الوعد 💥الحلقه 15💥
💥 الحلقة ١٥ 💥
💥💥💥💥💥💥💥💥💥💥💥💥💥💥💥💥
حمزة / مبرووك يا ورد ان شاء الله اسعدك وانا بوعدك بدة
ورد /انا عرفة انك مش بتحبنى بس
حمزة /انتى مراتى وانا الى اخدت القرار دة بنفسى وزى ما بيقولو بكامل قواى العقلية يلا نامى شكلك تعبان ولو مش حبة انام هنا ممكن اخرج انام برة النهاردة
ورد /لا خليك
حمزة ابتسم
حمزة /تصبحىى على خير وبيروحو هم الاتنين وبينامو مع بعض على نفس السرير و ورد مكسوفة جدا
حمزة /متخفيش انا مبتقلبش كتر اوى وانا نايم
ورد بتبتسم من كسوفها وبينامو
***********************.
فى الصباح
ورد بتفتح عنيها وبتبص وبتلقى حمزة نايم وحاطط رجلو عليها و بتبتسم لما بتفتكر كلامو انو مبيتقلبش كتير وهو نايم وبتبعدو عنها بهدوء وبتخرج وبتلقى سمر بتنادى
سمر /ماما ماما
ورد /صباح الخير
سمر مغمضة عنيها لسة مصحيتش اوى
سمر /صباح الخير
سمر بتركز وبترجع تانى وبتقف قدم ورد
سمر /انتى اية الى جابك هنا اة اة انتو اتجوزتو والله كنت بحسب انى كنت بحلم
ورد بتضحك
سمر / تعالى احكيلى عملتو اية
ورد بتضرب سمر على رسها
سمر / خلاص اااة ايدك جامدة اوى مشفتيش ماما
ورد /لا هى مش فى اوضتها
سمر / لا مش موجودة فى الشقة
ورد /طب تعالى معايا نحضر الفطار حمزة عندو شغل
سمر /انتى لسة عروسة
ورد /يلا انا عوزة اجهزالفطار بايدى
ورد اخدت سمر من اديها وراحت على المطبخ وبتجهز الفطار لحمزة وباب الشقة بيتفتح وبيخرجو هم الاتنين علشان يشوفو مين وبتكون سعاد ومعاها شنط كتير وتعبانة اوى
سمر / كنتى فين يا ماما قلقتينى عليكى
سعاد /ورد انتى اية الى خرجك من اوضتك انتى عروسة ومتخرجيش من اوضتك
ورد / انا كنت بحضر الفطار لحمزة عندو شغل
سعاد /يلا ودى الحاجات دى لاوضتك ومتخرجيش منها غير لما جوزك يخرج يلا
سمر /اعرف الاول اية الى فى الشنط دى
سعاد /انتى مالك دى شوية حجات لورد لازم تجبها كل عروسة
ورد /بس
سعاد /يلا على اوضتك
سمر بتشيل مع ورد الشنط و ورد دموعها بتنزل وسعاد بتوقفها وبتحضنها
سعاد / صبحية مباركة يا حببتى
ورد / ربنا يخليكى ليا لو ماما عايشة كانت هتعمل الى حضرتك بتعملية دة بالظبط
سعاد /انا دلوقتى امك ولو عوزة اى حاجة اوعى تترددى انك تطلبيها منى ابدا انتى فاهمة يلا قبل ما جوزك يصحى ومتكونيش جمبو
ورد و سمر بيخدو الشنط وبيمشو
سعاد /سمر ارجعيلى على طول ماشى وبلاش تحطى مرخيرك فى كل حاجة
ورد بتضحك
سمر /حاضر
***********************.
ورد بتاخد الشنط من سمر وبتدخل الاوضة و حمزة لسة نايم وبتروح علية ومش عرفة تصحية ازاى
ورد /حمزة
ولسة نايم
ورد / حمزة اصحى
ولسة نايم و لسة هتلمسو حمزة بيفتح عنية براحة وبتتكسف
حمزة /سمر حضريلى القهوة
ورد وقفة مكانها ومش عرفة تعمل اية و حمزة بيبص كويس وبيشوف ورد
حمزة /ورد اسف بحسبك سمر ممكن تقوللها تعملى فنجان قهوة لحد ماخد شور
ورد /انا حضرتلك الفطار
حمزة /فطار لا انا مش متعود افطر كفاية القهوة
حمزة بيقف وبيروح ياخد البرنس وبيروح على الحمام و ورد بتروح تحضرلو البدلة بتعتو و حمزة بيخرج من الحمام بيلقى البدلة بتعتو على السرير وبيبص بيلقى ورد متعلقة فى الدولاب
بتحاول تعلق هدوم فى الشماعة و حمزة بيروح عليها وبيمسك اديها وبيعلقلها الحاجات وهو قريب منها جدا و ورد ومكسوفة و حمزة بيحط ايدو على شعرها وبيفك شعرها
حمزة / كدة احسن
ورد مبتسمة ومكسوفة و حمزة بيروح علشان يلبس و ورد بتدارى وشها وبتكمل الى بتعملو وبتخلص وبيكون حمزة خلص ولسة هيلبس الجاكيت ورد بتروح بتلبسو الجاكيد
حمزة /شكرا
***********************.
بيخرجو و سعاد محضرة فطار على السفرة اول مبتشوف حمزة و ورد خرجين من اوضتهم بتزغرت كتير
حمزة /ماما فى اية الناس نايمة
سعاد /اية خلينى افرح بقي تعالو الفطار جاهز
حمزة بيروح على القهوة وبياخد الفنجان ولسة هيشرب ورد بتخدو منو
ورد /افطر الاول مينفعش تشرب قهوة من غير متفطر
سعاد /تسلميلى يا مرات ابنى
سمر /ايوة كدة جتلك الى هتقدر عليك
حمزة / انا متاخر لازم امشى عندى شغل كتير
ورد /لو سمحت افطر معانا الاول
حمزة بيقاعد على الكرسى من غير تردد والكل بيقاعد
سعاد / انتى ريحة فين يابنتى
ورد /هقاعد جمب سمر
سعاد / دة كان زمان دلوقتى مكانك هنا جمب جوزك
ورد بتقاعد جمب حمزة وبعد شوية
حمزة /انا اتاخرت عوزة حاجة يا ماما
حمزة بيروح يبوس رسها وسعاد بتشورلو على ورد
حمزة / ورد لو احتجتى اى حاجة كلمينى وفى فلوس جوة فى الدولاب ولو احتجتى اكتر دى الفيزة
ورد / لا خلية معاك انا مش محتاجة حاجة
حمزة / سلام عليكو
***********************.
حمزة خارج وبيقابل بسام وهو واقف مستني الاسنسير
حمزة /صباح الخير
بسام مبيردش علية
حمزة /اية شغل العيال دة هتفضل زعلان مننا كدة كتير انت الى يهمك ان ورد تكون مبسوطة وسعيدة
بسام مبيردش علية وبيروح ينزل على السلم
***********************.
حمزة بيروح على شغلو وبيوصل متاخر و هاشم بيرحلو
هاشم / اول مرة من اليوم الى اشتغلت فية هنا تتاخر كدة
حمزة / كان عندى ظروف اكيد مش هتتكرر تانى
حمزة /الاسرة كلهم بخير
حمزة / الحمد لله بس يعنى علشان انا
هاشم /فى اية انت محسسنى انك عامل عملة ههههة
حمزة /ههههة لابس انا اتجوزت والنهاردة اول يوم
هشام /بالسرعة دى الف مبروووك بس خلى عندك علم مفيش اجازات خالص عندنا مشاكل كتير فى الشغل
حمزة /متقلقش يافندم
هاشم /انت لازم تخلصلى موضوع الاسري دة فى اقرب وقت خلى ولدنا يرجعو لاهليهم بالسلامة ودى اوراق البيانات بتاعتهم
حمزة بياخد الورق وبيقراة
حمزة /تسليم الاسري بكرة
هاشم /مقدرتش تاخد اى معلومات من الى عندنا
حمزة / للاسف المعلومات الى خدناها احنا عرفنها ومفيش حاجة جديدة
هاشم /على بركة الله انت تخليك النهاردة مع عروستك علشان متقولش اننا خدناك منها
حمزة /شكرا يا فندم
***********************.
حمزة خلص وبيروح على البيت
حمزة /ماما
سمر بتخرج من اوضتها
سمر /اية دة انت رجعت بدرى النهاردة
حمزة /لما القائد عرف انى اتجوزت ادانى النهاردة اجازة
سعاد /حمدالله سلمتك يا حبيبى
حمزة /امال فين ورد
سعاد /هى راحت تقدم اورقها فى المستشفى وزمنها جاية
حمزة /اوراق اية
سمر / يعنى عوزها تشتغل من غير الشهادة ولا اية
حمزة بان علية الغضب
حمزة /ومين الى قال انها هتشتغل
سعاد /يعنى عوزها تذاكر كل السنين دى وفى الاخر تفضل فى البيت
حمزة اخد الجاكيت بتاعو وخرج
***********************.
ورد قدمت ورقها فى اكتر من مكان وهى فى مستشفى الدكتور الى كان اخدها معاة ايام الحرب فى سيناء شفها
ورد /اهلا يا دكتور على
على /اهلا يا انسة ورد انتى فين كنت بدور عليكى من زمان
ورد / موجودة اهو بس الدراسة
على /انتى هنا بتعملى اية
ورد /بقدم ورقى علشان شغل
على /اعتبرى نفسك اشتغلتى معايا انا مش هسيبك
ورد /بس لو سمحت انا عروسة جديدة وكنت حبة اخد فترة كدة
على /فى اى وقت مكانك موجود
***********************.
ورد ماشية ومبسوطة وجدا ومش مصدقة الى حصل وفى شخص بيمسك درعها و بتبص ورها بيكون طاهر
طاهر / يااة للدرجة دى مكنتيش مبسوطة وانا معاكي
ورد /طاهر سيب ايدى لو سمحت
طاهر /الى يشوفك امبارح ويشوفك النهاردة ميصدقش الى حصل واية السعادة الى خرجة من عيونك دى
ورد /طاهر لو سمحت متخليش صورتك فى نظرى تتغير
طاهر /ههههههة انا مش هخليكى تعيشى مبسوطة ابدا
ورد بدات تتالم من شدة ايد طاهر
ورد /طاهر ايدى سبنى
حمزة بيشوف ورد من بعيد وبيشوف طاهر ماسك اديها ولما بيقرب منهم بيكون طاهر مشى و ورد بتوقف تاكسى بسرعة ولسة هتركب
حمزة /ورد
ورد بتبصلو وبتروح علية
حمزة /كنتى بتعملى اية هنا
ورد /مفيش كنت بقدم ورقى
حمزة /انتى كنتى وقفة مع حد
ورد /لا انا كنت لوحدى مفيش حد
حمزة سكت متكلمش وبدات الغيرة تمشى فى عروقو
حمزة /مش هنتكلم هنا يلا خلينا نمشى
***********************.
راحو على البيت وبيدخل و ورد بتدخل وراة
سعاد / اية يا ولاد اتاخرتو لية الغداء جاهز من بدرى
حمزة /انا شبعان هدخل ارتاح
حمزة بيروح على اوضته
سعاد /اية يا بنتى وقفة لية روحى لجوزك يلا شوفية وبراحة علية
***********************.
ورد بتدخل لحمزة وبيكون بيغير هدومه و ورد بتتكسف وبتدخل تاخد هدوم وبتروح تغير هدومها وبتخرج من الحمام و حمزة قاعد على حرف السرير وسرحان
ورد /حمزة انت كويس
حمزة /انتى اخدتى اذن مين علشان تخرجى من البيت
ورد /انا قولت لماما
حمزة /انتى متجوزة ماما ولا متجوزة مين ومين قالك انى هوافق
ورد /اسفة كان المفروض انى اقولك انت
حمزة بيقف وبيروح يقف قدمها وعينو فى عنيها
حمزة /انتى قبلتى طاهر النهاردة
ورد /انا لا هقبلو لية انا هروح اساعد ماما
حمزة بيمسكها من اديها جامد و ورد بتتالم و حمزة بيشوف علامات فى ايد ورد
حمزة /اية دة
ورد دموعها نزلت و حمزة بيفتكر منظر طاهر وهو كان ماسك اديها
حمزة /هو الى عمل كدة
ورد /انا مش عوزة اديقك والله
حمزة /انتى دلوقتى مراتى ومسؤلة منى انا والزوجة المحترمة متخبيش حاجة عن جوزها مهما حصل
التعليقات على الموضوع