حب عمري 💟الحلقه 25💟

الفصل الخامس والعشـــــــرون

*** حب عمرى ***.

جلس سيف علي مكتبه ووضع العلبه امامه : كأن القدر بيقولي انك دايما قريبه مني .. ياتري يا داليا بتحبيني فعلا .. ولا خلاص كرهتيني من الوجع اللي سببتهولك ..

طب وريم يا سيف .. انا لازم انهي كل حاجة مع ريم علشان مظلمهاش معايا .. انا مش قادر حتي احس بيها .. غيابها او وجودها مش فارق معايا .. انا بحب داليا بجد .. ومحستش بالحب ده غير لما بعدت عني .. ياااه ع الزمن

علم زياد بما حدث لمجدى وجاء له الي المستشفي ..

زياد : الف سلامة عليك يا جو كده ياض عايز تخلع وتسيبنا كده

داليا : الملافظ سعد

زياد : مالكيش دعوة واتفضلي روحي شوفي شغلك

مجدى : ماهو انا شغلها

زياد : اه ده انتي هتقرفينا بقي .. يلا يا ماما شوفي حالك

داليا وهي تضربه علي كتفه : بس يارخم

ظلوا جالسين مع مجدى وكان زياد يجعله يضحك

مجدى : يخربيتك هتوقف قلبي من الضحك مش قادر

ولكن قطع دق الباب وكان رامي هو الطارق .. دخل رامي الي غرفه مجدى

رامي : حضرة الظابط عامل ايه دلوقتي

مجدى : بخير الحمد لله .. ده زياد اخو داليا

رامي : اه ازيك عامل ايه

زياد : تمام الحمد لله .. ها يا دكتور الواد ده هيخرج امتي

داليا مقاطعه : مجدى حاله سيف .. مش دكتور رامي

زياد بضحكة : عشت وشوفتك بقيت حاله

مجدى:حالة عشق

زياد : يلا يا جزمة

رامي : انا بس حبيت اطمن علي حضرة الظابط .. والف سلامة عليك يا مجدى .. وحمد الله ع سلامتك يا زياد

مجدى وزياد : الله يسلمك

رامي بصوت حنون : مش محتاجة حاجة يا داليا

داليا بصوت صارم : سلامتك يا دكتور

رامي : بعد اذنكم

الجميع : اتفضل

خرج رامي ودخل بعده مباشرة سيف

سيف بحدة : هو رامي كان بيعمل ايه هنا

زياد : كان بيزور مجدى

سيف : ويزورة ليه هو يعرفه

زياد وهو يغمز لمجدى : الله مش قريب داليا لازم يسأل عليه وبعدين يا اخي الراجل بيعمل الواجب انت متضايق ليه

سيف : وانا هتضايق ليه يعني انا هروح اشوف اللي ورايا

زياد : هو انت كنت جاي ليه

سيف بارتباك : اه علشان اشوفكم عايزين حاجة ولا لاء

زياد : لا يا سيدي شكرا مش عايزين

سيف : طيب هروح اشوف اللي ورايا

خرج سيف وظلت داليا ساكنه ولكنها تنهدت
زياد : هو فيه ايه يا جو

مجدى : والنبي يا اخويا ما انا عارف هو ايه اللي حصل انا عيان محدش يسألني ع حاجة

زياد : في ايه يا داليا ايه اللي حصل

داليا : مش وقته يا زياد

جاءت منى وحنان ورودينا الي مجدى وتفاجئوا بوجود زياد .. وسلمو عليه جميعا .. وتركتهم داليا بحجة انها ستقوم ببعض الاعمال .. ولحق بها زياد

زياد : دالياا

وهي تلتفت خلفها : ايوة يا زوز

زياد : ايه يا حبيبتي مالك

: ولا حاجة يا حبيبي انا تمام

زياد : المستشفي دي فيه كافيتريا ولا لاء

: اه فيها طبعا

زياد : طب تعالي نقعد نتكلم شويه

ذهب زياد مع داليا الي كافيتريا المستشفي وجلسوا سويا وظلت صامته

زياد : هتفضلي ساكته كده ما تتكلمي

: اقول ايه

زياد : كل اللي جواكي وحاسه بيه

: حاسه اني متلخبطة ولاول مرة مابقاش فاهمة سيف

زياد : مش فاهم

سردت له ما حدث في الكافيه وتعبها وااسف سيف لها واهتمامة بها ..وارسال الهديه له .. وحديثه معها بعد مرض مجدى وانها يجب ان تسامحه .. واخيرا غيرته الواضحة وارتباكة عندما كان رامي في الغرفه

ظل زياد مستمعا لحديثها وبعد ان انهت كلامها : اولا يا داليا انا بس عايز اعرف ليه بعتي الهديه

: مهما كان مزعلني ومهما كان جارحني انا عارفه اني عمري ما هقدر ابعد عنه او انساه .. مكنش ينفع يعدي عيد الحب من غير ما ابعتله حاجة هتفرحة .. وخصوصا بعد ما عرفت من رودينا انه نفسه في الموبيل ده

زياد : بس انتي بتيجي علي نفسك اوي

: انا ضحيت بحاجات كتير اوي علشان سيف واولهم سعادتي بس مش هاممني كفايه عليا اشوفه سعيد عارف يا زياد انا فرحت اوي انهاردة .. فرحت لما لاقيته غار عليا من رامي

بس لاقيت صوره ريم قدامي حسيت اني تعبانه اوي مش فاهمة سيف ومش عارفه هو عايز مني ايه حاسه اني تعبانه وبجد مش فاهماه

زياد : احنا طول عمرنا اصحاب قبل ما نكون اخوات وطول عمري بعاملك انك بنت ناضجة بس لا تصرفاتك ولا اسلوبك عاجبني حاسس ان حبك لسيف عماكي عن حاجات كتير اوي اولهم ان سيف عمره ما هيبقي ليكي بلاش تبقي ضحيه

لحاجة فاشله من بدايتها ارجعي عن اللي في دماغك واهتمي بنفسك وبحياتك وبكرة ربنا يبعتلك الاحسن اللي يحبك ويتمناكي سيف عمره ما فكر فيكي والدليل انك كنتي

قدامة وخطب غيرك لو حبك في يوم كان جري وراكي وعمل المستحيل علشانك وبصوت عالي قليلا فوقي بقي من اللي انتي فيه ده محدش هينفعك اللي هينفعك هو شغلك ومستقبلك ارجعي داليا بتاعه زمان ..

ببكاء : داليا ماتت جوايا خلاص يا زياد

زياد بحده : زي ما مموتيها بايدك ترجعيها تاني بلاش نبكي علي حاجة راحت بس نبص علي اللي جاي

داليا وهي تقوم تقف : مفيش جاي يا زياد

قام زياد ومسكها من ذراعها : الجاي انتي اللي هتعمليه ومش عايز اشوف اليأس ده فيكي

وهي تلتفت له وتنظر له بعيون دامعه ولكن قطع كلامها سقوطها مغشيا عليها .. انتفض زياد اثر وقوعها وحملها

ووبصوت عال : دكتووووووووووور عايز دكتوووووووووووووور

ركضت نحوة احدي الممرضات وساعدته في وضعها علي احدي السرائر المتحركة وذهبت به الي احدي غرف الكشف وجاءت لها سحر وبدأت في فحصها

زياد بقلق : فيها ايه يا دكتورة

سحر : متقلقش ضغطها وطي فجأة انا اديتها حقنه ترفع مستوي الضغط وشويه هتبقي كويسه انت قريبها

زياد : انا اخوها

سحر : متقلقش هي هتبقي كويسه ان شاء الله بعد اذنك

زياد بارتياح : اتفضلي

جلس بجوارها يعتذر لها ويحاول ايفاقها علم سيف ورامي جاءوا اليها مسرعين

سيف بلهفه وخوف وانفعال : مالها يا زياد فيها ايه داليا يا زياد

زياد باستغراب من تلك المشاعر الظاهرة علي وجه وفي نبره صوته : كويسه يا سيف مفيهاش حاجة الضغط وطي فجأة

سيف والدموع في عينيه ولكنه يحاول التماسك : يعني هي كويسه

زياد : ايوة يا سيف كويسه متقلقش

رامي : الف سلامة عليها

زياد : الله يسلمكم

في ذلك الاثناء جاء الي مجدى هشام زميله الذي اصيب معه في الحادث وكان معه اللواء خالد مدير ادارة المكافحة

حاول زكى النهوض عندما رآهم ولكن خالد منعه
خالد : خليك يا بطل والف سلامة عليك

مجدى : الله يسلمك يا سيادة اللواء .. ايه اللي حصلك يا هشام

هشام : اهو بعد انت ما اضربت وقفت قدامك خدتلي رصاصه في كتفي اليمين يلا الحمد لله .. هشام وهو ينظر

لمنى : ازيك يا انسه منى

منى بخجل : الحمد لله .. الف سلامة عليك

هشام : الله يسلمك

مجدى : الف سلامة عليك يا اتش

هشام : وعليك يارب

خالد : يلا اتجدعن يا سيادة الرائد وقوملنا كده بالسلامة

مجدى باستغراب : رائد

خالد : مبروك الترقيه بعد العمليه اللي عملتوها انت وهشام .. الحمد لله قدرنا نحبط عمليه التهريب وكمان مسكنا اهم خيط في القضيه وعرفنا نتوصل لمين هو الراس الكبيره

مجدى بفرحة : بجد

خالد : ما تقوله يا هشام

هشام : هه

خالد : لا ده انت مش معانا خالص

هشام : لا ابدا يا فندم بس اصل

خالد : لا اصل ولا فصل .. الحكايه مافيها يا سيادة الرائد ان الراس الكبيره طلع وليد الشاذلي

منى باستغراب : وليد الشاذلي صاحب شركة ايزيس للسياحة

خالد : انتي تعرفيه

منى : وليد يعتبر اكبر منافس لينا .. مع انه شاب صغير بس صاحب اكبر شركة سياحة في اسكندرية

خالد : للاسف كان بيستغل الافواج السياحيه في جلب المخدرات

مجدى : الحمد لله ان انتوا عرفتوا تمسكوة

خالد : يلا يا سيادة الرائد منتظرينك علشان انت اللي هتبدأ التحقيق معاه

مجدى : ده شرف ليا يا فندم

خالد : يلا هسيبك انا ترتاح ايه يا هشام جاي معايا ولا ايه

هشام وهو ينظر لمنى : اه يا فندم يلا سلامتك يا جو الف سلامة

مجدى : الله يسلمك ويعافي عنك ان شاء الله

خرج خالد وهشام وكانت رودينا تنظر نظرات حائرة لمنى التي صبغ وجهها باللون الاحمر من الخجل

رودينا :داليا فين صحيح وزياد مشي وراها ماجاش حتي سيف مش ظاهر ماتقومي نشوفهم فين

منى : اوك يلا

خرجت منى ورودينا الي الخارج للبحث عن داليا

رودينا : ايه تعرفيه منين ده

منى : هو مين

رودينا بهيام : هشام

منى : يا خفيفه .. ده اللي كنت راكبه معاه في خطوبتكم وعادي يعني

رودينا : هو ايه اللي عادي انتي مش شايفه كان بيبصلك ازاي

منى : يا بنتي عادي انا الموضوع ده مش في دماغي

رودينا : ماشي ماشي .. تعالي نسأل الممرضه دي فين سيف والا داليا

ذهبت رودينا الي الممرضه لتسأل عن سيف وعلمت انه في غرفه الكشف مع داليا لانها فقدت الوعي .. ركضت رودينا ومنى الي الغرفه الموجوده بها داليا ووجدوا سيف ورامي وزياد

منى بقلق : في ايه مالها داليا يا زياد

زياد : هي الحمد لله كويسه

رودينا : في ايه يا سيف مالها داليا

سيف بحزن : هي كويسه الحمد لله

بدأت داليا ان تفيق وتحاول استعاده وعيها وفتحت عيناها .. وجدت الجميع حولها ..ولكن اقترب منها سيف بشكل مفاجئ : داليا انتي كويسه

بارهاق : اه كويسه

شعر رامي بالغيرة من تصرف سيف .. وكان الجميع في حاله استغراب من تصرف سيف

زياد : معلش يا جماعه بعد اذنكم بس لانها محتاجة ترتاح شويه

خرج الجميع الا سيف الذي ظل مكانه واقفا بجوارها ولا يستطيع ان يتركها ابدا

زياد بحدة : سيف معلش بس عايز داليا شويه

سيف بخوف عليها : لو سمحت يا زياد تخلي بالك منها

زياد : دي اختي يا سيف

تركه سيف وقلبه يعتصر من القلق والخوف عليها .. ولكنه خرج بناءا علي طلب زياد

جلس زياد بجوار اخته وضمها اليه : انا اسف .. بس انا خايف عليكي يا حبيبتي

: انا عارفه انك خايف عليا .. بس شفت خوفه وقلقه عليا يا زياد .. اهتمامة بيا بيرجعلي الروح من جديد

زياد : لو نصيبك هيجيلك يا داليا مهما مر الزمان

: وونعم بالله

زياد : يبقي نفوق بقي كده

: حاضر

زياد : طب يلا اشربي العصير ده وفوقي بقي كده

: حاضر

جاءت لها ريم عندما علمت باغمائها

ريم : الف سلامة عليكي يا دودى

: الله يسلمك يا ريم .. زياد اخويا .. ريم صحبتي وبقلب متقطع وخطيبه سيف

زياد : اهلا وسهلا

ريم : اهلا بيك .. طيب يا حبيبتي انا قولت اجي اطمن عليكي .. اسيبكم براحتكم

: ميرسي يا ريم

ظل زياد جالسا بجوار اخته حتي تحسنت .. وذهبا سويا الي مجدى في غرفته ..

حنان : مال وشك يا دودى

بارهاق : ابدا يا خالتو انا كويسه الحمد لله

حنان : مالها يا زياد

زياد : مفيش حاجة يا حنون بس ارهاق الشغل انتي عارفه كمان بقالها كام يوم منامتش

مجدى : معلش يا دودى انا عارف اني تاعبك

: متقولش كده يا جو سلامتك عندنا بالدنيا

مجدى : الله يسلمك يا حبيبتي

حنان : تعالي اقعدي جمبي

: معلش يا خالتو عندي كام حاله كده همر عليهم وارجعلكم تاني

ذهبت الي عملها لتباشر مرضاها وقابلت رامي
رامي بلهفه : بقيتي كويسه

: الحمد لله

رامي : كده تخضينا عليكي

: معلش بعد كده هاخد بالي

رامي : كان فيه موضوع عايز اتكلم معاكي فيه

: معلش يا رامي عندي كام حاله عايزة اخلصهم علشان اروح اقعد مع جو .. ممكن الموضوع يتأجل شويه

رامي : اوك يا داليا

ا : بعد اذنك

رامي : اتفضلي .......