احببت طباخة 💠الحلقه 28💠
الحلقة 28
رواية #أحببت_طباخة
وقفنا عند
تاني يوم شهد و شيماء راحو الجامعة اتصدمت لما شافت
شافت الفنان هاني عادل و الكلية متزينة بالورد و البلالين
شهد :هو في حفلة في الكلية
شيماء :مش عارفة
شهد شافت يافطة كبيره مكتوب عليهـا انا اسف سامحينى
و تحتها بحبك يا شهد
و الناحية التانية تتجوزيني
و كان عليها صورتهم بالكاريكاتير
وبلالين طايره في الهوا عليهـا اسم زياد و شهد وورد
شيماء : الله حلو اووي ده
شهد : ده ليا انا ده
ريماس ايجت ناحيتهم
ريماس : الله بصي بصي
شافت زياد قاعد علي العربية و بصوت عالي
زياد : بحبك والله العظيم بحبك
شهد لما شافته اتضايقت
شيماء : ايوه بقااااا فينك يا هيما تعملي كدا
و في اللحظة دي الفنان هاني عادل غني اغنية تتجوزيني
في كلام لما بيتقال بيغير كل حياتنا معاه
عاللي بيستاهلوا ندور طول العمر ونستناه
انا م اللحظادي بقولك اني بحبك اكتر مني
انتي اللي عشانك بكتب شعري
انتي اللي عشانها بغني تتجوزيني
زياد قرب منها :تتجوزيني
مش عايز غيرك في الحياة اوعي تسبيني
من غير ما اتكلم انتي بتسمعيني
عشانك اطول السما لو حبتيني
انا حاسس ان الكون وياكي بشوفه بشكل جديد
الدنيا بتضحك وانتي معايا تكشر وانتي بعيد
انا شايف فيكي ولادنا ومستقبلنا ودنيا أمان
مهما هنكبر ونعجز هفضل احبك زي زمان
تتجوزيني
مش عايز غيرك في الحياة اوعي تسبيني
من غير ما اتكلم انتي بتفهميني
عشانك اطول السما لو حبتيني
و كان ماسك عليا لونها احمر و طلع منها خاتم الماظ
شهد كانت مش مصدقة نفسها و حاسة أنها في حلم
زياد مسك ايدها و هي بصت ل شيماء و ريماس نظرة معناها اوافق
و هما هزو رأسهم و لبسها الخاتم
و كل اللي في الكلية صقفوا
زياد اخدها في حضنه
زياد : انا اسف يا شهد انا غلطت في حقك وجرحتك جرح مش هتسمحينى عليه ..بس وعد مش هجرحك تانى ..انا بحبك
شهد بعدت عنه
شهد :انت مجنون ازاي تعمل كدا في الكلية طيب و عميد الجامعة دلوقتي هيرفدني اكيد انفصلت من الجامعة
زياد بيضحك :لا انا من امبارح بتحايل عليه يوافق و وافق و جهزت كل حاجة
زياد (بص في عنيهـا ) :مقدرتش ابعد عنك اكتر من كدا والله بحبك ومخونتكيش ولا لعبت ليكي
شهد : لا خنتنى و لعبت بيا
زياد عيونه دمعت :لو تعرفي انا قد ايه حاسس انى زباله وحيوان هتسامحينى
شهد : وحشتنى اووي يا زياد
زياد : قدرتى تبعدي كل ده..
شهد : انت اللي السبب في البعد
زياد : بحبك ومقدرش ابعد عنك ابدا
شهد : وانا بمووووت فيك
زياد : انا بعشق امك
شهد : مالكش دعوه بماما اعشقنى انا
زياد : انا كنت بموت من غيرك
كل الطلبة بدؤ يصقفولهم و يصفرو
شهد كانت لسة ماسكة ايد زياد والابتسامه لسة علي وشهـا وكل شوية تاخده ويتفرجوا تانى علي البلالين و الورد
ريماس بتكلم شيماء
ريماس : شهد بتحسسنى انها طفله اوي بتفرح بأقل حاجه كأنها طفله ولقت باباهـا جيبلهـا شوكلاته ولا لعبه بصي عليهم كده هتلاقيها ماسكه في ايده زي العيله الصغيره ربنا ميحرمهم من بعض يارب
شيماء : يارب يا ريمو الحمدلله انهم رجعو لبعض
عميد الجامعة قرب منهم شهد لما شافته خافت
العميد :مش خلاص كدا يا زياد يلا بقا شيل كل الحاجات دي
زياد :ههههه حاضر ولله
شهد :هو انا كدا انفصلت صح
العميد :لا طبعا ربنا يسعدكو هي حاجة مجنونة اول مرة حد يجي الجامعة يطلب مني كدا
زياد :انا متشكر اوي لحضرتك عشان وافقت
_______
تاني يوم زياد كان عند شهد في البيت و كانت شهد عندها اجازة اليوم ده
و كانت قاعدة في اوضتها بتسمع اغاني شعبي
و كانت فرحانة جدا
زياد بعتلها مسدج علي الواتس
زياد :شهد انتي فين
شهد :في البيت
زياد بعتلها صورة الصالون بتاعها
صالون مين ده
شهد اتصدمت :زياد انت مقولتليش انك جاي ل بابا انهاردة
زياد :مش جاي لوحدي على فكرة بابا و ماما معايا
شهد :ليه
زياد :ايه الغباء ده اكيد جايين عشان اطلب ايدك من باباكي
شهد قامت علي السرير تتنطنطط
زياد :طب اقفلي الاغاني دي بقا و البسي و اخرجي عايز ماما تشوف عروسة ابنها حلوة هي اه شافتك قبل كدا بس المرة دي غير كل مرة
شهد :حاضر هخرج
شهد غيرت هدومها و لبست فستان اسود قصير كانت قمر و حطت لمسات خفيفة من الميكب و خرجت
زياد بيوشوش مامته :ماما ابوس ايدك افردي وشك كدا و ابتسمي بلاش الناس تحس انك جاية غصب عنك
رباب :هما لسة هيحسو ما اكيد اخدين بالهم انا مش فاهمة يا زياد دول ناس مستواهم أقل مننا بكتير
شاهر :تاني يا رباب اسكتي بقا هو حر يتجوز ان شاء الله حتي لو بنت عم رؤوف البواب المهم انه بيحبها
شهد قدمت الشربات و زياد غمزلها و قعدت جنب مامتها و سلمت علي ريماس و مازن و مامته و باباه
شاهر : طبعا احنا يشرفنا يا استاذ عبدلله اننا نطلب ايد شهد ل زياد
عبدلله :الشرف ليا يا باشمهندس شاهر و زياد ده زي ابني اللي مخلفتوش
زياد :بصراحة يا عمي انا اتمنى ان حضرتك توافق حضرتك انا ....
عبدلله قاطعه و بيبتسم: موافق من غير ما تقول حاجه
شهد و زياد اندهشو
عبدلله :عينك موضحه كل حاجه وانا مصدقك
زياد استغرب: بجد حضرتك موافق علي خطوبتي ب شهد
عبدلله بيضحك : عينك بتقول بلمعانها انك بتحب شهد وانا واثق ان شهد بتحبك هعوز ايه تانى ..
و بص لبنته و اتكسفت
عبدلله :شوف يا زياد يابني عينيك بينت اللي في قلبك واتكلمت كتير اكتر من لسانك .... والعين عمرها ما تكدب انا بعرف الإنسان اللي قدامي كان كويس او لا
زياد : انا مش عارف اقول لحضرتك ايه
شاهر :طب وطلبات حضرتك
عبدلله : هما طلبين مفيش غيرهم يا زياد
زياد: اتفضل
عبدلله : اوعي تسبب جرح ل شهد وتوجع قلبها ..
ولا تخلى دموع تنزل من عينيها عايز لما اموت اكون مطمن علي بنتي أنها مع الإنسان الراجل اللي بجد.... توعدنى
كلهم :بعد الشر عليك
زياد بسعاده: اوعد حضرتك واكتر من كده وهتشوف حضرتك
شاهر :يبقا علي بركة الله زياد بكرة هياخد شهد و يشترو الشبكة
عبدلله :علي بركة الله
شاهر :يبقا نقرا الفاتحة
شهد بصت ل زياد و هما بيقروا الفاتحة
بِسْمِ اللَّهِ الرَّحْمَٰنِ الرَّحِيمِ
(1) الْحَمْدُ لِلَّهِ رَبِّ الْعَالَمِينَ (2) الرَّحْمَٰنِ الرَّحِيمِ (33) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)
و انتهو من قراءتها
امل زغرطت :لوووووولي
و ريماس حضنت شهد
مازن :مبروك يا شهد مبروك يا زياد ربنا يتتملكو علي خير يارب
شهد و زياد :الله يبارك فيك
وفاء سمعت صوت زغاريط من عند شهد خرجت في البلكونة و ندهت عليه
شهد اخدت زياد و خرجو ليهم في البلكونة
شهد :شيماء ... فوفا .. زياد خطبني
وفاء زغرطت
شيماء :كدا من غير ما تقوليلي
شهد :انا اصلا مكنتش اعرف انه جاي
شيماء :مبروووك يا دودو
_____
ميار كانت قاعدة مع رودينا صاحبتها
و شافت رامي واقف مع احمد في النادي ندهت عليه
ميار :رامي
رامي :عن أذنك يا احمد أيوة يا ميار
ميار :مالك يا رامي ليه بتبعد عني ليه كل ما احاول اكلمك تتجاهلني ليه
رامي :كدا احسن
ميار :علي فكرة انا و زياد فركشنا من يوم ما رجعنا من الغردقة
رامي بسعادة :بجد
ميار :ايوة بجد ولله ... رامي انا بحبك معرفش امتي و ازاي بس كل اللي اعرفه اني بحبك
رامي :مينفعش يا ميار
ميار :ليه
رامي :مامتك مش هتوافق عليا عشان انا مستوايا المادي مش زي زياد
ميار :و انت يعني كنت حاولت
رامي:اه يا ميار حاولت أيام ما كنت في اولي كلية اتقدمتلك مامتك رفضتني و قالتلي اوعي تفتح الموضوع ده مع ميار
ميار :ماما عملت كدا
رامي :ايوة عن إذنك
ميار :رامي استني
_______
_______
تاني يوم وفاء كانت عازمة زياد و شهد عندها
و شهد كانت في المطبخ بتحضر الاكل زياد دخل و قدم الهدايا اللي جابها لوفاء
وفاء :انت بقا زياد صح
زياد :انتي طنط وفاء ...لا قصدي فوفا شهد قالتلي انك مبتحبيش كلمة طنط
وفاء ضحكت :اهلا يا حبيبي ازيك بقولك ايه البت دي تحطها في عينيك فاهم
زياد :دي في قلبي ولله مش عينيا بس
وفاء :لا انا مرارتي مفقوعة من هيما و شيماء هتيجي انت تكمل عليا
زياد ضحك :اومال شهد فين
وفاء :جوة في المطبخ بتعمل الاكل
في اللحظة دي شهد خرجت و سلمت عليه
و حضرت الاكل علي السفرة و إبراهيم ايجا
و بدؤ ياكلو سوا
________
في مكان تاني
كان مازن متفق مع رانيا انهم يتقابلو في مطعم
مازن :دايما مواعيدك مظبوطة يا روكا
رانيا :طبعا يا ميزو من يومي
شوية وايجا الويتر قدم المنيوه
مازن : ها تاكلى ايه
رانيا: مازن انا عايزة اتكلم والله مش عايزة اكل
مازن : يا ستى حد قالك مش هنتكلم بس قولى الاول
رانيا: اى حاجة يا مازن مش مهم
مازن : طيب بصى انا هختارلك
رانيا : اوك
مازن طلب الاوردر ومشى الويتر من قدامهم
مازن بيبصلها : ها يا ستى قولى بقى عايزانى فى ايه
رانيا مش عارفة تتكلم ازاى سكتت خالص
مازن: ايه يا بنتى من الصبح وانتى عايزة اتكلم عايزة اتكلم ولما اقولك اتكلمنى تسكتى كده
رانيا: اصل يعنى
مازن: اصل ايه وفصل ايه قولى على طول
رانيا: ما انا مش عارفة ابتدى ازاى بقى
مازن: ابتدى زى ما انتى عايزة بس ابتدى
مازن : يلا انا سامع
رانيا: يووووه بقى يا مازن اسكت علشان اعرف اجمع
مازن حط ايديه على بقه : اهو
رانيا : بص بقى انت عارف اني بحبك يووووه لا مش بحبك يوووووه افهم انا هقولك متبصليش كده انا عارفة انه غلط لأنك خاطب دلوقتي بس
مازن ابتسم: رانيا اهدى لو سمحتى خدى نفس كده و رتبى افكارك واتكلمى
رانيا : بصى يا مازن انا كنت بحبك
مازن : ايه ودلوقتى كرهتينى؟
رانيا: طبعا لا محدش يقدر يكرهك بس انا جاتلى تهيئات كتيرة
مازن : بس انا محتاج اسمعك قولى كل الى جواكى يا رانيا
رانيا: من يوم ما بابا مات و انا حاسة اني انكسرت كنت حاسة ان احنا لوحدنا وفى وسط المشاكل والظروف دى كنت انت الدواء اللى بيداوى جراحنا وقفت جنبا كنت مش مجرد صديق او اخ كنت اب كمان
"" رانيا عينيها بدات تدمع"" غصب عنى بدات اميل ليك انى بحبك بس انا فعلا بحبك يا مازن و بحبك اوى بجد بس كاخويا وصاحبى وابويا انا النهاردة قررت انى اقولك كل الى جوايا علشان عارفة انك هتفهمنى و محتاجة بجد اتعامل معاك على نور بس انا والله يا مازن مكنتش فاهمة او مكنتش عايزة افهم كل الى كنت حساه انى محتاجاك انا حبيت النهاردة انى اعتذرلك واقولك انى اسفة بجد لو كنت فى يوم شيلتك هم مشاعرى انا متاكده انك كنت عارف انه فيه حاجة و عارفة انك كنت صابر عليه لحد ما افهم دلوقتي انا بجد اسفة يا مازن
مازن : ها يا روكا هديتى ولا لسه
رانيا بتبصله و دموعها نازلة
مازن : لا يا رانيا مش عايز اشوف وشك كده تانى ولا اشوف دموعك دى مرة تانيه فاهمة انتى يا عبيطة فاكرة انى زعلان منك انا عارف الى انتى بتقوليه ده وفاهمه واكتر واحد حاسس بيه كمان و عارف انتى فكرتى فيه كده ليه و كنت متاكد انه مجرد وهم انتى عيشاه بس هتفوقى منه مش مهم الى فات يا رانيا المهم الى جاى انتى انسانه طيبة اوى فوق الوصف وتتحبى بجد والف واحد يتمناكى المهم ان قلبك الطيب ده ياخد الى يستاهله وبس والكلام الى قلتليه ده فيه شجاعه الدنيا كلها مش عايزك تعيطى تانى لو سمحتى وسيبى نفسك وبصى حواليكى هتلاقى الحب قدامك بس يمكن انتى مش شيفاه
انا مش عارف الاكل اتاخر ليه ؟
رانيا بتضحك: انت لسه عندك نفس تاكل
مازن : لاحول ولا قوة الا بالله هتموتينى من الجوع كمان اسكتى يا بت انا هقوم أروح التواليت
دخل مازن الحمام دخل غسل ايديه ووشه وفضل باصص فى المرايا ومش مركز خالص شوية ودخل عليه شخص
.............: مازن انت كويس
مازن بيبصله : انا كويس متقلقش اوعي تكون شافتك
..........: لا مخدتش بالها هى اصلا منهارة فى العياط قلبى وجعنى عليها قوى
مازن :ناصر مش وقته يا حنين ....
ناصر: انا كنت فاكرها بتحبك
مازن : انا جبتك النهاردة علشان اكدلك انها مفيش اى مشاعر من ناحيتها ليا
ناصر : بجد اللى مش فاهمه انت عرفت ازاى هى هتقولك كده ما هى كان ممكن تقولك انها بتحبك
مازن : عيب عليك ده انا مخرج يا ابنى
ناصر : انت خدمتنى خدمة عمرى كله يا مازن بجد مش عارف اقولك ايه وانك تسمعنى الكلام ده كتير اوى عندى
مازن : انا كلمتك علشان كده علشان تفهم لانى مهما حكيتلك عمرك ما كنت هتفهم
فلاش باااك
بعد ما مازن كلم رانيا واتفق معها انهم يتغدوا مع بعض
اتصل ب ناصر
مازن : الو
ناصر: ايوة يا مازن
مازن : ناصر اسمعنى كويس انت مش عايز رانيا
ناصر بخوف : رانيا مالها فيه ايه هى كويسة
مازن : اهدى بس الله يخليك بص انا هعزم رانيا النهاردة على الغدا
ناصر : خير ان شاء الله بتاخد منى الاذن ولا ايه
مازن: ناصر ما تتسرعش بص هى رانيا كانت عايزة تتكلم معايا انا مش عارف فى ايه بس شاكك انها هتقولى على الهبل اللى كانت حاسة بيه بس عموما لو متكلمتش انا هخليك تسمع بودانك انها مش بتحبنى الا كاخ
ناصر: بجد ما يمكن
مازن قاطعه : ميمكنش ولا حاجة انا عارف بقول ايه بص انا هقابلها على الساعه 5 وهخدها فى مطعم Pablo Cafe & Restaurant
و تكون انت قاعد هناك و ياريت تكون عاطى للباب ظاهرك ماشى
ناصر : ماشى ربنا يستر
مازن : ان شاء الله يلا مع السلامة
_______
نرجع ل مازن و ناصر في المطعم
ناصر : انا بجد مكنتش متخيل انها مفتقدة حاجات كتيرة كده
مازن : صدقنى واكتر بص اهم حاجة دلوقتى انك عرفت وعرفت هى بتعانى من ايه ناصر انا لو مش شايف انك بتحبها وممكن تحافظ عليها مكنتش عملت كده
ناصر: والله بحبها وبحبها قوى كمان بس خايف لمتحبنيش
مازن : متقلقش رانيا محبتش حد بجد و انك تبقى جنبها هتحبك وانا حاسس ب ده بس هياخد وقت منك ارجوك ما تزهقش
ناصر: لا ان شاء الله
مازن :و في الاخر ده نصيب و محدش بياخد اكتر من نصييبه يلا بقولك ايه البنت كده هتقلق وانا هغديها و بعدين اروحها ماشى
ناصر: هو انا مينفعش اجى اسلم عليكم يعنى
مازن :انت غبي متبوظش الدنيا لو شافتك هتشك فى كل حاجة وهتبعد عنك و تفهم انك كداب
ناصر :لا وعلى ايه انا كده كويس
مازن : يلا سلام
ناصر :مازن
مازن :ايه
ناصر حضنه جامد :والله الواحد مش عارف يرد جمايلك فين انت بجد انسان جدع
مازن :متقولش كدا انت اخويا
______
رجع مازن لرانيا
رانيا: ايه كل ده؟
كلزن55: الاكل جه اهو كلى بقى وعايز الاطباق دى زى الفل يلا انتى هتفضلى تبصيلى كده
رانيا ابتسمت وبدات تاكل : ربنا يديك على قد نيتك يا مازن بجد ونعم الاخ و يسعدك انت و ريماس
________
(هو كده الحب كده مالهوش مكان ولا زمان ولا بيعرف القوانين ولا يعرف مين المفروض يحب مين يا ترى فى الاخر القوانين هتنفع ولا الحب مالهوش قوانين و ده اللي هنشوفه مع آدم و دينا و رانيا و ناصر و ميار و رامي)
_________
يوم خطوبة زياد و شهد
زياد اخد شهد و دخل بيوتي سنتر
زياد :ياسمين
ياسمين :زياد ازيك
شهد بصتله :مين دي
زياد :ياسمين دي شهد
ياسمين :زي القمر
زياد :شهد دي الميكب ارتيست و هير دريسر ياسمين هي اللي هتعملك كل حاجة
شهد :ماشي
زياد :طيب يا حبيبتي انا لازم امشي عشان ورايا حاجات كتير انهاردة بجهزهالها
شهد :ماشي
زياد قرب منها وشوشوها :هتوحشيني
شهد ابتسمت
زياد خرج
ياسمين :تعالي يا شهد معايا عشان نبدأ
_________
زياد كان في الفيلا بيشوف التجهيزات شاف مامته متضايقة مشي ناحيتها
زياد :حبيب قلبي
رباب :ايوة عايز ايه
زياد :لسة زعلانة
زياد :يا ماما ما انتي عارفة برضو انا بحبها و كمان شهد طيبة ولله
رباب :ما هي هتاخدك مننا
زياد :مين قال كدا انا محدش يقدر ياخدني منكو اصلا فكيها بقا
رباب :ماشي يا زياد يلا روح شوف وراك ايه عشان تجيب عروستك
_______
شهد كانت لابسة فستان سندريلا اللبني و تاج سندريلا و جزمة سندريلا لكن كانت فاردة شعرها الطويل زياد اختار الاستايل ده ليها و الميكب ارتيست كانت شاطرة حولت شهد و سندريلا فعلا
زياد ايجا اخدها
زياد تنح من جمالها :ايه ده فين عروستي
شهد :يعني مش عارف
زياد :سندريلا فعلا
شهد :ايه اللي انت عملتهولي ده
زياد :حبيت اعمل خطوبة مختلفة عن اي حد
و بعدين انتي سندريلا اصلا
زياد و شهد خرجو و كانت زفة مختلفة جدا
كانت العربية اللي هتاخدهم زي عربية سندريلا و كان شكلهم زي اللي خارج من فيلم كرتون
وصلو الفيلا كانت شهد زي الملكة و هو اميرها
قعدو في الكوشة و كانو فرحانين اوي
زياد :ياااه بجد اخيرا مش مصدق نفسي اخيرا بقيتي حلالي و ليا
شهد :انا حاسة اني بحلم انت عملت كل ده ازاي
زياد :معايا مفيش حاجة اسمها مستحيل كل أحلامنا هنحققها
شهد :بحبك اوي
زياد :بعشق امك
شهد :بلدي
زياد :شهد بصي انا جبت مين يغني في خطوبتنا
شهد اتصدمت : تامر حبيبي
زياد بعصبية :حبيبك مين يا هبلة انتي
شهد :بحبه اوي يا زياد
زياد :ما تتلمي شوية انا عارف انك بتحبيه عشان كدا جبته يغني
رباب ايجت عندهم :زياد يلا يا حبيبي لبس خطيبتك الشبكة
زياد مسك ايدها و لبسها الشبكة كانت عبارة عن طقم الماظ (سلسلة و انسيال و خاتم )
و اشتغلت اغنية دبلة الخطوبة
تامر سلم عليهم و بدأ يغني اغنية يا بنت الايه
على قد ما شفت وعشت وايه .. ايه ايه
جربت أكتر من اللي نفسي فيه .. ايه ايه
جيتي إنتي بسرعة يا بنت الإيه .. ايه ايه
ببساطة كده قلبي قدرتي عليه .. ايه ايه
على قد ما شفت وعشت وايه .. ايه ايه
جربت أكتر من اللي نفسي فيه .. ايه ايه
جيتي إنتي بسرعة يا بنت الإيه .. ايه ايه
ببساطة كده قلبي قدرتي عليه .. اه اه اه
بحبك آه بحبك ودايب فيكي .. وبحلف من الليله دي هاعيش انا ليكي
بحبك آه بحبك ودايب فيكي .. اه اه
وبحلف من الليله دي هاعيش انا ليكي .. اه اه
لو عشت احلف طول حياتي كلها .. مش ح اقدر اوصف بحبك قد ايه
محتاج حياة اتنين ثلاثة على حياتي .. عشان اوصف يا حياتي بحبك قد ايه
(في الكوبليه ده من الأغنية زياد حضنها اوي)
بحبك آه بحبك ودايب فيكي .. اه اه
وبحلف من الليله دي هاعيش انا ليكي
زياد و شهد كانو بيرقصو معاه و فرحانين جدا
و اتصورو كلهم مع بعض
و ايجا وقت رقصة السلو
و شهد اختارت أغنية يا عيون و تامر غناها
يا قلبي الحظ نادى عليك
وجابهالك زي ما الحلم كان بيقول
حقيقة بجد مش معقول، دي هيا حبيبتي بالأوصاف
حقيقة واحلى م اللي اتشاف
دي جيالك وانسي يا قلبى تاني تخاف
يا قلبى الدنيا راضيه عليك
و عايزالك تعوض كل حلم وراح
وجالك يوم عشان ترتاح، وتلقى اللى انت مستنيه
مع الحضن اللى نفسك فيه
دي جايالك ومش عايز تصدق ليه!
يا عيون انا بيها بقيت مجنون، ولا كانت ولا هتكون
وكإنك جاية عشاني م الجنة
يا عيون ماليالي الدنيا ورود، ومعاها بقيت موجود
تستاهل فعلاً قلبي اللي استنى
قابلت وعينى شافوا كتير ولا اشتاقوا
وقلت لقلبي مهما يغيب، أكيد هيجيلي أحلي نصيب
فضلت لوحدي واستنيت
عنيكي يشوفوا عيني ياريت لو اتقابلوا
فهمت يا قلبي ليه استنيت؟
بشوفك جاية ببقى هطير
جوايا بقول على نفسي انا محظوظ
ساعدني الحظ بيها افوز، جميلة بجد شكل وروح
وجودي معاها أحلى طموح
آهي معايا ومش هسمح لحلمي يروح
زياد كان حاضنها اوي و شوشها :عارفة مش اول مرة احضنك بس اول مرة احسه مختلف اوي
اما ملك و كريم كانت ملك لابسة فستان ابيض و كريم لابس بدلة
كريم :نفسي نكبر زيهم عشان نعمل فرح كدا
ملك :ايوة اشمعنا هما يعني
انتهت الخطوبة و كان أسعد يوم في حياتهم
_________
تاني يوم في القناة بعد ما مازن خلص تصوير
ناصر :يا جماعة ممكن تسمعوني
كلهم ركزو معاه
ناصر :رانيا ... انا يمكن علاقتي بيكي علي قد ازيك و عامل ايه مجرد أصدقاء تقريبا كل مرة بنتكلم مبنطولش في كلامنا جايز منعرفش بعض اوي بس عايزك تعرفي انك مليتي عيني و قلبي من يوم ما شوفتك قلبي من يوم ما شافك ما دقش لحد غيرك عارف هتقولو ازاي انت لسة جاي جديد بس صدقيني معرفش معرفش حبيتك ازاي و ليه انتي كل اللي اعرفه اني حبيتك من غير اي سبب
رانيا مش هقولك تعالي نحب في بعض كل يوم و نقضيها كل اول عايز اقوله اني عايزك بس في الحلال و نفسي تكوني أم ولادي نفسي اقولك بحبك بس وانتي حلالي
رانيا تتجوزيني
رانيا .......
❤❤❤❤❤❤❤❤❤❤❤❤❤❤
التعليقات على الموضوع