احببت طباخة 💠الحلقة 29💠
الحلقة 29 رواية أحببت_طباخة
وقفنا عند
ناصر :رانيا تتجوزيني
رانيا مندهشة من كلامه و دموعها نزلت منها كانت دموع الفرحة
رانيا هزت رأسها بالموافقة
ناصر مش مصدق أنها وافقت
ناصر :رانيا انتي بجد موافقة
رانيا :ايوة
ناصر :بحبك ولله العظيم بحبك حدديلي ميعاد مع مامتك بسرعة
رانيا :حاضر
مازن :مبروك يا روكا ناصر مش هوصيك عليها دي اختي حطها في عينيك
________
تاني يوم زياد كان خلص شغله و عدي علي شهد في الجامعة ياخدها معاه
شهد ركبت العربية معاه
شهد :هتوديني فين
زياد :بصي هنروح الجيم بس ادفع الاشتراك بتاعه لان كابتن عمرو كلمني اروح عشان بقالي فترة مبروحش خالص
شهد بسعادة :الله بجد نفسي اروح جيم و اشوف شكله هناك
زياد مسك ايدها:شهد حبيبتي مفيش حاجة اسمها نفسي في حاجة في حاجة اسمها اؤمريني وانا أنفذ
شهد :طب ركز في السواقة عشان مش عايزة اموت و بعدين سيب ايدي انا مش هطير ولله
زياد : عايز احس انك معايا دايما
زياد وصل الجيم و شهد نزلت معاه و دخلو
كابتن عمرو:ايه يا باشمهندس زياد عاش من شافك يا عم
زياد :كابتن عمرو ازيك
عمرو :ايه يا عم ده احنا كنا هنشيل اسمك من عندنا
و بص علي شهد :هي دي تبعك
زياد :دي شهد خطيبتي
عمرو :بجد مبروك يا زياد امتي ده
زياد :من كام يوم
عمرو :طيب انت هتلعب ولا هتعمل ايه
زياد :لا انا جاي ادفع الاشتراك
شهد قربت من زياد وشوشته بصوت واطي :زياد نفسي اشوفك وانت بتلعب عشان خاطري
زياد :حاضر
طيب يا عمرو انا عايز العب و اتفضل دول فلوس الاشتراك الشهر ده
عمرو:ماشي انطلق انت انا هسيبك دلوقتي
زياد :عايزة تشوفيني وانا بلعب
شهد :امممم
زياد :يلهوي علي امممم بتاعتك دي
شهد :زياد نفسي يكون عندي فورمة زيك كدا
زياد :فورمة اممممم وانتي بقا هتقدري علي الألعاب دي ولا تقدري تشيلي حاجة
شهد :مانت هتعلمني يا بيبي
زياد :تعالي طيب نلعب بس جديدة انك عايزة فورمة
شهد :اشمعنا يعني انت عندك عضلات وانا لا
زياد ضحك
و بدأ يلعب و هي كانت معاه و مبسوطة
__________
عاشت شهد و زياد احلى ايام ف حياتهم من اهتمام و غيره وحب و احتواء بين الاتنين مر شهرين والاتنين حسوا انهم ف دنيا لوحدهم ومفيش حد معاهم ... حسوا ان هما مع بعض كفايه
ناصر و رانيا اتخطبو
و نوال لسة مش موافقة علي رامي و عندها امل ان زياد يرجع لميار
________
في يوم اتصل زياد ب شهد
زياد :انا تحت انزلي
شهد:هو انا عشان اخدت الاجازة مش هترحمني شوية
زياد :حد لاقي حد يخرجه
شهد :لا طبعا بس مش الساعة 7 حرام عليك سيبني انام
زياد :طب يلا عشان مازن و ريماس معايا
شهد :حاضر
_________
بعد 10 دقايق كانت شهد ركبت معاه في العربية
و مازن و ريماس مع بعض في العربية
شهد: يا صباح القلق
زياد بيضحك: يا صباح شهد اللي زى الورد
شهد بتضحك: حلو صباح شهد ده انت عليك كلام .. ها هتودينى فين انهاردة
زياد : لا انهارده سيبيلى نفسك خالص
شهد : لو فكرت تخطفنى هبلغ عنك قولتلك اهو و بعدين انا معايا مازن و ريماس
زياد ضحك
زياد: انهارده عاملك مفاجأة بمناسبة انك جبتي تقدير امتياز التيرم ده كدا سنة اولي خلصت
شهد بتضحك:بجد انا نجحت هيييح بقا
طب يلا بينا
طول الطريق شهد كانت مبسوطة
حاسه انها في دنيا تانيه والسعاده اللي كانت بتدور عليها لاقتها
وصلوا لحد شط في اسكندرية
زياد مسك شريط اسود قماش و ربطه لشهد علي عينيها
شهد :انت بتعمل ايه
زياد :ده عشان المفجاة انزلي
شهد: انا مش شايفة حاجة
زياد: انزلى وانتى ساكته انا همسك ايديك
نزل ريماس و مازن
شهد نزلت و زياد مسك ايدها لأنها مش شايفة حاجة و وقف ناحيه يخت كان واقف مكتوب عليه شهد
زياد: يلا هفك الرباط
زياد فك الرباط و شهد بتبص شافت يخت و عليه اسمها
شهد :ده مكتوب عليه اسمي
زياد :اه انا اشتريته ليكي و كتبته باسمك
شهد بابتسمامة:بجد ده بتاعي انا
زياد :طبعا انتى مندهشة ليه كده دا اليخت بتاعك و هنقضي فيه أيام كتير
شهد : انا اول مره اشوف يخت فيس تو فيس لا و عليه اسمي و بقا بتاعي كمان
زياد بيضحك: طيب يلا علشان اعرفكم ع بعض ادخلى
مازن :زياد في اكل هنا اهم حاجة
زياد :يا عم ارحم امي شوية أيوة في اكل
ريماس بتضحك :خلاص يا بيبي متزعلش يلا هناكل جوة
طلعت شهد و زياد و مازن و ريماس ودخلو اليخت و اندهشو بشكله من جوه احدث تجهيزات وشيك
زياد مسك ايدها: كل اللي نفسك فيه انهارده اعمليه
شهد : كله كله
.. زياد قرب منها : كله كله
شهد اتكسفت : تعالى وريني كل حاجة فيه و بعد كدا نطلع فوق
اليخت اتحركت و زياد و شهد كانو بيتفرجو علي اليخت فوق و تحت
و شهد مستمتعه بالجو و زياد فرحان لان شهد فرحانه
وباين عليها ...
_________
اما مازن و ريماس كان مازن معاه طبق كبير و بياكل
ريماس :يا حبيبي الاكل مش هيطير ركز معايا شوية
مازن :معاكي ولله بس جعان
ريماس :المنظر ده حلو اوي
مازن :صحيح هننزل الماية انا جبت هدوم عشان ننزل بيها
ريماس :هيييح بحبك بقا
__________
زياد و شهد بيفطرو و شهد بتاكله بايديها
فطروا وسط ضحك وهزار وبعدين قعدوا يتفرجوا ع شكل المايه
زياد قاعد جنب شهد وحاطط ايده علي كتفها وهى سانده راسها ع كتفه
شهد بتتنهد : ياااااااااااااه انا مبسوطة اوي
زياد:بجد
شهد بصوت كله فرحه:بجد مكنتش اتخيل ان كل ده هيحصلي معاك كل حاجه ليها شكل تانى
انا مش كنت اتخيل ان نصي التاني بالجمال والسعاده دى زياد بجد دا حقيقى ولا انا بحلم
زياد باس ايدها: حقيقى وهيفضل حقيقى الاحلام وقتها خلص
شهد : انا فرحانه اووووي
بقولك ايه في صنارة هنا
زياد باستغراب:اه بس ليه
شهد :عايزة اصطاد سمك
زياد :بتحبي الصيد
شهد :لا عمري ما جربته بس نفسي اجرب
زياد :طب استني هدخل اجيب
_______
شهد :مازن ليكو في الصيد
مازن :اه انا بحب الصيد جدا ايه هتصطادو
شهد :أيوة زياد دخل يجيب صنارة
ريماس :عشان خاطري يا مازن نصطاد زيهم
زياد: انا جبت الصنارات
ريماس :وانا و مازن عايزين زيكو
زياد : يا محمد هات كمان صنارتين
محمد :حاضر يا بيه
زياد و شهد قعدو علي طرف اليخت و بدءو يصطادو
و ريماس و مازن علي الناحية التانية
شهد :هيييح اول سمكة بقا الله عليا
زياد :اشمعنا انا مطلعش حاجة ليا
شهد :حظوظ يا بابا
______
مازن :شايفة اصطادت قد ايه
ريماس :طب وانا
مازن :شوفي يا حبيبتي اهم حاجة في الصيد الصبر اصبري بس انتي و هتلاقي كتير ولله
ريماس :بقالك ساعتين بتقولي اهم حاجة الصبر و انت اصطادت البحر كلو وانا لا
_______
زياد :مش كفاية بقا يلا ندخل جوة نتفرج علي فيلم علي Tv زهقت من الصيد
شهد :يلا يا بيبي
زياد و شهد دخلو يتفرجو علي فيلم علي شاشة Tv و كان فيلم تيتانك
و ايجا مشهد و هما واقفين علي حافة اليخت و هو حاضنها من ضهرها
شهد :بموووت في المشهد ده حلو جدا
زياد :بقولك تعالي معايا
شهد :علي فين
زياد :تعالي بس هنطلع فوق
زياد و شهد طلعو فوق اليخت و زياد شغل أغنية تيتانك
شهد :اوعي تكون هتطبق اللي حصل في الفيلم
زياد :اقفي علي الحرف
شهد :خايفة اقع
زياد :تقعي ايه بس تعالي
وقفت شهد علي حرف اليخت و الأغنية تيتانك شغالة و زياد وقف وراها و حضنها من ضهرها
زياد :سيبي نفسك للهوا و سيبي ايدك خالص
شهد :حاسة اني هطير
زياد :حاسس اني طاير معاكي فعلا
شهد :بص الغروب الشمس حلو اوي
زياد :فعلا جميل جدا
اول ما الأغنية خلصت
زياد باسها من شفايفها و هي اتدورت ليه و حضنها و نزلو
مازن كان بيصورهم بالكاميرا و ريماس معاه
مازن :كات هايل يا فنان
شهد و زياد بيضحكو
زياد :انت بتصورنا من امتي
مازن :من اول ما طلعتو علي حرف اليخت
ريماس :أتعلم يا بيبي شايف الرومانسية
مازن :يا بنتي ده اخرهم اصلا انا هبهرك
ريماس :مازن احنا من ساعة ما جينا وانت خلصت علي كل الاكل اللي هنا يا حبيبي
مازن :ريمو تعالي بس
ريماس :هتعمل ايه
مازن :تعالي هننزل الماية زياد امسك الكاميرا صورنا
شهد :انا عايزة اعمل زيهم
زياد :و مين هيصورنا
شهد :ماليش دعوة اتصرف
زياد :امممم جاتلي فكرة هجيب السنادة بتاعة الكاميرا و اثبتها عليه
شهد :أيوة بقا بس انا مش معايا هدوم
زياد :انا جبتلك هدوم تانية من ريماس
شهد :طب يلا
شهد شدته من ايده و وقفت عند طرف اليخت و ماسكه ايده
و باسته من خده ونطوا ف المايه وكانت لحظه جميلة منهم و مازن كان معاه كورتين في الماية
قعدوا يعوموا ويهزروا ف البحر و لعبو بالكورة في الماية
و بعد كدا طلعوا
زياد :شكلك حلو اوي و انتي مبلولة
شهد :لا ولله هههههه عن اذنك هدخل اغير
شهد دخلت مع ريماس و غيرت هدومها و مازن و زياد غير هدومه
شهد :زياد انا نفسى في شوكليت و غزل بنات فيه
زياد :اه موجود ثوانى وهيكون عندك
_______
مازن :ريمو انتي خلاص خلصتي سنة اولي هنتجوز امتي
ريماس:مش عارفة
مازن :يا حبيبتي مانا جهزت الفيلا و كل حاجة كدا مش فاضل غيرك
ريماس:خلاص بعد شهر
مازن :اشطا بقا و اخيرا
_______
زياد و شهد قاعدين و قدملها الشوكليت و خصوصا النوتيلا اللي بتحبها شهد و غزل البنات
زياد شايف سعادتها وطفوليتها ف التصرفات وهى بتاكل الشوكليت و غزل البنات ومستمتعه حس انها نفضتله علشانهم
زياد : هو الشوكليت ده بتحبيه اوى كده و غزل البنات
شهد وهى مستمتعه: امممم دا انا بموت فيهم بعشقهم و خصوصا النوتيلا
زياد :عشان انتي اصلا نوتيلا
شهد :بجد
زياد :طبعا انتي كاءن النوتيلا
شهد:وانت كاءن الكريز
شهد كملت اكل
زياد اتضايق خبطها النوتيلا وقعت منها علي شفايفها و دقنها
شهد بنرفزة: ايه دا ايه الهزار دا يا زياد
زياد : انا تحبينى وتعشيقى بس
ايه الشوكليت و غزل البنات ده اللي تحبيهم اكتر منى دا
شهد بعد ما اضايقت ضحكت : يخرب عقلك انت بتغيير من الشوكليت
زياد :ده انا اغيير من الهوا اللي يعدى من جنبك وتحبيه اكتر منى
شهد : بس انا مهما قابلت انا بحبك انت بس
زياد : وانا بعشقك
شهد : هى راحت فين المناديل
خلينى امسح شغل الاطفال دا
زياد بيبص حواليه: باين مفيش هنا .. استنى هقول ل محمد يجيب من جوه
شهد مدت ايديها وهتمسح: هو انا لسه هستنى
زياد مسك ايدها: ايه اللي بتعمليه دا
شهد : ايه همسح اللي علي بوقى دا مضايقنى
زياد بصلها وبص علي شفايفها وهو ماسك ايديها : مضايقك .. هريحك منه حالا
قام زياد قرب منها وبشفايفه مسح كل الشوكليت اللي علي شفايف شهد و علي دقنها
شهد تنحت من المفاجاءه زياد شاف كله اتمسح خلاص راح باسها بوسه صغيرة
زياد : كده كله تمام مفيش ولا فتفوته
شهد متنحه
زياد بيضحك : شهد ..دودو مالك
شهد بتبص ل زياد وهى متنحه للحظات وبعدها خبطته
شهد بتوتر : انت بتستغل اى فرصه وخلاص ايه دا
زياد : الله مش انتى بتقولى انه مضايقك انا ريحتك منه
شهد بتوتر : تقوم تعمل كده
اومال عملوا المناديل ليه ها ليييه
زياد بيضحك : ايه هو انا بوستك تحبى ابوسك علشان ابقى بوستك صح وبعدين ماهو مش كان فى مناديل وانا اتصرفت
شهد اتكسفت وخبطته تانى
زياد بيضحك: ايه يا دوكو بصراحه مرضتش ان المنديل يتحط علي شفايفك
شهد : شوية الشوكليت ودلوقتى مناديل شوية كدا تقولى مش مريحنى هدومك عليكى
زياد بيضحك وبيغمز لها : لو قولت هتعملى ايه ها ها
شهد خبطته علي صدره: بطل قله ادب بقا
زياد بيضحك: حاضر
شهد دورت وشها وحط صوابعها ع شفايفها وابتسمت وكانت متفاجاءه من اللي حصل
_________
زياد :شهد تعالى نطلع فوق هوريكي حاجة
طلعت معاه شافت المكان مظلم حست بالخوف من الظلمة
زياد وشوشها:متخافيش وانا معاكي ..
و ساب ايديها
شهد بخوف :زياد انت روحت فين
زياد مسك ايديها :قولتلك متخافيش ..انا هنا
شهد مسكت ايديه جامد:طب هو فى ايه
اشتغلت الانوار و اتفجات وهى حاسة بالأنبهار و المكان بقا مليان بلالين حمراء ومكتوب عليها
( i love you Shahd )
و قدامها مجموعة كبيرة من البلالين على شكل قلب كبير
زياد :بصى لفوق شوية
رفعت رأسها شافت الالعاب النارية زينت السماء بأسمها وأسمه و جنبها بحبك
شهد كانت حاسة أنها طايرة في السما مش مصدقة ان كل ده بيحصلها
سمعت صوته من وراها ..اتدورت شافته خارج من ورا القلب الكبير وهو شايل بايده بوكيه ورد كبير من جميع أنواع الورد
شهد :زياد ده بجد انت عملت كل ده امتي و ازاي
زياد :كل ده كنت مخبيه في الأوضة اللي جوة و اللي في السما ده كنت متفق مع الناس اللي بتنظم حفلات و عملولي
شهد :ربنا يخليك ليا
زياد : بحبك
شهد :زياد انا بحبك اوي بجد
زياد :وانا بموت فيكي يا دودي
شهد : قول كده تانى يا دودي
زياد : يا ست البنات
شهد عيونها لمعت و دمعت من الفرحة
شهد :قلبي الصغير لا يتحمل كل ده بجد والله هعيط
زياد مسح دموعها : انا وعدتك ان كل دموعك هتبقي فرحه بس
حضنها زياد و مسك ايدها
زياد :تسمحيلى بالرقصة دى
مازن :زياد انا تعبت من التصوير بقا خدي شوية يا ريماس
شهد بتضحك :انت جايبهم عشان يصورونا
زياد :اه كمل يا مازن انا عايز ده يكون ذكرى معانا
مازن :حاضر استني هشغل اغنية عشان ترقصو
زياد:لا شهد غني انتي
شهد :زياد انا حاسة انى طايرة من الفرحة ..بجد احلى مفاجأة حصلتلى فى حياتى
زياد :طب هتغني ايه
شهد :حبيبي يا عاشق
و بدأت شهد تغني:
حبيبي يا عاشق ياحر زي الطير شاور حقول حاضر للحب قلبي اسير
الحلم دا حلمنا والحب من حقنا مين اللي يمنع طير انو يطير في السماء
تعاله نحلم سوى الله على الاحلام دا الحب زي الهوى اسكن عينيه ونام
اتحدى بيك الكون قلبي في هواك مجنون اعشق وحب وكون روحي وقدري انا
__________
بعد كدا قعدو و شهد سندت رأسها علي كتفه
زياد :شهد الحقي
شهد اتخضت : فى ايه
زياد :بحبك
شهد خبطته علي كتفه : يخربيتك خضتنى ينفع كده
زياد بيضحك: بحبك
شهد :رخم ولله
وقضت اليوم شهد مع زياد وكان من اسعد الايام في حياتها
خلص اليوم و زياد طول الطريق ماسك ايد شهد وعلي وشهم ابتسامه مش بتروح وضحك باستمرار
________
في يوم زياد كان في النادي و شاف ميار بتعيط راح ناحيتها
زياد :ميار انتي كويسة
ميار :اه كويسة في حاجة
زياد :انتي بتعيطي ليه
ميار :ملكش دعوة ياريت تتفضل من هنا
زياد :ميار انا عارف ان انا كان أسلوبي وحش معاكي و ان انا
ميار قاطعته :زياد لو سمحت ملكش دعوة بيا و مش عايزة منك اسف
زياد :طب بتعيطي ليه
ميار :كل حاجة بقت وحشة في حياتي حاسة اني مش مبسوطة من يوم ما بابا مات و كل حاجة بقت وحشة حتى الإنسان الوحيد اللي حبيته مش عايز يكون معايا عشان ماما
زياد :قصدك انا
ميار :لا مش انت انا اصلا محبتكش او كنت فاكرة نفسي بحبك بس طلع وهم
زياد :طب مين
ميار:رامي
زياد :رامي مين
ميار :رامي صاحبنا
زياد اندهش :قصدك رامي رامي صاحبي بتهزري
ميار :لا بجد رامي بيحبني وانا حبيته امتي و ازاي مش عارفة كل اللي عارفاه اني حبيته
زياد :طب ممكن تحكيلي يمكن اقدر اساعدك
ميار :هقولك
________
في مكان تاني
ريماس و شيماء و شهد كانو مع بعض في بيت شيماء
ريماس :شيماء بما انك هتتجوزي الاسبوع الجاي و انا بعدك بيومين طب ما نتجوز في يوم واحد احسن
شيماء :طب ولله فكرة ياريت بجد
شهد :بقا هتتجوزو في يوم واحد وانا لا
ريماس :ما تقولي ل زياد طيب يا دودو و نتجوز كلنا في يوم واحد
شهد :ماشي هقوله يلا ننزل نشتري باقي الحاجات اللي ناقصاكم
_______
زياد:معقولة رامي كان بيحبك و احنا مش عارفين
ميار :أيوة
زياد :طب انا هخليه يكلمك و علي الأقل يكون معاكي لحد ما نشوف حل لمامتك
ميار :بجد
زياد :بجد طبعا
_________
زياد اتصل علي رامي
زياد :رامي انت فين
رامي :انا عند البحر المكان اللي كنا فيه قبل كدا انا وانت و مازن و احمد
زياد :طب خليك مكانك انا جاي
رامي :طيب
_______
زياد وصل عند رامي و كان قاعد علي الرملة سرحان
رامي :فاكر اخر مرة جينا هنا كنا بنضحك و نهزر كان احلى يوم لينا
زياد :فاكر طبعا ... رامي
رامي :نعم
زياد :انت بتهرب ليه يا رامي
رامي بدهشة :بهرب ...ههرب من ايه
زياد :متضحكش على نفسك..انا هتكلم فى اللى جاى عشانه اوعى تكون فاكر انى مش عارف ان انت بتحب ميار
رامي بأرتباك :انا مبحبش حد ..انت انت جبت الكلام ده منين
زياد بعصبية :انت ضعيف كده ليه ..مقولتش ليه انك بتحبها ليه يا غبي كنت قولت
رامي قام وقف و كان لسة هيمشي زياد مسكه من قميصه
زياد بعصبية :لما اكلمك متسيبنيش وتمشى
رامي:سيبنى يا زياد
زياد :لا مش هسيبك غير لما تقولى
رامي بعصبية:ايوه بحبها ..هى الوحيدة اللى حبيتها فى حياتى ولا عمرى هحب حد تانى بعدها
زياد :واللى يحب حد يسيبه يضيع منه
رامي :انا عملت كده عشان مخسرش صاحبى ... انا كده غلطان
زياد:طب ليه مقولتش من الاول انك بتحبها
رامي :بسبب مامتها ..لما حبيت ميار مرضتش اقولها على غير لما اكلم مامتها وفعلا كلمتها قالتلى انى مش مناسب لبنتها و اني مش زيك يا زياد مستوايا اقل منك
ولما انت خطبتها مستحملتش انى اشوفها معاك روحت الغردقة
زياد :يعني انت كنت في الغردقة عشان كدا
رامي بحزن :اه
زياد :بس المفروض لما تحب حد تتمسك بيه مش تسيبه يضيع منك
رامي :انت عايز تعلقني في حبال دايبة امها مش موافقة ولا هتوافق
زياد :حاول يا رامي حاول مرة و اتنين و تلاتة و عشرة علي فكرة ميار بتحبك
رامي :عارف بس صدقني مينفعش مامتها عمرها ما هتوافق
زياد :طب كلم ميار علي الأقل خليك معاها انت و هي مع بعض تقدرو تعملو المستحيل روحلها يا رامي ارجعلها هي بتحبك اما مامتها حاول معاها و اكيد هتوافق رامي
رامي بصله :نعم
زياد :انت احسن صاحب في الدنيا كلها
حضنه زياد و قعدو علي الشط مع بعض
_______
في المساء
رامي اتصل ب ميار
رامي :ألو
ميار بسعادة :رامي وحشتني
رامي :انتي وحشتيني جدا يعني
ميار :ليه يا رامي كل ده حرام عليك
رامي :انا اسف يا حبيبتي بس اوعدك ان انا وانتي هنحاول و مامتك لحد ما توافق ان شاء الله
ميار :بجد ياريت يارب توافق بقا
________
تاني يوم
زياد و شهد و إبراهيم و شيماء و ريماس و مازن و احمد صاحبهم كانو في مطعم بياكلو
شيماء: هتاكلوا ايه
شهد : ممممم انا هسيب زياد يطلبلي
شيماء : وانت يا هيما
ابراهيم : اشمعنا انا يعني انا هسيبك تطلبيلي
ريماس بتضحك : مازن غداك عندي النهـارده اشمعنا احنا بقي
شهد : ايه ده ايه الغيره دي مش هتعرفوا تقلدونا بردو احنا الاصل
إبراهيم : ياسلام ..ماشي الله يسلهوا يا عم
زياد : حبيبي يا ناس بعشقك يا شهد
شهد : بعشقك يا قلب شهد..طيب احمد انت هتأكل ايه
احمد : اللي تختاريه يا شهد
شهد : مممم طيب
بعد الاكل
زياد : ممكن تتلمي بقا و تخفي من الضحك والهزار شوية
شهد : في ايه ما كلنا بنضحك ونهزر اهو
زياد : انتى مش شايفة بتكلمي احمد ازاي ..اريل انا
شهد : انت سيد الرجاله يا روحي ومحدش غيرك يملي عينى
زياد : طيب متضحكيش مع حد غيري عشان ضحكتك حلوه وانا حبيتك من ضحكتك ..والصراحه بقي بغير عليكي
شهد : يلهوي ياناس علي الغيره دي ...تبقي عبيط لو فاكر انى هبص لغيرك
زياد : متقدريش اصلا كنت موتك
شهد بتضحك :عنيفة اوي الغييرة دي
زياد انا نفسي بقا نعمل فرحنا مع ريماس و شيماء
زياد :يوووه يا شهد قولتلك لا
شهد :أيوة ليه يعني
زياد :يا حبيبي انا عايز فرحنا يكون لوحدنا و مش زي اي فرح عايزه فرح اسكندرية كلها تحكي عنه
شهد :يخربيت أفكارك انا خايفة تعملي الفرح في الفضاء عند الشمس و القمر و الكواكب
زياد :طب ولله لو عايزة اعمله عادي
شهد بتضحك :بس يا زياد مش للدرجة دي و بعدين يا زياد انا عايزة افهم انت ليه منعتني اروح المطعم تاني انا عايزة اكمل شغلي
زياد :يا حبيبتي انا موافق بس مازن هيعمل برنامج جديد بعد فرحه و ده أفضل ليكي و كمان انتي هتكوني مذيعة و شيف زي ما انتي
_________
مرت الأيام سريعا
يوم الزفاف (زفاف ريماس و مازن )و (شيماء و إبراهيم ) في يوم واحد
ريماس و شيماء كانو في قاعة فخمة و شيك جدا و كانو في الاوتيل الميكب ارتيست و الهير دريسر انتهو من كل حاجة
شيماء و ريماس كانو زي القمر بالفستان الأبيض ملكات جمال
شهد : بسم الله ما شاء الله قمرات بجد
شيماء بتوتر : بجد شكلي حلو
ريماس :وانا يا شهد حلوة
شهد : حلوين اوي بجد
وفاء بدموع الفرحة : زي القمر يا حبايبي
ريماس :هي ماما فين
وفاء :مامتك تحت في القاعة مع باباكي
________
في الغرفة التانية
مازن و إبراهيم جهزو نفسهم
مازن : ايه رأيكوا فيا كدا ؟
رامي : عريس لقطة
زياد : لا لا مش اوي كدا لا يتغر علي اختي
احمد : يا عم سيبوا يعشلوا شوية مين قده انهاردة
رامي : عقبال ما اشوفك و انت عريس يا زياد
زياد : قريب ان شاء الله بعد فرح العيال دي
ابراهيم :مش يلا بقا عايز اشوف عروستي
________
نزلو البنات و المأذون بدأ يكتب الكتاب
المأذون :قول ورايا يا ابراهيم
وانا قبلت زواجها
إبراهيم :وانا قبلت زواجها
كلمة نطقها ابراهيم وهو بيبص فى عيون شيماء و شايف لمعة الفرحة فى عينيها
المأذون انتهى من كتب كتاب ريماس و شيماء
بارك الله لكما و جمع بينكما في خير
وفاء و امل زغرطو
رباب اتضايقت :ايه ده صوتكم مزعج جدا
ريماس ضحكت
________
زياد كان واقف جنب و اول ما سمع الكلمة دي بص لشهد و ابتسم
زياد مال على رأس شهد و وشوشها :عقبالنا احنا كمان
شهد بكسوف :ان شاء الله
زياد :شهد
شهد رفعت رأسها ليه :نعم
زياد :بحبك
شهد :مالك بتبصلي كدا ليه ؟!!
زياد قرب منها و وطي رأسه و وشوشها :اصلك خطفتي قلبي زي اليوم اللي شوفتك فيه في الكلية
شهد اتكسفت و ابتسمت
________
حضنت وفاء شيماء بفرحة ودموعها بتنزل
شيماء :يا ماما انا كده هعيط ..خلاص بقى
وفاء :دى دموع الفرحة يا حبيبتى
حنان حضنت شيماء
حنان :الف مبروك يا حبيبتى
شيماء :ربنا يخليكي يا طنط
حنان :طنط ايه بقى انا خلاص بقيت ماما
ابتسمت شيماء :حاضر يا ماما
حنان :يلا خد عروستك يا هيما عشان تدخلو القاعة
ابراهيم :عليا النعمة يا ماما انتى ام عسلية
و شدها من ايدها و وقف بعيد
إبراهيم بفرحة :خلاص بقيتى مراتى يا شيماء
شيماء بصتله و اتكسفت
إبراهيم :لا مش عايز كسوف بقا خلاص كدا
_______
مازن مسك ايد ريماس:بحبك يا بت
ريماس رفعت حاجبيها :بت! هو ده اخرك فى الرومانسية
مازن بيغمزلها :لا طبعا الرومانسية لسه هتيجى بس مش دلوقتى بعد الفرح
ريماس خبطته علي كتفه :اتلم يا مازن
مازن :بحبك يا ريمو ..حبيت جنونك وشقاوتك ..حبيت كل حاجة فيكى ...وبوعدك انى هفضل احبك لغاية اخر يوم فى عمرى
ريماس :بس انا مبحبكش
مازن بصدمة : ايه
ريماس:ايوه مبحبكش ..لو قولتلك بحبك هبقى بكدب عليك ..لأن مهما قولت مش هيكون زى اللى انا بحسه..فكلمة بحبك دى قليلة عليك أنا بموت فيك يا ميزو
مازن حضنها :يا بنت الايه ده انتى طلعتى رومانسية اهو .. بس تصدقى انك مجنونة يا قلب ميزو
________
نوال شافت سلمي وقفت جنبها
نوال :سلمي عملتي اللي قولتلك عليه
سلمي :طبعا يا هانم و متقلقيش هيسيبها و هتقولي سلمي قالت
نوال :طب ابقي عدي عليا بكرة اديلك نص الفلوس و نصها بعد ما الموضوع ده يتم
يلا انا همشي دلوقتي من جنبك عشان محدش ياخد باله
تفتكره ايه الاتفاق اللي بين سلمي و نوال و ناويين يعملو ايه بين زياد و شهد ؟
التعليقات على الموضوع