احببت طباخة 💠الحلقة 31💠
الحلقة 31 رواية _ أحببت طباخة
وقفنا عند
شهد انتهت من تغيير ملابسها وخرجت له
لما زياد شافها
وقف مكانه و شدها من شعرها بقوة و شهد صرخت مازن سحبها منه
مازن:زياد اهدي عشان خاطري اهدي و اسمعني
زياد ضربها بالقلم علي وجهها :بتخونيني يا شهد انا عملتلك ايه عشان تعملي فيا كدا
شهد منهارة و دموعها بتنزل منها:انا مخونتكش ولله ما خونتك معرفش انا لبست كدا ازاي و معرفش فارس ايجا ازاي ولله ما اعرف و لا عارفة ازاي مقدرتش ادافع عن نفسي حاسة اني مكنتش في وعي
زياد بيضحك باستهزاء:دي كدبة جديدة صح عشان تكملي كدبك
شهد :صدقني ولله ما عملت كدا انا جيت عيد ميلاد سلمي ما فوقتش الا و انا شايفة فارس جنبي و بيحاول يحضني وانت دخلت
زياد :اه مانا جيت في الوقت اللي مش مناسب
مازن بعصبية:زياد اهدي بقا انت مش فاهم حاجة
زياد :خير عايز ايه
مازن :سلمي كدابة ولله انا هحكيلك كل حاجة
________
عند سلمي و فارس في العربية
سلمي :ها هتطلع معايا ولا لا
فارس :انتي اتجننتي يا سلمي ده ممكن يقتلني
سلمي :كنت عارفة ان رودي هتعمل كدا و كنت عاملة حساب ان زياد مش هيصدقنا عشان كدا عملت حسابي كويس اوي يا فارس معايا دليلين هيخلو زياد مش بعيد يقتل شهد
فارس :تؤ تؤ .... انا مش عايزها تموت مش كفاية معرفتش ادوق حاجة منها
سلمي :فارس مش وقته المهم هتطلع ولا لا
فارس :بس قوليلي صحيح انتي جبتي الحاجات دي ازاي
سلمي :بعدين اقولك انا طالعة دلوقتي لو الحوار اتظبط و زياد صدق هقولك عملت كل ده ازاي يلا عن اذنك
__________
زياد :انا اسف يا شهد اني ظلمتك يعني هي حصلها كل ده يا بنت ال... يا سلمي انا بقا هعلمها الأدب هي و نوال
مازن :عرفت بقا مش كل حاجة لازم تتسرع فيها
في اللحظة دي سلمي فتحت الباب و دخلت
زياد قام من مكانه و شدها من شعرها جامد
سلمي :ااااه سيبني يا زياد
زياد :بقا انتي تعملي كل ده لا و جاية بنفسك كمان ده انا هوديكي في ستين داهية و هعرفك ازاي تعملي كدا معايا
شهد بحزن:ليه يا سلمي ليه عملتي كدا فيا ده انا صاحبتك
سلمي بعدت عن زياد :لا بقولك ايه متمثليش وانت قبل ما تضربني أتأكد الأول و اتفضل الموبايل ده عليه كل الدلائل و الاثباتات اللي تثبت اني مش كدابة
اتفضل اسمع ده
زياد فتح Record Voice و بيسمع التسجيل المكالمة اتفاجأ من صوت شهد و فارس
شهد:يا حبيبي ما انت عارف زياد مش بعرف اخرج من وراه اليومين دول لكن أوعدك يا فارس بعد فرحي هعرف اقابلك كتير و بعدين ما انا كنت لسة عندك في الشقة من أسبوع انت مبتشبعش
فارس :اشبع ايه بس هو انا بعرف اشبع منك يا حبيبتي بس انا زهقت و كل ما اشوفك مع زياد ده بموت من جوايا اصلك متعرفيش انا بحبك قد ايه
شهد :معلش يا روحي استحمل اهو كلها كام يوم و هكون معاك براحتي لما زياد يكون في الشغل
فارس :طب ما تجيلي بكرة اصل حضنك وحشني جدا
شهد :امممم بس هقول ل زياد ايه
فارس :قوليله اي حاجة او انا هظبط مع سلمي ما هي كل مرة بتظبطلنا الدنيا و تقوليله انك جاية ل سلمي و نتقابل في شقتنا قوليله عيد ميلاد سلمي و هو زي الاهبل ما هيصدق زي كل مرة يعني دي اول مرة يا روحي
شهد :عندك حق طيب هكلم سلمي اظبط معاها و اقول ل زياد اني رايحة عيد ميلاد
فارس :أيوة بقا يا روحي اخيرا هنتقابل وحشتيني جدا يعني
شهد :وانت كمان اوي
فارس :هكلمك بعدين عشان عاصم و العيال بيندهو عليا سلام يا موزتي
شهد :سلام يا حبيبي
شهد كانت مصدومة من اللي سمعته و مازن مش مستعوب و زياد حاسس انه خلاص كل حاجة بقت بجد شاف بعينيه و سمع بودانه
سلمي قطعت الصمت و اتكلمت
سلمي :صدقتني يا زياد بقا و في كذا مكالمة الميموري معاك و اسمع و عشان تتأكد كمان ده الشات علي الواتس بين فارس و شهد و بالتاريخ و الميعاد و كل مرة بيتكلمو فيها
زياد بيقرا و رقمها فعلا و كلام مش مصدق ان شهد تقوله كلام مستحيل هي تنطقه مقابلاتهم و كل حاجة بتثبت انهم بجد كانو علي علاقة و أنها خانته فعلا
زياد رمي الموبايل في وشها تقرأ
شهد شافت المحادثات و سابت الفون و مازن مسك الموبايل و مش قادر يصدق شهد كانت مش مستوعبة اللي بيحصلها حاسة أنها في حلم لا كابوس
شهد :زياد انت مصدق لا مش انا ده مش انا والله
زياد :مش صوتك مش انتي اللي شوفتك من ساعة في حضن واحد تاني مش ده رقمك مش ده الواتس بتاعك
شهد بعياط :صدقني كل ده كدب انا ولله ما عملت كدا أه ده صوتي و ده رقمي لكن ولله صدقني انا مش عملت كدا ولا اتكلمت كدا ولا عمري سمعت صوت فارس في الموبايل
سلمي:يا شهد يا حبيبتي انا ياما نصحتك وانتي كل مرة تقوليلي هسيب زياد و هكون مع فارس لكن مقدرتش اسيب زياد يتخدع اكتر من كدا فيكي بصراحة اه نسيت يا زياد شهد و فارس كانو بيشربو ويسكي يعني هي مش متخدرة زي ما رودينا قالت ولا حاجة و بالعقل كدا لو نوال عايزة تاذيك كانت اذيتك من زمان مش دلوقتي و غير كدا رودينا عملت كدا و قالت كل ده عشان ميار صاحبتها متتجوزكش لان نوال لو عرفت انك سيبت شهد هتزن على ميار أنها تقربلك تاني و عشان كدا رودينا قالتلي مش مهم خاينة خاينة خليها مع زياد لأنها عايزة رامي يتجوز ميار ولو دورت في موبايل شهد هتلاقي كل حاجة ممسوحة أصلها بتحذف اول بأول
مازن :شهد هو الكلام ده بجد انا مش قادر أصدق
شهد :ولله يا مازن انا ما عملت كدا صدقني ولله العظيم
زياد فتح باب الشقه ومسك شهد من ايديها و شدها بعنف قدام الاسانسير ركبوه و مازن ملحقش يركب معاهم نزل بسرعة استناهم تحت و سلمي كانت فرحانة جدا زياد شدها من ايديها وركبو العربية مازن وقفه
زياد :اوعي يا مازن بقولك
مازن :انا معاك في اي حاجة بس ممكن تيجي الفيلا عندي و مش هسيبك تسوق وانت في الحالة دي
زياد :بقولك اوعي من وشي مش ناقصك
مازن فتح باب العربية و دخل شهد جوة
مازن :زياد اركب و نتفاهم عندي
زياد فتح الباب و رزعه بقوة وراه
زياد كان مبينطقش و ساكت و شهد بتعيط جامد و دموعها بتنزل منها
_________
في بيت شهد
امل :عبدلله انا قلبي مش مطمن علي شهد بنتي فيها حاجة
عبدلله :مش قولتي أنها راحت مع خطيبها يشترو الحاجات اللي ناقصهم
امل :أيوة بس بنتي فيها حاجة قلبي مش مطمن اتصلي عليها و النبي يا عبده
عبدلله :طيب هتصل اهو
عبدلله بيرن علي شهد
________
زياد :مين اللي ببتصل عليكي هو لحقتي توحشيه هاتي تليفونك ده
اخده زياد من ايدها و شاف ان باباها بيتصل رد عليه
زياد :أيوة يا عمي
عبدلله :ايه يا زياد اومال شهد فين
زياد :شهد معايا احنا قاعدين عند ريماس في البيت و تليفونها معايا هي قاعدة مع ريماس
عبدلله :طيب يابني انتو كويسين عشان امل قلقانة علي شهد
زياد:اه الحمد لله كويسين
عبدلله:ماشي يا زياد خلي بالك منها
زياد :حاضر يا عمي
عبدلله :سلام
زياد :سلام
________
عبدلله :ها صدقتي يا ستي كويسين
امل :لا برضو قلبي مش مطمن
عبدلله:يوووه بقا حضريلي الاكل انا جعان
______
اما فارس لما شاف زياد و مازن و شهد ركبو العربية و خرجو طلع العمارة و دخل الشقة
سلمي :ادخل يا فارس
فارس :ها عملتي ايه صدق ولا
سلمي :صاحبتك قول عليها يا رحمان يا رحيم
فارس :ليه كدا زعلتيني
سلمي:ده انا مستغربة هدوءه ده لكن زياد مش هيسكت
فارس :بس قوليلي يا سلمي انتي عملتي كل ده ازاي ده انا قربت اصدق ان ده صوت شهد بجد
سلمي :ما هو ده صوتها يا غبي
فارس :نعم ياختي صوتها ازاي ايه كانت بتتكلم و هي متخدرة لا جديدة دي
سلمي :لا يا ظريف هقولك انا روحت لاشطر مبرمج و مهندس كمبيوتر في مصر و اتفقت معاه ياخد اللي يطلبه مقابل انه يركب صورها و كدا معاك قالي انه اتهرس في 500 فيلم عربي و مش هيصدق و الواد كان ذكي قالي انه معاه برنامج لسة منزلش مصر هو اشتراه من برة مصر و الابليكشن ده ممكن يغير صوت أي حد ل صوت اي حد يعني صوت شهد لكن الكلام انا اتكلمته و هو غير نبرة الصوت و بقا شهد اللي اتكلمت
فارس :يا بنت الايه ده انتي جامدة طب و شات الواتس ازاي فبركتيه
سلمي :عنده ابليكشن برضو بيفبرك اي شات بين أي حد
فارس :علي النعمة يا سوسو انتي جامدة
_________
رامز كان قاعد علي السرير و شبه عاري و منة كمان كدا و متغطين باللحاف
منة دموعها نزلت :رامز هو بجد انت مش هتسيبني
رامز :يوووه بقا يا منة قولتلك يا حبيبتي مش هسيبك و كام يوم كدا و هقول ل بابا متقلقيش ولله
منة:انا خايفة ميوافقش
رامز بهدوء:يا حبيبتي هيوافق ولله انا عارفه انا داخل اخد شاور
________
مازن كان سائق العربية و زياد ساكت
شهد :والله يا زياد ما عارفة روحت هناك ازاى و لا اتكلمت كدا ولا ده صوتي ولا ده الشات بتاعي هو اه رقمي و ده صوتي لكن مش انا ولله العظيم ما انا انا عارفه انك مفكر انى خونتك معاه بس والله ما حصل
مازن وصل الفيلا زياد فتح باب العربية و شدها جامد من ايديها
شهد : براحة انت بتوجعني .. ايدي هتتكسر
زياد بعصبية : انا عايزها تتكسر
كانت ريماس فى انتظار مازن لما شافت شهد في حالتها دي جريت عليها
ريماس :شهد انتى كويسه
شهد كانت لسة هترد عليها ولكن زياد كان الأسرع و شدها من شعرها وطلع علي اوضة فوق كانت شهد بتصرخ بشده بتستنجد ب مازن و ريماس
زياد :وديني لاقتلك ولله هقتلك
شهد:ابعديه يا ريماس عنى هيقتلنى
ريماس و مازن طلعو وراهم جري لكن وصل زياد الأوضة وقفلها بالمفتاح ورماها ع الارض
زياد :انا هقتلك
شهد :حرام عليك انا مظلومه ولله ما عملت كدا
ريماس و مازن لسة بيخبطو على الباب
ريماس :زياد و النبي افتح انا مش فاهمة حاجة
مازن :زياد افتح بقا
زياد :سيبوني دلوقتي
مازن :ريماس قومي ننزل تحت وانا هفهمك كل حاجة
ريماس :لا انا خايفة يعملها حاجة
مازن :متخافيش مش هيعمل حاجة
ريماس :ماشي يلا
_______
في بيت شيماء
كانت شيماء بتتفرج مع إبراهيم علي Tv
شيماء :هيما
إبراهيم:ايه يا حبيبتي
شيماء:شهد يا هيما فيها حاجة
إبراهيم :يخربيت احساسك ده يا حبيبتي هيكون فيها ايه
شيماء :معرفش بس قلبي مش مطمن انا هتصل عليها
_______
تليفون شهد بيرن
زياد :دي شيماء كنسلت عليها
شهد:عايزة ارد عليها
زياد :مش هتكلمي حد
شهد :زياد مالك ..انت مكنتش كدا انت مش واثق في
زياد بعصبية :مالي مش عاجبك دلوقتي ..ولا بتعجبك الحاجات التانية
شهد:انت تقصد ايه ..بطل تكلمنى كدا حرام عليك بقا اتكلم عدل
زياد مسك دراعها بقوة :مش انتى اللى هتقوليلى اتكلم ازاى ..فاهمة
شهد :حرام عليك بقا صدقني انا مظلومة ولله العظيم مظلومة انا معملتش حاجة ولله
زياد بسخرية وهو بيقرب منها :لا مش بتعملى حاجة خالص خالص شوفتك بعيني معاه في الأوضة و شبه مش لابسة حاجة في حضنه سمعت مكالمات بينك و بينه شوفت شات بينك و بينه في كلام عمري ما اتوقع منك تقولي كدا
شهد دموعها بدأت تنزل تاني ..زياد قلبه كان هيرق لكن افتكر كل اللي شافه و سمعه مقدرش يصدق غيرهم
زياد:بطلى دموع التماسيح دى ..بقى بتلعبى بيا يا شهد بتخونيني
زياد قرب من شهد لحد ما التصقت في الحائط شهد بعدته عنها لكن مقدرتش تقاومه
شهد بخوف :لو قربت منى هصوت
ابتسم زياد و قرب منها ووضع ايديه على الحائط
زياد :بجد هتصوتى ده انا حتى خطيبك واولى من الغريب
شهد بعياط :أبعد عنى يا زياد ..انت فيك ايه ..بجد انا بقيت خايفة منك انت فاهم انت بتعمل ايه..انت بتظلمنى من غير ما اعمل حاجة ولله العظيم ما خونتك حرام عليك يا زياد
زياد :لا خونتيني ازاي كل ده كنتي بتخدعيني حرام عليكي انا عمري ما حبيت غيرك ليه بتكسريني ليه
زياد خبط بايديه بقوة علي الحائط لدرجة أن شهد اتخضت و جريت منه و قعدت على السرير
زياد :عارفة كنت فرحان اوي ان خلاص هتكوني حلالي خلاص 3 أيام و هتكوني مراتي بجد بفكر فرحنا هيكون فين بفكر في كل حاجة بينا هديتي كل ده ليه مش قادر اصدقك طب اصدقك ولا اكدب عيني ولا اكدب وداني اللي سمعت ولا اكدب ايه ولا ايه كل حاجة ضدك
شهد :لا صدق قلبك صدقني انا مش انت كنت دايما تقول انا بثق فيكي اكتر من نفسي
زياد ضحك نص ضحكة :كنت غبي كنت بحب واحدة و اكتشفت أنها خاينة و كدابة كنت غبي
زياد بدأ يقلع هدومه ما عدا الشورت وبيبصلها و هي خافت
شهد :انت بتعمل ايه لا يا زياد
زياد :طالما كده يبقا انا اولي من الغريب
شهد : لأ يا زياد متهدش كل حاجة بينا
زياد :ما كل حاجة بينا اتهدت اصلا لسة هستني
زياد قرب منها شهد كانت هتقوم تجري مسكها زياد حاولت تفلت من ايده لكن مقدرتش بدأت تصرخ جامد
________
ريماس:يعني ازاي لا اكيد في حاجة غلط شهد متعملش كدا يا مازن
مازن :انا هتجنن مش قادر أصدق أن شهد تعمل كدا ايه ده شهد بتصرخ انا خايف زياد يعملها حاجة قومي بسرعة
_______
ريماس و مازن طلعو بسرعة و خبطو تاني لكن زياد مش بيرد عليهم
زياد قرب منها و بدأ يفك سوستة الفستان و شهد بتصرخ
زياد : انا مش فاهم انتي زعلانة ليه مش اول مرة يعني ما انتي ياما عملتي كدا مع فارس ولا هو حلال ليه و حرام عليا
شهد :حرام عليك ولله فارس ما لمسني ولله ما لمسني
زياد :بطلي كدب بقا كفاية كدب انا هعمل كل اللي عايزه
شهد :حرام عليك بقا كفاية ابعد عني
زياد :لا مش هبعد
و بدأ يفتح السوستة اكتر و ريماس و مازن لسة بيخبطو
ريماس :زياد متلمسهاش والنبي يا زياد اعتبرني مكانها ترضالي كدا يا زياد
زياد فاق من اللي كان هيعمله و بعد عن شهد و بدأ يلبس هدومه و فتح الباب مازن شده في الأوضة التانية و ريماس دخلت لشهد و اول ما شافتها شهد اترمت في حضنها
ريماس :شهد اهدي هو زياد عملك حاجة
شهد :لا لا معملش
ريماس :الحمدلله شهد انا عارفة ان مش وقته لكن لازم اعرف انتي عملتي كدا بجد
شهد بصتلها و كأنها بتعاتبها :حتي انتي يا ريماس مش مصدقة
ريماس :يا حبيبتي مش كدا بس صدقيني ولله العظيم يا شهد اصل بصي انا هتجنن ازاي صوتك و الشات ازاي
شهد :معرفش صدقيني معرفش
_________
مازن مسك زياد من قميصه و ضربه
زياد :عايز ايه انت كمان
مازن :عايزك تفوق انت لمستها
زياد :و دي تفرق ايه يعني ماهو مش اول مرة ليها
مازن :فوق بقا و فكر بعقلك ممكن شهد تعمل كدا لا مستحيل يبقا نفكر بعقلنا
________
شيماء :دي مش بترد عليا برضو بتكنسل اكيد في حاجة
ابراهيم:شوشو هي اكيد مشغولة ما خطيبها اتفرجي علي الفيلم ده انا بحبه
_______
زياد دخل لشهد الأوضة و شد ريماس من ايديها خرجها برة و قفل بالمفتاح
زياد :ها. ... مش ناوية تحكي عملتي كدا ازاي
شهد :معرفش قولتلك معرفش كل حصل ازاي و فارس ايجا ازاي
زياد :متعرفيش ازاي هو انا اهبل هتضحكى عليا
عيطت شهد بخوف وقعدت على طرف السرير وهى مرعوبة
شهد :انت اصلا مش بتحبنى لو كنت بتحبني كنت صدقتني ده بدل ما تاخدلي حقي من سلمي و ام خطيبتك الأولى ما هو مفيش ثقة عندك
زياد بغضب ضربها بالقلم و شدها من شعرها
زياد: ثقة .... ثقة ايه ثقة انك ضحكتى عليا... كنتى بتمثلى علينا الادب والاخلاق وانتى صايعة وماشية على حل شعرك
شهد بتعيط :متقولش عليا كده...انت عارفنى كويس
زياد :انا ليا اللى عرفته النهاردة و شوفته بعيني و سمعته
زياد مسكها من دراعها بقوة و شدها اكتر من شعرها
زياد :قولى ده حصل امتى ؟؟ وليه ضحكتى عليا ليه كنتي مرتبطة بيه من امتي
شهد :انا عمري ما كلمته ولله ده انا حبيبتك ازاي مش واثق فيا
زياد هجم عليها وفضل يضرب فيها اكتر
زياد :عملتى فيا كده ليه فيا. ... ليه ده انا وثقت فيكي اكتر من نفسي
ريماس بدأت تخبط علي الباب
شهد من كتر الضرب بدأت تفقد قدرتها علي الصراخ و بطلت تصرخ
زياد قلق ...و بعد عنها لما شاف وشها لونه احمر جدا و جسمها سخن اكتر
زياد :قومى اغسلى وشك
شهد حاولت تقوم مش قادرة... فضلت مكانها
زياد بعصبية :بقولك قومى اغسلى وشك وشك سخن اوي و بقا لونه احمر
قامت و هي مش قادرة تمشي
قعد زياد على طرف السرير يبص عليها
احساس بالذنب ناحيتها... واحساس بالاشمئزاز منها
صراع داخلى بين احاسيسه المتناقضة مش عارف يميل لاى احساس فيهم يصدق قلبه و ثقته فيها ولا يصدق اللي شافه و سمعه
طلعت شهد من الحمام بعد ما غسلت وشها
قام زياد وقف.... قعدت شهد على السرير وهى بتعيط
زياد بعصبية: خونتينى امتي واحنا مرتبطين ولا واحنا مخطوبين؟؟ انطقى عملتى فيا كده ... انا مصدوم فيكى
شهد و هي بتعيط :انا اللى اتصدمت فيك... انت واحد تانى غير زياد اللى اعرفه
زياد صرخ فيها اكتر و كان لسة هيضربها...خبت وشها بايديها
زياد بعصبية :كنتى عايزانى اقولك ولا يهمك... عادى يا حبيبتى مش مهم ايه يعني بتخونيني ايه يعني اشوف كلام زبالة و اسمع صوتك و انتي بتستغفليني... احمدى ربنا انى مموتكيش
شهد :وانت فاكر كده مموتنيش وموت كل احساس جوايا ناحيتك
زياد :و كمان ليكى عين تتكلمى كمان... ماهو صحيح بعد اللى عملتيه ده مش بعيد أتوقع منك اي حاجة ليه تعملى فيا كده ليه حرام عليكي انا كنت بحاول أسعدك علي قد ما اقدر كنت بحاول اخليكي أسعد بنت في الدنيا كنت بحلم ان حياتنا هتبقى احلى حياة ...كنت بفكر ازاى اسعدك واعوضك عن كل حاجة فاتت... صدمتينى وحطمتى كل احلامى
شهد :كان نفسى متصدقش اللي سمعته قبل ما تحكم عليا... كان نفسى تجيبلي حقي من سلمي و نوال كان نفسي في حاجات كتير اوي
شهد في سرها :يا خسارة حبى ليك يا خسارة بجد
زياد قام فتح الباب ريماس كانت قاعدة جنب الباب بصلها و نزل تحت في الريسبشن ريماس دخلت بسرعة لشهد اتفجات من شكلها و وشها احمر و جسمها سخن و وشها سخن و شعرها متبهدل
ريماس اتخضت و حضنتها :شهد انتي كويسة ردي عليا
شهد مبتنطقش حاسة ان من كتر الألم مش قادرة تتكلم
ريماس قلقت :شهد ردي عليا هو زياد عملك حاجة تاني
شهد :ضربني جامد يا ريماس متسيبنيش و النبي
ريماس ضمتها في حضنها و طبطبت عليها:ولله ما هسيبك تاني متخافيش ولله
_________
زياد كان قاعد حاطط ايديه على رأسه و ساند ايديه على رجلي و دموعه بتنزل مش قادر يستوعب اللي هو فيه مش قادر يستوعب لت شهد خانته لكن أوقات لما الشخص يشوف و يسمع بعينيه يصدق
ريماس نزلت من فوق قعدت جنبه حضنته و طبطبت عليه
ريماس :عشان خاطري اهدي
زياد :عرفتي حاجة منها قالتلك هي عملت ليه كدا
ريماس:بتقول معرفش معرفش كل حاجة هي مش عارفاها و بتقول مش انا
زياد :طب معاكي ان مش هيا لكن ازاي لو كدبت عيوني مش هكدب وداني ولا اكدب الشات ولا اكدب ايه يا ريماس
ريماس :انا نيمتها و نزلت
_________
_________
شهد مقدرتش تنام كل ما تغمض عيونها تدمع و كلام زياد يتردد في ودانها شهد كانت حاسة ان كل حياتها اتهدت سمعتها و شرفها اتهدو مش قادرة تصدق ان صاحبتها خانتها حاولت تقوم جسمها مش قادر يتحرك الا بالعافية من كتر الضرب حاولت تقوم براحة و نزلت كانت عايزة تمشي لكن من غير ما زياد يعرف لأنه لو عرف مش هيوافق و ممكن يضربها قررت أنها تنزل من علي السلم اللي جنب الأوضة و تخرج من باب اللي وراء الجنينة
و فعلا قدرت تخرج من غير ما حد يشوفها
كانت ماشية مش عارفة تروح فين لحد ما وصلت مكانهم المفضل عند البحر قعدت علي الرملة و بتبص علي البحر كأنها بتشتكيله من زياد
شهد :مش قادرة حاسة ان كل حاجة راحت و اتهدت حاسة ان انا اتكسرت معقولة ده زياد اللي حبيته معقولة مش واثق فيا للدرجة يااارب انا عملت ايه عشان اتاذي كدا عملت ايه وحش يارب عشان يحصلي كدا
_______
سلمي كانت في اوضتها بتسمع اغاني و بترقص رودينا دخلت عليها و قفلت الاغاني
سلمي :انتي غبية ايه وقفتي ليه الأغنية
رودينا بعصبية :ليه حرام عليكي عملتي كدا ليه
سلمي:لا بقولك ايه جو أنها صعبانة عليكي و كدا ده فوكك منه ماشي يا رودي انا حرة اعمل اللي اعمله ملكيش دعوة
رودينا :أي حاجة تعمليها الا دي الا الشرف حرام عليكي يا شيخة
سلمي :يوووه بقا انا عايزة انام اطلعي برة
___________
نوال بتكلم سلمي في الموبايل
نوال :ولله جدعة يا بت يا سلمي طب هديكي الضعف ولله و فوقهم بوسة كمان
سلمي :متشكرة اوي يا ناني هانم بس بجد ده كتير عليا
نوال :لا طبعا مش كتير ولا حاجة ده انتي اللي دماغك تستاهل دلوقتي بقا اقدر افكر زياد هيرجع لميار ازاي
سلمي :انا كدا عملت اللي عليا الباقي بقا عليكي
نوال :انتي عملتي اللي عليكي و زيادة
________
في المساء
ريماس :زياد انا هطلعلها تاكل حاجة دي من ساعة ما ايجت ما اكلتش و كمان هصحيها دي نامت كتير
زياد:طيب
ريماس طلعت لشهد مش لاقياها اللي انا شافت الشباك مفتوح نزلت جري علي زياد تقوله
ريماس :زياد ... مازن مش لاقية شهد و الشباك مفتوح تفتكر خرجت
مازن بصدمة :ازاي انا هطلع اشوف عم صبري ازاي سابها تخرج
زياد :سيبتيها ليه يا ريماس لوحدها انا هتصل عليها
زياد بدأ يرن عليها تليفونها مقفول
مازن دخل في اللحظة دي :صبري بيقول ان محدش خرج و بصيت علي باب الجنينة اللي ورا مفتوح هي خرجت من ورا
بعد 3 ساعات باباها اتصل علي زياد
عبدلله :أيوة يا زياد برن علي شهد تليفونها مقفول هي يابني فين اتاخرتو اوي الساعة داخلة علي 11
زياد :ايه هي شهد مروحتش لحد دلوقتي
عبد الله بقلق:بتقول ايه يا زياد مروحتش ازاي انت وصلتها و هي مطلعتش ولا ايه
امل :في ايه يا عبده بنتي مالها
عبدلله :اهدي يا أمل اما افهم منه
زياد مش عارف يقول ايه ولا عارف يتصرف ازاي
زياد:لا يا عمي ده من بدري احنا اتخانقنا مع بعض و بعدين هي قالت انا هروح لوحدي و فكرتها في البيت
عبدلله :يعني ايه و ازاي تسيبيها لوحدها ترجع بالليل يا زياد هي دي الأمانة اللي امنتك عليها هو ده الوعد يعني بنتي فين
زياد :طب انا هكلم إبراهيم ممكن تكون عند شيماء و انت شوفها عند طنط وفاء يمكن راحت عندهم
عبدلله :ماشي سلام
ريماس :حرام عليك يا زياد انت السبب يا تري انتي فين دلوقتي يا شهد
زياد :اهدي خليني اشوفها فين
و اتصل علي إبراهيم :ايوة يا ابراهيم شهد عندك
إبراهيم :شهد لا ده بنكلمها من العصر مبتردش هي مش معاك
زياد :اتخانقنا شوية و هي مشيت و مش عارف راحت فين و ابوها بيقول أنها مروحتش البيت لحد دلوقتي
إبراهيم بخوف: ازاي يعني لا انا هشوفها طب تعالي ندور في المستشفيات و الأقسام حتي لو ندور عليها في إسكندرية كلها
زياد :ماشي تعالي علي بيت مازن سلام
________
عبدلله كان بيتصل علي وفاء
عبدلله :اهدي يا أمل بقا انا مش ناقص
امل :انا عايزة بنتي ماليش دعوة
عبدلله :أيوة يا ام شيماء
وفاء بصوت نعسان:أيوة يا ابو شهد
عبدلله :هي شهد عندك
وفاء قامت من علي السرير :شهد ... لا شهد مش عندي خير في ايه شهد مالها
عبدلله :مش لاقينها
وفاء :انا هلبس و جاية عندكو دلوقتي مش لاقينها ازاي
________
شيماء :و النبي يا ابراهيم خدني معاك
إبراهيم بعصبية :اخدك ازاي بس اهدي دلوقتي لما نشوف المصيبة دي
شيماء منهارة من الدموع :طب و النبي اروح عند مامتها حتي عشان خاطري يا ابراهيم قلبي مش مطمن دي حتة مني يارب طمني عليها
إبراهيم مقدرش يستحمل حالتها :طب بسرعة البسي
______
زياد :ما يمكن تكون راحتله
مازن :قصدك فارس
زياد :أيوة
ريماس :حرام عليك بقا كفاية ظلم
زياد :هاتيلي دليل واحد مش ضدها هاتيلي انا معايا رقمه علي الموبايل اللي فيه التسجيلات و الواتس
زياد خرج تليفونه وعمل اغرب مكالمة ممكن يتوقعوها واصعب مكالمة على قلبه بس مكنش فيه مفر منها
فارس :الو مين
زياد :شهد عندك يا فارس
فارس :انت مين
زياد :انا زياد .... فارس لو شهد عندك قولي انا اتخانقت معاها و مش لاقيها مشيت لو عندك قولي
فارس :مش عندي يا عم انا مالي
زياد :طب احلف
فارس :يا عم اقسم بالله ما عندي عايز انام بقا سلام
زياد بص ل مازن و ريماس :مش عنده
ريماس :صدقت بقا
في اللحظة دي الجرس رن ريماس فتحت شافت شيماء و إبراهيم
______
شيماء :شهد فين يا زياد زعلتها ليه حرام عليك
زياد :شيماء طالما مش عارفة حاجة تسكتي
شيماء :مالها شهد عملت ايه ما تتكلمي يا ريماس
زياد مسك الفون بتاع فارس و فتح المحادثات و التسجيلات
زياد :الفون ده بتاع فارس اللي معاكو في الجامعة و فيه تسجيلات و شات بينه و بين شهد اقراءي و اسمعي و ملحوظة انا روحت البيت و شوفتها معاه في حضنه و هي يعتبر مش لابسة حاجة
شيماء بتسمع و بتقرا هي و إبراهيم و مش مصدقين شيماء مش مصدقة ان دي صاحبتها
________
شهد كانت قاعدة علي البحر بتعيط و خايفة
________
في بيت شهد
امل بتعيط :انا عايزة بنتي يا عبده ماليش دعوة اتصرف
عبدلله :يعني انا مخبيها يا امل انا هتجنن سيبيني في اللي انا فيه
وفاء دموعها نازلة زي المطر :يارب يا بنتي ترجعي بالسلامة يارب
________
شيماء :بس دي مش شهد محدش فيكو يعرف شهد قدي دي توأم روحي دي مش شهد
زياد :يعني ده مش صوتها ده مش رقمها مش هي اللي كانت في حضنه
شيماء :معرفش بس دي مش شهد انا متأكدة
مازن :المهم نلاقيها بس بعد كدا نعمل اللي احنا عايزينه
ريماس : المصيبة انها سييانا من بدرى
زياد : ماهو ده الى قالقنى انا هدور عليها عشان خاطر الراجل اللي اكلت معاه عيش و ملح عشان خاطر العشرة بس عشان خاطر الوعد اللي بيني و بينه مش اكتر غير كدا هي متستاهلش اصلا ادور عليها
ابراهيم : ايه يا جماعه هى مش عيلة والوقت لسه بدرى برضو يمكن راحت مكان تهدي شوية و هترجع تاني
زياد : لا هى مش ممكن تقفل تليفونها عمرها ما قفلته و كمان هي من بدري و الساعة دلوقتي داخلة علي 11 يعنى كان زمانها روحت من زمان
شيماء : انت هتقلقنى ليه
زياد في سره: اذا كنت انا هقلقك يبقى انا بموت
كلهم كانوا مش بينطقوا لكن ريماس و شيماء
بيعيطو
شيماء: يارب استر يارب انا عايزة شهد هاتولى شهد عايزة صاحبتى انتم فاهمين مش هتضيع منى مش هيضيع منى
إبراهيم : حبيبتي اهدى ارجوكى شهد ان شاء الله كويسة وهنلاقيها هى اكيد متضايقة من اللي حصلها وبتحاول تهدى
مازن : ريماس خدى شيماء وروحوا لطنط امل اكيد هتبقى محتجاكم دلوقتى
ريماس: لا مش ممكن احنا هندور عليها معاكم محدش فينا هيتحرك
زياد في سره : رحتى فين يا شهد انا كده هموت يارب انا مش عايز حاجة من الدنيا الا انها تبقى كويسة يارب انجدها يارب بس تبقى كويسة
ريماس :استر يا رب يا رب مالناش غيرك شهد لا يا رب يا رب ما توجع قلبى عليها كلنا ممكن يجرالنا حاجة لو حصلها حاجة
شيماء : يارب الضرر يكون فيا انا وهى لا استر يارب يارب متوجعنيش عليها
زياد :انا هعمل مكالمة مع الرائد عمر صاحبي
زياد بيتصل علي عمر
زياد : ايوة يا عمر عايزك في موضوع انا خطيبتي لحد دلوقتي مروحتش البيت و مش لاقينها عند صحابها و موبايلها مقفول ممكن تسألي في الأقسام و المستشفيات عنها اسمها شهد عبدلله الشناوي
عمر:ماشي يا زياد متقلقش ان شاء الله خير
زياد : زى ما بقولك شوف لى أخبارها المستشفيات او الاقسام
عمر: طيب طيب حاضر لو عرفت حاجة هقولك هدور وانا هتصل بيك
زياد : انا هلف بنفسى برضو ممكن محدش عارف اسمها استر يارب
عمر:اهدى يا زياد ان شاء الله هتكون بخير
زياد اعصابه بقت مش متحملة اى كلام
عمر : لا ان شاء الله مفيش حاجة هكلمك تاني سلام
______
مازن: احنا نقسم نفسنا دلوقتى وكل واحد لو عرف حاجة يقول للتانى
موبايل زياد رن حس بالامل انه هيلاقيها وكلهم ركزو معاه
زياد : ايوة ياعمو
عبدلله : لاقتها يا ابنى
زياد بخيبة امل: لا لسه يا عمى ان شاء الله هنلاقيها
عبدلله : انا سألت كل الى نعرفهم محدش شافها
زياد قلبه خلاص كان هيقف وكده بقى كتير عليه و شيماء وريماس مبطلوش عياط
زياد : هنلاقيها يا عمى ان شاء الله ربنا مش هيخيب املنا كلنا هكلمك تاني
______
ابراهيم: يلا يا جماعه علشان نكسب وقت
مازن : ريماس تعالى معايا انتى وندور فى المستشفيات اللى فى إسكندرية
شيماء : ممكن تكون دخلت كافيه ولا مطعم ولا حاجة
زياد : هندور فى إسكندرية كلها
إبراهيم : شيماء تعالى معايا
زياد: انا هطلع على الاقسام واللى يعرف حاجة يقول للتانى
جريوا على العربيات و كل واحد فى سره بيدعى ربنا انها تبقى كويسة مكانوش يعرفوا هى غاليه عليهم اوى كده حتي بالرغم من اللي عملته لكن كان الأهم تكون بخير
______
شيماء : يارب يارب عمرى ما دعيتك وردتنى ولا عمرى احتاجتك تتقبل منى زى دلوقتى استرها يارب عليها و نجيها
ريماس : يا شهد رحتى فين بس حرام عليكى كده ان شاء الله هتبقى كويسة انا عارفة هى بس بتشوف غلاوتها عندنا صح يا مازن انا السبب يا ريتني ما كنت سيبتها و نزلت
مازن : استر يا رب يارب مالناش غيرك يا رب
(فقدان شخص عزيز على القلوب بيبقى اصعب الاشياء لان الم الفراق بيبقى اكبر من اى الم تانى الخيانة او الجرح ممكن يبقى الشخص ليه دخل فيهم و ساعتها بنقدر نكيف نفسها مهما كان الجرح الاكبر الفراق لانه بيبقى غصب عن الكل ومحدش ليه دخل فيه كل الموجودين كانوا بيتقطعوا من جواهم و خوفهم على شهد و خايفين يفقدوها فى لحظة رغم اللي حصل منها و أنها المفروض في نظر بعضهم هي خانتهم لكن كان نفسهم يلاقوها)
_______
كلهم بيحاولوا يدوروا على شهد بس للأسف الوقت بيمر ومفيش اى اثر ليها والدنيا بقت نص الليل ولسه محدش عارف يوصل لحاجة والقلق والاعصاب بقت حاجة فوق الوصف
ابراهيم عينيه مش نازلة عن شيماء وهى ساندة على الشباك جنبه وبتدور بعينيها على شهد فى الشوارع وكل ما يروحوا مكان و مش يلاقوها تبدا تنهار من اول وجديد لحد ما وصلوا لتقريبا اخر مكان كان ممكن تكون فيه دخلوا كل الفنادق الموجودة وقف إبراهيم العربية بسرعه و نزل شيماء كانت رجليها مش شيلاها ونزلت وراه ببطء لحد ما دخل هو المستشفي ولما لاقته رجع تانى عرفت برضو انه لقى نفس الرد يسندها
ابراهيم: ارجوكى يا حبيبتي اهدى مافيش حاجة عادى ممكن متكنش فى اى فندق ده احتمال و احنا مشينا وراه بس مكنش شرط اساسى
شيماء : طيب راحت فين قولى يا هيما انا مش متخيلة اللى هى بتمر بيه دلوقتى
ابراهيم: اهم حاجة انها الحمد لله مش فى مستشفى لا قدر الله لو كان كده كانت ريماس او مازن كلموكى يعنى جسميا كويسة هى بس تلاقى نفسيتها تعبانه شوية
شيماء :بس دي مش موجودة في اي مكان
إبراهيم :حبيبتي ده نصيب و ساعات الواحد بيعمل حاجات و هو مش راضى عنها بس كانت لازم تحصل لاسباب تانى ربنا وحده يعلمها
شيماء بصتله :إبراهيم شهد ما غلطتش ولا عملت كدا
إبراهيم :حبيبيتي انا عارف بس
شيماء :اسكت لو سمحت
ريماس اتصلت علي شيماء
شيماء: الو ايوة يا ريماس
ريماس: قوليلى انك عرفتى حاجة
شيماء : كان نفسى تقوليلى انتى
ريماس: انا و مازن مسبناش مستشفى خلاص مفيش مكان خالص
شيماء : الحمد لله انكم مش لاقتوها يعنى هى بخير برضو مافيهاش حاجة
ريماس : الحمد لله برده انا هقفل و اشوف هنروح فين تانى و لو عرفتى حاجة قوليلى
شيماء : حاضر
_________
ريماس :مازن انا متأكدة ان شهد معملتش كدا تفتكر زياد هيسامحها
مازن : معلش كله هيعدى بس نلاقيها اما موضوع زياد للاسف لا
ريماس:يارب يا مازن انا اعصابى مش متحملة والله ربنا يهديك يا زياد ما تتصل عليه شوفه فين
مازن: اهو ده بيتصل
مازن : الو ايوة يا زياد
زياد بلهفة: ها عرفت حاجة
مازن : لا لسه عرفت انت حاجة
زياد : لا قلبت الدنيا مفيش الحمد لله حوادث او مشاكل فى اى مكان و عمر لسه مكلمنى مفيش فى المستشفيات ولا الأقسام
مازن: واحنا كمان مش لاقين اى حاجة فى اى مستشفى يعنى الحمد لله هى بخير
زياد: ممكن يكون حصلها حاجة بس لسه مراحتش مستشفى
مازن :ماتقولش كده يا زياد ان شاء خير هكلمك بعدين سلام دلوقتي
_______
زياد كان سائق العربية و خبط الدريكسيون جامد و وقف العربية و سند عليها و بيفتكر
زياد : يا ترى انتى فين؟
فلاش باك
زياد :ايه الجنان ده بقا نفسي اعرف ليه بتحبي الايس كريم في الشتا
شهد :طب عايزة شوكليت كمان و خصوصا نوتيلا
زياد :يا روحي انتي اصلا نوتيلا تتاكلي يعني المفروض مش اشتريلك نوتيلا
شهد ضحكت و اتكسفت :يعني انا اكلني مثلا لا متثبتنيش يلا روح اشتريلي و هستناك في مكانا المفضل هنا
زياد :يخربيت مكانا المفضل ده
شهد :عارف يا زياد و احنا متخاصمين مكنتش بقعد الا هنا اصلا كنت بحس البحر بيسمعني لما كنت مخنوقة باجي هنا و اشتكيله منك
زياد :اممممم يعني المكان ده في اسرارنا بقا
شهد :أيوة بعشق المكان ده
نرجع ل زياد
زياد ركب عربيته و طلع على المكان الى افتكره
زياد خبط الدريكسيون جامد : غبى غبى ازاى مفتكرتش المكان ده
وصل زياد باقصى سرعه و طلع على البحر يشوف شهد كانت شهد قاعدة علي الرملة و دموعها بتنزل و سرحانة
زياد جري عليها
زياد :شهد انتي كويسة
شهد بصتله و عيونها كلها دموع و وشها احمر من كتر ضربه ليها
زياد :شهد ردي عليا باباكي و مامتك هيموتو من القلق عليكي يلا قومي عشان تروحي معايا
شهد :ملكش دعوة بيا انا حرة ياريت تمشي انت
زياد بعصبية :امشي ازاي يعني انتي عارفة الساعة كام دلوقتي الساعة 1 ونص و حضرتك قافلة الزفت موبايلك و مش مقدرة ان في ناس هتموت عليكي من القلق
شهد :انا هروح البيت لوحدي ارجع انت لو سمحت
زياد شدها من ايدها جامد لدرجة أنها وقفت شهد صرخت لان جسمها كلو واجعها من ضرب زياد
زياد :ايه انا ضربتك دلوقتي
شهد :جسمي كلو واجعني من ضربك ليا ايه جاي تعمل راجل عليا تاني مش كفاية اللي حصل الضهر
زياد :يلا يا شهد اركبي معايا اهلك بيدورو عليكي و قلقانين يلا بقا بدل ما حد يعملك حاجة ولا اصلا فارس قام بالواجب
شهد :انت ايه كفاية بقا حرام عليك كفاية بطل تظلمني بقا يا اخي ده ربنا ميرضاش بالظلم حرام عليك
زياد بنرزفة:قولتلك يلا عشان اروحك
و سحبها جامد من ايدها لحد العربية
شهد بتعيط جامد :براحة بالله عليك ايدي مش قادرة صدقني انت بتوجعني
زياد :مش عايز صوت اسكتي لحد ما اروحك تتوجعي متتوجعيش ميخصنيش
زياد فتح باب العربية و دخلها
و سائق العربية و هو ساكت و هي بتعيط من غير صوت
زياد اتصل علي مازن
زياد :أيوة يا مازن لقيتها
مازن :بجد الحمدلله طب انتو فين
ريماس :ايه يا مازن شهد رجعت طمني
زياد :اتصل علي إبراهيم و علي باباها و طمنهم و تعالو علي بيتها هستناكو هناك
مازن :حاضر سلام
ريماس :مازن طمني و النبي يا مازن شهد كويسة و النبي قولي
مازن :الحمد لله يا ريمو زياد لقاها
______
زياد وصل البيت و نزلت شهد و طلعو و اول ما دخلو كلهم جريو عليها و حضنوها
امل :طب برضو يا شهد كدا توجعي قلبي عليكي يا بنتي
وفاء :طب كل دول ماشي الا انا يا شهد زعلانة من اي حد تعاليلي ليه يا بنتي وجعتي قلبي عليكي
شيماء :حرام عليكي كنت هموت عليكي من القلق يا شهد ليه كدا
عبدلله :يا زياد هي كويسة حد ...
زياد قاطعه :لا يا عمي اطمن محدش كلمها
عبدلله :الحمدلله يا بنتي مبتتكلميش ليه يا شهد
شهد كانت بتترعش و وشها احمر و بتترعش جامد
امل بخوف :شهد كلمينى ..طيب بصيلى عشان خاطرى هي مبتتكلمش ليه عبدلله شهد شكلها تعبانة حد يشوف دكتور
وفاء :ابراهيم شوف دكتور سامح جارنا اللي في الشارع اللي ورانا بسرعة
إبراهيم نزل جري يشوفه
وفاء بصت ل زياد:ايه اللى حصل ل شهد ..دى كانت كويسه انت عملتلها ايه يا زياد
زياد :مفيش شدينا شوية مع بعض
بعد ربع ساعة كان إبراهيم داخل و الدكتور معاه
الدكتور كشف عليها و أعطاها حقنة مهدأة
عبدلله :فى ايه يا دكتور مالها بنتى
الدكتور :عندها انهيار عصبى حاد
ابراهيم :طب سببه ايه
الدكتور :نتيجة تعرضها لصدمة عصبية قوية خلتها للاسف تفقد النطق
امل :يعنى ايه يعني بنتى مش هتتكلم تانى
الدكتور :لا هتتكلم بس هتاخد وقتها على حسب حالتها
وفاء :دى فرحها بعد 3 ايام وكانت فرحانة ازاى يحصل كده هي بس شدت مع خطيبها بس مش للدرجة دي
عبدلله :طيب المفروض نعمل ايه دلوقتى ليها نوديها مستشفي
الدكتور :لالا الموضوع مش مستاهل انا هكلم الممرضة اخليها تيجي ليها عشان معاد الحقنة عن اذنكو و الدواء ده تجيبوهلها
عبدلله حاسب الدكتور
و نده علي زياد
عبدلله :يابني قولي سبب اللي حصل ده ايه
زياد بنرفزة :بنتك يا عمي
تفتكره زياد هيقوله اللي حصل ولا هيتصرف ازاي؟ ؟؟
و توقعاتكو ايه في اللي جاي
ملحوظة :انا بقالي يومين بكتب الحلقة دي بسبب بنتين مش هذكر اسمهم لكن قالولي الرواية رخمة و اسلوبك مش حلو و مش بتاثر بيها و كاني بقرأ بوست كدا عادي و في ناس بتبعتلي علي الخاص هتكملي امتي و عمري ما شوفتهم عاملين كومنت ولا لايك حتي
انا اه بقبل النقد لكن مش بالطريقة دي انا عارفة انا بعمل ايه و عارفة النهاية ايه في الاخر بقبل النقد المحترم مش بالطريقة دي بالنسبة لاسلوبي حاضر هحاول اغيره عشانك بس للاسف ده أسلوبي مش قادرة اغيره ولله لاني اتعودت اكتر كدا
التعليقات على الموضوع