احببت طباخة💠الحلقة 21💠
الحلقة 21 رواية احببت_طباخة
وقفنا عند
في يوم ريماس كانت برة بتشتري حاجات و هي راجعة الفيلا
شافت كذا حد غريب في الفيلا و ناس شكلها متلخبط و دادة فاطمة جريت عليها
فاطمة :ريماس الحقي
ريماس بخضة :في ايه يا دادة
فاطمة :زياد العربية اتقلبت بيه و بيقولو حالته خطيرة
ريماس بنرفزة: لا زياد متقوليش كدا انتي بتكدبي عليا انا لسة سايباه الصبح هو اكيد فوق
و جريت علي جوة تشوفه
و هي بتصرخ:زياااد
دخلت ريماس الفيلا اتصدمت و تنحت لما شافت الفيلا متزينة بالورد و البلالين الدبل فيس و مكتوب بالورد ( بحبك ) (تتجوزيني يا ريماس )
ريماس كانت متنحة و شافت مازن قرب منها و باس ايديها
ريماس :ابيه زياد فين حصله ايه
مازن شاورلها علي زياد كان واقف بعيد
ريماس جريت ناحيته :ابيه انت كويس حصلك حاجة
زياد :يا حبيبتي انا كويس مالك
ريماس :و ايه اللي موجود ده و الورد و البلالين و الحاجات دي كلها مين عاملها
مازن ايجا عندها
مازن :حبيبتي بصراحة كدا كنت عاملك مفجاة و
و لسة بيكمل كلامه
ريماس خبطته جامد علي كتفه و بالقلم علي وشه
ريماس بعصبية :انت اتجننت يا مازن ازاي تخضني علي زياد و تقولي سوري يعني
مازن بيحسس علي وشه مكان القلم
مازن :انتي قد القلم ده
ريماس :يعني انت ايه اللي عملته ده
مازن :طب علي فكرة بقا دي فكرة زياد
زياد :انت بتدبسني انا ليه يا عم مش انت اللي قولتلي اعمل مفاجأة متخطرش علي بالها
ريماس :يعني انتو بتضحكو عليا انتو اصلا رخمين
بعدها رباب و شاهر و فاطمة ايجو ناحيتهم و بيضحكو
ريماس :وانتو كمان كنتو عارفين
كلهم :اه دي أوامر زياد و مازن
ريماس :بس انا مش فاهمة حاجة حد يفهمني بقا
مازن :انا هحكيلك
فلاش باك
امبارح كنت جاي عندكم و انتي كنتي نايمة و كنت راجع بالليل
و زياد كان لسة راجع من برة و خالتي و جوز خالتي كانو قاعدين
و دادة فاطمة قالتلي تحضرلي العشا عشان لو جعان
مازن : انا مش جعان اقعدى يا خالتو وانت يا زياد فوق لى كده
وبعدين وقفت و ظبطت الجاكت اللى كنت لابسه و ظبطت الكرافتة ووقفت قدام جوز خالتي
عمى يسعدنى و يشرفني انى اطلب منك ايد ريماس بنت خالتي
زياد اتعدل فى قعدته على طول وهو بيبصلي و عمي و خالتي بصوا لبعض بمنتهى السعادة
مازن : ها يا عمى قلت ايه
شاهر: تفتكر يعنى هقول ايه يا مازن انا موافق طبعا بس المهم رأي ريماس
مازن :بس انا عندي فكرة انا بفكر نفجاها ب كدة
زياد :ازاي يعني
مازن :مش عارف بس فكر معايا
زياد سكت دقايق :اممم لقيتها
و اقترح علينا الحل ده
و اتفق مع الكل علي اننا نخضك و بعدين نفرحك
______
ريماس اتصدمت من اللي سمعته
و راحت ناحية زياد
ريماس بعصبية :انت مجنون انا كنت هموت فيها هي دي المفجاة يا زياد
زياد بيضحك :ماليش دعوة هو اللي وافق
ريماس :انتو اصلا رخمين وانا بكرهكو
شاهر :طب يا حبيبتي انتي موافقة علي مازن ولا لا
ريماس بقا وشها عبارة عن طماطم من الكسوف
وحاولت تجرى على بره جرى وراها زياد ورجعها
ريماس ساكتة مبتنطقش
شاهر: يعنى مش موافقة انا قولت كده برده
مازن كان هيغمى عليه و ريماس اللي تنحت وفاضل شوية و دموعها تنزل
مازن: ليه مش موافق يا عمى هو انا مش كويس
شاهر بيبص ل زياد و رباب و ضحكوا
شاهر: ها يا ريماس موافقة ولا لا
ريماس هزت دماغها ب اه واستخبت فى حضن زياد
شاهر: طبعا يا حبيبى موافق هو انا هلاقى لريماس احسن منك تعالى فى حضنى
وجرى عليه مازن و حضنه وطبعا ريماس كانت مكسوفة
و رباب راحت ل زياد : سيبلى ريمو شوية مبروك يا حبيبتى الف مبروك ربنا يتمملكم علي خير
و حضنتها
راح مازن على خالته وحضنها وقالت له
رباب: مبروك يا مازن الف مبروك يا حبيبي خلى بالك من ريماس دى واحدة بس
مازن: دى فى عينيا يا خالتو
زياد : ياااااه كبرتى يا ريمو الف مبروك يا حبيبتى
ريماس بكسوف : الله يبارك فيك يا زياد
زياد: مبروك يا مازن اخيرا نطقت ده انا كنت فاكر انك هتفضل ابو الهول كده على طول
مازن: ايه ده وانت عرفت من فين اذا كان هى لسه عارفة من كام يوم
زياد: ياابنى كان باين عليك بس كنت غبى شويتين و مش عارف
مازن: الله ايه ده هو كان باين كده وانا اخر واحد اعرف
زياد: تصدق اه
ريماس اتكسفت:يعني انتو كنتو عارفين
زياد :طبعا
مازن: لا بقى ده انا غبى فعلا
زياد: الحقى يا ريمو لا لالالا انا مش موافق انا مجوزش اختى لواحد كده
بلاها الجوازة دى يا بابا
مازن شد ريماس من ايديها وخباها وراه: ايه حيلك انت بتقول ايه ريمو خطيبتى خلاص
زياد بيضحك: ايه يا عم بالراحة علينا شوية مبروك يا باشا زهقتونى
مازن: الله يبارك فيك
شاهر: تعالى يا ريمو وراحت ريماس اترمت فى حضن باباها
مبروك يا حبيبتى مازن ده تحطيه فى عينيكى وتحافظى عليه
مازن: ايوة ياعمى وصيها وصيها
شاهر: وانت كمان يا مازن اوعى فى يوم تزعلها
ريماس بتبصله: ايوة اسمع كلام بابا
زياد: اشمعنى فى دى نطقتى
ريماس اتكسفت
رباب: حرام عليك يا زياد كده كسفتها
مازن: ملكش دعوة بيها يا زياد ومتخفش يا عمى دى فى عينيا من جوه
رباب : يا فاطمة يا فاطمة
فاطمة : نعم يا هانم
رباب : هاتى الشربات بسرعه
فاطمة اللى حست ان الموقف فيه فرح راحت زغرطت : للولوولولولولولوولولي
طبعا الكل كان مبسوط و فرحان وبيتكلموا و هما مبسوطين و فجأة ريماس وقفت وقالتلهم
ريماس: بابا لو سمحت انا عايزة اروح للبنات دلوقتى شهد و شيماء
شاهر: دلوقتى الوقت اتاخر قوى يا ريماس
ريماس: معلش يا بابا مش هعرف انام من غير ما اقولهم
رباب :ريماس عيب كده كلها كام ساعه والصبح يطلع و روحى ليهم
زياد: مش هتعرف يا ماما انا فاهمها لازم تروح لهم
مازن: ازاى يا ريمو دلوقتى بس الساعه قربت خلاص على 11
ريماس: مينفعش دول صحابى واخواتى بنقسم مع بعض كل حاجة الوحشة قبل الحلوة مينفعش افرح و مش يفرحوا معايا مينفعش احس انى كده و هما مش معايا
مازن: ما انتى هتقوليلهم الصبح
ريماس: صدقنى هتفرق كتير اوى دلوقتى عن الصبح
شاهر:ماشى يا ريمو خلى اخوكى يوصلك و يرجعك تانى
مازن: انا هوصلها
زياد: لا يا خفيف انت ممكن تيجى معايا لكن لوحدكم لا
مازن :معلش يا زيزو خليها عليك المرة دي
زياد: ولو يلا بينا عن اذنك يا بابا هاخدهم ونرجع على طول
رباب: انا مش عارفة ازاى هتزعجوا الناس فى الوقت ده مش هتروحوا قبل 12 كدا
زياد: معلش يا ماما مش هيحصل حاجة انا عارف هى بتفكر ازاى مش هتعرف تفرح قبل ما تفرحهم معاها
رباب : طيب ما تقولهم فى التليفون
زياد: مينفعش لازم الاتنين مع بعض و تقول الخبر فى وشهم متقلقيش هاخدها و ارجع تانى مع انى ميت من التعب
ريماس:والله انت احلى اخ فى الدنيا
زياد:وانتى احلى بكاشة فى الدنيا يلا يا عروسة
ريماس بصت ل مازن و اتكسفت من كلمة عروسة دى بس كانت مبسوطة منها
_____________
وخرج مازن و ريماس و زياد وراحوا عند البيت و هناك اول ما زياد ركن العربية نزلت ريماس جرى و هى بتقولهم هسبقكم انا
وراحت خبطت على شيماء الاول
شيماء: ايوة ايوة مين الى بيخبط بالطريقة دى ايه قلة الزوق دى
فتحت شافت ريماس
شيماء: ريماس فيه ايه ايه الى حصل
ريماس: تعالى معايا و شدتها من ايديها وجريت بيها على السلم و طلعت عند شهد
شيماء ملحقتش تشوف مازن و زياد و هما طالعين على السلم ومركزتش الا مع ريماس اللي كانت بتجرها
ريماس بتخبط على الباب و شيماء مش ساكتة: يابنتى طمنينى قوليلى بس ايه الى حصل شهد مالها طيب
الباب اتفتح و كان عبدلله
عبدلله طبعا اتخض : ريماس.. شيماء فيه ايه يا بنات
شهد جريت على بره و لما سمعت باباها و هو بيقول اساميهم
شهد خرجت و هى لابسة بيجامة عليها دباديب ولابسة لكلوك ارنوب فى رجليها
شهد: فيه ايه ايه الى حصل
ريماس: امسكوا اعصابكم انا عارفة انه صعب عليكم بس حاولوا الله يخليكم
شيماء و شهد كان فضلهم شوية وينتحروا اهون من الخضة الى هما فيها و عبدلله واقف لسه عند الباب المفتوح و هو مش فاهم حاجة
ريماس: اللى حصل اصل اللى حصل
شهد:ابوس ايديكى انطقى
ريماس: مازن خطبنى من بابا دلوقتى
شيماء و شهد منطقوش و كانوا مش مصدقين الكلام و ازاي بالسرعة دي
شيماء: هو انتى سمعت الى البت دى قالتله مش شوية
شهد: تقريبا اه
ريماس: والله ده اللى حصل خطبنى
فى اللحظة دى سمعت امل الكلام و دخلت الصالة وهى بتزغرط وكان مازن واقف هو و زياد على الباب شهد و شيماء شافوه واستوعبوا الموقف اخيرا
شهد بتشاور لريماس على مازن و عليها و بتعملها حركة دبلة فى ايديها
وريم بتشاور براسها اه
البنات صرخوا :هيييييح
و جريوا على ريماس وحضنوها
شهد:الف الف مبروك يا حبيبتى الف مبروك ربنا يتملمك علي خير
ريماس: الله يبارك فيكى يا دودو عقبالك يا رب
و بصت لزياد و غمزتلها
شيماء: مبروك يا قلبى الف مبروك
وفضلوا يحضنوا بعض
ريماس: مكنش ممكن افرح الليلة من غير لما افرحكم معايا
شهد و شيماء حضنوها اوى وعيطوا الثلاثة
عبدلله : الف مبروك يا عريس ربنا يتمم لكم بخير
مازن: الله يبارك فيك يا عمى
امل : الف مبروك يا ابنى و عقبالك يا زياد اتفضلوا اتفضلوا
دخلوا كلهم
عبدلله: مبروك يا ريماس يا بنتى ربنا يهنيكم يارب
ريماس: ربنا يخليك يا انكل
شهد: مبروك يا مازن الف مليون مبروك حط ريمو فى عينيك
مازن:ربنا يخليكى يا شهد ده فى قلبى من جوه
زياد: احم احم نحن هنا
مازن : ما قلت لك خليها عليك
شيماء: الف مبروك يا مازن اخير يا اخى دوختنا
شهد خبطت شيماء على كتفها
مازن بيضحك: زياد الظاهر انى لازم اروح اكشف ريمو انا رأيي انك تفكرى تانى فى الموضوع مش معقول تاخدى واحد بالغباء ده
زياد: ما انا قلت لك
ريماس: لا طبعا انت هتتلكك
مازن: الله ماانتى شايفة
الكل ضحك و قعدوا يتكلموا و امل دخلت عملت شربات وشربوه
شهد: انا عايزة اعرف كل ده حصل ازاى
شيماء: انا هموت من الفضول انطقى
ريماس: حاضر حاضر هقولكم بس استنوا ليسمعونا
وراحوا على جنب و حكيت لهم كل حاجة
شيماء: انا المفروض يتعملى مقام
ريماس: فى الكلمة دى انا مصدقاكى
شهد: الحمد لله ان ده حصل هو اكيد زى ما قال مكنش عارف انه بيحبك المهم انه نطق اخير
ريماس: اه والله لو مكنش نطق كان زمانى نطة فى كرشه
شهد: يخربيت رومانستك يا شيخة فيه واحدة تقول ليله خطوبتها كده
وفضلوا يضحكوا و كل واحد بيتكلم و زياد و مازن و ريماس روحو و شهد و شيماء راحوا يناموا وكل واحد فى دماغه حاجات كتير فيه ناس مر عليها اليوم بمنتهى السعادة و انتهى بنهاية كان بيتمناها بقاله سنين و ناس تانيه نفسها نهايتها تبقى كده بس يا ترى ايه اللى هيحصل و السعادة هتدوم لمين و الدنيا هتوديهم لفين وياترى كل واحد بيحلم بحاجة هيطولها ولا القدر هيكون ليه راى تانى
_________
ومرت بيهم الايام حلوة و جميلة لحد يوم الجمعة اليوم اللى الكل مستنيه وفى الصبح بدرى نزل مازن و زياد علشان يستقبلوا آدم اللى عدى عليهم علشان يطلعوا الرحلة
آدم: صباح الخير
زياد: صباح النور يا باشا فى معادك بالظبط
ادم: طبعا يا ابنى مواعيد مظبوطة بقا
مازن: طيب يلا لاحسن نتاخر
زياد: شوف ريماس هنعدي على الباقيين
مازن بيرن على ريماس علشان تنزل
ريماس: حاضر حاضر يا مازن نازله والله بكمل لبس
ونزلت ريماس
ريماس: صباح الخير ازيك يا دكتور ادم
ادم: صباح الخير الحمد لله ازيك انتى
مازن بقى الغيرة بتاكله مع انه عارف انها بتتكلم طبيعى ومش فى نيتها حاجة لكن آدم بيحبها
مازن: صحيح يا ادم مش تباركلى انا وريمو مش انا خطبتها
ادم كأن سكينة و دخلت جوة قلبه حاول يجمع كلامه و يتكلم طبيعي : بجد الف الف مبروك ايه ده امتى حصل مش تقولوا طيب
مازن: لا والله لسه الحفلة لما ريماس تخلص امتحانات بس يعنى اتقدمت لعمى و كده
ادم: الف مبروك و عقبال الفرح ان شاء الله
ريماس: الله يبارك فيك عقبالك
ادم في سره:ما خلاص كنت بتمناكي و غيري اخدك
زياد حاول يغير الموضوع: مش يلا بينا انا حضرت العربية
ريماس: وانا محضرة الاكل اهو
ادم : طيب احنا هنطلع بكام عربية حد يجى معايا فى عربيتى
زياد: احنا 9 ممكن ناخد عربية السفارى بتاعتنا وهى كبيرة ونبقى كلنا مع بعض بدل ما نتقسم ولا ايه رائيكم
مازن: اه كده احسن علشان تبقى الرحلة حلوة
زياد: طيب يلا
وركبو العربية زياد بيسوق و ادم ورا و قلبه موجوع و ركب مازن و ريماس وراه
زياد طلع تليفونه و اتصل : الو صباح الخير
شهد: صباح النور ها انتم فين
زياد: احنا خلاص خرجنا من عندنا حضروا نفسكم ربع ساعه ان شاء الله و نكون عندكوا هرنلك انزلوا
شهد: اوك مستنياك
شيماء: ها خلاص قربوا
شهد :اه ربع ساعة
شيماء:هتصل علي هيما اشوفه خلص ولا لسة
امل و وفاء: يلا يا بنات احنا حضرنالكم شنط الاكل والعصير اهو دى للفطار و دى للغدا و دى الحلويات
شهد: الله عليكى يا ست الحبايب انتى و هي و انتو مظبطينا
شيماء: والله من غيركو كنا احتسنا
امل:اهم حاجة اتبسطوا و خدوا بالكم من نفسك
البنات: حاضر
كريم و ملك :احنا جاهزين
عبدلله: ها يا بنات هتمشوا امتى
شهد :زياد فى السكة يا كبير ايوة يا عم هتبقى مع المزة لوحدك النهاردة من غير عزول
عبدلله: يالمضة هانم اعمل فيكى ايه بس
شهد: تعمل انك تدينى بوسة كبيرة على خدى ده وعلى خدى ده
عبدلله: يا سلام من عينيا
و رن زياد على شهد
شهد : دول وصلوا ابراهيم فين يا شيماء
ابراهيم: انا اهو يلا
شيماء: طيب يلا شيل الشنط دى و نزلها العربية يا هيما
شهد: عايزين حاجة يلا باي يا فوفا انتي و امولة و بابا
وفاء و امل و عبد الله: عايزين سلامتكم مع السلامة
ونزلو ركبو
شيماء: صباح الخير
الكل: صباح النور
شهد : ازيكم
ريماس: الحمد لله استنوا انا هاجى اقعد جنبكم إبراهيم تعالى اقعد انت جنب مازن
و ركبوا و بدأ زياد فى التحرك و حط سى دى وردة لولا الملامة
ابراهيم: دودو غنى يا دودو
شيماء: اه يا دودو غنيلنا اقفل يا زياد وخليها تغنى
زياد لف ليها : ايه ده انتى بتعرفى تغنى
ملك : دى صوتها تحفة
شهد: بطلى استهبال يا ملك
شيماء : ليه وهى بتكدب
والكل : عايزين شهد عايزين شهد
شهد: لا مش هينفع
زياد: غنى يا شهد علشان خاطرى
شهد: ماشى
وبدات شهد تغنى وصوتها حلو و كانت بتغنى :
مالى طب وانا مالى وانا مالى بالاحزان انا مالى
عايشة فى احلى ليالى ويا حبيبى الغالى
بحبك اوى يا عيونى بحبك مهما لامونى
ما يلوموا طب وانا مالى طب وانا مالى وانا مالى وانا مالى
كل دا كله عاشان حبيت
ولا عاشان قلت انا حبيت
لولا الملامه يا هوى لولا الملامه
لافرد جناحي عالهوا زي اليمامه
واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه
سالوني كتير .. سالوني كتير سالوني سالوني عليه
بتحبيه .. ايوا ايو وهنكر ليه .. ليه
بصولي ملام .. وقالولي كلام جراح
فرشولي الارض .. فرشولي الارض دموع .. والشمس جراح
كل دا كله عاشان حبيت
ولا عاشان قلت انا حبيت
لولا الملامه يا هوى .. وآه من الملامه
لولا الملامه يا هوى لولا الملامه
لافرد جناحي عالهوا زي اليمامه
واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه
ياعيون عطشانه سهر .. ياقلوب تعبانه .. تعبانه سفر
كتروا من الحب تلاقوا .. تلاقوا في الظلمه الف قمر
بنحب ياناس نكدب لو قلنا مابنحبش
بنحب ياناس ولا حدش في الدنيا ماحبش
والدنيا ياناس من غير الحب ماتنحبش
والدنيا ياناس من غير الحب ماتنحبش
حتى اللايمين .. زينا عاشقين
لاكن خايفين لايمين تانيين
لولا الملامه يا هوى لولا الملامه
لافرد جناحي عالهوا زي اليمامه
واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه
الكل سقف لها و زياد كان مستغرب قد ايه صوتها حلو
زياد: لا دى انتى فنانه بجد
شيماء: دى متعددة المواهب طباخة و مطربة
و فطروا و شربوا العصير
و ادم كان سرحان و ندمان أنه ايجا معاهم و ان ريماس خلاص ضاعت منه كدا و غيره اخدها
__________
وصلوا لدريم بارك وراح زياد جاب التذاكر و دخلوا وبدوا يبصوا هنعمل ايه
كان في واحدة عدت من جنبهم و بتكلم بنتها و ابنها هوديكم مسرح الاطفال
ملك: انا عايزة اروح المسرح
مازن: حاضر يا حبيبتى تعالي نكلم الست دي واشوفهم رايحين فين
ريماس: تكلم مين حضرتك انا اللى هكلمها
شهد بتضحك : ياعينى يا مازن الحكومة مشددة عليك
مازن: اه يااختى مش كفاية اخوها
زياد: مالك باخوها اقعد على جنب ريمو حبيبتى تعمل الى هى عايزاه عاجبك ولا مش عجبك
مازن :عاجبني يا اخى اطلع منها و هى تعمر
وبصوت كانه واطى و بيوشوش شهد :مفتريين الناس دى اوي
ريماس: الست بتقول انها فى مكان الاطفال تعالى نوديهم قريبين من هنا
مازن: طيب هتبدا تلعبوا ولا هتستنونا
شيماء: لا روحوا بسرعه عايزين نلحق بدرى
وفعلا راحوا ودوا كريم و ملك و رجعوا كان الباقى مش عارفين هيلعبوا ايه
ابراهيم: انا عن نفسى هروح قطر الموت
شيماء : لا يا هيما من اولها صعوبة كده
ابراهيم: ماهو دى حلاوتها و كمان انتى هتبقى جربتى اصعب حاجة مش هتخافى من الباقى و بعدين يا حبيبتي متخافيش وانتي معايا
زياد: تصدق اقنعتنى مع انى مش بخاف
شهد:لا انا عايزة الصاروخ
زياد : وانا كمان
ريماس: خلاص نتقسم الى عايزين يروحوا قطر الموت يروحوا والصاروخ يروحوا ونتقابل هنا بس هنركب الشلال مع بعض و بعدين نشوف هنعمل ايه تانى
زياد فرح طبعا لانه محدش هيركب معاها غيره
اما آدم كان متضايق و سرحان و استاذنهم يقعد في الإستراحة
زياد: خلاص نركب الصاروخ الاول وبعدين القطر
راح إبراهيم و شيماء و ريماس و مازن القطر و زياد و شهد على الصاروخ
شهد: ايه ده زحمة اوى لا تعالى نروح معاهم
زياد شدها من ايدها: لا تعالى هنا مافيش مرواح معاهم بصى بقى انا لا عايز اركب ولا اقعد تعالى نتمشى
شهد اتلخبطت : اه لا اصل ما احنا جايين علشان نتفسح
زياد: انا مش جاى علشان حد غيرك
شهد :لا يلا نركب
زياد :يلا يا قلبي
و هما راكبين شهد مسكت في قميص زياد جامد و صرخت و دفنت وشها في حضنه و كانت بتترعش
لما نزلو
زياد :تعالى نبعد عن الزحمة دى
واتمشوا شوية ووقفوا فى مكان هادي
شهد داخت و رجليها مكنتش شيلاها و بدات تتطوح زياد لحقها على طول وسندها
زياد: حبيبتي انتى كويسة مالك فيكى ايه
شهد: ها لا مفيش بس علشان السفر و الشمس النهاردة جامدة شوية
زياد بيغمز ل شهد:ولا اقولك ما تيجي نجرب الاصعب
شهد فهمت قصده علي أنها حضنته
ضربته شهد في كتفه:اتلم علي فكرة انا مش قصدي بس كنت خايفة
زياد بيضحك:بهزر معاكي يا حبيبتي
زياد قلع الكاب بتاعه و لبسه ل شهد و ظبطه ليها :ها كده كويس علشان بس عشان دماغك متوجعكيش
شهد : ميرسى
زياد: قمر يا ناس
شهد :مانا عارفة
زياد :يلهوي يا ناس علي التواضع
شهد اتكسفت و حطت وشها فى الارض
زياد مد ايديه تحت دقنها ورفع وشها ليه
زياد : تؤ تؤ عيونك اللى دوختنى دى متغبش عنى ابدا
___________
شيماء و إبراهيم و ريماس و مازن خلصو
شيماء :منك لله يا هيما انت السبب ااااه يا فوفا الحقي بنتك هتموت
إبراهيم :اعمل ايه انتي اللي خوفتي زيادة
حرام عليكي مش كفاية عضتيني و استحملت
ريماس و مازن بيضحكو
ريماس:احنا هنروح نشوف كريم و ملك
شيماء :ماشي
_______
عند كريم و ملك قاعدين بيصقفو ل ميكي ماوس و بطوط و ميمي و بيرقصو معاهم
ملك :انا فرحانة اوي يا كريم
كريم :وانا كمان يا لوكة
ثواني هشتري حاجة و اجيلك
_________
اما شيماء و إبراهيم اتصدمو لما شافو آدم ........
______
كان في ولد واقف بيبص علي ملك و هي كانت جميلة جدا
و راح عندها
.....:ازيك يا عسل
ملك :نعم في حاجة
.....:هو انتي اسمك ايه
ملك مردتش عليه
.....:بس شعرك حلو اوي و جميل
و مسك شعرها
في اللحظة دي ايجا كريم و شد الولد و سحب ايد ملك
كريم بعصبية:انتي ازاي تسيبيه يمسك شعرك كدا
ملك :انا مش خليته يمسكه يا كريم هو بيقولي شعرك حلو
كريم : اقعدي هنا و متتحركيش فاهمة
كريم راح ناحية الولد
كريم ضربه بالبوكس في وشه :انت ازاي تمسك شعرها
....:انت قد الضربة دي
و فجأة .......
تفتكره هيحصل ايه .؟؟؟؟؟؟
توقعاتكم
ايه أحلي قصة حب في الرواية و مين افضل شخصيتين في الرواية؟؟؟
ممكن طلب بقا تعملو منشن لاصحابكم و شير عشان يتابعوها
التعليقات على الموضوع