قصة الاعيان 💜الجزء العاشر و الاخير💜

الاعيان10
-وانت كمان علي فين ؟
-دقايق وراجعلك
-متتأخرش عليا طيب عشان بتوحشني بس
-يا بووي متخلنييش اقعد عااد

ضحكت فرحه حتي استأنفت الحديث بصعوبه وسط ضحكاتها..
- لا خلاص روح بسرعه بس
- راجعلك هاه
- مستنياك من دلوقت

رحل سليم هو الآخر وهو يعلم وجهته جيدا..
تركت ناديه مقعدها لتجلس بجوار فرحه وسط اندهاشها..
-احم كيفك يا فرحه!
-بييخيير علي ما اعتقد
-يا رب دايما
-الله يخليكي
-كنت اا يعني كنت عقول يعني مين اللي كان مع الست والدتك الصبح هنه
-ااهاا ده مروان ابن عمي بس من بعيد يعني أبوه يبقي ابن عم ابويا
-ايوه ايوه وو اا هو على كده عنده كام عيل ؟
-لالا ده مش متجوز اصلا
-لاه ي شيخه
-اه والله
-وخطيبته طيب من حدانا هنه ولا من مصر
-لا م هو مش خاطب كمان
- ابااي زعلتيني بقي شاب زي الورد اكده زيه مخطبش دلوقت ليه البنات اتعمشت ف عنيها

ضحكت مريم بجوارها حتي التفتت اليها ناديه وفرحه..
-معلش يا جماعه والله مكنش قصدي اسمع بص غصب عني يعني فصلتني كلمة اتعمشوا دي
-هاه لا م م احنا اصلا عنتكلموا عادي يعني مش سر ولا حاجه
-طب كويس والله بس احب اقولك يعني أنه ابن حلال وطيب برضو لاحسن تكوني كارهاه هو الآخر زي بقيه الرفايعه
-وي وي وي ميين قاال اني عكره الرفايعه عاد اخص عليكي يا مريم لا بجااد اخص عليكي داحنا عيله واحده برضك اني أكره عيله كبيره من أعيان البلد زي الرفايعه ولاد الأصول

نظرت مريم الي فرحه وبادلتها فرحه نفس النظرات تعلوا على وجههم علامات التعجب والاستفهام من طريقة كلام ناديه والتي تحولت تماما عما قبل حتي قطع هذا الانتعاش صوت رنين هاتف فرحه..
- مين يا فرحه ؟؟
- ثانيه اشوف.. مروااااان!!!
اضطربت ناديه لسماع اسمه واندهشت مريم علي الصعيد الآخر لكن في الوقت نفسه تركزت نظرات الفنانين لناديه..
-خبريه مالكم عتبصولي كده ليه مم متردي يا فرحه الله
-مسم..  السلام عليكم
بخير الحمدلله.. اه ايوه.. ده بجد!!  لا والله..  اها..  حاضر حاضر.. تمام متكونش عندم فكره.. مع السلامه سلام

اغلقت فرحه الهاتف ونظرت لمريم لتبادلها مريم بابتسامة وكأنها تعي فحوي المكالمه ليتحول بصر الاثنتان الي ناديه مره اخري..
- يوه مالكم انتو الاتنين عتبصولي كيف الحدايه اللي مستنيه الكتاكيت اكده ليه ؟
- بقي عنده كام عيل هااه؟
- هاه
- ---- 
-وادي كل اللي حصل يا جمال بيه اني عارف ان الموضوع صعب يتصدق بس والله العظيم اني م كدبت ف ولا كلمه قولتها لجنابك اني خدمت العيله دي بقالي سنين وسنين ويعلم ربنا يعز عليا اني اقول اكده بس هي دي الحقيقه واللي خلق الخلق يشهد عليا وكمان مناع كان معايا امبارح
-وانا مصدقك يا اسماعيل
-سليم بيه!!!!
دخل سليم ليقف بين اسماعيل وجمال والذي كلن مطأطئا رأسه هما فاذا بسليم يضع يده علي كتفه والاخري رافعه رأسه..
-اياك اشوفك مطاطي راسك تاني ياد انشف اومال انت من صلب العلايله ومفيش حد مبيغلطش نصيبك اكده ولو فاكر ان اللي حصل ده هيمس معزتك ولا غلاوتك عندي تبقي غشييم
-كنت عارف يا سليم كنت عارف ومكنتش مصدق لاخر لحظه كنت بقول الغل مالي قلبه ومش شايف بس متوصلش للقتل يا سليم انا.. اناا ابوياا يقتل وكمان عايز يلبسها لابن اخوه كل ده ليييه ملعون المنصب والسلطه ياخي!
-متزعلش يا واد عمي هو ابن ادم كده ميملاش عينه الا التراب وهو الله يسامحه دلوقت علي دم الواد اللي راح هدر ده
-رواش يا بيه محرقش المخزن بامر كمال بيه ولا حاجه ده طلع واخد فلوس من فوزي بيه عشان يقول اكده ولما حس انه هيتكشف خلاص راح قتله وبمسدس جنابك كمان خباه وسط الغله جمبه عشان عارف ان الحكومه هتيجي تفتش المخزن اللي فيه الجثه
-والعمل دلوقت يا سليم كده مين هيصدق ان رواش ابويا اللي قتله وهو مقتول بمسدسك ؟
-متقلقش يا جمال انت ربنا عدل واستحاله يرضي بالظلم .. انا عارف انها صعبه عليك ابوك يعني..
-لا يا سليم الحق حق ورغم انه ابويا بس مرضاش واحد مظلوم يتحط علي حبل المشنقه مكان واحد تاني..  احنا متربيناش علي كده يا واد عمي
تنهد سليم مطرقا امامه حتي نهي صمته وتكلم اخيرا..
-اسمع يا اسماعيل واعمل اللي هقولك عليه بالحرف الواحد!!
-------
-عاد سليم برفقه جمال الي الدوار كل مصطحبا زوجته لاعلي..
-مالك يا سليم من وقت م رجعت انت وجمال وانت مسهم كده ومش متكلم! ؟
-مفيش يا فرحه هموم والله كفيل بيها
-ليه كده في حاجه معاك ولا ايه احكيلي ؟
نظر اليها سليم دون ان ينطق بكلمه واحده وكأنه يشكيها همومه بعينيه فالتقمت عيناها شكواه بالصمت تؤذره ببصرها اقترب منها وممسكا كلتا ذراعيها ليفتحهما ويدخل رأسه مسندا اياها علي ساقيها كما يفعل الاطفال حينما ترقيهم امهاتهم من سقامهم..
اراحت يدها علي رأسه واخت تمسح عليها وجل ما قالته ..-كل حاجه هتبقي كويسه متقلقش انا هنا دايما عشانك!
ابتسم سليم وامسك بيديها ليقبلها فشرعت الاخري بقراءة المعوذات وما حفظته من كلمات الله التامات والادعيه وكأنها تعيذ قلبه وعقله من كل هم وحزن..

-جل ما قد يريده الانسان احيانا قلبا يسمعه يؤذره دون ان ينطق بكلمه دون ان يتحدث فقط قلبا بالجوار حينما تضيق الدنيا بما رحبت ليفتح الاخر اذرعه لتتسع لنا من جديد..
---
-جمال
-ها
-عايزه اقولك ع خبر كده
-قولي
-ناديه
-مالها ناديه
-احم جالها عريس يعني وكده هو كويس جدا الحقيقه بس خايفه من ردة فعلك
-خايفة من ردة فعلي ليه ؟
-عشان العريس ده يبقي..  يبقي مروان..  من الرفايعه!
-من كل عقلك يعني يا مريم لسه بتتكلمي وخايفه عشان الرفايعه والعلايله طب م اديني اتجوزتك اهو حد قال حاجه
-لا بس ممكن يعني
-قوليله هستناه بكره
-بجد يا جمال!!  يا رب يخليك ليا والله يا احلي جيمي
-يا احلي ايه لا مؤاخذه
-جيمي..  بدلعك
-بتدلعيني اه.. لا مبحبش الدلع الشفوي ده انا
-نعم
-الحب افعال ي ماما اومال ايه
-عايز ايه يعني
-ولد صالح يدعو لنا
-جمال
- ...
- ---
الراجل علي وصول خلينا نأجل كل حاجه بعد فرح ناديه مش عايز اكسر فرحتها يا سليم
- متقلقش يا جمال ناديه اختي كمان وموضوعها هيتم وفرحتها هتكمل بعون الله ومن ناحية الموضوع اياه فانا كلمت حضرة الرائد واتفقت معاه علي كل حاجه واللي نفعنا الفيديو اللي كان مع اسماعيل سجل كل حاجه 
- طب والله طلع مخه نضيف الواد ده
- معلوم
- ---
-لا بقولك ايه انتي تسيبيلنا نفسك خالص انهارده وهاتي قلم الحواجب ده معلش كده الولاعه من عمدك ي مريم لو سمحتي
-يا موري هتعملي اييه وحواجبي ازينهم كييف
-لا ده مش زينه خالص اللي بتعمليه ده يا ناديه ي حبيبتي انتي كده هترعبيه منك ويقطع الخلف خالص
-لاه بعد الشر عليه ي بوي
-اوعي الحب ولع ف الدره يا نااس
-ي ست فرحه سليم بيه بيستعجلكم تحت
-قوليله نازلين حالا ي تهاني
-عنياا يا هانم..  عقبالي بقي يااا رب

-يلا بقي يا عروسه نحط التاتش الاخير عشان عريسك مستنيكي تحت ع نار
- ابااي عليكم يا بنته متكسفونييش عااد
ضحكن الفتيات وهبطت ناديه حتي انفرجت اسارير مروان ليضحك سليم وجمال ،اتفق الجميع علي موعد قريب لزفاف ناديه والذي كان في منتصف الشهر الحالي وبالفعل تم الزفاف وسط مباركة كبار العائلتين
اما فوزي فقد القت عليه الشرطه القبض بعد اسبوع واحد من زواج ناديه حزن الجميع ولكن سرعان ما تلاشت ملامح الحزن من علي قلوبهم لاستقبال اخبار كانت بمثابه قرة عين للجميع...
-بتتكلمي بجد يا فرحه!!
-اه والله يا نور عين فرحه وادي التحليل اهو
-يعني انا..  اناا..  هبقي اب خلاص
-وانا هبقي ماما
-هنسميه آسر  وانا ابقي ابو اسر وانتي تبقي ام اسر يا احلي فرحه في الدنيا يا فرحة قلب سليم وعوضه من رب كريم
- ربنا يخليك ليا وتفضل مبسوط دايما
-  مبسوط وانتي معايا يا.. فرحتي
-سليم
-قلب سليم من جوه اؤمري يا ست البنات
-اوعي تنساني لما اسر يجي هاه اديني بقولك اهو
-انساك ده كلام ..بقي ده اسمه كلام
ضحكت فرحه علي سليم والذي كان ينشد انغم ام كلثوم مقتربا منها وسط ضحكاته في غبطة ومرح ليحملها ويدور بها حتي توقف فجأة وسط ضحكاتهم ناظرا لعينيها وكأن لا سواها في الكون اجمع..
- بحبك يا فرحه..
- يا لهوي وانا كمان والله
- وبعدين بقي
- ايه!!
- دماغي ي بووي
- تااااني!!
- واللي تخلي صعيدي يحبها يبقي يا غلبها.. وتالت كمان
- ---
بعد مرور خمسة سنوات...
- انا مش مية مره قولتلك متلعبيش مع وائل ده تاني تحبي احبسك جوه الدوار يعني يا رنيم ولا تروحي حضانه ولا غيره
- م هو تيب اللي يلعب معايا انا مش قولتله يجي يلعب يعني يا اسر
- لا برضو كنتي تقوليله اسر ابن عمي محرج عليا ملعبش مع حد غريب
- تؤ حاتر
- ايوه كده شاطره ودلوقتي تعالي الاعبك انا انا خليت عم اسماعيل يعملنا مرجيحه ف الجنينه هتعجبك قووي
- بجد يا اسر
- ومن امتي اسر ولد سليم بيه بيهزر اومال

-شايفه ابنك يا ست فرحه
-خايف علي بنتك يا ستي المفروض تفرحي يا مريم
-بقي يقولها احبسك شوف الواد ومحرج عليها قال متلعبش مع حد غيره
-وربنا عسل هما الاتنين يا ربي شو حلوين
-بااااس يجي جمال وسليم يطلبها منه بقي معندناش احنا بنات تلعب مع ولاد كده
ضحكت الفتاتان سويا حتي اقبلت عليهم ناديه تحمل صغيرها..
- بتضحكوا علي ليه من غيري انتو الاتنين ها!
- ع الولاد والله يا ناديه تعالي تعالي.. يا روحي النونو عامل ايه معاكي ؟
- مطلع روحي يا مريم والله
- طبعااا مش ابن الرفايعه
قالتها فرحه وغمزت لمريم حتي ردت عليها ناديه في لمح البصر..
- واه ومااالهم الرفايعه بقي كمان ي ست فرحه
- شوفو شوفو نسيتينا حالا وبتدافعي عن الرفايعه كده عيني عينك
- اومال ايه مش جوزي حبيبي اهله هما اهلي
- شكل الحب لسه مولع في الدره يا فرحه الحقي
ضحن الفتيات جميعا حتي اقبل عليهم سليم وبصحبته جمال ومروان

-متجمعين عند النبي ان شاء الله 
-جميعا يا رب .. ايه كنتوا فين انتو التلاته كده سوا
-يا ستي كنت بنتفق مع المقاول قررنا نبنوا جامع كبير في وسط البلد باشتراك العيلتين احنا والرفايعه وسميناه الاعيان لا هو العلايله ولا الرفايعه قولنا الاعيان تكفي

-الله يا سليم طب والله الفكره جميله وامتي هتبدأوا فيه
-من الاسبوع الجاي ان شاء الله
-ع البركه يجعله في ميزان حسناتكم
-امييين .. هااحم!!
-ايه!
-اااحم
-ايه مش فاهمه
-قوومي عايزك لازم اجرس الدنيا يعني
-اها.. احم طب عن اذنكم يا جماعه دقيقه
-او ساعه ساعتين عادي

صعد سليم برفقة فرحه مخبئا يده خلفه حتي وصلا للغرفه..
-كنت عايز حاجه ولا ايه ؟
-غمضي عنيكي
-ليه
-م قولتلك غمضي اومال
-حاضر اهو
-فتحي يلا
-م كان م الاول يعني لازم اغم... اييييه ده يا ربي ع الحلاوه!
-افتحيها بقي كده
-عاااا ده الخاتم اللي شوفته الاسبوع اللي فات واحنا خارجين
-شوفتك بتبصيله كيف وعارف انك بتحبي الفضه عشان كده كلمة واحد من سوهاج يجيبهولي طوالي بمجرد م روحنا
-يا ربي ع الجمال..  ربنا خليك ليا ويديمك في قلبي سطان ي وتاج راسي
-ي بوووي اني عاوف بتجيبي الكلام الحلو ده منين
-هو بيطلع لوحده لما تكون معايا
-بحبك يا فوحه والله
-يا لهوي وانا كمان والله
-دماااغي
-تااني!!!
-واللي تخلي صعيدي يحبها...
-يبقي يا غلبها!

تمت

رأيكم يا جماعه فضلا!!
التعليق_بيفرح
دمتم_فرحانين❤😃