لعشاق الرعب👻 قصة سارة 👻الجزء 1+2👻
قصة سارة
عشاق الرعب
#الجزء_الأول_والتاني
سارة 32 سنه
وجميلة جداً ولم تتجوز
كل متتخطب يموت خطيبها
3 عرسان ماتو بعد قراءة الفاتحة على سارة
صديقة ساره التقت مع سارة في الشارع اذيك ياسارة عمل ايه وتجوزتي ولا لسه
سارة لسه والله وبعدين انا مش عوز اتجوز ولا بفكر فى الموضوع ده
صديقتة ليه كدا دانا نفسي اشوف ولادك وعندي عريس ليكي ابن عم جوزي ويتمنا توفقي
سارة لا لا لا مش عوز حد يتقدملي تاني كفاية الي ماتو مش عوز اشيل زنب حد تاني وسلام بقا عشان ماما لوحده في البيت وانا اتاخرت عليه
دخلت سارة البيت ايه ده يا ماما مش اولتلك مش بطيق ريحة البخور بيخنقني
أم سارة أسفه يابنتي بس انا حسيت أن في حد بيمشي في البيت وخفت
سارة ايه ياحجه انتي كبرتي وبقيتي بتهلوسي ولا ايه
أم سارة لا والله يا بنتي انا شوفت كلب أسود طالع من الحمام وبعدين اختفاء وبدأت أحس بشي ماشي في البيت
سارة يا ماما انتي شكلك منمتيش روحي بس اعملي حاجه حلوه من ايدك عشان انا هموت من الجوع على ماخد دوش
أم سارة حاضر ياقلبي
سارة دخلت الحمام وصرخت باعله صوت ماما ماما وخرجت من الحمام تجري
أم سارة في ايه مالك ياقلبي انا شوفت حاجه مرسومه علي الحيط زي حيوان
أم سارة احنا لزم نروح لشيخ ياسارة
سارة شيخ ايه ياماما وكلام فاضي ده
أم سارة يبنتي انتي معملك عمل طيب نجيب الشيخ هنا
سارة اوك ياماما اللي يريحك هتي مدام ده هيريحك
أم سارة نزلت تجيب شيخ ورجعت لقيت سارة مغمي عليها علي الأرض بنتي ياناس مالك ياقلبي طيب ردي عليا انا أمك
بعد نص ساعة سارة اتكلمت شوفتو ياماما شوفتو ياماما كلب أسمر وشعرو طويل
الشيخ لا تخافي يا سارة تعالي جنبي
فتح الكتاب الشيخ وشتعلت انار في الكتاب
الشيخ مش هقول حاجه انا معرفش حاجه انا مليش صالح انا غلطان بس سبوني امشي مش هشتغل تاني
أم سارة في ايه بتكلم مين
الشيخ أبعدي عني انتي وبنتي يا ستي حرام عليكم انا معاي ولاد عوز اربيهم مليش صالح بيكم انا ماشي
الجزء الثاني
من قصه حكايه ساره 📖
مامت ساره: مفيش حل تانى غير اننا نروح للشيخ متولى
ساره: متولى ايه ياماما بس حرام عليكي انتى عيزاه يحصل فيه زى اللى حصل للتانى كفايه بقا حرام
مامتها:يابنتى اسمعى كلامى بس دا مبروك دا غيرهم وهو اللى هيعرف ايه بالظبط اللى عليكي
ساره:ربنا يستر هو فين دا؟
مامتها:عندنا فى البلد
وراحت تانى يوم ساره ومامتها للشيخ فى البلد
واول ماشافهم قالهم تعالولى بليل على الساعه 12
وراحو وجولو الساعه 12
متولى:تعالى ياساره
ساره:عرفت اسمى منين؟
متولى :تعالى بس اللى هقولك عليه اعمليه
ساره:حاضر
وداها مدافن وقال لها
نطى من على كل مدفنه من المدافن دى مره لفي سبع لفات وبعد ما تخصلي كل لفه خدى من تراب التربه وحطى على دماغك
ساره:لاطبعا مش ممكن اعمل كدا
مامتها:اعملى اللى بيقولك عليه يابنتى
ولفت ساره على كل مدفنه وعملت الى قالها عليه متولى
وبعد ماخلصت
متولى:دى كبده نيه كوليها ولما تخلصي تعالى ورايا
ساره:لالالالالالالا طبعا مقدرش
مامتها:يابنتى اسمعى كلامه
ساره:مقدرش ياماما
مامتها:معلش يابنتى عشان خاطرى
واكلت ساره الكبده نيه وراحت لاقيتو بيفتح تربه قلبها انقبض
متولى: ساره تعالى بصي هنا شوفى كدا فى حاجه مش لاقيها
ساره: ايه وجت تبص قام راميها فى التربه وقفل عليها بسرعه
مامتها:بنتتتتتتتتتتى
متولى مسكها وقالها:مش هيمشي غير ب كدا
وساره من الخضه اغمى عليها
وبعد 10 دقايق طلعوها
متولى:كدا خلاص هتشفي
فوقوها وعطاها متولى ميه بملح تشربها
واخدها متولى لمكان ورسم لها على ايديها مربعات وكتب فيها ارقام كتب 77 -97-69-1
وبعد كدا روحت وطبعا الساعه كانت 3 الفجر نامت على طول
حلمت بترب وحلمت باشكال مخيفه وحلمت بنفس الكلب بيجري وراها وبتبص وراها عليه ملاقيتهوش بصيت قدامها لاقيته هجم عليها وصحيت من الحلم
لاقيت مامتها جمبها وكانت نايمه
وفتحت باب الاوضه وطلعت قعدت فى الصالون اللى كان بعيد عن الاوضه اللى نايمه فيها مامتها
وقعدت وسندت راسها على الكرسي فى الصالون بين النايمه والصاحيه شافت واحد واقف قدامها وكان طويل وكان لابس زى جلبيه رجالى كتان هيا تقريبا بيضه بس متبهدله اوى او من زمان اوى تقريبا لونها كان متغير بس تقريبا كان القميص باين عليه انه قديم اوووووى تقريبا من العصور الوسطى
وكان شخص له شنب وله شعر طووووويل اوى تقريبا شعره لنص ضهره
وكان بيبصلها كانها صعبانه عليه كانت نظرته نظرت شفقه عليها او حب مكنتش خايفه منه رغم انها المفروض تخاف وفجاه البيت اتهز هزه جامده واترجرجت على الكرسي وتقريبا هيا كانت بتحلم او لا
وفجاه سمعت صوت مامتها بتنادى عليها بخوف ساره
ساره:نعم
مامتها:البيت اتهز والهزه صحتنى من النوم مالاقتقيش جمبي اتخضيت عليكي
ساره: لا انا كويسه انا بس تقريبا نمت هنا شويه
مامتها:طيب الساعه بقيت 6 الفجر يلا ناميلك شويه فالسرير
عشان نلحق قطر الساعه 12
ساره:حاضر ياماما
نامت ساره وحلمت انها فى حته زى غابه ونفس الكلب دا بيجرى وراها وشافت الشخص اللى شافته فى الصالون جه وهو والكلب دا فضلو يضربو فى بعض وهيا جريت وهيا بتجرى وقعت وصحيت من النوم اتفجعت لاقيت الساعه بقيت 10 الصبح ولاقيت مامتها نايمه على الكنبه وراحت عملت لنفسها فطار وهيا فى المطبخ بتعمل الفطار حست بسخونه ناحيت رجليها او هوا سخن خافت بصيت ملاقيتش حاجه بس كانت شامه ريحت ورق محروق جامده اوى بس مفيش دخان كان جواها احساس الخوف ان حد بيراقبها وكانت خايفه تبص وراها تشوف حد كانت مرعوبه
وفجاه السخونيه اللى ف الارض دى راحت بس ريحت الشياط لسه موجوده
دروت ساره فى المطبخ وفى الشقه ممكن تكون مامتها نسيت حاجه مولعه وهى اللى عامله ريحه الشياط دى ملاقيتش
رجعت ساره للمطبخ واكلت وصحيت مامتها ونضفت الشقه ولمت هدومها ونزلت هيا ومامتها وسلمت المفتاح لصاحب الشقه ومشيو
وركبو قطر الساعه 12 عشان يرجعو بلدهم
وهيا فى القطر نامت على كتف مامتها وكانت تقريبا ص نايمه او صاحيه مكانتشش مركزه
شافت فى الكرسي اللى فى الناحيه التانيه بعيد قاعد واحد هو هو الى شافته شعرو طويل ولابس جلبيه بس كان قاعد ولابس بدله وشعره مكانش طويل كان بيقرا الجرنان وهم بيقلب الصفحه بص لها وبعدين عنيها غمضت ونامت غصب عنها كانت جواها عايزه تفتح وتشوفه وتروح وتعرف مين دا
وفجاه صحيت بس لاقيت الكرسي فاضي مع كراسي فاضيه كتير طبعا ناس نزلت ناس طلعت ولما نزلت من القطر وروحت نامت على طول وكان الوقت بعد 12 بليل دخلت اوضتها ونامت وهيا بتغطى نفسها بالغطا حسيت ان الغطا تقببل كأن فى حاجه عليه متقلاه بصيت لاقيت قطه سودا عنيها لونها اخضر فاتح وبتبص لها وتغمض وتفتح فى عنيها وبعدين نزلت من على السرير بس القطه مكانتش فى حجم القطه العاديه كانت اكبر بكتير
اتفجعت ساره بس كتمت بؤها باديها عشان متصوتش باليل وتفجع مامتها وجريت نامت فى سرير مامتها من غير ماتحس وغطت وشها بالغطا وحضنت مامتها وكانت طبعا مرعوبه
وتانى يوم ...،،،،
التعليقات على الموضوع