احببت طباخة💠الحلقة 22💠
الحلقة 22 رواية احببت_طباخة
وقفنا عند
كان في ولد واقف بيبص علي ملك و هي كانت جميلة جدا
و راح عندها
.....:ازيك يا عسل
ملك :نعم في حاجة
.....:هو انتي اسمك ايه
ملك مردتش عليه
.....:بس شعرك حلو اوي و جميل
و مسك شعرها
في اللحظة دي ايجا كريم و شد الولد و سحب ايد ملك
كريم بعصبية:انتي ازاي تسيبيه يمسك شعرك كدا
ملك :انا مش خليته يمسكه يا كريم هو بيقولي شعرك حلو
كريم : اقعدي هنا و متتحركيش فاهمة
كريم راح ناحية الولد
كريم ضربه بالبوكس في وشه :انت ازاي تمسك شعرها
........:انت قد القلم ده
كريم :اه قده و قد ده كمان
كريم ضربه بالبوكس في وشه
......:كدا طيب انا هعلمك ازاي تضربني كدا
و ضربه بالبوكس في وشه و كريم وقع ملك جريت عليه
ملك بخوف :كريم ... كريم قوم ملكش دعوة بيه يلا تمشي
كريم :روحي اقعدي مكانك يا ملك ملكيش دعوة
ملك :يا كريم ده أكبر مننا ممكن يضربك تاني يلا يا كريم و النبي
في اللحظة دي دخلت ريماس و مازن و شافو كريم واقع علي الارض جريو عليه
ريماس :كريم مالك في ايه حصل يا ملك
ملك :الواد ده ضربه
مازن :انت ازاي تمد ايدك عليه انت اتجننت
.....:هو اللي بدأ
مازن :اتفضل امشي من هنا
مازن سند كريم و قعدو في الاستراحة
ريماس :ممكن اعرف بقا ايه اللي حصل يا كريم
ملك :انا هحكيلك
___________
عند شيماء و إبراهيم اتصدمو لما شافو آدم ساند وشه علي أيده و بيعيط
راحو ناحيته
آدم لما شافهم قام و مشي بعيد عنهم
إبراهيم و شيماء مشيو وراه
ابراهيم: يا ابنى اقف بس
آدم: إبراهيم ارجوك سيبنى انا محتاج ابقى لوحدى
شيماء :يا دكتور خليك بس ولله صدقني احنا كلنا بنحبك انت عايز تمشي ليه
ابراهيم:للدرجة دى بتحبها
آدم بقت كل حاجة جواه مكسورة : قول للدرجة دى بتعشقها
كان نفسي تحس بيا بجد و توافق و اقولها قد ايه بحبها قد ايه محتاج ليها من اول يوم شفتها فين وهى في الجامعة و مكسوفة وانا حاسس انى بحبها لحد متاكدت اني فعلا بحبها وانا بشوفها كل يوم انا كنت بعيش احلم و انام باليوم الى ربنا يجمعنى معاها بيت واحد حلمت كتير اوى بس الظاهر ان حلمى مكتوب عليه انه يبقى مجرد حلم و غيري يحققه
شيماء: للدرجة دى انا مكنتش متصورة انك بتحبها للدرجة دي
آدم و دموعه نزلت منه: قلبى واجعنى اوى بجد قلبى واجعنى دى حلمى مش متخيل انها تبقى لغيرى واحد تانى يبقى احق بيها منى ازاى ازاى
شيماء حست بيه لما ابراهيم عمل فيها مقلب كان نفس إحساسها
ابراهيم: خلاص يا دكتور هون على نفسك ان شاء الله ربنا مش هسيبك وانت طالما بتحبها الحب ده كله اتمنالها الخير وهى تستاهل كل خير
آدم : انا مش زعلان منها انا بس مش متخيل انها مش هتبقي ليا
إبراهيم: عارف انت قوى يا ادم و عارف انت قد ايه ممكن تستحمل و هتعدى و محدش بيموت من الحب
ادم: ابراهيم الله يخليك روحلهم و متقولوش اى كلمة لاى حد وقولولهم جالى تليفون مهم وانى واقف بعيد بخلصه شوية كده بس اهدى و بعدين ابقى اجيلكم
شيماء: حاضر هنسيبك لوحدك وهنرجعلك تانى
ومشى شيماء و ابراهيم و سابو آدم لوحده
ادم لنفسه:قلبى مكنش مطمن كنت حاسس ان مازن بيحبك
_____________
عند زياد و شهد
شهد:عايزة ادخل بيت الرعب
زياد :طب هتخافي
شهد :لا انا بحب الرعب اوي و عمري ما هخاف
و حياتي عندك يا زياد عايزة أدخله
زياد :ماشي بس هندخله سوا
شهد :ماشي
_______
عند كريم و ملك
ريماس :برضو يا كريم غلط اللي عملته ده مكنش لازم تضربه كان ممكن تروح فيها
كريم بعصبية:اومال اسيبه يلمس شعر ملك و اسكت
مازن بشك:كريم انت مالك بتزعق ليه
كريم :عشان انا معملتش حاجة غلط و محدش يلمس ملك ولا يضايقها
ريماس :كريم انت بتحب ملك
كريم و ملك ساكتين
كريم بص ل ريماس :اه بحبها
مازن :ايه الهبل ده يا كريم انتو لسة صغيرين يا بابا ده انتو لسة مطلعتوش من البيضة
ريماس :يا كريم يا حبيبي لا ده حب طفولة و هيروح لحاله مش حب ده
ملك اتكسفت و سابتهم و مشيت ناحية بطوط و ميكي ماوس
ريماس و هي باصة علي ملك :كريم صدقني انتت لسة صغيرين بكرة تكبرو و هتشوف غيرها و احلى منها و هتحب
كريم :مفيش احلى من ملك
مازن :متقصدش يا كريم بس انت لسة صغير يا حبيبي لما تكبر أن شاء الله ساعتها اخطبها و حبو بعض و صدقني احنا مش هنقول لحد بس ممكن تنسي الموضوع ده بقا لحد ما تكبر
__________
عند شهد و زياد
كان زياد قطع تذاكر و داخلين بيت الرعب
و ركبو العربية و دخلو
شهد اول ما شافت الهيكل العظمي
زياد :شهد بصي العفريت ده
شهد صرخت جامد و مسكت زياد جامد من قميصه و استخبت في حضنه
و اول ما خرجو
زياد :مش هخاف انا بحب الرعب اوي جدا يعني
شهد خبطته علي صدره:علي فكرة انت اللي خوفتني و انت رخم اصلا انا بكرهك
زياد بيضحك :ما تيجي ندخل تاني
شهد :اتلم يا زياد يلا نشوف العيال فين عشان نروح
_________
اما شيماء و إبراهيم كانو قاعدين بيفكرو في دكتور آدم
إبراهيم :آدم صعبان عليا اوي
شيماء :وانا كمان ولله ربنا يصبره يارب و يعوضه
إبراهيم :حبيبتى ربنا مفيش حد اكرم منه وكل شىء هيتصلح و متعرفيش ايه اللى هيحصل بكرة آدم ينسي و كل شىء هيتظبط
شيماء : يااااااااااااارب
_______
زياد اتصل بيهم و اتجمعو
و حضروا الاكل و بداؤ ياكلو و قضو اليوم بسعادة و مرح و ركبو العربية و روحو
_____
تاني يوم كان زياد مع شهد في الكلية
زياد : دودو انا جبتلك ملزمه المراجعات اهي ..ودي ملزمه فيها كل الامتحانات السنين اللي فاتت والاسئله المهمه واللي بتتكرر في الامتحان ..ودي ملزمه من الدكاتره..فيها اسئله الامتحانات بردو
شهد : ميرسي يا زياد مش عارفه من غيرك كنت عملت ايه
زياد : عدي الجمايل ..زاكري كويس يا دودو
شهد : ادعيلي
زياد : بدعيلك يا حبيبتي ولله
يلا عشان اوصلك عشان تلحقي الشيفت بتاعك و متتاخريش علي شغلك
________
زياد كان داخل الفيلا وهو داخل شاف ميار في الجنينة قاعدة مستنياه
زياد :ميار ازيك
ميار:كويس انك فاكرني
زياد:تشربي ايه
ميار:مش عايزة اشرب ممكن أفهم بقا هتفضل كدا لحد امتي ده انت لا بترد علي موبايلي ولا علي الواتس ولا عارفة اشوفك
زياد :ميار انا حقيقي مشغول الفترة دي جدا
ميار بصت علي ايديه :زياد فين الدبلة
زياد بارتباك و توتر:ها. .. لا اصل كنت باخد شاور و باين نسيتها علي الكوميدينو فوق هبقي البسها
ميار بحزن:و كمان بتقلعها
زياد :ميار انا داخل انام عن أذنك
و سابها و طلع
_________
مر شهر علي ابطالنا و كان فاضل أسبوع علي الامتحانات
بالليل اتصل زياد علي شهد
زياد :ايه يا حبيبتي ازيك
شهد :الحمدلله وانت عامل ايه
زياد:بتعملي ايه
شهد :بذاكر اهو
زياد :ماشي يا قلبي انا هسيبك تكملي مذاكرة
اه صحيح بكرة في امتحان انا عامله ليكم انتي و ريماس و شيماء
و اللي هينقص درجة هيتضرب فاهمة
شهد :نعم ... لا طبعا انا هذاكر اهو ولله هذاكر كويس باي بقا
زياد بيضحك :يلا ربنا معاكي يا حبيبتي
___________
الصبح فى بيت شهد قامت و هى مش قادرة تفكر غير فى اللى حصلها الفترة اللي فاتت حاولت تفكتر كل لحظة قضتها معاه حاسة انها فى حلم جميل ونفسها ميخلصش خرجت من اوضتها شافت باباها ومامتها على الفطار
شهد: صباح الخير يا قطاقيط
امل: صباح النور يا عيونى
عبدلله: صباح الخير على حبيبة ابوها
امل: وامها لو سمحت
شهد بتضحك:ايوة اتخانقوا اتخانقوا انا المستفيدة فى النهاية
عبدلله: طيب تعالى يا لمضة هانم افطرى
قعدت شهد تفطر وهى سرحانه
عبدلله: شايفك يعنى سرحانه مالك يا دودو
شهد: ها.... ابدا يا بابا مافيش
عبدلله بيبصلها: لا اكيد فيه
شهد :اشمعنا يعنى
عبدلله :مش عارف بس حاسس ان فيه حاجة
المهم هتعملي ايه انهاردة
شهد: ابدا هنروح انا و شيمو عند ريماس عندنا مذاكرة
عبدلله :طب انا نازل
شهد :ماشي يا بابا ترجع بالسلامة
امل: ها يا دودو هتنزلى امتى
شهد: هروح اغير هدومى و انزل على طول
_______
لبست شهد و نزلت ل شيماء خبطت وفتحلها وفاء
وفاء :دودو عاملة ايه
شهد :تمام يا فوفا وحشتيني ولله
اومال البت شيمو فين
وفاء: ادخليلها جوة صحيها
دخلت شهد اوضة شيماء
شهد : شيمو يا شيمو
شيماء:ايه يا شهد عايزة عايزة انام
شهد: تنامى مين يا حجة عندنا امتحان كمان اسبوع يلا بينا هعملك نسكافيه علشان تفوقى على ما نروح لريمو
وسابتها و دخلت المطبخ
بعد 10 دقايق كانت شيماء جهزت
شيماء: شهد انا جاهزة يلا
شهد : طب و النسكافيه انا عملته اهو
شيماء : مش مشكلة دلوقتى نشربه مع ريماس
وخرجوا الاتنين و راحوا لريماس
______
فى فيلا زياد
مازن كان في الحديقة عند ريماس و اتصل عليها نزلت
ريماس: صباح الخير
مازن: صباح النور يا ريمو
ريماس:وحشتني
مازن :وانتي كمان يا روحي
و في اللحظة دي موبايل مازن رن و كانت رانيا
مازن :ثواني يا روحي هرد على روكا
ريماس اتضايقت :طيب رد
مازن:روكا ازيك
رانيا :تمام الحمدلله هتيجي امتي انا ظبطت اللوكيشن خلاص
مازن :يعني ساعة كدا و اكون هناك
رانيا :تمام بس متتاخرش
مازن :حاضر يا روكا
سلام
و قفل معاها و لاحظ ان ريماس مكشرة و زعلانة
مازن :حبيبة قلبي مالك مكشرة ليه
ريماس:مازن انت ايه بينك و بين رانيا
مازن :نعم انتي بتقولي ايه رانيا دي اختي و صاحبتي و متربيين مع بعض اصلا
ريماس :و هي
مازن :ريماس .... انا و رانيا صحاب و اخوات بس
ريماس :اه ماهو باين بتقولها يا روكا
مازن :يا حبيبتي انا متعود اقولها كدا و كل صحابنا بيقولولها يا روكا عادي يعني فوكك بقا من رانيا و غيرها
ريماس بصتله :هو في غيرها كمان
مازن :ريماس اتعدلي بقا في ايه مالك
مازن حاول يلطف الجو من الغييرة و الزعل اللى هى فيه ده: لا يا حبيبتى انا مش عايز كده وشك ياخد على التكشيرة انا عايز فرفشة وضحك انتى قدامك اسبوع وتمتحنى و اسبوعين امتحانات و بعدين نحضر للخطوبة ولا عايزاهم يقولوا حبيبة مازن وحشة و كشرية
ريماس :متقلقش كله هيبقى تمام
ثبتني ثبتني يا عم
مازن :انا اقدر برضو ده
بعد 5 دقايق كانت شهد و شيماء وصلو عندهم و زياد كان لسة واصل عندهم
شهد: صباح الخير على الحلوين
زياد:صباح النور يا قلبي
ريماس: صباح الخير يا شهد ازيك يا شيمو
رانيا: الحمد لله ..... ازيك يا مازن ...ازيك يا زياد
زياد :الحمدلله تمام
مازن : الحمد لله انا لازم امشي ورايا شغل كتير
ريماس:خلي بالك من نفسك
شهد عايز مذاكرة بجد و عايز إمتياز ها مش اقل من كدا
شهد عملت حركة العكسرى وهى بتعظم : تماااااام يا فندم
زياد ضحك
شهد: ايوة كده انا هعرف اذاكر يلا سلام بقى علشان متتاخرش سلام يا مازن
وطلعت مع ريماس و شيماء وهو فضل يبص عليهم و هما طالعين
زياد لنفسه: ضحتك الى بشوفها دى غيرت ليا كل حياتي و خلت حياتي ليها معني تاني
دخلوا الاوضة وطلعوا الكتب و فاطمة جابتلهم العصير و كانوا بيتناقشوا فى جزء فى المنهج
____________
عند رامي و احمد في الشركة
احمد :خلاص يا رامي هتسافر
رامي:مالك يا عم هو انا ههاجر انا رايح الغردقة اتابع المشروع الجديد زي ما خالي طلب مني و هرجع تاني و بالمرة انسي اللي انا فيه
احمد :رامي انت لسة بتحبها
رامي :هو انا كنت نسيتها اصلا
احمد :صحيح يا رامي انت ازاي بتحب ميار رغم أنها كدا
رامي :كدا ازاي يا احمد تقصد ايه
احمد :يعني بحسها تافهة كدا و مش بتفكر في حاجة غير لبسها و خروجاتها و بس
رامي :عشان ميار من جواها كويسة و نضيفة هي اه تافهة لكن انا بحبها فعلا
________
وكملوا البنات المذاكرة لحد وقت الظهر
شهد :اه انا دماغى هتقف لا بجد ريست شوية
ريماس: يا بنتى هو احنا لاحقنا ده كلهم 5 ساعات
شهد: بجد دماغى واقفة اوى مش قادرة
شيماء :أيوة صح ناخد ريست بقا
شهد :بقولكو ايه ما تيجو نرقص نفسي ارقص زهقانة
شيماء :طب ولله فكرة جامدة يلا شغلي اغنية يا ريمو
ريماس :تحبو تسمعو ايه
شهد :محمد منير_ في عشق البنات
ريماس فتحت اللاب و شغلت الأغنية
قالتلى بريدك يا ولد عمى
تعالى دوق العسل سايل على فمى
على مهلك على ما بحمل الضمى
على مهلك على دة انا حيلة ابوى وامى
نعناع الجنينة المسقى فى حيضانة
شجر الموز طرح ضلل على عيدانة
***
فى عشق البنات انا فقت نابليون
طرمبيلى وقف عجلاتة بندريوم
قدمت شكوتى لحاكم الخرطوم
اجل جلستى لما القيامة تقوم
***
سألت ايش الاسم قالو البنات نعمات
ام صبعين رطاب والباقى بلح امهات
يوم ندهت علينا بيدها الناعمات
قلت نعمين تلاتة واربع خمس نعمات
***
خضارك زى جنينة وطرحت تينات
عودك فى مشيتة عاملّو منحنيات
عضامك لينة لايقين على التنيات
تانية واتنين تلاتة واربع خمس تنيات
***
يا ام عقدين دهب تلاتة وتلاتين طارة
ما عيناً رأت ما وردت على بكارة
يوم طلت علينا الكل وقعو سكارى
سقطت فى الحليب ما بينتلو عكارة
***
يا ست البنات ماحلى الجمال الفيكي
مهما اعمل واسوّي ف الوصف ما يكفيكي
الروح والجسد تاخدي وما يكفيكي
بسْ خلي العيون علشان تعاين فيكي
***
رايد اكلمك كل ساعة ف وَسَعتنا
من بعد الضُهُر نركب ضهَر ناقتنا
قالت نعمل ايه لو العرب شافتنا
قولي وليد عمي وساقته جار ساقتنا
***
قالت تَقصُد ايه يا اللي انت بتغازَلنا
واقف في طريقنا ان كان طلعنا نزَلنا
مواعدين بعضَنا من صغرَنا وما زلنا
ما نفوت بعضنا حتى التراب يعزلنا
***
نعناع الجنينة المسقي في حيضانه
شجر الموز طرح ضلل على عيدانه
شهد و شيماء كانو بيرقصو و ريماس قاعدة علي السرير
شهد راحت ناحيتها تقومها
ريماس :مبعرفش ارقص
شهد :قومي بس هعلمك
ريماس:مش بعرف ولله
شهد :اعملي زينا بصي هتتعلمي ولله يلا بقا
و بدأت ترقص معاهم
و الأغنية خلصت شهد غيرت الأغنية كانت
شيماء موبايلها رن و كان إبراهيم نزلت تكلمه
اللى تعبنا سنين فى هواة عامل نفسة مايعرفناش
بعد العمر دة كلة معاة فاتنا وقال راجع ومجاش
وانا دلوقتى لما بقابلوعينى فى عينو ما نزلهاش
حتى ازيك مستخسرها مستكترها ما بيقولهاش
ياللى فى حبو ضيع قلبى ضيع عقلى ورحت بلاش
شفتو ازاى فى قلوب خاينين شفتو ازاى
ما فيهمش حنين ولا القسوه ده طبعو حبيبى
وانا من حيرتى ولهفة قلبى بظلم بس قلوب تانيين
حتى ازيك مستخسرها مستكترها ما بيقولهاش
ياللى فى حبو ضيع قلبى ضيع عقلى ورحت بلاش
و شهد كانت بتغني مع الأغنية و هي اللي كانت بترقص
و زياد كان لسة راجع من شغله و الباب كان مفتوح شهد بترقص و بتغني
حتى ازيك مستخسرها مستكترها ما بيقولهاش
ياللى فى حبو ضيع قلبى ضيع عقلى ورحت بلاش
زياد غمز ل ريماس تسكت و ريماس مسكت نفسها من الضحك
زياد وقف قدامها و هي بتبص وراها شافته صرخت جامد و اتخضت
زياد بيضحك و قفل الأغنية
وقف قدام شهد
زياد بعصبية:ايه المسخرة اللي انتو عاملينها دي و ايه حتي ازيك مستخسرها و ايه الاغاني دي و الرقص ده هي قد المذاكرة يا شهد هي دي المذاكرة يا ست ريماس
ريماس :ماليش دعوة احنا كنا بنذاكر و شهد قالت عايزة أرقص
شهد بصتلها:طب كنتي هاتيها واحدة واحدة مش كدا
ريماس :وانا مالي انتي اللي قولتي
زياد :طيب شيماء فين
شيماء كانت وقتها داخلة الأوضة
شيماء :انا اهو
زياد :حضروا نفسكو للامتحان بقا يلا و اللي هتغلط هتتضرب عصاية وانا مجهزها
شهد :تضرب ازاي يعني مش فاهمة
زياد :انتي تسكتي خالص فاهمة
هروح اجيب الورق و اجي و كل واحدة امتحان غير التانية
زياد خرج و بعد دقيقتين جاب الورق و حرك الكرسي بتاع المكتب و قعد قدامهم و كل واحدة جابت كرسي و قعدو قدامه و حط قدام كل واحدة ورقة
زياد :كل واحدة في ورقتها و محدش يبص جمبه
شهد كانت في النص ما بين شيماء و ريماس
زياد جاب ل شهد امتحان صعب كان هيديه ب ريماس لكن غير رأيه عشان يعاقبها و امتحان شيماء و ريماس كان سهل جدا
شهد بصت في الورقة و هي مش عارفة حاجة و بصتله
زياد :حلي
شهد :الامتحان صعب اوي
زياد :ماليش دعوة ما هما بيحلو
شهد بصت ل شيماء :شيمو. .. عارفة السؤال ده يا بت بصي
شيماء :لو سمحت يا مستر زياد شهد عايزة تغش مني
شهد :يا بنت الجزمة يا شيمو
زياد بعصبية:شهد بصي في ورقتك
شهد بصت ل ريماس و كانت بتحل بسرعة لان امتحانها كان سهل :ريماس و النبي مش عارفة السؤال التاني
ريماس بصت ل زياد :مستر زياد انا مش عارفة اركز شهد كل شوية تسألني
شهد :ماشي يا ريمو شكرا حتي انتي
زياد :و بعدين يا شهد ما تحلي
شهد :حاضر
شهد بدأت تحل و كانت سابت نص الورقة فاضية لأنها مش عارفة نص الأسئلة و الامتحان كان صعب جدا
زياد :فاضل 5 دقايق
ريماس :انا خلصت يا مستر اتفضل
شيماء :وانا كمان
زياد بيصحح ورقهم و كانو حالين كلو صح
زياد :برافو عليكم مفيش ولا غلطة
شهد وقتك انتهي هاتي ورقتك
شهد :بس انا لسة مخلتصش
زياد :هاتي ورقتك قولت
شهد عطتله الورقة و كان نصها فاضي
زياد رفع حاجبه و بصلها :ايه ده نص الورقة متحلش
شهد :معرفتش احل الباقي
زياد :ليه
شهد :الامتحان صعب يا زياد
زياد :افتحي ايدك
شهد :لا
ريماس :طب يلا يا شيمو ننزل نجيب حاجة ناكلها عشان جعانة بعد اذنك يا مستر
زياد :اتفضلو
شهد :لا و النبي استنو
شيماء :شهد حبيبتي قولتلك تذاكري مسمعتيش الكلام قولتي زهقت عايزة أرقص و اسمع اغاني
شهد :وانتو مش رقصتو معايا
ريماس :ايه احنا لا طبعا لا سمح الله عيب اللي بتقوليه ده
زياد :انزلو تحت
و نزلت ريماس و شيماء
زياد: افتحي ايدك
شهد :يا زياد بطل رخامة بقا
زياد بنرفزة:قولت ايه انا افتحي ايدك
شهد خافت منه :لا
زياد سحب ايدها جامد و ضربها بالعصاية مرة
و شهد دموعها نزلت
زياد حس بالذنب
زياد :بتعيطي ليه دلوقتي
شهد :عشان انت ضربتني
زياد بيمسح دموعها :مش انتي اللي غلطتي يا حبيبتي
شهد :و تضربني
زياد :شهد انا قولت تذاكري مش تلعبي و ترقصي و تغني
شهد :انا اسفة
زياد :اللي حصل ده ميحصلش تاني فاهمة
نتلم بقا و نذاكر
شهد :حاضر
زياد :تعالي بقا عشان اراجعلك شوية حاجات و اسألك فيهم
و بدأ زياد يذاكرلها و يراجع معاها
_______
عند مازن في القناة بعد ما خلص تصوير البرنامج
مازن :يا جماعة عايز اقولكم علي خبر مهم جدا
انا هخطب قريب جدا ريماس بنت خالتي بعد امتحاناتها
الكل :مبروووك الف مبروك يا استاذ مازن
ناصر :مبروك يا مازن
و حضنه ناصر
رانيا ساكتة و مبتنطقش
مازن :الله يبارك فيكو ايه يا روكا ساكتة ليه
رانيا :ها .. لا ابدا اتفجات مبروك
و سابتهم و دخلت جوة في أوضة الأعداد و التجهيزات و كانت فاضية
مازن حس ان في حاجة دخل وراها
و ناصر كان شاكك ان في حاجة و مشي ورا مازن
مازن دخل الأوضة و بص ل رانيا
رانيا بصت ل مازن وعيونها مليانه دموع
مازن: مالك بس في ايه اهدي
رانيا : قلبى اتوجع اوى يا مازن
مازن : من ايه
رانيا: قلبى كان حاسس انك بتحب ريماس بس عمرى ما صدقت قولت عادى باعاملها زى ما بتعاملنى بس كان جوايا احساس معرفتهوش
دلوقتى عرفته انا مستحملتش لما قولت انك هتخطبها
مازن: رانيا انتى بتقولى ايه انا مش فاهم حاجة
رانيا:مازن انا بحبك.... بحبك من زمان من يوم ما بابا مات وانت اللي مسؤول عننا و بتاخد بالك مني و من ماما و خالد دايما
مازن اتصدم :بتحبيني ؟
و فجأة
تفتكره رد فعل مازن ايه و يا تري ايه اللي هيحصل
التعليقات على الموضوع