قصة سارة👻 الجزء 7 + 8👻

الحلقه السابعه
من قصه حكايه ساره
وراحو للحسينى اول ما دخلو تقريبا كأنهم دخلو كهف كان شكله بسيط بس ف نفس الوقت مخيف كان فالارض سجاده خضرا بس مفيش كراسي والحيطان مش متبيضه مش متساويه اصلا حجر بارز زى ماتكون داخل جبل كان نفس الشكل وتقريبا كان محروق او حاجه كان فى الحيطه والسقف رماد اسود
وقعدو وكانو طبعا مختلفين عن باقي الناس اللى موجوده وبعد شويه جت واحده لابسه خمار عطيتهم حجاب وقالت لهم البسوه انتو داخلين عند الشيخ لازم واقلعو الجزم
واخدت منهم الجزم ومشيت ودخلو ولقو صهد حر جامد اوى دخل عليهم كانهم دخلو الفرن وطبعا لاقو الشكل التقليدي لاى دجال بخور-مسطبه-لبس فوق بعضه وقماش على راسه وسلاسل واشكال غريبه دا غير التماثيل اللى فى المكان تخوف
وقعدو وبدء يقول لساره تاريخ حياتها ويفكرها بحاجات هيا نسيتها اصلا وحاجات مامتها ذات نفسها متعرفش عنها حاجه وبعد كدا فتح كتاب وفضل يقرا كلام مش مفهوم  تقريبا بلغه تانيه غريبه
وبعد كدا حست ساره بدوخه واصوات كتيره ف ودنها وايديها بتتحرك بس كانت بتحاول تمسك نفسها عشان ميبانش عليها حاجه وفجاه عنيها تقلت وكانت بتقاوم النوم بس مكانتش عارفه تقاوم وغمضت عنيها وحسيت بحراره وكانت بتستغيث بحد يلحقها بس كان لسانها تقيل ومش عارفه تتكلم كويس كانت بتقول فوقونى الحقونى انا الح الحقو
وبعدين حسيت ب مايه بتترش عليها ومع الخضه صرخت وفاقت
ساره:حصل ايه ؟
الحسيني:صحبتك  تبقا تحكيلك
وكانت ديجا منهاره من العياط وبتبص لساره
ساره: في ايه
الحسيني :امرك صعب
ساره :عائل؟
الحسيني: عائل دا جن طايش مقدور عليه وعلى نذواته وبسهوله يمشي بس الاتنين اللى معاه مش ساهلين ابدا
ساره:ايييييييييييه؟؟
الحسيني :بصي لايدك وانتى تعرفى
وبصيت ساره على ايديها لاقيت وشم مرسوم ودققت النظر لاقيته بيترسم لوحده !!!
ساره:طب والعمل
الحسيني: هو رافض يطلع انتى يابنتى ناس كتير بتحقد عليكي وعلى اسرتك زمان حد من هالك عملكو عمل فالبيت انه يتخرب والجن اللى دخل البيت خربه لبسك ومش راضي يطلع منك وصاحبتك عملتلك عمل سفلى وعائل مش هيطلع منك بس اخطرهم كان معمولك عمل بالعنوسه ولفتره معينه والفتره خلصت بس هو عجبو الحال وقعد ومجرد انى قولتله يطلع غضب عليا وثار
ساره:والعمل
الحسيني :هو هيظهرلك النهارده بكرا بالكتير هيظهرلك
ساره:لالالالالا يظهرلى ايه لا انا مش هستحمل انا هموت مينفعش اعمل كل حاجه ارجوك ارجوك وهيا منهاره من العياط 
الحسيني:لازم يظهرلك عشان نبقا كدا ماشيين صح دا بقا لو عايزه تخفي
ساره:لالالالا مينفعش يظهرلى ازاى
الحسيني:تعاليلي بعد 9 ايام اللى بعده يا ام دعاء
وخرجت ديجا وساره من عنده
ساره:انا خايفه اوى متسيبينيش ارجوكى تعالى معايا البيت النهارده
ديجا:طبعا مش هسيبك
ساره:هو ايه اللى حصل انا معرفش
ديجا:اللى حصل انه لما بدء يقرا فى كتاب اسمه الكهف دا لتبيين اذا كان الشخص دا فعلا عليه حاجه ولا بيمثل ولو عليه حاجه بتتجسد
ساره:وبعدين
ديجا:وبعدين انتى نمتى وجسمك سخن اوى حسيت بالسخونيه بتلسعنى فى دراعى ورفعت ديجا كم الجاكيت لاقيت دراعها لونه احمر من السخونيه
ساره:ايه دا وبعدين
ديجا: وبعد ما نمتى قمتى وقعدتى وكانت عنيكي بيضا وفالاول كان صوتك بعدين اتغير صوت تخين صوت راجل تقريبا مكانش صوت راجل كان صوت غريب مخيف وبعدين سكت وسمعت صوتك بتقولى الحقونى كنتى بتستغيثي وقام الحسيني اخد ورقه من الكتاب وحرقها وحطها فى الميه وكب على وشك الميه وفوقتى
وراحو البيت مع بعض

..........................................................................

الحلقه التامنه من قصه حكايه ساره
وراحو البيت وكان بليل ونامت ديجا مع ساره فى نفس الاوضه وكانت ساره ماسكه فى ديجا وخايفه لا كانت مرعوبه وغفلت وبعدين صحيت على صوت ديجا بتصحيها
ديجا:ساره...ساره ...ياساره
ساره: ايه؟
ديجا:فى صوت فى الحمام فى حد فى الحمام
ساره:اييييه؟
ديجا:اه والله فى حد فالحمام تعالى نشوف وانا هروح اصحى مامتك
وراحت ساره ووراها ديجا وبعدين راحت تنادى مامت ساره
ودخلت ساره وهيا داخله سمعت صوت ميه صوت الدش كان حد بيستحمى تقريبا وكان الباب مقفول وفجاح اتفتح الباب واتفجعت ساره بس ملاقيتش حاجه دخلت تبص لاقيت الحوض مفهوش ميه كأن مفيش ميه؟
بصيت فالمرايا اللى فى الحمام لاقيت الدش بينزل ميه بصيت فالارض ملاقيتش ميه ولا سامعه صوت ميه بصيت للدش .....ملاقيتش مكان الدش
ورجعت بصيت للمرايا شافت..........
شافت واحد لون وشه ابيض وشفايفه بيضه وعنيه لونها اسود مفهاش البياض زى البنى ادمين وبعدين النور اتقطع وكانت سامعه بس صوت صوات فى ودنها صوات مرعب وسكت فجاه وسمعت صوت نفس قريب منها وقال (اهلا بيكي فى عالمى )
ولاقيت نفسها فجاه فى جنينه كبيره فى فيلا بليل والدنيا ضلمه وف شتا وسمعت صوت كلاب فضلت تجري وفضل صوت الكلاب وراها فضلت تجري وبصيت لاقيت بيت جريت عليه بسرعه لاقيت البيت ساكت عنكبوت كتير ومكركب وطلعت لاقيت سلم طلعته لاقيت اوضه وجايه تفتحها الاوضه اتفتحت جامد لدرجه ان الباب خبط فى الحيطه واتقفل تانى
وبعدين اتفتح الباب بالراحه ولاقيت طفله الطفله كانت ماسكه شمعه وباصه قدامها البنت كانت شبه الراجل اللى شافته فى مرايه الحمام بس صغيره بس نفس الملامح وكانت بتبص بخوف كدا على كل ناحيه كأنها مش شايفاها او هيا مش باينه وفجاه بصيت لها وصرخت والصرخه طيرت ساره نزلتها فى مكان تحت عند سلم وحاولت تطلع السلم بس لاقيت الاوضه مقفوله نزلت وهيا نازله وقعت دماغها اتخبط فى حيطه لا مكانتش حيطه كان تابوت
تابوت خشب وجمبه مجموعه توابيت
وكل تابوت مقفول وعليه اسم
ولاقيت توابيت واسماء كتيره وفجاه لاقيت اسم على تابوت صدمها ورعبها
الاسم اللى كان على التابوت كان اسمها :ساره محمد حافظ
ودخلت وشافت التابوت واتاكدت من الاسم وكانت مرعوبه بس مسكت اعصابها وفتحت التابوت ولاقيت فيه.....
لاقيت فيه جثتها
ايوه لاقيت جثتها فى التابوت وفضلت تتامل فيها للحظات بعد ثوانى حسيت بسخونه عند رجليها بصيت لاقيت الشخص اللى لاقيته فى المرايه وقعها فى التابوت وهيا بتقع شافت جثتها قامت من التابوت وحطيتها مكانها وقفلت عليها
ساره فى التابوت فتره وحسيت ان روحها بتروح حاسه  بوجع نفسي وفى جسمها كدمات مش شيفاها بس حاسه بيها نفسها رايح  وفجاه التابوت اتفتح وكانت مامت ساره اخدتها فى حضنها وفضلت تطبطب عليها وكانت ساره بتاخد نفسها بسرعه اوى لان نفسها راح واتطمنت فى حضن مامتها وحضنتها اوى وبصيت لاقيت ريحه مامتها شياط وحريق ولاقيت مامتها اتحولت لنفس الراجل اللى شافته فى المرايه وقالها محدش هياخدك منى وضحك واغمى عليها  وكأنها طلعت من المكان دا لاقيت نفسها عند الشيخ اللى راحتلو ايوه هو الحسينى
كان قاعد بيقرا فى كتاب ف ايده اليمين وف ايده الشمال سلسله حديد واخرها شاقت الراجل اللى شافته فى المرايا كان مربوط من رقبته وساجد عند رجلين الحسيني
واول ماشافتها زى الاسد اما بيهجم على فريسه هجم عليها وفجاه صحيت لاقيت نفسها فى حمام بيتهم فالارض قامت لاقيت ديجا نايمه فى سريرها بس كانت نايمه ومسالمه جدا كأن مفيش حاجه
صحيتها ساره بفزع ديجا ..... ديجا
ديجا:ايه؟
ساره:انتى روحتى فين مش قولتيلي هتنادى ماما
ديجا: انا؟
ساره: اه مش انتى صحيتينى قولتيلي فى صوت فالحمام
ديجا:لا انا مصحيتش  ولا صحيتك واللى صحاكى مش انا انا كنت نايمه
ساره: حكيت لديجا كل اللى حصل
ديجا: احنا لازم نروح للحسينى بكرا
ساره:بس داقال بعد 9 ايام
ديجا: لا لازم نروح
وراحو تانى يوم وبصلهم نظرت انتصار وهما داخلين وقالهم بسخريه ايه اللى جابكو مش قلتلكو تيجو بعد 9 ايام ؟؟
يتبع