الوعد💥الحلقه 29💥
💥. الحلقة ٢٩ 💥
💥💥💥💥💥💥💥💥💥💥💥💥💥💥💥💥
حمزة مستني ورد علشان هيروحو يستقبلو جودى فى المطار
حمزة / ورد هنتاخر يلا
ورد بتخرج
ورد / اية مستعجل اوى يعنى لسة ساعتين على وصول الطيارة
حمزة / الطريق زحمة ولازم نوصل الاول
ورد و حمزة نزلو وركبو العربية وبيروحو على المطار ومستنين جودى و حمزة بيشفها من بعيد وبيسيب ورد وبيشورلها و ورد بتبص بتشفها بنت زى القمر ولبسة شورت قصير جينس وبدى كت وكل المطار بيبص عليها وعلى دلعها وضحكتها
وبعد كلام كتير واحضان بنها وبين حمزة و ورد وقفة هتتجنن وبتروح عليهم وبتقرص حمزة من دراعو
حمزة / اااى اة دى ورد مراتى ودى جودى بنت خالى
جودى / اهلا يا ورد انتى حلوة اوى
ورد / وانتى كمان يلا بينا
جودى / ثوانى هستلم الشنطة
وجودى راحت و ورد بتضرب حمزة فى كتفو
حمزة / ايه فى ايه
ورد / لا ولا حاجة انت مبسوط اوى ونازل احضان انت وهى تحب اجبلكو شجرة واتنين لمون يعنى
حمزة / ممكن تبطلى غيرة بقي
وجودى بتوصل وبيروحو على العربية
جودى / عوزك يا حزومة تشفلى شقة صغيرة علشان افضل فيها الشهر الى هكون فية هنا فى مصر
حمزة / شقة اية انتى هتيجى معايا عندنا مش كدة يا ورد
ورد / لا قصدى اة طبعا
**********************************
وبيروحو على البيت
جودى / الله شقتك حلوة اوى يا ورد
ورد /شكرا
جودي / بس انا مكنتش حبة ازعجو بوجودى عندكو
حمزة / انتى بتقولىى اية لا طبعا دى ورد مبسوطة
ورد / انا اة طبعا مبسوطة تعالى اتفضلى شوفى اوضتك
ورد بتروح توديها على اوضة الضيوف
جودى / شكرا اوى يا ورد
ورد / اسيبك ترتاحى
***********************.
ورد بتخرج وبتاخد حمزة على الاوضة
حمزة / اية فى اية انتى بتجرينى وركي كدة فى اية
ورد / مقولتليش انك هتجبها هنا البيت
حمزة / امال عوزانى اسبها وهى بنت لوحدها تقااعد فى شقة مفروشة لوحدها
ورد / لا عادى انا اموت من الغيظ بس
حمزة / يا ورد يا حببتى انتى متعصبة لية علشان هى زى القمر يعنى
ورد / حمزة متجننيش.
حمزة بيروح على ورد وبيملس على شعرها
حمزة / الله اكبر الله اكبر
ورد / انت بتكبر عليا هو انا مجنونة
حمزة / مش هتروحى تجيبى البنات من المدرسة
ورد / لا انت الى هتروح
حمزة بيبصلها وبيضحك
ورد / حمزة متعصبنيش
حمزة / انا ماشى احسن
ورد خرجت وراه
ورد / انت رايح فين
حمزة / هروح اسال جودى لو محتاجة حاجة اجبهلها
ورد / انت بتستعبط صح
حمزة بيضحك وبيمشى و ورد متعصبة اوى
ورد / انا مش عرفة البنت دى طلعتلى منين يا ربى هو انا كنت ناقصة من كريمان لجودى
**********************************
وبعد ساعة حمزة رجع ومعاة رودى وريم وبيجرو على ورد
رودى ريم /مامى مااامى
ورد / حبيابى وحشتونى عملتو اية فى المدرسة
رودى / ريم ضربت محمود يا مامى
ورد / ليه يا ريم
ريم / هو بيشد شعرى
ورد بتشوف حمزة رايح على اوضة جودى
ورد /حمزة حبيبى الغداء جاهز
حمزة / ماشى هنادى على جودى لحد متجهزى السفرة
ورد /اااة اااة
حمزة جرى عليها
حمزة / فى اية انتى كويسة
ورد / ضهرى بيوجعنى
حمزة /انا قولتلك اكتر من مرة اجبلك حد يساعدك فى شغل البيت وانتى مفيش فايدة
ورد / تعالة انت ساعدنى فى تحضير السفرة ورودى وريم هيروحو لجودى يلا يا حبيابى سلمو على طنط فى الاوضة هناك
ورد اخدت حمزة من ايدو وراحو على المطبح و ورد بتتحرك عادى و حمزة مبتسم علشان فهم ان ورد غيرانة و ورد بتروح تحضر السفرة بسرعة وبتشتغل بسرعة جدا
و حمزة بيروح عليها وبيمسك اديها وبياخد منها الاطباق وبيحطها على السفرة وبيمسكها من خصرها و ورد بتنهج
و حمزة بيبصلها
حمزة / انتى عرفة انى بحبك ولا لا
ورد / تق تق
حمزة / انا مش بحبك انا بموت فيكى
ورد / يعنى مش
حمزة / بحبك
ورد بتترمى فى حضنو و حمزة بيضمها اوى وبتخرج جودى ومعاها البنات وبيشوفو حمزة حاضن ورد
رودى ريم / مامى
ورد بتتخض وبتعدل نفسها وبتبص لجودى وبتكون لبسة قميص نوم شفاف و ورد كان قلبها هيقف وبتحط اديها على عيون حمزة علشان ميشفهاش
جودى / ريحت الاكل حلوة اوى يا ورد
حمزة بيشيل ايد ورد
حمزة /ورد اكلها هيعجبك اوى اتفضلى
جودى / انتى الى بتعملى الاكل
ورد / اة طبعا
جودى / برافوورد وبتقدرى تهتمى بنفسك وبالاولاد وبكل حاجة
ورد / البنت المصرية بتقدر على كل حاجة
وجودى بتاكل
جودى / واااووو اكلك يجنن
ورد / دة انا الى هتجنن
حمزة بيخبط ورد فى رجليها
جودى / بتقولى حاجة
ورد /بقولك بالهناء والشفاء
وبيتغدو و ورد بتشاور لحمزة وبيروحلها المطبخ
***********************.
حمزة / فى اية عمالة تغمزيلى وتشوريلى هتاخد بلها
ورد / انت شايف هى لبسة اية
حمزة / وفيها اية عادى هى حرة هى متعودة على كدة
ورد / ياسلام دة انا اتكسف البس كدة وانت جوزى مش قريبى
حمزة / قولى لنفسك
ورد / بتقول اية
حمزة / اعملى القهوة يلا مش هنسبها برة لوحدها كتير
حمزة خرج وبيلقى ريم ورودى بيلعبو مع جودى وفرحنين
جودى / بناتك حلوين اوى يا حمزة
وريم ورودى راحو لحمزة
ريم / بابى عوزة انا ورودى نروح مع اصحابى الرحلة
ورد خرجت ومعاها القهوة
ورد / اتفضلى اتفضل يا حبيبى القهوة
حمزة /ورد شوفى البنات
** وريم ورودى عوزين يروحو رحلة للفيوم فى الكشافة تلات ايام **
ورد / لا طبعا انا اخاف عليكو
جودى / دى هتكون رحلة حلوة اوى فاكر يا حمزة لما رحنا انا وانت رحلة فى الفيوم كان اسبوع يجنن
ورد / محكتليش عن الرحلة دى يعنى
حمزة / مكنش فى وقت انى احكيلك
ورد / فى وقت دلوقتى عملتو اية
جودى / كنت انا و حمزة بنربط الخيمة وخلصناها واول ما دخلنا الخيمة وقعت علينا ههههة وفضلنا نص ساعة انا وهو جوة الخيمة معرفناش نخرج لحد ما وصلو زمايلنا وخرجونا هههههة كان يوم يجنن فاكر يا حمزة
حمزة / اة فعلا
ورد بتبص لحمزة 🤯🤯🤯🤯
ورد / اكتر من نص ساعة انت وهى فى الخيمة والخيمة وقعت عليكو انتو الاتنين ههههة فعلا هههههههههة
جودى / حمزة كانت البنات بتتجنن عليه كانت ايام تجنن
ورد / انتى مش بردانة تحبى اجبلك حاجة من عندى تلبسيها
جودى / فعلا الجو برد هروح اغير وهاجى
وجودى مشيت
حمزة / ورد حسبى على كلامك شوية بلاش جنان
ورد / كنتو بتعملو اية فى الخيمة لوحدكو ها
حمزة / لا دة انتى لسعتى على الاخر
ريم / بابى عوزة اعمل خيمة
ورد / البنات عوزين يعملو خيمة ها 😤
وجودى خرجت ولبسة فستان اخضر قصير
جودى / انا عوزة عربيتك يا حمزة
حمزة / لية
جودى / عوزة انزل اتفرج على البلد وحشتنى اوى
حمزة بياخد مفتاح العربية وجودى بتخدو وبتخرج
حمزة / خلى بالك على نفسك ولو فى اى حاجة كلمينى
وجودى مشيت و ورد وقفة حطة اديها فى وسطها ووقفة بتبص لحمزة
***********************.
حمزة / لو هتقلبيها نكد هخرج احسن
ورد / انا الى عوزة اعرفو هى فيها اية احسن منى
حمزة اتعصب وبياخد ورد من اديها وبيروحو على الاوضة وبيحطها قدم المرايا
حمزة /عوزك تقوليلى امتى اخر مرة رحتى الكوفير عاوز اعرف اية المريلة الى انتى لبساها على طول دى محتفطة بيها على طول ولا امتى اخر مرة كنا انا وانتى مع بعض انتى يا اما مع البنات يا اما فى المطبخ ولما بكون محتجلك
ومحتاج حضنك بتكونى تعبانة انا جوزك وليا حقوق عليكى مش كل حاجة الكنيس والمسيح والغسيل وبس فى حاجة تانية انتى نسياها
ورد بتعيط
ورد / ياااة دة كلو كنت مخبيه فى قلبك
التعليقات على الموضوع