احببت طباخة💠الحلقة 17💠
الحلقة 17 رواية أحببت_طباخة
وقفنا عند
عند مازن في الشغل
رانيا :مازن في واحد و معاه واحدة بيسالو عليك برة و عايزينك
مازن :طيب خليهم يدخلو مش قالو عايزين ايه
رانيا:لا مقالوش
مازن :طيب دخليهم
رانيا :اتفضلو
مازن :هو انت و جاي لحد هنا كمان وانتي يا شهد جاية مع البني آدم ده ليه
ادم :مبدئيا كدا يا استاذ مازن انا جاي أوضح لحضرتك سوء التفاهم و شهد عشان تتأكد اني مبكدبش
مازن :خير عايز تقول ايه
ادم :اليوم اللي انت شوفتني واقف مع ريماس دي كانت اول مرة اقف معاها و اتكلم معاها و كنت بطلب ايدها و بشوف موافقتها مبدئيا عشان لو موافقة اخد رقم والدها و اجي اتقدملها
اما شهد جات معايا عشان امبارح وقفتها و قولتلها انسة شهد ممكن تقولي ل ريماس اني عايز اخطبها و هي طلبت مني اقول ل ريماس
شهد :فعلا ده اللي حصل
مازن ببرود :طلبك مرفوض اسف
آدم:ممكن اعرف ليه
مازن :كدا من غير ليه مش موافق
آدم :أيوة اديني سبب واحد انا مستوايا المادي و الدراسي كويس و معنديش عيب و أعتقد ان حضرتك مش ولي أمرها بس انا جيتلك عشان افهمك ان ريماس معملتش حاجة غلط
مازن :أعتقد وقتك انتهي عشان عندي شغل ياريت تتفضل
آدم :طيب تمام جدا يلا يا شهد احنا
و خرج آدم و شهد و ركبت معاه العربية و ل طريقهم للجامعة
______________
رانيا كانت واقفة عند اللوكيشن بتظبط حاجات
ناصر :رانيا .... يا رانيا
رانيا: ايه ده مستر ناصر ازيك عامل ايه بقالى يومين مشفتكش و مش بتيجى القناة خالص
ناصر: ماهو انتى لو بتسئلى كنتى عرفتى
رانيا: معلش ولله بس انا قلت لاقدر الله لو كان فيه حاجة كان حد هنا عرفوا ها كان فيه ايه بقى
ناصر : ابدا يا ستى بابا كان عايزني اسافرله عشان محتاج ورق مهم و كان مصمم اروح لوحدي ف روحت و كدة
رانيا: طيب الحمد لله و باباك عامل ايه
ناصر: اه الحمد لله بخير
رانيا: الحمد لله و لو احتاجت اي مساعدة في حاجة مش عارفها قولي
ناصر: شكرا يا رانيا بجد مش عارف اقولك ايه ؟
رانيا: متقولش حاجة
ناصر: متشكر قوى يلا سلام عشان مش اعطلك
رانيا: سلام
ناصر راح مكتبه
ناصر لنفسه:لحد امتى يا رانيا مش هتحسى بيه بقى معقول فيه حد بيتحب الحب ده كله ومش حاسس حرام عليكى بجد الى مصبرنى انى شايفك قدامى و مش مهتمية بجد بس بجد انا لازم اتصرف مهو مش هفضل عامل زى ابو الهول كده ربنا يستر
_______
زياد كان مستني شهد برة الجامعة و لسة بيتصل عليها شافها نازلة من عربية ادم راح ناحيتها
زياد بعصبية :شهد كنتي فين كل ده
آدم :طيب عن أذنك يا شهد انا داخل عشان عندي محاضرة كمان ربع ساعة
شهد :وطي صوتك يا زياد في ايه
زياد :مين ده بقولك
شهد :وانت مالك و بعدين انت بتزعقلي كدا ليه اصلا
وهى واقفه لاقت زياد شدها من دراعها و فتح باب العربيه ودخلها
شهد بعصبيه: ايه ال بتعمله دا يا زياد
بسرعه زياد دخل العربيه وقفل الابواب ومردش علي شهد ومشى بالعربيه
شهد في الطريق عماله تنفخ: اسمه ايه دا .. انا عندى محاضرات مهمة حضرتك
زياد بصلها بغضب: مفيش محاضرات انا عاوزك ف موضوع اهم
شهد : بعدين انا كده هتاخر
زياد بنرفزه و خبط الدريكسيون جامد: شهد مفيش نزول من العربية
سكتت شهد
وصلوا لمكانهم عند بحر اسكندرية علي الشاطيء ونزل زياد و شهد فضلت قاعده ف العربيه
زياد نزل فتح باب العربيه ليها : انزلى يا شهد علشان نتكلم
شهظ نزلت بعصبيه ومشيت خطوتين ووقفت ربعت ايديها
شهد: خير ..ايه الموضوع ال مهم دا
زياد:مين اللي كنتي راكبة معاه ده ممكن اعرف
شهد :وانت مالك
زياد بعصبية :مفيش حاجة اسمها و انت مالك مين ده بقولك
شهد :ده دكتور آدم و كنا رايحين عند مازن ابن خالتك عشان يطلب ايد ريماس
زياد : و مطلبش ايدها مني ليه
شهد :عشان هو ميعرفكش و مش شافك و شاف مازن في الكلية امبارح و راحلو و قالي تعالي معايا عشان انا صاحبتها و اقول رايي فيه
و بس كدا في حاجة تاني يا باشمهندس زياد عايزة ارجع الجامعة
زياد :و تركبي معاه ليه اصلا
شهد :انت مالك بتزعقلي كدا ليه هو ايه اللي بيني و بينك اصلا عشان تزعقلي كدا احنا مجرد أصدقاء
زياد سكت لحظات :لا احنا مش أصدقاء وانتي اكيد فاهمة شهد انا....
شهد بصتله : انت ايه
زياد قرب من شهد :انا بحبك
شهد تنحت : ها
زياد قرب اكتر من شهد: وانتى بتحبينى صح
شهد اتفاجئت وقعدت تحاول تجمع نفسها وبتوتر : بحبك ايه لا طبعا مش بحبك احنا صحاب و بعدين مش معني اني اتكلمت معاك و انك كنت بتدافع عني دايما اني اكون بحبك و كمان لا انا مش بحبك انا..
شهد لسه بتكمل كلامها قرب منها زياد وحضنها : بحبك اوي يا شهد
شهد واقفه متنحة مش قادره تتحرك ولا تتكلم
ومره واحده زقته : ايه ال بتقوله دا
زياد : بحبك
شهد جمعت نفسها وبصتله : وانا مش بحبك وعاوزه امشى من هنا ورايا محاضرات
زياد مسك ايديها وهى باصه الناحيه التانيه
زياد : شهد بصيلى ف عينى وقوليلى انك مش بتحبينى
شهد بتوتر : عاوزه امشى قولتلك انت عاوز ايه مني
زياد مسك ايدها : عاوزك تبقى معايا
شهد جسمها قشعر :بس انا خايفة
زياد:خايفة من ايه يا حبيبتي
شهد بدموع علي خدها:خايفة توجعني او تجرحني دي اول مرة هحب و خايفة اوي يا زياد وجع القلب وحش
زياد قاطعها و حط ايده علي شفايفها:هشششششش انا بحبك و عمري ما هجرحك ولا اوجع قلبك
و بدأ يمسح دموعها و قالها :دموعك دي مش هتنزل غير للفرح بس
و قعد زياد و شهد قعدت جمبه و زياد سند رأسه علي رجلها
شهد انتي حاجة نضيفة جدا من اول يوم شوفتك فيه حسيت ان انتي الوحيدة اللي قلبي دق ليها انتي الوحيدة اللي نفسي اكمل عمري معاها انتي الوحيدة اللي شوفت فيكي ولادي
النصيب خلاني اقابلك كذا مرة كنت كل يوم باكل في المطعم و كان عندي فضول اعرف مين اللي بيعمل الاكل ده
حبيتك من لماضتك من ضحكتك من انك كنتي ب 100 راجل و اتحملتي مسؤلية حبيت شهد بجد كنت بقنع نفسي اني بخاف عليكي زي ريماس لكن اكتشفت اني بحبك بجد مش اخوات ولا حتي صحاب
زياد قام وقف و شهد وقفت معاه وماسك بالايده الاتنين ايد شهد قدامه وباابتسامه وعينه ف عينها :
شهد انا بحبك لا بعشقك يا دودو😍😍❤❤
شهد متنحة ومتوتره مش عارفه تعمل ايه وهى باصه ل زياد دموعها نزلت من عنيها زياد مد ايده ومسح دموعها :اوعدك ان الدموع دى مش هتنزل تانى غير من الفرحه
زياد شد شهد ف حضنه وشوشها :بحبك يا شهد بحبك يا احلي حاجة في حياتي
شهد مش مصدقه ال سمعاه وحساه وعايشاه من فرحتها ومش متخيله ان دا يحصل دموع نزلت من عنيها من الفرحه : بحبك
حضنها زياد اووى : وانا بمووووت فيكى اخيرا قولتيها
زياد و شهد قعدوا قدام البحر و زياد ماسك ايد شهد مش عاوز يسيبها وع وشه ابتسامه و شهد كمان
شهد: زياد
زياد : قلب زياد و روح زياد
شهد :انت عرفت انك بتحبني ازاي
زياد :اول مرة شوفتك فيها لما سالتيني تدفعي المصاريف فين وقتها اتلخبطت و مش عارف بيحصلي ايه تاني مرة شوفتك كان عندي فضول اعرف اسمك و لما شوفتك يوم الخناقة كنت هموت لو حصلك حاجة اتاكدت ان انتي اللي قلبي دق ليها وانتي الوحيدة اللي حبيتها
بقيت عاوز اشوفك ع طول .. عاوز اسمع صوتك
عاوز اكون موجود ف كل مكان انتى فيه واتنفس الهوا اللي بتتنفسيه
معاكى كل حاجه بتبقى حلوه
بقيت باجي كل يوم الجامعة مع ريماس عشان اشوفك بقيت بخاف من اي حد يبصلك و بستني عشان اوصلك شهد انا بحبك لا مش بحبك انا ادمنتك بجد
شهد اتكسفت من الكلام وابتسمت بكسوف : مش كنت اتخيل لدرجه دى الحب ده طلع شيء جميل جدا
زياد بيضحك: ولا انا بصراحه انا لاقيت نفسى كده وحبيبتك من غير ما اعرف
زياد باس ايد شهد: ... بحبك
شهد : بحبك
قعد زياد و شهد ع البحر لفتره من الوقت وهما ماسكين ايد بعض
________
شيماء و ريماس كانو خلصو محاضراتهم
ريماس :تفتكري شهد اتأخرت ليه كدا
شيماء :مش عارفة ولله بس دكتور آدم ايجا من بدري
_______
فارس كان واقف مع عاصم صاحبه و ايجت سلمي ناحيتهم
سلمي دي :في سنة 4 إعلام و صاحبة عاصم و فارس و اخت رودينا صاحبة ميار لكن هي مغرورة جدا و تنكة
سلمي :هاي يا فارس انت و عاصم
فارس :اهلا يا سوسو ازيك
عاصم :ايه يا مزة عاملة ايه
سلمي :تمام
بقالي كتير مسهرتش ما تيجو نروح اي مكان نسهر شوية هناك
فارس:ماليش مزاج الصراحة
عاصم:يا عم نخرج اهو اي حاجة
فارس:انا ماشي عن اذنكم
و مشي فارس بعيد عنهم
عاصم :معلش يا سلمي اصل فارس مركز مع حتة في سنة اولي بس ايه قمر
سلمي :ولله مين دي بقا
عاصم :معرفش كل الي اعرفه اسمها شهد و في سنة اولي
سلمي : و دي نظامها ايه
عاصم :مش عارف بس شكلها محترمة
سلمي :طيب لما تشوفها وريهاني
_________
شهد بصت في الساعة لاقت الوقت اتاخر و ان الشيفت بتاعها ميعاده قرب
شهد :زياد انا لازم امشي الشيفت بتاعي كمان 10 دقايق
زياد :ماشي يا حبيبتي يلا بينا اوصلك طيب
شهد :ماشي
________
مازن كان مستني ريماس برة الجامعة و هي خارجة مشي ناحيتها و شدها من ايدها و ركبت معاه العربية
ريماس :جاي تمد ايدك تاني عليا صح
مازن:لا جاي اصالحك
ريماس :ليه اتاكدت اني مش كدابة
مازن :أيوة
علي فكرة آدم طلب ايدك وانا رفضته
ريماس :و رفضته ليه ان شاء الله
مازن :عشان مش عاجبني و انتي اختي وانا عارف مصحلتك
ريماس حبت تضايقه و تشوف رد فعله :وانت مالك اصلا طب ايه رايك بقا انا موافقة علي آدم و كمان اكيد الحب هيجي بعد الجواز
مازن بعصبية :ريماس انتي عايزاه
ريماس :اه يا مازن انت موافقة علي آدم انت مش موافق ليه
مازن سكت لحظات :مش عارف بس مش موافق و خلاص
ريماس :تمام وانا موافقة و هحدد ميعاد معاه عشان يجي يتقدملي
مازن بصلها:ريماس اتلمي بقا و بعدين انتي لسة صغيرة لما أتأكد أنه يستاهلك هوافق ساعتها
ريماس في عقلها :طب مانا بحبك من وانا صغيرة وانا شيفاك انت و بس و لما كنت مع رانيا كنت بموت وبحس بنار قلبى للاسف القلوب مش بيدينا و انا بحبك وانا عارفة ان قلبك هيكون مع غيرى يارب صبرنى
مازن :ريماس ساكتة ليه
ريماس :ها ... لا ابدا مازن بقولك
مازن :قولي
ريماس: انا عايزة اخرج و كمان مع شهد و شيماء
وممكن كمان زياد معانا ونروح الملاهي او اي مكان
مازن : طيب هشوف اليومين دول
ريماس: حضرتك معانا ولا ايه
مازن: هو انا هقدر اقول حاجة ما انتى رتبتيها اهو خلاص
ريماس: يعنى موافق
مازن: اكيد طبعا
ريماس: بجد انت احلى ميزو فى الدنيا انا بجد انا مش بس بحبك انا بمووووووت فيك
ريماس تنحت من الكلمة الى خرجت منها غصب عنها
مازن ولاول مرة ياخد باله من الكلمة دى حاسها بجد بس مش عارف ليه بس فسرها لانها مبسوطة و فرحانة انها هتخرج وتتفسح
مازن: محسسانى بالفرحة كانك اول مرة تخرجي
ريماس: طبعا مانا بقالي قرن مخرجتش و كمان عشان هروح مع اصحابى
ريماس في سرها:حتى دى مع انها خرجت منى بجد يا مازن غصب عنى محستهاش معقول ياربى اعمل ايه بس انا قلبى وجعنى قوى لو كنت حد معرفهوش كنت بعدت و ارتحت وكان زمانى بحاول انسى بس مكتوب عليه افضل ديما معاك بتربطنى بيك صلة القرابة و الدم لكن صلة قلبى وقلبك متكتبلهاش لسه وصل
( الحب ده اوقات كتيرة بيبقى قدامنا واحنا بندور عليها فى مكان بعيد يمكن لو بصينا كنا شفناه و شيلنا من قلوبنا احزان كتيرة ده في حالة ريماس لو مازن كان شافها غير اخته يمكن كان حبها وده ناصر الى بيحب رانيا بجد و هى مش حاسة باى مشاعر منه او ليه ياترى الحب مخبى لينا ايه تانى؟؟؟؟؟؟؟؟؟؟؟؟)
_________
كريم و ملك كانو في الحديقة بيلعبو مع بعض و شافو واحد بيبيع غزل بنات
ملك بصت عليه
كريم :ملوكة ثواني و راجعلك
ملك :ماشي يا كريم متتاخرش
كريم راح اشتري غزل البنات و رجع لملك
ملك :الله يا كريم انت عرفت ازاي ان انا عايزاه
كريم :عشان عارف انك بتحبيه و كمان قولت اجيب ليا و ليكي
ملك :شكرا يا كريم
_______
شهد كانت في المطبخ بتعمل الأصناف في المطعم
جاتلها مسدج علي الواتس من زياد :(وحشتيني يا قلبي)
شهد ابتسمت و ردت :(انا لسة كنت معاك لحقت اوحشك )
زياد :(علي فكرة بتوحشيني وانتي معايا اصلا)
شهد ابتسمت و ردت بايموشن 🙈❤❤
__________
عند شيماء
وفاء بتحط الاكل علي السفرة: شيمو افتحي الباب
شيماء : حاضر حاضر
شيماء قعدت قرص في خدودها عشان تحمر زى اي بنت بتعمل الحركه دى
إبراهيم : كل ده ما تعشونا بره احسن
شيماء : يخربيت لماضتك
إبراهيم : بحب ارخم عليكي
شيماء : اتلم بقي ..
حنان : طيب رخموا انتو وخلونى اعدي ..انتو رايقين اوي
شيماء حضنت حماتها : نونا وحشانى ...اتفضلي
حنان : هههههههههه وانتى والله وحشانى ..بس انا برضو اللي وحشاكي ولا حد تاني
وفاء : اتفضلوا اتفضلو نورتونا
إبراهيم سند علي الباب بكتفه : طيب ومافيش اتفضل يا هيما
شيماء قلدت حركته و سندت بكتفها علي الباب: لا مافيش اتفضل يا هيما
إبراهيم : والله محدش واخد باله هخدك واهرب بيكي
شيماء : لالالا ياعم ادخل اخاف علي نفسي
إبراهيم : يعنى بتخافي عليا
شيماء : بقول بخاف علي نفسي
ابراهيم : ماهو انا نفسك يابت
وفاء :لا بقولك ايه بلاش محن مرارتي مفقوعة ادخل
وهما بياكلو
إبراهيم :صحيح يا فوفا انا هحدد ميعاد الخطوبة الخميس الجاي ان شاء الله
وفاء و حنان زغرطو :لوووووووولي الف مبروك يا ولاد
شيماء :يعني بعد 5 أيام
طب هنعملها فين
إبراهيم :انا هروح بكرة اتفق في قاعة و نروح تجيبي الفستان و تحجزي مع ميكب ارتيست في اي بيوتي سنتر
شيماء:اشطا بقا و اخيرا
كريم :وانا يا ماما عايز اجيب بدلة عشان انا اخو العروسة
وفاء :و النبي تتنيل هلاقي بدلة مقاسك فين
كلهم ضحكو
_____
شهد كانت قاعدة مع باباها و مامتها بيتعشو
عبدالله :وانتي عاملة ايه يا حبيبتي في كليتك و الشغل مرتاحة يا حبيبتي
شهد :جدا يا بابا الحمدلله انا مرتاحة جدا ولله
امل :ربنا معاكي و يوفقك يا عمري يا رب
عبدلله:و أخبار الجامعة ايه
شهد :تمام يا حبيبي بخير
___________
تاني يوم
زياد بيتصل ب شهد : صباح الخير
شهد بصوت نعسان : صباح النور ..ايه مصحيك بدري كده
زياد : بدري ايه يا قلبي الساعه 7
شهد : وفيها ايه يعنى
زياد : الصراحه دي حجة عشان اسمع صوتك النعسان ده
شهد بتضحك : يا روقانك يا عم
زياد: طيب يلا قومي بقي عشان عاوز أشوفك النهارده قبل ما اروح الشركة
شهد : حاضر
زياد : هتيجي علي امتى ؟
شهد : علي 9 هكون في الجامعة
زياد : طيب هستناكي ..سلام
شهد: باي
شهد قامت من السرير
__________
شيماء صحيت دخلت لمامتها
شيماء في اوضه مامتها : ماما !! ماما حبيبتى اصحي
وفاء : ايوه يا زفتة ..سبينى والنبي انا تعبانه اووي
شيماء : مالك يا حبيبتى قومي طيب كلمينى ..اشوف مالك ..لو تعبانه اوديكي للدكتور
وفاء : سبينى وروحي علي كليتك و عشان تروحي مع هيما تحجزه وانا هبقي كويسه
شيماء : ماما مالك فوفا
وفاء : يابت مافيش سبينى انام بس
شيماء : انا مش هنزل النهارده وهقعد معاكى
وفاء : لا روحى بدل ما ازعل منك
شيماء باست مامتها ..وغطتها كويس وخرجت
ابراهيم بيتصل :الو ..صباح الجمال
شيماء: صباح النور
إبراهيم: مالك
شيماء : مافيش ماما تعبانه شويا
ابراهيم : ليه مالها ..ناخدها علي الدكتور
شيماء: لا انا هفضل معاها لو لسه تعبانه هروح بيها للدكتور
إبراهيم: ماشي يا حبيبتى لو عوزتى حاجه كلمينى
شيماء : حاضر
إبراهيم : خلي بالك من نفسك
شيماء : وانت كمان ..سلام يا قلبي
ابراهيم : سلام يا حبيبتى
شيماء قفلت
ابراهيم قفل ودخل ل حنان : ماما انا نازل شيمو مش هتنزل النهارده و فوفا تعبانه ابقي اطمنى عليها والنبي
حنان : مالها يابنى
إبراهيم: مش عارف والله ..خلي بالك منهم ماشي
حنان: حاضر من عنيا ..خلي بالك من نفسك بس
ابراهيم باس ايد مامته ونزل
____________
شهد لبست وخلصت وكلمت شيماء
شهد : بت انتى فين
شيماء : انا مش هروح ماما تعبانه ومش هقدر اسيبها لوحدها
شهد : مالها فوفا
شيماء : معرفش والله صوتها تعبان اووي وقالتلي سبينى انام
شهد : شيمو اجيلك طيب
شيماء : لا روحي انتى احضري وابقي هاتيلي المهم
شهد : طيب ابقي طمنينى
شيماء : حاضر
بقولك يا زفتة خطوبتي يوم الخميس
شهد :بجد الف مبروك يا قلبي
شيماء:الله يبارك فيكي يا روحي عقبالك يا رب متنسيش تقولي للبت ريماس و تعزميها
شهد :حاضر يا قلبي
___________
ريماس دخلت اوضة زياد
زياد :ايه يا حبيبتي عايزة حاجة
ريماس :ابيه في عريس متقدملي
زياد :آدم
ريماس :انت عرفت ازاي
زياد :شهد قالتلي
المهم انتي موافقة ولا ايه
ريماس :مش عارفة
زياد :لا لازم تكوني عارفة يا حبيبتي
ده جواز مش لعبة
ريماس:بصراحة يا ابيه انا مرتحاله يعني بس مش عارفة
زياد :يعني اقابله ولا لا
ريماس :قابله
_____________
زياد وصل الجامعة و شاف شهد و اتفقو يعدي عليها ياخدها و هي مروحة
ريماس و شهد كانو بيتكلمو
شهد :ريماس صحيح البت شيمو هتتخطب خلاص يوم الخميس
ريماس :بجد طب كويس ولله اخيرا
شهد :انتي طبعا جاية
ريماس :عيب عليكي يا موزتي اكيد جاية
_________
زياد استني شهد برة الجامعة و ركبت معاه و وصلو عند مكانهم المفضل البحر
شهد : بمناسبه اني جعانة انا هعزمك علي غدا
زياد مسك ايد شهد : انا مش عاوز اكل انا عاوز افضل باصصللك كده كتير
شهد وشها احمر : ما انت باصصلي اهو
زياد: عاوز افضل باصصلك لحد ما اشبع منك ..مع انك ميتشبعش منك ابدا..لما ببص في عنيكي برتاح اووي
شهد اتكسفت
زياد وهو باصص ل شهد : يااااااه اخيرا قابلت واحده قلبي يرتحلهـا ويحبهـا كده ياخوفي تكونى مبتحبنيش
شهد وهي سرحـانه في عيونه : مبحبكش ده انا عمري ما حسيت بالاهتمـام والحب ده غير لما عرفتك ..بقيت جزء من حياتي
زياد:انتي بقيتى حياتى كلهـا يا شهد عمري ما اتخيل انى ممكن استغنى عنك ولا اصحي يوم متبقيش جمبي
شهد : وجودك جمبي زي حنان امي وامان بابا و وجود شيماء صاحبتي و ريماس انت ازاي كدة
زياد : بحبك اوووي
شهد :خايفه اتعلق بيك ومتبقاش ليا
زياد:اوعدك انك مش هتكوني لحد غير ليا انا
وهما قاعدين علي الشاطيء و باصين لبعض و كان شغال اغنية
*صدقنى خلاص من بين الناس حبيتك واخترتك ليا ..طول ما انا وياك قدامي ملاك خلتنى مغمضش عنيا ..الله ياسلام في عنيك احلي كلام ...قرب منى شويا شويا قلبي وقلبك سوا يتلاقوا الدنيا انت مليتها عليا ده الحب اللي محدش داقه ..قرب منى شويا شويا ..قد ما تقدر قرب تانى الدنيا انت مليتها عليا وكأنك مخلوق علشانى..ياارق الناس في عينك احساس ..بياخدنى معاه بنسي الدينا ..ضمنى بأيديك لو غالي عليك مضيعش ياريت ولا ثانيه ..الله ياسلام في عينك احلي كلام ..قرب منى شويا شويا قلبي وقلبك سوا يتلاقوا ..الدنيا انت مليتها عليا ..قرب منى شويا شويا قد ماتقدر قرب تانى ..الدنيا انت مليتها عليا وكأنك مخلوق علشانى ..حبيبي..انا محتاجلك تفضل جمبي ااااه ياحبيبي
زياد لسة ماسك ايد شهد وباصص في عينيها وكأنه بيغنيلها الاغنيه دي ليها وكان احساس حلو بيجمعهم
______________
__________
ايجا يوم الخطوبة
و شيماء كانت في البيوتي سنتر و معاها شهد و شيماء كانت قلقانة و حاسة أنها متوترة و مش حلوة مع أنها كانت زي القمر و جميلة جدا
و شهد كانت لابسة فستان نبيتي و شكلها كان رقيق جدا و كانت حاطة ميكب رقيق
شيماء :والنبي يا شهد شكلي حلو
شهد بعصبية :يووه بقا دي رقم 70 تقولي كدا و اقولك قمر قمر ولله مبتزهقيش
شيماء :مانا خايفة اكون وحشة
الميكب ارتيست :ولله انتي جميلة جدا صدقيني و الميكب حلو عليكي
شيماء :بجد و النبي شكلي حلو صح
شهد :مش هرد عليكي ولله
شيماء بصت لنفسها في المراية :طب و النبي قمر يا بت يا شيمو الواد هيما ممكن يغير رأيه و يمشيها فرح مش خطوبة
_______
مرت مدة من الوقت و إبراهيم كان برة مستنيها
و اول ما شيماء خرجت إبراهيم كان واقف متنح و مبهور بجمالها و حنان و امل و وفاء زغرطو
حنان راحت ناحيته :واد يا هيما يلا هات عروستك
إبراهيم لسة متنح :ها ... بتقولي ايه فين عروستي
حنان :ما اهي قدامك
إبراهيم :اه صح
إبراهيم أتقدم خطوتين لحد شيماء و هو بيغمز :بس حاسس انهم بدلو عروستي هي حلوة بس مش مزة اوي كدا
شيماء بنرفزة :قصدك ايه يعني انا وحشة ولا وحشة ده انا قمر يا واد يا هيما بس انت اللي مش واخد بالك
إبراهيم بيضحك و قرب منها وشوشها :بفكر نلغي الخطوبة و نخليها فرح
شيماء اتكسفت :لم نفسك يا واد انت يلا بقا هنتاخر علي القاعة
بعدها شهد راحت ناحيتهم تباركلهم
إبراهيم شاف شهد اندهش من حلاوتها :ايه القمر ده يا ناس شكلي هغير رأيي
شهد :ههههههه و اللي هتولع فيك دي مش هدافع عنك انت حر
إبراهيم بص ل شيماء :دي قلبي من جوة مش ههون عليها صح يا روحي برضو
شيماء خبطته في كتفه و ضحكت
_________
راحو القاعة و عملت زفة جميلة جدا و شهد كانت فرحانة كأنها اللي هتتخطب مش شيماء
و بعدها اشتغل اغاني و شهد كانت بترقص و هي بترقص شافت زياد
و فجأة
..........
استوووب
تفتكره رد فعل زياد ايه؟ ؟؟؟؟
التعليقات على الموضوع