احببت طباخة💠الحلقة 20💠

الحلقة 20 رواية أحببت_طباخة
وقفنا عند
البنات كانو قاموا بيتناقشوا فى الكلام الى حصل و هنا لاقوا تليفون بيرن و كان زياد بيتصل علي شهد
شهد:ايه يا حبيبي
زياد :لا ابدا بطمن عليكي انتي كويسة ؟
شهد:اه الحمدلله
زياد :ماشي يا حبيبتي خلي بالك من نفسك عايزة حاجة ؟
شهد :عايزة سلامتك
زياد :ماشي مع السلامة
و قفلت مع زياد

البنات كملو مناقشة
ريماس: طيب ليه يا شيماء انتى متاكدة ان مازن لما يتنرفز عليا يبقى مهتم و كده
شيماء: بصى يا ريمو لان النرفزة دليل الغيرة
ريماس: مش شرط يعنى وممكن علشان بنت خالته
شيماء: طيب قوليلها انتي يا شهد ليه
شهد: اولا الكلام ما بينك و ما بين آدم كان عادى يعنى مجرد دردشة عادية و مجاملات فى  كلام عادي جدا ف لو كانت حاجة تضايق كان اول واحد المفروض انه هيتعصب عليكي هو زياد لانه اخوكى و تخصيه اكتر حتى من مازن و طبعا احنا عارفين زياد فى الحاجات دى وطالما انه متنرفزش ولا حاجة يبقى كان عادى يبقى الأستاذ مازن بقى يتنرفز ليييييه؟
ريماس: اه صحيح ليه!
شهد :البت دي غبية اوي
___________
عند ادم
آدم بيكلم نفسه "" قد ايه حلوة و جميلة وكلامها بجد يسحر فيها سحر غريب نسيت نفسى معاها وكمان هخرج تانى معاها و نروح رحلة ههههههههه حاسس انى عيل صغير و خارج مع صحبتى و حبيبتى لما نشوف يا ريماس هتعملى فيا ايه تانى ""
_________
عند مازن
مازن بقى اول لما سابها و اتحجج بالشغل اتصل ولغى كل مواعيده و فضل يلف بالعربيه وهو بيفكر فى الى بيحصله لحد لما تعب وركن العربية و رجع راسه ل ورا و سرح بخياله انا ليه كنت متضايق كده كان منظرى هيبقى ايه لو اتهورت و عملت اللى كان نفسى فيه معقول يا ريماس طيب ليه مش من زمان قلبى واجعنى اوى يا ترى مخبيه ايه وليه انا هفضل اكلم نفسى كتير كده اكيد هتجنن و تبقى انتى السبب و ضحك لكنه كان متضايق و مخنوق وحاسس ان الدنيا قد ايه ضيقة عليه و مسك تليفونه و اتصل ب ريماس
_______
ريماس: ده تليفونى ده مازن
شهد: طيب ردى بسرعه
ريماس: الو ايوة يا مازن
مازن: ايوة يا ريماس ازيك
ريماس: الحمد لله فيه حاجة ما انا لسه سيباك
مازن: انتى فين دلوقتى
ريماس: مع شهد و شيماء فى بيت شهد
مازن:طيب هعدى عليكى كمان شوية علشان اروحك ابعتيلي العنوان في مسدج
ريماس: مافيش داعى يا مازن الوقت لسه بدرى انا عم سامح هياخدني
مازن:ريماس هرنلك وانا تحت 6 بالظبط هكون عندك مع السلامة هشوفك كمان شوية
وقفل السكة و ريماس متنحة و باصلة للتليفون فى ايديها
شيماء :ايه يا بنتى قالك ايه ؟؟
ريماس: قالى هعدى عليكى علشان اروحك بعد ساعة
شهد:هههههههههههه بركاتك يا شيخة شيماء
شيماء: طبعا يا بنتى احنا بلعب
ريماس اللى متنحة لحد دلوقتى
شهد: يا ريمو هتفضلى متنحة كتير
ريماس: ها اعمل ايه يعنى
شيماء: قومى اغسلى وشك و ظبطى نفسك زمانه جى و ابعتيله العنوان في مسدج
ريماس: بصت لمنظرها فى المراية الى حست انه ملخبط جريت بسرعه و غسلت وشها و ظبطت شعرها و الميك اب الخفيف و حطت بيرفيوم
شهد و شيماء متابعينها و هى عاملة زى الفرخة الدايخة من هنا لهنا و بتجرى كانها بتهرب من حد
شهد: شيمو انا لو بجرى كده صدقينى هاخد  المركز الاول برقم قياسى كمان في مسابقات الجري
شيماء: انا برضو بقول نخليها مدربة جري
ريماس: عارفين لو نطقتوا بكلمة تانيه هعمل ايه
شهد و شيماء: ايه !!!!!!!
انقذهم منها صوت موبيلها ان مازن وصل
ريم: الحقونى ده جه اعمل ايه
شهد: ورينى كده رجعى شعرك لورا شوية و ظبطي الروج ايوة كده زى القمر
شيماء: حبيبتى متقلقيش انتى زى القمر و خليكى هادية
شهد: ريمو مازن ممكن يكون متعصب شوية متحاوليش تنرفزيه زيادة عشان عارفاكي غبية لو حسيتى انه على اخره و متفرحيش انك تغيظيه علشان يغيير الشىء اللى بيزيد عن حده بيتقلب لضده
ريماس: حاضر حاضر و جريت و هى بتسمع مازن بيرن تانى ادعولى
شيماء: ربنا يوفقك يا حبيبتى
نزلت ريماس ل مازن و دخلت العربية واللى متكلمش فيها كلمة بصلها و بعدين اتحرك بالعربية فضلوا ساكتين لحد ما مازن قطع الصمت ده
مازن: تحبى نتعشى بره قبل ما نروح
ريماس: لا شكرا ماليش نفس اكلت كتير على الغدا
مازن: ليه يعنى انا شايف انك مكلتيش حاجة اصلك كنتى مشغولة ومش مهتمة بالاكل
ريماس في سرها "" هههههههه شكلك غيران بجد يا مازن يارب يكون صح والى فى بالى ""
ريماس: ليه مشغوله من ايه
مازن مردش وبعدين سكت 5 دقايق و اتكلم
مازن: هو عاجبك؟؟؟؟
ريماس الى كانت متاكدة انه يقصد آدم: ايه اللى عاجبنى ؟
مازن: اللى بتفكرى فيه
ريماس: وهو انا لازم افكر فى حد
مازن: انا شايف انكم كنتم منسجمين اوى يعنى وشايفك سرحانه فيه
ريماس: مازن انا ماسمحلكش
مازن: تسمحى بقى ولا متسمحيش الى لازم تعرفيه انك كبرتى ولازم تاخدى بالك من تصرفاتك و حتى لو واحد بيجرك فى الكلام ماتبقيش زى العبيطة و تمشى وراه مش اى حد يتكلم يترد عليه فاهمة ولا لا
ريماس:انت ازاى تتكلم معايا بالاسلوب ده انت اتجننت المرة اللي فاتت اتهمتني اني علي علاقة ب واحد و شكيت فيا و ضربتني و سكت و متكلمتش
مازن: ريماس اتكلمى باسلوب احسن من كده معايا
ريماس: لما تتكلم انت باسلوب تانى وتحترمنى اكتر من كده ولو سمحت وقف العربية وقفها
مازن فعلا وقف العربية و نزلت ريماس منها وراحت على البحر فضل مازن فى العربية فترة و بعدين نزل
مشى لحد عندها بهدوء لحد ما بقى وراها وفضل ساكت و ريماس كانت سرحانه فيه و محستش بيه ابدا
ريماس في سرها:اه يا مازن على قد ما بحبك على قد ما بيجرحنى كلامك معقول تفكر فيا كده انا بتاعت كده برده
وغلبتها دموعها و فضلت تعيط

مازن مكنش حاسس بدموعها و فجاة حط ايديه على كتفها ولفها ليه واتفجأ لما لاقى دموعها ماليه وشها مد ايديه ومسح دموعها

مازن: دموعك دى غاليه اوى محبش اشوفها تانى مقدرش عليها
ريماس :ما المرة اللي فاتت قدرت تشوفني منهارة و بعيط
مازن :صدقيني كان غصب عني كنت خايف تكوني بتحبي حد او بتكلمي حد
ريماس ساكتة
مازن :طب يارب قبل ما ازعلك تاني امو (كان لسة هيقول اموت )
ريماس قاطعته : بعد الشر عليك
مازن فرح اوى: يعنى يهمك اوى
ريماس: طبعا مش ابن خالتي
مازن: وايه كمان؟؟
ريماس: ايه كمان ايه ابن خالتي وزى اخويا
مازن: ابن خالتك ماشى اخوكى دى لا مقبلهاش
ريماس: ليه بقى مشبهش يعنى ولا ايه
مازن فجأها بانه حط ايديه على بقها
مازن:هششششش مش عايز اسمع الكلام ده ومش عايز اشوف الدموع دى مهما حصل
ريماس عيطت بجد اكتر و سكتت و مردتش
مازن: ريماس انتى متعرفيش انتى بتعملى فيا ايه لما بتعيطى كده اهدى و افهمى
ريماس ودموعها علي خدها: افهم ايه افهم انك بتشك فى.... بنت خالتك واخلاقها ل تاني مرة
مازن: اوعى تقولى كده انا عمرى ما اشك فيكى ولو شكيت فى نفسى مشكش فيكى ابداااااااا
ريماس: امال معنى كلامك ايه تقدر تقولى
مازن: معنى كلامى ........................
مازن سكت دقيقتين
معنى كلامى انى بحبك وبغيير عليكى و مش قادر استحمل واحد يتكلم معاكى باى طريقة كانت ولا حد يشوف ضحكتك غيرى مع انى مابتنمناش فى الدنيا غير انها تفضل موجودة و بس لكن غصب عنى مبقدرش انى اخبى غيرتى لما غيرى بيشوفها لانها بتنور الدنيا و تخليها دنيا تانيه
ريماس متنحة و حاسة انه هيغمى عليها
مازن بيكمل كلامه: متزعليش من كلامى الى قولته من شوية و اسف عليه بجد بس مش اسف على اعترافى بحبي ليكي ريماس انا بحبك
ريماس بتوتر:أنت قولت ايه
مازن مسك ايديها و باسها : بقول انى بحبك و بموت فيكى و مقدرش اعيش في الدنيا من غيرك
ريماس عيطت جامد و مازن مش عارف يعملها ايه و مش عارف هى بتعيط ليه وفضل يطبط عليها و يهديها
مازن: ريماس اهدى بس طيب بتعيطى ليه انا عارف انى فجائتك بكلامى والله انا كمان اتفجأت بكل حاجة لو مش حبانى و لا عندك استعداد قوليلى و انا والله مش هتمنى غير سعادتك وسكت
لكن لا انا مقدرش يا ريماس مقدرش اشوفك لحد غيرى مقدرش احس بكده قوليلى انا مش هستحمل بس قوليلى عايز اعرف
ريماس ساكتة مبتنطقش
مازن : ريمو ردى عليه
طيب انتى معجبه ب آدم و هتوافقي عليه فعلا؟؟؟؟؟؟؟؟
مازن: والله اقتله لو اه
ريماس هزت دماغها ب لا
مازن: هو فيه حد تانى طيب
ريماس : لا
مازن: الحمد لله طيب قوليلى حاسة بايه انا والله مش عايز حاجة فى الدنيا غيرك وهعمل كل الى يقدرنى عليه ربنا علشانك ريماس اتكلمى
ريماس لما حست بكميه المشاعر الى هو بيتكلم بيها صدقته: اخييييرااا نطقت
مازن : نطقت ما انا بتكلم من الصبح اهو
قصدك ايه !!!!!!!!!
ريماس: يعنى مستنيه الكلمة دى من زمااااان اوى يا مازن
مازن بقى مش مصدق نفسه: يعنى بتحبينى صح قولى اه قولى صح قوليها يا ريماس قوليها يا حبيبتى
ريماس طبعا اول ما سمعت الكلمة كان هيغمى عليها و هزت دماغها و هى بتضحك ب اه

مازن شالها من على الارض و لف بيها وفضل يصرخ بحبك بحبك
ريماس كانت مكسوفة منه  وهتموت قربت من ودنه وقالتلك : بحبك يا مازن و عمرى ما حبيت حد غيرك ولا اتمنيت غيرك بحبك من وانا صغيرة

مازن فضل واقف و هو مش عارف يعمل ايه كل كلام الدنيا ميكفيش الاحساس الى جواه ولا يقدر يعبر عنه

ريماس: مازن
مازن: عيون مازن
ريماس: انا خايفة و مش مطمنة
مازن: خايفة من ايه بس خايفة ازاى و انا معاكى
ريماس: معرفش يا مازن خايفة متكونش بتحبنى و الاحساس اللى جالك مجرد احساس و بس مالهوش اساس من الصحة انت عمرك ما بينت ليا انك بتحبنى اه مهتم بيا دايما و حاسة انى مهمة فى حياتك لكن حب لا دايما حاسة بحاجز ما بينا و بتعاملني اختك
مازن سكت لحظات و بعدين رد: انا عارف ان انتى عندك حق فى كل كلمة قولتيها ازاى الصبح كنت محسسك انك بنت خالتي و بس و دلوقتى بقولك حبيبتى لو قلتلك انا كمان مستغرب هتصدقينى
ريماس بدات دموعها تنزل لانها حست انها صح و مازن مش بيحبها: شوفت انا قولتلك
مازن: طيب بس بس انا قلت مش عايز دموع تانى ابدااا واستنى لما اخلص كلامى انا طول عمرى بخاف عليكى و بحس انك حته منى مقدرش استغنى عنها
انتى عارفة انا مش من النهاردة من فترة وانا حاسس انك كبرتى وكل ما احس انه فيه حد بيقرب منك ببقى هتجنن لكن دايما مش عارف افسر السبب ده لحد ما آدم كلمك النهاردة يمكن لان ادم شاب ميترفضش و هو معجب بيكي و عايز يخطبك ولو حصل كده و حب يقرب منك وانتي تقوليله اه ساعتها كنت حاسس بالعجز نفسى اكسر الدنيا واخدك اخبيكى و برضو كنت مش عارف افسر السبب وسيبتكم وروحت وفضلت الف بالعربية لحد ما تعبت قعدت 3 ساعات بفكر فى كل موقف عمليته معايا كل كلمة بتضحكك و كل كلمة بتضايقك ازاى واحنا صغيرين كنت مش بخلى حد يقرب منك و لا يزعلك حتى زياد انا قعدت افتكر ذكريات سنين ولاقيت نفسى ببتسم على كل موقف حلو وازعل على كل موقف انتى اتالمتى فيه او اى موقف لاقيت حد بيقرب منك فيه فاكرة الواد الى كان ماشى وراكى فى المدرسة الثانوى و بيعاكسك و انتى ضربيته بالشنطة
ريماس:اه انا ضربته بالشنطة و انت كملت عليه و مخلتش فيه حتة سليمة
مازن: ولو حد قرب ولا فكر بس مجرد التفكير انه يقربلك انا ممكن اموته كنت محتاج حاجة تفوقنى وتقولى وتفسرلى كل احساسى الى بحس بيه وانا معاكى
ريماس ساكتة
مازن: ساعات الواحد بيحس بحاجات وميعرفش يفسرها او حتى ميعرفش انه حاسس بيها لحد لما تيجى حاجة تفوقه و تنبه على اللى جواه و ده الى حصلى عارفة لو يمكن مكنتش بنت خالتي كنت عرفت من زمان لان كل مشاعرى ليكى كنت بفسرها على انها خوف وحب لبنت خالتي و اختي مش حبيبتى فهمانى
ريماس: فهماك وعارفة لانى سمعت الكلام ده دلوقتى
مازن: سمعتيه من مين مش فاهم
ريماس: شهد و شيماء كانوا لسه بيقولوا ان الانسان ممكن يكون حاسس بحاجة بس مش عايز يعترف انه حاسس بيها او يمكن مش عارف انه حاسس بيها
مازن: تمام والله انا حبيتهم البنتين دول
ريماس: نعم عايز ايه
مازن بيضحك : والله ابدا مش قصدى قلبى مفهوش الا واحدة وبس بموت فيها و مستعد اضحى بعمرى كله علشانها
المواقف الى حصلت لى خلتنى اكابر انى اعترف انى بحبك لكن خوفى انى اخسرك بينلى كل حاجة كان زى الموجة الى لف بيه و دوخنى
كل الى عايزك تعرفيه انى بجد بحبك و مش عايز حاجة تانيه و ثقى انى هعمل كل حاجة علشان اسعدك
ريماس: قلبى بيقولى صدقيه
مازن: قلبك ده حبيبى انا
ريماس: قلبى ميستحملش الجرح اوعى يا مازن توجعنى فى يوم ولا تجرحنى
مازن: يبقى اخر يوم فى عمرى يوم ما افكر او يحصل كده
ريماس: ربنا يديك طولة العمر يا ح.......
مازن: يا ايه قولى علشان خاطرى و حياة مازن
ريماس: هقولها لانى بحبك هقولها لانى مش شايفة غيرك هقولها لانها جوايا بقالها سنين و نفسها تخرج يا حبيبى
مازن: أيوة بقا يا ريمو بحبك قوى
ريماس: وانا كمان يا حبيبى على فكرة احنا اتاخرنا اوى يلا بدل ما بابا يبهدلنا
مازن: هو اه عمى و كل حاجة بس محدش يقدر يقولك كلمة وانا عايش على وش الدنيا بس عموما يلا بينا
ومشيوا الاتنين
و هما في العربية
مازن:ريماس
ريماس :نعم
مازن :ليه مش قولتيلي انك بتحبينى ليه فضلتي ساكتة
ريماس:عشان انت غبي و حيوان
مازن بصلها :نعم قولتي ايه ؟
ريماس :غبي. .. ازاي طول السنين دي و مش لاحظت ولا حسيت بمشاعري ازاي
مازن: مكنتش اعرف كنت فاكرك بتحبيني اخ مش حبيب انا فعلا غبي بس اوعدك من اللحظة دي هعوضك عن كل لحظة اتعذبتي فيها بسببي
و مسك ايديها باسها
و شغل أغنية بيت كبير_ تامر عاشور
مازن :كل كلمة في الأغنية اتخيلي أنها ليكي

انت ياللى خدت قلبى من الزمان ومن اللى فيه
خدت قلبى لدنيا تانية أحلى من اللى حلمت بيه
أحلى عمرى انا عيشته جنبك والحنان عندك كتير
هو فى كده زى قلبك لسه فيه في الدنيا خير

عمرى ما أنسى انا قبلك كنت فى ايه، ومعاك بقيت انا ايه
انا باقى ليك ولحد ما عمرى ينتهى هفضل يا حبيبى معاك
وهعيش واموت بهواك، أنا ليا مين غيرك حبيب عمرى

ياما عشت أتمنى قبلك ياللى زيك مش كتير
مش مجاملة عشان بحبك ده انت ليا حاجات كتير
هيا كام مرة هقابل حد بيحب بضمير
حد عاش عمره عشاني وقلبه ليا بيت كبير

عمرى ما أنسى انا قبلك كنت فى ايه، ومعاك بقيت انا ايه
انا باقى ليك ولحد ما عمرى ينتهى هفضل يا حبيبى معاك
وهعيش واموت بهواك، أنا ليا مين غيرك حبيب عمرى

و روحوا الفيلا لاقوا باباها ومامتها سهرانين
__________
شاهر: ايه ده انتم جايين مع بعض
ريماس: مازن عدى عليا عند شهد ووصلنى
مازن : مساء الخير يا عمى مساء الخير يا خالتي
رباب : مساء الخير يا مازن
ريماس و مازن وشهم الاتنين منور والضحكة مش بتفارق وشهم
مازن: زياد اهو جاى حمدلله على السلامة
زياد: الله يسلمك السلام عليكم
الكل: وعليكم السلام
رباب: ايه يا زياد مالك
زياد: تعبان مش قادر افتح عينيه
شاهر: ارحم نفسك شوية يا زياد كده كتير عليك
زياد:حاضر
_____________
ريماس طلعت اوضتها و مازن طلع الأوضة اللي متخصصة ليه لما بيحب يجي عند خالتو

ريماس اتصلت علي شهد و شيماء و كانو مش مصدقين اللي حصل و فرحو جدا
_____________
يجى صباح نهار جديد سعيد على ناس و شايل احلام ناس تانيه بس فى النهاية عمر ما الحياة ما بتبقى كاملة ولازم نمر بحلوها و مرها ويا عالم يمكن يجى الحلو و تنتهى ايام العذاب

صحيت ريماس على صوت الموبايل
ريماس وهى اصلا مش شايفة مين الى بيتصل:الو
مازن: صباح النور على حبيبى الكسلان
ريماس اتعدلت بسرعه فى قعدتها :مازن صباح النور ازيك انت فين
مازن: انا فى القناة يا حبيبتى من زمان
ريماس في سرها: اه على حبيبتى دى سكر يا ناس
مازن: ريمو انتى معايا
ريماس: ايوة يا مازن انت نزلت بدرى اوى كده ليه هى الساعه كام
مازن: بدرى من عمرك انا نزلت فى معادى الساعه دلوقتي 10.30
ريماس: ياااااه الوقت اتاخر قوى
مازن: معلش يا حبيبتى ولا يهمك اصلا انتى منمتيش كويس امبارح
ريماس: مش انت الى مسهرنى معاك لحد بعد الفجر
مازن باستهبال: انا كنت فى اوضتى قولت اكلمك اقولك تصبحى على خير محستش بنفسى الا بعد الفجر
ريماس: اه يعنى انا اللى غلطانه انى اتكلمت معاك و رديت عليك لما اتصلت
مازن: بالعكس يا قلبي ده انا مبسوط اوى طيب ايه رأيك بقى انا ناوى ان شاء الله لما نتجوز كل واحد يبقى فى اوضة ونتكلم مع بعض فى التليفون زى امبارح لما كل واحد فى اوضته و اتكلمنا فى التليفون
ريماس: كويس والله حلو اوى كل يوم قبل ما ننام فى بيتنا كل واحد يروح على اوضته ونتكلم فى التليفون
مازن: نعم يا ماما ايه اوضته دى مافيش حاجة اسمها كده اسمها اوضتنا معنديش انا الكلام ده نعمل حركة التليفون دى كل فترة ماشى الصبح العصر غير كده لا
ريماس :مازن اتلم
مازن:خلاص خلاص هسكت اهو المهم انتى نظامك ايه النهاردة و هتعملي ايه
ريماس: البنات المفروض يجولى على الساعه 11 علشان نذاكر الامتحانات قربت اوى
مازن: طيب يا حبيتى خلصى انتى مذاكرتك و كلميني
ريماس: ان شاء الله هترجع على الغدا هتتغدي عندنا ماشي
مازن: والله مش عارف لسه نظام الشغل مش مبين لى هشوف واقولك هتوحشينى من دلوقتى
ريماس: وانت كمان يا عمرى
مازن: الله لا انا كده هاجى على طول
ريماس: مازن
مازن: يوووووه حاضر يلا يا قلبى سلام
ريماس: سلام

وقامت وفضلت تطنط على السرير و هى حاسة انها بتحلم و بتفكر فى اللى حصل امبارح وقد ايه مازن كان رقيق معاها واول لما دخلت اوضتها لقيته بيكلمها وبيقولها تصبحى على خير وكل لما يجوا يقفلوا يتكلموا فى حاجات كتير و بقت قد ايه مبسوطة و هو بيحكلها ويفضفض معاها

في اللحظة دي كانت شهد و شيماء في اوضتها و هي مش حاسة بيهم

ريماس: اه يا مازن بحبك اوى
شهد: وهو برضو بيشكر فيكى الراجل
ريماس: ايه ده انتم جيتم من امتى
شيماء: يووووووه من بدرى وانتى ولا انتى هنا
ريماس :هههههههههههههههههههههههه
شهد و شيماء :لا بصي احنا لازم نعرف كل حاجة
ريماس :حاضر هحكيلكم ولله
و ريماس حكت  كل حاجة ليهم
و كانو فرحانين جدا ليها و بدؤ يذاكرو
___________
و في يوم ريماس كانت برة بتشتري حاجات و هي راجعة الفيلا
شافت كذا حد غريب في الفيلا و ناس شكلها متلخبط و دادة فاطمة جريت عليها
فاطمة :ريماس الحقي
ريماس بخضة :في ايه يا دادة
فاطمة :زياد العربية اتقلبت بيه و بيقولو حالته خطيرة
ريماس بنرفزة: لا زياد متقوليش كدا انتي بتكدبي عليا انا لسة سايباه الصبح هو اكيد فوق
و جريت علي جوة تشوفه
و هي بتصرخ:زياااد
توقعاتكو ايه ؟