قصة سارة 👻الجزء 3 + 4👻

الحلقه الثالثه
من قصه حكايه ساره
وتانى يوم راحت ساره شغلها وقضت اليوم وهيا مروحه اتصلت مامتها بيها وهيا على سلالم المدرسه جايه بترد عليها شافت القطه السوده الكبيره اللى لاقيتها على سريرها وفجاه لاقيت نفسها وقعت والمدرسين اتلمو عليها ومكانتش قادره تقوم وكانت بتحاول تبص على القطه بس ملاقيتهاش
روحتها زميلتها مروه للبيت ولما دخلت البيت لاقيت واحد لابس بدله وباباه ومامتو فالبيت وكان قدامه على طرابيزه الصالون ورد وشكولاته وكان لابس بدله فهمت انه اكيد عريس متقدملها حسيت بخنقه وروحها بتطلع وعايزه ترجع وشافت مامتها ايديها المتجبسه ووشها اصفر جريت عليها وعرفت من مروه انها وقعت على السلم بس وشها كان اصفر اوى وكأن مش هيا ساره اللى تعرفها كان فى فى وشها تجاعيد بس حللتها انها تكون سوء تغذيه او ضعف ودخلت وقعدت فى الصالون مع الناس وحتى هما استغربو من شكلها وتجاعيد وشها وكان كمان فى هاللات سودا تحت عنيها كأنها عجزت او واحده تانيه عجوزه شبها
المهم مكانتش موافقه على العريس ورفضته وكانت ماسكه دماغها من كتر الصداع والدوخه واول ما مشيو جريت على الحمام ورجعت ومروه قعدت معاها وفسرت دا انه مرض نفسي وقالت انها لازم تكشف ممكن يكون عندها حاجه بس الغريب ان الكشوفات مكنش فيها حاجه؟ ليه وشها عامل كدا؟
ومررت الايام وكل يوم ساره بتكبر يوم بعد يوم شعرها بيبيض هاللات وتجاعيد فى وشها ظهرها بيوجعها مبتقدرش تمشي عرضت عليها مروه انها تروح دكتور نفسانى
وكانت مسالمه لاى فكره على وشها علامات اليأس والاحباط كانت اكتر بكتير من علامات تجاعيد وشها وشكلها اللى بقي تقريبا شكل واحده فى السبعينات من عمرها؟؟
وقعدت مع دكتور نفسي وقالتلو كل اللى شافته وصراخها بليل والحاجات اللى بتحس بيها بتحس بشئ يجزبها لتحت تحت الارض والقط والراجل اللى بتشوفهم باستمرار وفسر الدكتور دا بان عندها shizofrine انفصام !! وانها محتاجه تقعد فى مستشفي بس مامتها رفضت تماما ومرديتش توديها المستشفى وقالت:انا..انا بنتى سليمه انا بنتى مفيهاش حاجه بنتى مش مجنونه ياناس بنتى هتضيع منى بنتى الوحيده فرحتها ضايعه حد يرجعهالى ياناس بنتى هتروح منى وانا ساكته مش عارفه اعمل حاجه ساعدونى خدو اللى عايزينو ورجعوهالى ساعدونى ...ساعدونى
وانهارت من الغياط
ولما روحت لاقيت جارتها كانت على السلم كانت مستنيه ردها وعرفت من معالم وشها من غير ما تتكلم وكان ردها: لازم تروحو للست ديجا
ام ساره: ديجا.. ديجا مين؟
الجاره: دى اسمها خديجه مشهوره باسم ديجا مغربيه جايه هنا تساعد الناس بس بيقولو عليها جامده اوى وتعرف كل حاجه
مامت ساره: خلاص بكرا نروحلها
الجاره: مفيش وقت نروحلها دلوقتى هيا مسافره بكرا
وراحو كلهم للست دى وكان فى ناس كتير منتظرها وبعد نص ساعه من الانتظار دخلت ست فى العقد الثانى من العمر نحيفه ولابسه فستان مش طويل اسود وطقيه سودا تحتها قماشه صغيره مخرمه مغطيه نص وشها ودهب كتير فى ايديها واول مادخلت من وسط الناس بصيت ل ساره وشاورت للسكررتير بتاعها علي ساره ودخلت وبعد ثوانى جه قالهم ديجا منتظره حضرتكم اتفضلو واول مادخلو شافو خديجه بتحضر فى ورق كانت معاها بخور وكانت واخده ورقه حطاها فوق البخور والنار وكانت بتقول كلام مش مفهوم تقريبا كان ارقام حروف كلام مش واضح
وبعدين عطيت الورقه لساره تقراها وفتحتها ساره وقريتها وكان مكتوب فيها (يا جاسان ياجسان يا ملك ملك الجان ساره ..ساره..ساره تعانى ف حياتها ما تلاقي راحه و ف فرحتها تروح ولا يوم ترجع مرتاحه ولا يهدالها بال والفرح عندها محال باسم الله بسم الله بسم الله وما خلقنا الجن والانس الا ليعبدو اسمع الكلام وطيعو عشان ميغضبش عليك ذى الكازر وذى الحارس وملوك الجان ساره بنت نعمه بنت عائشه المقصوده ) ودا اللى كان مكتوب فى الورقه وبعد ثوانى شافو فى الحيطه رسمه كانت رسمه انسان وله وجه طور كبير بلون الدم وجريت خديجه على كتاب كان مليان صور ولقيت الصوره المطابقه لصوره الحيطه مكتوب فيها هذه الصوره تعنى ان الشخص المقصود معمول له عمل سفلى ولا يمكن فكه ووجه الثور يحذر اقتراب اى انسان للمصاب حتى لا يكون هناك خطر على حياته ولا يمكن فك السحر السفلى ويظل حتى الانقضاء...

.......................................................

الجزء الرابع
الحلقه الرابعه من قصه حكايه ساره
وبعد ما شافو اللى حصل انهارت ام ساره من العياط بعد ما عرفت ان بنتها مفيش امل ترجعلها وان بنتها ضاعت
وروحو وقالت ديجا: انا مقدرش اعمل حاجه اساعدكم بيها غير اللى شوفتوه .. بس ياساره ممكن تحكيلي اكتر عن الى بيحصلك بالتفصيل ممكن اساعدك
بدت علاامات اليأس على وجه ساره وهيا بتحكى ودا لاحظته ديجا وكانت بتحاول تستفسر وتركز على كلامها وف وسط الكلام اتكلمت ام ساره وقطعت كلامهم
ام ساره: اه ياست كانت بتتشنج كتير وكانت بليل بتصوت وعنيها بتبيض وصوابعها بتسود لوحدها وبترجع على ورا من غير ما تمسكها وف مره كنت نايمه صحيت لاقيت كراسي السفره بتتهز لا مكانتش بتتهز كانت بتتنطط على الارض وشوفت ساره كانت قاعده كانت فارده شعرها وكانت لابسه جلبيه كتان شكلها ابيض متبهدله او من زمان اوى وكانت بتاكل فى حاجه على الارض قربت منها لاقيتها بتاكل فى دماغ قطه سودا وفاتحه بطنها وبتاكل منها وفضلت تاكل كأنها بتاكل وجبتها المفضله وانا اغمى عليا تقريبا نمت معرفش بس صحيت لاقيتنى فالسرير بس انا مكنتش بحلم دى حقيقه
ساره: ايوه انا بقالى كذا يوم مبلاقيش القطه اللى قولتلك عليها بس وانا نايمه بحس ان فى حاجه بتشد السرير من تحت وحاسه ان حد ماسكنى من هدومى بيشدنى كأنى فرخه رايحه تتدبح !!
وفجاه اتشنجت ساره وعيونها بقيت لونها ابيض ووشها اصفر اوى وبدئت تتكلم بكلام مش مفهوم وتقريبا مكانش صوتها خالص كان صوت واحد
وكان بيقول :اب ابو ابويا ابويا ابويااااااااااااااا وصرخت وفضلت تهمس بكلام مش مفهوم  بس تس بك هو كان موجود هو طلعونى طلعونى
وبعد كدا فاقت ساره
وكان كلو ساكت مصدوم وخايف وقال ساره انا نمت دلوقتى وحلمت
ديجا: حلمتى ب ايه؟
ساره: حلمت انى فى مكان مخروب مكان مدمر مكان كلو مكسر تقريبا مكان فيه اثر حرب مدمره
ديجا: وبعدين
ساره: كنت فى ولاقيت عقارب سودا جايه عليا لاقيتنى نايمه فالمكان دا على مرتبه وحوالين رقبتى تعبان دماغه كبيره اووووووووووى انا كنت مرعوبه منو ولاقيت الشخص اللى قولتلك عليه وكان بيمسك العقارب بايده يطحنهم وينزلهم كأنهم كتل رمل واخد التعبان من على رقبتى ومسكه قطعو اتنين زى قطعه القماش بسهوله واختفي دورت عليه فى كل حته ملاقيتهوش وفجاه صحيت
ديجا: عائل
ساره: مين عائل
جريت ديجا فتحت الكتاب المصور وقالتلها هو دا؟
ساره: ايووووه هو دا هو دا انا بشوفو على طول ايوه هو دا والله
ديجا: دا عائل ملك صغار الجان ملك بيحب يلعب بالبنات بيحب يضحك عليهم يفهمهم انه بيحبهم وياخدهم معه وف الوقت دا بيخلى جن صغير لابسهم متابع لهم القط اللى شوفتيه دا من طرف عائل وهو لابسك وهو اللى اتكلم دلوقتى هو حابسه جواكى وهو صغير وعايز يطلع ويعيش حياته زى اى جن فى قبيلته حبس عائل ليه جواكى اكبر عقاب الجن الصغير دا ارتكب جريمه فى عالم الجن عشان كدا حبسه جواكى
ام ساره: يلهوى والعمل
ديجا :عايزين طرابيزه وخمس اشخاص ومقص وخيط والكتاب بتاع الصور بسرعه
وقعدو على الطرابيزه ساره وديجا ومامتها وجارتهم والسكرتير بتاع ديجا على الطرابيزه وربطو المقص بالكتاب عن طريق الخيط ومسكوه كلهم لحد ما الكتاب اتفتح فى الهوا مسكو ايد بعض على شكل دايره وفجاه بدئت ساره تتشنج وحصل لها نفس اللى حصل لها من دقايق وبدء الجن الصغير يتكلم
ديجا: اسمك ايه
الجن : طلعونى
ديجا: قول اسمك
الجن :طلعونى الاول
ديجا احكيلنا كل حاجه وهنطلعك
بدء الجن فى العياط بصوت مشمئز
ديجا:متعيطش قول متخافش انت فى امان
الجن:طلعوووونى
ديجا:قول كل حاجه وانا قولتلك هطلعك قول عشان نقدر نساعدك احنا كلنا هنا عايزين نساعدك عشان تطلع منها
الجن: انا حرقت حرقت ابويا مكنتش اقصد وعائل جابنى وحبسنى هنا عايز اطلع انا محبوس هنا للابد طلعوووووونى
ديجا: طيب انتا ....
وفجاه صووووت عالى هز المكان وكلو وقع على الارض من الصوت والصوت كان بيقول عااااااااااااااائل .....