيبص الناحية التانية شاف دينا واقفة لوحدها استغرب بتعمل ايه هنا دي وصل عندها
ادم :احم احم دينا ازيك
دينا بابتسامة و استغراب :آدم بتعمل ايه هنا
ادم :انتي اللي بتعملي ايه هنا انا جاي لصحابي العرسان
دينا :كريم اخو العروسة التانية شيماء تلميذ عندي في المدرسة عزمني
ادم :اها الفرح حلو جدا
دينا بابتسامة : عقبالك
ادم :الله يبارك فيكى وعقبالك انتى كمان ..ده لو لقيتى يعنى
دينا رفعت حاجبيها :نعم ايه لو لقيت دى ..انا لو قولت يا جواز السما دى هتمطر عرسان بس النفس
ضحك ادم و دينا كانت لسة هتمشي
ادم :تعالى هنا رايحة فين
دينا:هروح ادورلى على عريس من هنا
ادم :طب ما العريس واقف قدامك اهو ..ولا انتى عامية مبتشوفيش
دينا اتكسفت و بصت الناحية التانية
ادم :خلاص بهزر معاكى وربنا..بس على فكرة شكلك حلو جدا بالفستان
دينا :ميرسي يا دكتور آدم
ادم :بلاش دكتور انا نفسي انسي اني معيد في الجامعة اصلا ماهو لو قولتي دكتور انا هقولك يا ميس دينا خليها كدا من غير القاب
دينا ضحكت :ماشي يا آدم
__________
بعد انتهاء الفرح
شاهر:خلى بالك منها يا مازن ريماس دى بنتى امانة معاك
مازن و هو عيونه علي ريماس :صدقنى دى فى عيونى وقلبى
ضربه شاهر علي كتفه:يا واد اتلم
ريماس حضنت رباب :هتوحشيني يا ماما
رباب :وانتي كمان يا قلبي خلي بالك من نفسك
زياد حضن ريماس اوي :هتوحشيني يا صغنن ياااه كبرتي يا ريمو مش مصدق ولله
ريماس :خلاص انا هقعد معاك روح انت يا مازن
مازن :مين ده اللي يروح ده انا مستني اليوم ده من زمان
مازن شالها علي ايديه و ركب العربية
زياد :مجنون الواد ده
مازن و ريماس وصل المطار و سافره باريس يقضي شهر العسل
________
شيماء كانت بتسلم علي مامتها و بتحضنها
وفاء :يااااه كبرتي يا شيمو و اتجوزتي خلاص
كريم :كبرت مين يا ماما دي كانت لسة امبارح بتتفرج معايا علي الكرتون
وفاء :بس يا لمض
شيماء:هتوحشيني اوي يا ماما خلي بالك من نفسك
وفاء :إبراهيم خلي بالك منها يا واد حطها في عينيك
إبراهيم :دي في قلبي يا فوفا يلا سلام عشان نلحق نوصل شرم الشيخ
_________
شيماء و إبراهيم في العربية
ابراهيم :ياااااة أخيراااا مروحين
شيماء بحزن: أيوة
إبراهيم :والنبى بلاش عياط عشان عنيكى
شيماء :لية خايف علية ؟
إبراهيم : لا طبعا خايف على المكياج اللى دفعت فية فلوس قد كدة
شيماء بتضحك : يا سلام !!
إبراهيم: أيوة كدة يا شيخة أضحكى
_______
بعد يومين
زياد اتصل علي شهد
شهد :الو
زياد :انتي فين
شهد :في اوضتي نايمة
زياد:انا عندك في البيت يلا اصحي عشان قاعد برة في الصالون
شهد:ايه عندنا مين
زياد بيضحك :عندك يا شهد يلا قومي فوقي و صلي و اخرجي
شهد :حاضر سلام
________
زياد كان قاعد في الصالون امل مامت شهد دخلت عنده و معاها ألبوم صور
امل :اتفضل يا زياد الألبوم ده
زياد :ده ايه يا طنط بتاع مين
زياد مسك الألبوم و فتحه
امل :بص يا زياد ده فيه كل صور شهد و من و هي عمرها شهر لحد دلوقتي كل ما كانت بتتصور صورة كنت بحطها فيه الألبوم ده في منه نسخة تانية معايا لكن ده كنت شيلاه ليك انت للي هيتجوز شهد و بصراحة مش هلاقي احسن منك يحافظ عليه الألبوم ده في ذكرياتها كلها
زياد بسعادة و لسة بيتفرج علي الألبوم :شهد جميلة جدا و كل ما بتكبر بتحلو اكتر
امل :انا هسيبك تتفرج عليه علي ما احضرلكو الفطار
زياد :ماشي يا طنط
________
زياد و شهد بعد ما فطرو قاعدين بيهزرو مع بعض
زياد كان فاتح الفيسبوك و شاف ولد عامل لايك لشهد
زياد بعصبية:انتى ي هاااانم
شهد :نعم ي حبيبى
زياد:مين الزفت اللى عندك ع الفيس ده
شهد:ايه ده ده ولد
زياد: امال بنت
شهد (وبدأت تعيط):والله معرفو والله معرفو
تلاقينى ضفتو غلط وانا عمرى مااتكلمت معاه حتي شوف
زياد (بدأ يمسح دموعها):هششششش اسكتى ولا
كلمه متعيطيش
شهد:انت مش مصدقنى
زياد :لاوالله مصدقك انا واثق فيكي
شهد :طب زعلت اوى كده ليه لما عيطت
زياد :علشان كل دمعه بتنزل منك بتنزل من رجولتى
شهد بابتسامة :كل يوم بتثبتلي اني اختارت صح
زياد :صحيح يا قلبي هنتجوز امتي
شهد :علي الشهر ده ايه رايك
زياد :تمام بصي انهاردة هاخد معايا مشوارين مهمين جدا لازم نروحهم
شهد :اوك هدخل اغير هدومي
_________
في شرم الشيخ ..
شيماء و إبراهيم قاعدين عند حمام السباحة
ابراهيم : مبسوطة يا حبيبتي ؟؟؟
شيماء : اوووي اوي يا حبيبي ، كفايا انك معايا
إبراهيم : يا سلام علي الرومانسية ، اخاف اخد علي كدا
شيماء بتضحك : لا خد براحتك
ابراهيم : انتي عارفة ان انا لحد دلوقتي مش مصدق نفسي ولا مصدق اننا اتجوزنا و بنقضي شهر العسل كمان ؟؟
شيماء بابتسامة : ولا انا كمان مصدقة
________
زياد و شهد في العربية
و زياد وقف عند فيلا
شهد :وقفت هنا ليه
زياد :انزلي بس
شهد نزلت معاه
شهد :الفيلا دي بتاعة مين
زياد :تعالى ادخلي
شهد :الله دي حلوة اوي المهندس اللي صممها هايل بجد
زياد :عجبتك
شهد :اوووي تحفة
زياد :دي الفيلا بتاعتنا
شهد بصدمة :و دي لحقت تبنيها امتي
زياد :من اول مرة اعترفتلك بيها بحبي في بداية السنة في التيرم الأول بدأت اصممها لحد ما خلصتها و جبت مهندس ديكور و اتفرشت زي ما انتي شايفة
شهد بابتسامة :بحبك اوي يا زياد انت عملت كدا ده عشاني
زياد :علي الله يطمر بس
شهد خبطته في كتفه :لا بيطمر
زياد :طب يلا نتفرج علي الفيلا عشان هوديكي مكان تاني جنب الفيلا قريب من هنا
شهد :يلا
________
في باريس
مازن و ريماس كانو بيتمشو في شارع في باريس
ريماس :مازن بص
مازن بخضة : في ايه
ريماس : بص الفستان دا .. وااااااو يجنن
مازن : خضتيني حراام عليكي ، و بعدين كفاية شرا بقاا فلستيني !! انتي واخدة فكرة غلط عن شهر العسل ، دا عشان العريس و العروسة يتفسحوا والله مش يشتروا فساتين
ريماس :وانت كمان واخد فكرة غلط عنه ده شهر عسل مش شهر اكل ده انت خلصت علي كل الاكل اللي في الاوتيل
مازن :خلاص يا حبيبتي اهدي
ريماس: كدا يا ميزو لا انا زعلانة
مازن : ميزو هو اللي جابوا لنفسه ، اتفضلي علي المحل قدامي يلا
ريماس :هيييييح بقا
________
زياد و شهد وصلو عند مزرعة
شهد :مزرعة مين دي اوعي تقول بتاعتك
زياد :شابوه ليكي بقيتي بتفهمي
شهد :لا انا مش هتفاجأ انا خلاص اتعودت
زياد بيضحك:بقولك ايه ليكي في الخيل
شهد :لا عمري ما ركبته
زياد :طب بصي بقا المزرعة دي فيها 2 حصان واحد اسمه زياد و واحدة اسمها شهد انا مسميهم علي اسمنا
دي شهد و ده زياد تعالي أعرفك عليهم
زياد مسك ايد شهد و بدأ يقربها للحصان الحصان طلع صوت و شهد صرخت و استخبت في حضنه و خافت منه
زياد :حبيبي اهدي بس مش بيعض ولله
شهد :بيصرخ في وشي
زياد بيضحك :حبيبتي مش بيصرخ ولله هاتي ايدك بس
زياد مسك ايديها و لمس بيها الحصان
زياد :شوفتي بقا مش بيعمل حاجة اهو يلا عشان هركبك عليه و هركب انا كمان معاكي عليه و نتمشي شوية
شهد :بس خايفة اقع
زياد :خايفة وانا معاكي ازاي يلا
زياد شال شهد و ركبها الحصان و ركب قدامها و بدأ يتمشي بيه في المزرعة
شهد حضنته و مسكت جامد في قميصه
زياد :مبسوطة يا روحي
شهد :اوي اوي مش متخيل كمية السعادة اللي انا فيها حاسة اني طايرة في السما
زياد :ربنا يقدرني و افرحك دايما
شهد :وجودك في حياتي اصلا فرحة كبيرة
زياد :شهد غنيلي عايز اسمع أغنية منك
شهد :اغنيلك ايه
زياد :انا لك علي طول
شهد :بس تغني معايا
زياد :اممممم زي بعضو ماشي
شهد :انا لك على طول خليك ليا
زياد :خد عين منى وطل عليا
شهد :وخد التنين واسال فيا
زياد &شهد :من اول يوم راح منى النوم
شهد:ابعتلى سلام قول اى كلام من قلبك او من ورى قلبك
زياد :مش يبقى حرام اسهر وتنام وتفوتنى ااسى نار حبك
شهد :انا لك على طول خليك ليا خد عين منى وطل عليا
زياد :وخد التنين واسال فيا
شهد :من اول يوم راح منى النوم
________
في المساء كان زياد و شهد بياكلو في مطعم
و هما بيتكلمو موبايل زياد و كانت ندي سكرتيرته
زياد: دي ندي سكرتيرتي معلش يا حبيبتي هرد علشان في شغل مهم كنت طالب منها تخلصه
شهد : طيب رد بس مش تتكلم كتير معاها يعني قولها اني معاك
زياد : ايوه يا ندي خلصتي الورق الي قولتلك عليه لو ماخلصش بكره بصي مش عارف ممكن اعمل فيكي ايه ماشي
ندي:لا قربت اخلصه كنت عايزة اقول لحضرتك اطبعه على الفلاشة صح
زياد : اه يا ندي المهم خلصيه علشان بابا هياخده بكره يلا سلام يا باشا
شهد: هتعمل فيها ايه بقى لو مش عملت الشغل وازاى تقولها كده اصلا وازاى تقولها يا باشا
زياد: طيب فيها ايه بس هو انا قولت حاجة غلط
شهد بعصبية: مايصحش تقولها يا باشا وبعدين لازم يكون في بينكم حدود مش تقعدو تهزروا وتضحكوا سوا كده عادي على الاقل علشاني مش انا خطيبتك
زياد : دي غيره بقى
شهد : لا مش غيره انا بس مضايقه انك بتكلمها كده انا عارفه انها سكيرتيرتك وبس بس كمان مابحبش تعاملاتك معاها تكون كده لاتهزروا سوا ولا حاجه
زياد : دلوقتي انا ماهزرتش انا بعاملها زي واحد صاحبي ثانيا عادي يعني انا مش شايف حصل حاجه يعني
شهد: على الاقل ده احترام ليا انك خاطب مش كفايه ان عند سكرتيره بنت مش ولد كمان
زياد : انتي عارفه ان انا شغلي كتير ومقابلاتي مع الناس كتير وكنت محتاج حد ينظم كل ده
شهد : عندك 25 سنه لحقت تنسى مواعيدك ومقابلاتك مع الناس اومال لما يكن عندك 50 سنه هتنساني بقى
زياد : حبيبتي انتي عارفه انا بحبك قد ايه بلاش كده بقى احنا اكلمنا في المواضيع دي 100 مره
شهد :ماشي
________
بعد ما شهد خلصت اكل
شهد : انا عايزه شوكليت يا زياد
زياد :حاضر يا قلب زياد هطلبلك
شهد :وعايزه ايس كريم
زياد :حاضر
شهد : وعايزة ....
زياد قاطعها : ده انا لو خاطب بنت اختي مش هتبقي كده
شهد بتضحك
زياد : يا تبطلي تضحكي يا اما هحضنك في المطعم قدام الناس
شهد : بطل جنان
زياد :بحبك
شهد : وانا كمان
زياد :وانتي كمان اي
شهد : بحبني
زياد : انتي رخمه طب والله لو ما هتقولي هتجنن وانتي عارفه جناني
شهد : عادي ولا يهمني
زياد باعلي صوته : بحبك
شهد :بس يامجنون الناس بتبص علينا
الناس اللي في المطعم كلهم بيبصو عليهم و بيضحكو
_______
ريماس و مازن كانو في مطعم سهرانين و بيرقصو
ريماس :مبسوطة اوي وانا معاك بحبك اوي يا مازن
مازن :انا كمان مبسوط اوي ربنا يخليكي ليا يا روح قلبي
ريماس : و يخليك ليا يارب
_______
بعد أسبوع رجع شيماء و إبراهيم البيت و رجعت ريماس و مازن
شيماء :وحشتيني يا فوفا
وفاء :كدا يا شيمو البيت فاضي من غيرك ولله
إبراهيم :خلاص بقا يا فوفا جبتهالك اهو
_______
في يوم زياد كان بيكلم شهد في الموبايل
زياد :عاملة ايه
شهد :تمام
زياد :اسمها الحمد لله
شهد :الحمدلله وانت عامل ايه
زياد :بخير طول ما انتي بخير يا روحي
ها يلا احكيلى بقا عملتى اية النهاردة ؟
شهد : كل يوم هقعد احكيلك كدة ؟
زياد: عندك مانع يعني ولا ايه ؟
شهد : لا معنديش مانع
زياد: طيب يلا احكى
شهد : بص يا حبيبي روحت اشتريت الحاجات اللي ناقصة عشان فرحنا
واتعاكست كمان وانا مروحة
زياد : وحياة امك ومين الاحول دة اللى عاكسك ؟
شهد : لالا دة امور خالص
زياد :اه وماله وانتي فرحتي بقا
شهد :لا ولله انا بهزر معاك مبصتش عليه و بعدين انت عارفني انت غيرت صح ؟
زياد : هغير على اية يا هبلة
قوليلى اتغديتى اية ؟
شهد : اتغديت فراخ
ها احكيلى انت كمان عملت اية ؟
زياد : ولا حاجة روحت الشركة و خلصت شوية تصميمات
وانا رايح اركب العربية شوفت بنت
زى القمر من جمالها مقدرتش بقى وكلمتها
شهد بعصبية : وماخدتش رقمها لية ؟
زياد : مانا اخدته يا حبيبتى خلاص
شهد : طيب وماله عرفنى عليها بقى
زياد : حاضر من عنيا يا غيورة
شايفك هتموتى من الغيظ
شهد : اصلا انت كذاب وبتشتغلنى
زياد بيضحك : لا مش بشتغلك دة بجد
شهد : لا كذاب وفشار بقى
زياد بيضحك : ايوة يا قلبي كذاب وفشار عرفتى ازاى بقى
شهد : علشان انت مش بتحب غيرى ومش بتشوف حد غيرى
زياد : طبعا بس اية الثقة دى
شهد : واثقة من حبيبى انا
عارف
زياد : لا لسة هعرف دلوقتى
شهد : رخم انت
زياد : طالعلك ياروحى
شهد : حلمت بيك بقى بس مش فاكرة الحلم
زياد : لا هتحكى بقى
شهد : لالا والله مش فاكرة بس المهم انك كنت معايا وخلاص
زياد :عارفة
شهد : ها .....
زياد : عارفة اية انتى هتستعبطى
شهد : يادى النيلة بطل رخامة بقا
زياد : خلاص خلاص انا كمان حلمت بيكى ومش فاكر الحلم
شهد : احسن
زياد : مش عايزة تعرفى الحلم ؟
شهد : مش انت مش فاكر
هو : اة صح مش فاكر
قومى نامى بقى علشان تصحي الصبح بدري تشتري الحاجات اللي ناقصة عايزين نتجوز بسرعة خلاص فاضل 5 أيام اهو
شهد : طيب والحلم ؟
زياد : خلاص بكرة هقولك
شهد : ماشى يا حبيبى تصبح على خير
زياد : وانتى من اهلي يا حبيبتى
________
تاني يوم سلمي اتصلت علي شهد
سلمي :ايه يا دودو مبروك فرحك كمان 4 أيام اهو
شهد :اه يا سوسو عقبالك
سلمي :بصي بقا يا شهد انا عيد ميلادى بكرة و كنت عزماكي
شهد :بجد كل سنة وانتي طيبة يا سوسو
سلمي :لا مش هينفع في الفون لازم تيجي
شهد :خلاص ماشي بس مش هطول لان انتي عارفة ولله لسة مش اشتريت الفستان حتيو مشغولة جدا
سلمي :مش مهم يا قلبي المهم اني اشوفك بكرة مش هطفي الشمع من غيرك
شهد :ماشي يا قلبي ان شاء الله بكرة هجيلك
سلمي :ماشي يا روحي مش هعطلك انا سلام
_______
بعد ما سلمي قفلت معاها اتصلت علي نوال
سلمي :أيوة يا ناني هانم
نوال :ها يا سو عملتي ايه
سلمي :اعتبري كلو حصل شهد خلاص جاية بكرة و فارس اتفقت معاه و وافق
نوال :انتي متأكدة من فارس ده
سلمي :فارس اصلا من اول يوم في الكلية هيموت و يكلمها و لما تيجيلو فرصة زي دي هيوافق طبعا و ما صدق و بعدين دي مش اول مرة ل فارس يعني
نوال:أيوة بس المرة دي مختلفة المرة دي مش بمزاجها غصب عنها المهم بكرة لو الحوار ده حصل بجد هتاخدي ضعف اللي اتفقنا عليه
سلمي :اعتبريه حصل
________
فارس كان قاعد مع رامز و عاصم
موبايله رن
فارس :ايه يا سوسو
سلمي :ها يا فارس شهد وافقت تيجي
فارس :احلي سوسو في الدنيا
سلمي :أي خدمة
فارس :بس قوليلي يا سوسو انتي هتعملي كدا لله و الوطن
سلمي :ها .... اه طبعا يا فارس و كمان لما زياد هييجي و يشوفك معاها ساعتها هيسيبها و هي هتفضل معاك
فارس :اشطا
سلمي :يلا هكلمك بعدين
_______
رودينا اخت سلمى الكبيرة كانت داخلة تاخد حاجة من اوضتها سمعتها بتكلم نوال و فارس
رودينا لنفسها :شهد و زياد و نوال يبقا نوال عايزة تبعد زياد و شهد عن بعض الله يخربيتك يا سلمي
و دخلت رودينا علي سلمي
رودينا بعصبية :سلمي
سلمي :نعم عايزة ايه
رودينا :ايه اللي انتي بتعمليه ده انتي هتعملي ايه في شهد
سلمي بصدمة:انتي انتي عرفتي منين
رودينا :سمعتك وانتي بتتكلمي انتي عايزة تعملي ايه فيها اوعي يكون اللي فهمته صح
سلمي :أيوة صح انتي عايزة ايه
رودينا :يا نهار اسود انتي اتجننتي يا سلمي دي بنت زيك عارفة اللي هتعمليه ده ايه حرام عليكي
سلمي :بقولك ايه ما هو في الاخر كلو لصاحبتك ميار
رودينا :صاحبتي مبقتش بتحب زياد بتحب رامي و زياد خاطب و بعدين تعالي هنا انتي اتفقتي مغ نوال ازاي و عرفت منين اصلا انك صاحبة شهد
سلمي :ابدا كنت في يوم في النادي و ناني قابلتني و قالتلي انتي في إعلام قولتلها اه قالتلي في واحدة معاكي بس في اولي اتعرفي عليها و كدا اسمها شهد اتصاحبت عليها و من حسن الحظ فارس صاحبي كان عايز يرتبط بيها بس معرفش ضربت عصفورين بحجر واحد
رودينا :سلمي اقسم بالله لو ما رجعتي عن تصرفك ده لهتشوفي تصرف تاني مني فاهمة
سلمي :طيب خلاص مش هعمل كدا خلاص روقي كدا
رودينا :ولو حصل
سلمي :خلاص يا رودي بقا مش هيحصل كدا
_______
فارس و هو قاعد مع صحابه في الكافيه
رامز :فارس انت فعلا هتعمل كدا مع شهد و تسمع كلام سلمي
فارس :أيوة طبعا دي فرصتي بقالي سنة هموت و اكلمها
رامز بعصبية :يا فارس قولتلك حرام عليك انت عندك اخت بنت
فارس :وانت فاكر ان اختي زي اللي عرفتهم اختي مش زيهم يا رامز و فوكك مني بقا
عاصم :ما خلاص بقا يا رامز ما تعكرش مزاجه
رامز:سايبهالكو و ماشي
قام رامز و خرج
عاصم :الواد ده خنيق اوي
فارس :سيبك منه
______
رامز و هو برة اتصلت عليه منة اخت فارس
رامز :ايه يا منة
منة :ايه يا حبيبي انا مستنياك في المطعم
رامز :اه انا جايلك اهو
بعد 10 دقايق كان مازن عند منة
منة :ايه يا حبيبي كل ده
رامز :كنت قاعد مع اخوكي ... منة بقولك ايه ما تيجي نتجوز
منة بسعادة :بجد اخيرا باباك وافق
رامز :عرفي نتجوز عرفي
منة بصدمة :ايييه قولت ايه
رامز :حبيبتي انتي مش واثقة فيا
منة:لا طبعا واثقة فيك بس ..
رامز قاطعها :مفيش بس يا منة انا بحبك وانتي بتحبيني و بابا عمره ما هيوافق الا لو اتحط قدام الأمر الواقع و اتجوزنا ساعتها هيجوزنا رسمي و هروح اطلب ايدك من فارس
منة بتوتر:طيب سيبني افكر
_______
في الصباح
شهد بتتصل علي زياد
شهد : ايه مش بترد على الموبيل لية ؟
زياد : أيه يابنتى فى حد يكلم حبيبه كده ايه مفيش صباح الخير ازيك ياحبيبى مفيش اى حاجة كده ؟؟
شهد : طب يا حبيبي صباح الخير ازيك ياحبيبى ؟
زياد : صباح النور ياقلبى انتى عمله اية ؟
شهد : انا تمام الحمدلله بقولك اية انت فاضى ؟
زياد : فاضى وله مليان
شهد : اوف هو انت كده دايما مبتبطلش الش ابدا
زياد: طبعا يابنتى ده انا لو بطلت الش ممكن اموت المهم كنتى عايزة اية ؟
شهد : اه صحيح كويس انك فكرتنى كنت عايزة اقابلك ؟
زياد : تقابلينى ليه خير ؟
شهد : هو يعنى لما اقول انى عايزة اقابلك يبقى فى حاجة ؟
زياد : اكيد
شهد : طيب ماشى اخلص بقى قوم يلا
زياد: طب مش اعرف انتى عايزانى فى اية ؟
شهد : مش مهم هتعرف بعدين يلا نتقابل فى المكان بتاعنا علي البحر
زياد : يابنتى طب افهم فيه اية قلقتيني؟
شهد : بعدين يلا باى
زياد : طيب امرى لله
________
قفل معاها و اخد شاور و صلي و ركب عربيته و استناها هناك في مكانهم المفضل و استناها ساعتين و هي اتأخرت
شهد : Sorry اتاخرت شوية
زياد : شوية !!! ده انتى اتاخرتى جامد حرام عليكى ياشيخة انا خلاص قربت اموت من كتر البرد
شهد : اعمل ايه يعنى المواصلات زحمة وانا كمان هموت من البرد
زياد : طب اخلصى كنتى عايزة ايه فى يومك اللى مش هيعدى ده
شهد : طيب طيب متزوقش المهم انا مخنوقة و زهقانة و عايزة اتكلم معاك و اكل ايس كريم
زياد متنح : ايه !!!!!!! لا معلش قولى تانى كده انتى زهقانة و مخنوقة و كمان عايزة تاكلى ايس كريم طب انا ذنب اهلى اية وبعدين احنا فى عز الشتا هتاكلى ايس كريم ازاى اه نسيت انك بتحبيه في الشتا مانا خاطب طفلة اصلا
شهد : بس كفاية خلاص انا اصلا غلطانة علشان كلمتك و كنت عايزة افضفض معاك
زياد : تفضفضى معايا ماشى عادى بس فى تليفون و لازم تقابلينى يعنى وكمان فى عز البرد
شهد اتضايقت : خلاص انت اصلا قفلتنى منك خلاص روحني البيت
زياد : طب انتى مكشرة ليه دلوقتى خلاص انتى نزلتينى علي حاجة هايفة وخلاص اللى حصل حصل اضحكى بقى
شهد بتضحك : حصل وطحينة
زياد :يخربيت ام الالش
شهد: و اشمعنا انتى تالش عليا يعنى وانا لا
هو : خلاص مش عايز وله حرف زيادة ويى بينا من هنا نروح اى كافية نقعد فيه
شهد : و ناكل ايس كريم ؟
زياد : و ناكل ايس كريم يلا يا اخر صبرى
شهد بتضحك : سمير صبرى
زياد : يلا يابت غورى من هنا يلا حرام عليكى ياشيخة
شهد: لا مش همشى وهفضل قاعدة على قلبك
زياد قلع الجاكيت و كان لابس تيشرت نص كم و لبسه ل شهد
شهد :بس انت بردان
زياد :المهم تكوني انتي دفيانة يا حبيبتي سيبك مني
شهد :لا مش هينفع البسه انت
زياد :هو انا كلمتي مش بتتسمع ليه نفسي افهم
شهد :خلاص خلاص المهم بقا انا عايزة اروح عيد ميلاد سلمي و هروح اشتري هدية ليها هو عيد ميلادها الساعة 12
زياد :طيب هنروح نشتري الهدية و اوصلك هناك و و انا هروح الشركة عشان في حاجات ناقصة هخلصها
______
رودينا سمعت سلمي بتكلم في الفون
سلمي :خلاص ماشي يا فارس اول ما أقفل معاك هبعتلك العنوان في مسدج و هتجيلي علي هناك قبل ما شهد تيجي
رودينا لنفسها :برضو هتعملي اللي في دماغك يا سلمي ياربي البت هتضييع انا لازم اتصرف
و قعدت رودينا في الصالون
سلمي خرجت من اوضتها و دخلت الحمام رودينا دخلت بهدوء الأوضة و فتحت موبايل سلمي بعتت مسدج لنفسها بالعنوان اللي بعتته لفارس و مسحت المسدج و خرجت و دخلت اوضتها
________
سلمي خرجت و وصلت الشقة و فارس وصل بعدها
شهد كانت اشترت الهدية ل سلمي و خبطت علي الشقة
سلمي فتحتلها :اهلا يا دودو ادخلي
شهد :اتفضلي يا سوسو كل سنة وانتي طيبة
سلمي :وانتي طيبة يا روحي
شهد :هو انا جيت بدري
سلمي:لا يا روحي ده نص ساعة و البنات هيجو ثواني اجبلك عصير
سلمي دخلت المطبخ شافت فارس مستخبي
فارس :ها ايه الأخبار
سلمي :وطي صوتك اهو هحطلها المخدر و مفعوله بيظهر بعد ساعة
فارس :طب يلا انجزي بسرعة
سلمي كانت خلصت الكوب العصير و خرجت تقدمه ل شهد
سلمي :يلا يا دودو اشربي العصير ده
شهد :ده برتقال
سلمي :اه يا حبي اشربي
بدأت شهد تشرب العصير
________
رودينا :انا لازم اروح الشركة عند زياد
غيرت رودينا ملابسها و ركبت تاكسي
______
شهد كانت خلصت العصير و بدأ مفعول المخدر يظهر
سلمي اتصلت علي زياد
سلمي :الو حضرتك باشمهندس زياد
زياد :أيوة انتي مين
سلمي :انا فاعلة خير عايزة اقول لحضرتك ان مينفعش تفضل مخدوع في شهد خطيبتك لحد كدا شهد بتخونك
زياد بعصبية :انتي عايزة ايه شهد انضف منك و من اشكالك
سلمي :اهدي بس كدا بالإمارة كمان قالتلك أنها رايحة عيد ميلاد صاحبتها علي فكرة مش عيد ميلاد صاحبتها دي رايحة لحبيبها و لو مش مصدقني روح بنفسك العنوان هتلاقيها قاعدة هناك معاه
زياد قفل الموبايل معاها و اتصل علي شهد مردتش اول مرة لانها كانت مش في وعيها سلمي فتحت الفون و شاورت ل فارس يتكلم
فارس :ايه يا شهد يا حبيبتي مش يلا بقا كل ده في الحمام مش بلحق اقعد معاكي بتوحشيني جدا
زياد قفل الموبايل و حدفه بعصبية علي المكتب
زياد لنفسه :ايه الهبل ده لا طبعا دي اكيد واحدة كدابة بس لا ممكن تكون شهد في خطر انا قلبي مش مطمن هروح اشوفها بس مين ده معقولة لا طبعا شهد مش كدا بس ازاي اكيد وداني كدابة
زياد خرج بسرعة من المكتب و هو بيجري
_______
في اللحظة دي رودينا وصلت مكتبه
ندي :أيوة يا فندم حضرتك عايزة حاجة
رودينا :عايزة الباشمنهدس زياد ضروري لو سمحتي
ندي :الباشمنهدس زياد لسة خارج من شوية
رودينا :متعرفيش راح فين
ندي :معرفش الحقيقة
رودينا خرجت بسرعة و هي مش شايفة قدامهاو هي خارجة خبطت في مازن
رودينا :مازن انا اسفة مش قصدي
مازن :ايه يا رودي مالك بتدوري علي حاجة
رودينا :اه زياد مشوفتوش
مازن :لا هو مش جوة انا اصلا جايله
رودينا :لا مش جوة
مازن :مالك يا رودي في حاجة ولا ايه
رودينا :في مصيبة
مازن بقلق:خير في ايه
رودينا :ها لا مفيش
مازن :يا بنتي قولي
رودينا :شهد
مازن :مالها شهد حصلها ايه
________
سلمي كانت بتغير لشهد هدومها و لبستها فستان قصير جدا و مفتوح من فوق و ده مش استايل شهد
و شهد كانت عيونها مفتحة لكن مش حاسة باللي حواليها لأنها اخدة مخدر و مفعوله بيروح بعد ساعتين
فارس :ها خلصتي
سلمي :لسة هحطلها ميكب عشان يبان انه بمزاجها
فارس :يخربيت دماغك يا سوسو أيوة بقا بس هي حلوة من غير حاجة
______
رامز اتصل علي منة
رامز :ها يا منة انتي فين
منة :انا في الشارع
رامز :اه شوفتك انا راكن عند الصيدلية اللي جنبك اركبي
ركبت منة مع رامز
رامز :ها ... وافقتي ولا
منة:اه موافقة
رامز :طب كويس يلا بينا نروح شقتي الخاصة بيا و هشوف اتنين شهود
منة :ماشي بس بجد يا رامز مش هتسيبني
رامز :لا طبعا يا حبيبتي انتي عارفة بحبك قد ايه
______
رودينا :بس هو ده كل اللي حصل
مازن: يا بنت الكلب بقا عايزة تعمل كدا معاكي العنوان بسرعة
رودينا :اه
مازن :طب يلا بسرعة نلحقهم زياد ممكن يقتلها لو شاف بعينيه كدا مش هيصدق أنها متخدرة
رودينا :يلا بسرعة
______
زياد كان سايق و خايف و بيتصل علي شهد بتكنسل عليه سلمي
في اللحظة دي كان زياد وصل العمارة فارس شافه
فارس :يلا يا سلمي اخرجي انتي زياد ايجا
سلمي :حاضر
______
فارس خلع ملابسه ما عدا الشورت
و قعد جنب شهد علي السرير
فارس:ها يا شهد منوره شقتى اللي سلمي اجرتها مش قولت قريب اوي هتكوني معايا شوفتي بقا احساسي كان في محله
كانت شهد غايبة عن وعيها لكن عينيها مفتحة و شايفة لكن مش حاسة بنفسها
شهد :ا ن ت عا يز اييه
فارس بضحكة شريرة : انتى عايزه تلعبى مع الاسد ياقطه لا فوووقى دا انا فارس و مش اي واحدة تقولي لا فاكرة لما كنتي تهزقيني اهو دلوقتي انتي معايا
شهد:انت جيت هنا ازاى فين سلمي
فارس.: مفجأه مش كدا لا و ايه فى مفجأه هتوصل حالا
جرس الباب رن و كان زياد فتحت سلمي الباب
زياد بعصبية :شهد فين
سلمي:انا قولتلها عيب يا شهد انتي مخطوبة ميصحش لكن مقدرتش اسكت اكتر من كدا قولت لازم اقولك خصوصا ان فرحكو بعد 3 أيام
زياد زقها بعيد و دخل اوضة النوم
فارس قرب أكتر من شهد كانت شهد مش قادرة تتدافع عن نفسها لانها كانت لسة ماخدره فارس حضنها و لسة هيبوسها دخل عليه زياد
وقف زياد فى مكانه مش قادر يتحرك و كأنه اتشل من مكانه مش قادر يصدق أن دي حبيبته في حضن حد تاني
_______
رودينا و مازن وصلو العمارة و طلعو بسرعة يلحقو شهد من زياد
_______
رامز :يلا يا روحي امضي هنا صحابي مضو كدا فاضل أمضى العروسة
منة مضت علي الورقة :اهو مضيت
رامز :مبروك يا عروسة
منة :الله يبارك فيك بس كان نفسي اكون عروسة بجد
رامز شالها علي أيده :ما هو ده بجد يا روحي
_________
زياد سحب فارس و ضربه ضربات شديده وقام فارس يدافع عن نفسه و قام بسرعة هرب و نزل حتى دور العربية بسرعة و زياد نزل وراه لكن مقدرش يلحقه
______
مازن و رودينا دخلو الشقة شافو سلمي
مازن مسكها من شعرها جامد :فين شهد يا بت انطقي عملتي فيها حاجة
سلمي :ااااه سيبني
مازن :شهد فين بقولك
سلمي :وانا مالي ماهي اللي جاية بمزاجها
رودينا :ليه يا سلمي ليه حرام عليكي
سلمي هربت منهم و نزلت جري
_____
زياد كان لسة داخل الشقة لأنه ملحقش فارس و شاف سلمي نازلة لكن ملحقهاش
مازن كان لسة هيدخل وراه زياد منعه
زياد :يعتبر مش لابسة حاجة يا مازن انت جيت هنا ازاي
مازن :صدقني يا زياد شهد مظلومة ولله العظيم
زياد :رودي انتي بتعملي ايه هنا
رودينا :زياد ولله شهد ما عملت حاجة دي
زياد :شوفتها بعيني يا رودينا بعيني في حضنه و هيبوسها
______
كانت شهد فاقت أخيرا قعدت فى السرير و شافت نفسها لبسها قصير جدا و فجأه دخل زياد عليها حاولت شهد تغطي نفسها
بصلها زياد و دموعه بتنزل
اخد هدومها المرميه علي الارض ورماها في وشها و خرج من الاوضة و قعد علي الكراسي فى الصالون
مازن :زياد ولله شهد ما عملت حاجة
زياد بعصبية:ما تقولش مش عملت سلمي بتقولي دي اكتر من مرة
رودينا :ولله سلمي كدابة يا زياد
زياد :مازن خد رودينا و انزلو
مازن :مش هينفع يا زياد مش هينفع انت هتعملها حاجة
زياد :ملكش دعوة يا اخي خدها و انزلو بقولك
رودينا :طب انا هنزل عن اذنكو
مازن :طب زياد ممكن تيجي الفيلا عندي و هاتها معانا ريماس قاعدة لوحدها و دادة سحر في إجازة مش في الفيلا بس مش هقدر اسيبها معاك لوحدك
____
شهد انتهت من تغيير ملابسها وخرجت له
لما زياد شافها
و فجأة
تتوقعه رد فعل زياد ايه و هيعمل ايه في شهد؟؟؟
و شهد هتعمل ايه؟ ؟؟
التعليقات على الموضوع