قصة الاعيان 💜الجزء التاسع💜

الاعيان9

-خبريه يا اسماعين اتأخرت ليه داني قولت انك......
=شششششش اقطم خالص ووطي صوتك
-ليييييييي ي بوووووي ؟؟؟
=يا هباب البرك عقولك وطي صوتك لافيني التلافون اللي ف يدك بسرعه
____________  
-جماال .. جماااااال
=هاااا
- قوم شوف مين بيخبط
= نامي نامي محدش بي...
يا جماااال بيييييييه يا جمااال بييييه
= البت دي قطع عيشها ع ايدي شكلهااا
- ليه بس يا جمال دي غلبانه حتي وشكلها..
= ايه ده ايه ده ؟؟
-ايه في ايه ؟
= انتي حلوه كده ع الصبح ليه كده ينفع يعني
- يووه ي جمال عليك
= يوووه عليكي انتي ي شيخه بقي ي شيخه
- وبعدين بقي
= لا بعدين ايه احنا هنشوف حل للموضوع ده ودلوقتي حالاااا
يا جماااااااااااال بييييييييييه !!!!!!!

قفز جمال من اعلي السرير متجها الي الباب ليفتحه بعنف وخلفه مريم تضحك علي اسلوببه الطفولي ...
- خيير يا تهاني حد مسلطك عليا ع الصبح ؟
- العفو يا جمال بيه بس اا
- بس ايييييه ي شيخه قطعتي برزقي الهي .
- لاه ي بيه مش ذنبي والله ده الست نايه هي اللي شيعتني اصحيك عشان الجماعه زمانهم ف الطريق صباحيتك بقي ي بيه
- هي دي صباحيه دي دي ناموسيه كحلي روححي روحي قوليلها نازلين .
- بس هي قالتل...
- واياكي اشوفك قدام الاوضه هنا تاني فكري الف مره قبل م تهوبي ناحيه الاوضه دي  سامعه 
- وانا مالي ي بوووي اللاااه
- انتي لسه واقفه بتبرطمي اخفي ي بت من قدامي
- حاضرر  ي بووي  حاضررر
_____
- هاااه صحتيه ولا لسه ؟
- صحيته يا ست ناديه وخدت كلمتين ف جنابي والله
- مش اشكال المهم انه نازل
- قالي نازل ايوه
- طب روحي استعجليه وقوليله ست ناديه بت..
- لاااه ابووس يدك ده هددني لو هوبت ناحيه الاوضه بتاعته تاني ي ست ناديه بلاش الله يرضي عنك
- وه وه ليه اومال يكونش قاعد مع السفيره عزيزه ..طب اسمعي اطلعي علي اوضه سيدك سليييم خبطي عليه متنزليش غير لما يصحي وقوليله الناس علي وصوول انزل عشان تستقبلهم
- هي وقعه مقندله اني عارفه
- بتبرطمي تقولي ايه يا بت ؟؟
- لا ولا حاجه يا ست ناديه فوريره حالا طالعه
- ____
ببطء شديد وتثاقل فتحت اعينها  طاردة بقايا النعاس من بين جفونها لتدور حدقتاها في المقل سعاده وغبطه لتتبين ارجاء الغرفه وكأنها تراها ولاول مره من جديد وبطرف عيناها لمحته بجوارها مستيقظ واضعا يده اسفل ذقنه يراقبها وعلي شفتاه ابتسامه تتأرجح علي وجهه تحيي ثغرها الباسم ..
- يا لهوي وقعت قلبي يا سليم صاحي من امتي اومال ؟؟
= سلامه قلبك يا ست البنات واللي معاه الفرح كله جمبه يغمضله جفن برضو !!
- الله الله مكنتش اعرف انك بتقول اشعار ع الصبح كده
= انا لا ليا في الشعر ولا غيره بس اللي يشوفك كيف الملاك وانتي نايمه الكلام يجري علي لسانه ولا اجدعها متنبي
- وعارف المتنبي كمان
= اومال
اقترب منها هامسا وصوته يحمل من الوجد ما يحمل ..
" لعينيك ما يلقي الفؤاد وما لقي ..
وللحب ما لم يبقي مني وما بقي ..
وما كنت ممن يدخل العشق قلبه ولكن ..من يبصر جفونك يعشق !! ""

ابتسمت وعادت برأسها للوراء لتنعم بنظره من عينيه تبثه ما يضمره قلبها دون كلام حتي اقتربت منه والقت علي مسامعه ما القت ..
" بحبك يا سليم والله ..."

نظر اليها واضعا كلتا يديه علي رأس ..
- يا بووي راسي ي ناااس
- ايه في ايه مالك؟
- حاسس اني مش مظبوط مش مكفيكي قالبه كياني حتي عقلي عايزه تقلبيه كمان وبعدين معاكي يا بت الناس
- طب اعمل ايه طيب .. سلامتك
- لا سلامه ايه عاد حاف اكده ..اصرفها منين  دي ؟؟
- يعني ايه؟
- تعالي اعديلهالي تعالي
- هاه
- ...
- يا سلييييييييييم بيه !!! يا سليييييييييم بييه !!!
هي البت دي ظابطه مواعيدها علينا ولا اييه؟
مش عارفه
بتضحكي ع اييه انتي كمان
مبضحكش اهو اهو
حاولت ان تكتم فرحه ضحكاتها علي تعابير وجه سليم والذي كان الحنق يملؤه في هذه اللحظه حتي انفجرت تلقائيا في الضحك ولم تقاوم وقابل ضحكاتها سليم بابتسامه سرعان ما اختفت حينما عادت تهاني للصياح مجددا فالقي علي فرحه  الوساده  متوعدا لها اثناء توجهه للباب ليفتحه ..
- الله طب وانا مالي بترمي عليا المخده لييه ؟
=خبريييييه يا واكله ناسك نازله دب دب دب ع الباب من صباحيه ربننا لييه
- لا مؤاخذه يا سليم بييه بس الست ناديه عتقولك الناس علي وصول فبتستعجلك عشان تنزل تستقبلهم تحت
- قوليلها سنه كده ونازل
- هاه
- قوليلها اهو نازل خلاص اخفي انتي دلوقت
- حاضر
- خدي ي بت
- ايوه ي بيه
- مشوفكش تخبطي ع الاوضه دي تاني واصل بصي مشوفكش مهوبه ناحيه الدور ده كله نهائي فاهمه
- فاااهمه يا بيه فاااهمه
اغلق سليم الباب خلفه وهو يغمغم بالكلام في استياء ..
- ليه بس كده يا سليم هي ذنبها ايه ب... ايه ي سليم بتبصلي كده ليه ؟
- انتي ليكي عين تتكلمي شغاله كركرمرمر وانا متعصب
- لا ي سليم هفهمك بس استهدي بالله كده وهفهمك
- قضي الامر يا شعلان
- يا سليييييم
-----
-خبرييه اومال كل واحد يقفل عليه اوضته ويهشك لتحت
-زي م بقولك كده يا ست ناديه والله
-اومال مين اللي هيقابل الناس ده مرار ايه ده الطافح يا ربي ..اجري يا بت علي سيدك فوزي قوليله انزل للنااس
-حاااااااااضرررر يا بووي

يااا ساااتر يا اهل الدار !!
- اتفضلواا
- شدت ناديه ازارها عليها لتدخل والده فرحه بصحبتها مروان احد ابناء عمومه فرحه ولكن من الدرجه الثانيه ...
- كيفك يا ناديه ؟
- اهلين يا ام فرحه اتفضلي
- عيشتي يا بتي.. تعالي يا مروان يا ولدي
- اومال فين اهل الدار يا بتي ولا احنا جينا بدري
- معلش يا ام فرحه تلاقيهم نازلين اهم ولا اني مش كفايه يا ست ام فرحه
= كييف اكده دانتي بالكل يا ست الكل محدش قال حاجه
- ابااااي ده عيقولك ست الكل يا ناديه بقيت ست الكل يا جلبي يانا يامه .. تت تعيش ياسمك ايه
= مروان يا ست الكل اسمي مروان
- عاشت الاسامي يا سي مروان
= م بلاش سي مروان دي داحنا حتي بقينا عيله واحده
- ايوالله صدقت ياسي ..يووه اقصد يا مرووان
-احممممممم خبريه يا مروان
=ايه يا مرت عمي
-طيب عن اذنكم دقيقه واحده استعجلهم فوق
= اتفضلي اتفضلي يا ست الكل

دخلت نايه المطبخ بحثا عن تهاني وهي تخطو خطوه للامام وترمي بصرها للخلف لتجد مروان ينظر اليها هو الاخر وتوخذه والده فرحه في جنبه ..
- يا بوووي عاااد
- ست نادييييه
- يقطع عمرك يا بعيده خرعتيني في ايه؟؟
- سيدي فوزي بيقولك اهو نازل هو الاخر
- لاه مش دلوقت
- هاه
- لاه مفيش متركزيش معايا يا مخبله ..عقةلك
- اؤمري يا ستي
- كوبايتين عصير بسرعه للضيوف بره
- عنياا
____ 
علي السلم جمال وخلفه مريم وفي الخلفيه كان سليم في الطرقه المؤديه للسلم بصحبته فرحه لتستقبهما والدتهم بالزغاريد حتي انضمت اليها والده سليم وخلفها رابحه  بالزغاريد تشد من اذرها ليبتسم الجميع لهذا النظر ..
- صباحيه مباركه يا عريس
- الله يبارك في عمرك يا حماتي .. مروان باشا بنفسه نورتنا يا راجل
- حبيبي يا جمال كيفك يا وحش
- احسن منك ياد كيفك انت
- بخير يا كبير اتفضل اتفضل البيت بيتك
ضحك الجميع وكل اتخذ مقعده بعد التحيات والقبلات الحاره بين النسوه ومصافحه الرجال لبعضهم , وكانت ناديه تراقب المشهد من بعيد ولاحت علي وجهها ابتسامه ما ان رأت مروان يمزح ويصافح جمال وكأنهما صديقان منذ زمن وهي لا تدري انهما بالفعل كذلك..
- العصير يا ستي
- رايحه فيين خدي اني اللي هوديه روحي انتي
- لا ي ستي العفو هودييه اني
- ي ستي انتي مالك انتي اني هوديه وانقلعي انتي ع المطبخ يلا
- اللي تشوفيه ي ستي عاد

تخطت ناديه الجميع لتقدم العصير لوالده فرحه ثم لمروا والذي استقبل كوب العصير مع نظره خاطفه بادلته اياها ناديه..
------
- مش هيصدقني يا مناع هملني لحالي
- كيف يعني يا اسماعيين هتسكت علي اكده والجثه اللي جوه ملقحه دي هنقوله ايه عليها ... مات في غيبوبه سكر مثلااااا
- يمشوا الناس اللي جوه بس وربنا يحلها
- ---
- مش هوصيكي علي بناتي يا ام سلييم
- عييب يام فرحه دول بناتي قبل م يكونوا بناتك في عنينا والله
- تسلمي يا غاليه
- م تخليك يا مروان لسه بدري يا راجل
- تسلم يا سليم بيه الله يكرمك ولينا زياره تاني تاني اكيد باذن الله
قالها والقي نظره خاطفه علي ناديه والتي كانت تقف خلف رابحه تشيعه هي الاخري بنظراتها ..
غادرت الام مودعه كلتا بناتها بعد ان طمأنتهما علي ابيهما وان حالته في تحسن لكن ليس بالقدر الكافي للتجول والحراك ...

- الحمدلله مشيوا نطلع احنا بقا نطلع
- يا لهوي يا جمال اثبت نطلع ايه دلوقت احنا لسه نازلين يقولوا علينا ايه
- يقولوا عرسان جداد يا ستي ايه هو اللي يقولوا علينا ايه دي كمان
- يا جمال استني بس ..
امسك جمال  يد مريم  وهم بالتحرك حتي استوقفته صوت والده سليم ..
- علي فين يا ولدي افطر معانا حتي
- لا يا مرت عمي شبعان انا والله تشكري
- بس انا جعانه طيب
- شووفت مرتك هفتانه اقعد يا ولدي اقعد
- بقي جعانه يا مريم طب والل لاوريكي فوق عشان تجوعي تاني
- يعني اموت م الجوع يعني ي جمال
- لاه انا اللي اموت من غيظي
- بعد الشر عنك يا حبيبي
- يا بوووووووي عاد

جلس الجميع علي المائده كل بجواره زوجته  يأكلون ويتسامرون في جو عائلي تتخلله البهجه..
- الاا قوليلي يا فرحه اخبار عمي الحاج كمال ايه دلوقت ؟؟
نظرت فرحه ومريم لبعضها باستغراب ثم الي ناديه حتي اجابتها فرحه علي مضض..
الحمدلله بخير يا ناديه .. تسلمي
- طب الحمدلله ربنا يقومهولكم بالسلامه سالم غانم
ضيقت الفتاتان اعينهما متبينتان قسمات وجه ناديه حتي مالت مريم علي اذن فرحه وهمست لها..
-هي ناديه فعلا قالت يقوم بالسلامه ولا بيتهيألي
- تقريبا تهاني حاطه ف الاكل ترامادول ولا حاجه
-تفتكري !

= ربنا يخليكي يا ناديه تسلمي يا حبيبتي والله
- علي ايه بس يا فرحه احنا واحد برضيكي مش مجرد نسايب يعني لاه لاه عيله واحده
-لا ده كده زاطت خالص فين ناديه يا ست انتي

انتهي الجميع من الطعام حتي اقترحت عليهم رابحه الجلوس معها في الحديقه لاحتساء الشاي
وبالفعل تحلق الجميع في الخارج في الهواء الطلق في مقدمتهم رابحه والتي كانت في قمة سعادتها بهذا المشهد..
- سليم بيه!!
- ايوه يا اسماعيل
- عايزك في موضوع اكده ثواني
- مش وقته يا اسماعيل
- بس ي بيه
- قولتلك بعديين يا اسماعييل
- امر جنابك
رحل اسماعيل تشيعه نظرات جمال من خلفه والذي كان شاردا لولا مريم التي انتزعته من شروده هذا..
- ايه مالك سرحان في ايه ؟
- هاه ولا حاجه بس اا..  ثواني هروح مشوار كده ورراجعلك تاني
- مشوار دلوقت يا جمال برضو
- مش هتأخر متقلقيش..

استأذنهم جمال ورحل عنهم ليذهب خلف اسماعيل الذي كان يشد خطاه نحو المخزن..
- اسماعيل
- جمال بيه!!  ... كنت عارف يا بيه انك هتيجي!!!
يتبع