حب عمري💟الحلقه 19💟

*** حب عمرى ***

التــــآســــع عشــــــــــر

في صباح اليوم التالي كانت تذهب الي عملها ولكن كان قلبها يبكي من معاملته لها فهي لم تعلم ماذا هي بفاعله لتستحق كل هذه المعامله دخلت الي المستشفي وبدأت تباشر عملها وفي وسط النهار ذهبت اليه في غرفته ودقت الباب واذن لها بالدخول

: دكتورة سحر قالتلي اشوفك لو محتاج متدربه

سيف بلا مبالاه وينظر في الورق الذي امامه : لاء مش عايز

بحزن : هو انت ليه بتعاملني كده

سيف وهو ينظر لها بغضب : علشان بس توفري مجهودك لرامي

وهي تنظر له باستغراب : رامي ماله رامي

سيف بعصبيه : والله اسألي نفسك يا انسه وشوفي تصرفاتك وعلاقتك معاه عامله ازاي

داليا بحزن ودموع متحجرة في عينيها : مكنتش متخيله انك تكون فاكرني كده وبدأت دموعها تنزل منها رغما عنها وتركته وذهبت

ذهبت بعد ان حطمها وكسرها واهانها فكيف لك ان تتخيل اني احب غيرك فكيف لك تطعن في اخلاقي وتفكر مجرد التفكير ان اكون علي علاقه باحد اتغيرت يا سيف

واصبحت لا تعرفني اين سيف الذي كان دائما بجواري سندي وحياتي كيف لك ان تقول عني هذا وانا من ضحت بسعادتها من اجلك لا يمكن ان اكون معك في مكان واحد بعد اليوم فقطعت بيدك كل شئ فحطمت كل شئ لك بداخلي

دخلت الي المرحاض وبدأت تبكي علي سنوات عمرها الفائته فكيف له ان يتخيل مجرد تخيل تلك الكلمات التي قالها لا يعلم انه بتلك الكلمات ذبحها بسكين بارد في قلبها وبدأت تبكي ويعلو صوت نحيبها وبكاها ولكن جاءها استدعاء مما جعلها تجفف دموعها وتزيل اثار البكاء وتذهب الي سحر

كانت تعمل ولكن بشرود تام في كل ما يحدث وكل ما حدث ولكن جاءت في رأسها فكرة ويجب ان تنفذ في اقرب فرصه

سحر : داليا ركزي

بحزن : انا اسفه

في اثناء الراحة ذهبت داليا الي مدير المستشفي دخلت بعد ان استأذنت وجلست امام مكتب المدير

داليا : انا جايه لحضرتك انهاردة طالبه نقلي لاي مستشفي تانيه في القاهرة

المدير : انتي متدربه جديدة صح

: اه بقالي حوالي 6 شهور
المدير : للاسف مينفعش انتي تكليفك هنا ومينفعش تتنقلي غير بعد مرور سنه ع الاقل

شعرت بالاسف والحزن علي حالها فلماذا يقف القدر دائما امام رغباتها وتحجرت الدموع في عيناها استأذنت وخرجت والحزن يغيم ع وجهها ولكن رآها رامي

رامي : مالك يا داليا في ايه وكنتي عند دكتور عادل بتعملي ايه

بحزن وتطأطأ رأسها الي اسفل : مفيش حاجة بعد اذنك

ولكن استوقفها رامي وشد علي يديها : استني مالك في ايه حد مزعلك حد اذاكي في حاجة

: لاء

رامي : امال كنتي عند دكتور عادل ليه

: كنت بطلب نقلي

رامي باستغراب : نقلك .. فيه حد مزعلك

داليا بعصبيه : هو لازم اكون زعلانه من حد عايزة امشي من هنا اهلي وحشوني مش من حقي اشوف اهلي

رامي استغرب لعصبيتها : ممكن تهدي بس واخذها بعيدا .. في ايه مالك بالراحة بس

: مفيش حاجة يا دكتور انا اسفه انا بس اهلي وحشوني وعايزة ارجع اقعد في وسطهم تاني وحشوني اوي وبدأ يترقرق الدمع من عينيها

رامي وهو يمسح دموعها : اوعي اشوف دموعك دي تاني انا هتصرف وهاخدلك اجازة

بفرحة : بجد مش عارفه اقولك ايه

رامي بصوت حنون : متقوليش حاجة كفايه عليا بس اشوف الفرحة دي في عنيكي .. 3 ايام حلوين

داليا: 3 ايام بس خليهم اسبوع

رامي : مع ان المستشفي مش هيبقي ليها طعم ولا شكل بس علشان خاطرك كله يهون .. انا هدخل اكلم دكتور عادل

: متشكرة اوي يا دكتور رامي

رامي : رامي بس لو سمحتي

: ماشي يا رامي

نظر لها رامي نظرة مليئه بالحب ودخل الي مدير المستشفي واخذ لها اجازة لمده اسبوع وخرج لها والحزن علي وجهه

رامي بحزن : للاسف

بحزن : موافقش

رامي : للاسف وافق

: اخص عليك خضتني .. للاسف ليه بس ده جميل عمري ما هنساهولك ابدا

رامي : اخص عليكي جميل ايه بس هو احنا في بينا الكلام ده انتي تؤمري وانا عليا التنفيذ

: الامر لله

رامي : طب يلا بقي من غير مطرود روحي غيري هدومك علشان تلحقي تسافري في النهار

: هي الاجازة من انهاردة

رامي : الاجازة من بكرة بس روحي انتي عقبال ما استأذنلك من سحر وابلغها باجازتك

بفرحة : بجد مش عارفه اقولك ايه

رامي : ولا حاجة وبطلي رغي بقي ولا ارجع في كلامي

لالالالالا خلاص هروح اهو

ذهبت لتغيير ملابسها وذهبت الي سحر لتستأذن منها ووافقت سحر وغادرت المستشفي دون ان يعلم احد وعادت الي المنزل وقالت لخالتها انها ستسافر الي القاهرة لمده اسبوع

حنان : هتسيبينا اسبوع يا دودى بعد ما اتعودنا عليكي ومبقناش قادرين ع فراقك

: وانتوا هتوحشوني والله يا خالتو بس هاجي ع طول انا عارفه نفسي مش هستحمل اقعد الاسبوع بس بابا وماما وزياد وحشوني اوي

حنان : ربنا يخليهوملك يا حبيبتي وابقي سلميلي عليهم كتير

: من عنيا يا خالتو .. بعد ان حضرت حقيبتها خرجت الي خالتها وودعتها

حنان : طب استني لما مجدى يجي يوصلك الموقف

: معلش يا خالتو انا هاخد تاكسي انا مش ضامنه جو وعايزة اروح قبل الليل

حنان : هبقي معاكي ع تليفون

: ماشي يا حبيبتي يلا سلام عليكم

حنان : وعليكم السلام خلي بالك من نفسك
: حاضر

ذهبت رنا دون ان يراها احد او تري احد واوقفت سيارة اجري وكان رامي حدثها في الهاتف ليعلم متي ستسافر واخبرته انها في طريقها الي الموقف عندما هبطت من السيارة الاجري وذهبت الي شباك حجز التذاكر

تذكرتك يا انسه

داليا وهي تنظر للمتحدث باستغراب : رامي

رامي : بصراحة مكنش ينفع اخلي انسه رقيقه وحلوة كده تسافر لوحدها مكنتش هبقي مطمن عليها فقولت اهو اتفسح الواحد بقاله كتير مسافرش

داليا تنظر له بنفس نظرة الاستغراب ولكنها صامته

رامي : زمانك بتقولي مجنون بس تقولي ايه بقي بصراحة كنت هفضل قلقان عليكي فقولت يا واد سافر معاها وارجع بكرة واهو اشوف اصحابي اللي مشوفتهومش من زمان

: انت ليك اصحاب في القاهرة

رامي : اه كتير كمان

: القاهرة هتنور

رامي : هتنور باهلها بس لو قعدنا نرغي كده كتير مش هنلحق الباص يلا بينا

: يلا

ذهبوا الي الباص وجلس رامي بجوار داليا وظلوا يتحدثون طوال الطريق ومر الوقت سريعا حتي وصلوا الي القاهرة

رامي : حمد الله ع السلامة

: الله يسلمك .. هتروح فين

رامي : هستني السوبر جيت اللي رايح اسكندريه بقي

داليا باستغراب : ايه انت مش هتروح لاصحابك

رامي : اصحاب مين بس انا قولتلك كده علشان متقعديش تقوليلي لاء ومش هينفع والكلام ده
: بس كده تعب عليك

رامي : مش مهم اي حاجة المهم بس اني اطمنت انك وصلتي بالسلامة حد هيجي ياخدك ولا هتروحي في تاكسي

: محدش يعرف اني راجعه انهاردة هروح في تاكسي

رامي : ماشي هوقفلك تاكسي وهبقي معاكي ع التليفون لحد ما توصلي البيت

: ليه كل ده متقلقش

رامي : معلش علشان ابقي مطمن عليكي بس

: انا بجد مش عارفه اقولك ايه ع كل اللي عملته علشاني ده

رامي بمرح: هو انتي لسه شوفتي حاجة

: ههههههههههههههههه هشوف اكتر من كده

رامي : كتيييييييييييييييييييير

: بجد ميرسي اوي ليك

رامي : العفو يا جميل انت تؤمر بس

اوقف لها رامي سيارة اجري وودعها وظل معها ع الهاتف حتي اطمئن انها وصلت الي منزلها وعاد هو الي الاسكندريه

في منزل داليا بالقاهرة .. فتحت داليا الباب بالمفتاح الخاص بها ودخلت الي المنزل ولكنها لم تجد احدا استغربت من عدم وجود احد في المنزل وظلت منتظرة حتي جاءت امها من الخارج وتفاجئت بها

الام : حبيبتي وحشتيني كده يا ينت كل ده متشوفيش مام
داليا وهي تعانق امها : انتي كمان وحشتيني اوي يا ماما والله يا ماما الشغل صعب اوي اعمل ايه بس

الام : يا حبيبتي ربنا يكرمك وافرح بيكي بقي بلا طب بلا بتاع

: يا سلام يا ست ماما تعبانه انا بقي كل السنين دي علشان بلا طب بلا بتاع

الام : يا حبيبتي ربنا يكرمك

: ايوة يا ماما ادعيلي كده .. فين بابا وزياد

الام : باباكي عنده شغل وزياد في المكتب

: بيرجع متأخر زياد

الام : زمانهم ع وصول متقلقيش

: يجوا بالسلامة يارب .. اوضتي وحشتني اوي هروح اطمن عليها

الام : ماشي يا حبيبتي قومي ارتاحي شويه عقبال ما حضر الغدا

: ماشي يا ماما

دخلت الي غرفتها وجلست علي سريرها تتذكر كل ما حدث خلال اليوم وتذكرت كلام سيف الذي ابكاها وجعل دموعها تنهمر منها رغما عنها وتذكرت رامي وما فعله معها كم هو ذو قلب حنون رقيق وابتسمت عندما تذكرت موقفه معها اليوم وامسكت بهاتفها واتصلت به لتطمئن عليه

: انت فين دلوقتي يا دكتور

رامي : انا داخل اسكندريه اهو

: توصل بالسلامة ان شاء الله

رامي: الله يسلمك

: ابقي طمني عليك بقي لما توصل

رامي : ان شاء الله

اغلقت معه الهاتف وسمعت صوت اخيها في الخارج خرجت له مسرعه وقفذت في حضنه باشتياق عارم

زياد بفرحة : دودى حبيبتي واحشاااااااااااااااااني يا قلبي

: وهي تقبل اخيها : انت كمان يا حبيبي وحشتني اوي كده يا زوز متسألش عليا كل ده

زياد : يا بت ده انا بكلمك كل يوم في التليفون

: وهو التليفون يعني ينفع

زياد : انتي عارفه يا حبيبتي انا كل يوم من المكتب للمحكمة والله مافي يوم اجازة حتي الجمعه بقضيه في قرايه الملفات انتي عارفه اخوكي لسه في بدايه المشوار ولازم اثبت ذاتي وكفائتي

: ان شاء الله يا حبيبي تكون اكبر محامي في مصر

زياد : يارب .. يلا هقوم اغير ونتغدي وتحكيلي ع كل اللي حصل في ال 6 شهور دول

: ماشي وانا هقوم احضر الغدا علي ما بابا يجي

زياد : ماشي يا حبيبتي

قامت بمساعدة امها في تحضير الغداء وجاء والدها وفرح جدا بعودةابنته الصغيره والقريبه لقلبه والتف الجميع حول طاوله الطعام

الاب : عامله ايه يا دكتورة

داليا بزعل : انا معاك مش دكتورة معاك دلوعه بابا وبس

ضحك الجميع ع برائتها ومشاغبتها

زياد : وحشتني شقاوتك ودلعك ده يا بنت اللذين

: وانتوا وحشتوني اوي

الاب : طب احكيلنا بقي عملتي ايه في الشغل

بدأت داليا تقص لهم عملها وتقص لهم عن العمليات والحالات التي تتابعها وكانوا يضحكون علي طريقتها في الشرح وماذا تعلمت

الاب : ده انتي بقيتي جزارة مش جراحة

: هههههههههههههههههه ما انا لازم اعمل كده يا بابا حياه الناس متوقفه علينا

الاب : يا حبيبتي ربنا يكرمك ان شاء الله

: يارب

بعد انهاء وجبه الغداء قامت داليا بصنع الشاي لهم واحضرته لهم في غرفه الاستقبال وجلست معهم قليلا ثم اخذها زياد ودخلو الي غرفتها وجلسوا ع السرير سويا كما كانوا يفعلون وهم صغار

زياد : ع فكرة شكلك مش مريحني والجو اللي انتي عملتيه بره ده انا فاهمة كويس وعارفك لما بتبقي عايزة تداري حاجة

ارتمت في حضن اخيها وبدأت تبكي وتبكي وهو يربت ع كتفها حتي اخرجت كل مافي قلبها من وجع

بعد ان هدأت قليلا

زياد : ممكن تحكيلي ايه اللي حصل مخليكي كده

بدأت تقص عليه كل ما حدث ظلت تحكي وتحكي وتعترف بكل ما كان يخفيه قلبها كل هذه المده عن اخوها وكان يسمعها باهتمام فحكت له حبها لاسيف وخطبته وتعبها حتي رامي قصت له ماذا فعل وماذا قال لها سيف واتهامه لها بانها علي علاقه برامي

زياد : يااااااااه شايله كل ده لوحدك وانا فين يا حبيبيتي ليه مكلمتنيش وقولتيلي محتجالك

: انا عارفه اللي وراك الله يكون في عونك واديني اهو جيت حكتلك ومستنيه رئيك

زياد :والله يا دودى مش عارف اقولك ايه .. بس من معرفتي بسيف وبعد كل اللي انتي حكتيه ده.. تصرف سيف تصرف طبيعي بس اللي مش طبيعي هو معاملته ليكي .سيف لو بيعتبرك اخته كان اتكلم معاكي بهدوء وقدر يفهم منك ايه طبيعه العلاقه بينك وبين رامي بس تصرفه ده فضحه علي ما اعتقد ان دي حاجة من اتنين يا اما غيرة يا اما حب امتلاك

داليا باستغراب : الاتنين مش طبيعين لا الغيره طبيعيه ولا حب الامتلاك طبيعي

زياد : بصي يا دودى يا حبيبتي ان سيف يغير عليكي عادي احساسه انكم متربيين سوا وخاصه انك كنتي اقرب واحدة لسيف وكلنا كنا ملاحظين ده ان سيف مش بيرتاح مع حد غيرك كنا بنقول انكم اصحاب قريبين فغيرته تبقي شئ عادي لان احساسه مش عايزك تقربي لحد تاني غيره وهنا يكمن في حب الامتلاك احساسه انك ملكه ومش من حق مخلوق انه يقرب منك

: بس دي انانيه يعني هو عايز يخطب وافضل انا قاعده جمبه وماليش علاقه بحد

زياد : هو ده مربط الفرس هو ليه بيفكر كده او ايه اللي جواه مخلي في انانيه معاكي انتي بالذات مع ان المعروف عن سيف عمره ماكان اناني ايه اللي جد عليه او ايه اللي اتغير هو اه سيف طول عمره مش بيخلي حد يقرب منك بس دلوقتي هو خاطب ليه بقي ايه السر هو ده اللي محدش يعرفه غير سيف .. اما بقي تصرف رامي معاكي فهو واضح وضوح الشمس الحب رامي بيحبك

باستغراب : بيحبني

زياد : امال انتي ترجمتي اللي هو بيعمله ده كله ايه ولا حبك لاسيف عماكي عن اللي بيحبك بجد

: مش عارفه يا زياد بس انا حاسه اني

زياد مقاطعا : انك محتاجة اهتمام رامي بيكي بس مش شايفه فيه سيف صح

بحزن : للاسف صح

زياد : بس ده اكبر غلط انتي بتتمادي مع رامي ومفيش جواكي اي حاجة تجاهه مينفعش اللي انتي بتعمليه فكري في كلامي كويس علشان مترجعيش تندمي حاولي تفوقي نفسك من وهم اسمه سيف

: ياريت اقدر كنت ارتحت من زمان

زياد : انا عارف ان الموضوع صعب بس ع الاقل لازم تحاولي

: يارب يا زوز

زياد : ان شاء الله يا حبيبتي يلا نامي علشان بكرة بعد ما ارجع من المحكمه افسحك

: ماشي يا حبيبي تصبح ع خير

زياد وهو يغطيها : وانتي من اهله يا حبيبتي

غطت في نوم عميق من شده ارهاقها وتعبها

في صباح اليوم التالي في المستشفي كان يقف بعيدا ليراها ولكنه وجد جميع المتدربيين ملتفين حول سحر الا هي ووجد رامي يقترب من سحر ويطلب طارق معه طوال الاسبوع استغرب هو لعدم حضورها واستغرب من موقف رامي الذي طلب طارق معه ظل واقفا حتي جاءت له شاهندا

شاهندا : دكتور سيف انا مع حضرتك انهارده
سيف : هي فين داليا
شاهنده : واخدة اجازة اسبوع
باستغراب : اجازة ليه
شاهند : معرفش هو دكتور رامي امبارح جه واستأذن لها من دكتورة سحر وادها ورقه باجازتها
سيف بعصبيه : تمام يلا ع الشغل

استيقظت داليا في الصباح ودخلت الي المرحاض وازالت اثار النوم وخرجت الي غرفه الاستقبال وجدت امها جالسه تستحي القهوة جلست بجوارها : صباح الخير يا ماما
الام وهي تضمها اليها : يا صباح الفل علي حبيبه ماما
رنا : اخاف اتعود ع الدلع ده
الام وهي تلعب بشعر ابنتها : اتعودي يا حبيبتي عايزة تفهمني ان حنان مش مدلعاكي
: دي مدلعاني اخر دلع .. بس كده يا ماما كل ده محدش يجي يشوفني وانتي من ساعه خطوبه جو مشوفتكيش خالص
الام : انا عارفه اني مقصرة بس معلش يا حبيبتي انا عارفه انك بتحبي حنان ومش هتحسي هناك بالغربه انتي عارفه اخوكي وباباكي مبيعرفوش يعملوا حاجة واديكي شايفه الشغل وشغل البيت انا بس واخدة اجازة ليكي الاسبوع ده علشان اقعد معاكي
: ربنا ما يحرمني منك يا ست الكل ابدا
الام : ولا يحرمني منك ابدا .. يلا يا حبيبتي قومي اعملي الفطار بقي علشان تفطري
: ماليش نفس والله يا ماما هقوم بس اعملي كوبايه شاي بحليب
الام : ماشي يا قلبي يلا
ذهبت الي المطبخ وصنعت لها كوبا من الشاي بحليب وجلست بجوار امها
الام : صحيح يا دودى نجلاء عامله ايه
: الحمد لله يا ماما كلهم كويسين
الام : ابقي سلميلي عليها كتير .. وسيف اتجوز ولا لسه
بحزن : لاء لسه
الام : عقبال ما افرح بيكي يارب
: كل حاجة بتاعه ربنا يا ماما
الام : ونعمه بالله يا حبيبتي

: ماما انا عايزة اشتري لبس
الام : ماشي يا حبيبتي بعد الغدا ننزل نشتري اللي انتي عايزاه كله
: ربنا ما يحرمني منك ابدا
مر الوقت سريعا وعاد الاب والاخ الي المنزل وتناولوا وجبه الغداء ونزلت داليا مع امها للتسوق واشترت ملابس كثيرة وعادوا الي المنزل وكانت دائما داليا تجلس بحضن اخيها وتشكي له همها وحالها وهو يسمعها ويحاول ان يخفف عنها

اما سيف فعلم بسفرها وتضايق جدا لانها لم تعد تقول له علي اي شئ فعلم من رامي بسفرها مما ازعجه اكثر واكثر وكان رامي يهاتفها يوميا ليطمئن عليها مما جعلها تتأكد من حبه لها ولكنها كانت تحاول ان تتعامل معه عادي حتي لا يتعلق بها اكثر وهي لا تستطيع ان تمنحه قلبها ولكنها كانت تشعر بان هناك شئ ينقصها لا تعلم ماهو هل هو سيف ام المستشفي وعملها فتعلقت داليا بعملها كثيرا واصبحت تدمنه ولكن كانت لا تريد ان تعود حتي لا تري سيف فهي اصبحت لا تريد ان تكون معه في مكان واحد بعد ان طعنها فهي استقبلت منه كثيرا من الطعنات واصبحت لا تستحمل اكثر من ذلك
في احدي الايام كانت تسير داليا مع اخوها علي كورنيش النيل وهاتفها يرن
: ده رامي
زياد : طب ردي
: الو ازيك يا رامي
رامي : مش تمام ع فكرة
: ليه خير
رامي : علشان بقالي يومين مسمعتش صوتك ودايما تليفونك مقفول او مش بتردي
: معلش يا رامي انت عارف بقالي كتير مشوفتش بابا وماما فبقعد معاهم ومش بهتم بالتليفون ده خالص
رامي : ولا يهمك انا بس كنت عايز اتأكد انتي راجعه امتي
: راجعه بكرة ان شاء الله اريح يوم كده من السفر علشان ابدأ الشغل رايقه

رامي : هتيجي لوحدك
: لاء زياد جاي معايا يقعد معانا يوم
رامي : تيجي بالسلامة ان شاء الله هنستناكي
: الله يسلمك مع السلامة
رامي : مع السلامة
بعد ان اغلقت الهاتف
داليا بدموع : انا خايفه اوي يا زياد رامي معمليش حاجة وحشه بالعكس كان دايما واقف جمبي وساندني مش عايزة اجرحة
زياد : بلاش نسبق الاحداث واللي ربنا كاتبه هو اللي هيكون يلا يا دكتورة نرجع الجو سقع وعندنا سفر بكرة

: عارف يا زوز سيف واحشني اوي بس مش عايزة اشوفه خايفه منه يجرحني اكتر ماهو جارحني ساعات ببقي نفسي اقوله بكرهك وساعات ببقي نفسي اترمي في حضنه

واقوله بحبك حاسه اني تعبانه وانا بعيد عنه وتعبانه اكتر وانا قريبه منه
زياد : بلاش تفكري كتير لان التفكير الكتير بيتعب
: تعبت والله يا زياد ومبقتش قادرة استحمل
زياد : طب يلا يا حبيبتي ولما نروح نتكلم للصبح
: ماشي
ذهبت داليا برفقه اخوها حتي وصلو الي المنزل وجلست معه ومع والديها طوال الليل حتي نامت علي الاريكة وحملها اخوها وادخلها علي سريره ......