حب عمري💟الحلقه 20💟

الفصل 20

*** حب عمرى ***

في صباح اليوم التالي استيقظت داليا ودخلت المرحاض واخذت حماما وبدأت في تحضير حقيبتها واخذت الملابس الجديدة التي اشترتها برفقه امها وبالرغم من وجود داليا وسط اهلها الا انها اشتاقت كثيرا الي مشاغبات منى

واشتاقت لهواء الاسكندرية واشتاقت الي عملها وبالرغم من فعلاته معها الا انها اشتاقت اليه كثيرا امسكت حقيبه سفرها وخرجت الي والدها ووالدتها في الردهة ووجدت معهم زياد

سلمت عليهم وتعانقوا وغادرت المنزل بدموعها لفراق اهلها وذهبت الي طريقها الي الاسكندرية برفقه زياد الذي قرر ان يوصلها بسيارته ويقضي يومين مع مجدي وظلوا في طريقهم حتي وصلوا الي الاسكندرية

حنان عندما رأت زياد وتأخذه في احضانها : يااااااااااااااااااااه كده يا واد يا زوز كل ده متسألش ع خالتو حبيبتك

زياد : طب ندخل الاول يا خالتو مش ع الباب كده

حنان وهي تفسح الطريق لهما للدخول : طول عمرك لسانك طويل انت لسه مبطلتش لسانك ده

كانت منى تحضر الغداء في المطبخ وعندما سمعت صوت زياد خرجت لهم مسرعه : لو بطل ما يباقاش زياد

زياد وهو يسلم ع منى : ان كان عاجبك بقي

منى: عاجبنا ياعم لاترفع عليا قضيه ولا حاجة

داليا بحزن : يعني هو زياد اخد مني الجو كده.. ده ولا حد عبرني وقالي وحشتينا ولا حمد الله ع السلامة حتي

منى بضحك : راموكي في الزباله خلاص

داليا وهي تضرب منى ع رأسها : الزباله دي تبقي انتي

منى وهي متحاميه في زياد : شوفت اختك

زياد مدافعا عن منى : بس يابت يا دودى احترمي نفسك

منى بحنيه : يسلملي الغالي يارب

داليا : يا حنينننننننننننننه

وبدأ الجميع في الضحك
زياد : امال فين جو يا خالتو

حنان : عنده اجتماع مهم اوي انهارده والله يا حبيبي بس مش هيتأخر عقبال ما ترتاح شويه كده يكون جه ان شاء الله
زياد : ماشي يا خالتو انا هدخل بقي ارتاح شويه عقبال ما يجي

حنان : ماشي يا حبيبي

داليا : قومي يابت افرجك ع الحاجات اللي جبتها وجبتهالك

منى بفرحة : ايه ده جبتيلي ايه

: قومي تعالي اوضب حاجتي وافرجك

دخلت الي غرفتهاوكان باب الشرفه مفتوح وبدأت ترفع جسدها حتي تري من يقف في شرفه سيف ووجدته هو من يقف وكان شاردا ولكنها طلبت من منى ان تغلق باب الشرفه

استأذنت منى من سيف واغلقت باب الشرفه

منى: انتي مش عايزاه يشوفك ليه

: ولا انا عايزة اشوفه كفايه اوي كده

منى : هو ايه اللي حصل خلاكي تسيبي اسكندرية وترجعي القاهرة كده فجأة

: سيبك .. وهي تخرج الملابس الجديدة ايه رئيك في ده

منى : توحفه
: ده ليكي

منى وهي تحتضن داليا: ربنا ما يحرمني منك يا احلي اخت في الدنيا

دالي: ولا يحرمني منك يارب

بدأت منى تشاهد كل ما اشترته داليا وبدأت تساعدها في توضيب خزانتها وخرجوا الي الردهه وجلسوا سويا وبعد قليل جاء مجدي ودخل ليوقظ زياد من نومة

مجدي : زوز واد يا زوز انت جاي تنام هنا ولا ايه

زياد : يلا ياض من هنا

مجدي : ياض دي اوضتي وانت احتلتها امشي انت

زياد وهو ياخذ الوساده من تحت رأسه ويضرب مجدي بها : طب يلا امشي من هنا

مجدي وهو يجزبه اليه ويأخذه في حضنه : كنت عارف انك هتعمل كده بس سبتك تعملها علشان وحشتني حركاتك يا جزمة

زياد وهو يربت ع كتفه : وانت وربنا واحشني يا سيادة النقيب

مجدي : كده يا واد كل ده متسألش ع اخوك حتي خطوبتي متجيش

زياد : والله كنت في الصعيد ساعتها انت عارف شغلي كعب داير ع المحاكم واكيد مش هتأخر عنك يا جو بس انت رتبت كل حاجة بسرعه والواحد ملحقش ينسق مواعيده

مجدي : يا حبيبي ولا يهمك كفايه عليا اني شوفتك انهارده والله بالدنيا

زياد : تسلملي يارب واجيلك في فرحك ان شاء الله

مجدى : يارب يا حبيبي وعقبالك بقي

زياد : يارب يا اخويا بس هي فين دي اللي تملك ده وهو يشاور علي قلبه

مجدي : ان شاء الله تلاقيها

وقطع حديثم صوت حنان من الخارج تنادي عليهم ليتناولوا غدائهم

التفو جميعا حول الطاوله كانوا جميعا يتحدثون ويضحكون وكانوا جميعا يتحدثون الي زياد وفرحين بوجوده معهم ولكن كانت داليا شاردة لم تأكل شئ فكيف لها ان تتعامل معه بعد ان شك بها واخذ مجدي باله من شرودداليا

مجدى : اللي واخد عقلك ياعم الدكتور

وهي تلتفت الي مجدي بابتسامة لتخفي شرودها : سلامتك

مجدي وهو ينظر لها نظرة متفحصة : طب كلي طبقك منقصش منه حاجة

: معلش مش جعانه بس دلوقتي

زياد : طب قومي اعمللنا الشاي وهاتيه البلكونة بقي

حنان مقاطعه : قومي يا منى اعملي الشاي داليا لسه راجعه من السفر

داليا : لا ياخالتو انا هقوم اعمله

دخلت الي المطبخ لتحضر الشاي ودخل مجدي وزياد الي الشرفه وكان سيف يقف في شرفته وتفاجئ بوجود زياد

سيف : زياد ياااااااااااااااااااااه ازيك عامل ايه

زياد : تمام الحمد لله .. انت عامل ايه يا سيف

سيف : تمام والله الحمد لله ايه يا ابني فينك كده من زمان محدش شافك

زياد : الشغل بقي انت عارف .. الف مبروك الخطوبه

سيف: الله يبارك فيك عقبالك يارب ان شاء الله .. وقال له بنبره مليئه بالاهتمام هي دودى جت معاك

زياد : اه ما انا جيت اجيبها

سيف : حمد الله ع سلامتكو

زياد : الله يسلمك

سيف : خلاص بقي انهاردة سهرانين سوا نعيد ايام زمان

زياد : اكيد ان شاء الله

انهت داليا عمل الشاي وتوجهت الي الشرفه ولكنها سمعت صوت سيف قامت بمناداه منى

داليا : منى دخلي انتي الشاي

منى: ده الموضوع شكله كبير

: اخلصي قبل ما يبرد

منى : ماشي بس هعرف

: يلا يا نونا بلاش تهريج

منى وهي تتناول منها صينيه الشاي : ماشي

دخلت منى الي الشرفه واعطت زياد ومجدي الشاي ودخلت لداليا

منى: انا بقي عايزة افهم ايه اللي حصل

: يخربيت ام الفضول .. منى علشان خاطري قفلي ع السيرة دي لاني بجد زهقت ومبقتش طايقه حد يجيبلي السيرة دي

منى : للدرجة دي

: واكتر وقفلي بقي بالله عليكي

منى : ماشي يا دودى

كانوا واقفين في الشرفه يضحكون مع سيف وخرجت رودينا علي صوت زياد

رودينا : زوز مش معقول ازيك

زياد : تمام يا رودي عامله ايه والله كبرنا وبقينا عرايس

رودينا : احم احم الله بقي بتكسف

زياد : حطي ع وشك منخل يا اختي

رودينا : طول عمرك لسانك ده ياعوذ بالله عايز قصه

زياد : ههههههههههههههههه ان كان عاجبكم بقي

سيف : يا بنتي شغله معتمد ع لسانه لازم يبقي كلامنجي وياكل دماغ القاضي علشان يقوله خده يا ابني برائه بس حل عني

الجميع : ههههههههههههههههههههههههههههه

زياد : الله ده انتوا استلمتوني بقي انهاردة

مجدى : وحشتنا والله يا زوز فبنغاشك بقي

رودينا : صحيح يا زوز فين الواطيه اختك اللي سافرت ومقالتش لحد دي

انقلب وجه سيف عندما سمع هذا الكلام ولاحظ غضبه مجدي وزياد

زياد : جوة اهي مع نونا مش عارف بتعمل ايه

رودينا : طب ناديها بقي اسلم عليها

زياد : حاضر

قام زياد بمناداه داليا ولكنها ارسلت له منى

زياد باستغراب : فين داليا

منى : جوة بتعمل حاجات

رودينا : ما تناديها يا اختي اسلم عليها

منى: طيب

دخلت منى وقالت لداليا ان رودينا تريدها
: منى معلش هتعبك قوليلها هتكلمك فون

منى : كده ممكن يشكوا

: منى علشان خاطري انا مش طايقه اشوفه ادخلي قوليلها هتكلمك فون علشان بتوضب حاجتها

منى : بجد مش هينفع كده سيف شكله عامل حاجة كبيره
بس رودينا مالهاش ذنب وبلاش تخلي حد ياخد باله

: ماشي يا منى

دخلت الي الشرفه ورأت سيف ورودينا

داليا : ازيك يا دودو عامله ايه وحشتيني

رودينا : تمام يا ندله كده تسافري من غير ما تقولي لحد

داليا وهي تتجاهل سيف تماما : معلش بقي هي جت كده ما صدقت اخدت اجازة وجريت علي السوبر جيت ولكي تغيظ سيف والله البركة في دكتور رامي انسان بجد محترم ولما حس اني محتاجة اسافر اشوف بابا وماما عمل المستحيل علشان يجيبلي اجازة ربنا يبارك فيه يارب

زياد لكي يتأكد من احساس بداخله : اه والله انسان بجد محترم وماسبهاش غير في قدام البيت عندنا في القاهرة

سيف بغضب : يعني وصلك لحد القاهرة

نظرت له داليا بتحدي ولم ترود عليه ولكن زياد انقذ الموقف ورد عليه : اه وصلها لانها كانت هتوصل متأخر فوصلها هو ربنا يحميه

داليا : دودو هبقي اكلمك فون بقي علشان اخلص اللي ورايا

رودينا : خلاص هستناكي

دخلت دون ان توجه له اي كلمة مما اغضبه اكثر واكثر

سيف وبان علي وجهه الغضب: طيب انا هدخل بقي هشوفك يا زياد

زياد : اكيد ان شاء الله

بعد دخول سيف

مجدي بصوت هامس : هو في ايه ومين رامي ده وازاي يوصلها لحد القاهرة وانت كده عادي وازاي متتصلش بيا وتقولي حاجة زي دي هو انا مش مالي عينها ولا ايه يا استاذ زياد

زياد : بس بس بس تعاالي ندخل الاوضه وانا اشرحلك كل حاجة

مجدي : اتفضل قدامي

دخل زياد الي غرفه مجدي وقص له حكايه سيف مع داليا وانه اهانها واعتقد ان هناك علاقه بين داليا ورامي

مجدي بعصبيه : ده سيف زودها اوي بس مش معني ان انا رافض انه اتكلم معاها بالاسلوب ده يبقي موافق انه راجل غريب يوصلها كل يوم بالليل وكمان يسافر معاها

زياد : انا اتكلمت معاها بس احنا عايزين نحل الموضوع داليا متجاهله سيف تماما واكيد كده هيحس بغلطة

مجدي : وانت زودتها وتقريبا بتقوله اه فيه بينهم علاقه وانا عارف

زياد : انا مكنش قصدي كده انا بس حبيت افهم هو سيف عايز ايه من داليا بعد ما خطب وع فكرة انا زعلان منك جدا لانك مجتش حكتلي حاجة وعلي التعب اللي شافته

مجدي : احنا كنا جمبها ومكنش فيه داعي اننا نقلب الموضوع كان لازم تخرج من الموقف لوحدها وقدرت تخرج بس للاسف سيف الغبي بيخسرها مرة بعد مرة

زياد : مجدي لو حصل اي حاجة لداليا لازم تقولي ولازم سيف يبعد عن داليا هي مش حمل كل ده

مجدي : متقلقش اللي هيمس شعره من داليا انا ممكن ادخل فيه السجن

زياد : يا سيدي مش عايزينك تدخل السجن بس ع الاقل متخليش حد يأذي مشاعرها

مجدي : متقلقش داليا في عنيا

زياد : انا عارف ومطمن علشان انت معاها

مجدي : بس مقولتليش مين رامي ده

زياد : رامي ده بقي حكايته حكايه وبدأ يقص علي مجدى حكايه رامي مع داليا

مجدي: بص يا زياد اختك غلطت انها مجتش حاكتلي كل ده .. ده غير انه كان بيوصلها لحد هنا كل يوم وانا مش هقبل ده وانك معلقتش علي ده تبقي غلطان

زياد : متنساش ان داليا اختي وانا متعود منها ع الصراحة وانا وهي مش بس اخوات احنا اصحاب ولو كنت قسيت عليها وقولتلها اللي انتي بتعمليه ده غلط مكنتش هتيجي تحكيلي حاجة انا وجهتها بس باسلوب تاني خليتها تبعد عن رامي بشكل افضل مش بالزعيق ولا بالخناق

مجدي : بص يا زياد انت ليك اسلوب وانا ليا اسلوب وانا لازم اعرف ايه اللي بيحصل بالظبط في البيت ولازم اعودها انها تحكيلي كل حاجة والكلام هيبقي قدامك يا زياد

زياد : داليا اختك يا مجدي وانت اللي قاعد هنا معاها واللي في مصلحتها اعمله .. يلا نطلع نشوفهم بيعملو ايه

خرجوا الي الردهة ووجدوا الجميع ملتف حول التلفاز وجلسوا معهم قليلا

مجدي : واد يا زوز

زياد وهو منهمك في مشاهدة الفيلم : هاه

مجدي : موحشتكش اسكندرية وبحري وايام زمان

زياد وهو ينظر لمجدى باهتمام : والله وحشتني

مجدي : طب ما تقوم ننزل بدل القاعده دي

زياد : طيب يلا

منى: ماتاخدونا معاكم

زياد : لاء هتبقي خروجة شبابي علشان هنعدي ع سيف

منى : يووووووووووه مفيش يوم نخرج ابدا معاكم

داليا: اقعدي شويه وبعدين نبقي ننزل احنا بكرة الصبح

منى : ماشي مكتوب علينا كده الغلب

: يابت اهمدي بقي ده انتي ايه ده رغايه

جلست منى بجوار داليا ودخل مجدي وزياد وارتدوا ملابسهم وهبطوا الي الاسفل ونادو علي سيف وذهبوا في طريقهم وقضوا وقتا لطيفا سويا ولكن كان سيف يرتسم علي وجهه الحزن والغضب

اما داليا و منى ظلوا جالسين امام التلفاز ولكن داليا كانت شاردة ويخيم ع وجهها الحزن

داليا : " نفسي اشوفك لانك واحشني مهما عملت فيا هفضل احبك ياريت اعرف ابطل احبك .. بس حاسه اني موجوعه منك اوي ومش قادرة اسامحك علي سوء ظنك بيا .. نفسي تعرف ان قلبي عمره ما حب ولا هيحب غيرك يا سيف "

ولكن قطع تفكيرها منى : ايه يا بنتي انتي روحتي فين

: معاكي

منى: تليفونك بيرن بقاله ساعه

وهي تلتقط هاتفها لتري اسم رامي يضئ علي الشاشه فتحت الخط

: الو

رامي : اقول حمد الله ع السلامة ولا لسه في كايرو

: الله يسلمك

رامي : وصلتي امتي

: انهاردة الصبح

رامي : حمد الله ع السلامة طب مقولتليش ليه كنت جيت خدتك

: ربنا يخليك جيت مع زياد

رامي : نورتوا اسكندرية

: منورة باهلها

رامي : انا بس كنت حابب اطمن عليكي واقولك حمد الله ع السلامة

: الله يسلمك

رامي : هستناكي يوم السبت في المستشفي

: ان شاء الله .. سلام

رامي : سلام

بعد ان انهت تليفونها خرجت الي الردهة وجدت مجدي وزياد عادوا

زياد : ايه يا مزة كنتي بتكلمي مين

وهي تنظر له : ده دكتور رامي

مجدي: مين دكتور رامي

: ده استاذي في المستشفي

نظر مجدي الي زياد : لو سمحتي عايزك يا دودى وانت تعالي يا زياد .. دخلوا سويا الي غرفه مجدى واغلق مجدي الباب ..
ممكن افهم بقي دكتور رامي يكلمك ليه

: بيطمن عليا

زياد وهو ينظر لمجدي: ايه يا جو

مجدي: معلش يا زياد انت اه اخوها بس انت مسافر وانا هنا اللي قاعد لازم اعرف يه اللي بيحصل بالظبط مش اعرف زي زي الغريب .. دكتور رامي جوة المستشفي بره المستشفي

مفيش مكالمات الا في الشغل وللضرورة القصوي .. مفيش حاجة اسمها يوصلك .. مفيش حاجة اسمها اصل انا اتأخرت فدكتور رامي وصلني ده غير انه وصلك القاهرة كمان يعني سافرتي معاه وده مينفعش

داليا وهي دموعها تملأ عينيها : حتي انت بتشك فيا يا مجدي

مجدي بحدة : انا عارف داليا متربيه ع ايه وعمري ما اشك فيها .. بس انا معرفش رامي ومش واثق فيه

زياد : دودى حبيبتي هو مش قاصده .. مجدي خايف عليكي

ببكاء : انا عارفه انه خايف عليا بس انا مبعرفش اتصرف
معاه انا لما وصلني للقاهرة انا اتفجئت بيه وقالي انه رايح القاهرة يشوف اصحابه

زياد : خلاص يا جو بقي

مجدي : ماشي يا زياد .. بس انا لازم اعرف كل حاجة مش شك فيكي يا حبيبتي بس ع الاقل مخليش بني أدم ينطق عليكي كلمة

: مين اللي اتكلم عليا

مجدى : انا مش هستني يا دودى لما حد يتكلم عليكي لاني مش هسمح بده .. واللي حصل مش عايزة يحصل تاني ..
مجدي وهو يقترب منها انا عمري قسيت عليكي عمري زعلتك ولا اتكلمت معاكي ع انك طفله

: لاء

مجدي : يبقي توعديني وعد انك تحكيلي ع كل حاجة واي مشكلة تقف معاكي تيجي تقوليلي عليها هو انا مش اخوكي ولا اكتفيتي بزياد

دالياا وهي ترتمي في حضن مجدي وزياد : ربنا يخليكوا ليا يا احلي اخوات

مجدى وزياد : ويخليكي لينا يا حبيبتي

زياد : يلا بقي امسحي دموعك دي مش عايز اشوفها تاني وتسمعي كلام مجدي

د : حاضر

جففت دموعها ودخلت الي غرفتها والقت بجسدها النحيل علي فراشها وبدأت تبكي في صمت

زياد : انا بجد مش عارف اقولك ايه يا مجدي بجد شايل حمل كبير

مجدي: حمل ايه بس داليا دي عندي اغلي من منى واللي يمسها يمسني انا بس مرضتش كمان اسألها سيف قالها ايه علشان متعرفش انك حكتلي هي لو عايزة هتيجي تحكيلي من نفسها

زياد : ربنا يخليك لينا يا جو كنت دايما اخ اكبر لينا كلنا

مجدي: يلا علي الله يطمر بس

زياد : تصدق ياض انك متستاهلش

مجدي : يلا ياض من هنا

زياد : ماشي انا هدخلها دلوقتي اتكلم معاها شويه

دخل زياد الي غرفه دالياا وجدها نائمة في وضع القرفصاء وتبكي في صمت

زياد وهو يضمها اليه : اوعي اشوف الدموع دي من دلوعتي

وهي تلفقي بنفسها بين ذراعي اخوها : تعبانه ومحدش فاهمني يا زياد

زياد : انا فاهمك يا حبيبتي بس مجدي خايف عليكي مش عايزك تتعبي

: انا عارفه بس اللي تاعبني حاجة تانيه

زياد : برضه عارف انه سيف.. بس انا نفسي انك تنسي سيف يا دودى .. عايزك ترجعي داليا بتاعه زمان

: ازاي ارجع وانا روحي رايحة مني ومش لاقياها

زياد : اكيد ربنا خد منك حاجة علشان يعوضك عنها بالاحسن

: نفسي ارتاح اوي يا زياد اوي وبدأت تبكي

زياد : عيطي وخرجي كل اللي جواكي

ظلت تبكي وتبكي حتي نامت في حضن اخيها من شدة التعب وضعها ع السرير وغطاها ونامت في ثبات عميق ........