الوعد 💥الحلقه 13💥
💥 الحلقة ١٣ 💥
💥💥💥💥💥💥💥💥💥💥💥💥💥💥💥💥
ورد / لا مش هتبعد عنك يا طنط انا لما اتجوز شقتنا هتكون فضية وممكن يوضبوها ويفضلو فيها
سعاد / انتو حددتو الفرح
بسام / طاهر كلمنى وعاوز يحدد الفرح كمان شهرين بعد الامتحانات بتاعت ورد
ورد بان عليها الحزن اوى
ورد / انا جعانة وريحت الاكل بتعتك يا طنط تحنن
سعاد / تب يلا يابنات نجهز الاكل على السفرة
حمزة عينو على ورد وهى ماشية
بسام /اخبار الجيش اية
حمزة /بدانا نداوى جرحنا
سعاد / حمزة بسام يلا على السفرة
وبيروحو على السفرة
بسام /حمزة تحبو ننزل امتى علشان نشترى الدهب
حمزة /عادى حدد انت و سمر الوقت الى يناسبكو وانا موافق
وبيسهرو مع بعض و ورد بتحاول تتعامل عادى مع حمزة بس من الوقت للتانى مبتقدرش وبتسرق نظرات من حمزة
و بسام بيقاعد هو و سمر بيتكلمو
حمزة /ها هتروحو تجيبو الدبل امتى
بسام / هنروح بكرة
حمزة /الف مبروك هبقي اتصل وابركلكو بكرة
سمر /انت مش هتروح معايا
حمزة /عندى شغل الفترة دى
سمر /وانتى يا ورد
ورد /انا طبعا هروح معاكو انا وطاهر كمان
بسام /الوقت اتاخر تصبحو على خير
***********************.
بعد شهر
ورد خلصت الامتحانات بتاعتها و طاهر عند ورد فى البيت وبيتكلم مع بسام على الفرح
بسام /مبرووك يا ورد
ورد بتروح تحضن بسام ودموعها بتنزل.
بسام /بلاش دموع بقي
ورد /هتيجى كل يوم تطمنى عليك
بسام /طب متريحى دماغك وتخليكى هنا احسن عاوز استريح منك باة
ورد /ابو شكلك
طاهر /اكيد ولو مجاش احنا هنيجى
بسام /يعنى مش هستريح منكو يعنى
والباب بيخبط و بسام بيروح بيفتح وبيكون حمزة وبيدخل
وبيبص لورد وباين عليها انها كانت بتعيط
حمزة /انتى بتعيطي لية فى حاجة
طاهر /دى دموع الفرح احنا خلاص حددنا الفرح
حمزة وقف مكانو ومتكلمش وعيونو على ورد
ورد / هروح اجيب عصير
ورد راحت على المطبخ بسرعة وبتنهار من العياط و قاعدة على الارض بتعيط
بسام /ورد اتاخرت هروح اشفها
حمزة /بسام بعد ازنك اشفها انا علشان عوزها فى موضوع
بسام استغرب وبيبص لطاهر الى بان علية القلق اوى
بسام /اة طبعا اتفضل
***********************.
حمزة دخل المطبخ وبيبص لورد و ورد بتكون على الارض وحطة وشها بين رجليها وبتعيط و حمزة بيقرب منها وبيحط ادية على شعرها بحنية
حمزة /ورد
ورد بتتخض وبتمسح دموعها وبتقف بسرعة
ورد /حمزة فى حاجة
حمزة /مدام انتى مش بتحبية لية يا ورد
ورد /انا مش هقولك تانى انا حرة ولو على الوعد الى وعدتو لسامر الله يرحمو خلاص انا بشيلك من الوعد دة ممكن تبعد عنى مش عوزة اشوفك تانى
حمزة /لية يا ورد لية عاوز اعرف لية انا بس الى بتعملينى المعاملة دى لية كل مقرب تبعدى
ورد / لو سمحت كفاية بقي
حمزة / برضو هتفضلى اختى الصغيرة مهما عملتى علشان سامر انا هستحمل
حمزة خرج ومشى على طول و بسام بينادى علية ومبيردش علية وبيمشى و بسام بيروح لورد و ورد بتخرج بالعصير
بسام /ورد فى اية حمزة مالو
ورد /مفيش انت عارف انا و حمزة بنتخانق كتير وبنتصالح اكتر يلا تعالة اشرب العصير
طاهر /انتى كويسة
ورد /اة مفيش حاجة ياجماعة
طاهر /متاكدة
ورد بتهز رسها بنعم
***********************.
حمزة مع كريمان بيتمشو و حمزة سرحان ومبيتكلمش
كريمان /حبيبى مالك فى اية
حمزة بيتنهد اوى
كريمان /هتخبى عن حببتك
حمزة /ورد
كريمان /ورد ملها
حمزة /مش عارف من كام شهر كدة وهى بتعملنى معاملة وحشة جدا وفى اوقات بتتجاهل وجودى حتى
كريمان / وانت مهتم بيها لية هى حرة
حمزة / اية الى انتى بتقولية دة ورد انا الى مربيها وبعتبرها زى سمر بالظبط وانا وعدت سامر انى هسلمها للانسان الى بتحبو
كريمان /طب خلاص انت عملت الى عليك وخلاص اهى هتتجوز كمان يومين
حمزة /بس هى مبتحبوش
كريمان /وهى بتحب مين بقي
حمزة /وانا اية عرفنى يعنى انا خايف عليها ورد حساسة جدا وخايف تتعب فى حياتها
كريمان /بس انا عرفة
حمزة /عرفة اية
كريمان /انا عرفة ورد بتحب مين
حمزة /متتكلمى يا كريمان على طول
كريمان /بتحبك انت يا حمزة
حمزة بيتصدم و كريمان بتمشى و حمزة بيروح يمسك اديها
حمزة /استنى اية الى انتى بتقولية دة مستحيل
كريمان /انا بنت زيها وبحب وبعرف يعنى اية غيرة ورد لما بتشفنا مع بعض بيبان عليها الغيرة جدا وانا حاسة بيها من زمان اوى
حمزة /حببتى انتى غلطانة ورد بتعتبرنى زي سامر اخوها مش اكتر من كدة
كريمان /بس
حمزة /خلاص بقي
حمزة بيمسك ايد كريمان وبيبسها و حمزة ماشى وبيفكر فى الكلام الى كريمان بتقولو
***********************.
يوم الفرح
حمزة نايم وسعاد بتزغرت و سمر عملة هيصة فى الشقة
وحمزة بيتنرفز وبيزعق
حمزة /فى اية مينفعش انام شوية يعنى
سمر /عندنا فرح النهاردة وحضرتك نايم
حمزة /انتى فكرانا زيكو احنا ساعة و بنخلص
سعاد /خلاص يلا ادخل البس انت كمان علشان نروح نستقبل الناس مع بسام
حمزة بيبص فى الساعة
سمر /انا همشى بسام مستنيني تحت علشان اروح لورد
حمزة /استنى انا جاى معاكو
سمر /هنتاخر
حمزة/ قلت استنى
حمزة دخل ولبس واتاخر جوة
سمر /يعنى مين الى بيتاخر انا ولا انت
وبيخرج حمزة ولبس بدلة سودة وببيونة وطالع وسيم جدا
سمر /واو
سعاد /ربنا يحميكو انتو الاتنين
حمزة /حلوة البدلة دى ولا اغيرها
سمر /تغير اية اتاخرنا على البنت
حمزة و سمر نزلو و بسام مستني تحت
بسام / اية التاخير دة كلو
سمر /اسفة ياحبيبى حمزة هو الى اخرنى
***********************.
وبيركبو وبيروحو على القاعة وبيطلعو و ورد فوق فى اوضة اللبس و سمر بتدخل الاول
سمر /مبروووك ياعروسة
ورد بتروح تحضن سمر اوى ودموعها بتنزل
سمر /ورد فى اية مالك
ورد بتعيط وبيدخل بسام و حمزة و ورد بتبص لحمزة اوى
و حمزة بيبصلها وبيفتكر كلام كريمان و بسام بيجرى عليها
بسام /ورد ورد فيكى اية انتى كويسة قوليلى
ورد /بس انتو اتاخرتو اوى عليا
سمر /حرم عليكي يا ورد خوفتينى انا قولت العريس هرب وسابك هههههة
حمزة /مبرووك يا ورد
ورد /عقبالك انت كمان
حمزة/ ان شاء الله
والبنات بتوع الميكاب وصلو
سمر /يلا انت وهو من غير مطرود
بسام و حمزة خرجو
بسام /هروح اشوف القاعة لو فيها اى حاجة
بسام نزل و حمزة واقف قدم الباب
ورد خايفة ومتوترة جدا
ورد /لو سمحتو سبونى لوحدى شوية
سمر /ورد فى اية
ورد /انا مخنوقة اوى اوى يا سمر مش قادرة
سمر /لو سمحتو ممكن تسبونا لوحدنا خمس دقايق
سمر بتروح لورد وبتخدها من اديها وبيقاعدو و ورد بتعيط اوى
سمر / وقوليلى فى اية طاهر ديقك حصل اية بس
ورد انهارت من العياط واترمت فى حضن سمر و حمزة واقف برة وبيشوف البنات خرجين ومستغرب وبيروح على اوضة ورد
سمر / ورد حببتى اهدى وفهمينى
ورد / خدينى من هنا سمر لو بتحبينى خدينى من هنا
سمر / طاهر ديقك فى اية بس قوليلى
ورد / طاهر انسان محترم جدا وكل بنت بتتمنى واحد زيو بس انا قلبى مش ملكو هو اعمل اية
سمر /امال قلبك لمين يا ورد
ورد بتبص لسمر وبتعيط ودة كلو حمزة واقف على الباب وسامع كل حاجة وخايف من رد ورد
سمر /ورد قولى قلبك ملك لمين
ورد /انا مش عرفة حبيتو من امتى ولا ازاى مش عرفة ومقدرتش اخرجو من قلبى
سمر /هو مين ورد
ورد /حمزة انا اسفة بس والله مش عرفة اعمل اية
ورد انهارت من العياط و حمزة اتصدم ومش عارف يتكلم خالص وبيرجع بضهرو وبيخبط فى حد كان واقف وره وسمع كلام ورد كلو و حمزة بيبص وره
التعليقات على الموضوع