احببت طباخة💠الحلقة 18💠
الحلقة 18 رواية أحببت_طباخة
وقفنا عند
لما راحو القاعة و عملت زفة جميلة جدا و شهد كانت فرحانة كأنها اللي هتتخطب مش شيماء
و بعدها اشتغل اغاني و شهد كانت بترقص مع شيماء و مندمجة جدا و هي بترقص شافت زياد
زياد لما شاف كدا اتعصب و اتوتر جدا و كان نفسه يشدها و يخرجها برة
شهد كانت اجمل بنوتة في الخطوبة و كان معظم الشباب اللي في القاعة مركزين معاها
ريماس شافت شهد راحت ناحيتها و رقصت معاها
شهد شافت زياد و شكله متضايق منها و عينيها جات في عينيه زياد بصلها بصة معناها تقعد و تبطل رقص لكن شهد طنشت و كملت رقص مع صحابها
زياد لنفسه :يارب اعمل ايه لو روحت سحبتها من ايدها دلوقتي الناس هتقول ايه و منظرنا هيكون وحش و اختي هي كمان بترقص ماشي يا ريماس حسابك معايا انتي كمان
طب انا هعمل حاجة كدا
زياد مشي ناحية شهد و وقف جمب ريماس و سحب ايديها و بعصبية و كانت عينيه علي شهد :مش كفاية بقا رقص يلا نقعد
شهد فهمت ان الكلام عليها و قعدت مع ريماس علي ترابيزة و زياد خرج برة القاعة وقف برة
شهد بتكلم ريماس :تفتكري زعل
ريماس :افتكر ...انتي هبلة اكيد زعل طبعا
شهد :طيب انا خارجة عنده
خرجت شهد برة القاعة شافت زياد واقف بعيد مشيت ناحية
و كان واقف ضهره ليها
شهد خبطت علي كتفه
زياد بصلها و ببرود :نعم عايزة ايه
شهد :انا اسفة
زياد بعصبية :اسفة ... اسفة علي ايه روحي كملي رقص روحي بقولك
شهد :خلاص يا زياد بلاش كدا ده خطوبة صاحبتي و لازم أرقص معاها اومال مين هيرقص في خطوبتي لازم أوجب معاها برضو
زياد بنرزفة :توجبي معاها
وكان مفيش حمار ليه كلمة عليكي مش بصتلك و قولتلك اقعدي و مسمعتيش الكلام ليه بقا
شهد :كنت فاكراك بتبصلي نظرة إعجاب
زياد :نظرة ايه ... إعجاب
اه و لا انتي بقا كان عاجبك كل اللي بيبص عليكي ده
شهد بصدمة :لا متكملش انت اكتر واحد عارفني علي ايه و عارف ان انا مش كدا انا فرحانة و دي صاحبتي و من حقي افرح و ارقص و اعيش سني طالما مش بعمل حاجة غلط
زياد :خلاص يا شهد ادخلي كملي رقص
شهد :انت لسة زعلان
زياد :لا هزعل ليه عادي خالص
لما تتجوز واحد هيجي يقولي مراتك كانت بترقص في فرح ارد أقوله ايه
شهد بفرحة :عادي يا بيبي ما كل البنات بترقص
زياد :بس انتي غيرهم
انا نفسي اخبيكي عن عيون كل الناس دي
شهد :احم احم ... ايه الكلام الرومانسي ده يا عم استني كدا
تيرااارااار رررارااا
زياد بيضحك :عارفة يا شهد اللي مصبرني عليكي ايه
شهد :ايه
زياد :لماضتك اللي مش بخلص منها
بفكر لما نتجوز و ربنا ادانا بنوتة أسميها شهد
شهد :لا انا عايزة أسميها ميرنا
و لو جبنا ولد نسميه عمر
زياد :مين عمر ده ان شاء الله اعترفي
شهد :ده حبيبي
زياد بخنقة:شهد في الحاجات دي متهزريش بجد مين عمر
شهد بتضحك و مسكت خدود زياد :بتغيير عليا يا بيبي انا بحب اسم عمر جدا علي اسم عمر ابلكاشة
زياد : و يطلع مين ابلكاشة دي نجار يعني
شهد :لا يا بيبي ده اللي في المسلسل التركي حب للإيجار واد ايه موزز كدا
زياد بنرفزة :ما تلمي نفسك انتي واقفة مع راجل يعني و بعدين عمر ده أحلي مني
شهد :لا طبعا يا بيبي انت احلي كفاية عيونك الملونة دي ده انت شبه عمرو يوسف
زياد :اه عارفه الواد ده كلو بيقولي اني شبهه
شهد :بس ايه موزز يخربيت جمال امه
زياد :هديكي قلمين حلوين يعلموكي الأدب شكلك عايزة قلم صح عاوزاه جامد ولا سوفت
شهد :لا عايزة ادخل جوة عشان اتأخرت و محدش يلاحظ حاجة
زياد :شهد
شهد بصتله :نعم
زياد :مش ملاحظة حاجة
شهد :اه ملاحظة انك لابس كرافتة نبيتي نفس لون الفستان بتاعي
زياد :سبحان الله صدفة حلوة برضو انا بحب اللون ده جدا
شهد :وانا كمان بحبه اوي يلا بقا انا داخلة عشان محدش ياخد باله ادخل ورايا
شهد دخلت القاعة و قعدت مع شيماء و ريماس و كانو فرحانين جدا و زياد مشالش عينه من عليها
لحد ما ايجت لحظة لبس الدبلة و اشتغلت اغنية يا دبلة الخطوبة
يا دبلة الخطوبه عقبالنا كلنا
ونبني طوبه طوبه في عش حبنا
نتهنى بالخطوبه ونقول من قلبنا
يادبلة الخطوبه
يا صوره في الحيال ماتغبش عننا
بداية الامال وعز فرحنا
شبكنا بدلته وقرينا فاتحته
وعرفنا نيته وغلاوته عندنا
يادبلة الخطوبه
يادبله من دهب قوليلي ايه مكتوب
دا الاسم بالدهب منقوش عالقلوب
القلب وانشبك وراح مع الشبك
ولقينا في الشبك نصيبنا وفرحنا
وفي دبلة الخطوبه كتبنا اسمنا
يادبلة الخطوبه
و شيماء كانت فرحانة و حضنت شهد و ريماس
في اللحظة دي شهد جاتلها مسدج من زياد
"عقبالنا لما تلبسي دبلتي "
شهد ابتسمت و كانت فرحانة جدا
بعد ساعتين الخطوبة خلصت و كلهم روحو البيت
__________
زياد دخل الفيلا و دادة فاطمة كانت قاعدة
مستنياهم و شافته فرحان
ريماس راحت ناحيتها باستها و طلعت اوضتها
فاطمة :هي حلوة
زياد باستغراب :عرفتي ازاي
فاطمة :عيب يا واد ده انا اللي مربياك انت فاكرني مش عارفة يعني لا عارفة من زمان
ها ... قولي بقا هي حلوة
زياد :قمر يا دادة ملاك نازل من السما
فاطمة :طب و ميار
زياد أتضايق :دادة انتي عارفة كويس اوي اني مش بحبها
فاطمة :بس يابني لو مش بتحبها متعلقهاش بيك
زياد كان في اوضته و ريماس خبطت علي الباب
زياد :ادخل
ريماس دخلتله:زياد حبيبي ممكن اقعد معاك شوية
زياد :اتفضلي يا حبيبتي تعالي
ريماس قعدت جمبه علي السرير
ريماس :احم احم
زياد :لا انا بنام بدري انجزي
ريماس :طب بصراحة كدا يا زياد انت بتحب شهد
زياد :انتي شايفة ايه
ريماس :شايفة انك غلط اللي بتعمله ده انت ناسي انك خاطب
زياد :أيوة انتي عايزة ايه
ريماس بعصبية :هو ايه اللي عايزة ايه يا زياد عايزة اعرف اخر اللي انت فيه ده ايه بتحب شهد ولا بتلعب بيها
زياد :مبحبهاش
ريماس بصدمة :ولما انت مش بتحبها ليه ليه عملت كدا ليه فهمتها انك بتحبها وانت كداب انت
زياد قاطعها :بس يا مجنونة بس انا مش بحبها انا بعشقها
ريماس بارتياح :وقعت قلبي يا عم
طب ازاي بتحبها وانت خاطب ميار انت ناسي ميار ولا ايه دي خطيبتك و شهد متعرفش و شهد لو عرفت انك خاطب عمرها ما هتسامحك و هتفهم انك كداب
زياد :ريماس انا عامل حساب كل حاجة و انتي عارفة كويس اوي انا خاطب ميار ليه عشان ماما عشان دبستني
ريماس :بس دلوقتي الوضع اختلف يا تقول ل شهد الحقيقة او تفهم ميار انك مش عايزها و تسيبها
زياد :حاضر عايزة حاجة تاني
ريماس :لا بس قولت انصحك عشان لو حصل حاجة و شهد عرفت وقتها هتندم العلاقة اللي اتبنت ب كدبة هتنتهي لان الكدب مالوش رجلين و شهد عمرها ما هتثق فيك تاني
زياد :طيب روحي نامي
__________________
إبراهيم صحي الصبح خبط علي شيماء
شيماء نعسانة : ايوه مين الحمار اللي جاي علي الصبح ده
و فتحت الباب
إبراهيم: انا الحمار
شيماء بصدمة: هيما معلش والله معرفش ان انت
إبراهيم :بس ايه الحلاوه دي انتى بتبقي كده لما بتصحي من النوم
شيماء : يا بكاش ..ادخل
ابراهيم : لا طنط نايمه ميصحش ..انا جيت اقولك بس انى هخرجك النهارده
شيماء : هنروح فين
ابراهيم : انتى نسيتى اننا مخطوبين لازم بقي نجهز نفسنا وكده يعنى
شيماء: ماما جايه معانا
ابراهيم : لا هنخرج سوا وماما و فوفا يبقوا يروحوا لوحدهم واخدك افسحك
شيماء : خلاص ماشي ينفع شهد تيجي معاايا
ابراهيم : شيمو يا حبيبتى انا بحب شهد وكل حاجه بس انا عاوز اخرج مع خطيبتى
شيماء : ايه بحب شهد دي
ابراهيم : اقصد بحب صحبه شهد
شيماء : اممممم بس شهد عندها صحاب تاني
إبراهيم : يووووه بعشق امك انتى
شيماء :لا اعشقني انا بس
إبراهيم :طب يلا روحي كملي نوم ..وانا لما اصحي هكلمك
شيماء : بحبك
إبراهيم : بموت فيكي
بعد ما خرج إبراهيم شيماء باست الدبلة
------------------------------------------------------------------------------------
صحيت شهد وحضرت الفطار علي السفره وصحت ملك وباباهـا ومامتهـا
وبصت في الموبيل لقت مسدج من زياد * صباح الخير علي احلي شهد في الدنيا* ابتسمت وردت *صباح النور يا روحي*☺
امل : بتضحكي علي ايه
شهد : لا ولا حاجه
امل : طيب البطاطس عايزة ملح
شهد :ها. ... حاضر هقوم اجيب ملح
_____________
بعد ما شهد خلصت الفطار
شهد :ملوكة ممكن تنزلي تجيبي الطلبات دي يا قلبي
امل :ملك مش هنا يا حبيبتي دي بتلعب مع كريم و جني تحت
شهد :اووف بقا انا عايزة حد يجيب الطلبات دي يا ماما
امل :انزلي انتي و خلاص يا شهد
شهد :مكسلة الصراحة
ولا اقولك هنزل
_________
عند شيماء
شيماء :شوفتي يا ماما الواد كريم الحيوان اقوله هاتلي طلبات يقولي ايدك علي 6 جنيه هو الواد ده كل مرة يغلي اسعاره كدا ما كل صحابي اخواتهم بياخدو4 جنيه و في ناس اخواتهم بياخدو 3 جنيه ولله
وفاء :بس كفاية صدعتي امك و اللي جابوها
شيماء :يا ماما انا عايزة اجيب حاجات
وفاء :انزلي ياختي انتي
شيماء :طيب ولا الحوجة ل كريم الكلب
بعد 10 دقايق كانت شهد لبست و نازلة و شيماء كانت خلصت و اتقابلو تحت العمارة
شهد :رايحة فين كدا
شيماء :رايحة اجيب حاجات نقصاني وانتي
شهد :انا رايحة السوبر ماركت اشتري حاجات
شيماء :الواد كوكي الكلب مرضيش يجبلي و نزل يلعب
شهد بتضحك :و انا ملك بتلعب مع جني و كريم و مش لاقيتها
شيماء :طب يلا احنا نشتري طلباتنا
وهما رايحين يشترو طلباتهم بدأت السما تنزل المطر و صوت الرعد بقى قوى جداااااا
شيماء قلعت الجاكيت بتاعها و حاولت تاخد شهد معاها بس على مين شهد من وهى صغيرة بتموت فى الشتا و بتحب جدا تمشى تحته
شيماء: يا دودو بجد هتاخدى برد كده و انتى لابسة خفيف
شهد: شيمو ما تخافيش انتى عارفة انا بحب كده ده انا هموت فى هاند فري دلوقتى و اجرى على البحر فى الجو ده
شيماء: والله انتى بتتعبى قلبى معاكى يلا مدى طيب بسرعه علشان اتبليتى على الاخر
شهد :يلا
في اللحظة دي كان موبايل شهد بيرن و كان في البيت
دخلت شهد و شيماء السوبر ماركت و جابو طلباتهم و شيماء دخلت المكتبة جابت الحاجات اللي نقصاها و هما راجعين البيت بدءو يتكلمو
شهد :عارفة يا شيمو امبارح كنت حاسة ان انا اللي هتخطب مش انتي عشان انتي انا يا بت
شيماء : ربنا يخلينا لبعض يا قلبي و مش يفرقنا ابدااا ونفضل ديما مع بعض و تمد ايديها تمسك ايد شهد
ايه ده انتى سخنة ولا ايه وتمسك دماغها
شهد : ولا سخنة ولا حاجة ممكن شوية برد و بس
شيماء : برد ايه بس اتفضلى يلا قدامى عشان تروحي على البيت علشان تغيرى هدومك انا قلت هتاخدى برد اتفضلي يلا قدامي هوقف تاكسي استني
شهد بتضحك :تاكسي ايه يا هبلة انتي ده البيت بعد شارعين
شيماء بصتلها بغضب
شهد: خلاص بلاش البصة الفظيعه دى
شيماء : اتفضلى يلا قدامى و هركب تاكسى للبيت
تحاول شيماء تشوف تاكسى عشان شهد الى فعلا حست انها بدات تتعب جامد علشان كده مش اعترضت على شيماء و شوية و شافت تاكسي وقفته و روحه البيت
________
في البيت عند شهد شيماء طلعتها لحد اوضتها و خرجت عشان تغير هدومها
امل دخلت ل شهد
امل :ايه يا شهد انتي برضو لسة بتحبي تقفي لما المطر ينزل يا بنتي 100 مرة اقولك هتبردي مش بتسمعي الكلام
شهد و هي بتكح :ايه يا ماما انا مش صغيرة
امل :شوفتي بقا اهو جالك برد يا بنتي اسمعي الكلام بقا
شهد :حاضر يا ماما
و النبي يا ماما اقفلي الباب وراكي عشان انام شوية
و خرجت امل
_____________
في اللحظة دي شهد مسكت موبايلها شافت 5 Missed call (مكالمات فاءتة ) من زياد في الوقت اللي كانت هي تحت فيه
في اللحظة دي زياد اتصل
زياد بعصبية :الو مبترديش ليه
شهد :كنت في الشارع
زياد :بتعملي ايه في الشارع و الدنيا كانت بتمطر
شهد :كنت بشتري حاجات من السوبر ماركت و السما مطرت و الفون مكنش معايا
زياد: مال صوتك يا شهد
شهد: ابدا شوية تعب كده يعنى من المطر
زياد: الف سلامة عليكى يا قلبي
شهد :تقريبا كدا داخل عليه برد
زياد : الف سلامة عليكم انتى مشيتى تحت المطر صح
شهد بتضحك : وانت ايه الى عرفك
زياد :كنت حاسس لانك قولتيلي قبل كدا انك بتحبي تجري تحت المطر و كنت خايف تكوني في الشارع عشان كدا اتصلت
شهد : اه صح و جالي برد شوفت بقى
زياد: هو انا مش قلتلك خلى بالك على نفسك ليه بتجري تحت المطر
شهد : والله ده طبعي وانت عارف ان دي نن الحاجات اللي ببقى مبسوطة كده متقلقش انا احسن دلوقتى
زياد: ماشى اتفضلى نامى دلوقتى و هكلمك اطمن عليكى شوية كدا
شهد: حاضر خد بالك من نفسك
زياد:حاضر سلام
__________
في الوقت ده كان مازن عند ريماس في البيت و قاعدين برة في الجنينة و بيتكلمو عن شغله و رانيا و ريماس كانت بتتخنق من سيرة رانيا
و هما بيتكلمو شيماء اتصلت عليها
ريماس: الو ازيك يا عروستنا الحلوة
شيماء :الحمدلله يا قلبي اخبارك ايه؟
ريماس: الحمد لله كويسة
شيماء: طيب الحمد لله بقولك دودو تعبانه شوية و انا روحتها البيت وقلت اقولك ابقى كلميها او عديى عليها شوفى هتعملى ايه
ريماس: مالها فيه ايه ما انا سيباكوا امبارح كويسين ايه الى حصل
شيماء: لا متقلقيش شوية برد ابقى تعالى ونذاكر شوية عندها ماشى
ريماس: اه ماشى
شيماء: مالك صوتك مش عجبنى فيه ايه؟
ريماس: مفيش
شيماء: مفيش دى معناها انه فيه حاجات
ريماس: عادى يا شيمو لما اشوفكم
شيماء: طيب بس لازم اشوفك النهاردة طالما الوضع كده شكله عكنن عليكى
ريماس: متقليش على بعد العصر كده هجيلكم
شيماء: طيب مستنياكى سلام
ريماس: سلام يا شيمو
وتقفل الموبايل مع شيماء وتلاقي زياد بيرن
ريماس: حبيب قلبى و روحى وعقلى
مازن بيبصلها جامد
ريماس: حبيبى عامل ايه وحشتنى قوى
زياد: انتى اكتر يا حبى بقولك؟
ريماس: خير شكلك عايز حاجة ؟
زياد: ابدا انا برة بجيب حاجات و كنت عايز اعدى على شهد فى البيت علشان تعبانه و طبعا مش هينفع اروح لوحدى قولت اخدك معايا
ريماس: ايه ده وانت ايه الى عرفك انها تعبانه ؟
زياد: ما انا كلمتها فى الفون وعرفت يا غبية
ريماس: اها عيب عليك وانا اقول انا اول واحدة عارفة طيب انا كده كده كنت رايحلها النهاردة عدى عليه نروح مع بعض
مازن اتوتر جدا و بيكلم نفسه: انا مش عارف ريماس بتكلم مين بس مين الى هى واخدة راحتها معاه ده دي مش بتكلم حد خالص ماشي لما تقفل ليها حساب معايا
ريماس: خلاص يا حبيبى بس ابقى اطمن عليا وابقى كلمنى و اسأل عليه مش علشان انت و شهد بتحبو بعض اتنسى انا ده انا اختك برده فى الاول والاخر
هنا مازن اتطمن أنها بتكلم زياد
زياد: طبعا يا حبيبتى ده انتى الحتة الجوانيه الى فى الشمال دى
ريماس: ثبتنى يا زياد انت بكلامك ده المهم هتعدى عليه امتى
زياد: هكلمك تانى لو كنتى لسه ممشتيش هعدى عليكى اخدك ولو رحتى لها هعدى عليكى هناك على حسب يلا سمليلى على مازن كتير و قوليله يبقى يعبرنى ولاد خالة ايه دول بس
ريماس: ماشى يا حبيبى يوصل
وقفلت ريماس الفون مع اخوها واتدورت ل مازن لاقيته غارق فى تفكيره
ريماس: احم احم انت يا عم
مازن: ايوة يا ريمو بتقولى حاجة
ريماس: لا ابدا الى واخد عقلك زياد بيسلم عليك وبيقولك ابقى اسأل
مازن: الله يسلمه هبقى اكلمه انا كمان شوية
ريماس: مالك يا مازن فيه ايه شكلك مش طبيبعى
مازن: لا ابدا بس الواحد ساعات بيتسرع فى حاجات مش عارف كانت ممكن توديه لفين
ريماس: انا مش فاهمة حاجة
مازن: مش مهم
في اللحظة دي دادة فاطمة جات عندهم
فاطمة:يلا يا ولاد الاكل جاهز عشان تتغدو
مازن :حياتي بحبك و ربنا يا بطوط يلا يا ريمو هموت من الجوع
____________
امل دخلت لشهد تصحيها
امل: دودو يا حبيبتى انتى لسه نايمة الساعه بقت 2 قومى يلا
شهد: معلش يا ماما تعبانه والله سيبنى نايمة كمان شوية
امل: طيب قومى صلى الظهر و نامى تانى
شهد: حاضر و قامت وهى تعبانه قوى وبدأ يظهر البرد عليها اكتر و صلت ورجعت بسرعه للسرير الباب خبط
امل: انا هفتح نامى انتى يا حبيبتى
تفتح الباب تلاقى شيماء
امل: ايه ده شيمو عروستنا الحلوة ازيك يا حبيبتى تعالى ادخلى
شيماء: ازيك يا طنطى المريضة عاملة ايه
امل: الدور جامد معاها قوى
شيماء: لا الف سلامة انا هدخلها
امل: طيب يلا على ما احضرلكم الغدا
شيماء: ايه ده لو على الغدا استنى بقى لما ريمو صاحبتنا تيجى
امل: لسه قدامى بتاع ساعه كده ادخلى و كلمى صاحبتك قوليلها ما تتاخرش
دخلت شيماء ل شهد وقعدوا يتكلموا شوية واتصلوا ب ريماس علشان ما تتاخرش
وفعلا بعدها بساعه كانت عندهم
شهد:كويس انك متوهتيش و عرفتي السكة
ريماس:عم سامح عرف المكان عشان ايجا هنا قبل كدا باين
شيماء: يعنى هو قالك انه بيحب رانيا دي
ريم: معرفش كل الى قاله أنها جدعة و بتشيل عنه الشغل
شهد و هى تعبانه: ما يمكن صحاب بس يا بنتي
شيماء : ده عيل بارد و مالهوش لازمة
وسكتت لانها حست ان ريماس اتضايقت
و كملت كلامها :معلش يا ريمو والله ما قصدى بس احساسى انه بيغلس عليكى و يزعلك كده ببقى نفسى امسكه اعضه حتة عضة اخليه يقول حقى برقبتى
تضحك شهد وتقولها : ما انا عارفة عضتك انتى هتقوليلى فاكرة البت الى كانت غيظاكى واحنا فى اعدادى و عضيتيها و خلتى ايديها واقفة اسبوع كامل و وارمه
ولا ايه البنت بعدها كل ما تشوف وش حد فينا تجرى مننا تصرخ
شيماء: اتريقي ياختي ماشى مش انا جبتلك حقك ولا لا
شهد : لا ولا فاكرة الصاروخ الى ضربتيه فى مستر وليد بتاع الرياضيات و الراجل يا عينى بنطلونه ولع و بقى ماشى فى المدرسة برجل سليمة ورجل مولعه لحد الركبة فكرنى بفؤاد المهندس فى افلامه
شيماء: فضل ال3 سنين نفسه يعرف مين الى عمل العملة دى
وفضلوا البنات يتفكروا و يضحكوا مع بعض و ريماس تضحك معاهم لحد ما عبدلله باباها جه
عبدلله بيخبط على الباب: ممكن ادخل ؟؟؟
شيماء : قامت فتحت الباب انكل حبيبى عامل ايه
عبدلله : ايه الجمال ده بس يا ربى خطيبتي هنا بس انا اعمل ايه و دي خطيبتي الجديدة بقا صح
ريماس:انا ريماس صاحبت شهد و شيماء
عبدلله:انتي ريماس دي شهد مش بتبطل كلام عنك خلاص كدا بقو 2 عرايسي
شهد: طيب بس وطى صوتك لاحسن ماما تسمعك وانت حر بقى
امل من بره: فيه حاجة يا عبده
عبدلله: ابدا يا حبيبتى دول البنات بيعاكسونى
شيماء: ايه ده ياعمو انت بتبعينا كده على طول
عبدلله: اعذرينى يا شيمو دى الحكومة .... المهم بقى الجميل حبيب قلب بابا ماله لسه تعبانه يا حبيبتى مامتك قالتلي
شهد: لا ابدا يا حبيبى انا كويسة البنات فوقونى خلاص
ريماس: طبعا هو احنا شوية
عبدلله: طيب يلا قوموا علشان نتغدى
شهد: بابا بجد مش قادرة اقوم من مكانى ولا قادرة اكل روحوا انتم كلوا و تعالولى تانى
عبدلله: واهون عليكى اكل لوحدى
شهد: ما هو انت معاك اهو القمر ده و الشمس دى يعنى واحد على اليمين و التانيه على الشمال
عبدلله: تؤ تؤ تؤ وانتى لازم تكون قدام قلبى علشان اعرف اكل ولا ايه يا بنات
البنات: طبعا ياعمو
و خرج عبدلله
شيماء:صحيح عاملة ايه مع زياد
شهد :زياد ده اجمل و احسن حاجة في حياتي
ريماس: زياد ده بجد ما شفتش اطيب منه يارب تبقى يا مازن تكون زيه كده طيب و حنين
والبنات فضلوا متنحين وفى صوت واحد : ااااااااااااااااااااااااه يا حنين
ريماس: تصدقوا انتو محدش يقولكم على حاجة اصلا رخمين
وتنادى عليهم امل : يلا يا بنات
و جرس الباب رن و فتحت شهد تشوف مين لاقت زياد و كانت لابسة بيجامة عليها ميكي ماوس و عاملة شعرها 2 ديل حصان علي جنب و كان شكلها كيوت و صغنن
و فجأة
تفتكره هيحصل ايه؟ ؟؟؟
رايكو في الرواية لحد دلوقتي
رخمة ولا حلوة
التعليقات على الموضوع