حب عمري 💟الحلقه 27💟
الفصل السابع والعشــــرون
*** حب عمرى ***.
صرخت داليا في احدي الممرضات التي جاءت ركض وحملت ريم مع داليا علي احدي السرائر وركضت بها الي احدي غرف الكشف وبعثت نداء الي سحر .. جاءت سحر تركض الي غرفه الكشف وبعد الفحص
سحر : داليا عايزة تحليل دم كامل
: حاضر
اخذت داليا عينه من دم ريم وظلت في المعمل حتي خرجت التحاليل واعطت نتيجة التحاليل الي سحر .. نظرت سحر الي تقرير التحاليل
سحر وهي تبلع ريقها : ناديلي دكتور رامي
بقلق : هو في ايه
سحر : يلا يا داليا بسرعه
ركضت الي رامي وابلغته انهم في حاجة له .. وذهبت الي سيف
وهي تلهث : سيف الحق ريم
انتفض سيف من مكانه : في ايه يا داليا
: مش عارفه ياسيف بس مش مطمنة
ركض سيف مع داليا وذهبوا الي غرفه الكشف المتواجده بها ريم
سيف : في ايه يا رامي
رامي : مش عارف يا سيف بس كل حاجة هتبان
سيف: ما تفهمني في ايه
رامي وهو يأخذ سيف بعيدا وبصوت هامس : دي التحاليل بتاعه ريم .. انا شاكك انه يكون ورم
سيف بصدمة: ورم
رامي : سيف انت دكتور وعارف كويس اوي ان الحاجات دي بتبان بعد فحوصات كتير .. انا هعمل لريم طبقي محوري علي المخ وهنعمل اشعه لكل الجسم
سيف بعصبيه: انت بتقول ايه
رامي : سيف ارجوك اهدي مش كده
سيف بعصبيه : يعني ايه اهدي .. انت عارف انت بتقول ايه
رامي : سيف مش كده خليك واثق في ربنا وبعدين التحاليل مش مبينه حاجة اوي احنا هنعمل الاشعه علشان نطمن ونشوف في ايه بالظبط
قلقت داليا واقتربت منهم وقالت من بين دموعها : ريم فيها ايه مالها ريم يا سيف
سيف بحزن : مفيش حاجة يا داليا بس رامي عايز يطمن عليها
رامي : سحر لو سمحتي اللي طلبته منك اشعه كاملة وطبقي محوري
سحر : حاضر يا دكتور
داليا من بين دموعها: عايز كل ده وبتقولي مفيهاش حاجة
رامي : احنا عايزين نطمن
: قولي يا سيف ريم فيها ايه
سيف بحزن واسف : مش عارف
داليا بعصبيه : يعني ايه مش عارف اتكلم يا سيف
سيف بعصبيه : كفايه بقي يا داليااا .. تركها سيف وذهب الي غرفه مكتبه يحاول ان يستجمع قواه بعد ذلك الخبر
سيف : " هو انا ايه اللي بيحصلي ده .. ليه دايما القدر معاندني .. مش كنت عايز تسيبها .. هي الي هتسيبك .. ااااااااااااااااااه يارب سترك وعفوك ورضاك "
اخذت سحر ريم الي غرفه الاشعه وقامت بعمل اللازم لها ولكنها صعقت عندما رآت شاشه الطبقي المحوري ونادت رامي ليري النتائج
رامي صعق ايضا عندمارآي الاشعه .. وجاء سيف الي غرفه الاشعه ورآي التقارير
رامي بأسف : مش عارف اقولك ايه يا سيف .. بس زي ما انت شايف .. الورم في مكان حساس جدا من المخ ..
وللاسف العمليات للنوع ده من الاورام نسبه نجاحها ضيئله جدا .. ده كمان لو نجحت
سيف بأسف وحزن وصدمة لا يستطيع التحدث ولكن دموعه كانت خير دليل علي ما بداخله
جاءت لهم داليا ورآت دموع سيف
داليا بخوف :في ايه ريم مالها يا رامي ريم مالها
رامي بأسف : داليا .. ريم عندها ورم خبيث في المخ وللاسف الورم منتشر بشكل كبير ومستوطن اكتر في منطقه حساسه جدا في المخ
داليا بصدمة : انت بتهرج صح .. وهي تلتفت لسيف هو بيقول ايه .. ايه الكلام اللي بيقوله ده ما تتكلم يا سيف ريم مفيهاش حاجة صح ريم كويسه يا سيف قولي يا انطق متسكتش كده
سيف بعصبيه : لا يا داليا مش كويسه مش كويسه
هبطت دموعها منها رغما عنها وقالت : يعني ايه مش كويسه الكلام اللي هو بيقوله ده صح .. ريم هتموت .. هتسيبها تموت يا سيف .. وهي تضربه علي صدرة اعمل حاجة يا سيف اعمل حاجة
سيف وهو يمسكها من يديها : للاسف مفيش حاجة بايدينا غير اننا ندعيلها
داليا بانهيار : يعني ايه هتسيبها .. هتسيبها يا سيف تموت
سيف وهو يمسك يداها : كفايه بقي يا داليا كفايه
بعصبيه : لاء مش كفايه .. مش هتسيبها يا سيف مش هتسيبها
رامي : داليا اللي انتي بتعمليه ده مينفعش
: وانت عايزني اعمل ايه .. افرح صحبتي بتموت وانتوا ولا علي بالكم
رامي : انتي دكتورة ولازم نتقبل ده
: يعني ايه افضل حاطة ايدي علي خدي واستني هو ده اللي المفروض اعمله يا دكتور ولا اني اشوف دوا يشفيها .. احنا دكاترة ليه قولي ليه
رامي : انتي عارفه كويس اوي ان الحالات اللي زي دي لسه متوجدش ليها علاج وللاسف ريم جت متاخرة اوي انا مش عارف ازاي محدش خد باله من حاجة زي دي مكنش بيجيلها حالات اغماء صداع محستوش ولو لحظة انها تعبانه
داليا بحزن وندم : انا الي غلطانة .. كانت كتير بتبقي تعبانه بس بتطنش وكل ما اقولها اكشفي تقولي ارهاق .. كان لازم اغصب عليها كان لازم
سيف : وهو مشفق علي داليا وعلي حاله : ده نصيب يا دااليا .. غصب عننا لازم نشوفه
بكت بحرارة وارتمت بين ذراعي سيف : ليه ريم يا سيف لييييييييييييييه
سيف مداريا دموعه : مفيش حد هيغلي علي الي خلقه يا دالياا
رامي : يا جماعه اهدوا مش كده فيه علاج ريم لازم تاخده ومتنسوش انكم لحد دلوقتي مقولتولهاش ولازم تخضع للعلاج دلوقتي قبل كمان شويه
سيف : مش هقدر
رامي : انا هدخل اتكلم معاها .. بس متنسوش ان العامل النفسي عليه قيمة كبيره في العلاج يعني لازم تبقوا جمبها
دخل رامي الي ريم وابلغها بمرضها .. بكت ريم وكانت تهبط دموعها رغما عنها حاولت ان تتماسك ولكن كيف تتماسك وحياتها علي وشك الانتهاء
رامي مهدئا اياها : ريم ده اختبار من ربنا وقادر سبحانه وتعالي يشفيكي
ريم: انا مش زعلانه علي نفسي .. انا كل همي امي مين هيراعيها وياخد باله منها بعدي .. انا مش خايفه علي نفسي علي اد ما خايفه علي امي بعد ماتعرف .. كان نفسها تشوفيني دكتورة علشان اعالجها .. اسيبها لمين
دمعت عينا رامي رغما عنه ولكنة مسح دموعه سريعا : ان شاء الله تخفي وتبقي كويسه وكل حاجة بالعلاج
ريم : علاج اللي هيطول سنين ولا ياعالم ما يمكن مكملش علاج واروح عند ربنا
رامي : كفايه يا ريم حرام عليكي
ريم : حرام عليا ايه .. حرام عليا ابكي علي نفسي
دخلت داليا واترمت في احضان ريم : مش هتبكي ابدا .. هتخفي وهتبقي كويسه .. وهحضر فرحك علي سيف وقامت داليا بمناداه سيف .. مش كده يا سيف ومن بين دموعها مش انت كنت بتقولي انكم هتنزلوا تنقوا الفستان صح .. وكمان علشان ارقص في فرحكم
سيف كانت دموعه تسيل ولا يستطيع الرد
ريم : متعيطش يا سيف انا هبقي كويسه .. ومش عايزة ابقي انا سبب حزنك .. متحزنش عليا ياسيف .. انا هبقي كويسه
اقترب منها سيف ومسك يداها : ان شاء الله تبقي كويسه
ريم ببكاء: ماما ياسيف خلي بالك منها .. وكلم محمد خليه يجي يقعد مع ماما كفايه غربه بقي .. وانتي يا داليا عمري ما حبيت حد اد ما حبيتك .. كنتي اختي وصحبتي .. متزعليش من سيف .. سيف ميقدرش يعيش من غيرك
داليا ببكاء وهي تلقي بنفسها بين احضان ريم : انا اسفه علي كل حاجة عملتها انا اسفه
ريم وهي تمسح دموع داليا : اوعي تتأسفي .. علشان انا عمري ما زعلت منك
: هتقومي وهتخفي وهتبقي كويسه وهتفرحي عمرك كله
ريم : فرحتي بفرحتكم افرحوا انتوا علشان انا ابقي فرحانه .. بس متنسونيش وببكاء ولما تفتكروني ادعولي
سيف : كفايه بقي كفايه
ريم : سيف .. انا اسفه غلطت في حقك كتير .. عارفه اني كنت بارده معاك وعمري ما حسستك بالحب .. بس انا كان هدفي اني ابقي اشطر جراحة .. هنا في المستشفي كانوا مسميني الانسان الالي لاني حاطه مشاعري في تلاجة علشان اوصل لهدفي .. كان نفسي اوي احقق حلم امي .. بس غصب عني مش هقدر
رامي : كفايه كده ياريم ارجوكي ده مش كويس علشانك
ريم : مبقتش تفرق يا دكتور
رامي : ريم انا مش عايز يأس .. لازم تتشبثي بالحياه .. علشان متسيبيش سيف لوحده ولا تسيبي داليا مش هما حبايبك برضه .. حد يسيب حبايبه .. لازم تقاومي المرض متخلهوش يهزمك .. ريم اللي انا اعرفها قويه .. مش عايز اشوف اليأس ده تاني .. اتفقنا
ريم : اتفقنا .. سيف متخافش عليا هبقي قويه ومش هسيبكم ابدا .. بس كلم محمد عايزة اشوفه
سيف : حاضر
ذهب سيف الي مكتبه ودخل في حاله بكاء هستيري .. شعر بتأنيب الضمير تجاه ريم .. ولكنه حاول الاتصال بمحمد اخو ريم .. وبعد ان رد عليه
محمد : اخيرا سألت عليا وافتكرت انك ليك صاحب وكمان نسيب
سيف محاولا التماسك : محمد انت لازم تنزل
محمد بخوف: في ايه ياسيف ماما جرالها حاجة
سيف : لاء يا محمد
محمد بفزع: ريم مالها يا سيف
سيف من بين دموعه : ريم معاها ورم في المخ
محمد بصدمة: انت بتقول ايه .. ايه الكلام اللي انت بتقوله ده
سيف : انا نفسي مش مصدق
محمد : سيف ابعتلي كل الاشعه والتحاليل وكل التقارير يكونوا عندي انهاردة علي الايميل وانا هوريهم لدكتور اورام هنا متخصص ولو طلبت هجيبها بطيارة لهنا تتعالج
سيف: حاضر يا محمد
اغلق سيف الخط مع محمد وقام بارسال التقارير والاشعه له عن طريق البريد الالكتروني .. وحاول ان يستجمع قوته وذهب الي ريم وجدها غارقه في النوم ووجد داليا تقرأ القرءان وتبكي وتدعي ان الله يشفي ريم
سيف بصوت هامس : نامت
وهي تغلق المصحف وتصدق : اه نامت
سيف : قومي ارتاحي شويه
: تفتكر اني هعرف ارتاح .. بس بعد اذنك يا سيف تتصل بيهم في البيت وتقولهم اني هبات انهاردة في المستشفي
سيف : مش هينفع يا داليا
: معلش يا سيف انا مش هسيبها لوحدها ابدا
سيف : ماشي يا دودى .. وانا هروح اجيب مامه ريم
: اوك
ذهب سيف الي والدة ريم وجاء بها الي المسشفي ولكنها لم تتحمل ان تري ابنتها هكذا وفقدت وعيها في الحال
حاول سيف في ايفاقها وبدأت تبكي علي ابنتها .. وحاول سيف تهدئتها .. وقال لها انها ستكون بخير
فاقت ريم علي صوت بكاء امها وارتمت بين ذراعيها وظلت تبكي
الام : متبكيش يا بنتي ان شاء الله هتبقي كويسه
ريم من بين دموعها : ادعيلي يا ماما
خرجت داليا من الغرفه وذهبت الي غرفه الاستراحة وبدأت تبكي .. فشعرت بتأنيب الضمير تجاه ريم .. وفرشت سجادة الصلاه ورفعت يداها للسماء
" يارب انا مبقتش عايزة حاجة .. حتي سيف مابقتش عايزاه وعمري ما هزعل تاني .. يارب خليها علشان سيف واشفيها .. يارب اشفيها يارب علشان خاطر مامتها .. يارب اشفيها يارب
.. انت بس اللي عارف اللي في قلبي يارب سامحني لو كنت زعلتها ولا تعبتها في يوم .. يارب اشفيها يارب .. يارب خليها تفرح وتعيش حياتها وتفرح بسيف .. انا خلاص والله ما بقيت عايزة حاجة غير انها تبقي كويسه وبس .. يارب اقبل مني واشفيها يارب "
مسحت دموعها اثر دق علي الباب .. قامت وفتحت باب الغرفه وجدت سيف امامها
: انت مروحتش ليه
سيف : تفتكري يعني اني هعرف اروح
: ان شاء الله تبقي كويسه وتخف
سيف بحزن : ان شاء الله .......
التعليقات على الموضوع