قصة الاعيان💜الجزء 7+8💜

الاعيان7_8

في وسط الدار والجميع جلوس حين دخل سليم يحمل فرحه بين يديه فاقده الوعي متجها لاعلي متخطيا بذلك الجميع ...

- ياا مووووووري مالها فرحه يا سليييم ايه جري ؟؟
- مفيييش يامه  مفييش ...بت يا تهاني كوبايه ميه وهاتيها فوق بسرعه
- حاااضر يا بيه حالااا

اسند رأسها علي يديه بعد ان مدد جسدها علي السرير , اغدق علي وجهها بعض قطرات المياه بلطف حتي بدأت تفتح عينيها بتثاقل وما  ان استوعبت استعادتها للوعي حتي بدأت تأن كالاطفال وانينها يعلو ليتحول لبكاء يهز ارجاء الغرفه لم يكن من سليم الا ان يضمها بين ذراعيه بعد تردد متجاهلا بذلك جميع من بالغرفه والذين قد وصلوا للتو ليطمأنوا عليها ...

- فرحه !!!
- ....
- طب خدي نفس كده واهدي اومال
- قتلووه يا سلييييم قتلووه  .
- قتلوه ! مييين ده اللي قتلوه !!
- ابويااا ي سلييييم !!!!!
شهقت النسوه واضعين ايديهن علي افواههن وعلي بكاء ونحيب فرحه ..
- مين اللي قالك الخبر ده ؟
- مريم كلمتني وقالتلي ابوكي ضربوا عليه نار وهو راج البيت
- متفوليش عليه ان شاء الله تكون اصابه خفيفه , قومي البسي هنروحلهم بدل م انتي قاعده هنا
نظرت له فرحه والدموع تنساب علي وجنتيها وكأنه ملاذها الاخير..

- بتبصيلي كده ليييه هتقومي والا اروحله انا وحدي ؟؟
- ---------------
امام غرفه الحاج كمال بالمشفي تقف مريم واضعه وجهها بين كفيها ووالدتها بجوارها تبكي بصمت حين اتت فرحه تهرول اليهم ما ان  رأتهم وخلفها سليم والذي تفاجأ بخروج جمال ابن عمه من غرفه الحاج كمال في هذا الوقت..
- جمال !! ايه جابك هنا ؟؟
- اناا جيت عشان ...
- جمال هو اللي انقذ بابا يا سليم بيه ولولاه لكانت الرصاصه صابت قلبه مش كتفه
- هو كويس دلوقت ؟؟
- الدكاتره بيقولوا لما يعدي عليه تمانيه واربعين ساعه لولا م يكون تخطي حاله الخطر
- ربنا يقومهولكم بالسلامه ...جمال عايزك دقيقه

جلست فرحه بجوار اختها مريم وعلي الجانب االاخر وقف سليم ومعه جمال في احد الزوايا يتحدثون بصوت خافت حتي قاطعتهم احدي الممرضات ..

- مين فيكم سلييم بيه ؟؟
- ايوه اني سليم بيه
- طيب المريض جوه طلب انه يشوفك بس فضلا متطولش معاه عشان حالته متسمحش بالكلام

نظر سليم لجمال وبادله الاخر النظر وكأن علي وجوههما تعلو علامات الاستفهام نفسها حتي تحرك سليم ناحيه غرفه الحاج كمال والد فرحه ليجده متكئا علي احدي الوسادات يجاهد لاخذ انفاسه بصعوبه ..

- متخفش يا ولدي مرايحش اتهمك في اللي حصلي ده ولا احكم علي حد لاني خابر زين مين ورا ده كله ؟؟
- ربنا عالم يا عمي من سعه م حطيت يدي في  يدك عند المأذون وعمري م فكرت في شر ولا اذيه لا ليك ولا لعيلتك..
- خابر يا ولدي زين خابر وعشان كده ندهتلك عشان اقولك كلمتين لا بد منهم واطلب طلب صغير اعتبره اخر طلب ليا قبل م اموت
- بعد الشر عليك يا عمي طوله العمر ليك
- الله يرضي عليك يا ولدي , انت خابر زين يا ولدي اني رغم اني الكبير في الرفايعه الا اني محلتيش غير فرحه ومريم وكل اللي طلعت بيه من الدنيا ..
- خابر يا عمي
- عشان اكده عايزك تسمعني للاخر !!!
- ---------------

دلف سليم وفرحه من باب الدار ليجدا الجميع في انتظارهما ما ان لمحتهما رابحه حتي وقفت وكل من حولها ...
- طمني يا ولدي الحاج كامل جراله حاجه ؟؟
- لا الحمد لله يا رابحه جت سليمه
- يعني بخير يا ولدي ؟
- بخير يامه متقلقيش ... عمي عايزك في المندره وانت يا جمال اسبقنا
اتجه الثلاثه رجال الي المندره وجلست فرحه مع بقيه النسوه بالخارج..

- بتقول ايه يا سليييم انت واعي للحديت اللي عتقوله ده ؟؟
- واعي يا عمي وبعدين انا قبل اي حاجه جيت وقولتلك انت وجمال اهه ولو هو مش موافق اعتبرني مقولتش حاجه ...
نظر فوزي لابنه جمال والذي كان صامتا طوال الحوار حتي سأله فوزي ..
- وانت يا جمال موافق ع اللي قاله واد عمك ده ؟؟؟؟

- متقلقيش يا بتي ان شاء الله يقوملكم بالسلامه كيف الجمل واحسن من الاول كمان

- اميين يا طنط يا رب

- وعلي كده لو جرتله حاجه يا فرحه مين هيبقي كبير عيلتكم عشان ع حد علمي الحاج كمال محليتهوش غيركم انتي واختك ولا عادي الرفايعه تكون كبيرهم حرمه ؟؟

- ايه الحديييت الماااسخ اللي عتقوليه ده يا ناديه حطي لسانك جوه بقك بدل م هو عينقط سم اكده

- يووه واني قولت اييه يعني ي مرت عمي اني عسأل سؤال عادي مغلطتش ولا حاجه

كانت فرحه في تلك الاثناء اخر ما كان يهمها الرد علي ناديه وثرثرتها فقد كان كل ما يشغل بالها ويثقل كاهلها هو ابيها واختها مريم وحالتها الان كانت شارده في عالم اخر حتي استفاقت علي صوت سليم وهو يصيح مناديا اسماعيل وخلفه عمه فوزي وابنه جماال ...
- اؤمر يا سليم بيه
- كلم الشيخ خليفه المأذون وقوله يوم الخميس يكون في الدوار من النجمه
- مأذون ؟ هتطلق بت الرفايعه اخيرا عقلت يا واد عمي !!
- مأذون ليه خير يا سليم ؟؟
- المأذون عشان كتب كتاب جمال يامه الخميس الجاي
- جمال اخوياااااا لولولولولولييييي علي مين  انشالله ؟؟
- علي .. مريم بنت الحاج كمال
- اييييييييه ؟؟  يا مووووووووووووووووووورك يا نااااديه لااااه اني مش موافقه لاه مش كفايه فرحه هتبقي هي واختها في الدوار كمان لاااه
- اقطمي يا نادييه انا مجاييش اخد رأيك ولا حتي رأيهم انا جاي اقولكم ع اللي هيحصل واسمعش كلمه تاني واصل ... يلا يا فرحه
صعد سليم وخلفه فرحه وسط ذهول منها واندهاش يعتلي وجهها

-يااا مييله بختك يا ناديه بنات الرفايعه الاتنين هيحتلوا الدووار خلاااص خلصت بنات البلد مفضلش غيرهم يا سلييم انت وجمال سحرووولكم خلاااص

- اثناء نحيب ناديه ووسط تذمرها كانت راببحه بهدوء تام تراقب ما يحدث وعلي شفتيها علت ابتسامه تنم عن الرضا والغبطه وكأن خواطرها تتحقق امام عينيها ..
______
-   انت بتقول ايييه انت بتهزر مش كده ؟؟
- لا يا مريم مبهزرش وبعدين في واحده تقول لجوزها المستقبلي انت بتهزر ؟؟
- اسمع يا جمال انت انقذت حياه ابويا لكن ...
- طيب انا انقذت حياه ابوكي انقذي حياتي انتي بقي
- نعم ؟؟؟
- اه والله م هو انا لو متجوزتكيش هرمي نفسي في الترعه اللي اخر البلد دي عارفاها
- انت كل حاجه عندك هزار كده
- لااا طبعا بس طالما انتي حابه الجد فاكلمك جد بقي .. المفروض اني فهمتك علي كل حاجه والمفروض انك لو بتفكري كويس فمن مصلحه الكل الجوازه دي تتم وان مكنش عشان خاطر فرحه اختك يبقي عشان خاطر ابوكي يرضيكي لا قدر الله يموت م الحسره وهو قلقان عليكي كده و ,,
- باباا
- ايووووه يا مريم باباا فين رضا الوالدين يا مريم فين التضحيه فين..المأذون!!
- ----------------
-علي حافه السرير تجلس تشارك افكارها في عالم اخر عادت لوعيها عندما شعرت بكفيه علي يدها جالسا بجوارها لا يحرك ساكنا سوي عيناه تشد من اذرها دون النطق بكلمه ..
التفتت اليه دون ان تتكلم وببطيء شديد اسندت رأسها علي كتفه ..
- اقولك ايه ؟؟
- ها
- .. متشليش هم , هتتعدل والحال هيتصلح اسمعي مني
- تفتكر!!
- انتي اتجنيتي ولا ايه  من امتي سليم بيه لما يقول حاجه متحصلش لما اقولك هتتعدل يبقي هتتعدل
ابتسمت رغما عنها ودت لو تترك العالم خلفها وتختبيء بداخله في هذه اللحظه ودت لو يصل اليه هتاف نبضاتها تشيع نظرات عينيه بطبول تقرعها غطي صوتها علي صوت العالم بالخارج فاصبح لا هناك سوا عيناهما وما ادراك حديث الاعين يا صاح ...

" - كيف تسللتِ داخلي دون ان ادري ...وكأن خافقي خانني وادخلكِ عنوة ،
امتزجتِ بروحي حتي لم تدعِ لي مكانا مني فاصبحتِ انا واصبحتُ انتي !! "
..

"= يا ظلي وسكينتي وعطري اراك اتخذت من وريدي مجري فسرت في نفسي مجري الدم في العرق ..
يا هدايتي وصبري جئت انت .. فرددت روحي !!"

____
الوضع عمال يتبهدل اكتر وكل اللي عمال اخططله يبوظ بسبب ولد العلايلي
قبل اي حاجه لازم مسبش اي دليل ورايا .. الواد ده لازم يموت !!
----
- بارك الله لكما وبارك عليكما وجمع بينكما في الخير
- مبرووووك ي جماال وعقبال الذريه الصالحه يا سليم
- الله يبارك فيكم يا رجاله متشكرين
- اييه يا جمال مش هتروح تسلم علي عروستك جوه ولا ايه
- لا انا لو دخلت اسلم عليها مش هطلع تاني صدقني
- يااد كيف اللي عتقوله ده اتلم
- ي عم مش كفايه معملناش فرح  كمان
- احمد ربك ياد ولا تحب تستني كام شهر كمان يكون ابوها خف ونعملولك احلي فرح ؟؟
- لااااااه علي اييه انا راضي يبوووووي .. استأذن انا بقي عشان بس حاسس مريم بتناديني جوه والله
- ياااد ع فين والرجاله دي ؟؟
- روحهم قولهم بننام بدري احنا اتصرف يا سليم انت الكبير اومال
- يخرب عقلك يا بعيييد
- ----------  
- مريوومتي
- ايه ايه مالك ؟!
- مالي في جيبي والبقشيش علي ..
- ولاددك اهاهه الش رخيص والله
- ولاااادي !! اه يولادي وحشوني والله
- هما فين دول اصلا ؟؟
- بالظبط عليكي نوور ف ايه بقي؟؟
- ايه ؟
- م تيجي نجيب ولد صالح يدعو لناا
- نعععم لا احترم نفسسسك احنا اتفقنا ان الجوازه دي عشان مصلحه الجميع
- ماحنا من ضمن الجميع يا روحي اومال فاكره ايه
- متهزررررشش
- طااايب نيجي للجد بقي..يرضيكي اختك فرحه لما تخلف فيما بعد عيالها يبقوا وحيدين ميلقوش ولاد عم يلعبوا معاهم ؟؟ ويجولك وقتها يقولولك لييييه ي طنط حرمتينا من طفولتنا ليييه ي طنط حرمتينا من ولاد عمنا وعذبتي عمنا و..
- انت بتقول ايه ؟؟
- ضميرك ده نايم لييه وفالحه بس بحب اختي بحب اختي
- م هو ..
-  م هو اييييه انطقي هي دي صله الرحم اللي وصانا عليها الرسوول فعلااا الدم بقي ميه اليومين دول
- ...
- انتي اتاثرتي  لا خلاص متعيطيش بقي يوووه دمعتي قريبه والله تعالي تعالي خش ف لحم اخوك يا فواز
- ايه ده انت بتعمل ايه ؟؟
- بصحي ضميرك
- جماال
- استعنا ع الشقا بالله
-----
- بقي كده عملت اللي ف دماغك ي سليييم دخلت علينا عقربتين ف البيت طاااايب ي سليييم طااايب طاااايب يا جماال طااايب طااايب يا ..
- عتكلمي نفسك يا نادييه اتهوستي ياك ؟؟
- وانا بقي فيا عقل خلاص من اللي عيحصل ده ي مرت عمي
- يا بتي حد يكره الفرح
- فرح يطبل فوق روسهم البعدا قال فرح قال
- خدي ي بت رايحه فين
- هطلع الوكل لاخويااا
- اقعدييي يااا بت واختشي اخوكي زمانه كل من زمان
- خلاااص يبقي هطلعه لسليم تلاقيه يا حبه عيني هفتان م الصبح واقف مع الرجاله
- وسليم تلاقيه اتعشي مع مرته من بدري اهمدي بقي
- يووووه ده باينها وقعه مقندله
- ----
- تفتكر مريم هتكون مبسوطه معاه ؟
- متقلقيش جمال ده مش بس واد عمي ده اخويا وصاحبي واضمنه برقبتي ابن حلال وجد وطيب
- ممم ووسيم كمان
- يا وقعتك الربراب مين اللي وسيم يا بت ؟؟
- هاه ده ده داا دانت بقول بس ..
- شكلك دماغك دي عايزه تتظبط من اول وجديد علي يدي ؟
- اهدي بس مقصدش حاجه والله
- ولا تقصدي
- لا مقصدش والله وانا برضو يملي عيني حد غيرك ؟
- هاااحم لاه محدش ..
- شوفت بقي
- احممم .. اقولك ايه ؟
- ايه ؟
- و وانتي كمان
- انا كمان اييه ؟؟
- لا خلاص ولا حاجه
- يا سليييم انطق بقيي !!!
- يعني اقصد اقول يعني .. انك مفيش واحده غيرك  تقدر تملي عيني وقلبي
- ي نهاري قلبي هيوقف
- ليييه ي بت في ايه ؟؟
- لا م الفرحه م الفرحه كمل بالله متوقفش
ضحك سليم واقترب منها ملقيا بالشال من علي كتفه ..
- الف سلامه عليكي ي ست البنات
- دانت اللي سيد العالم دي كلها والله وو اا ...
- بتهتهي ليه كده ؟؟
- هاه اصلك ..بتقرب يعني.. وو دماغي.. حساها و.. ووقفت
- لا بسيطه ان شاء الله وريني كده
- هاه ليه  .. هتعمل ايه ؟؟
- ودي عايزه كلام .. هظبطلك دماغك !!
- ____
- هتعمل ايييه اني سمعت كل كلامك بالحرف ابووس يدك متقتلنييش
- متخافش عيالك وانت ميت هيعيشوا اجدعها عيشه مقدرتش تعيشهالهم وانت عايش ..
- لاه ابووس يدك سيبني اعييش سيبني ااا ..لااااااااااااااااه
- مسكين بس عمره خلص ..

واد يا مناع انت سامع اللي سامعه ؟
ايييه هلوست ولا اييه ي اسماعين علي اخر الليل ؟؟
ياااد صوت صريييخ جاي من المخزن
وقعهمربربه ليكون ..
اجري ي ولد ده لو حصله حاجه سليم بيه هيطخنا فيها

هرول مناع واسماعيل الي المخزن وببطء شديد فتحا الباب ليدخل منه اسماعيل واضعا يده علي فاه من هول المشهد ليس من منظر الجثه او الدماء وانما من هويه من كان شاهرا سلاحه امام الضحيه ......

يا وقعه مربربه بقي انت اللي ورا ده كله ؟؟
يتبع