احببت طباخة💠الحلقة 27💠
الحلقة 27 رواية أحببت_طباخة
وقفنا عند
ميار و هي داخلة الفيلا
اتصدمت لما شافت رامي
ميار :رامي انت بتعمل ايه هنا
رامي :سوري يا ميار لكن انتي نسيتي الموبايل بتاعك معايا
ميار :ازاي مش فاهمة
رامي:و احنا قاعدين في الكافيه و انا بحاسب اخدت الفون بتاعك غصب عني فكرته بتاعي
ميار :اممممم متشكرة اوي يا رامي انت جيت مخصوص عشان كدا
رامي :لا ابدا انا كدا كدا كنت راجع اسكندرية و مكنتش اعرف انك هتيجي كنت هديه لمامتك و اقولها اني لقيته و احنا في الغردقة
ميار :تمام
رامي :ماشي عايزة حاجة انا لازم امشي
ميار :ماشي
___________
في المساء اتصل زياد ب ميار و قابلها في كافيه
زياد :ميار احنا لازم نسيب بعض لا انا ولا انتي بنحب بعض
ميار :عندك حق كدا احسن برضو
زياد :ميار انتي زعلانة مني عشان كنت بكلمك بأسلوب مش كويس دايما
ميار :عادي يا زياد مش فارق
و خلعت الدبلة من ايديها
ميار :اتفضل يا زياد دبلتك
عن أذنك
و سابته و مشيت
___________
عند زياد في البيت كان مازن و ريماس و رباب و شاهر بيتعشو
زياد :انا و ميار فركشنا
رباب:نعم ليه يا زياد طبعا اكيد زعلتها ما انا عارفاك
شاهر: خلاص بقا يا رباب هما مش صغيرين
زياد :ماما انتي عايزة ايه مش كفاية بقا خلتيني اخطب غصب عني
ريماس :خلاص يا ماما سيبيه على راحته
_________
عند ميار
نوال بعصبية:يعني ايه فركشتو وانتي زي الهبلة كدا
ميار :يعني عايزاني أقوله ايه لا و النبي يا زياد خليك معايا عن أذنك طالعة اوضتي
نوال :بقا حتة بت زي دي تعمل فيه كدا ماشي يا ست شهد اما اشوف حكايتك ايه
__________
مر شهر علي ابطالنا
_شهد حاولت تنسي زياد و مقدرتش كل يوم بتبص علي كلامها معاه علي الواتس و صورهم مع بعض و بدأت تركز في دراستها و شغلها اكتر و معملتش برنامج جديد عشان متفتكرش زياد و كل الفانز علي بيدج القناة كانو عايزينها ترجع تعمل برنامج جديد
_ريماس كانت بتحاول تكلم شهد و شهد كانت بتمشي لما تشوفها
_مازن كان نفسه شهد ترجع تكمل تاني البرنامج و اتفق ان خطوبة ريماس كمان يومين
_زياد كان بيحاول في خلال الشهر ده انه يفهم شهد الحقيقة و شهد كانت بتهرب منه
_ اما شيماء و إبراهيم كانو بيحضرو لفرحهم عشان يكون في إجازة آخر السنة
_رانيا و ناصر كانو بيتكلمو و قربو اكتر من بعض و ناصر لسة معترفلهاش لكن بقو أصدقاء جدا
_ميار كانت بتحاول تكلم رامي لكن رامي كان بيتجاهلها
_كريم و ملك لسة بيعتنو بالوردة بتاعتهم
_آدم كان بيفرح لما بيشوف دينا مع سما
_سلمي قربت جدا من شهد و بقت صاحبتها لكن شيماء مكنتش بترتاحلها
_فارس بيحاول يقرب من شهد و شهد كانت بتصده
_______
_دادة فاطمة دخلت علي زياد عشان ياكل
زياد :مش عايز يا دادة مش جعان
فاطمة:و بعدين يا زياد كل ده عشان شهد بس اقولك علي حاجة شهد متستاهلكش اصلا متنكرش انها غيرتلك حياتك قولتلك لما حكتلي عنها تصارحها ياما نصحتك يا زياد قولتلك اكيد هيجي يوم و تعرف
زياد : شهد !! ياااه ده انا بسمع اسمها برتاح..بحس في حضنها انى طفل وعيل محتاج لمامته
هي اللي عرفتنى يعنى ايه دنيا الحياه معاها ليها طعم مختلف جدا..تصدقي لو قولتلك الدنيا بتضحك لما شهد بتضحك
طب والله الدنيا بتضحك اصلك مسمعتيش ضحكت شهد ..ضحكه بجد من قلبهـا شقيه ولمضه ومجنونه
شهد واحده عندها امل اووي في بكره ..عندهـا امل ان الدنيا هتضحك في عنيهـا وادتنى الامل ده... من اول يوم شوفتها فيه في الكليه قولت هقع وفعلا وقعت
شهد دي حاجه حلوه اووي ونضيفه اووي يا دادة
فاطمة : بذمتك مش صعبانه عليك اللي عملته فيها..انت مشوفتش برائتها لما كانت هنـا مع ريماس
زياد : شهد عشمتنى بكل حاجه حلوه قالتلي هفضل في حضنك ..قالتلي هبقي في الدنيا دي عشانك ..عارفة زي عصفور طاير مع مامته وهو مبيعرفش يطير بس عنده ثقه انه لو وقع هيلاقيها تلحقه .. شهد سابتنى وهي عارف انى من غيرها طير من غير جنـاج ..عارفة نقطه ضعفي واستغلها
فاطمة :شوف يا بني حاول تكلمها و تفهمها انك كنت خاطب ميار غصب عنك
زياد: طب سييبنى انام يا دادة دلوقتي
فاطمة : ربنا يهديك يابني
زياد : يااارب
___________
تانى يوم صحي الصبح ونزل
و اخد عربيته و كان بيلف بيها تقريبا لف نص اسكندرية بالعربية
زياد طول الطريق يعيط ومش عارف ازاي حصل كدا ..وازاي في لحظه يضيع كل حاجه بينه وبين حبيبته دي حياته كلها
وقف بالعربيه قدام البحر وسند راسه علي الكرسي وافتكر زكرياته معاها
و شغل أغنية معقولة _ حازم شريف
معقولة تبعد عني معقولة أهون عليك
يا أقرب ليا مني إيه اللي غير ليه
معقولة تخلف وعدك وإزاي اعيش منبعدك
قلبي اللي يبكي في بعدك ينده ينادي عليك
معقولة تقدر تنسى كل اللي بينا غرام
والنوم يخاصم عيني وانت ببساطة تنام
معقولة تغدر بيا والضحكة دي مش ليا
حتى الدموع بعنيا تنده تقول ده حرام
أه أه أه أه من بعدك أه
معقولة تنسى الماضي تنسى العذاب والأه
عمري اللي راح ع الفاضي وحلفت تبقا معاه
معقولة أبقا انا ذكرى ومجيش في بالك بكرة
حتى مجرد فكرة مقدرش أقبلها
معقولة تبكي عنيا ودموعي تهون عليك
ولا حس قلبك بيا تنسى إيديا اإديك
معقولة تخلف وعدك وإزاي أعيش من بعدك
قلبي اللي يبكي في بعدك ينده ينادي عليك
________
شهد في نفس اللحظه كانت هي كمان في نفس المكان
افتكرت كل حـاجه عاشتها معاه ..وافتكرت وجع قلبهـا اللي زياد سببهولها ..افتكرت بيتهم اللي كانوا عاوزين يعيشوا فيه ..
بتبص جمبهـا شافت مرايا مكسوره علي الارض
وشافت نفسها وهي مكسوره ..وقالت
انا فعلا اتكسرت اوووي ..اتكسرتى بكفايه يا شهد
وغمضت عنيها ودموعها نازله
زياد : لسه بتيجي المكان اللي كان بيجمعنا
شهد (بتبص وراها ): اه لسه باجي
زياد : لسه بتحبينى صح
شهد : لا لسه باجي هنـا عشان اندم علي اليوم اللي عرفتك فيه
زياد : شهد عشان خاطري متوجعيش قلبي اكتر
شهد : وقلبي اللي اتوجع عادي ..خاطب يا زياد ... يااااه مكنتش اعرف انى رخيصه عندك اووي كده كنت بتتسلي
ليه يا زياد بتعمل فيا كده هو انا مصعبتش عليك ..عشان توجعلي قلبي
زياد :انا عمري ما حبيت غيرك صدقيني كل ده كان بجد مكنش كدب
شهد : المفروض انى اصدق ..كان المفروض انك تقطع علاقتك بيهـا اول ما ترتبط بيا او علي الأقل مترتبطش بيا
زياد : حـاولت بس معرفتش كان لازم تغلط عشان اسيبها
شهد : انا مش عاوزه اشوف وشك تانى امشي بقي وسبنى في حالي
لسة شهد هتمشي زياد مسك ايدها
زياد : شهد انا بحبك
شهد : وانا كنت بحبك (في سرها ..وانا بحبك )
و سابته و مشيت
________
تاني يوم
كانت شهد و شيماء في الكلية كان عندهم بريك و قاعدين بياكلو
شيماء :شهد انا مش برتاح للي اسمها سلمي دي
شهد :مالها يا شيمو دي حتي طيبة جدا ولله
شيماء :أيوة يا شهد بس احنا منعرفهاش كويس بلاش تدي ثقة لحد متعرفيهوش
شهد كانت متضايقة
شيماء : فكيهـا بقي
شهد : انا كلمتك دلوقتى
شيماء : مبحبش اشوفك متضايقة كده
شهد بتحط ايديهـا علي بوقهـا وبتعمل ابتسامه
شهد :اهو اهو
شيماء : مجنونه وربنا
في اللحظة دي ريماس قربت من شهد
شهد وقفت :شيماء هتيجي معايا و لا امشي انا
شيماء :استني بس يا شهد
ريماس :هو كل ما اكلمك هتفضلي كدا
شهد :انتي اللي كدبتي عليا
ريماس :حرام عليكي يا شهد هو كل ده بسبب زياد مش ذنبي اني اخته
شهد :بس كان ممكن تفهميني الحقيقة
ريماس:طب عشان خاطري يا شهد عشان خاطر صحوبيتنا انا ماليش ذنب ف كل ده
شهد :ريماس
ريماس :أيوة
شهد :وحشني حضنك يا صاحبتي اوي
ريماس بابتسامة حضنتها جامد :بحبك اوي يا شهد ربنا ما يبعدنا عن بعض ابدا
شيماء :ايه انتي و هي وانا ماليش مكان معاكو ولا ايه حبوني معاكو و النبي
شهد و ريماس ضحكو
ريماس :عندي ليكو خبر تحفة
شهد و شيماء:ها. .. قولي
ريماس : حددنا ميعاد خطوبتي انا و مازن الخميس اللي جاي يعني بعد بكرة حبيت اقولكم اول حد
شيماء : بجد الف الف مبرووووك يا حبيبتي
ريماس : الله يبارك فيكي طبعا هتيجي مش كدا يا شهد
شهد ساكتة و مبتردش
ريماس : اية يا شهد ؟! سكتي لية ؟
شيماء :طبعا انا جاية يا ريمو و شهد هتيجي كمان
شهد : مقدرش اجي يا ريماس و انتي عارفة ليه
ريماس : عشان زياد ؟؟ اوعدك اني مش هخلية يكلمك خالص ولا يجي جنبك دا وعد مني
شهد : معلش يا ريماس بجد مش هقدر اكون معاة في مكان واحد
ريماس بحزن : يعني مش هتيجي خطوبتي
شهد : مش هقدر يا ريماس بجد
ريماس : يعني انتي هتسيبيني ف يوم زي دا يا شهد ؟!!! انا وعدتك اني مش هخلي زياد يكلمك و لا يضايقك خالص
شيماء :و النبي يا دودو تعالي الخطوبة صدقيني لو حاول يكلمك انا هقفله
شهد : صدقيني ولا يقدر يعملي حاجة عشان انا مش هسكتله انا بس وجودي معاه ف مكان واحد بيضايقني و بيفكرني بكل اللي حصل معايا بيفكرني بوجعي
ريماس : دا اخر كلام عندك يعني ؟
شهد بحزن : ايوة و ياريت ماتزعليش مني والله غصب عني
__________
ريماس كانت قاعدة بتتفرج علي Tv و سرحانة و متضايقة
زياد : مالك قاعدة كدا لية ؟
ريماس ساكتة و مبتردش عليه
زياد : في ايه يا ريمو ؟!!!
قامت من مكانها و بصتله بغضب
ريماس : انت السبب ...! انت اللي مش هتخلي شهد صاحبتي تكون جنبي يوم خطوبتي مبسوط كدا
زياد : و انا مالي يعني هو انا اللي قولتلها متجيش ؟
ريماس : و انت ازاي عاوزها تيجي بعد اللي انت عملتوا فيها دة يعني ؟
زياد :يووووه بقا ارحميني شوية انا تعبت
الجرس رن بعدها
زياد فتح شاف مازن
مازن :مالك
زياد :ادخل انا طالع فوق
مازن شاف ريماس قاعدة متضايقة
مازن : مالك بس ؟
ريماس : يعني مش عارف مالي مانا حكيتلك
مازن : معلش يا ريمو هي معاها حق برضو منقدرش نلومها
ريماس : عارفة و دا اللي مضايقني اكتر انت اكلت ؟
مازن:لا
ريماس :طيب هدخل اشوف دادة فاطمة تحضر الاكل عشان ناكل
مازن :بحبك وانتي فهماني
ريماس دخلت المطبخ و مازن شاف موبايلها علي الكنبة اخد منه رقم شهد بسرعة و سجله
________
مازن بعد ما اتعشي روح الفيلا بتاعته و اتصل علي شهد
كانت شهد وقتها بتذاكر
شهد :الوو
مازن :ايوة ، انسة شهد ؟
شهد :ايوة ميين ؟
مازن :انا مازن خطيب ريماس
شهد: مازن .. انت جبت رقمي منين طب ريماس كويسة ؟؟؟
مازن :اولا جبته من فون ريماس
ثانيا بقا لا ريماس مش كويسة خالص
شهد بخضة : لييييه مالها ؟
مازن : متضايقة جدا انك مش جاية خطوبتها و قربت تقاطع اخوها عشانك و مش طايقاني انا شخصيا ، يرضيكي كدا ؟
شهد: بس انا مقولتلهاش تتخانق مع اخوها بسببي .. بالعكس انا من ضمن الاسباب اللي مخلياني مش عاوزة اجي اني مش عاوزة اعملها مشاكل يوم خطوبتها عشان انا مش هسكتلوا لو كلمني كلمة واحدة بس
مازن : و انا اتعهدلك انو مش هيكلمك ولا هيضايقك خالص ، انتي مش واثقة فيا ؟
شهد سكتت
مازن : صدقيني و الله العظيم زياد مش وحش زياد ولله متعرفيش خطب ميار ازاي
شهد قاطعته:لو سمحت يا استاذ مازن ياريت حضرتك تقفل الموضوع ده انا مش عايزة سيرة البني آدم ده تاني
مازن :حاضر يا شهد طب ارجوكي حاولي تيجي ريمو هتفرح اوووووي لو جيتي انا عارف انك مش هيهون عليكي تخليها متضايقة ف يوم زي دا .. و اوعدك ان زياد مش هيضايقك خااص
_________
يوم الخطوبة
ريماس كانت قمر بمعنى الكلمة و كانت لابسة فستان احمر و كان مازن في غاية الوسامة ولابس كرفاتة لونها أحمر
الخطوبة كانت في الفيلا في حديقة الفيلا
وزينت الفيلا بالانوار الملونة و الورد ..و بلالين في حمام السباحة على شكل اسم ريماس و مازن باللون الاحمر والابيض..
وكانت البوابة عبارة عن بلالين باللون الازرق فى ابيض
ريماس كانت قاعدة جنب مازن في الكوشة و كانت خايفة شهد متجيش و كل شوية تبص في ساعة مازن
ريماس :تفتكر هتيجي يا مازن
مازن :ان شاء الله يا حبيبي
يلا نسلم علي الضيوف و هما بيسلمو على الضيوف ريماس حست بحد حط ايده علي عيونها
....... :انا مييييين ؟؟
اتدورت ريماس تبص وراها و هي مش مصدقة
ريماس :مش معقول شهد
حضنتها ريماس جامد
مازن فرح جدا
ريماس : انا مبسووووووطة اووي انك جيتي
شيماء :ريمو و مش مبسوطة اني جيت يا واطية
ريماس حضنت شيماء
ريماس :الحمدلله انكو جيتو كنت خايفة اوي
شهد بابتسامة : مكنتش اقدر اسيبك ف اليوم دا لوحدك .. مبروك يا حبيبتي
إبراهيم :الف مبروك يا ريماس مبروك يا مازن
ريماس و مازن :الله يبارك فيك يا هيما
في اللحظة دي ايجا صوت من وراهم
..... :اية يا مازن مش هتلبسو الدبل
حست شهد بأرتباك كبير لما سمعت صوت زياد
مازن :يلا يا ريمو عشان نلبس الدبلة
ريماس و مازن لبسو الدبل و رباب لسة هتشغل اغنية دبلة الخطوبة
ريماس :لا يا ماما مش تشغليها
رباب :ليه يا ريمو
ريماس :شهد اللي هتغنيها
شهد :ايه لا طبعا انا مش مستعدة اغني
زياد فرح انه هيسمع صوتها اللي واحشه جدا
ريماس :عشان خاطري يا شهد غني
شهد في سرها :كان في حد لما بيقولي عشان خاطري كنت بسمع كلامه علي طول لكن دلوقتي لما بسمع سيرته او اشوفه بكره اليوم كلو
ريماس :يا شهد انتي معايا هتغني ولا ايه
شهد :حاضر هغني
مازن :ثواني يا شهد هتفق مع الدي جي يشغل الموسيقي و اجبلك المايك
مازن اعطالها المايك و اشتغلت الموسيقي
و شهد غنت:
يا دبلة الخطوبه عقبالنا كلنا
ونبني طوبه طوبه في عش حبنا
نتهنى بالخطوبه ونقول من قلبنا
يادبلة الخطوبه
يا صوره في الحيال ماتغبش عننا
بداية الامال وعز فرحنا
شبكنا بدلته وقرينا فاتحته
وعرفنا نيته وغلاوته عندنا
يادبلة الخطوبه
يادبله من دهب قوليلي ايه مكتوب
دا الاسم بالدهب منقوش عالقلوب
القلب وانشبك وراح مع الشبك
ولقينا في الشبك نصيبنا وفرحنا
وفي دبلة الخطوبه كتبنا اسمنا
يادبلة الخطوبه
ريماس :ميرسي يا دودو بجد الأغنية تحفة
زياد كان مبسوط عشان سمع صوتها
ريماس : يلا يا شيماء انتي و شهد عشان نتصور
وقفت شيماء و شهد جنب ريماس و صورهم المصور كذا الصور
زياد محاولش يكلمها زي ما اتفق معاه مازن لأنها ممكن تسيب الخطوبة و تمشي
رانيا لما ايجت الخطوبة محستش أنها متضايقة بالعكس حست أنها فرحانة ل مازن و ناصر شاف في عينيها الفرحة
ناصر :عقبالك يا روكا
رانيا بابتسامة :ربنا يخليك يا ناصر
مازن :حبيبي انتى مبسوطة
ريماس :جدا يا مازن مبسوطة اوي
مازن :قوليلي بقا هو انتى كل اصحابك كده
ريماس :مش فاهمة كده ازاى يعنى
مازن :يعنى حلوين ..متيجى تعرفينى عليهم
ريماس :مازن اتلم بقا
مازن :بهزر يا قلبي
بعد انتهاء الخطوبة
ريماس و مازن وصلوا افخم و ارقي مطعم في إسكندرية يكملو احتفالهم لوحدهم
مازن : مبروووك يا خطيبتي
ريماس بكسوف : الله يبارك فيك
مازن : بس كلميني بقا عن القمر دا
ريماس : الفستان عجبك ؟
مازن : الفستان و صاحبة الفستان
ريماس بكسوف: احم .. انا فرحت اووووي عشان شهد جت
مازن : الحمدلله يا حبيبتي
ريماس : مش عارفة ايه خلاها تغير رأيها
مازن : زي ما قالتلك ، اكيد مهنش عليها تسيبك لوحدك ف يوم زي دا
ريماس : بجد كانت مفاجأة حلوة اوووي .. و زياد الحمدلله ان كان ربنا هاديه و محاولش يكلمها ، بجد كنت حاطة ايدي علي قلبي
مازن : طب ممكن تسيبك من زياد و شهد و تركزي معايا شوية ؟
ريماس بابتسامة : ممكن
________
شهد و هي خارجة هي و شيماء و إبراهيم
شهد :شيمو بقولك انا محتاجة امشي لوحدي علي البحر ممكن
شيماء :أيوة بس الوقت متأخر
شهد :متقلقيش عليا بس محتاجة اكون لوحدى عشان خاطري و انا هتصل اطمنك عليا لما اروح
شيماء :ماشي يا دودو بس خلي بالك من نفسك
________
شهد و هي ماشية لوحدها شافت حد بيشدها من ايديها جامد و كتم نفسها عشان متصرخش و رش حاجة علي انفها عشان يغمي عليها
واتحرك الشخص بالعربية وصل لحد ما وصل عند شقة
و شالها و دخلها اوضة و فوقها ب بيرفيوم
شهد :ااااه ايه ده انا فين
و بصت قدامها :انت مين
الشخص شال القناع اللي كان مغطي وجهه بيه
شهد بصدمة :زياد انت خاطفني
زياد :اعمل ايه غصب عني انتي مش مدياني فرصة افهمك
شهد :تقوم تخطفني انت اتجننت
و قامت شهد عشان تقوم زياد شدها
شهد: تقوم تخطفني انت اكيد مجنون
زياد بعصبية :اه مجنون .... مجنون بيكي انتي
شهد انتي لازم تسمعيني
شهد :هصوت و ألم عليك الناس لو مخرجتنيش من هنا
زياد :محدش ساكن قريب من هنا ده بيت جدي الله يرحمه و محدش بيجي هنا خالص
شهد :انا عملتلك ايه عشان تعمل فيا كدا
زياد :شهد عشان خاطري اسمعيني و بعدها هسيبك
شهد :أنجز قول
__________
عند إبراهيم و شيماء كانو قاعدين في كافيه
ابراهيم : قوليلي بقي ..عاوزه شقتنـا تبقي فين
شيماء : عارف هتصدقنى لو اقولك انى عاوزه بيت صغير بس كل اللي يدخله يبقي مبسوط عشان شايفنـا مبسوطين ..بيت نضحك فيه بجد اكون انا وابننا وبنتنا بس عيله صغيره في بيت صغير وهـادي ولو جبت بنتين هخليهـم يخافوا علي بعض ويحبوا بعض اووي ..زي انا و دودو كده
ابراهيم (موبايله بيرن ): ثوانى يا روحي ..ايوه يا امي
حنان : ايه يا حبيبي مش هتتعشا
إبراهيم : انا مع شيمو يا ماما
حنان : طيب هاتهـا تتعشا معانا
إبراهيم : طيب ثانيه كده
إبراهيم (حط ايده علي السماعه ) ماما عزماكي علي العشا ..هتيجي
شيماء : مممم ماشي
إبراهيم : ماشي ..ايوه يا ماما هنيجي
حنان : طيب ادهـانى اكلمهـا عشان وحشاني
ابراهيم : ماما عاوزاكي
شيماء :ايه يا نونا ازيك
حنان :ايه يا بت يا شيمو اومال لو مش ساكنين جنب بعض بقالي كام يوم مشوفتكيش
شيماء :ابدا ولله بس المذاكرة اخدة وقتي
_________
زياد :بس كدا يا شهد دي كل الحكاية
شهد :و انت مقولتليش ليه كذبت عليا ليه عارف يا زياد لو كنت صارحتني مكنش ده حصل ولله كنت هسامحك و اصدقك بالعكس كنت هتكبر في نظري انك مخبتش عليا
زياد :كنت خايف اخسرك يا شهد ولله كنت خايف
زياد بصلها بصة غريبة بحزن
شهد : ايه ؟ بتبصلي كدة ليه ؟
زياد بحزن : هتفضلي بعيده عني هتمشي من هنا انهارده وارجع بكره مالاقكيش هتسيبني تان صدقيني لما كنتي بعيد حسيت بوجع محسيت بيه في حياتي كلها متبعديش عني تاني غلطت عاقبيني زعلتك مني قوليلي اضربيني اي حاجه الا انك تبعدي عني
شهد :عايزة اروح يا زياد
زياد :شهد عشان خاطري كفاية بقا لحد كدا انتي عاجبك وجعنا
شهد :عايزة اروح البيت
زياد :حاضر يا شهد هروحك
قومي علي ما اشغل العربية
و خرجت شهد و طول الطريق شهد بتعيط و هو ساكت و مبيتكلمش
تاني يوم شهد و شيماء راحو الجامعة اتصدمت لما شافت ......
تفتكره شافت ايه؟
و يا تري زياد و شهد هيكونو لبعض ولا لا و هي ممكن تسامحه
و مين صعبان عليه زياد
التعليقات على الموضوع