اومينيس 🙄الجزء الثالث🙄
#اومينيس 3
ملحوظه تانيه :معلش الناس اللي بتقرا بصوت عالي تيجي عند الاسماء المذكوره في القصه والتعاويذ بلاش نقولهم بصوت عالي يا جماعه فضلا واللهم بلغت!
..لقيت مكتوب علي الحيطه بالدم " ...العجل العجل الساعه الساعه احضروا الان!!!! "
انا قريت اللي مكتوب ودماغي وقفت تفكيري كله كان منصب علي مين اللي هيحضر هو في بلاوي تاني اكتر من اللي متلقحه بره دي ؟ , واقفه في مكاني مش بتحرك رجلي تقلت عايزه افقد الوعي مش شايفه حاجه بس حاسه ان في حاجه هتحصل اخويا بينده والشيخ بيستعجل امي بتقرا اذكار وابويا بيرتل اللي حافظه وبيتسعيذ وانا واقفه كأني سمعاهم من بعيد مش في نفس المكان مفوقتش غير علي ايد اسلام اخويا وهو بيقولي " بتعملي ايه ده كله وفين الحبل عايزيـ...لسه مكملش كلامه لقاني بشاوره ع الحيطه بص ناحيه الحيطه ورجع ورا خطوه اتنين والتالته وكان بره معاهم في الصاله " طيب يا جماعه كان نفسي تكون دي المصيبه الوحيده بس اعتقد في كارثه جايه في الطريق !!
قاطعه بابا في نص الكلام وقاله في ايه تاني ولسه مكملش فجأه ريتاج طلع منها صوت ضعيف بدأ يعلي كأنها بتقاوم...
نيكرونوميكون... نيكرونوميكون!!!
مش فاهمه بتقول ايه !! ريتاج انتي سامعانا!! بتقولي ايه ؟
نيكرونــ ...فجأه النور قطع الشقه كلها بقت عتمه لا دي مش عتمه ولا ضلمه عاديه ثم حتي لو النور قطع الشباك مفتوح اكيد هنشوف ولو طشاش نور جاي من بره بس مش ده اللي حصل احنا حرفيا مش شايفين اي حاجه كل واحد بينده ع التاني يدوب سامعين بعض مش شايفين حتي صوابع ايدينا! كأننا معزولين في صندوق اسود ملهوش مخرج بس مش دي المصيبه المصيبه انه بدأ يهتز وواحده واحده اصوات فحيح وصدي بدأت تعلي
يا رب تكون وداني هي اللي باظت واللي سامعه ده شوشره مش اكتر!!
مش وقت هزار يا اسلام روح شوف المولد ولا حاجه!
منا لو روحت شوفته مش هيبقي في اسلام تاني اصلا مش متحرك من مكاني شكرا
الصوت بدأ يعلي اكتر واكتر والمكان مش بس بيهتز المكان كإنه هيقع علينا فجأه في نص الضلمه ومن لا مكان ظهرت عنين مشقوقه بالطول طالعه من دخان كثيف عالي لونها لون الدم كائن كان ما يكون اللي هيظهر ده فاعتقد دي اما نهايه الفيلم اللي حصلان ده او نهايتنا احنا !!
بدأ يظهر الكائن اكتر وكل م يظهر صوته يعلي وكلامه رغم مش فاهمينه بس صوته مرعب كفيل يدب الرعب في كل مكان في روحك كفيل يهز اعتي الرجال ويزلزل نفوسهم
" الوحال الوحا يالوخ اشكورش براخ براخ اشكش.. الوحا الوحا يالوخ اشكووش براخ براخ اشكش..."
كنت سامعه بس مشلوله جسديا وفكريا لحد م سمعنا صرخه لا دي مش واحده صرختين بصوتين مختلفين امي واختي بعدها ابويا صرخ معرفش ايه بيحصل مش شايفه حاجه فين الشيخ ربيع واسلام مش سامعاله صوت ليه ايه اللي بيحصل ياااا رب العالمين انت سامعني انا هنا ضعيفه مشلوله الحقني انا عارفه انك سامعني لو ده حلم صحيني منه ولو واقع فانت المنجد يا الله يا لطيف يا الله يا لطيف يا الله يا لطيف!!
الكائن بدأ يظهر اكتر واكتر وصوته العالي بدأ ينقلب لصوت غضب نار جهنم بدأت مع كل كلمه بيقولها سنانه زرقا ملهومش عدد ولا وصف كل سنه كأنها سيف مغروز في رمله حمرا..
برااخ براااخ الوحا الوحاا....!!!
فجأه من نص النار ظهرت حاجه شبه العصايه او الصولجان بدأت تلم وتبلع الضلمه دي كلها كأنا ملايه بتتلم في دوامه صغيره معرفش ايه ده بس ايا كان فهو ارحم بكتير من الوضع الاول الضوء بدأ يغزو المكان مش ضوء طبيعي اكيد بس علي كل حال مش هيكون اسوأ من اللي شوفته
فجأه سمعت اخيرا صوت الشيخ ربيع ...
حقيال!!!... طارش!!! والملك كهيال!!!
يتبع
التعليقات على الموضوع