احببت طباخة 💠الحلقه 16💠
الحلقة 16 رواية أحببت_طباخة
وقفنا عند
شهد كانت اشترت الحاجات و وصلت عند البنات و هما بياكلو
وصل عندهم دكتور آدم
آدم :ريماس ممكن بعد اذنك كلمتين علي انفراد
شهد و ريماس و شيماء تنحو
ريماس :اه اتفضل يا دكتور
و مشيت ريماس بعيد شوية مع آدم
آدم :ريماس بصراحة كدا انا معجب بيكي جدا ريماس انا مش هقولك هاتي رقمك و اكلمك و الهبل ده انا من اول يوم شوفتك فيه وانا حسيت اني بجد بحبك مش مجرد إعجاب
عرفت عنك كل حاجة و حاولت اني اكلمك و اقولك لكن كان لازم اتاكد من مشاعري ناحيتك
ريماس :بس انا يا دكتور مش بفكر حاليا في الارتباط
آدم :لا طبعا علي مهلك جدا ولله براحتك جدا فكري و ردي عليا
و هما بيكملو كلام مازن ايجا
مازن بعصبية :ريماس
ريماس خافت لما شافت مازن
ريماس بارتباك :مازن ده دكتور آدم المعيد بتاعي و كان
مازن بعصبية:انتي تخرسي خالص و حسابي معاكي بعدين
و مسك ايدها جامد
في اللحظة دي كانت شيماء مراقبة الموقف و شافت واحد كأنه بيزعق و مسك ايد ريماس
شيماء :بت انتي يا بت بصي مين اللي مسك ايد ريماس ده و بيزعقلها لاين
شهد بصت ناحية ريماس :ده مازن ابن خالتها
طب تعالي بسرعة نروح ناحيتهم يمكن في حاجة حصلت قومي بسرعة
شيماء :طب استني اكمل الساندويتش
شهد بعصبية :ده وقته يا غبية قومي
عند مازن
ريماس :مازن اتكلم براحة الناس كدا هتلاحظ حاجة
مازن :ما يلاحظو واحد بيربي بنت خالتو يعني اخ بيربي اخته هما مالهم
في اللحظة دي شيماء و شهد وصلو عندهم
ريماس بدموع علي خدها :صدقني انت فاهم غلط ده دكتور آدم كان ولله
مازن بعصبية :كان ايه بيشرحلك حاجات مش فاهماها ولا ايه ده بيهزر و بيضحك واضح اني جيت في وقت غلط
آدم : علي فكرة انت فاهم غلط يا استاذ مازن ممكن حضرتك تسيبها بعد اذنك و نتكلم مع بعض
مازن :بقولك ايه انت تخرس خالص انت كمان بس انت بقا هعلمك ازاي نتكلم معاها جدا و تقف معاها و تهزرو
شهد :مازن انت اكيد فاهم غلط دكتور آدم محترم جدا ولله
شيماء :طب معلش عشان الناس كدا هياخدو بالهم يا استاذ مازن بالله سيبها
مازن بنرفزة:بقولكم ايه كل واحد يخليه في حالو ياريت يعني
و بص لريماس:وانتي يلا قدامي
شهد :بس هي لسة عندها محاضرات طب سيبها تكمل اليوم بس و بعد كدا اعمل اللي انت عايزه ولله صدقني مفيش حاجة
مازن :ريماس سمعتي انا قولت ايه مش هعيد كلامي تاني قولت يلا
ريماس بخوف:حاضر
مازن اخدها ومشي و شد ايدها جامد لدرجة أنها كانت هتتكسر
و مشي بسرعة لحد العربية
ريماس بدموع في عينيها :مازن براحة انت بتوجعني ايدي هتتكسر حرام عليك
مازن ببرود:مانا عايزها تتكسر
ريماس:انا عملت ايه عشان ده كلو حرام عليك
مازن :كل ده و معملتيش حاجة واقفة مع واحد بتهزري و تضحكي معاه و طبعا اكيد من زمان وانا مش عارف
في اللحظة دي وصلو للعربية
فتحلها باب العربيه وزقها دخلها و رزع الباب وراها
________
عند شهد و شيماء و ادم
شهد:انا خايفة اوي علي ريماس
شيماء :هو مالو متعصب كدا ليه
آدم :انا مش فاهم هو مالو طيب انا خايف جدا عليها
شيماء لاحظت خوفه الزيادة علي ريماس :هو حضرتك قلقان كدا ليه
آدم بتوتر:ها. .. لا ابدا انا خايف عشان كل ده بسببي بقولك حد يعرف هو منين او رقمه اي حاجة عنه
شهد :اللي اعرفه انه بيشتغل مخرج في قناة MMc
__________
عند مازن و ريماس كانت ريماس لسة بتعيط
مازن خبط الدريكسيون جامد
مازن بعصبية:مش عايز صوت
ريماس خافت :انا معملتش حاجة ولله انت ظالمني
مازن :اكتمي عياطك ده
ريماس لسة بتعيط
مازن :يوووه مش قولت مش عايز صوت
_____
عند فيلا ميار في غرفة نوال
نوال كانت بتتكلم في الموبايل
نوال :ولله يعني انت شوفته خارج من المطعم معاها و وصلها و انهاردة راحلها الكلية
.......:أيوة يا ناني هانم كل ده حصل
نوال :انت لازم تعرفلي كل التفاصيل عن البت دي في اسرع وقت فاهم
....... :امرك يا هانم
نوال :يلا سلام دلوقتي
نوال لنفسها :ولله عال العال يا استاذ زياد مفهم بنتي انك مش فاضي و شغلك و انت مقضيها مع واحدة غيرها بس لا لازم اعرفها هي مين ميار مش هتفضل كدا مختومة علي قفاها
و البت دي لازم تعرف ازاي بتبص ل زياد وهو خاطب
في اللحظة دي ميار دخلت اوضة مامتها
ميار :Good Morning Mamy
نوال :Good Morning Mayar
علي فين يا قلبي خارجة
ميار :رايحة النادي يا مامي
نوال :اومال أخبار زياد معاكي ايه
ميار بحزن:ما انتي عارفة يا مامي زياد مشغول
يلا انا خارجة باي بقا
______
في الوقت ده كان مازن وصل الفيلا هو و ريماس
مازن فتح الباب و شدها من ايدها جامد
و فتح الباب
دادة سحر شافت ريماس راحت ناحيتها
سحر:ازيك يا ريمو عاملة ايه يا بنتي
ريماس كانت بتعيط
سحر :مالك يا حبيبتي بتعيطي ليه
مازن بعصبية :دادة ملكيش دعوة بعد اذنك
و بص ل ريماس :اما انتي بقا يلا قدامي علي فوق
ريماس :والنبي يا دادة خليه يسيبني
دادة سحر :في ايه يا مازن حرام عليك يابني هي عملت ايه بس
مازن بص ل ريماس:ريماس سمعتي انا قولت ايه دادة ملكيش دعوة انتي فاهمة
و شدها جامد من ايديها و طلع اوضته فوق
و سحر طلعت وراه و خبطت على الباب
سحر :افتح يا بني حرام عليك
ريماس كانت منهارة من الدموع:و النبي يا دادة الحقيني
مازن فتح الباب
مازن بعصبية :دادة انزلي شوفي شغلك محدش ليه دعوة
سحر :طب استهدي بالله بس ومتعملهاش حاجة يابني
مازن :سمعتي قولت ايه انزلي تحت بقولك
سحر :حاضر يا مازن بس متعملهاش حاجة
مازن قفل الباب و قعد جمب ريماس علي السرير و كانت منهارة من الدموع
مازن مسك ريماس من شعرها جامد
ريماس صرخت جامد :اااه حرام عليك شعري بيوجعني
مازن :مش عايزة تقولي الحقيقة ليه
ريماس:ولله يا مازن مفيش حاجة بيني و بينه ولا بكلمه
مازن :كدابة
ريماس :ولله ما بكدب صدقني ولله
مازن :انا هخليكي تقولي الحقيقة
ضربها جامد بالقلم علي وشها كذا مرة و ريماس وشها احمر جدا و بتعيط
ريماس :سيبني يا مازن بقا حرام عليك انت ليه مش مصدق ليه
مازن :عشان انتي بتكدبي
ريماس :ولله ما بكدب صدقني
مازن زقها علي السرير و فتح الباب و نزل
و هي اترمت على السرير و بتعيط
مازن كان بيتصل ب شخص
مازن :عايزك تروح كلية إعلام و تروح هناك تسأل عن دكتور اسمه آدم و تعرفلي كل حاجة عنه ساعتين و اكلمك تقولي عملت ايه
_________
رامي كان قاعد في النادي مع احمد ابن خالو و صاحبه و صديق تاني اسمه مراد
احمد :بقى كل الغيبة دى يا رامي ما اشوفكش واحشني ولله
رامي :ايه يا عم دول يومين
ما انت عارف كنت في القاهرة عشان أتابع التصميمات اللي خالي بعتني أتابعها ولسه جاي النهاردة..بس والله ليكوا واحشة
احمد :وعمتى عامله ايه صحيح مش بشوفها
رامي :كويسه كانت بتسلم عليك
مراد و هو باصص بعيدا عنهم :يالهوى بصوا القمر اللى بيجرى هناك ده..فرس صح
رامي من غير ما يبص :متلم نفسك بقى يا مراد انت مش هتبطل
مراد :ياعم اسكت انت ده انت فقرى
لكن من غير قصد وقعت عينيه على البنت واندهش لما شافها استأذن منهم و قام
مراد :هو زعل ولا ايه
احمد :يابنى احترم نفسك بقى ده انت عندك اخوات بنات
______
كانت ميار بتجري و هي لابسة ترننج رياضى ضيق و كانت رايحة ناحية الكافيتريا تشترى حاجة تشربها لحقها رامي
رامي :ميار
ميار بصت وراها لاقته رامي فرحت لما شافته
ميار بأبتسامة :رامي ايه الصدفة دى
رامي بعصبية:انتى ايه القرف اللى لبساه ده
ميار بدهشة :ده ترننج ..اصلى كنت بجرى
رامي :منا عارف والله ...انتى مش شيفاه انه ضيق
ميار بصوت عالي:لا مش ضيق ...وانت ملكش دعوة باللى البسه
رامي مسك ايدها و شدها بعيد شوية لان الناس لاحظت صوتها العالي
رامي:صوتك ميعلاش فاهمة ..وبعدين مينفعش اللى انتى لبساه ده .. ..انا محبش ان حد يتكلم عليكى..او يبص عليكى نظره وحشة
و انتي زي اختي واللى مرضهوش عليها مش هرضاه عليكى .. بعد كده عايزة تجرى اجرى فى فيلا بتاعتك مش قدام الناس و سابها و مشي
ميار حست بالفرحة و ان اول مرة حد يخاف عليها و ان الإنسان اللي خطيبها عمره ما كان بيخاف عليها ابدا و اتضايقت لكن فعلا حست ان كلام رامي صح
_______
عند مازن
كان بياكل
مازن :دادة تعالي عايزك
سحر دخلت عنده
سحر :أيوة يا مازن
مازن :طلعي اكل ل ريماس عشان تأكل حاجة
سحر :حاضر
تليفونه رن و رد بسرعة
مازن :ايه عملت ايه عرفت حاجة
......:عرفت شوية حاجات
مازن :اخلص قول
.......:آدم ده معيد في الجامعة و بيقولو انه من اول يوم مركز مع انسة ريماس اوي و شكله بيحبها جدا و دايما بيبصلها كتير
مازن اتعصب :طب و هي بتحبه
......:دي بقا مش عارفها
مازن :طيب اقفل دلوقتي
بعد ما قفل معاه اتصل ب زياد
مازن :ايه يا زياد
زياد :ايه يا مازن في حاجة
مازن :ريماس عندي في الفيلا عشان كانت عايزة تشوف دادة سحر
زياد :اه طيب ماشي هي هتيجي امتي
مازن :بالليل كدا
زياد :ماشي ... مال صوتك
مازن :لا ابدا مفيش تعبان شوية
زياد :الف سلامة عليك
________
عند ريماس فوق كانت نايمة علي السرير بتعيط
خبطت سحر الباب
سحر :افتحي يا بنتي انا سحر
ريماس :ادخلي يا دادة
سحر وضعت الصينية علي السرير
سحر :اتفضلي يا ريمو الاكل انتي اكيد جعانة
ريماس :مش عايزة شكرا يا دادة
سحر :لا يا بنتي كلي حاجة انتي اكيد جعانة
ريماس :مش عايزة مش عايزة
في اللحظة دي دخل مازن
مازن :مفيش حاجة اسمها مش عايزة كلي الاكل مالوش دعوة انزلي انتي يا دادة دلوقتي
نزلت سحر و قفلت الباب وراها
مازن قعد جنب ريماس
مازن :قومي كلي حاجة
ريماس :مش عايزة كفاية بقا انت عايز مني ايه
مازن مسكها من شعرها :لما اقولك تقومي يبقي تسمعي الكلام
ريماس :يعني اكل غصب عني انا مش جعانة اصلا اكل وانا مش جعانة يعني
مازن :اه كلي
ريماس بدأت تاكل و مكملتش 5 دقايق و خلصت اكل
ريماس بصتله :ولله شبعت مش قادرة هقوم اغسل ايدي
______
شهد كانت في اللحظة دي في المطعم و زياد رن عليها و ردت
شهد و هي عارفة انه زياد :أيوة مين
زياد :يعني مش عارفة
شهد :مش واخدة بالي مين حضرتك
زياد :طيب وحشتيني علي فكرة
شهد :مين برضو
زياد :بالعقل كدا مين هيقولك وحشتيني غيري يعني
شهد :يووووه كتير اوي
زياد اتعصب :لا ولله مين دول بقا
شهد بتضحك :بهزر يا رمضان ولله
زياد :طيب انا في المطعم عايز اكل حاجة جديدة انهاردة انا خلاص أدمنت اكلك
شهد :بجد
زياد :اه بجد عايز اشوفك اطلعي دلوقتي الصالة كأنك بتجيبي حاجة او كدا
شهد :حاضر
طلعت شهد الصالة و زياد شافها و انبهر بشكلها باليونيفورم و دخلت تاني شهد
زياد :ايه القمر ده أحلي شيف شوفتها
شهد :لا ولله طب اطلب المينو بقا عشان تروح
زياد :بس انتي وحشتيني اوي اطلعي تاني
شهد :زياد انا ورايا شغل بطل دلع بقا و شوف وراك ايه و امشي
زياد :المهم هتخرجي معايا انهاردة
شهد :لا طبعا اخرج معاك ليه
زياد :خلاص بلاش انهاردة خليها بكرة
شهد :ايه انت كل قرار انت بتاخده كدا
اقفل دلوقتي عشان حد جاي
__________
عند ريماس و مازن
مازن :مش عايزة تقولي برضو بتحبيه ولا لا
ريماس :قولتلك مفيش حاجة بيني و بينه ولله
مازن :بس هو فيه من ناحيته
ريماس :معرفش بصراحة معنديش فكرة
مازن بنرفزة :بس الجامعة كلها عندها فكرة
ريماس :معرفش قولتلك معرفش انا عايزة اروح بقا
مازن :لا بالليل هروحك
ريماس: طيب اسأل اي حد او بلاش تظلمني لو كدابة ساعتها موتني
مازن :طيب هصدقك انهاردة لحد ما اعمل تحريات بنفسي لو طلعتي كدابة متزعليش من اللي هيحصلك و انهاردة ده كان قرصة ودن صغيرة
ريماس :ماشي
مازن فتح Tv و كان بيتفرج و هي قاعدة جمبه و نامت علي كتفه و مازن شالها نيمها علي السرير
و كان بيفكر يتأكد أنها مش كدابة
________
اما زياد كان مستني شهد في الشارع اللي بتمشي منه
زياد بيبص في ساعته :كل ده مش كفاية تأخير بقا
شهد اندهشت :انت ايه اللي جابك هنا
زياد :يلا عشان اروحك
شهد :لا انا مش عايزة اموت
زياد بيضحك :متخافيش ولله ما هتموتي يلا بقا
شهد بتبص علي منظر البحر كان شكله تحفة
كان الوقت ده بعد صلاة المغرب
زياد مسك ايدها و قعدو عند الشاطيء
زياد و هو باصص لشهد :تعرفي ان عيونك حلوة لمعة عينيكي دي حلوة جدا
شهد اتكسفت :🙈 انت كمان عيونك حلوة جدا عيونك زي البحر
زياد بيغمز:مانا عارف
شهد:بحر إسكندرية ده حلو اوي ناس بتسافر من جميع المحافظات عشان تيجي هنا و انا في إسكندرية و مش عارفة اروحه
زياد:فعلا دي احلي بلد في الدنيا
قوليلي يا شهد
شهد :نعم
زياد:انتي ليه بتشتغلي يعني انتي من نفسك ولا اهلك عايزين كدا
شهد:لا انا اللي قررت اشتغل عشان اخفف الحمل من عليهم شوية لان مصاريفي هتكون كتيرة و هما اعترضو في الأول لكن بعد كدا بقا الموضوع عادي و وافقو
____________
مازن كان قاعد جنب ريماس علي السرير بيتفرج علي شكلها و هي نايمة و دموعها لسة بتنزل حس بالندم علي اللي عمله و انه اتسرع و بدأ يمسح دموعها
مازن قرر يصحيها عشان يروحها بدري
مازن :ريماس قومي عشان اروحك .... ريماس
ريماس :اممم عايزة انام
مازن :طب قومي عشان اروحك بدري
ريماس قامت :حاضر
مازن :يلا قومي
_______
شهد و زياد لسه علي البحر
زياد : تصدقي اول مره افضل فيها بره البيت كده مع بنوته ..لاو وكمان زي القمر
شهد : ياسلام .. لا بجد يعني انت اول مرة تخرج مع بنت
زياد :انا مكنتش بلاقي وقت اصلا عشان اخرج مع اختي هتصدقينى لو قولتلك انا مبسوط اووي انى معاكي وانك فتحتيلي قلبك واتكلمتى معايا
شهد :لعلمك انا مبتكلمش مع اي حد غير اللي قلبي يرتحله
زياد : اممممممممم ده اعتراف واضح وصريح منك ان قلبك ارتحلي
شهد بصت الناحية التانية:يوووه بقا لا اقصد يعنى حسيتك فاهمنى وفاهم كلامي
زياد :شهد هو انتي مش مرتبطة
شهد :لا وانت
زياد :مستني بنت الحلال
شهد: يارب تلاقي بنت الحلال
زياد : ماهي موجوده اهي
شهد :لا ولله
وهما بيتكلموا عدت عليهم بنت صغيره لابسه جلابيه متبهدله و قديمة ومسكه ورد : ربنا يخليهـالك يا بيه وتتجوزهـا خد منى ورد واديها للقمر دي
زياد : والنبي الدعوه دي جايه في وقتهـا وعشان دعوتك دي خدي دول وهاتى ورده وحده للقمر الي معايا
زياد دخل الوردة في شعر شهد
شهد : احم احم ميرسي يا زياد..اول مره يجيلي ورده حمرا
زياد : تاكلي غزل البنـات
شهد : الله انا بحبه اووي.
زياد : طيب استنى ..لو سمحت عاوز اتنين..
........:اتفضل
زياد : شكـرا ..اتفضلي
شهد : الله كده كتير عليـا.. انا بحبه اوي من و انا صغيرة
زياد : يلا اي خدمه
شهد : ميرسي بجد يا زياد انا محدش عمل معايا كده بجد
زياد : تعرفي مع انك انسة وعسوله خالص بس عنيكي وحركاتك بحسهـا طفله و طفلة بريئه اووي
شهد (بصت في الارض ورجعت بصتله ):طب ودي حاجه حلوه ولا حاجه وحشه
زياد : انتى كلك علي بعضك حلوه يا شهد
لان انتي فعلا شهد
شهد :ميرسي يا زياد
زياد : امسحي جنب شفايفك فيه سكر
شهد : هنـا
زياد: لا يابنـتى جمبهـا شويا
شهد : خلاص راحـت
(زياد مسك ايدها بيشاورلها ) : لا هنـا هنـا
و بدأ زياد يمسحلها
في اللحظة دي عنيهم جت في عيون بعض و نفسهم كـان قريب اووي من بعض وفضـلوا كده دقيقة
شهد اتكسفت و وشهـا احمر ): احم طيب قوم نمشي بقي
زياد وصل شهد لحد الشارع
زياد : انا مبسوط علي اليوم اللي قضيته معاكي ده
شهد: انا مبسوطه اووي ان بقي ليا صاحب وصديق و اخ بجد زيك
زياد: وانا هفضل صاحب وصديق و اخ ليكي بجد..اشوفك بكره
شهد: ان شاء الله
_____________
مازن وصل ريماس لحد الفيلا
مازن :ريماس لو بجد كلامك طلع كدب متزعليش من اللي هعمله
ريماس :مش هزعل عشان انا مش كدابة
عن أذنك عشان عايزة انام
_____________
شهد كانت في اوضتها و هي مبسوطة اوي وحاسة أنها فعلا حبت زياد
و هي قاعدة علي السرير تليفونها رن و كانت شيماء خرجت برة البلكونة و بدأت تكلمها
شهد : الو ..ازيك يا قلبي
شيماء: ايه يابت عاملة ايه
شهد : لسه مروحه والله
شيماء : كنتى فين كل ده مش المفروض انك خلصتي الشيفت بتاعك بدري
شهد : كنت مع زياد عند البحر واتكلمنا شوية وبعدين روحنا
شيماء : ايوه بقااااا يا دودو
شهد : اتلمي بقي اول مره احس انى مبسوطه كدا اهتمامه بيـا خلانى اتعلق بيه ..انا خايفه
شيماء : متتعلقيش بيه اووي عشان متتوجعيش ولسه هو مقالش بحبك اصلا واحنا عارفينه من قريب
شهد: عندك حق
شيماء :المهم عرفتي ريماس عملت ايه
شهد:رنيت عليها تليفونها مقفول
شيماء :وانا كمان لو عرفتي حاجة قوليلي
شهد :حاضر يا قلبي
شيماء: بحبك اوي يا قلبي
شهد : وانا بحبك يا اوزعة ..تصبحي علي خير عشان هيما واقف في البلكونة
شيماء :طيب غوري دلوقتي
شهد :بقا كدا يا جزمة ماشي
_________
إبراهيم:وحشتيني
شيماء :وانت كمان يا حبيبي
إبراهيم :صحيح عايزين نحدد ميعاد الخطوبة بقا
شيماء :اه ياريت
كان في شخص واقف في البلكونة اللي قصادهم و بيبص علي شيماء
إبراهيم شافه و بص ل شيماء و بعصبية:شيماء ادخلي جوة
شيماء :حاضر بس بتزعق ليه
إبراهيم :قولت ادخلي يلا
دخلت شيماء اوضتها و إبراهيم اتخنق من الولد ده
___________
تاني يوم
شهد و شيماء كانو في الجامعة و قاعدين في الكافيتريا و دكتور آدم راح ناحيتهم
ادم:انسة شهد ممكن دقيقة بعد اذنك
شهد :اكيد اتفضل يا دكتور
شهد وقفت معاه بعيد شوية
ادم:شهد انا وصلت ل مازن و عرفت بيشتغل فين ممكن تيجي معايا نروحله مش هنكمل ساعة و متقلقيش هرجعك قبل المحاضرة الأولي
شهد :ماشي يا دكتور ثواني اقول ل شيماء
شهد راحت ناحية شيماء اخدت شنطتها
شهد :شيمو هروح مشوار سريع مع دكتور آدم و هنرجع علي طول
شيماء :رايحين فين
شهد :هقولك اما اجي
________
بعدها ب 5 دقايق وصلت ريماس هي و زياد عند شيماء
ريماس :صباح الخير يا شيمو
شيماء :صباح الورد يا حبي
ريماس :اومال فين شهد
شيماء :مش عارفة بس راحت مع دكتور آدم مشوار و زمانها جاية قالت مش هتتاخر
زياد بعصبية :نعم راحت مع مين و ازاي يعني يطلع مين دكتور زفت ده و ازاي تسيبيها تروح معاه
شيماء :انت بتزعق كدا ليه اللي يسمعك كدا يقول انك غيران عليها منه
زياد :ها ....لا طبعا بس انا خايف عليها
زياد بيتصل علي شهد و كنسلت عليه
_________
عند مازن في الشغل
رانيا :مازن في واحد و معاه واحدة بيسالو عليك برة و عايزينك
مازن :طيب خليهم يدخلو مش قالو عايزين ايه
رانيا:لا مقالوش
مازن :طيب دخليهم
رانيا :اتفضلو
مازن :هو انت و جاي لحد هنا كمان وانتي يا شهد جاية مع البني آدم ده ليه
ادم :مبدئيا كدا يا استاذ مازن انا جاي أوضح لحضرتك سوء التفاهم و شهد عشان تتأكد اني مبكدبش
مازن :خير عايز تقول ايه
ادم :اليوم اللي انت شوفتني واقف مع ريماس دي كانت اول مرة اقف معاها و اتكلم معاها و كنت بطلب ايدها و بشوف موافقتها مبدئيا عشان لو موافقة اخد رقم والدها و اجي اتقدملها
و فجأة استوووب
تتوقعه رد فعل مازن ايه و شهد جاية معاه ليه؟ ؟؟
و يا تري زياد هيعمل ايه مع شهد ؟؟؟؟؟
التعليقات على الموضوع