حب عمري 💟 الحلقه 18💟

الفصـــل الثــــآمــــن عشــــر

*** حب عمرى ***

في صباح اليوم لتالي استيقظت من نومها مبكرة ودخلت الي المرحاض واخذت حماما دافئ وادت فريضتها وارتدت ملابسها فخرجت من غرفتها لم تجد احد مستيقظا فذهبت تجاه باب الشقه لتفتحة ولكن استوقفها صوت مجدى

مجدى : صباح الخير

: بسم الله الرحمن الرحيم دول بيطلعوا امتي دول

مجدى : ايه يا بت انتي شوفتي عفريت

: لاء بس انا لاقيت اوضتك مقفوله قولت تبقي مشيت او لسه نايم

مجدى : لاء كنت في المطبخ بعمل قهوة قايم مصدع

: طيب تاخد حاجة للصداع

مجدى : لاء انا هشرب القهوة هبقي زي الفل .. تعالي هنا

داليا وهي تقترب منه : نعم عايز ايه

مجدى وهو يمسح شفايفها : ايه الروج التقيل ده امسحي وشك شويه بلاش قله ادب

داليا وهي تبعد يده : بس يا رخم هتبوظلي الميك اب

مجدى : ما يبوظ ولا يتحرق انتي راحة مستشفي مش نادي يلا ادخلي اغسلي وشك

داليا وهي تبتعد عنه وتجري تجاه الباب وتخرج له لسانها : لاء

ثم تركته وهي تضحك وسارت في طريقها الي عملها حتي وصلت الي المستشفي وقبلت رامي عند باب المستشفي

داليا ببتسامتها الرقيقه : صباح الخير

رامي بوجه مشرق : صباح الورد والفل ده انا ماما داعيالي انهاردة

: اشمعني

رامي : علشان اول وش اشوفه ع الصبح كده يبقي وش القمر ده

بخجل : ميرسي

رآهم سيف وهم يدخلون الي المستشفي سويا ولكنة استشاط غضبا واعتقد انهم قادمين سويا وكنت داليا تبتسم برقتها وعفويته مما اغضب سيف اكثر بكثير

دخلت الي المستشفي برفقه رامي ولكنها تركته وذهبت الي غرفه تغيير الملابس وابدلت ملابسها الي ملابس المستشفي وذهبت الي استقبال الدور تنتظر سحر

جاءت سحر لتبدآ في توزيع المتدربين كان سيف يقف بعيد قليلا

سحر : داليا مع دكتور سيف

ولكن جاء رامي ليقطع حديثها : لاء معلش داليا معايا انهاردة علشان محتاجها

سحر : مع دكتور رامي يا داليا وانت يا طارق مع دكتور سيف وانتوا ورايا

داليا وهي تذهب برفقه رامي كان سيف ينظر لهم نظرات غريبه ولكنه كان ساخط علي افعال داليا وساخط ع رامي ولكنه افاق من شرودة ع صوت طارق

طارق : يلا يا دكتور

سيف : يلا

بدأ الجميع في ممارسة عمله وكان الكل منشغل

في اثناء النهار كانت تسير لمتابعه الحالات التي كلفها بها رامي ووجدت سيف امامها

: ازيك يا سيف

سيف وهو ينظر لها بغضب : كويس بعد اذنك

استغربت لما فعله سيف فهي لا تعلم ما سر هذه المعامله الجافه معها وانقلب حالها الي الحزن من تلك المعامله

كانت تحاول ان تسأله ماذا فعلت لكي يعاملها هكذا ولكن لم تسنح لها الفرصه بمقابلته .. في اثناء فترة الراحة اليوميه ذهبت الي كافيتريا المستشفي ووجدت ريم هناك جلست معها ع الطاوله

: ريم هو سيف زعلان مني في حاجة

ريم : مش عارفه ليه

: بيعاملي معامله وحشه اوي ومش عارفه سببها

ريم وهي تضغط علي جبينها وتغلق عيناها بقوة : مش عارفه

ولكن بدأت تغلق عيناها بشده وتضغط علي جبينها بشدة اكثر

داليا بخوف : ايه ياريم في ايه مالك

ريم : لاء ولا حاجة شويه صداع بس

: انتي لازم تكشفي يعني هو باب النجار مخلع تعالي نخلي دكتورة سحر تكشف عليكي وتعملي التحاليل اللازمة

ريم : انتي هولتي الموضوع كده ليه ده حبه صداع مسكن وهيروح

: بس ده بيجيلك كتير اوي وزاد اليومين دول

ريم : بس علشان ضغط الشغل مع البيت وانتي عارفه ان كمان بنجهز فكل ده فوق دماغي ومش بنام كويس

داليا بحزن : ربنا يكرمك يا حبيبتي

ريم : ويكرمك يارب يلا انا هروح اشوف اللي ورايا

: اوك
بدأو في ممارسه عملهم من جديد ولا تستطيع ان تتحدث مع سيف فهو لم يعطها الفرصه للتحدث معه

كانت الايام تمر وكانت معامله سيف لداليا تسوء يوما بعد يوم وذلك لتقرب رامي من داليا بشكل واضح وكان رامي يقوم بتوصيلها كل يوم بعد الانتهاء من ميعاد المستشفي

وفي يوم اجازة داليا كانت تجري ع الكورنيش في الصباح الباكر مرتديه بدله رياضيه وحذاء رياضي وكانت تضع سماعه في اذنيها ولكن استوقفها حديثه

صباح الخير

باستغراب : رامي

رامي : طب الناس تقول الاول صباح النور

: صباح النور بس غريبه

رامي : اني بجري

: لاء مش عارفه

رامي : هههههههههههه عادي طلعت اجري محستش بنفسي غير وانا هنا وشفتك

: صدفه غريبه انا بقالي كتير مطلعتش امشي ع الكورنيش الصبح

رامي : حظي حلو اني اشوفك انهاردة كمان

بضحكة : يعني مزهقتش مني طول الاسبوع

رامي بحب : تفتكري اني ممكن ازهق منك برضه

كان ذاهبا في الاتجاه الاخر عائدا الي منزله بعد شراؤه الفطور وشاهدهم واقفين سويا علي الكورنيش يضحكون وقف قليلا وشعر بالسخط عليها والغضب منها فكيف تتجرأ وان تقف معه هكذا وتضحك له استشاط غضبا وحقدا وعاد الي منزله يتأفف ودخل الي غرفته واغلق بابها خلفه

عادت الي المنزل بعد ان ودعته ودخلت غرفتها وبدلت ملابسها ووقفت في الشرفه تنتظرة ولكنه لم يظهر ظلت منتظراه طويلا حتي رأته نازلا من بيته متجها الي المسجد

ولكنه لم يعيرها اي اهتمام شعرت بالحزن فلماذا هذه المعامله ماذا فعلت لتعاملني تلك المعامله ظلت واقفه شاردة حتي رأته عائد الي المنزل ولكنه لم ينظر لها صعد الي منزله ولم تستطيع روئيته في ذلك اليوم ايضا.....