احببت طباخة 💠الحلقة 23💠
الحلقة 23 رواية احببت_طباخة
وقفنا عند
رانيا بصت ل مازن وعيونها مليانه دموع
مازن: مالك بس في ايه اهدي
رانيا : قلبى اتوجع اوى يا مازن
مازن : من ايه
رانيا: قلبى كان حاسس انك بتحب ريماس بس عمرى ما صدقت قولت عادى بتعاملها زى ما بتعاملنى بس كان جوايا احساس معرفتهوش
دلوقتى عرفته انا مستحملتش لما قولت انك هتخطبها
مازن: رانيا انتى بتقولى ايه انا مش فاهم حاجة
رانيا:مازن انا بحبك.... بحبك من زمان من يوم ما بابا مات وانت اللي مسؤول عننا و بتاخد بالك مني و من ماما و خالد دايما
مازن اتصدم :بتحبيني ؟
رانيا:أيوة يا مازن بحبك. ....بحبك من و احنا لسة صغيرين حبيتك من قبل ما ريماس تتولد يا مازن
مازن :و مقولتليش ليه يا رانيا
رانيا:كنت خايفة اخسرك ..... قولت احتفظ بحبي ليك لوحدي
مازن :رانيا انا بحب ريماس و عمري ما شوفتك اكتر من انك اختي
رانيا :ربنا يسعدك يا مازن بعد اذنك
مازن :رانيا استني بس اسمعيني
ناصر دخل الأوضة التانية و رانيا خرجت و سابته
__________
مازن كان واقف مصدوم من اللي سمعه و خرج
ناصر نده عليه
ناصر :مازن
مازن :ايه يا ناصر
ناصر:عايزك في موضوع مهم
مازن:اتفضل
ناصر :رانيا
مازن :مالها رانيا
ناصر ساكت و مبينطقش
مازن: يا سيدى اتكلم والله ما هكلك ولاتحب اقولك انا
ناصر: ها.... تقول ايه
مازن: انت بتحبها ولا معجب بيها؟
ناصر بدون تردد: لا بموت فيها
وبعدين فاق انه قال كدا و افتكر ان رانيا بتحب مازن
مازن: واضح ان كلامنا هيطول بقولك تعالى نقعد في الكافيتيريا واحكيلى بقى انا زى اخوها صدقنى ولو انت بجد بتحبها و عايز تدخل البيت من بابه انا هساعدك
و قعد مازن مع ناصر في الكافيتريا
ناصر: المشكلة مبقتش كده دلوقتى
مازن: المشكلة فى ايه طيب يا سيدى
ناصر: المشكلة فى ان ..... انا مش عارف اقول ولا لا بس رانيا دى حلم حياتى انا سمعت كلام دلوقتى موتنى بس فى نفس الوقت الى عرفته انه طرف واحد يعنى ممكن يكون مفيش امل
مازن: انا مش فاهم حاجة ارجوك فهمنى بالراحة
ناصر: انا للاسف شوفت رانيا و هي بتتكلم معاك انا مكنش قصدى طبعا اتجسس عليكم بس انا استغربت الموقف و رانيا دخلت مرة واحدة و شكلها مكنش طبيعي ولانى بحب رانيا اوى خوفت عليها بجد من منظر عياطها بس سمعت كلام كتير مافهمتش منه غير ان رانيا .... يعنى ..بتحبك وان انك يعنى بتحب خطيبتك
مازن كان مصدوم :رانيا بتحبنى وانا بحب خطيبتي
ناصر هز دماغه و حط وشه فى الارض
مازن بهدوء: طبعا رانيا بتحبنى وانا كمان بحبها
ناصر رفع دماغه على طول وعينيه كلها أسئلة
ناصر:ازاي ... ازاي بتحبها و انت هتخطب واحدة تانية
مازن: اسمعنى رانيا بتحبنى كاخوها وانا بحبها كاختى بالظبط
ناصر:بس اللى سمعته مايدلش على كده
مازن كان بيسمعه و هو ساكت
مازن: شوف يا ناصر انا المفروض متكلمش فى خصوصيات ليا او لغيرى بس خلينا فى موضوعك انت و رانيا لانى شايف حب فى عينيك ليها
ناصر: انا والله ما كان قصدى اتدخل فى حاجة تخصك او تخص رانيا ولا كان قصدي اسمعكو انا بس بحب رانيا اوي
مازن : واضح انا كده فهمت حاجات كتيرة اوى المفروض انى مقولش الكلام ده بس لازم افهمك رانيا ايه بالظبط و ظروفها ايه
شوف يا ناصر رانيا انسانه طيبة و حساسة وليها ظروف خاصة انا معرفش انت تعرفها ولا لا انت عارف ان باباها متوفي
ناصر: ايوة عارف
مازن: بابا رانيا لما اتوفي رانيا و مامتها و أخوها كنت انا اللي مسؤؤل عنهم وانا اعرفهم من سنين طويلة اوى وبقيت تقريبا مسئول عنهم انا اتربيت مع رانيا و رانيا عاشت فترة مراهقتها و حياتها وانا دايما جنبها لو احتاجت حاجة بتطلبها منى لو فيه مشوار انا اللى بعمله حتى يوم وفاة باباها انا اللى حضرت العزا والدفنه وكل شىء انا مش بقولك كده علشان اقولك انا عملت ايه معاهم انا كل اللى بقولهولك انها حست انى الراجل الوحيد فى حياتها
رانيا من بعد موت باباها كانت مفتقدة الامان ولقيته معايا وكان طبيعى انها تحس ان مشاعرها موجهة ليا حتى لو مش ده الحقيقى
ناصر: يعنى انت عايز تقولى ان مشاعر رانيا ليك مش حقيقية
مازن: اه مش حقيقية خالص رانيا شايفة فيا الاب او الاخ الكبير اللى هى محتاجاه باباها كان قريب اوي منها طبعا ده اثر نفسيا فى رانيا اوى وكانت محتاجة تعوض الاحساس ده فوجهت مشاعرها ليا بس التوجيه ده جه قريب انا اقدر اقولك كده
ناصر: ما يمكن بجد بتحبك انت شوفت نظرتها و دموعها
مازن: لا لانها لو كانت بتحبنى بجد زى ما انت فاهم كنت انا حسيت بكده او كان يبقى من زمان
ناصر ساكت و بيسمعه
مازن: رانيا مفتقدة اوى الامان ومفتقدة احساسها ان فيه راجل جنبها وان باباها مات فجاة و هى محتجاه وكمان حست انها هتخسرنى لما هتجوز ده اللى خلاها بالمنظر اللى هى فيه ده لكن صدقنى هى هتفوق و هتعرف ان اللى بتحس بيه ده مجرد وهم هى عايشة فيه
ناصر: طيب وانا اعمل ايه اروح اقولها بحبك
مازن: لا طبعا اكبر غلط يبقى كده هتخسرها لانها هتبعد عنك رانيا لازم تكتشف كل حاجة لوحدها
ناصر: يعنى اعمل ايه بالظبط
مازن: حسسها بالامان خليك جنبها ووصلها حبك بطريقة غير مباشرة خليك دايما معاها باحساسك و مواقفك صدقنى هتفرق كتير
ناصر: هى مش بتديلى فرصة خالص
مازن: هى هتبقى محتاجاك دلوقتى صدقنى لو انت مش باين ليا انك كويس انا مكنتش اقولك الكلام ده... ده غير ان سمعة والدك كويسة اوى ومعروف انه راجل محترم وانا بحبه جدا وانا بعاملك دلوقتى كراجل لكن والله لو اذيتها او جرحتها او لعبت بمشاعرها مش هقولك هعمل فيك ايه
ناصر: لا والله ماتقلقش انا فعلا بحبها و كان نفسى اخطبها النهاردة قبل بكره بس اللى عرفته حطمنى
مازن: متقلقش ان شاء الله خير
ناصر: انا اسف ومتشكر ومش عارف اقولك ايه
مازن: متقولش حاجة اللى عايزه منك بس انك تحطها فى عينيك
ناصر : دى فى قلبى مش فى عينيا
مازن: ماشى يا عم الرومانسى انا لازم اقوم بقى علشان انا اتاخرت وبلاش تيجب سيرة لحد لا بالى سمعته ولا باللى انت عرفته منى
ناصر: حاضر متقلقش انا هبقى دايما معاك على اتصال لو حبيت استشيرك و صدقنى متخافش عليها
مازن : اتمنى كده اروح بقى اجيبلها حاجة تشربها بدل البهدلة اللى كانت فيها دى هي لسة هنا صح
ناصر حس بالغيرة والاحباط و مازن شاف ده فى وشه لكن فرح منه
مازن بيضحك: يابنى اتقل قولتلك دى اختى و انت بنفسك سمعت ان قلبى مش معاها
ناصر:رانيا روحت البيت اصلا
انا اسف متشكر اوى انا هقوم و شكرا ليك مرة تانية
مازن خرج من الكافيتريا و هو بيبتسم انه على الاقل فهم الدنيا ماشية ازاى وان رانيا فيه حد بيحبها بالطريقة دى دعي ليها من قلبه ان ربنا يهديها و يبين ليها حب ناصر بجد
___________
الاحزان الم فى القلوب اهات من غير دموع جروح مالهاش دوا وده حال الهوا ناس بيقولوا الحب احلام و ناس تقول الحب عذاب ولكن فى النهاية بنمر كلنا بنعمة النسيان كل الم بيبتدى كبير و ينتهى صغير لكن يا ترى النسيان بيجى امتى يوم ما نرضى عن نفسنا ولا لما يرضى الزمان علينا احيانا بنتمنى ننسى و منقدرش واحيانا بنتمنى نفتكر و ماننساش لكن فيه ناس قدرت تنسى و ناس الذكري ليهم هى الحياة وناس قدرهم انهم يفتكروا يمكن نيجى لحظة تضيع فيها الالم و ترجع تانى الابتسامات و مين عارف يمكن الايام تخبى حاجات احلى من الى راح وسنين تعوض الحرمان
هنعرف كل اللي هيحصل الأحداث الجاية
_______
تاني يوم زياد في الشركة بيشتغل
شاهر:الباشمهندس موجود يا ندي
ندي: اهلا يا فندم اتفضل نورت حضرتك اه موجود اتفضل اتفضل
ودخل باباه بس اول ما شاف الباشمهندس ابتسم ابتسامة واسعه اوى فيها حب كبير
زياد: اهلا اهلا ايه النور ده اتفضل يا بابا ندي لو سمحتى قهوة مظبوط
شاهر: ها يا زياد اخبارك ايه و اخبار الشغل
زياد: الحمد لله كله تمام الشركة تمام و فيه تقدم هايل
شاهر: كويس اوي
شاهر بنظره فيها شك : واضح من طريقة كلامك انك فرحان جدا....... هى مين؟؟
زياد بتوتر : هى مين مين
شاهر: اللى مخلية النظرة دى فى عينيك
زياد بيضحك:وايه اللى عرفك كدا
شاهر: شعر راسى الابيض ده مش من قليل يا زياد ها المهم قولى مين هى
زياد: والله يا بابا هى في كلية إعلام وبنت زى العسل جميلة اوى و مؤدبة و هتحبها جدا
شاهر: مش مهم احبها انا طالما واضح ان فيه ناس تانيه بتحبها
شاهر: اه المهم بنت مين
زياد: بنت ناس طيبين باباها محاسب في بنك و عندها اخت صغيرة
شاهر: يعنى ناس عادية
زياد: بابا ناس عادية ناس غنيه مش هتفرق معايا انا مش عايزها علشان فلوسها انا عايزها علشانها هى و بس وبحبها وعايز اتجوزها
شاهر:لا يا بني انا مقصدش كدا لكن أقصد هي بتحبك عشان فلوسك ولا عشانك انت
زياد :لا طبعا يا بابا هي عينيها مليانة و عمرها ما حبتني عشان كدا
شاهر :ماشى يا زياد ربنا يقدم الى فيه الخير انا هقوم اصلى الضهر
زياد : متخليك طيب انت ملحقتش تشرب القهوة
شاهر بص ل زياد :طب و ميار يا زياد
زياد :بابا انت عارف اني خاطبها عشان ماما مش اكتر
شاهر :و حبيبتك عارفة انك خاطب
زياد :لا يا بابا متعرفش
شاهر :شوف يا بني انا انصحك نصيحة لو بتلعب بالبنت دي يبقا تسيبها انت عندك اخت يابني هي اه اتخطبت لكن كما تدين تدان ولو بعد حين
زياد :لا يا بابا انت فاهم غلط انا بحبها ولله لكن مستني فرصة عشان اسيب ميار
شاهر :يبقا تصارح اللي بتحبها و هي اكيد هتفهم كدا
زياد :حاضر يا بابا
شاهر :انا هقوم اصلي و اروح
______________
في المساء
زياد اتصل ب شهد كانت لسة مخلصة
الشيفت
شهد :ايه يا حبيبي
زياد :انتي فين
شهد :انا لسة مخلصة و طالعة وانت فين
زياد :انا برة المطعم
شهد :بجد اه شوفتك
شهد مشيت ناحيته
زياد :يلا نتمشي شوية عند مكان بتاعنا
شهد :طب عايزة ايس كريم
زياد :في التلج ده
شهد:دي احلي حاجة
زياد :بعشق جنانك ده وربنا
استني هروح اشتري ايس كريم و جايلك
________
في فيلا زياد
ريماس كانت قاعدة بتتفرج علي التلفزيون و موبايلها رن
ريماس :ايه يا حبيبي
مازن :روحي عاملة ايه
ريماس :بص يا حبيبي بقا انا زهقانة
مازن :بقولك ايه ما تيجي المسرح
ريماس :بتعمل ايه في المسرح
مازن :مفيش عندي تصوير هناك
ريماس:لكن انت مش بتصور غير برامج ايه غيرت و بقا في مسرح
مازن :لا ابدا ولله ده المنتج كلمني عشان اجي اتابع و لو في أخطاء و كدا هبعتلك العنوان و تجيلي
ريماس :هييييح نفسي اشوفك وانت بتتشغل اوي هغير و اجيلك
_______
ابراهيم نزل هو و شيماء يتفسحوا
إبراهيم بعصبية : بت انتي ايه اللبس ده
شيماء: ماله
إبراهيم: حلو اووي
شيماء خبطته علي كتفه : يارخم
ابراهيم : نفسي بقي تعدي الايام دول انا نفسي تبقي مراتي اووي يا شيمو
شيماء : هو انت حبتنى ازاي
ابراهيم : حبيبتك من قبل ما تتولدي
شيماء : يا بكاش
ابراهيم : والله بجد انا فاكر لما فوفا كانت حامل فيكي وانا كنت فرحان اووي لما كنت اجي اقعد معاهم واقعد ابص علي بطنها وفرحت لما عرفت ان هيجي نونة العب معاها
شيماء : انا بحبك اووي والله ..تعرف لما كنت اشوفك وانت نازل الشارع كنت افضل سهرانه لحد ما اشوفك مروح واطمن عليك انك في البيت
شيماء:كنت بحبك بينى وبين نفسي خوفت لتكون مبتحبنيش
إبراهيم:كنت بضايق اووي لما الاقي حد من زمايلك في الدرس بيبصلك كان بيبقي نفسي اروح انا اخدك واوديكي ومحدش يشوفك غيري ..كنت ببقي عاوز اسمع صوتك واكلمك ..ساعات كنت بتحجج واطلع اكلم مامتك في اي حاجه عشان بس المحك
شيماء : انا فاكره يوم ما طلعت لماما واقعدت تتهته كده وكلامك مكنش مفهوم وكنت ساعتها انا و شهد بنضحك عليك
إبراهيم بيضحك: انتى قلبك اسود اووي وبعدين يرضيكي يعنى تضحكي علي حبيبك كده
شيماء : ما انت كان شكلك مضحك اوي
__________
شهد مع زياد بيتمشوا علي البحر وبياكلوا ايس كريم في عز التلج🍦🍦
زياد : هاتى ادوق
شهد : لا بقرف
زياد : هاتى يا قلبي
شهد: خد دوق
زياد مسك ايد شهد بالايس كريم وباسهـا: طعمه حلو اووي
شهد وشهـا احمر ومعرفتش ترد ولا تعمل اي حاجه غير انهـا تداري وشهـا و بصت الناحية التانية
زياد : انتى اتضايقتي
شهد : ابدا يا حبيبي بس انا خايفه
زياد : خايفه منى
شهد : لا خايفه من الدنيا خايفه اتعلق بيك واصحي فجأه متبقاش معايا
زياد : وانا اوعدك انى طول عمري جمبك
شهد بصتله جامد : زياد متبعدش عنى
زياد : ياريت انتى اللي متبعديش عنى انتى اغلي حاجه في حياتى يا شهد
فجآه المطر نزل عليهـم وغرقهـم
شهد : الله ..انا بحب اووي اجري تحت المطر
زياد :لا بلاش عشان متتعبيش تاني
شهد :لا و النبي يا حبيبي عشان خاطري
زياد : طيب هاتى ايدك
شهد : ليه
زياد : هاتى بس
شهد : اهي بس ليه
زياد : هجري انا وانتى
شهد مسكت ايد زياد وفضـلوا يجرو تحت المطر وقعدوا يلعبوا بالميـا لحد ما المطره هديت شويا و في اللحظة دي طلعوا الموبيل وخدوا سيلفي تحت المطر
______
ريماس دخلت المسرح
اول ما وصـلت مازن شافهـا لكن هي ماخدتش بالهـا انه شافهـا
مازن قـام وكأنه بيمثل و ريماس عنيـها عليه
مازن : بص يا استاذ ماجد انت تيجي كده وتبص في عيون سارة اوي ..وتمسك ايديهـا وتقربهـا منك اووي وتخلي نفسك يقرب من نفسهـا وتقولهـا بحبك والله بحبك اووي وماصدقت ما لقيتك ..انا حياتى من غيرك متسواش ..انا بقيت عايش عشانك بس وبقلب في صورك وبحضنهـا وبنـام انا كنت مستني الصدفه اللي هتجمعنى بيكي والله انتى اللي ياما حلمت بيهـا ..افهمي بقي
ماجد بيضحك : اقولهـا افهمي بقي
ريماس بصتله وضحكت (في سرها) :يا مجنون
مازن : لا انا اندمجت بس ايه ده ريماس انتى هنا من امتى
ريماس : من ساعه ما حضنت البطله
مازن رفع حاجبه: طب والله ماجيت جمبهـا ..بس ايه رأيك
ريماس: في ايه اللوكيشن ..اااه هايل
مازن : يارخمه ...وحشتيني اوي
ريماس :وانت كمان
________
شهد و زياد كانو قاعدين علي الشاطيء
زياد:صحيح يا شهد انتي طموحك ايه
شهد :انا بحب الاكل جدا و نفسي اكون شيف كبيرة
زياد :زي الشيف الشربيني كدا
شهد بتضحك :مش اوي كدا
زياد:طب ليه دخلتي إعلام
شهد :عشان انا نفسي اكون مذيعة لكن بتكسف و شكلي هدخل زي شيماء قسم تصوير او إخراج زي ريماس
زياد :اممممممم بقولك ايه فرصه ومحدش شايفنا كده
شهد بصتله بغضب:مش عاوزه ابوسك انا يا زياد
زياد ساكت
شهد : خلاص خلاص قول عاوز ايه
زياد : كنت عاوزك تغنيلي
شهد : وفرصه واحنا لوحدينا ليه يعنى
زياد: عشان التلوث السمعي اللي الناس هتسمعه ده
شهد :يا رخم ده انا صوتي روعة كده طب مش مغنيه
زياد : طب ايه بس غوري من هنا
شهد : اغور فين
زياد مسك ايديها وحطها علي قلبه : غوري هنا
شهد : انا اصلا جوه ومستربعة
زياد :اخرسي ..غنى وانتى ساكتة
شهد: تحب اغنيلك ايه
زياد : ممممم علشان احنا مع بعضينا
شهد : الله بحبها اوي ..تعالي نغنيها سوا
زياد بيضحك :لكن انا صوتي مش حلو زيك يا حبيبتي
شهد :ماليش دعوة غني معايا عشان خاطري و النبي
زياد :حاضر يلا
استني هشغل الموسيقي بتاعة الأغنية
زياد و شهد :حاجه غريبه الدنيا لها طعم جديد حاجه
غريبه انا حاسس ان دا يوم عيد
شهد:وانا حاسه الدنيا هربانه ويانا في ليل كله
سعاده ليها فرحه حلوه فيعنيه وحلاوتها
سكرها زياده انت عارف ليه
زياد :قولي انتي ليه
شهد :علشان احنا مع بعضينا ولاول مره لوحدينا
ولا حدش بيبص علينا غيرفرحة قلبنا وعنينا
زياد:حاجه غريبه الليل دا كلو كان امبارح بيزيدني
حرمان وقسيه اتغير ليه حتى سوادو له ضي
حنين في عنيه
شهد:والنجمه دي انا عارفاها وتملي بسهر وياها بس
الليله بتلمع اكتر وبتندهلي وانا ساعاها اهي بتشاور
بتشاور اهي بتقرب بتقرب انا دلوقتي ماشيه معاها
حاجه غريبه انت كمان انا شايفاك ماشي مياها
زياد: انتي عارفه ليه
شهد :قولي انت ليه
زياد: علشان احنا مع بعضينا ولاول مره لوحدينا ولا حدش
بيبص علينا غير فرحة قلبنا وعنينا حاجه غريبه
شهد: حاجه غريبه السما بتغني انت سامعها
زياد:أيوة سامعها يتغني مع فرحه حبي
شهد: والموجه اللي هناك دي بترقص
زياد : ايوا شايفها
شهد:دي بترقص على دقة قلبي انت شايف انت
سامنع انت حاسس
زياد :احساس غريب قبل النهار ده ما جربتوش
شهد :وشعور جميل عمري في حياتي ما عرفتوش
ايه اللي جرالنا احنا بنحلم والا بنحلم كلمني قول
زياد:لو كان دا حلم يا ريتو يطول علشان نفضل نحلم كده على طول
والدنيا تفضل هربانه ويانا في ليل كله سعاده ليها فرحه
حلوه في عنيه وحلاوتها سكرها زياده انت عارف ليه
ايوه عارف ليه
زياد & شهد :علشان احنا مع بعضينا ولاول مره لوحدينا ولا حدش
بيبص علينا غير فرحة قلبنا وعنينا حاجه غريبه
شهد و زياد بيضحكو
زياد شد شهد في حضنه جامد
زياد :بحبك اوي يا شهد
شهد :وانا كمان ربنا يخليك ليا
_________
شهد و زياد كانو بيتكلمو في الموبايل بعد ما روحو
شهد : مممم طيب كنت بتعمل ايه بقي
محمود : ولاحاجه فاتح الفيس شوية ..وانتى
نجلاء : كنت بعمل اكلة جديدة
زياد :نفسي اشوفك و انتي بتعملي اكل
شهد :بس كدا حاضر هحققلك حلمك ده
زياد :بحبك
شهد :طيب
زياد بتريقه علي شهد:طيب
شهد : متقلدنيش
زياد بنفس الطريقه : متقلدنيش
شهد : اسكت
زياد بنفس الطريقه : اسكت
شهد: هقفل في وشك
زياد بيضحك: خلاص خلاص
شهد :ماشي
زياد فكر يقولها علي موضوع خطوبته: شهد بقولك ايه عاوز اقولك علي حاجة
شهد: قول
زياد : انا
شهد: قول يابنى
زياد : بصراحة يا شهد من قبل ما اشوفك وانا....
شهد :ها
زياد : انا مممم
شهد : انت مممم
زياد : متضحكنيش طيب
شهد: قول يابنى
زياد : الصراحه يا شهد انا
شهد :قول يا زياد في ايه
زياد : لا كنت عاوز اقولك انتى احسن حاجة حصلت في حياتي ..يلا قومي شوفي وراكي ايه وذاكري
شهد : ربنا يخليك ليا
زياد : يارب
شهد:هخلص مذاكرة واكلمك
زياد : هستناكي
شهد: سلام
زياد: سلام
_________
زياد لنفسه:يارب اعمل ايه مش هينفع اسيب ميار من غير سبب و مش هينفع اقول ل شهد و لو قولتلها هتسيبني يارب خليك معايا
_______
مرت الايام والامتحانات بدات و دايما زياد يطمن على شهد فى كل امتحان و دايما بيشجعها وهى كانت مبسوطة اوى لحد كان فاضل اخر يوم فى الامتحانات تاني يوم
شهد كانت سهرانة بتذاكر و زياد اتصل عليها
شهد: الو
زياد: ازيك يا قلبي
شهد: الحمد لله ازيك انت
زياد: بخير الحمد لله اخبار المذاكرة ايه
شهد: الحمد لله بس المادة دى صعبه اوى تعبت منها بجد
زياد : لالا انا شهد حبيبتى متقولش كده هتقدرى تعديها كويس ان شاء الله هانت فاضل بكره وبس
شهد: اه بجد مش بحلم بحاجة غير ان يجى بكره زهقت اوى
زياد :ماشي يا قلبي ربنا معاكي ...شهد
شهد :ايه
زياد :بحبك
شهد: وانا كمان
زياد: ايه قولتي ايه مسمعتش
شهد: ها لا مفيش بحسبك بتقول هروح انام يلا سلام بقا
زياد بيضحك ماشى يا قلبي مش هغلس عليكى دلوقتى بس اعملى حسابك بكره هعرف قولتي ايه
________
تانى يوم
راحت ريماس اللجنة شافت شهد و شيماء واقفين بره بيراجعوا و خايفين
ريماس: صباح الخير
شيماء و شهد: صباح الخير
ريماس : عاملين ايه المادة الزفت دى قرفتنى
شهد: مين سمعك انا حاسة انى هحط الكلام جنب بعضه يمكن يركب مع اي حاجة
شيماء: يلا بسرعه اللجنة هتبتدى
دخلوا الامتحان والامتحان الحمد لله جه متوسط بدوا يحلوا و بعد الامتحان خرجوا من اللجنة ووقفوا فى الكلية شوية
ريماس: الحمد لله انا قبل ما اقرا ورق الاسئلة كنت حاسة انه هيغمى عليه
شيماء: جت سليمة المرة دى المهم خلصنا و يحلها ربنا بعد كده
شهد: اه والله بقولكم هتعملوا ايه
ريماس شافت دكتور آدم ندهت عليه
آدم بصلها :أيوة يا ريماس ازيك
ريماس :ايه يا دكتور حضرتك مبقتش تسال من يوم الرحلة و سبتنا و مشيت
ادم بحزن:عادي يا ريماس عن أذنك ورايا محاضرة دلوقتي
ريماس حست انه زعلان عشان اتخطبت :ماشي يا دكتور اتفضل عشان متتاخرش
___________
و رجعت للبنات تاني
شيماء حست ان ريماس متضايقة غيرت الموضوع:ها هنروح فين
شهد: الاول الغدا وبعدين بقى اعملوا اللى عايزينه تيجى نروح سينما بس لازم بدرى علشان عندى شيفت
في اللحظة دي وصل زياد الكلية وشافهم واقفين
زياد :ها. .... عملتو ايه
شهد:الحمدلله الامتحان كان سهل
زياد :الحمدلله
هروح اجيبلكم حاجة تشربوها و راجع شكلكم مرهق جدا
____________
عند آدم في المدرج كان بيشرح
بنت بتكلم صاحبتها
.....:انا خايفة اوي الدكتور ده يقفشني يكفيني يعرف اني جاية معاكي يا سما
سما:يا بنتي متخافيش مش هيعرف و كنتي هتفضلي قاعدة برة يعني لوحدك و كمان عشان خالتك عايزاكي و قالتلي لازم دينا تيجي معاكي
دينا :انا بسببك مشرحتش آخر حصة عندي في المدرسة
(دي ميس دينا اللي بتدرس لغة عربية ل كريم و ملك )
آدم بعصبية :البنتين اللي في اخر البينج بيتكلمو
دينا بصت ل سما
ادم :أيوة انتو قومو اقفو
سما :انا اسفة يا دكتور آدم ولله بجد مش هتتكرر تاني
دينا ساكتة و خايفة يعرف أنها مش معاهم
ادم :انتي اول مرة اشوفك
دينا :انا
ادم :أيوة انتي انتي منقولة جديد ولا ايه
دينا بتوتر :انا مخلصة كلية و مش في إعلام لكن حضرتك مع بنت خالتي
ادم بعصبية:ليه هي رحلة
و فجأة
تفتكره آدم هيعمل ايه في ميس دينا
التعليقات على الموضوع